حفلات تخرج الصف السادس !!!

[التيما]

السلام عليكم ورحمة الله وبركاته

من شوي قاعدة اشوف حفل مدرسة سعد بن ابي وقاص النموذجية لتخريج طلاب الصف السادس .. صراحة مادري شسالفة لبس التخرج السخيف اللي ملبسينهم وطالعة موضة عند الكل ؟؟

طالب في قطر ومدرسة قطرية بأسم قائد مسلم عظيم وهاي غيض من فيض يلبسون اليهال ملابس تخرج والكاب ! ليش ! اولا هاللبس معروف لبس الجامعات الغربية .. يعني لو خريجين هالجامعات ولا خريجين قطر فاونديشن يلبسونه بنقول معليه هاي لبسهم للتخرج وتقليدي عندهم وركز على ( تقليدي ) لكن اطفال يلبسون هاللبس واصلا المدرسة مب أجنبية !!!! شولا ؟

يعني ما ينفع يلبس بشت قطري وغترة وعقال !!!!

ولي العهد توجهاته وطنية بحته واصر ان الطلاب يلبسون لبس وطني طول السنة واجي انا اهدم هالشي واغرس في نفوس الطلاب انك عشان تفرح وتستانس وتتخرج لازم تكون لابس هاللبس!! :anger1:

صراحة عورني قلبي على الطلاب :weeping: كانت حركة من الادارة وباقي المدارس اللي سوو هالشي بعد غير موفقة ابدا .. ياريت بما ان هالسنة صارت وخلاص لازم نفكر السنة الجاية شلون نغرس الفرحة فيهم بالتخرج بروح وطنية بحته .. شفت في الجرايد من يوم تخرج طلاب الثانوية العامة في مدرسة عمر بن الخطاب .. و .. الله شنو روعة الطلاب بلبسهم الوطني :nice: شنو يهبلون في هالحفل ! اقول ولا شاقول !! كانت فعلا حركة شكرون عليها .. وانا حضرت حفل عند صديقتي آخر العشاق في الخور الاعدادية بنات وشفت حفل اوبريت تراثي من كلمات الشاعرة انكسار النخيل اعتقد هاي لقبها وكان اوبريت مو طبيعي .. تراثي بحت من لبس و شعر الطالبات و كلمات الاوبريت .. انا انصدمت من هالاوبريت صراحة مو طبيعي :nice: شنو انغرس في نفوس الطالبات ! التراث وحب الوطن بقديمة وجديدة .. هاي المطلوب

اتمنى مانشوف في حفلات طلابنا هالمنظر اللي شفناه العام القادم .. لا اولاد ولا بنات .. في بشوت للاولاد وفي ثياب نشل للبنات او اي لبس تقليدي اخر وتراثنا غني مو محتاجين لبس من برا ..

وبالتوفيق للجميع ومبروك لجميع طلابنا .. :nice:

[روح الاطلس]

البشت والغترة والعقال <<< كووووخه

الاحلى الكاب والبالطو << عشان نصير مودرن :)


انا استغربت ان صف سادس ويدرسونهم حريم !! كل واحد طالع بالتلفزيون اشكر روضه واشكر مس ريم واشكر مدري منو
اخبر قبل لين خامس يدرسونهم حريم بس صف سادس لا << مدري خبري قديم!

[الخفي]

(( لم يتبق من اسماء المدارس الا طيب ذكر اصحابها اما ماتحوي في الداخل فالمار بعينه

لا تعليم ولا تربيه فقط اسماء ولا اني احيانا ااسف على مثل هالاشياء اسماء مدارس

باسم الصحابه ويرتكب بداخلها من المخالفات مالله به عليم ))

[فيزيائية]

يمكن اللي قائمات على الحفل غير قطريات
او مثل ماقال اخونا فوق مودرن
الله اعلم

[التيما]

البشت والغترة والعقال <<< كووووخه

الاحلى الكاب والبالطو << عشان نصير مودرن :)


انا استغربت ان صف سادس ويدرسونهم حريم !! كل واحد طالع بالتلفزيون اشكر روضه واشكر مس ريم واشكر مدري منو
اخبر قبل لين خامس يدرسونهم حريم بس صف سادس لا << مدري خبري قديم!

