مشاركات الغير قطريين في مواضيع تخص القطريين والمجتمع القطري على شبكة الاسهم !

[Dawn]

السلام عليكم

شلونكم ؟؟ :rolleyes:

اشرايكم بمشاركة الغير قطريين في سوالف التجنيس والتعليم والقضاء والبند المركزي والتقاعد والديون في قطر والخ الخ الخ من هالسوالف .... انا عن نفسي لي مشاركات في منتديات غير قطريه لكني اخجل من التدخل في خصوصيات ناس اخرين ،، عن نفسي لما اكون غريبه اشارك في مواضيع عامه وبس مالي خص بقرارات حكومات غير حكومة بلادي واحس ان مالي اي حق في مناقشتها ... لكن هنا اشوف نسبة من الغير قطريين يدخلون ويناقشون وكأن البلد بلدهم والمواطن غريب ... انتو شرايكم بالموضوع ؟؟ هل يعتبر لقافه وتدخل ام انه شي عادي ؟

لحد يفهم ان الموضوع فيه شيء من العنصريه لكن انا اشوفه من ناحية اتكيت وسنع فقط لا غير


وشكرا

[الأصيلة]

تسلمين على ها الموضوع
مرت قلتها ..وجاني ماجاني من الكلام..
أنا معاج المفروض مايشاركون إلا بالكلمة الطيبة..
أما النقاش والنقد والأخذ والعطاء وإبداء الرأي في مواضيع خاصة فينا ..
المفروض يشيلون يدهم منها...
ليس تكبرا ولا غرورا وإنما تجنبا للكلام الغير مقبول في بعض المشاركات كما نرى...

[Dawn]

تسلمين على ها الموضوع
مرت قلتها ..وجاني ماجاني من الكلام..
أنا معاج المفروض مايشاركون إلا بالكلمة الطيبة..
أما النقاش والنقد والأخذ والعطاء وإبداء الرأي في مواضيع خاصة فينا ..
المفروض يشيلون يدهم منها...
ليس تكبرا ولا غرورا وإنما تجنبا للكلام الغير مقبول في بعض المشاركات كما نرى...

حيا الله الأصيله

زين اشوى انا توقعت اول مشاركه بيكون فيها هجوم شخصي علي واتهام بالعنصريه ...
لكن انا قصدي اقيس الموضوع من ناحية ادبيه واخلاقيه فقط لا غير

والمقيمين لهم مني كل تقدير يكفي انهم جايين على كفالة اهلي وناسي اذا لا يوجد غريب هنا دون كفيل قطري .. واقدر انهم جاوا لخدمة الكفيل القطري لنهضة وعمران البلد من جميع النواحي ..

[عندليب قطر]

ياغريب كن اديب

[ابن التويم]

فشلت كل خطط التقطير في كل المؤسسات .. هل يا ترى بتنجح مبادرات تقطير المواضيع الخاصة بالمواطن (على الأقل) في شبكة الأسهم القطرية ..

و لا غرابه ان المواطن غريب في و طنه .. فالمواطن لا يساوي إلا 10% من السكان .. يا ترى بهتم بالـ 10% و بترك الـ 90% .. منطقيا صعبه .. لأنها محسومه حسابيا .. ورضي الغالبيه الساحقه أولى و أهم ..

شكرا على مواضيعك المميزة دائما تطريقين ابواب لم يسبقك اليها احد ..

[نجدي قطري]

المشكلة لما نتكلم عن الخلط، ومب مشكلة لو في فئتين واحدة مع ووحدة ضد، ولكن واحد مب خليجي ولا عنده علم بالمجتمع اشدخّله.

الواحد ترى ما يثقل والمفروض يعرف متى يدخل في موضوع ومتى لا.

[تاجر كشخة]

يا غريب كن اديب واللقافه خلها عنك

[Dawn]

ياغريب كن اديب

يس هذا قصدي يازين الأدب والله .. وهذي الاربع كلمات دايما تكون في بالي واطبقها لما اكون مختلفه عن الناس اللي حولي .. على اساس ماحط نفسي في موقف مب شي .. ولا احرج نفسي ..

[بوحسن 779]

انا اشوف الاستفادة من الاخرين في مواضيع مختلفة مافيها مشكلة وبذات اذا كانت المشاركة هادفة ويليت لو نتعلم من المجتمعات الغربية اللي تستفيد من اي شخص كان وبغض النظر عن جنسيته او جنسه يليت لو نرتقي في تفكيرنا ونخلي عقولنا تستفيد من كل شخص يكون معانا ..............................

[Dawn]

فشلت كل خطط التقطير في كل المؤسسات .. هل يا ترى بتنجح مبادرات تقطير المواضيع الخاصة بالمواطن (على الأقل) في شبكة الأسهم القطرية ..

و لا غرابه ان المواطن غريب في و طنه .. فالمواطن لا يساوي إلا 10% من السكان .. يا ترى بهتم بالـ 10% و بترك الـ 90% .. منطقيا صعبه .. لأنها محسومه حسابيا .. ورضي الغالبيه الساحقه أولى و أهم ..

شكرا على مواضيعك المميزة دائما تطريقين ابواب لم يسبقك اليها احد ..

ولو ابن التويم استاذي .. من بعض ما عندكم ،، انت المميز بمواضيعك واسلوبك الشيق في الكتابه ،،

شوف انا اعتقد ان هناك مواضيع عامه تتحمل النقاش من جميع فئات المجتمع ،، اما ان يجي شخص غير قطري ويتكلم في القضاء والتجنيس والعادات والتقاليد .. ياخي اشعرفك وانتا ما تمثلني ولا تعرف شي عن ثقافتي ... 100% راح يكون فيه اساءه وتهزيء لك من قبل شخص قطري غيور على بلده ،، الله يلوم اللي يلومه صراحه ... طيب وش استفدنا الحين من مشاركتك في موضوع ما يخصك ؟؟ :omen2:

[فلهاااا]

شكراً اختي الفاضلة على الطرح الجميل
انا عن نفسي جديد فالمنتدى ومااعرف منو القطري ومنو الغير قطري بس كلامش سليم مليون بالمية ومن وجهة نظري ان اللي يتدخل فالمواضيع اللي تخص المواطنين واسمحلوا لي على هالكلمه ((((ملقوف)))

تقبلي مروري

[سما الوطن]

تريدين الحق ...ليس بكل المواضيع اوافقك عليها
ولا اي مشاركه أرى ان امنعها
في مشاركه يكون بها اقتراح او وجهه نظر او اضافه ما
ممكن نستفيد منها
ام التدخل خارج هذا النطاق فمعك حق
تبقى امورنا وقضيانا ...لن تؤثر عليهم ولا المفروض يتدخلون بها

[المريش]

أنا معاك

اذا أتى النقد والمشاركة في المواضيع التي تخص الوطن من المواطنين فهذا من حقهم وما ذاك الا للرقي والتطوير

اما اذا جا من غير المواطنين فلا ارضاه لان الدخول في شؤون الغير يعتبر كانه تجريح او غيره على حسب النية

فاتركوا قطر لأهل قطر

[Dawn]

المشكلة لما نتكلم عن الخلط، ومب مشكلة لو في فئتين واحدة مع ووحدة ضد، ولكن واحد مب خليجي ولا عنده علم بالمجتمع اشدخّله.

الواحد ترى ما يثقل والمفروض يعرف متى يدخل في موضوع ومتى لا.

أيواااا عليك نور يا اخوي نجدي

الحين احنا في بلدنا فيه بعض الاختلاف وانا اتقبل هالشي من اخ مواطن له وجهة نظر وممكن اناقشه فيها وفي النهايه ممكن نتفق لان الفرق اللي بيننا بسيط ... لكن لما يجيك واحد كلش كلش ماله خص يعني وقعد يقيس اللي صاير في بلادي ويقارنه ببلده ويقولك عاااادي .. هذا شتسوي فيه ... الا ما يجيه يوم ويتهزأ وينغلط على بلده واهل بلده وعلى اساسها ممكن هو نفسه راح ياخذ فكره سيئه عن القطريين ،، طيب ليش يعني الواحد يحط نفسه بهالموقف ...

[Dawn]

يا غريب كن اديب واللقافه خلها عنك

نعم انا اقصد اللقافه في مواضيع معينه ،،، اما باقي المواضيع حياهم الله يناقشون وياخذون ويعطون فيها على راحتهم ..

[بولينجر]

المشكلة بعضهم يدخل المواضيع بهدف التخريب او لاهداف لا يعلمها الا الله ويكون مدسوسا علينا من جهات غير معلومة - لا تقولون نظرية المؤامرة.... ترى صج - ويعمل بكل جهد وصبر للنيل من قيم المجتمع القطري المحافظ والقوانين المعمول بها في بلدنا الحبيب قطر.... وهؤلاء نستطيع تمييز بعضهم من طريقة كتابته واللهجة المتصنعة المستخدمة اما بعضهم فيكون عايش من زمان في قطر ويعرف كلامنا ويتكلم مثلنا ويطلع هنا في المنتدى محسوب على هل قطر....

ما ادري هل هناك "آلية" معينة في المنتدى تسمح للقطريين فقط بالمشاركة في المواضيع التي تخصهم؟ مثلا تخصيص منتدى للقطريين فقط والمشاركة فقط للاعضاء الذين يثبتون انهم قطريين بالبطاقة الشخصية؟ ممكن نقول ان الخصوصية بتكون غير موجودة ولكن باطلاع "قطري" فقط على البطاقات الشخصية التابعة للمعرفات في المنتدى فيسمح للقطريين فقط بالمشاركة في المنتدى الخاص بالقطريين..... ولا يعلم او يطلع احد على اسماء الاعضاء الحقيقية غير "قطري" بالتالي تبقى الخصوصية موجودة وسيكون الاعضاء المشاركين في هذا المنتدى الخاص بالقطريين على قدر من المسؤولية واتباع القوانين حتى لا يتعرض احد للمساءلة القانونية..... حيث ان اسمه الحقيقي معلوم لدى صاحب المنتدى فقط في حال تعرض اي احد للتحقيق جراء ما كتبه هنا في المنتدى.... هذا يشجع على المشاركة الفعالة المسؤولة وممارسة الديموقراطية في التعبير الحقيقي عن رأي المواطن.....

