على اي بنك انزل راتبي ؟؟

[أنا_حـــــر]

السلام عليكم ورحمة الله :nice:

انا موظف جديد ...وابي نصيحتكم بالنسبة لاختيار البنك اللي انزل فيه راتبي :shy:

بالنسبه لي اهم شي يكون اسلامي..وثانيا ابي اخذ قرض قرض سيارة بدون مقدم

وبانتضار اقتراحاتكم :victory:

[عندليب قطر]

اي بنك اسلامي

[أنا_حـــــر]

يعطيك العافيه العندليب وبانتظار اقتراحات الاعضاء

[سهم طايش]

الدولي الاسلامي يقولون تعدل وضعه

يكفي ان رئيس مجلس الادارة ثاني بن عبدالله

[" Snake "]

بالنسبه لي اشوف المصرف الاسلامي

[البسطة]

الدولي الاسلامي

[ابن التويم]

احيي فيك نفورك من الربا .. لأن آكل الربا ياذن بحرب من الله و رسوله ..

حسابي في الدولي الاسلامي و هو زين اذا تعرفت على حد من الشباب في فرعك .. يخلص لك أمورك ..

و مبروك الوظيفه تستاهل .. الله يبارك لك

[خوي الدرب]

أولا نبارك لك العمل الجديد
وحسب تجربتي منذ أحد عشر سنة
عليك بالبنك الدولي الاسلامي

[أنا_حـــــر]

الدولي الاسلامي يقولون تعدل وضعه

يكفي ان رئيس مجلس الادارة ثاني بن عبدالله

تسلم اخوي ع المشاركة والاقتراح

[أنا_حـــــر]

بالنسبه لي اشوف المصرف الاسلامي

يعطيك العافيه اخوي ع المشاركه ...واذا عندك خلفيه عن قروض السيارات ياريت تفيدني :shy:

[أنا_حـــــر]

احيي فيك نفورك من الربا .. لأن آكل الربا ياذن بحرب من الله و رسوله ..

حسابي في الدولي الاسلامي و هو زين اذا تعرفت على حد من الشباب في فرعك .. يخلص لك أمورك ..

و مبروك الوظيفه تستاهل .. الله يبارك لك

الله يبارك فيك يالغالي ...ومشكور ع الافاده:victory:

[أنا_حـــــر]

أولا نبارك لك العمل الجديد
وحسب تجربتي منذ أحد عشر سنة
عليك بالبنك الدولي الاسلامي

يعطيك العافيه اخوي..وحسب تجربتك الطويله معاهم اتمنى تفيدني بمعلومات غن قروض السيارات

[أم غانم]

مصرف الريان

[أنا_حـــــر]

مصرف الريان

شكرا ع الاقتراح:nice:

[م. عبدالعزيز]

المصرف وانت مغمض عينك ،، خدماته صارت بوايد أرتب عن أول وحتى الكول سنتر تحسن بشكل كبيرر.... وعروضهم بدت تطلع ،، حتى استغربت يوم وديت ولد خالي افتح له حساب توفير الاجراءات صارت افضل واسرع وافضل..

وفروعه كل مكان ومب لازم تسوي معاملاتك في فرعك ،، وعندهم فروع تفتح المغرب وبالمجمعات ،، وعندهم غير الكول سنتر المسجات وخدمه الانترنت .. وغير هذي تعاملاته اسلاميه

كل واحد يحول على المصرف يرتاح ومايطلع منه ،،، ونادرا جدا ماتسمع عن واحد طلع من المصرف ،، فريح نفسك من البدايه ،،

[UniCorn-80]

الدولي الاسلامي او مصرف الريان

[ديمقراطي]

اولاً انصحك في بنك اسلامي .. بعدين شوف حساب دوامك واذا كان في غير اسلامي عليك في مصرف قطر الاسلامي

[المريش]

صراحة أنا جربت مصرف الريان والدولي الاسلامي والمصرف

أحسنهم في الخدمات وأقلهم في نسبة المرابحة المصرف
ولكن مشكلتهم ان معظم افرعهم زحمة بس مع ذلك يخلصونك بسرعة

خذيت منهم سيارة ، الصبح جبت لهم عرض السعر في نفس اليوم بعد صلاة الظهر كنت مأخذ إذن التسليم

وموفق اخوي في عملك والله يبارك لك في السيارة مقدما

[بوخالد88]

الدولي الاسلامي

[سهم طايش]

احيي فيك نفورك من الربا .. لأن آكل الربا ياذن بحرب من الله و رسوله ..