لا تفتح قدامي باب طلاب الصف السادس بروحي منبطة جبدي وانا اسمعهم يقولون مس وابلة :anger1:

ااه يا عيالنا .. يقولي ولدي يما انتي قلتي لي ما احط عيني بعين وحدة وولدي في الخامس والابلة تقولنا لمن اتكم حط عينك بعيني !! :weeping: قلت له يمك قولها امي علمتني عيب اطالع اللي اكبر مني ! شيعلمون عيالنا ! :weeping:

[التيما]

(( لم يتبق من اسماء المدارس الا طيب ذكر اصحابها اما ماتحوي في الداخل فالمار بعينه

لا تعليم ولا تربيه فقط اسماء ولا اني احيانا ااسف على مثل هالاشياء اسماء مدارس

باسم الصحابه ويرتكب بداخلها من المخالفات مالله به عليم ))

:weeping: :weeping:

[التيما]

يمكن اللي قائمات على الحفل غير قطريات
او مثل ماقال اخونا فوق مودرن
الله اعلم

لا تعليق .. لان المديرةوتوجهاتها اكيد قطرية .. والامهات اللي كانوا يصفقون لعيالهم وبحرارة قطريات :weeping:

[المزن الرياني]

واذا ألبسوا زي التخرج وين المشكله ياالتيما؟

بالاول خلينا نناقش حصيله اللي استفادوه الطلاب من العام الدراسي
وعقب مب مشكله اللبس .. ان شاءالله يلبسونهم زي سبايدر مان

[na7ees]

نسيتتوا اتضيفون. انهم كانوا يغنون

[intesar]

أنا آسفة ومضطرة أقولها
ولا تعتبون علي
بس ما عندكم سالفة.. يعني البسوا اللبس القطري ولا الكاب والبشت
وين المشكلة.. حتى بهذا سويتوها مصيبة

[التيما]

واذا ألبسوا زي التخرج وين المشكله ياالتيما؟

بالاول خلينا نناقش حصيله اللي استفادوه الطلاب من العام الدراسي
وعقب مب مشكله اللبس .. ان شاءالله يلبسونهم زي سبايدر مان

اخوي المزن اذا المحصلة صفر نكملها بالهوية الوطنية !! :weeping:

[التيما]

نسيتتوا اتضيفون. انهم كانوا يغنون

ونسينا انهم يغنون .. :weeping:

[قلبي الطيب]

أنا آسفة ومضطرة أقولها
ولا تعتبون علي
بس ما عندكم سالفة.. يعني البسوا اللبس القطري ولا الكاب والبشت
وين المشكلة.. حتى بهذا سويتوها مصيبة

تسلم البطن اللي يابتج
فعلا الموضوع عااادي واللبس هذا في كل العالم والأمهات راضين

[التيما]

أنا آسفة ومضطرة أقولها
ولا تعتبون علي
بس ما عندكم سالفة.. يعني البسوا اللبس القطري ولا الكاب والبشت
وين المشكلة.. حتى بهذا سويتوها مصيبة

وليش تعتذرين اختي ! من حقج تقولين اللي تبين .. بس اسمحي لي اي نسويها سالفة لاني عارفة تاثير هالشي عليهم :weeping: مصيبة لمن ازرع بعقل الطفل ان التخرج وفرحة التخرج لازم بهاللبس .. هاي اولا .. وثانيا : شنو الهدف من هاللبس !!! انتي جاوبيني !

لمن البس اطفال لبس ماله هدف الا تقليد بحت للغرب معليش هني لازم وقفة .. لمن مدرسة تلبس عيال بهالطريقة رياييل يا ناس والله رياييل شتعلمهم ! انتي عطيني الفايدة من هالشي !

انتي قطرية وانا قطرية والمدرسة قطرية والطلاب منهج قطري البسهم هاللبس شولا ! لا هي مدرسة خاصة ولا منهج بريطاني ولا امريكي ليش !!!

انا ما انقد لمجرد النقد .. انا اتكلم بعقلية قطرية وطنية ليس الا ..

[التيما]

تسلم البطن اللي يابتج
فعلا الموضوع عااادي واللبس هذا في كل العالم والأمهات راضين

للاسف هالكلام وان كل شي عادي هو اللي خلانا الحين نشوف عيالنا لا يفخرون الا باللبس الغربي .. واكثر كلامهم انجليزي .. ولا يسمعون الا غربي .. ماعاد في هوية قطرية عندهم .. مابقي الا قليل .. ومع احترامي للمعارضين ماترونه تافه انا كتربوية اشوفه خطير جدا .. ولا شاللي يخلي ولي العهد يفرض الزي الوطني عالمدارس !! الا لبس ! عادي .. ليش اجبروا المدارس خاصة الاولاد بالذات !!!!!!!!