[Dawn]

انا اشوف الاستفادة من الاخرين في مواضيع مختلفة مافيها مشكلة وبذات اذا كانت المشاركة هادفة ويليت لو نتعلم من المجتمعات الغربية اللي تستفيد من اي شخص كان وبغض النظر عن جنسيته او جنسه يليت لو نرتقي في تفكيرنا ونخلي عقولنا تستفيد من كل شخص يكون معانا ..............................

يعني انتا تتوقع ان البريطاني او الامريكي او الاسترالي مهتم برأيي انا القطريه مثلا ؟؟ .. وان قلت له ان مجتمعك فيه كذا وكذا بياخذ برأيي وبيشوف ان رأيي هادف ... مممم ،، طيب انصحك تدخل اي فورم اجنبي وتشارك فيه وعقب قول لنا عن تجربتك في هالموضوع ..

انا للتأكيد ابغي اوضح لك يا بوحسن ان قصدي مشاركتهم في مواضيع خاصه بالقطريين مثل مواضيع التعليم الحكومي / الصحه والمستشفيات الحكوميه / قرارات الحكومه / القضاء / التجنيس / ومثل ما قال اخونا نجدي عن الاختلاط وغيرها انا اشوفها تطفل ولقافه ،، اما باقي المواضيع حياهم الله يناقشون فيها على كيف كيفهم .. يناقشووووون لين يشبعون بعد ولا عندي فيها اي مشكله او اعتراض

[Dawn]

شكراً اختي الفاضلة على الطرح الجميل
انا عن نفسي جديد فالمنتدى ومااعرف منو القطري ومنو الغير قطري بس كلامش سليم مليون بالمية ومن وجهة نظري ان اللي يتدخل فالمواضيع اللي تخص المواطنين واسمحلوا لي على هالكلمه ((((ملقوف)))

تقبلي مروري

شكرا لك انت على المرور وتشريف موضوعي بمشاركتك :)
وانا بعد جديده على المنتدى لكن ميزتهم من اسلوبهم في الكلام ،، يبين من اللهجه اصل الشخص،،، وطبعا هم اعضاء مرحب فيهم من الجميع ونتقبلهم كلنا كأخوان عرب .. بس بحدود يعني الواحد ما يمصخها ويدخل في مواضيع ماله خص فيها ...
وانا رايي من رايك وفعلا اعتبرها لقافه مع احترامي الشديد لهم ...

[Dawn]

تريدين الحق ...ليس بكل المواضيع اوافقك عليها
ولا اي مشاركه أرى ان امنعها
في مشاركه يكون بها اقتراح او وجهه نظر او اضافه ما
ممكن نستفيد منها
ام التدخل خارج هذا النطاق فمعك حق
تبقى امورنا وقضيانا ...لن تؤثر عليهم ولا المفروض يتدخلون بها

يا هلا سما
انا وضحت المواضيع اللي المفروض ما يتدخل فيها غير القطري ،، واختلف معاج في سالفة ( اقتراح / اضافه / او وجهة نظر في شيء يخص الشعب القطري ) لان في النهايه ندري ان هالشي راح يستفز القطريين الغيورين على بلدهم ... وبيصير لغو ونقاش عقيم يؤدي الى عداوه من الطرفين ... طيب وش استفدنا الحين من الاضافه والاقتراح ؟؟

[Dawn]

أنا معاك

اذا أتى النقد والمشاركة في المواضيع التي تخص الوطن من المواطنين فهذا من حقهم وما ذاك الا للرقي والتطوير

اما اذا جا من غير المواطنين فلا ارضاه لان الدخول في شؤون الغير يعتبر كانه تجريح او غيره على حسب النية

فاتركوا قطر لأهل قطر

يا سلام عليك يا المريش قلتها بالمختصر المفيد اتركوا قطر لاهل قطر :)
شرفني مرورك اخي الكريم

[سهم نيشان]

لا اوافق ان غير القطري يشارك في مواضيع تخص الأمور الداخلية للبلد، ليس عنصرية ولكن لأن المواطن يعرف بلاده احسن من غيره ورأيه أقرب للصواب في معظم الاحيان

[طموح معيدة]

معاكم حق وانا معاكم ارفض مشاركة المقيمين وتدخلهم وابداء رايهم في المواضيع الخاصة فينا وبهل قطر

وأرفض المقارنات مع اي دولة اخرى باستثناء الخليج لان وضعنا المادي والفكري والاجتماعي يختلف عنهم

يا كثر المواضيع اللي تكون فيها آراء ومطالب المواطنين ويجيكم اجنبي يشوف المطالب اللي مب في صالحه ويعترض عليها

[intesar]

أنا أعتقد اللي يتكلمون ناس عايشة هني أو من المقيمين.. فيعرفون دوحتنا وتفاصيل حياتنا.. فلا مشكلة من الاستفادة..
دمتم بود..

[سما الوطن]

يا هلا سما
انا وضحت المواضيع اللي المفروض ما يتدخل فيها غير القطري ،، واختلف معاج في سالفة ( اقتراح / اضافه / او وجهة نظر في شيء يخص الشعب القطري ) لان في النهايه ندري ان هالشي راح يستفز القطريين الغيورين على بلدهم ... وبيصير لغو ونقاش عقيم يؤدي الى عداوه من الطرفين ... طيب وش استفدنا الحين من الاضافه والاقتراح ؟؟

يمكن يعجبنا ونتبناها
فالحكمه ضالة المؤمن فحيث وجدها فهو أحق بها

[روح الاطلس]

وجهة نظري ان لا نحجب الغير قطري من المشاركة معنا في مواضيع خاصة بالمواطن

ارحب بمشاركته ولكن بشرط يذكر وجهة نظره من باب انه مقيم وويوضح في الرد

ما يقهرني هو اللي يتكلم كأنه مواطن ومخبي انه مقيم ويحاول يقلد اللهجة بس مكشوف مكشوف

اوك ابدي رأيك ولكن كمقيم وعلى العين والراس

وقطر فاتحة ابوابها لكل العالم صعبه نقول في منتدى مالكم خص تبدون رايكم

اذا البلد بكبرها الاجنبي متحكم فيها ومبدي رايه ويميشيه على اكبرنا واصغرنا ويتحكم فينا حتى بوظايفنا لقمة عيشنا

[بن غيث]

انا اشوف ان نخليلهم قطر ونشوف ديرة ثانيه لان نحن الاقلية

[Dawn]

المشكلة بعضهم يدخل المواضيع بهدف التخريب او لاهداف لا يعلمها الا الله ويكون مدسوسا علينا من جهات غير معلومة - لا تقولون نظرية المؤامرة.... ترى صج - ويعمل بكل جهد وصبر للنيل من قيم المجتمع القطري المحافظ والقوانين المعمول بها في بلدنا الحبيب قطر.... وهؤلاء نستطيع تمييز بعضهم من طريقة كتابته واللهجة المتصنعة المستخدمة اما بعضهم فيكون عايش من زمان في قطر ويعرف كلامنا ويتكلم مثلنا ويطلع هنا في المنتدى محسوب على هل قطر....

ما ادري هل هناك "آلية" معينة في المنتدى تسمح للقطريين فقط بالمشاركة في المواضيع التي تخصهم؟ مثلا تخصيص منتدى للقطريين فقط والمشاركة فقط للاعضاء الذين يثبتون انهم قطريين بالبطاقة الشخصية؟ ممكن نقول ان الخصوصية بتكون غير موجودة ولكن باطلاع "قطري" فقط على البطاقات الشخصية التابعة للمعرفات في المنتدى فيسمح للقطريين فقط بالمشاركة في المنتدى الخاص بالقطريين..... ولا يعلم او يطلع احد على اسماء الاعضاء الحقيقية غير "قطري" بالتالي تبقى الخصوصية موجودة وسيكون الاعضاء المشاركين في هذا المنتدى الخاص بالقطريين على قدر من المسؤولية واتباع القوانين حتى لا يتعرض احد للمساءلة القانونية..... حيث ان اسمه الحقيقي معلوم لدى صاحب المنتدى فقط في حال تعرض اي احد للتحقيق جراء ما كتبه هنا في المنتدى.... هذا يشجع على المشاركة الفعالة المسؤولة وممارسة الديموقراطية في التعبير الحقيقي عن رأي المواطن.....

والله فكره عجيبه يا بولينجر .. لكن للأسف صعب تطبيقها ...
لكن الأسهل ان الاعضاء يتلزمون الادب وكل واحد يلزم حدوده وما يتعداها ..

وعن سالفة المدسوسين ،،، فعلا وبعيد عن نظرية المؤامره الكل عارف ان قطر لها اعداء من دول انظمتها الديكتاتوريه في طريقها الى الزوال وطبعا لهم حضور هنا وفي باقي المنتديات القطريه .. يجون ويسوون نفسهم المدافعين عن الوطن وفي نفس الوقت تلقاهم يضربونه بطريقه اخرى .. او اللي مفضوح منهم يقعد يحرض الشعب بطريقه وقحه وكأن البلد بلد ابوه ... لكن تفضحهم لهجتهم ... لان القطري يعرف القطري ويميز الكلمات الدخيله على اللهجه القطريه .. شوف احنا يالقطريين ممكن نكون متأثرين بالمسلسلات المصريه والشاميه والكويتيه لكن ما توصل بالقطري انه يقول (أريد) بدل ابي أو أبغي بالذات انه ما يكتب بالفصحى ;) ( اريد ) هذي ما يقولها لا بدوي ولا حضري ولا وهولي من اهلنا القطريين ... شووف كلمات بسيطه بس الشاطر يفهمها وهي طايره ... :nice:

تشرفت بمرورك يا بولينجر :victory:

[موضي قطر]

الأفضل عدم مشاركة من لا يعينه الأمر من اخوانا المقيمين لأن البعض احسه يدش لرفع ضغطنا وبس وماله هدف ثاني

[Dawn]

لا اوافق ان غير القطري يشارك في مواضيع تخص الأمور الداخلية للبلد، ليس عنصرية ولكن لأن المواطن يعرف بلاده احسن من غيره ورأيه أقرب للصواب في معظم الاحيان

