في أمل أتوظف في مكان محترم دوام واحد؟؟؟؟تكفووون

[الخيالة]

سلام عليكم

أنا بصراحه تعبت وأنا أدور علي شغل في مكان محترم ومع ناس محترمين :(تعبت من الظلم :weeping:مابي راتب 10000 حتي لو يعطوني 4500 راضيه بس أحصل شغل دوام ثابت صبح حتي لو أشتغل لين ساعه 3 او 4 ماعندي مانع بس أتوظف
تكفووون اذا تقدرون تساعدوني ساعدوني
ماعندي حد غير ربي وتوكلت عليه وقلت بكتب اهني موضوع عل وعسي حد يقدر يساعدني لوجه الله

[كازانوفا]

لا حول ولا قوة الا بالله

ربي يرزقك ان شالله عاجل غير اجل
صحيح المال مش كل شي ولا هو دايما راحة الانسان اوقات يكون شقاءة

موفقه يارب

[بصمة قطرية]

الله يفرجها عليج ياختي
ويرزقج على قد نيتج ..

قدمتي في المدارس ..!!
الحين محتاجين موظفات للسنه الجديدة ..

[السنافية]

بالتوفيق يا ملكة
والله يسخر لج عيال الحلال
أمين يا ربي

[الخيالة]

شكرا خواتي يعطيكم العافيه

بس أنا مابي في المدارس اهناك علي اقل شي يفنشون واذا ما يبون يفنشون بعد فترة ابي مكان غير يعني في الحكومة او اي وزارة من الوزارات او اي مكان ثاني او شركة كبيره ومعروفه ...


الله يسمع منكم ويفرجها علي وعلي مهموم

[ms-qtr]

شنو تخصصج و مؤهلاتج؟؟؟

[الخيالة]

ثانويه عامه

اعرف انجليزي
عندي شهادة انجليزي وكمبيوتر بس كمبيوتر لان ماستخدمت نسيت اكسل وباقي الأشياء

[فارس الكلمة]

هل جربتي العمل في أماكن أخرى قبل هذه الفترة .. أم هي أول

تجربة لك في العمل ..؟

[الضمير الحي]

اسأل الله ان يفرج همج ويرزقج بالوظيفة المناسبة لج ....

[الخيالة]

لا اشتغلت في مكان بس اقسام مختلفه تقريبا 8 سنوات

[الخيالة]

مرة نادوني في مكان وقالوا يبون ورحت المقابله والمدير قال نبي حق السكرتارية وافقت قلت مو مهم بشتغل بس لما عرف انا ماعندي خبرة في هالمجال ما كلموني انزين بتعلم وبتم اشتغل بس للأسف ماخذوني

[ANONYMOUS]

الله يرزقج بمكان محترم انشالله

[الخيالة]

مشكور أخوي الله يسمع منك

[بومحمد911]

الله يوفقج وتحصلين الوظيفة المحترمة

[محمد سعيد]

الله يرزقج على قد نيتج

[آلملآزم]

الله يوفقج ويكتب لج اللي فيه خير وصالح
وأن شاء الله الأخوان والاخوات اللي يقدرون يساعدونج ماراح يقصرون معاج

[أم حمد]

الله يوفقك

[الخيالة]

الله يسمع منكم
اميييييييين

[تحداني]

في المكان الي اشتغل فيه عندنا نقص شديد في عدد الموظفين
والضغط علينا كبير .. كل ما جبنا لهم " سي في " احد انعرفه قالوا لنا .. ان الهيكل التنظيمي لهالمسمى الوظيفي يمنع توظيف الثانويه .. او خريجي دبلوم شمال اطلنطي

طيب وين يروحون هالناس يعني ما يشتغلون
يردون علينا يشتغلون بس مو عندنا .. حسبي الله ونعم الوكيل
شنو هالبشر ما اعرف
اشلون يفكرون هم ما اعرف

الي يقول احنا الجامعيين قاعدين نشتغل على تخصصاتنا
كل واحد تخصصه في وادي وشغله في وادي ثاني


والله لو كان ممكن جان قلت لج من باجر انتي على مكتبج
لكن هالناس ما تفهم


جملك الله برضاه

[abu ali1]

الله يوفقج ويرزقج بوظيفة مناسبة يارب....