[UniCorn-80]

طول السنة يلبسون قطري
مافيها شي لو يوم واحد لبسو مودرن على قولتكم

انا اشوف لو تركزون وتشوفون حل حق مستوى التعليم الهابط اللي ماخلانا نفرح لا في تخرج ولا نجاح افضل .

[ابو علاوي]

صف سادس = 12 سنة صح؟؟؟

لهم حفلة تخرج بعد؟؟؟:omg::omg:

[انصار جليري]

كنت مدعوة لحفل تخريج الصف السادس وكان من ضمن فقرات الحفل ليلة الحنا



وكانت الاغاني ردح عراقي


والمدرسات والطالبات تموا يرقصون والامهات يشجعون


انا وبنتي اللي بسادس :eek5:


احنا من زمان مارحنا عرس وبصراحة كان عرس مو حفلة تخرج



الظاهر احنا اللي غلط



بنتي تقول ماما كيف الابلة تقول الاغاني حرام وترقص بهالطريقة (رقص عراقي )


عاد انا خذت بنتي وقلت لها ماادري والله شسالفة بس الاجواء ماكانت تربويه كلشششششش



انا عدي بالحفلات المدرسية من 6 سنوات لما كنت اشتغل بمدرسة حكومية اما الحفلة اللي حضرناها شي ثاني الله خير




وعاشووووووووووووووووووو

[al-obaidly]

البرستيج اهم شي وي فضيحه

[mannoo66]

لبس التخريج بالطو وكاب حتى في الروضه يستخدمونه ليش هالانتقاد ؟؟؟؟؟؟
اهم شئ تخرجوا وفيه شئ معلومات دخلت عقولهم ولا شغب ولعب طول السنه وبعدين حفل تخريج عشان الاعلام؟؟؟؟

[دولة قطر.]

الله المستعان
ابشركم ولد اخوي تم تخريجة بقاعة تقام فيها حفلات الاعرس فقط

[رفيق الغيم]

فيه احد عنده اربط الحفل اشوفه لانى ما شاهدته

[رفيق الغيم]

(( لم يتبق من اسماء المدارس الا طيب ذكر اصحابها اما ماتحوي في الداخل فالمار بعينه

لا تعليم ولا تربيه فقط اسماء ولا اني احيانا ااسف على مثل هالاشياء اسماء مدارس

باسم الصحابه ويرتكب بداخلها من المخالفات مالله به عليم ))

اخوى كلمه حق تنقال مدرسه سعد بن ابى وقاص من افضل المدارس المستقله متميزه فى كل شى حتى مستوى الطلاب ممتاز وهذ يدل على كفأئة المديره الله يحفظها لانها المديرات المتميزات فى لاداره اما بالنسبه للحفل عادى ترى الطلاب مرتدين الزى الخليجى تحت لباس التخرج .

[bohilal191]

على ايامنا النموذجية لين الصف الرابع وعقب خلاص بس الظاهر كل سنة بيزيدون صف ولا تستبعدون مدارس البنين الاعدادية يدرسونهم حريم

[طموح معيدة]

الصراحـة أشـوف الموضـوع عـادي جـدا وبالعكـس عجبتنـي الفكـرة مميزة بهالمرحـلة

يعنـي الا يـوم واحـد للأحتـفال ونهايـة السنـة ماظنتـي بيلبـسون هاللبـس كل يـوم !

[تاجر كشخة]

الرجاء عدم تدخل الاجانب في هالموضوع لانهم ما يعرفون البس الوطني ولا يعرفون البشت ومن

هالشكل يستسخفون موضوعج يا اختي التيما اما عن حفل التخريج والبلاوي الي تصير كلها من

صاحبات الترخيص الي عطوهم الخيط والمخيط وكل وحده طالعه لنا بشغله

السؤال يطرح نفسه هل ملزوم ولدي مثلا انه يحضر مثل هالتفاهات دام انه خلاص خلص المدرسة

وحصل على النتيجه

[التيما]

صف سادس = 12 سنة صح؟؟؟

لهم حفلة تخرج بعد؟؟؟:omg::omg:

ههههههه وتدريبات تخرج وحفل .. خلني ساكته


طول السنة يلبسون قطري
مافيها شي لو يوم واحد لبسو مودرن على قولتكم

انا اشوف لو تركزون وتشوفون حل حق مستوى التعليم الهابط اللي ماخلانا نفرح لا في تخرج ولا نجاح افضل .

لا معليش انا كتربوية اعرف انه يسوى كثير .. روح اسال الطلاب بعد كم سنة عن الحفل !! شوف شبيقولون !!!