صح وانا معاك 100% يا سهم :victory:

شرفني مرورك اخي الكريم

[nouar]

السلام عليكم

شلونكم ؟؟ :rolleyes:

اشرايكم بمشاركة الغير قطريين في سوالف التجنيس والتعليم والقضاء والبند المركزي والتقاعد والديون في قطر والخ الخ الخ من هالسوالف .... انا عن نفسي لي مشاركات في منتديات غير قطريه لكني اخجل من التدخل في خصوصيات ناس اخرين ،، عن نفسي لما اكون غريبه اشارك في مواضيع عامه وبس مالي خص بقرارات حكومات غير حكومة بلادي واحس ان مالي اي حق في مناقشتها ... لكن هنا اشوف نسبة من الغير قطريين يدخلون ويناقشون وكأن البلد بلدهم والمواطن غريب ... انتو شرايكم بالموضوع ؟؟ هل يعتبر لقافه وتدخل ام انه شي عادي ؟

لحد يفهم ان الموضوع فيه شيء من العنصريه لكن انا اشوفه من ناحية اتكيت وسنع فقط لا غير


وشكرا

شكرا اخوي على طرحك الموضوع بس عندي سؤال صغير اهو ايش تعريفك للقطري " أهو من يحمل الجنسية القطرية أو من يحمل شهادة الميلاد القطريه"

وبرأيك انه غير القطري من يحمل شهادة الميلاد القطريه وتعلم في قطر ودفع حق جامعة قطر منشان يأخذ الشهادة البكاليوس وما حصل وظيفه بالراتب القطري يعتبر غير قطري ؟؟؟

الحمد لله أني على نفسي أعتبر نفسي قطريه وموجوده في مركز قطر للعمل التطوعي وما أقبض راتب القطريه ولا أهرب من حر قطر لا لأوروبا ولا لبانكوك !!
أعتبر نفسي احجي عن بلدي وموطني وعلى فكره يومياً شغلي في الشمس الحارقه بين الدوحه والصناعية

هل القطري أو القطريه جنسيه أو انتماء يا أخي !!!!

[Dawn]

معاكم حق وانا معاكم ارفض مشاركة المقيمين وتدخلهم وابداء رايهم في المواضيع الخاصة فينا وبهل قطر

وأرفض المقارنات مع اي دولة اخرى باستثناء الخليج لان وضعنا المادي والفكري والاجتماعي يختلف عنهم

يا كثر المواضيع اللي تكون فيها آراء ومطالب المواطنين ويجيكم اجنبي يشوف المطالب اللي مب في صالحه ويعترض عليها

ياه زين والله اغلب الاعضاء يشاركوني الراي ،، الحمدلله

رأيج يا المعيده على راسي ،، وان شا الله تصيرين دكتوره وتمسكين اداره الجامعه في يوم من الايام ويكون لج دور في تقطير الوظايف فيها :nice: ...

تشرفت بمرورج الراقي حبيبتي

[Dawn]

أنا أعتقد اللي يتكلمون ناس عايشة هني أو من المقيمين.. فيعرفون دوحتنا وتفاصيل حياتنا.. فلا مشكلة من الاستفادة..
دمتم بود..

يا هلا حبيبتي

الاستفاده من ايش بالضبط ممكن توضحين لي وجهة نظرج ؟؟ :con2:

[موضي قطر]

انا اشوف ان نخليلهم قطر ونشوف ديرة ثانيه لان نحن الاقلية


شكل هالموضوع بيكون مطلب من مطالبهم في المستقبل :(

[Dawn]

يمكن يعجبنا ونتبناها
فالحكمه ضالة المؤمن فحيث وجدها فهو أحق بها

هلا حبيبتي ،،، شوفي انا مب شاطره وايد بالكلام الفصيح ،، فهميني بلهجتج القطريه المبسطه شلون راح يعجبنا رأي مقيم في شيء خاص خاص جدا ومن خصوصيات الشعب القطري ،،، ولنقل مثلا في قرار الحكومه في التجنيس ،،، او موضوع البند المركزي والتقاعد وغيرها .. انا انسانه فهمي بسيط واحب الكلام المبسط بلا تكلف باللغه الفصحى ... ياريت لو تفيديني ممكن اقتنع بوجهة نظرج او يمكن فايتني شي في محاولة فهمي للموضوع ..

في انتظار ردج اختي الكريمه

[Dawn]

وجهة نظري ان لا نحجب الغير قطري من المشاركة معنا في مواضيع خاصة بالمواطن

ارحب بمشاركته ولكن بشرط يذكر وجهة نظره من باب انه مقيم وويوضح في الرد

ما يقهرني هو اللي يتكلم كأنه مواطن ومخبي انه مقيم ويحاول يقلد اللهجة بس مكشوف مكشوف

اوك ابدي رأيك ولكن كمقيم وعلى العين والراس

وقطر فاتحة ابوابها لكل العالم صعبه نقول في منتدى مالكم خص تبدون رايكم

اذا البلد بكبرها الاجنبي متحكم فيها ومبدي رايه ويميشيه على اكبرنا واصغرنا ويتحكم فينا حتى بوظايفنا لقمة عيشنا


وجهة نظرج راقيه جدا واحترمها ،،، وفعلا لو عالاقل يقول الشخص ويوضح لنا انه مقيم من بدايه كتابته لرأيه هذا شي طيب ،،، لكن في حالات نرى انهم يكتبون ويردون ليييين واحد نبيه وشاطر يكشفهم ،،، وهنا يعترفون انهم غير قطريين ،،، وبعضهم فيهم قواة عين ولا يعترفون ويصرون على انهم قطريين وهذا شي غير مقبول من وجهة نظري ..

اشكرج صراحه على هالاضافه اللي انا ما انتبهت لها

وشرفني مرورج يا حبيبتي

[R 7 A L]

:omg:



اتخيل نفسي اتكلم في مواضيع عن مجلس الشيوخ الأمريكي



شكلي باترفس :tease:

[Dawn]

انا اشوف ان نخليلهم قطر ونشوف ديرة ثانيه لان نحن الاقلية

:waiting:

بن غيث !

اتمنى اني اشوف مشاركه جاده لك في هالموضوع ،،، تدري اخاف يحطون هالكلام في بالهم ونتوهق بعدين ..

شكرا عالمرور اخي

[بوسلمان 2010]

كلامك عدل وماقصرتي على الموضوع الي طرحتيه لاكن في ناس تلاقف وهم مالهم حايه في الموضوع وعلى


اي شي سبحان الله واذا تدختلي في امورهم كلوكي بثيابك وترى على فكره هم المؤيدين على الاختلاط والامور


الثانيه مثل الباس الي انشوفوه هذي الايام والله العظيم الله يحفظنا من قضب الله علينا لانه الخير يخص والشر



يعم الله المستعان

[Dawn]

شكل هالموضوع بيكون مطلب من مطالبهم في المستقبل :(

:( :( :(

الله المستعان يا موضي

[شيخ الديرة]

والله حيرة, الحين نشارك بهذا الموضوع أو لا نشارك؟

أول مشاركة لي كانت هنا في هذا المنتدى واوضحت بها انني مقيم, ومشاركاتي على هذا الأساس,حيث من غير الأصول ان اتقمص شخصية غيري في الحوار

[Dawn]

الأفضل عدم مشاركة من لا يعينه الأمر من اخوانا المقيمين لأن البعض احسه يدش لرفع ضغطنا وبس وماله هدف ثاني

خلينا ناخذ الموضوع بحسن نيه ...

طيب هم اش راح يفيدونا بالمشاركه بموضوع ما يخصهم اصلا ؟؟



ممممم
تفكير عميييييق


:con2:


:con2:


:con2:


الاجابه :

ولا شي :nice:


والله فعلا كلامج صحيح الظاهر المشاركه لرفع الضغط ليس إلا ..

شكرا عالمرور حبيبتي

[Dawn]

شكرا اخوي على طرحك الموضوع بس عندي سؤال صغير اهو ايش تعريفك للقطري " أهو من يحمل الجنسية القطرية أو من يحمل شهادة الميلاد القطريه"

وبرأيك انه غير القطري من يحمل شهادة الميلاد القطريه وتعلم في قطر ودفع حق جامعة قطر منشان يأخذ الشهادة البكاليوس وما حصل وظيفه بالراتب القطري يعتبر غير قطري ؟؟؟

الحمد لله أني على نفسي أعتبر نفسي قطريه وموجوده في مركز قطر للعمل التطوعي وما أقبض راتب القطريه ولا أهرب من حر قطر لا لأوروبا ولا لبانكوك !!
أعتبر نفسي احجي عن بلدي وموطني وعلى فكره يومياً شغلي في الشمس الحارقه بين الدوحه والصناعية

هل القطري أو القطريه جنسيه أو انتماء يا أخي !!!!


اشكرك عالمرور اخي الكريم
وانتا مبين عليك كرم الاخلاق ما شا الله ومن كلامك تضحياتك لقطر واضحه جدا وانا اشكرك جدا على هالروح الطيبه ... فيه ناس تسوي اقل من اللي سويته انت للبلد لكن من كلامهم تحس انهم بيذلون البلد بعطاءهم ... لكن انت لا ابدا ما شا الله عليك :nice:

[Dawn]

:omg:



اتخيل نفسي اتكلم في مواضيع عن مجلس الشيوخ الأمريكي



شكلي باترفس :tease:

اي نعم يا رحال هم فاهمين ان غير الامريكان ممكن يشاركون ويتدخلون في خصوصيات الامريكان وانهم بيستفيدون من ارائهم .. :omen2: روح قول لمجلس الشيوخ يسمون نفسهم مجلس الشورى خل نشوف شلون بيستفيدون من اقتراحك :rolleyes2:

[ملاك]

ليش من شأنهم التدخل فيما لا يعنيهم

[Dawn]

كلامك عدل وماقصرتي على الموضوع الي طرحتيه لاكن في ناس تلاقف وهم مالهم حايه في الموضوع وعلى


اي شي سبحان الله واذا تدختلي في امورهم كلوكي بثيابك وترى على فكره هم المؤيدين على الاختلاط والامور


الثانيه مثل الباس الي انشوفوه هذي الايام والله العظيم الله يحفظنا من قضب الله علينا لانه الخير يخص والشر



يعم الله المستعان

فعلا يا بوسلمان انتا ذكرت نقطه مهمه وهي ان القطريين كشعب في حااااالهم ومب ملاقيف
لكن لو اعترضوا مثلا على ملابس المقيمات على سبيل المثال شوف ردود الفعل من هالاجانب والسب والطعن على طووول في بنات قطر ،، ما اقول ان احنا ما عندنا بلاوي ،،، لكن انا اتكلم عن اسلوب الهجوم المبطن في الرد ( بتتكلم عنا ،، بنتكلم عنك ) وكأنه عقاب على التدخل في خصوصياتهم ...

