افتتاح اطول جسر(فوق الماء)في العالم بطول 36 كم!!!

[شبعان]

والله هالصينيين يستحقون كل الاحترام والتقدير..
طول الجسر حوالي 36 كيلو متر والتكلفه 2.3 مليار دولار بس (8.5 مليار ريال).. والتفيذ 4 سنوات بس!!
هالجسر لو عندنا جان كلف اضعاف هالملبغ والتنفيذ عشر تعش سنه!!
المصدر:

http://news.yahoo.com/photos/china-s-jiaozhou-bay-bridge-1309439624-slideshow/photo-taken-wednesday-june-29-2011-released-chinas-photo-110906426.html

[الخفي]

(( لو عندنا كان بيتنفذ ب ٢٠ مليار على ١٦ سنه وبيطلع عقب فيه عيوب وتسربات

وسيعاد تشييده ب نصف المبلغ وبمده مضاعفه هذا لو فكرو مجرد تفكير ولا جسر مائي

مستحيل جسور اسمنتيه. ممعدوده على الاصابع ))

[halcrow]

مواد الإنشاءات متوفره وارخص والمعدات والأجهزة صناعه محليه وموجوده غير مستورده والحياه المعيشيه اقل. فتوقع أكيد الاقل في التنفيذ

[Dana’1]

مشاءلله حلو
وان شاءلله عقبال بينا وبين الامارات

[مايبخ]

الصراحة امكانيات عندهم

[intesar]

قصدك امكانيات بشرية عندهم
حنا كل اللي يبي يسوي شي لازم ياخذ له لهفة بالطريق

[OREO]

ما اشوف في فرق بينه و بين جسر راس بوعبود ،،،

اللهم هذا الجسر اطول بشي بسيط ،،،

يعطيك العافيه اخوي شبعان ،،

[Bin Hood]

(( لو عندنا كان بيتنفذ ب 20 مليار على 16 سنه وبيطلع عقب فيه عيوب وتسربات

وسيعاد تشييده ب نصف المبلغ وبمده مضاعفه هذا لو فكرو مجرد تفكير ولا جسر مائي

مستحيل جسور اسمنتيه. ممعدوده على الاصابع ))

اصبت كبد الحقيقة

وللأسف هذا هذا ما يحدث في دولنا العربية

[ابن البيطار]

اكيد ماراح يكلف . معدات صناعتهم والعمال من عندهم والشركات شركاتهم , عكس عندنا العماله من الخارج والمعدات من الخارج والشركات عالميه فطبيعي يكلف اضعاف الي عندهم .

[رجل مثالي]

أن شاءلله عقبال بينا وبين الامارات بس ممكن يكون تكاليف بناءه عندنا

حوالي 20 مليار وعلى 20 سنة وغير التأخر في البناء ونوعية البناء

والتأخير في التسليم والمعوقات الكثيرة المعروفة عندنا هههههه

[الهاجري 2]

ههههه اللحين ربعنا بيقولون ليش 36 كم يعني اطول منا فلازم نسوي الجسر بيننا وبين الامارات بس على شكل ملتوي عشان يكون اطول منهم

لا واخر شي حنا ماكلينها كذا ولا كذا خخخخخخخخخ

[hasss1969]

الحقيقة شعوب شرق واقصى اسيا شعوب نشيطة جدا تعمل بهدوء وتنجز...بالامس فقط سمعت ان الصين انتهت من مد انبوب لنقل الغاز من شرق البلاد لغربها...لكن تعرفوا كم طوله؟؟
8 الاف كيلو متر....يعني بطريقة اكثر تبسيطا المسافة من قطر لمصر مضروبة في 3
والتكلفة 22 مليار دولار....!!!

