محتاج مدربين لصيد الاسماك لعدد 100 طالب

[فريج النجادة]

بسم الله الرحمن الرحيم

أخواني الكرام منتدى الاسهم القطرية

السلام عليكم ورحمة الله وبركاتة

الموضوع

محتاج مدربين لصيد الاسماك لعدد 100 طالب

يرجى من اخواني المدربين الكرام احتساب الاتي

1- عندي 100 طالب للتدريب على صيد الاسماك

2 - الوقت المخصص هو من 8 - الى 11 صباحآ

3- تقديم عرض نظري للطلاب قبل رحلة الصيد

4 - ما هي انواع الصيد المقترحة والمناسبة للشباب

5- اعمار الطلاب من 14 - 17 سنة
6- التاريخ المناسب هو من 10 -7 الى 21 - 7

كما ارجو من اخواني الكرام تقديم النصيحة المناسبة للبرنامج

تسعدني مداخلاتكم وتوجيهاتكم

[التيما]

اسفه عالمداخلة انا ودي ولدي بعد يتعلم الصيد يحن علي وايد وعمره ١١ سنه ماتقدر تحط العدد ١٠١ !

[فريج النجادة]

اسفه عالمداخلة انا ودي ولدي بعد يتعلم الصيد يحن علي وايد وعمره ١١ سنه ماتقدر تحط العدد ١٠١ !

الموضوع قيد الدراسة

اذا كانت التكلفة معقولة

سوف أخبركم عن الجهة المنظمة

[بوخالد88]

بالتوووفيق خووش فكرة

[Qtr95]

ممكن اسجل , عمري 16 ..
واقدر اقدم عرض تقديمي عن الأساسيات مثل (الخيوط-السنانير وكيفية استخدامها بشكل امن- وكيف نركب الميدار والبلد )
عندي خبرة لكني مب مدرب متخصص .... اقدر اقدم شرح عن خبرتي ..
ولكن هذا ما يغني عن المدرب..
واذا تبيني اقدم لك العرض كطالب , وليس كمدرب ..
وشكرا ..
وبالتوفيق

[Chambray]

مدرب صيد اسماك مافي
صيد الاسماك بالخبره

انت محتاج حداقه لهم الاستعداد لتعليم اساسيات الصيد فقط لا غير

[باراكودا]

وعليكم السلام ورحمة الله وبركاته
أنا لدى استعداد ولكن بشروط الدوام بعد الظهر والنظري في قاعة مكيفة
والعملي في الويك اند فقط .

[مرحوم قطر]

افا عليكم

عيالنا يستاهلون نعلمهم و لازم نعلمهم

شوفو متى تبون و برتب لكم رحله

و قبلها حياكم المجلس بعطيهم دروس نظريه

مجلسنا كبير يشيل عدد كبير من الشباب

و الخيوط و الشاهي و القهوه و الغزول و غيره علي انا

وانا و الشباب ما بنقصر


اخواني الصغار 3 11 و 12 و 13 سنه

كلهم ما شاء الله صارو بحاره


و عندي شرط واحد الدوره تكون مجانيه للطلاب

[بن رومي]

هذي الساعة لمباركة

اعيال قطر اعيالنا

بس لازم انشوف النشرة الجوية والمايه

وعلى هالاساس تحدد وقت الصيد

صيد بالخيط ::: وهو عدت انواع (( بالطعم ( الييم ) :: بالشب ::: لفاح بالدرية ))
صيد بالشبك (( شروخ او ادقة )) وهيه عدت انواع
صيد بالغطس الحر او السلندر :: (( بمسدس بحر (( فرد بحر )) او بالحربه هههههه (( نيزه ))
صيد الليل ::: بالرمح (( نيزه ))

هاي انواع المشهوره

وفي طرق كثيره غيرها

و وجهت نظري ١٠٠ طالب وايد لازم ينقسمون اقل شي الى ٤ مجموعات

لان الصيد يبغيله (( هدوء نسبي و تركيز ))


واسال الله التوفيق


بن رومي

[mannoo66]

الله يعينكم على مسؤولية هالطلاب...والله يجعله بميزان حسناتكم 100 طالب بالبحر؟؟ مجهود كبير والموضوع يحتاج رقابه الله يحفظ الجميع.