شرفني مرورك اخي الكريم

[Bin Hood]

أنا شخصياً نادرا ما أشارك في مواضيع تخص الشئون الداخلية لدولة قطر
كالتعليم و التجنيس والتوظيف وغيرها من الامور التي يجب ان تقتصر على الموطنين فقط

لكن بالمقابل نجد في المنتدى تدخل في شئون دول اخرى واعني الشئون الداخلية
ودعوني اكون صريح اكثر في مواضيع تدخل في مقارنات بين القطري وغير القطري بغض النظر اكان خليجي عربي اجنبي ، وتكون المقارنة لصالح القطري الذي يشبه من قبل بعض الاعضاء بالملاك وللأسف ان هذا يأتي من اعضاء عدوا مرحلة المراهقة


وشكراً وجزاكم الله خير *

[Dawn]

والله حيرة, الحين نشارك بهذا الموضوع أو لا نشارك؟

أول مشاركة لي كانت هنا في هذا المنتدى واوضحت بها انني مقيم, ومشاركاتي على هذا الأساس,حيث من غير الأصول ان اتقمص شخصية غيري في الحوار

شوف اخوي شيخ الديره هالموضوع مفتوح للجميع بحيث نستفيد من جميع الآراء ،،، لكن مواضيع معينه من رأيي ان الغير قطري لا يجب ان يشارك فيها ...

اعطيك مثال : انا مثلا مشاركه في منتدى خليجي البنات فيه ممنوعات من قيادة السياره ،،، ( ادبي وأخلاقي وذوقي ) يجبروني ان لا ادخل معاهم في نقاش عن قرار حكومتهم بمنع البنات من القياده .. مع ان معرفي لا يدل على اني قطريه وممكن ان اشارك معهم واطرح رأيي بالموضوع ... ولكن انا اعتبر هالموضوع شيء من خصوصيات مجتمعهم وليس من شأني ان ادخل فيه واناقش وكأن البلد بلدي ... رغم اني اكن كل الاحترام لهذه الدوله واهلها ، ولكن هناك حدود ولباقة وذوق في الكلام ، :)

[Dawn]

ليش من شأنهم التدخل فيما لا يعنيهم

اتفق معاج ..

شكرا عالمرور اختي الغاليه

[سما الوطن]

هلا حبيبتي ،،، شوفي انا مب شاطره وايد بالكلام الفصيح ،، فهميني بلهجتج القطريه المبسطه شلون راح يعجبنا رأي مقيم في شيء خاص خاص جدا ومن خصوصيات الشعب القطري ،،، ولنقل مثلا في قرار الحكومه في التجنيس ،،، او موضوع البند المركزي والتقاعد وغيرها .. انا انسانه فهمي بسيط واحب الكلام المبسط بلا تكلف باللغه الفصحى ... ياريت لو تفيديني ممكن اقتنع بوجهة نظرج او يمكن فايتني شي في محاولة فهمي للموضوع ..

في انتظار ردج اختي الكريمه

تحبين الكلام البسيط اختي
والله كان كلامي بسيط اختي

يمكن يعجبنا ونتبناها
فالحكمه ضالة المؤمن فحيث وجدها فهو أحق بها

ووين التكلف اللي تتكلمين عنه؟؟؟
بيعجبنا ونتبناها!!!!!!
ام بالحكمه المعروفه (الحكمه ضالة المؤمن فحيث وجدها فهو أحق بها )

ومتى كان التحدث بالفصحى تكلف
ما علينا بنشرح

يعني ممكن حد منهم يقول شيئ مفيد .مثلا لو اخذنا قانون التقاعد ممكن يقول نحن عندها في هذا البند وهذا البند

فيعجبنا وناخذه ونطالب به

يمكن يقول بمدارسنا في كذا وكذا
فيعجبنا ونأخذه ونتمناه عندنا

اتمنى ما تكون في كلمه بالفصحى في ردي
..ولا فيه تكلف

[Dawn]

أنا شخصياً نادرا ما أشارك في مواضيع تخص الشئون الداخلية لدولة قطر
كالتعليم و التجنيس والتوظيف وغيرها من الامور التي يجب ان تقتصر على الموطنين فقط

لكن بالمقابل نجد في المنتدى تدخل في شئون دول اخرى واعني الشئون الداخلية
ودعوني اكون صريح اكثر في مواضيع تدخل في مقارنات بين القطري وغير القطري بغض النظر اكان خليجي عربي اجنبي ، وتكون المقارنة لصالح القطري الذي يشبه من قبل بعض الاعضاء بالملاك وللأسف ان هذا يأتي من اعضاء عدوا مرحلة المراهقة


وشكراً وجزاكم الله خير *


مرحبا بن هود
وانا مثلك واشارك في منتديات خليجيه ولا اتدخل في النقاط التي ذكرتها كونها شيء لا يخصني من الاساس ..

هل وجدت هنا شيء يدل على ان القطري يتدخل في شؤون الدول الاخرى ؟؟؟ وفي النقاط اللي ذكرتها في الموضوع ؟

من قال ان القطري يظهر هنا على انه ملاك ؟؟ انا اشوف العكس ..

شرفني مرورك اخي الكريم

[المسك1969]

السلام عليكم

الله المستعان.. والله انا يديده صج بس ماكنت أدري ان كل هذا في المنتدى... وماعرف طبعا القطري من غير القطري ولا يهمني في المنتدى غير الكلمه الطيبه الراقيه.

لكن في بعض الامور النقاشيه الخاصه فقد يكون من الاخوه العرب او الاخوات من نستفيد من شهاداتهم.. كالقانوني والطبيب والمهندس ولكن عليه أن يبين عندما يتكلم ذلك وفي نفس الوقت ان يكون الكلام للتوجيه او لتنويرنا بما يحدث في الخارج من أمور ايجابيه نحن لا نعلم بها.. وانا اتكلم من ناحيه مثلا قانون التقاعد او الترقيات او امور الموارد البشريه ووو

وهناك أمور قد نقبلها منهم ونناقش فيها وقد لا نقبلها نظرا للعادات والتقاليد التي تحكمنا.
ولكن أن نمنع الناس من المشاركه فاعتقد انها صعبه الا أن كنتم تعرفون المواطن من المقيم...

ولا أعتقد والله أعلم وانتم طبعا اقدم وأعلم مني ... ان هناك من يرز ويهه لموضوع يسيء فيه لنفسه أولا وليس للأخرين لأنه أكيد في ناس راح ترد عليه وينكشف أمره وخصوصا ان كان يتكلم في أمر قد يسيء لاهل البلد

وأخيرا فان اخوتنا العرب هم أرقى من ذلك ان شاء الله ونتمنى الخير للجميع... فلا يسخروا منا ولا نسخر منهم

جزاكم الله خيرا على الطرح

[التيما]

من رايي لو التدخل كان من حيث المشاركة فقط دون ابداء الراي والتدخل مو مشكلة خاصة لو موضوع عام عادي مثل الطرق و المدارس و و .. لكن ابداء راية في شأن داخلي خاص وحساس مثل التجنيس و الاقامة والكفالة نعم معاكم مب حلوة ولا مقبولة ..

[UniCorn-80]

امممم هو فالنهايه صح الموضوع مايخصه بس ممكن يقول رايه لا اكثر

[Dawn]

تحبين الكلام البسيط اختي
والله كان كلامي بسيط اختي


ووين التكلف اللي تتكلمين عنه؟؟؟
بيعجبنا ونتبناها!!!!!!
ام بالحكمه المعروفه (الحكمه ضالة المؤمن فحيث وجدها فهو أحق بها )

ومتى كان التحدث بالفصحى تكلف
ما علينا بنشرح

يعني ممكن حد منهم يقول شيئ مفيد .مثلا لو اخذنا قانون التقاعد ممكن يقول نحن عندها في هذا البند وهذا البند

فيعجبنا وناخذه ونطالب به

يمكن يقول بمدارسنا في كذا وكذا
فيعجبنا ونأخذه ونتمناه عندنا

اتمنى ما تكون في كلمه بالفصحى في ردي
..ولا فيه تكلف

ما يحتاج تحلفين كلامج بسيط ولا يهمج .. انا يمكن ما تعمقت بالقراءه حقج علي ولا تزعلين :)
زين
طيب كلام حلو

اشرايج لو جا واحد وتكلم عن اللي تم اجبارهم على التقاعد انهم كسولين مثلا بحكم الحجه المعروفه ان القطري كسول ولا يعمل ؟؟ طبعا الكلام ما يكون دايركت بس تلميحات للوصول للفكره ..

زين اشرايج لو حد اشتكى من مستوى التعليم في قطر وقارن بينه وبين التعليم في مرحله سابقه ( في قطر ) ايام هو ما كان موجود فيها .......
يجي يقول لج لاااااا بالعكس التعليم في قطر تمام والمدارس المستقله عندنا مستواها احسن مستوى بالعالم كله ... والخ الخ الخ

وايد فيه امثله من هالنوع ...

بايش فادنا في الحالات اللي ذكرتها ممكن توضحين ؟؟ يمكن انا فاتني شي والا ما فهمت المشاركات والمقصود منها ؟؟ :con2:

[Dawn]

السلام عليكم

الله المستعان.. والله انا يديده صج بس ماكنت أدري ان كل هذا في المنتدى... وماعرف طبعا القطري من غير القطري ولا يهمني في المنتدى غير الكلمه الطيبه الراقيه.