[فديت الدوحة]

في المكان الي اشتغل فيه عندنا نقص شديد في عدد الموظفين
والضغط علينا كبير .. كل ما جبنا لهم " سي في " احد انعرفه قالوا لنا .. ان الهيكل التنظيمي لهالمسمى الوظيفي يمنع توظيف الثانويه .. او خريجي دبلوم شمال اطلنطي

طيب وين يروحون هالناس يعني ما يشتغلون
يردون علينا يشتغلون بس مو عندنا .. حسبي الله ونعم الوكيل
شنو هالبشر ما اعرف
اشلون يفكرون هم ما اعرف

الي يقول احنا الجامعيين قاعدين نشتغل على تخصصاتنا
كل واحد تخصصه في وادي وشغله في وادي ثاني


والله لو كان ممكن جان قلت لج من باجر انتي على مكتبج
لكن هالناس ما تفهم


جملك الله برضاه

وين مكانكم :telephone:

[موووج قطر]

الله يفرجها عليج ياختي
ويرزقج على قد نيتج ..

[STAR]

لله يوفقج

[الخيالة]

شكرا لكل اللي ردوا علي
ودعيتوا لي
الله يسمع منكم
يعطيكم العافيه وجزاكم الله خير
توكلت علي ربي ماعندي غيره لا عندي واسطه ولا عندي القوة
توكلت علي الحي الذي لايقوم
ان شاءاالله احصل وظيفه وافتك من الناس اللي يحبون الظلم ومايحترمون الناس

[Bin Hood]

الله يوفقك با اختي وتحصلين احسن من الي في بالك

[الخيالة]

مشكور اخوي
الله يسمع منكم


يعطيكم العافيه

[alghalya1]

اختي شيكي على الخاص :nice:

[الخيالة]

مشكوره اختي

[الجوكر90]

شكرا خواتي يعطيكم العافيه

بس أنا مابي في المدارس اهناك علي اقل شي يفنشون واذا ما يبون يفنشون بعد فترة ابي مكان غير يعني في الحكومة او اي وزارة من الوزارات او اي مكان ثاني او شركة كبيره ومعروفه ...


الله يسمع منكم ويفرجها علي وعلي مهموم

الشيخه انا مستغرب منج
انتي تقولين بشتغل لين 3 او 4 ب4500
انزين فالمستقله لين 2 والمعاش 7000
واذا انتي تشتغلين شغلج ومب مقصره ماراح يفنشونج واذا التقييم كان جيد جدا ماراح يفرطون فيج ويجيبون وحده يمكن تشتغل ويمكن لا

وبعدين انتي اول شي حصلي ع وظيفه وبعدين دوري لج ع وظيفه ثانيه
يعني بالمختصر انتي محتاجه وظيفه عندج المدارس ومايحتاي تقولين مابي كذا وكذا دام انه مب حرام ولا عيب

وبالتوفيق ان شاء الله

[غـيـد]

عندج اختي متحف الفن العربي يوظفون بالهبل واغلبهم ثانويه عامه

[قدام]

الحي الثقافي .. قدمي عندهم

[ام ناصر1]

عندج اختي متحف الفن العربي يوظفون بالهبل واغلبهم ثانويه عامه
اذا ما عليج امر اختي وين مكانهم

[شمعة الدوحه]

جربي قدمي في جهاز الاحصاء

أو التخطيط التنموي

كلهم في مبنى جهاز الاحصاء قريب من السلام اللي جنب السيتي

[فتافيت]

مافي مكان فالعالم مافيه مميزات او مساؤه

الله يخليك توظف وخلاص

[شمعة الدوحه]

ديوان المحاسبه فيه شواغر

http://www.abq.gov.qa/Arabic/Careers/Lists/List1/NewForm.aspx?RootFolder=Arabic/Careers/Lists/List1/&Source=/Arabic/Contact/Pages/Thanks2.aspx

[السليطي86]

الله يوفقج ان شاء الله اختي

لكن


قطرية؟

[الخيالة]

الشيخه انا مستغرب منج
انتي تقولين بشتغل لين 3 او 4 ب4500
انزين فالمستقله لين 2 والمعاش 7000
واذا انتي تشتغلين شغلج ومب مقصره ماراح يفنشونج واذا التقييم كان جيد جدا ماراح يفرطون فيج ويجيبون وحده يمكن تشتغل ويمكن لا