حسابي في الدولي الاسلامي و هو زين اذا تعرفت على حد من الشباب في فرعك .. يخلص لك أمورك ..

و مبروك الوظيفه تستاهل .. الله يبارك لك

و اذا ما تعرف حد من الشباب في الفرع يعني البنك مهب زين ؟؟

[هام السحاب]

الدولي الاسلامي حالياً ممتاز بعد ماخلص موقعه على الانترنت ومعاملاته سريعة سواء القروض او البطاقات

[ابن التويم]

و اذا ما تعرف حد من الشباب في الفرع يعني البنك مهب زين ؟؟

يكون في علمك الدولي الاسلامي اسوأ بنك في قطر من ناحية الخدمات .. و بشهادة الجميع

البنك سيئ لا خدمات ولا مباني و لا مواقف ولا كول سنتر و لا آلات صرافه ولا حاجه .. بس اسلامي ..

لكن اذا تعرفت على حد من الموظفين بيسهل لك امورك و ممكن تنجز معظم معاملاتك بالتلفون

و هذا اللي مخليني للحين في البنك ..

[بوسلمان 2010]

تكفى اي بنك اسلامي والله يفكك من الدين لان والله احنا متبدلين بسبب الديون والسبب البنوك الربويه والله


اني ناصح لك واعتبرني اخوك العود والله يخليك لاطالع غيرك والله بتبهدل اسال مجرب ولا تسال طبيب


والله يوفقك

[Rayane]

مبروك الوظيفه.....

البنك مايهم ما دام انه اسلامي...

ولكن عني انا من 2002 مع الدولي الاسلامي ومرتاح منهم كثير

[BuFaisal]

انا في الدولي الاسلامي من عام 2000 او قبل وانصح به

[قوت القلوب]

السلام عليكم ورحمة الله وبركاته

انا عندي راتبين واحد في المصرف الاسلامي وواحدفي الدولي الاسلامي وامس خذت اخلاء طرف من الدولي الاسلامي وضميتهم في المصرف .

المقارنه:
المصرف الاسلامي 1-تقدر تسوي ايداع عن طريق مكينة الصراف وفي نفس الوقت تدخل الفلوس فالحساب.
2-فروعه منتشره في كل مكان وفالمجمعات حتى في ايام العطل.
3-معاملة شراء السيارة في ساعه ممكن تخلص وتاخذ أذن التسليم.
4-السنترل كول متطور وسريع.
5-الفيزا مايخذون عليك ارباح فالسحب غير اشتراك البطاقه السنوي.
6- متواصل مع العملاء وفي تطور مستمر.
7-نظام انترنت وكل شيء تقدر اتسويه فالنت.
وغيرها من الخدمات اللي تخلصها في نفس الوقت.

أما الدولي الاسلامي
ايداع الفلوس عن طريق الصراف :يطلع لك ظرف وتحط الفلوس وتنتظر لك كم يوم لين تدخل في الحساب.
معاملة السيارة :انا ماعلي اي اللتزام عندهم وقالي ادفع ٢٠٪فالمية دفعه اولى والمعامله عقب يومين اتجيك الموافقه!
السنترل كول لااااااا حياة لمن تنادي الا بالصدفه.
الفيزا ياخذون عليك ٤٪على كل سحب من الصراف.!ومشتريات عادي.
ورقة اخلاء طرف قالي تعال بكره استلمها .
وكشف الحساب للحين على الاوراق الكبيره اللي لونها اخضر مالت السبعينات!


الصراحه الدولي الاسلامي متأخر عن المصرف يمكن ١٠ سنين .