لكن في بعض الامور النقاشيه الخاصه فقد يكون من الاخوه العرب او الاخوات من نستفيد من شهاداتهم.. كالقانوني والطبيب والمهندس ولكن عليه أن يبين عندما يتكلم ذلك وفي نفس الوقت ان يكون الكلام للتوجيه او لتنويرنا بما يحدث في الخارج من أمور ايجابيه نحن لا نعلم بها.. وانا اتكلم من ناحيه مثلا قانون التقاعد او الترقيات او امور الموارد البشريه ووو

وهناك أمور قد نقبلها منهم ونناقش فيها وقد لا نقبلها نظرا للعادات والتقاليد التي تحكمنا.
ولكن أن نمنع الناس من المشاركه فاعتقد انها صعبه الا أن كنتم تعرفون المواطن من المقيم...

ولا أعتقد والله أعلم وانتم طبعا اقدم وأعلم مني ... ان هناك من يرز ويهه لموضوع يسيء فيه لنفسه أولا وليس للأخرين لأنه أكيد في ناس راح ترد عليه وينكشف أمره وخصوصا ان كان يتكلم في أمر قد يسيء لاهل البلد

وأخيرا فان اخوتنا العرب هم أرقى من ذلك ان شاء الله ونتمنى الخير للجميع... فلا يسخروا منا ولا نسخر منهم

جزاكم الله خيرا على الطرح

اختي احنا ما منعنا ولا قلنا شيء عن منع الغير قطريين من المشاركه في مواضيع عامه ..
لكن مشاركة عن اخرى تفرق وايد ....
فيه ناس مالهم حق يتدخلون في مواضيع تخص الشعب ،، هذا كل الموضوع انا ما قلت مواضيع الطب والا القانون والا غيرها مقتصره على المواطنين ،،، بالعكس ... اما يجي شخص ويقول لي ان الاختلاط عادي جدا وان انتو مكبرين السالفه ،،، والا يجي شخص ويوضح بطريقه غير مباشره ان القطري غير كفؤ ولهالسبب التقطير نسبته قليله ،،،، والا القطري كسول ولهالسبب نتايج المدارس المستقله فاشله .... اعتقد قصدي واضح .. والقطري الشاطر راح يميز المقيم اللي قلبه نظيف والمقيم اللي قلبه فيه حقد وحسد على القطريين وعلى قطر نفسها ،،، الله يحفظنا ويكفينا شرهم

واشكرج على مرورج الكريم حبيبتي

[Dawn]

من رايي لو التدخل كان من حيث المشاركة فقط دون ابداء الراي والتدخل مو مشكلة خاصة لو موضوع عام عادي مثل الطرق و المدارس و و .. لكن ابداء راية في شأن داخلي خاص وحساس مثل التجنيس و الاقامة والكفالة نعم معاكم مب حلوة ولا مقبولة ..

معاج قلبا وقالبا يا التيما ،،، والمشاركات تبين نفسية الشخص ونيته
شرفني مرورج حبيبتي

[Dawn]

امممم هو فالنهايه صح الموضوع مايخصه بس ممكن يقول رايه لا اكثر

ممكن بس بحدود الادب اويبين عالاقل انه ليس بقطري وان الموضوع ما يخصه اصلا :nice:

شرفني مرورك اختي الكريمه

[!..فيونكه..!]

صاجـه اختـي وانا قلـت هالشـي في أكثـر من موضوع

الاجانب والمقيمين مالهم أي حـق يتدخلـون في مواضيـع تخص الشعـب القطري

اذكـر مره عضوه حطـت موضوع تطالب بتخــصيص أمــاكن للقطـرين في جهـة من الجهـات .. المقيمين قالـو لها مب من حقـج تطلبين هالطلب !! شلون مب من حقها هـاذي بلادنـا واحنا المواطنيــن ومن حقنــا نطلب من المسؤولين حقوقنـا .. حتى لو كان في قطريين معارضين للموضوع كيفهم .. بس مقيم ويتدخل في مواضيعنا مب عدله في حقنا كقطرين

وموضوع ثانـي عن رواتب القطرين مؤهل ثنويه عامـه .. في واحد رد عالموضوع وقال ان راتب القطري اللي مؤهله ثنويه عامه يساوي راتب المقيم المهندس ؟؟
مب من حقـــك تقارن وضعنا في وضع المقيم !!! هالمهندس يحلم في بلاده يحصـل هالراتـب ويجي يشتغل في قطــر ويقارن وضعه في وضع اهل البلد مانرضاها ابـــــــدا

[Dawn]

صاجـه اختـي وانا قلـت هالشـي في أكثـر من موضوع

الاجانب والمقيمين مالهم أي حـق يتدخلـون في مواضيـع تخص الشعـب القطري

اذكـر مره عضوه حطـت موضوع تطالب بتخــصيص أمــاكن للقطـرين في جهـة من الجهـات .. المقيمين قالـو لها مب من حقـج تطلبين هالطلب !! شلون مب من حقها هـاذي بلادنـا واحنا المواطنيــن ومن حقنــا نطلب من المسؤولين حقوقنـا .. حتى لو كان في قطريين معارضين للموضوع كيفهم .. بس مقيم ويتدخل في مواضيعنا مب عدله في حقنا كقطرين

وموضوع ثانـي عن رواتب القطرين مؤهل ثنويه عامـه .. في واحد رد عالموضوع وقال ان راتب القطري اللي مؤهله ثنويه عامه يساوي راتب المقيم المهندس ؟؟
مب من حقـــك تقارن وضعنا في وضع المقيم !!! هالمهندس يحلم في بلاده يحصـل هالراتـب ويجي يشتغل في قطــر ويقارن وضعه في وضع اهل البلد مانرضاها ابـــــــدا


فعلا حبيبتي هذا الملاحظ هاليومين

هم مقيمين وتحت كفالتنا مهما كان وجاو يخدمونا ويعمرون البلد هذا شيء مفروغ منه ما يبيله نقاش ... لهم حقوقهم الانسانيه واحترامهم وتقديرهم

ولكن

انا اشوف ان مالهم حق ابدا انهم يعترضون على قرار حكومي علنا ،،، ومالهم حق ينتقدون الشعب بطريقه مباشره او غير مباشره ،، ونعم ممكن القطري يعترض على افكار او اقتراحات او قرارات ويناقش لكن المقيم على اي اساس ؟؟ بالذات في امور مثل اللي ذكرتها عن التجنيس او التبرعات او اي شيء ماله خص فيه من المواضيع المطروحه في المنتدى ..

وانا معاج وملاحظه ان اي كلمه نعترض فيها عليهم يردون بهجوم بمعنى لا تتدخلون فينا مع انه هم معطين لنفسهم الحق للتدخل في كل صغيره وكبيره في حياتنا .... حتى عاداتنا وتقاليدنا بيغيرونها ...

شكرا لمرورج واضافتج حبيبتي

[ابو علاوي]

رغم انني بعمري ماعلقت على موضوع يخص القطريين خاص ناص
مثل زيادة رواتب وديون واقساط والمدارس المستقلة ومجلس اعلى والبند المركزي والتوظيف ,,,و,,,,و,,اللي تناقشون فيها بالعادة

وتوقيعي يوضح جنسيتي
لكن ما ادري هل اقدر اعلق على هالموضوع ولا لا


ننتظر approve من صاحبة الموضوع

[Dawn]

رغم انني بعمري ماعلقت على موضوع يتعلق بموضوع يخص القطريين خاص ناص مثل زيادة رواتب وديون واقساط والمدارس المستقلة ومجلس اعلى والبند المركزي والتوظيف ,,,و,,,,و,,

وتوقيعي يوضح جنسيتي
لكن ما ادري هل اقدر اعلق على هالموضوع ولا لا


ننتظر approve من صاحبة الموضوع

هذا هو المطلوب يا بوعلاوي

وانا ذكرت ان الموضوع مفتوح لنقاش الجميع وذكرت ان السالفه سالفة اتيكيت انترنتي ومالها اي خص بالعنصريه او اي شي من هذا القبيل ...

وذكرت مثال عدم مشاركتي كقطريه في منتدى سعودي في مواضيع عن قيادة المرأه وذلك احتراما لعادات وتقاليد وتقبل اهل البلد لقيادة المرأة ،، واحتراما لبلدي اولا واخيرا ... كما انني لا اتدخل في قرارات حكومتهم ولا اناقشها ... ومشاركاتي كلها ايجابيه ومافيها اي اساءه لاي حد .. فهل انا مخطئة بعدم تدخلي في كل صغيره وكبيره في مواضيعهم يا ترى ؟؟

مادري قصدي واضح ام غير ذلك ..

and yes you are approved

اتفضل علق المجال مفتوح للجميع حياك الله

[ابو علاوي]

هذا هو المطلوب يا بوعلاوي

وانا ذكرت ان الموضوع مفتوح لنقاش الجميع وذكرت ان السالفه سالفة اتيكيت انترنتي ومالها اي خص بالعنصريه او اي شي من هذا القبيل ...

وذكرت مثال عدم مشاركتي كقطريه في منتدى سعودي في مواضيع عن قيادة المرأه وذلك احتراما لعادات وتقاليد وتقبل اهل البلد لقيادة المرأة ،، واحتراما لبلدي اولا واخيرا ... كما انني لا اتدخل في قرارات حكومتهم ولا اناقشها ... ومشاركاتي كلها ايجابيه ومافيها اي اساءه لاي حد .. فهل انا مخطئة بعدم تدخلي في كل صغيره وكبيره في مواضيعهم يا ترى ؟؟

مادري قصدي واضح ام غير ذلك ..

and yes you are approved

اتفضل علق المجال مفتوح للجميع حياك الله

شكراً للرد السريع
شكلج قاعدة ورا الباب وتنتظرين التعليقات هههههههه

انا كمقيم اشوف انه ليس من حق المقيم ان يناقش او يتدخل او يعترض او يؤيد اي قرار او حوار او رأي يتعلق باهل البلد

لكن في حالات نادرة تتقاطع المصالح ولابد من ابداء الرأي

:nice:

[مسك روز]

من تدخل فيما لا يعنيه ( سمع او لقي ) مالا يرضيه..