[Qtr95]

كنت قاعد افكر ,,
100 طالب عدد حلو وجميل , بس اكيد مب معلمينهم مره وحده ,,
المشروع واايد حلو وبالتوفيق , واتمنى اني اكون متواجد وياكم :)

[com]

لاحد يباعد السيفه بس

[عندليب قطر]

انا انصحك تروح محل فسوق واقف اسمه قطر للغوص بتحصل واحد اسمه خالد الحمادي راعي المحل
شاب صغير فالعمر وعنده خبره كبيره فهالمجال ومثل في فلم سينمائي مااذكر اسمه بالضبط
وعنده موقع الكتروني اسمه state of qatar وافلام كثيره فاليوتيوب
حاول تتواصل معاه وماراح تندم
بالتوفيق ان شاء الله

[بن رومي]

انا انصحك تروح محل فسوق واقف اسمه قطر للغوص بتحصل واحد اسمه خالد الحمادي راعي المحل
شاب صغير فالعمر وعنده خبره كبيره فهالمجال ومثل في فلم سينمائي مااذكر اسمه بالضبط
وعنده موقع الكتروني اسمه state of qatar وافلام كثيره فاليوتيوب
حاول تتواصل معاه وماراح تندم
بالتوفيق ان شاء الله

صادق يالشيخ وفوق هاي هو مدرب للغطس الحر

بس هو مختص بالغطس

(( وهل الطلاب كلهم يعرفون يغطسون فضلاً عن السباحة ))

وفوق كل هذا لابد من وجود عدة للغطس

بن رومي

[GAS]

اعرف عدد من الشباب القطريين

هذا تخصصهم وتجمع عدد منهم في فيلم اليوم الوطني / ابناء البحر

ارشح لك كل من

الاخ / خالد الحمادي

الاخ / عبدالطيف النعيمي

الاخ / مبارك الهاجري

الاخ / حمد الهاجري

الاخ / خليفة البنعلي

الجميع فيهم الخير والبركة وجميعهم حاصلين على شهادات عالمية في هذا المجال

تحياتي لك / اخوك gas

[مشتاقة لقطر]

ماشالله فكرة مميزة

[فريج النجادة]

اعرف عدد من الشباب القطريين

هذا تخصصهم وتجمع عدد منهم في فيلم اليوم الوطني / ابناء البحر

ارشح لك كل من

الاخ / خالد الحمادي

الاخ / عبدالطيف النعيمي

الاخ / مبارك الهاجري

الاخ / حمد الهاجري

الاخ / خليفة البنعلي

الجميع فيهم الخير والبركة وجميعهم حاصلين على شهادات عالمية في هذا المجال

تحياتي لك / اخوك gas

كيف ممكن نتواصل معاهم

[فريج النجادة]

ممكن اسجل , عمري 16 ..
واقدر اقدم عرض تقديمي عن الأساسيات مثل (الخيوط-السنانير وكيفية استخدامها بشكل امن- وكيف نركب الميدار والبلد )
عندي خبرة لكني مب مدرب متخصص .... اقدر اقدم شرح عن خبرتي ..
ولكن هذا ما يغني عن المدرب..
واذا تبيني اقدم لك العرض كطالب , وليس كمدرب ..
وشكرا ..
وبالتوفيق

شيك على الخاص بعث لك جوالي وشكرا

[hamoor4ever]

لازم اتحط في بالك اخوي بعد تعلمهم انواع الاسماك الموجوده عندنا ومخاطرهم ، وكيفيه حفاظهم على البيئه واماكن الصيد المناسبه والاماكن الغير مسموح فيها الصيد ، ادوات الصيد ماعندي فكره بس اعتقد السناره والخيط وعندك الشباك بأنواعها وشنو افضلها وطريقه استعمالها والقراقير واستخدامهم ونوع اليم المفضل للاسماك وطريقه تركيب الميدار والبلد بالطريقه السليمه وغيره وغيره

[BoYousuf]

كيف ممكن نتواصل معاهم

اخوي الاسامي الي انڈكرت اسامي مدربين غطس سكوبا ( سلندرات) وغطس حر وبعضهم ماعرفهم

عبداللطيف النعيمي, مدرب غطس سكوبا محله بفندق الماريوت صوب الفرضه الي بالخلف.
خالد الحمادي, افضل مدرب غطس حر في قطر ومحله في سوق واقف والصراحه انسان غني عن التعريف ماشالله عليه,, كل فنون الغطس يتقنها.