[خزامئ]

سلمنا ان كل المواد ارخص عندهم
والايدي العامله
الجوده ويش الحل فيها
وين انحصلها اذا تنباع شرينا
وكن المسئله كلها سرق في سرق
لاحول ولاقوه الابالله

[م. عبدالعزيز]

بصراحه جسر 36 كيلو بهالتكلفه ،، شي مب طبيعي،،
اقترح على حكومتنا الرشيده الاستعانه بهذه الخبرات الصينيه لانشاء جسر يربط مدينه الدوحه بمدينه دبي،، علشان نفتك من مركز سلوى

[تحداني]

المقارنه غير العادله ابدا
يمكن عندنا الماديات ويعتبر هذا جزء بسيط من اجزاء تنفيذ مشروع ضخم مثل هذا
لكن ينقصنا ما هو اهم من المال الا وهو ايدي عامله وطنيه
وفكر وطني
ومتابعه وطنيه ... عشان يكون هناك اخلاص في العطاء
وحرص شديد على كل متر يوصلنا لنهايه الجسر


جملكم الله برضاه

[CH Engineer]

انا مستغرب من بعض الردود الي تختلق الاعذار للمبالغ الفلكيه الي عندنا بحجة الايدي العامله والهنود عندنا تارسين الدوحه بارخص الاسعار وباقل الحقوق فأي لحظه لو تكلم تطرده
بغض النظر عن هذا وذاك نقدر نتواصل مع نفس الشركات الي قامت بهالمشروع ونزيد مبلغ 500 مليون ريال او مليار ريال وراح نحصل على نفس النتايج بنفس الفتره وماعتقد اي شركه راح ترفض
واحنا مب على كوكب والصين على كوكب آخر بالعكس المسافه من شرق الصين الى غرب الصين هي ضعف المسافه بين قطر والصين
واعتقد هذا مشروع حكومي يعني ماراح يكون في جمارك وضرائب ومضايقات من الدوله على الشركات الصينية

اعتقد السبب الحقيقي واضح للكل محد راح يخلي مشروع مثل هذا يمر بدون مايستفيد منه :nice:

[CH Engineer]

الحقيقة شعوب شرق واقصى اسيا شعوب نشيطة جدا تعمل بهدوء وتنجز...بالامس فقط سمعت ان الصين انتهت من مد انبوب لنقل الغاز من شرق البلاد لغربها...لكن تعرفوا كم طوله؟؟
8 الاف كيلو متر....يعني بطريقة اكثر تبسيطا المسافة من قطر لمصر مضروبة في 3
والتكلفة 22 مليار دولار....!!!

:eek5: :eek5:
بغض النظر عن المسافه الصين ارض مب مستويه شوف الجبال والهضاب والمدن الي مر عليها المشروع
وفوق هذا تخيل قوة المضخات والطاقة الي انشئت مع هالمشروع لضخ الغاز لمسافة 8 الاف كيلو متر :secret:

فعلا دولة تستحق الاحترام :victory:

[تحداني]

انا مستغرب من بعض الردود الي تختلق الاعذار للمبالغ الفلكيه الي عندنا بحجة الايدي العامله والهنود عندنا تارسين الدوحه بارخص الاسعار وباقل الحقوق فأي لحظه لو تكلم تطرده
بغض النظر عن هذا وذاك نقدر نتواصل مع نفس الشركات الي قامت بهالمشروع ونزيد مبلغ 500 مليون ريال او مليار ريال وراح نحصل على نفس النتايج بنفس الفتره وماعتقد اي شركه راح ترفض
واحنا مب على كوكب والصين على كوكب آخر بالعكس المسافه من شرق الصين الى غرب الصين هي ضعف المسافه بين قطر والصين
واعتقد هذا مشروع حكومي يعني ماراح يكون في جمارك وضرائب ومضايقات من الدوله على الشركات الصينية

اعتقد السبب الحقيقي واضح للكل محد راح يخلي مشروع مثل هذا يمر بدون مايستفيد منه :nice:




مداخلتك حلوه بما ان حضرتك مهندس الله يحفظك
خليني اسألك اسئله انسان جاهل لا يفقه بهذه النوعيه من المشاريع والخطط