في ناس الظاهر على راسهم بطحه

ونط لهم عرق !!

موضوعج مميز حبيبتي

:)

[بوحسن 779]

يعني انتا تتوقع ان البريطاني او الامريكي او الاسترالي مهتم برأيي انا القطريه مثلا ؟؟ .. وان قلت له ان مجتمعك فيه كذا وكذا بياخذ برأيي وبيشوف ان رأيي هادف ... مممم ،، طيب انصحك تدخل اي فورم اجنبي وتشارك فيه وعقب قول لنا عن تجربتك في هالموضوع ..

انا للتأكيد ابغي اوضح لك يا بوحسن ان قصدي مشاركتهم في مواضيع خاصه بالقطريين مثل مواضيع التعليم الحكومي / الصحه والمستشفيات الحكوميه / قرارات الحكومه / القضاء / التجنيس / ومثل ما قال اخونا نجدي عن الاختلاط وغيرها انا اشوفها تطفل ولقافه ،، اما باقي المواضيع حياهم الله يناقشون فيها على كيف كيفهم .. يناقشووووون لين يشبعون بعد ولا عندي فيها اي مشكله او اعتراض

اعصابك اخوي الموضوع للمناقشة مب حق تعصب لراي معين واذا تبي دليل على نجاح رجل اجنبي في وطن غير وطنه في طرحه للمواضيع كان ما لقيت احمد زويل في امريكا ولا برادعي في امريكا

سوالي لك اذا جاء شخص غير قطري وشارك المواطن قطري في موضوع المدارس المستقلة وطرح راي ايجابي انت رايك تاخذ راي الشخص او ما تلتفت له؟؟؟ اخي العزيز مافي داعي للعصبية ولا القبلية اذا شخص يطرح لك الراي وانت تستفيد منه اعتقد ناخذ براي الشخص
وللمرة الثانية والثالثه الاختلاف في الراي لا يعني اني ضدك

[Dawn]

من تدخل فيما لا يعنيه ( سمع او لقي ) مالا يرضيه..

في ناس الظاهر على راسهم بطحه

ونط لهم عرق !!

موضوعج مميز حبيبتي

:)

هي محاولات بائسه جدا لاغلاق الموضوع .. لانه الظاهر ضايقهم .. اعرف هالحركات وماره علي من قبل ..
اعتقد يا اما انهم فهموني غلط وحسوا اني اسأت لهم ،،، او انهم ملاقيف وحسوا ان الكلام موجه لهم ..

لا.. الموضوع ليس مميز ،، بقدر مرورك

شرفني مرورج يالغاليه .. حياج الله

[ام السعف]

انا اشوف الاستفادة من الاخرين في مواضيع مختلفة مافيها مشكلة وبذات اذا كانت المشاركة هادفة ويليت لو نتعلم من المجتمعات الغربية اللي تستفيد من اي شخص كان وبغض النظر عن جنسيته او جنسه يليت لو نرتقي في تفكيرنا ونخلي عقولنا تستفيد من كل شخص يكون معانا ..............................

اتفق معاك،، بس مرات كثيرة بعض مداخلات المقيمين تكون مبنية على ثقافتهم
المقتبسة من حياتهم اللي عاشوها بعيد عن المجتمع القطري ،، او المستمدة
من تقاليد غير اسلامية ،، اهنيه يكون الرفض ،،

اما لو بنتكلم في امور فنية او تقنية او عمرانية مافي مشكلة يشاركون
:shy:

[المسك1969]

اختي احنا ما منعنا ولا قلنا شيء عن منع الغير قطريين من المشاركه في مواضيع عامه ..
لكن مشاركة عن اخرى تفرق وايد ....
فيه ناس مالهم حق يتدخلون في مواضيع تخص الشعب ،، هذا كل الموضوع انا ما قلت مواضيع الطب والا القانون والا غيرها مقتصره على المواطنين ،،، بالعكس ... اما يجي شخص ويقول لي ان الاختلاط عادي جدا وان انتو مكبرين السالفه ،،، والا يجي شخص ويوضح بطريقه غير مباشره ان القطري غير كفؤ ولهالسبب التقطير نسبته قليله ،،،، والا القطري كسول ولهالسبب نتايج المدارس المستقله فاشله .... اعتقد قصدي واضح .. والقطري الشاطر راح يميز المقيم اللي قلبه نظيف والمقيم اللي قلبه فيه حقد وحسد على القطريين وعلى قطر نفسها ،،، الله يحفظنا ويكفينا شرهم

واشكرج على مرورج الكريم حبيبتي


:nice: صدقتي في ماقلتيه... انا معاج فيه :nice:

[Dawn]

اعصابك اخوي الموضوع للمناقشة مب حق تعصب لراي معين واذا تبي دليل على نجاح رجل اجنبي في وطن غير وطنه في طرحه للمواضيع كان ما لقيت احمد زويل في امريكا ولا برادعي في امريكا

سوالي لك اذا جاء شخص غير قطري وشارك المواطن قطري في موضوع المدارس المستقلة وطرح راي ايجابي انت رايك تاخذ راي الشخص او ما تلتفت له؟؟؟ اخي العزيز مافي داعي للعصبية ولا القبلية اذا شخص يطرح لك الراي وانت تستفيد منه اعتقد ناخذ براي الشخص
وللمرة الثانية والثالثه الاختلاف في الراي لا يعني اني ضدك

شكلك ما فهمت قصدي ... طيب زويل هل مثلا لو قال ( احنا عاوزين الستات في امريكا تلبس الحجاب ) انتا متوقع ان الشعب الامريكي بيقول له اوكيه اقتراح موفق

يعني مثلا عندنا مقيم عادي عنده الاختلاط في الحفلات وشايفه شيء عادي لانه هو عنده هالشي مسموح ... يروح يشارك في المنتدى في موضوع خاص بالقطريين وبحفلة قطريين ويقول ان هالشي عادي ،،، طيب ليش ما قال هالشي عادي في بلدي اللي انا عايش فيها !! هنا يكون الكلام معقول صح ؟؟

وموضوع المدارس يهم الكل مقيم ومواطن في مواضيع معينه لكن لما يمسك جزئيه ما تخصه مثل تحويل المدرسين على الفائض ويجي يقول : لان المدرسين القطريين ما يشتغلون هذا سبب الاستغناء عنهم ..... والاجانب افضل كفاءة من القطريين .. الخ ... /// لا اخوي هنا معروفه النيه وواضح القصد

مادري هل امثلتي واضحه والا لأ ... انا اقصد الشيء من ناحية أدبيه واخلاقيه ( الكلام بحدود معينه )

وانا ذكرت من البدايه انه الموضوع بعيد كل البعد عن العنصريه .... واختلاف الرأي لا يفسد للود قضيه ....

اشكرك اخي الكريم على الاضافه .... وشرفني مرورك الكريم

[الوان]

مثل ما يقول المثل :"راي بونواس ... تبيه... و لا..حطه في الساس ...."

[Dawn]

أشكر الجميع على مشاركاتهم
وأشكر الادارة على فلترتها لبعض الردود المسيئة لي شخصيا و للموضوع
ولي عوده للتعليق على باقي المشاركات

[الأصيلة]

الله يعطيج العافيه ياداوون
اللي يصير في الردود من قبل المقيمين إن البعض ( من الحاقدين الحاسدين ) يرتاحون
في إخراج مافي قلوبهم من حسد بما أنهم بأسماء مستعارة من خلال
ردود مسيئة لـ وطننا وحاجاتنا ومطالبنا..
بل يفرحون إذا وجدوا من يشتكي ويزيدون في معاناته...
فـ هؤلاء المفروض تتخذ معهم الإدارة تصرف آخر..
وهم واضحين من خلال الحروف والكلمات والأسلوب..
في حين أن الكثير منهم يتمتع بالطيبة والإحساس بالمسؤولية ويعبر عن قلبه الطيب
بالرأي السديد في بعض المواضيع في حين أنه يبتعد عن المواضيع الخاصة بالقطريين...
ترى جنسية تفرق عن جنسية أخرى
جربناهم في المدارس وفي مراكز العمل...

[السامـي]

أنا معك يا Dawn.

الغريب مفروض إنه يكون أديب،أمور ما تخصك ولا حد أستشارك فيها وشتبيبها..؟!!.
ولا يرفع الضغط على ما قالت(موضي) إلا اللي يتقمص دور القطري،ويقنع نفسه إنه
قطري،وله في كل شاردة وواردة..ما يدري إنه مكشوف.

ما ندعو لهم إلا بالهداية والركادة.:)

موضوع في وقته أختي/ Dawn..شكراً لكِ.

[مشتاقة لقطر]

امممممم وبعضهم مقيمين واحصلو على الجنسية قريب ومتفاجئين بالمميزات اللي تفرق عن وطنهم الحقيقي فيستكثرون على المواطن الاصلي انه يطالب باي شي ويطبلوووووون تطبيل راسي عورني منه

[نــــظــــره]

مسا الخير اختي داون
انا افضل عدم المشاركه في مواضيع تخص المواطن القطري
والحوار العام في منتدى الاسهم القطريه _صوت المواطن والشارع القطري_
باستثناء المواضيع العامه الي تهم الجميع
الا في مواضيع الديون بشارك فيها بدعوه خالصه من القلب
ربي يفرج هموم الجميع ويرفع عن كل مديون حمله
تقبلي مروري عزيزتي

[Qt.1]

فعلا , اختي انا معاج , والله مش عن عنصريه والاا غيره , بس لان القطري ادرى ببلاده وحرقة قلبه غير عن حرقة غيره , وفي النهايه الامور تعتبر شخصيه , والمشكله بعض المشاركات مدسوسه وواضحه , ردودها تنشر الفتنه واتسبب المشكله , وهذا هدفهم من اساس المشاركه الي هو التخريب بس .