والريان للحين يبغي له وقت توه جديد

روح المصرف الاسلامي ومش راح تندم

[قوت القلوب]

تذكرت
الدولي ماعندهم مصداقيه في اعلاناتهم
من كم يوم حاطين اعلان عن تخفيض نسبه الفايده على ارباح السياره وفترات السماح، ويوم حسب لي الحسبه طلعت عاليه سئلته ليش والعرض قالي حق اول سنه بس وفترة السماح مخصومه من سنوات الاقساط!
والموظفين كل واحد يقطك على الثاني لان مايعرفون يحسبون الارباح وماعندهم سعة صدر ، تخاف تسئله لايهاوشك. ومعظمهم يطلع ورقه جاهزه ويقعد يدور الحسبه كم تطلع عليك.!


قال ايش قال الدولي احسن اذا عندك حد تعرفه طيب لين متى؟!

[clouds]

والله موضوع في وقته انا بصراحه في بنك ربوي وسددت الشهر اللي فات كل القروض اللي علي والحين ابي احول بنك اسلامي بس ماعرف الطريقه كيف؟؟ووين القى المصرف ف ياي مجمع؟؟والراتب لو انا تقاعد كيف احوله للبنك الاسلامي؟

[LiL iNVe$ToR]

في عالم تمدح الدولي الاسلامي وناس تمدح المصرف ..بس نصيحه ... لاتاخذ سياره من غير دفعه ..." على الاقل " 40 % من قيمتها دفعه اولى ..وكل ماكانت دفعتك اكبر بيكون افضل لك.

[LiL iNVe$ToR]

تذكرت
الدولي ماعندهم مصداقيه في اعلاناتهم
من كم يوم حاطين اعلان عن تخفيض نسبه الفايده على ارباح السياره وفترات السماح، ويوم حسب لي الحسبه طلعت عاليه سئلته ليش والعرض قالي حق اول سنه بس وفترة السماح مخصومه من سنوات الاقساط!
والموظفين كل واحد يقطك على الثاني لان مايعرفون يحسبون الارباح وماعندهم سعة صدر ، تخاف تسئله لايهاوشك. ومعظمهم يطلع ورقه جاهزه ويقعد يدور الحسبه كم تطلع عليك.!


قال ايش قال الدولي احسن اذا عندك حد تعرفه طيب لين متى؟!



سمعت ان المصرف ياخذ نسبه من اي مبلغ ينحسب من مكينه غير مكاين سحب المصرف ؟ ممكن توضح لنا هالنقطه ؟ ومشكور مقدماً :)

[م. عبدالعزيز]

سمعت ان المصرف ياخذ نسبه من اي مبلغ ينحسب من مكينه غير مكاين سحب المصرف ؟ ممكن توضح لنا هالنقطه ؟ ومشكور مقدماً :)
لا ماياخذ اذا سحبت من بطاقة الصراف

انا اسحب ببطاقة المصرف atm من صراف الوطني والمصرف وبنك الدوحه وو وما اشوف اي فايده ياخذون

ماعدا اذا بتحسب من بطاقة الائتمان، ياخذون 3.5% فائده، وهذي كل البنوك جذي

[بولينجر]

مبروك الوظيفة الجديدة..... روح المصرف هو الافضل من تجربة..... وما راح تندم.....

[aspirin]

من وجهه نظري تعامل المصرف الاسلامي مع عملائه ممتاز

[clouds]

انزين محد رد علي شلون احول من بنك ربوي الى المصرف؟؟ايش الاجراءات؟

[قوت القلوب]

خذ ورقة اخلاء طرف من البنك الربوي مع كتاب فيه رقم حسابك الجديد فالمصرف بعدم الممانعه بتحويل الراتب و ودهم الدوام وبيحولون لك راتبك على المصرف.

[فتافيت]

السلام عليكم ورحمة الله :nice:

انا موظف جديد ...وابي نصيحتكم بالنسبة لاختيار البنك اللي انزل فيه راتبي :shy:

بالنسبه لي اهم شي يكون اسلامي..وثانيا ابي اخذ قرض قرض سيارة بدون مقدم

وبانتضار اقتراحاتكم :victory:

Qatar international bank

[أنا_حـــــر]

يعطيكم الف عااااااافيه جميعا ماقصرتو والله واشكركم على ملاحظاتكم وردودكم اللي افادتني كثير

الله يوفقكم جميعا ويسعدكم