وبعدين انتي اول شي حصلي ع وظيفه وبعدين دوري لج ع وظيفه ثانيه
يعني بالمختصر انتي محتاجه وظيفه عندج المدارس ومايحتاي تقولين مابي كذا وكذا دام انه مب حرام ولا عيب

وبالتوفيق ان شاء الله

ليش مستغرب أخوي
أنا حاليا شغاله في مكان بس لازم أطلع وعشان جذيه ادور علي وظيفه غير ومايصير اشتغل في اي مكان مب مضمون وسمعت في المستقله ان عادي عندهم يستغنون عن خدمات الاستاف وايد ناس اعرفهم صارت معاهم نفس الشي عشان جذيه مابي اشتغل اهناك وهاذيله بعد كانوا يشتغلون ومب مقصرين في شغلهم وانا ضروفي ماتسمح لي ان اتم بدون شغل لان علي التزامات وبتوهق صج اذا تميت بدون شغل عشان جذيه للحين ماقدمت استقالتي ابي اضمن احصل وظيفه عقب اطلع
ع العمومشكرا اخوي وماقصرت



عندج اختي متحف الفن العربي يوظفون بالهبل واغلبهم ثانويه عامه

وين مكانهم اختي وين اقدم اوراقي؟


الحي الثقافي .. قدمي عندهم

بغيت اقدم من زمان اهناك بس قالوا المكان مب شي حق البنات ماعرف ليش


جربي قدمي في جهاز الاحصاء

أو التخطيط التنموي

كلهم في مبنى جهاز الاحصاء قريب من السلام اللي جنب السيتي

مشكوره اختي


مافي مكان فالعالم مافيه مميزات او مساؤه

الله يخليك توظف وخلاص

مشكور


ديوان المحاسبه فيه شواغر



[ url]http://www.abq.gov.qa/arabic/careers/lists/list1/newform.aspx?rootfolder=arabic/careers/lists/list1/&source=/arabic/contact/pages/thanks2.aspx[/url]




مشكوره اختي

[Bozizoo]

ياداقين الصدور
اول شي لازم تعرفون
شنو تعريفها لشغل في مكان محترم و الازملاء المحترمين
وبعدين دوروا لها شغل

[السليطي86]

كنت متوقع مافي جواب حق سؤالي


قطرية؟

[شمعة الدوحه]

ياداقين الصدور
اول شي لازم تعرفون
شنو تعريفها لشغل في مكان محترم و الازملاء المحترمين
وبعدين دوروا لها شغل

خل نيتك صافيه ..ولاتقعد تنبش
وهذي اشياء خاصه بالشخص مايحق لنا نتدخل في خصوصياته
اللي بيساعدها فهالشي ثوابه عند رب العالمين مابناخذ الاجر من عندها
واللي مايبي يسكت احسن له

[تركي محمد]

راسليني عالخاص ولا تهونين

[الخيالة]

ياداقين الصدور
اول شي لازم تعرفون
شنو تعريفها لشغل في مكان محترم و الازملاء المحترمين
وبعدين دوروا لها شغل

مكان محترم اقصد مكان يحترموننا ناس واذا يشوفوننا نشتغل يشكروننا مب يدورون علي اسباب تافهه عشان يسوون لنا مشكله لان احنا مب نفس بعض البنات نضحك معاهم ونسولف معاهم في امور مب عن الشغل وأكيد فاهمين قصدي ومابي اشرح اكثر




كنت متوقع مافي جواب حق سؤالي

اخوي السليطي انا توني شفت ردك في الموضوع وليش تقول كنت متوقع مافي جواب حق سؤالك؟؟؟؟؟؟



قطرية؟

[Bozizoo]

خل نيتك صافيه ..ولاتقعد تنبش
وهذي اشياء خاصه بالشخص مايحق لنا نتدخل في خصوصياته
اللي بيساعدها فهالشي ثوابه عند رب العالمين مابناخذ الاجر من عندها
واللي مايبي يسكت احسن له

اختي انا ماقلت اي شي غلط:anger1:

والله نيتي كانت و مازالت صافيه

انبش بشنو الله يسلمك

انتي الي مخك :rolleyes2: مدري وين رايح مع ان كلامي واضح وصريح

والاخت راعية الشان جاوبت على الاستفسار

[الخيالة]

مشكوره اختي شمعة علي مرورج
وانا قلت حق الاخ اللي سأل دام يبي يعرف شنو قصدي
كتبت له
ان المكان اللي اشتغل فيه أتمني يحترمني مسؤولي وباقي الموظفين مب اذا سولفت معاه وضحكت معاه يحترمني واذا ما سويت جذيه يلعوزني علي اقل شي وان بغيت شي في الشغل يذلني لين ما يعطيني وووو.....