[الصاعق الحارق]

الله يعطيج العافيه ياداوون
اللي يصير في الردود من قبل المقيمين إن البعض ( من الحاقدين الحاسدين ) يرتاحون
في إخراج مافي قلوبهم من حسد بما أنهم بأسماء مستعارة من خلال
ردود مسيئة لـ وطننا وحاجاتنا ومطالبنا..
بل يفرحون إذا وجدوا من يشتكي ويزيدون في معاناته...
فـ هؤلاء المفروض تتخذ معهم الإدارة تصرف آخر..
وهم واضحين من خلال الحروف والكلمات والأسلوب..
في حين أن الكثير منهم يتمتع بالطيبة والإحساس بالمسؤولية ويعبر عن قلبه الطيب
بالرأي السديد في بعض المواضيع في حين أنه يبتعد عن المواضيع الخاصة بالقطريين...
ترى جنسية تفرق عن جنسية أخرى
جربناهم في المدارس وفي مراكز العمل...

المشكله ان كتبنا موضوع عن قطر وتكلمنا
طلع لنا مقيم ومتجنس بلموضوع
وقعد يلومنا ويتهمنا بلعنصرية
وان سكتناونشوف الردود متنا قهر

ويا كثرة المواضيع الي تسئ حق قطر واهل قطر وخصوصا
بنات قطر
ما اعتقد انه واحد يرضى يتعمد يسئ لبلاده حتى لو كان فيها بلاوي
معقوله قطري ولد البلد ولد حموله مثل ماهو معروف اهل قطر قبايل وحمايل ابوة يعرف السنع اضرب مثال على المواضيع
قطريه غير محتشمه
قطرية مفصخه
قطرية عانس
ليش المراه تلبس احمر
مافي وظايف
معطوني بيت وبنك تنميه ظالم وهلخرابيط الي ماتنتهي



ليـــــــــــــــــش ؟

هــــــــــــــرمنا

[bohilal191]

هل اللي والدته قطرية مايحق له بعد يشارك بمواضيع القطريين وشكرا

[مكتوم]

يعطيكم العافية

في اشخاص عاشت في قطر من 40 و 55 سنه
يعني فرق بين واحد توه جاء لقطر من 10 ولا 15 سنة وبين واحد من مبطي

يعني لو فتح باب النقاش للفئه الاولى لبعض المواضيع
مثل التجنيس والمشاركة في مشاكل التعليم و امور اجتماعيه وغيرة

ما شووف اي غلط في المشاركة


والسواالم

[الصاعق الحارق]

هل اللي والدته قطرية مايحق له بعد يشارك بمواضيع القطريين وشكرا

فديتك انت يا بوهلال
انت الخير والبركه طول الله بعمرك

[al_maystro]

المصيبه مب في الاجانب خل نعدل نفسنا قبل ..... لي حد ينتقد وضع معين ويدخل قطري من ظهر قطري يعارض راعي الموضوع يتهمونه انه مب قطري وانه متجنس تاخذون الكلام اللي يعجبكم وتخلون اللي يعارضكم خل نعدل نفسنا بالاول وبعدين ننتقد اللي ينتقدنا
اذا انتوا تطالبون الاجانب انهم مايشاركون عيل من حقهم انكم ماتجيبون طاريهم في كل موضوع.

الصراحة الموضوع عنصري

[ابن الجزيرة]

عندما حضرت فرنسا النقاب قمنا شتمناها وقلنا عنهم عنصريين وما يحترموا حقوق الانسان هل يعتبر هذا تدخلا في الشؤن الداخلية لفرنسا ولا يحق لغير الفرنسي التدخل؟؟


السوال الاخر هل المتجنس وحامل الجواز القطري اصبح قطريا؟؟لاني ارى البعض يحضر عليه التدخل اسوة بالمقيمين!!

انا مقيم واتمنى انا ارى قطر متطورة مزدهرة ...واكون سعيدا عندما تصبح حياة القطري اكثر استقرارا

ورفاهية لان هذا التطور وهذه الرفاهية لابد انها ستنعكس ايجابا على الجميع مواطنين ومقيمين

[Dawn]

اتفق معاك،، بس مرات كثيرة بعض مداخلات المقيمين تكون مبنية على ثقافتهم
المقتبسة من حياتهم اللي عاشوها بعيد عن المجتمع القطري ،، او المستمدة
من تقاليد غير اسلامية ،، اهنيه يكون الرفض ،،

اما لو بنتكلم في امور فنية او تقنية او عمرانية مافي مشكلة يشاركون
:shy:

وهذا هو المقصود من الموضوع
بارك الله فيج اختي الغاليه

[Dawn]

:nice: صدقتي في ماقلتيه... انا معاج فيه :nice:

شرفني مرورج حبيبتي

[Dawn]

مثل ما يقول المثل :"راي بونواس ... تبيه... و لا..حطه في الساس ...."

شرفني مرورك اختي الغاليه الوان

[Dawn]

الله يعطيج العافيه ياداوون
اللي يصير في الردود من قبل المقيمين إن البعض ( من الحاقدين الحاسدين ) يرتاحون
في إخراج مافي قلوبهم من حسد بما أنهم بأسماء مستعارة من خلال
ردود مسيئة لـ وطننا وحاجاتنا ومطالبنا..
بل يفرحون إذا وجدوا من يشتكي ويزيدون في معاناته...
فـ هؤلاء المفروض تتخذ معهم الإدارة تصرف آخر..
وهم واضحين من خلال الحروف والكلمات والأسلوب..
في حين أن الكثير منهم يتمتع بالطيبة والإحساس بالمسؤولية ويعبر عن قلبه الطيب
بالرأي السديد في بعض المواضيع في حين أنه يبتعد عن المواضيع الخاصة بالقطريين...
ترى جنسية تفرق عن جنسية أخرى
جربناهم في المدارس وفي مراكز العمل...


الله يعافيج اختي الغاليه

نعم كلامك صحيح .. للأسف كما رأيتم من سياق الموضوع والمشاركات ان المبادرين بالإساءة هم الغير قطريين ...
لاحظي اني اقول غير قطريين ولم اقل أجانب لانهم في نظري اخوان عرب اكن لهم كل التقدير ... ( اقصد المحترمين منهم طبعا )

ولاحظت ايضا من الردود ما جعلني افتخر كوني قطريه يكفي أدبنا ولباقتنا وذوقنا في التعبير عن رأينا ... هذه وجدتها من جميع المشاركين القطريين بلا استثناء ... الله لا يحرمنا من هالسنع اللي تربينا عليه ،،، ويارب ما يتغير بعوامل التغيير اللي نشوفها في المجتمع .. ولا نتأثر من غيرنا ..

وانا اشكر الاداره على مصداقيتها وتوازن حكمها على طرح الموضوع .. وعن نفسي مسامحه اللي احترقت قلوبهم من طرحي للموضوع رغم انهم اساءوا لي شخصيا ... لكني عاذرتهم يمكن ما فهموا قصدي ،، رغم تكراري بان الموضوع لا يتعلق بالعنصريه بقدر ما هو تأكيد على الاتكيت الانترنتي في التعبير عن الراي ...

وعن نفسي عندي صديقات غير قطريات ومن اعز الاصدقاء ولي علاقه طيبه بهم من سنين الطفوله الى هذا اليوم .. وهم نفسهم يستاؤوا من تصرفات الغير قطريين وبالذات موضوع التدخل والحشريه في امور لا تعنيهم ..

اشكرك حبيبتي على الإضافة

[Dawn]

امممممم وبعضهم مقيمين واحصلو على الجنسية قريب ومتفاجئين بالمميزات اللي تفرق عن وطنهم الحقيقي فيستكثرون على المواطن الاصلي انه يطالب باي شي ويطبلوووووون تطبيل راسي عورني منه

يا هلا اختي الغاليه مشتاقه انتي فعلا ذكرتي نقطه مهمه انا اغفلتها قد يكون فعلا قطري ولكن هنا نتسائل ،، من القطري الاصيل اللي بيرضى ان يتهم شعب ( كامل ) بالكسل والاتكاليه والفشل ومن القطري الاصيل اللي بيرضى على بنات بلده وبيقول عنهم انهم ( كلهم ) فاصخات الحيا وانهم قليلات ادب والخ الخ الخ من هالكلام ومن هو القطري اللي بيسيء الى الرجال القطريين ( كلهم ) ويصفهم بأنهم مغازلجيه او يبذرون اموالهم على البنات ... من هو هالقطري اللي بيرضى انه يسيء لهله وناسه بهالطريقه ؟؟

توجد مشاركات كثيره من هذا النوع .. والشاطر هو اللي راح يميز ان صاحبها لديه مشكله نفسيه حاده وحقد وحسد على شعب قطر ...

اشكرج على اضافتج القيمة
وتشرفت بمرورج حبيبتي

[Dawn]

مسا الخير اختي داون
انا افضل عدم المشاركه في مواضيع تخص المواطن القطري
والحوار العام في منتدى الاسهم القطريه _صوت المواطن والشارع القطري_
باستثناء المواضيع العامه الي تهم الجميع
الا في مواضيع الديون بشارك فيها بدعوه خالصه من القلب
ربي يفرج هموم الجميع ويرفع عن كل مديون حمله
تقبلي مروري عزيزتي




مرحبا اختي الغاليه نظره
والله ان فيه من الغير قطريين احطهم تاج على راسي بأدبهم وذوقهم ومشاركاتهم الراقيه وانتي منهم ولا اعتبرك غير قطريه ابدا بالعكس انتي منا وفينا ،، يبدو لي انك تربيتي على سنعنا كل كلمة في مشاركاتك الراقيه تدل على ذلك ...

ولكن للتأكيد للمره العشرطعش اقصد بموضوعي ناس ( مخربين ) و( مسيئين ) لقطر وانتي بنفسك قد تميزين مشاركاتهم وهدفهم منها وقد تغضبين منها كما يغضب منها اي قطري .. بحيث يدخلون في اخص خصوصيات الشعب ومن ثم يسقطوا تجاربهم في بلدهم علينا ومن ثم ( الضرب الغير مباشر ) اما للوطن ،،، او الشعب ... وهذا ما لا يرضى به اي مواطن في اي بلد ...