[التيما]

كنت مدعوة لحفل تخريج الصف السادس وكان من ضمن فقرات الحفل ليلة الحنا



وكانت الاغاني ردح عراقي


والمدرسات والطالبات تموا يرقصون والامهات يشجعون


انا وبنتي اللي بسادس :eek5:


احنا من زمان مارحنا عرس وبصراحة كان عرس مو حفلة تخرج



الظاهر احنا اللي غلط



بنتي تقول ماما كيف الابلة تقول الاغاني حرام وترقص بهالطريقة (رقص عراقي )


عاد انا خذت بنتي وقلت لها ماادري والله شسالفة بس الاجواء ماكانت تربويه كلشششششش



انا عدي بالحفلات المدرسية من 6 سنوات لما كنت اشتغل بمدرسة حكومية اما الحفلة اللي حضرناها شي ثاني الله خير




وعاشووووووووووووووووووو


ازيدج مدرسة تقولي في مدرستها كان لبس التخرج قصير للطالبات :weeping: ياناس لحد يقولي يوم ويعدي :weeping:

[intesar]

وليش تعتذرين اختي ! من حقج تقولين اللي تبين .. بس اسمحي لي اي نسويها سالفة لاني عارفة تاثير هالشي عليهم :weeping: مصيبة لمن ازرع بعقل الطفل ان التخرج وفرحة التخرج لازم بهاللبس .. هاي اولا .. وثانيا : شنو الهدف من هاللبس !!! انتي جاوبيني !

لمن البس اطفال لبس ماله هدف الا تقليد بحت للغرب معليش هني لازم وقفة .. لمن مدرسة تلبس عيال بهالطريقة رياييل يا ناس والله رياييل شتعلمهم ! انتي عطيني الفايدة من هالشي !

انتي قطرية وانا قطرية والمدرسة قطرية والطلاب منهج قطري البسهم هاللبس شولا ! لا هي مدرسة خاصة ولا منهج بريطاني ولا امريكي ليش !!!

انا ما انقد لمجرد النقد .. انا اتكلم بعقلية قطرية وطنية
ليس الا ..


اختي التيما..
اذا على تقليد الغرب.. اغلب اللي حاصل تقليد الغرب.. بداية بالملابس اللي تلبسينة .. عيل تخلصي من ملابسج لانه تقليد.. لا تروحين المولات لأن المحلات كلها من الغرب وهذي المولات جايتنا من الغرب.. السيارات.. وغيره وغيره.. فيه اشياء نقول عنها تقليد من الغرب لازم مانسويه.. مثل اللي تضر بدينا.. اعياد الميلاد.. الاعياد الغربية مثل عيد الحب وهالووين وكريسمس.. هاي اللي لازم نركز عليه.. البسوا بشت وكاب ما شوفه كبيرة..
اللبس ما يعيب الانسان لكن القيم اذا تغيرت هي اللي مصيبة.. المهم انج تحافظين على الباطن.. مو الظاهر.. لأن هذا مو خروج عن العادات والتقاليد..

ودمتي بخير

[intesar]

الرجاء عدم تدخل الاجانب في هالموضوع لانهم ما يعرفون البس الوطني ولا يعرفون البشت ومن

هالشكل يستسخفون موضوعج يا اختي التيما اما عن حفل التخريج والبلاوي الي تصير كلها من

صاحبات الترخيص الي عطوهم الخيط والمخيط وكل وحده طالعه لنا بشغله

السؤال يطرح نفسه هل ملزوم ولدي مثلا انه يحضر مثل هالتفاهات دام انه خلاص خلص المدرسة

وحصل على النتيجه


أقول مو كل واحد خالف رايكم قلتوا عنه مو قطري..
هذا الجهل بعينه

وولدك لا يحضر الحفل اذا انت شايفه عيب

[تاجر كشخة]

أقول مو كل واحد خالف رايكم قلتوا عنه مو قطري..
هذا الجهل بعينه

وولدك لا يحضر الحفل اذا انت شايفه عيب

بل بل شوي شوي علي

[intesar]

بل بل شوي شوي علي

وأنا صاجة..