[غـيـد]

اذا ما عليج امر اختي وين مكانهم

والله اختي ماعرف مكانهم بالضبط وين بس هالمتحف تابع حق هيئة متاحف قطر
واظن رواتبهم 10000 ويعطون دورات بالهبل دبي والكويت وفرنسا ولندن والشيخه المياسه
ما تقصر مع حد تعطي القطريات إللي يبونه

[الخيالة]

مشكور غيد علي مرورك

[المغروره]

حبيبتي انا قبلج ماحصلت قطر لغير القطريين للاسف
الله يفرجهااااااااااا

[الخيالة]

الله كريم

توكلت علي الحي الذي لايموت

[الخيالة]

لا اله الا الله

[Qtr95]

جيكي الخاص

[الخيالة]

مشكور اخوي ابن الكواري

[دلال قطر]

الله ييسر لج ولكل من يدور وظيفه :)

[نبض قطر 1970]

والله اختي ماعرف مكانهم بالضبط وين بس هالمتحف تابع حق هيئة متاحف قطر
واظن رواتبهم 10000 ويعطون دورات بالهبل دبي والكويت وفرنسا ولندن والشيخه المياسه
ما تقصر مع حد تعطي القطريات إللي يبونه

من وين جايبه هالكلام أختي العزيزة ؟

ماعندنا شي اسمه متحف الفن العربي

عندنا

1_ المتحف الأسلامي

2_ متحف قطر الوطني (( وهو مغلق حاليا )) إعادة بناء

3_ متحف السلاح

4_ متحف التصوير الضوئي (( وهو مختص بالصور الضوئيه ))

5_ متحف المستشرقين (( وهو مختص باللوحات ))

6_ بالاضافه للمتاحف الخارجيه (( كالخور والوكره والزباره )) وأغلبيتها مغلق


واظن رواتبهم 10000

على حسب الدرجة الممنوحه والوظيفه التي ستثبت عليها



ويعطون دورات بالهبل

مادري من وين تطلع هالإشاعات

الدورات لها ناسها وفي السنه حسنه أختي العزيزة


والشيخه المياسه
ما تقصر مع حد تعطي القطريات إللي يبونه

:)

أختي العزيزة صاحبة الموضوع تقدرين تقدمين أوراقج بإدارة الموارد البشريه قسم التوظيف

بهيئة متاحف قطر

واللي فيه الخير الله بيسويه

تقبلي تحياتي

[تحداني]

متحف الفن العربي او الحديث
موجود في المدينه التعليميه وتم افتتاحه قبل فتره وقد يكون اسمه متحف المستشرقين
لكن ما تم الاعلان والتطرق له انه الفن العربي

وبالفعل الدورات في المتاحف كثيره
والفئه الاكثر يحصلون على تلك الدروات

جملك الله برضاه

[نبض قطر 1970]

متحف الفن العربي او الحديث
موجود في المدينه التعليميه وتم افتتاحه قبل فتره وقد يكون اسمه متحف المستشرقين
لكن ما تم الاعلان والتطرق له انه الفن العربي

وبالفعل الدورات في المتاحف كثيره
والفئه الاكثر يحصلون على تلك الدروات

جملك الله برضاه


موجود في المدينه التعليميه

طالما موجود في المدينه التعليميه فهو ليس تحت اشراف هيئة متاحف قطر


وبالفعل الدورات في المتاحف كثيره


دورات للمتخصصين وليست كما يقال (( بالهبل ))


والفئه الاكثر يحصلون على تلك الدروات


من هم الفئة الأكثر؟؟

هالكلام خالي من الصحه مع احترامي الشديد

تقبلي تحياتي

[تحداني]