شرفتيني بمرورك المميز واضافتك القيمة اختي الكريمة

[بوحسن 779]

شكلك ما فهمت قصدي ... طيب زويل هل مثلا لو قال ( احنا عاوزين الستات في امريكا تلبس الحجاب ) انتا متوقع ان الشعب الامريكي بيقول له اوكيه اقتراح موفق

يعني مثلا عندنا مقيم عادي عنده الاختلاط في الحفلات وشايفه شيء عادي لانه هو عنده هالشي مسموح ... يروح يشارك في المنتدى في موضوع خاص بالقطريين وبحفلة قطريين ويقول ان هالشي عادي ،،، طيب ليش ما قال هالشي عادي في بلدي اللي انا عايش فيها !! هنا يكون الكلام معقول صح ؟؟

وموضوع المدارس يهم الكل مقيم ومواطن في مواضيع معينه لكن لما يمسك جزئيه ما تخصه مثل تحويل المدرسين على الفائض ويجي يقول : لان المدرسين القطريين ما يشتغلون هذا سبب الاستغناء عنهم ..... والاجانب افضل كفاءة من القطريين .. الخ ... /// لا اخوي هنا معروفه النيه وواضح القصد

مادري هل امثلتي واضحه والا لأ ... انا اقصد الشيء من ناحية أدبيه واخلاقيه ( الكلام بحدود معينه )

وانا ذكرت من البدايه انه الموضوع بعيد كل البعد عن العنصريه .... واختلاف الرأي لا يفسد للود قضيه ....

اشكرك اخي الكريم على الاضافه .... وشرفني مرورك الكريم

معليش لو نفترض انه شخص غير قطري جاء وطرح موضوع يخص مشاركة المواطن القطري في القرارات الصادرة من القيادة في الدولة وكانت الفكرة رائعة هل نرفضها ...؟؟ بس لانها من غير قطري ....
انزين لو جاء شخص مسلم وقال يليت نشوف انه الحكومه تتخذ خطوات سريعة لتوفير الاسكان لكل المواطنين وطرح فكرة لم يتم طرحها على الحكومه ولا الشعب من قبل ؟؟؟ هل نقبل الفكرة او نرفضها بسبب انها من غير مواطن

يليت لو توضح لنا وجه نظرك بكل شفافية ... اذا تقصد افكار غير صالحة من شخص غير مواطن اعتقد انك ما اصبت لانه في كثير من المواطنين ضد المواطنين والدليل طرد الكثير لبند المركزي من قبل مدراء قطريين

[بوحسن 779]

اتفق معاك،، بس مرات كثيرة بعض مداخلات المقيمين تكون مبنية على ثقافتهم
المقتبسة من حياتهم اللي عاشوها بعيد عن المجتمع القطري ،، او المستمدة
من تقاليد غير اسلامية ،، اهنيه يكون الرفض ،،

اما لو بنتكلم في امور فنية او تقنية او عمرانية مافي مشكلة يشاركون
:shy:

ام السعف هلا فيج انتي لحد الحين موجوده؟؟؟؟ قلت ما راح اشوفج بعد احداث البحرين ؟؟؟
يا هلا وغلا فيج

[Dawn]

فعلا , اختي انا معاج , والله مش عن عنصريه والاا غيره , بس لان القطري ادرى ببلاده وحرقة قلبه غير عن حرقة غيره , وفي النهايه الامور تعتبر شخصيه , والمشكله بعض المشاركات مدسوسه وواضحه , ردودها تنشر الفتنه واتسبب المشكله , وهذا هدفهم من اساس المشاركه الي هو التخريب بس .

مرحبا اخوي بوعبدالله
فعلا هي ليست دعوه للعنصريه والعياذ بالله وانا ذكرت هذه النقطه واكدت عليها يمكن مليون مره حتى الان .. فنحن لسنا يهود كي نقول بأننا شعب الله المختار ... الحمدلله نحن مسلمين ، وهؤلاء اخوان عرب سواء مسلمين ام غير ذلك لهم منا كل التقدير على دورهم في اعمار هذا الوطن الغالي ...

ولكن

مثل ما تفضلت توجد هناك مشاركات مدسوسه وواضحه ما تحتاج تبرير ،،، فيها اساءة مباشره وغير مباشره اما للوطن او الشعب ،،، وطبعا هدفها اثارة الفتنه والتخريب ونشر الفساد وهنا يجب ان يكون الخط الأحمر الذي يجب على الكل احترامه وعدم تخطيه .. في النقاش سواء في منتدى او في العمل او الدراسه .. الخ ..

اشكرك اخي بوعبدالله لتوضيح هذه النقطه ..
تشرفت بمرورك

[ra3shat hadab]

من نضغط زر اضافة موضوع/ مشاركة يكون متاح للقراءة للجميع

كل شخص المفروض يعرف حدوده من باب الذوق...
مش معقولة اني اسمع ثنتين مثلاً يتكلمون عن شأن خاص فيهم وصاير فبيتهم واجي حضرتي وادش عرض بينهم واناقشهم من غير ما يسمحون لي او يطلبون رايي......
بصراحة لقافة :omen2:

ودام انه منتدى ومحد يقدر يمنع حد من المشاركة قدرنا نستخلص شخصيات الناس من مشاركاتهم فمنهم :

(الحشري، والملقوف، والهادئ، والعصبي، والرزين، والمطيور، والخلوق، والمحترم،
وخفيف الظل، والنكدي، وثقيل الدم، والمثقف، والمتدين، والصبور، والصريح ، والمراوغ ، والمنافق، والصادق، والكاذب ووو ،وو)

واقوول خلوا الناس تشارك واحنا علينا نكتشف شخصياتهم ،، ونسنعهم اذا لزم الأمر :nice:


وووبس

[Dawn]

المشكله ان كتبنا موضوع عن قطر وتكلمنا
طلع لنا مقيم ومتجنس بلموضوع
وقعد يلومنا ويتهمنا بلعنصرية
وان سكتناونشوف الردود متنا قهر

ويا كثرة المواضيع الي تسئ حق قطر واهل قطر وخصوصا
بنات قطر
ما اعتقد انه واحد يرضى يتعمد يسئ لبلاده حتى لو كان فيها بلاوي
معقوله قطري ولد البلد ولد حموله مثل ماهو معروف اهل قطر قبايل وحمايل ابوة يعرف السنع اضرب مثال على المواضيع
قطريه غير محتشمه
قطرية مفصخه
قطرية عانس
ليش المراه تلبس احمر
مافي وظايف
معطوني بيت وبنك تنميه ظالم وهلخرابيط الي ماتنتهي



ليـــــــــــــــــش ؟

هــــــــــــــرمنا


معاك يالصاعق في كل كلمه قلتها ... وماراح ازيد على تعليقك

جزاك الله خير

تشرفت بمرورك وإضافتك للموضوع

[night]

والله ياختي هم يتدخلون فالمواضيع لانه اغلب المصالح تكون لهم فشي عادي اجوفينهم جي

اغلب الاشياء تصب في مصلحتهم فشي عادي يتدخلون

اذا انتي حاطه لهم قوانين يقبله العقل والمنطق ذيك الساعه مالهم حق يتدخلون

الحين هم مرتبتهم فوووووووووووووووووق فوووق

لازم يشاركونا صنع القرار

مناهج يحطونها لنا تعليم وجايبينهم يعلمونا خطط ودراسات واستراتيجيات هم حاطينها توظيف توظيف هو يوظفج هو يرفض هو يفنش هم ... الخ

تحياتي

[Dawn]

هل اللي والدته قطرية مايحق له بعد يشارك بمواضيع القطريين وشكرا

اختي او اخوي الدوحه انتو ابناء القطريات على راسي والله ،، انتو منا وفينا ،،، شوف /ـي انا ما اقصد اللي مشاركاتهم تتميز بالذوق والأدب وعدم تعمد الإساءة ،،، اعتقد وضحت في مشاركاتي السابقه من هم المقصودين بموضوعي هذا ( المخربين ) ( المسيئين للشعب والوطن ) ( الملاقيف ) واللي حتى بعضهم موجودين خارج دولة قطر لاهم قطريين ولا حتى مقيمين وقاعدين يتفلسفون .. هؤلاء هم من اقصد

شرفني مرورك اخي او اختي

بارك الله فيك

[بوحارب]

اي والله :)

[Dawn]

يعطيكم العافية

في اشخاص عاشت في قطر من 40 و 55 سنه
يعني فرق بين واحد توه جاء لقطر من 10 ولا 15 سنة وبين واحد من مبطي

يعني لو فتح باب النقاش للفئه الاولى لبعض المواضيع
مثل التجنيس والمشاركة في مشاكل التعليم و امور اجتماعيه وغيرة

ما شووف اي غلط في المشاركة


والسواالم

وعليكم السلام

مكتوم شوف ياخوي لما يجي شخص يتكلم في قرار سيادي مثل التجنيس ويجي يناقش فيه وكأنه ولد البلد وبطريقه تستفز الجميع هنا فيه خط احمر

لما يجي يقول عن التعليم انه سبب الفشل للتعليم هو ان الطلاب القطريين كسولين وما يفهمون او لان المدرسين القطريين غير اكفاء ،، هنا خط احمر

ياخي مشاركه عن مشاركه تفرق والله ،،، والشاطر هو اللي يميز المشاركه المسيئه والمشاركه الايجابيه حتى لو جات من مقيم جديد توه جاي من شهرين ...

لكن الادب واجب من الجميع ،، الكلام والتعبير له حدود ما يتعدى الواحد على غيره بأي اساءة .. سواء قطري او مقيم ،،، كلنا ملزومين بالأدب ..

هل انا كقطريه من حقي اروح منتدى سعودي واقول للبنات هناك ان قرار حكومتكم متخلف ليش مانعينكم من سواقة السيارة بالعكس عندنا في قطر مسموح البنت تسوق وعادي ؟؟؟ انتا شرايك اخوي هل انا مشاركتي حلوه بهالطريقه في منتدى غير قطري اروح اقول هالكلام ؟؟ ام اني اعتبر مسيئه للناس اللي في هالمنتدى ؟؟

تشرفت بمرورك اخي الكريم

[Dawn]

فديتك انت يا بوهلال
انت الخير والبركه طول الله بعمرك

اسمح لنا يابوهلال ولا تزعل اقرا ردي فوق وبتشوف من المقصودين في الموضوع
شكرا يالصاعق على المرور