الاسماء الباقيه ماعرفهم الصراحه,, اعتقد اخوي انت ادور ناس ايعلمون الصيد ومب الغطس,, بس بعد ممكن ايفيدونك الاسامي الي عطاك اياهم الاخ لنهم لهم خبره طويله في مجال المحلات والعمل في البحر.
هاي موقع عبداللطيف النعيمي: http://www.qatardivers.com/
كنت باكتب موقع ثاني بعد وهو بحر الدوحه بس من دخلت عليه شفت موضوعك موجود بالعام,, وان شالله ايفيدونك اكثر بخبرتهم.

بالتوفيق اخوي

[الجني]

أخي الكريم

أنت بحاجة الى وضع منهج كامل و ليس صيد أسماك فقط

أنت لديك 12 يوم للدورة

من 10/7 الى 21/7

10/7 يصادف يوم ألأحد

بمعنى لديك 10 أيام فقط اذا لم نحتسب يومي الجمعة و السبت


يوم (1) تعارف و أنواع السمك بالصور و معرفة كم يعرف الأولاد عن البحر و السمك
يوم(2) رحلة الى جبرة السمك و رؤية السمك و أنواعها
يوم(3) حسابات البحر و المد و الجزر و الطوالع
يوم(4) حسابات البوصلة و طريقة إستخدامها و مدى أهميتها في البحر
يوم(5) حسابات الـ جي بي إس
يوم(6) طرق الصيد التقليدية و الحديثة
يوم(7) طريقة إستخدام خيوط الصيد و تجهيزها
يوم(8) ززز
يوم(9) زززز
يوم(10) رحلة صيد

الوقت ضيق جداً أخي الكريم
يوم 14/7 يصادف 13 شعبان قد يكون أفضل يوم للرحلة البحرية للصيد وقت الغروب
و يكون القمر في كبد السماء لأن الجو جداً حار في النهار

100 طالب عدد كبير للوقت المطلوب

و رحلة الصيد بقارب تحتاج إلى إحتياطات سلامة عالية جداً

من الأفضل على السيف و أماكن الصيد على السيف محدودة جداً جداً



و الله أعلم

[فريج النجادة]

أخي الكريم

أنت بحاجة الى وضع منهج كامل و ليس صيد أسماك فقط

أنت لديك 12 يوم للدورة

من 10/7 الى 21/7

10/7 يصادف يوم ألأحد

بمعنى لديك 10 أيام فقط اذا لم نحتسب يومي الجمعة و السبت


يوم (1) تعارف و أنواع السمك بالصور و معرفة كم يعرف الأولاد عن البحر و السمك
يوم(2) رحلة الى جبرة السمك و رؤية السمك و أنواعها
يوم(3) حسابات البحر و المد و الجزر و الطوالع
يوم(4) حسابات البوصلة و طريقة إستخدامها و مدى أهميتها في البحر
يوم(5) حسابات الـ جي بي إس
يوم(6) طرق الصيد التقليدية و الحديثة
يوم(7) طريقة إستخدام خيوط الصيد و تجهيزها
يوم(8) ززز
يوم(9) زززز
يوم(10) رحلة صيد

الوقت ضيق جداً أخي الكريم
يوم 14/7 يصادف 13 شعبان قد يكون أفضل يوم للرحلة البحرية للصيد وقت الغروب
و يكون القمر في كبد السماء لأن الجو جداً حار في النهار

100 طالب عدد كبير للوقت المطلوب

و رحلة الصيد بقارب تحتاج إلى إحتياطات سلامة عالية جداً

من الأفضل على السيف و أماكن الصيد على السيف محدودة جداً جداً



و الله أعلم

مشاركة مميزة بارك الله فيك