نعم موجود في المدينه التعليميه وتحت اشراف هيئه متاحف قطر
هذا ما وصلني منهم عندما تقدم احد موظفينهم بمعامله في المكان الي اعمل فيه

الدورات نعم بالهبل
لدي صديقه تعمل في المبنى الرئيسي قبل فتره راده من امريكا ووظيفتها عاديه اداريه
بنت عمتي تشتغل في المتحف الاسلامي وتخصصها بعيد عن المتاحف وانهت حوالي 7 دورات
في سنتين


وهناك الكثير

جملك الله برضاه

[الزجاجي]

الله يوفقج بالوظيفه الزينه واللي تلبي طموحج

انصحج ترسلين الـ cv لمواقع التوظيف الخاصه بالجهات الحكوميه والخاصه الي حابه تتوظفين فيها .. واذا عندج وقت سلميها لهم باليد .. وكل اسبوعين راجعيهم .. وخاصه بعد ارمضان لان اغلب الموظفين يداومون بعد العيد

[الخيالة]

شكرا علي مروركم ماقصرتوا ويعطيكم العافيه وانا قدمت من قبل في كذا مكان بس محد ناداني
الله كريم توكلت علي ربي

دعواتكم لي

[العتوي]

اختي لو تحبين في احد البنوك بحاولج

[أم هشام]

لا حول الله معقول قطرية وتترجى اتدور عشغل
مع اني كل ما ادور على شغل رغم دراستي وخبرتي بالبنوك ما خليت مكان بدور فيه الا قالولي بس للقطريين (للعلم اني مش قطرية)
طيب اذا كل الوظايف للقطريين والقطريين ما ملاقيين شغل
لكان مين اللي مشتغل
((شكله الفلبينيين و اللبنانييييييييييييين بس)))

[Amigo]

الله يوفقج وتلقين شغل ان شاء الله
لكم الجنه يا أهل قطر بأذن الله

[فيصـــل]

اختي حاولي انج تقدمين فالبنوك الاسلامية ( الفروع النسائيه )

او الاولى للتمويل .. ( فيه قسم نسائي )

واستخيري وشاوري .. عسى الله يوفقج

[الخيالة]

شكرا علي مروركم

ماقول غير حسبي الله ونعم الوكيل
الله كريم


اللي يدشون موضوعي ادعوا لي

[مريومة]

الله يوفقج

ويرزقج بالوظيفة اللي تبينها واتريحج

[الخيالة]

مشكوره اختي جزاج الله خير

[الخيالة]

ضاقت فيني الوسيعه ساعدوني تكفووون مليييييييييت

[ريتويت]

مامعني كلمه مكان شغل محترم؟؟

[لابس بشت]

شيكي الخاص

[الخيالة]

مشكوره اختي شمعة علي مرورج
وانا قلت حق الاخ اللي سأل دام يبي يعرف شنو قصدي
كتبت له
ان المكان اللي اشتغل فيه أتمني يحترمني مسؤولي وباقي الموظفين مب اذا سولفت معاه وضحكت معاه يحترمني واذا ما سويت جذيه يلعوزني علي اقل شي وان بغيت شي في الشغل يذلني لين ما يعطيني وووو.....




اتفضلي اختي هاي اللي اقصده بمكان محترم







مشكور اخوي رديت عليك ع الخاص

[قلب شاعر]

اذا يناسبك شغل خلط... اعرف شخص محتاج موظفين

[الخيالة]

أخوي قلب شاعر وين المكان وشنو الوظيفه؟؟؟؟؟؟؟؟؟؟

[الخيالة]

شوفوا لي حل دوروا لي علي اي وظيفه الله يخليكم
ضايقة فيني الوسيعه ماقدرأتحمل اكثر
حسبي الله علي المسوؤلين اللي عندي حسبي الله ونعم الوكيل فيهم يدرون أني محتاجه وماقدر اطلع لازم يلعوزوني لو اسوي نفس باقي البنات بيتعاملون معاي أحسن معاملة
حسبي الله ونعم الوكيل فيهم
ادعوا لي افتك والله مليت أداوم مرات والدموع في عيني لان غصب أداوم ابي أغير شغلي اي وظيفه عادي ساعدوني اذا تقدرون