ان كانت العمليه بمنظروك بسيطه
الميزانيه موجوده .. والمسافه بيننا وبين الصين قريبه
والشركه معروفه .. ليش دولتنا ما تنفذ مثل هالمشاريع ؟؟
طيب ما نبي مثل هالمشروع .. جسر او شارع .. او نفق يتعبنا الى ان يرى النور اكثر من ما يرحنا .. بالرغم انهم مضطلعين على انجازات الغير ؟؟

عطنا شي من توقعاتك
من الاسباب
من التبريرات

عشان نفهم


جملك الله برضاه

[bohilal191]

شغل حلو وسبحان الله يشبه جسر بوعبود بالضبط

[CH Engineer]

مداخلتك حلوه بما ان حضرتك مهندس الله يحفظك
خليني اسألك اسئله انسان جاهل لا يفقه بهذه النوعيه من المشاريع والخطط

ان كانت العمليه بمنظروك بسيطه
الميزانيه موجوده .. والمسافه بيننا وبين الصين قريبه
والشركه معروفه .. ليش دولتنا ما تنفذ مثل هالمشاريع ؟؟
طيب ما نبي مثل هالمشروع .. جسر او شارع .. او نفق يتعبنا الى ان يرى النور اكثر من ما يرحنا .. بالرغم انهم مضطلعين على انجازات الغير ؟؟

عطنا شي من توقعاتك
من الاسباب
من التبريرات

عشان نفهم


جملك الله برضاه

يالغالي انا نفسي نفسك هالنوع من المشاريع يحتاج لمهندسين من نوع آخر غير عن المجال الي انا فيه


والسبب انا كتبته في آخر سطر على حسب رأيي الشخصي

[Rashid554]

وما يزال السؤال قائم ؟

لماذا لا نستورد شركات صينية تقوم ببناء مشاريع البنى التحتيه ( شوارع ، جسور ، انفاق )

[Rayane]

عقبال بيننا وبين الامارات لو ب 100 مليار عادي

مهي المليارات تتفسفس على الفاضي برى البلاد...

[xyounasx]

مشكور

http://www.************/watch?v=vRg_HVXuPCk

[الخزرجي قطر]

شكرا على الموضوع
الله كريم ان شاالله يكون عندنا احسن من هالجسر

[غزلان]

شي مذهل :omg:

[طموح معيدة]

عجيب المشروع

وفوق كل هذا الصين تعتبر من دول العالم الثالث وليست دوله متقدمه :secret:

[بوخالد88]

يعطيك العافية

[تحداني]

وما يزال السؤال قائم ؟

لماذا لا نستورد شركات صينية تقوم ببناء مشاريع البنى التحتيه ( شوارع ، جسور ، انفاق )




صادق
هالماذا .. هي الي لو لقينا عليها اجابه
راح اتريح المواطن .. والعامل ..والمهندس .. والميزانيه .. والزحمه
لكن للأسف مو لاقين اجابه

ما ادري لان احنه ابعيدين عن خرائط الدوله وسياستها
او ان من يرسم تلك المشاريع الضخمه لديه اجابه بس كاتم عليها
او ان المشكله اكبر من الميزانيه

صار حلم المواطن الغلبان على هذه الارض الجميله
ان يجد طريق محترم يليق بمكان سيارته المتواضعه
وما ينقهر لما يشوف الشارع يتعدل وبتكسر في اليوم خمسين مره


جملكم الله برضاه

[تحداني]

يالغالي انا نفسي نفسك هالنوع من المشاريع يحتاج لمهندسين من نوع آخر غير عن المجال الي انا فيه


والسبب انا كتبته في آخر سطر على حسب رأيي الشخصي



يبدو اني ما قدرت اوصل لك الي في بالي
لان ردك بعيد عن استفساري

جملك الله برضاه .. وشكرا على التعقيب والرد