[التيما]

اختي التيما..
اذا على تقليد الغرب.. اغلب اللي حاصل تقليد الغرب.. بداية بالملابس اللي تلبسينة .. عيل تخلصي من ملابسج لانه تقليد.. لا تروحين المولات لأن المحلات كلها من الغرب وهذي المولات جايتنا من الغرب.. السيارات.. وغيره وغيره.. فيه اشياء نقول عنها تقليد من الغرب لازم مانسويه.. مثل اللي تضر بدينا.. اعياد الميلاد.. الاعياد الغربية مثل عيد الحب وهالووين وكريسمس.. هاي اللي لازم نركز عليه.. البسوا بشت وكاب ما شوفه كبيرة..
اللبس ما يعيب الانسان لكن القيم اذا تغيرت هي اللي مصيبة.. المهم انج تحافظين على الباطن.. مو الظاهر.. لأن هذا مو خروج عن العادات والتقاليد..

ودمتي بخير

اختي موضوع الملابس لو صحيح عادي ليش ولي العهد اجبر المدارس بلبس الثوب القطري ! جاوبيني !! اللبس عادي ومب مؤشر على قولتج !!! هل تعتقدين ان هالشي عادي !!
المشكلة ارجع واكرر انا تربوية واعرف اقدر حجم الخطر .. بسالج سؤال ثاني .. اسألي طالب في السادس ايش اكثر شي يذكره من الحفل ! بيعبر لج هالكاب واللبس هو احلى شي ..
شلون تحافظين عالداخل اذا كان الظاهر مختلف !
شوفوا اليابانيين شلون يعتزون بلبسهم التقليدي خاصة في المناسبات والمحافل ورياض الاطفال في حفلاتهم !!!
اسمحيلي اختي .. احترم رايج ولا غبار عليه .. لكني اتكلم من منظور تربوي ووطني بحت ..

[جام جح]

بصراحــــــــــــة

مــــاعنـــــــدج ســـــالفـــــة :rolleyes:

[التيما]

بصراحة
ماعندج سالفة

وانت كذلك :nice:

[ALRAYYAN]

صح لسانج اختي التيما على هالموضوع .. ومايعي خطورة هالشي على
عيالنا الا اللي عنده عقل يعرف يفكر فيه

وللأسف مدارسنا أهملت التعليم وتفرغت للنشاطات والاحتفالات على الفاضي والمليان

قواج الله

[ALRAYYAN]

اختي التيما..
اذا على تقليد الغرب.. اغلب اللي حاصل تقليد الغرب.. بداية بالملابس اللي تلبسينة .. عيل تخلصي من ملابسج لانه تقليد.. لا تروحين المولات لأن المحلات كلها من الغرب
وهذي المولات جايتنا من الغرب.. السيارات.. وغيره
وغيره.. فيه اشياء نقول عنها تقليد من الغرب لازم مانسويه.. مثل اللي تضر بدينا.. اعياد الميلاد.. الاعياد الغربية مثل عيد الحب وهالووين وكريسمس.. هاي اللي لازم نركز عليه..
البسوا بشت وكاب ما شوفه كبيرة..
اللبس ما يعيب الانسان لكن القيم اذا تغيرت هي اللي مصيبة.. المهم انج تحافظين على الباطن.. مو الظاهر.. لأن هذا مو خروج عن العادات والتقاليد..

ودمتي بخير

انا ادري انج قطريه .. لكن مب كل قطري قطري طال عمرج

اما ردج اللي انا مقتبسه بيرتفع ضغطي لو رديت عليه
وانا بالنسبة لي ضغطي اهم من اي شي

ويعطيها العافيه اختنا التيما انها استحملت ردودج وطريقتج في النقاش

[بولينجر]

معاج حق في كل اللي قلتيه اختي التيما :(

[عين قطر]

أنا آسفة ومضطرة أقولها
ولا تعتبون علي
بس ما عندكم سالفة.. يعني البسوا اللبس القطري ولا الكاب والبشت
وين المشكلة.. حتى بهذا سويتوها مصيبة

هذي بروحها اكبر مصيبه اختي انتصار

[مشتاقة لقطر]

سادس وايد كبار على تعليم النموذجي

[ام السعف]

معاج حق في كل اللي قلتيه اختي التيما :(

اتفق معاك وعندها حق ،،

اشفيها لو الطالب لبس ذاك البشت والغترة والعقال ؟
وليش يلبسون ملابس تخريج الأجانب ؟
فلو مافيها شي ليش ما يغيرون اسم المدرسة الى مدرسة تشالرز ؟
ويلبسون ملابس التخريج الأجنبية ؟

ومن ناحية أخرى :

على الله ما انشوف الوزار والفانيلة للتعبير عن التمسك في التراث
في اي حفل تخريج ، مشكلة اصحاب التقليعات :telephone: