معهد لتعليم اللغه الانجليزيه في لندن-مانشستر-اكسفورد

[دانة الدوحه]

السلام عليكم

صباح الخير
لوسمحتوا انا ابي اطرش ولدي لمعهد او مدرسه في احد هالمناطق (لندن او مانشستر او اكسفورد ) عمره 15 سنه وانجليزيته تعبانه ابيه مع عائله
عندي سؤالين محيريني :

1- ناس وايد قالوا لي وديّه لمناطق برا لندن وبعيده عنها مثل توركي
بس انا ما ابيه يحس بالغربه وخصوصا انه اول مره يسافر بروحه ويضيق صدره ويمكن يهّون من الدراسه ابيه يدرس ويستانس في نفس الوقت
هل هالحركه ايجابيه او سلبيه؟

2- هل تعرفون معاهد ممتازه بليز رشحوها لي ؟
مدحوا لي المعاهد التابعه للجامعات هي اقوى شي بس للاسف ما تستقبل الا من 18سنه وفوق
وانا ولدي سن مراهقه ف اخاف اذا دخلته مع ال junior ويشوفهم كلهم صغار ويهّال يعصب ويقول شايفتني ياهل ف ابيه مع طلاب في سّنه او اكبر <<<<< خصوصا صور الطلاب اللي يحطونها صج يهّال و ولدي ماشاء الله شنب خخخخخخخ

مع انه معظم المعاهد فلي بوك
وقالوا لي مافيه الا المدارس الخاصه وبعد ما حصلت


المده شهرين او ثلاثه بالكثير لانه عنده مدرسه في سبتمبر

فياليت اللي يعرف احد هناك ينسق لي الموضوع كامل بكل شي (المدرسه الكورس واقسامه كتبهم .... الخ والعائله من حيث الوجبات +الغسيل.....الخ)
ويكون امين وصادق


اكون شاكره له
تحياتي

[دولة قطر.]

ياليت احد يفيدج ويفيدني انا بعد
ودي اودي ولدي يدرس مع ان اللغة زينة يقراء ويفهم بس ابي يكون افضل
وياريت احد يفيدنا

[عميد الريان]

احسن منطقه للغه في بريطانيا يا بورمث اوبرايتون معظم الي يدرسون لغه يرحون هالمناطق في الصيف وهي مناطق حلو وتبعد ساعه ونص بالقطار من لندن شوفي هالمدرسه في بورمث http://www.kingscolleges.com/colleges/kings-bournemouth
http://www.anglo-continental.com/
الثانيه انا درست فيها بس قبل 20 سنه وكانت من احسن المعاهد بس نصيحه اخويه الولد في سن المراهقه يعني لو تصبريين شوي عليه احسن

[وردة]

السلام عليكم ..

في البداية الله يوفق ولدج .. واحسن شي تسوينه انج ادخلينه معهد وهو بهاي العمر .. ولو اتكررين هاي الشي كل
احسن له بدال القعده ع الاقل يستفيد .. انا حاليا ادرس في بريطانيا صار لي حوالي 6 شهور ..
انا ادرس بمنطقة اسمها يورك

بصراحة يعني اجوفها زينة والمعهد الي ادرس فيه اسمه english in york

المنطقة حلوه للدراسة .. اضم صوتي لصوات كل من قال لج خليه يدرس برع لندن ..

لندن كلش ما تنفع حق دراسة وتوركي بعد لا تفكرين تخلينه يدرس في توركي صحيح انها حلوه المنطقه ع البحر ووايد حلوه بس يعني همم ماتنفع كلها بارات يعني ويكند كله مشاكل

عندج بعد برايتون بورسمث مثل ما قال لج اخوي فوق وحتى بليموث

بصراحة يعني مافي منطقه مافيها معهد زين انا عن تجربة اجوف معهدي زين بصراحة ووايد استفدت منه

واذا حابين تستفسرون عن شي او شي في خدمتكم حاليا انا في قطر وراجع بريطانيا انشاء الله يوم الاثنين ..

بالنسبة للعايلة .. المعهد يوفرها لج الغسيل طبعا عليهم والوجبات نفس الشي وهي عموما وجبتين في اليوم ريوق وعشاء لانه وجبة الغدا يكون الطالب في المدرسة ...

الدوام يبتدي الساعه ٩ الصبح الين الساعه ٤ العصر ...

وطبعا كل عيلة توفر للطالب انترنت واذا ماعجبته العائلة يقدر يغيرها باي وقت ..

العايلة راح تاخذ منه مبلغ وقدره ١١٢ باوند اسبوعيا تقريبا ٦٠٠ ريال

واذا حابه اتواصلين مع المعهد بطرش لج الرقم او اذا تبين اكلمهم لج ما عندي مشكلة ^ـ^

بالنسبة للسفر .. اقرب مطار ليورك مطار مانشستر يبعد تقريبا ١:٤٠ دقيقه بالقطار من يورك

والقطار دايرك وتبعد عن لندن ساعتين و ٢٦ دقيقه

ملاحظه انا اخو وردة ..

[قطري سبورت]

السلأم عليكم

انا عن نفسي انصحج في منطقه قريبه من توركي اسمها (توتنس)قريه صغيره وفيها امأن اكثر والأمان من الله سبحانه انا رايح ومجرب الولد عمره 15سنة الله يحفظه والمناطق الي انتي ذكرتيها ماتنفعه حاولي تخلينه بعيد عن هل الأماكن في القريه الي ذكرتها لج معهد واحد بس ومافيها عرب جلست لمدة شهرين وستفت الحمد الله اذا حبيتي تعرفين الأسعار ترا فيه شخص بريطاني مسلم متعهد حق جامعات ومعاهد ويعطيج سعر خيالي مع السكن عائيلة ويطرشلج القبول ولأياخذ منج اي شي ياخذ فلوسه من المعهد والله من ورا المقصد.

[ANONYMOUS]

وديه اي مكان مافيه عرب عشان يتعلم

ولا مافي فايده

او خل نقول الفايده اقل

لان مابيمارس اللغه

[وردة]

انا معاكم صحيح بيتعلم اسرع لو مافي عرب بس ترى والله وجود العرب لازم خاصة وهو ١٥ سنه الانجليز

لا يعينون ولا يعاونون والواحد بوجود اخوانه العرب ما يتغرب ولا يحس بالغربه

[دانة الدوحه]

مشكورين على الردود والله يعطيكم العافيه



انا معاكم صحيح بيتعلم اسرع لو مافي عرب بس ترى والله وجود العرب لازم خاصة وهو ١٥ سنه الانجليز

لا يعينون ولا يعاونون والواحد بوجود اخوانه العرب ما يتغرب ولا يحس بالغربه

^
^
^
^
انا معاك في هالنقطه
وانا متعمده ما اوديه بعيد من اول مره لانه ما يعرف شي يا دوب يعرف يطلب مطعم بس
وما ابيه يحس بغربه ويمل ويرجع ويكره الروحه مره ثانيه
ف ابيه يتعلم ويتعرف ويستانس اهم شي عندي يعرف كلمات اكثر وافعال والنطق والقواعد
والسنه الجايه اذا الله احيانا بوديه بعيد
لازم نصبر عليه شوي وخصوصا انه في البدايه

المهم لقيت عرض من جامعة كابلان بيدخلونه اسبوعين مدرسة لندن بوشي( لندن )وبعدها اسبوعين سالزبري واذا بغينا نمدد فيه مجال امدد له طبعا مع العوائل
وعندهم انشطه وفعاليات
شرايكم هل عندكم فكره عن هالمدرسه ومنطقة سالزبري

[وردة]

اختي لندن الحياة فيها مب حلوه ... سواء كانت في المواصلات او في الاسعار
بصراحة ماسمعت بهاي المدرسة او المنطقة بس بسالج عنها .. = )

[بن عمران]

منطقة نورج وايد زينة فية بل سكول ممتازة وممكن تحجزة من المجلس البريطاني ولكن انصح بنصيحة ترى الغربة ضياع لولد عندي حل حلو سويت واوفر تجيب مدرس اجنبي في البيت له ساعتين ان شاء الله راح يستفيد طريقة مجربة

[بن عمران]

السلأم عليكم

انا عن نفسي انصحج في منطقه قريبه من توركي اسمها (توتنس)قريه صغيره وفيها امأن اكثر والأمان من الله سبحانه انا رايح ومجرب الولد عمره 15سنة الله يحفظه والمناطق الي انتي ذكرتيها ماتنفعه حاولي تخلينه بعيد عن هل الأماكن في القريه الي ذكرتها لج معهد واحد بس ومافيها عرب جلست لمدة شهرين وستفت الحمد الله اذا حبيتي تعرفين الأسعار ترا فيه شخص بريطاني مسلم متعهد حق جامعات ومعاهد ويعطيج سعر خيالي مع السكن عائيلة ويطرشلج القبول ولأياخذ منج اي شي ياخذ فلوسه من المعهد والله من ورا المقصد.

الله يجزاك خير ممكن رقمه لو سمحت

[قطريه ماركه]

نصيحة فكروا في عيالكم ولا ترسلونهم بروحهم ترى الدنيا تخرع و فيها بلاوي ....

و الولد مراهق و صغير !!

و اللغة اللي نخاف على ضياعها هي لغة القرآن ...

أما الأنجليزية فممكن يتعلمها اهني يقرا قصص يشوف افلام يدش معاهد ... الخ

الله الموفق ..

[eXpert*]

Regent Oxford عندهم فرع في أكسفود وفرع في كامبيرد بأسم ريجينت كامبيردج
Skola فروعها منتشرة عبر بريطانيا وغيرها

http://www.skola.co.uk/Junior_Academic.html

[قطري سبورت]

اخوي بن عمران صباح الخير


بتوفيق نشالله

"تم مسح رقم الجوال من قبل الادارة..
يرجى استخدام خاصية التراسل بالخاص
لمثل هذه المعلومات حيث أن سياسة المنتدى
تمنع وضع ارقام الجوالات و البريد الالكتروني في المواضيع-
مع تحيات الاداره
"

[قطري مفلس]

أنا حاليا في معهد king college فرع مدينة اكسفورد المدينة زينه وفيها مطاعم حلال تبعد عن لندن بالقطار خمسين دقيقه صحيح استفد بس احس المعهد البريطاني الي ف قطر احسن

[مشتاقة لقطر]

أنا حاليا في معهد king college فرع مدينة اكسفورد المدينة زينه وفيها مطاعم حلال تبعد عن لندن بالقطار خمسين دقيقه صحيح استفد بس احس المعهد البريطاني الي ف قطر احسن

لازم تستفيدن من راي اخوي قطري مفلس .. وقطرية ماركة

يعني مو شرط اذا طلعتيه معهد بيطلع فلتة

جربي بالبداية المعهد البريطاني بقطر والسنة الياية طلعيه

[همس القصيـد]

أ خوي بن عمران اذا تعرف مدرس اجنبي يجي البيت ممكن أطرشلي رقمه

وجزاك الله خير

[قطري سبورت]

اقدم عتذاري للأداره بس ياليت تنزل من عدد الرسايل لجل اقدر ارسل على الخاص يعني بدال ماتكون 50 تكون 30 مع التقدير ولأحترام....


"تم مسح رقم الجوال من قبل الادارة..
يرجى استخدام خاصية التراسل بالخاص
لمثل هذه المعلومات حيث أن سياسة المنتدى
تمنع وضع ارقام الجوالات و البريد الالكتروني في المواضيع-
مع تحيات الاداره
"

[alkaabi]

السلام عليكم

اتوقع 15 سنة سن مايصلح انج تطرشينه برا

انا اشوف لو يدخل في اي معهد هالصيف في قطر وياخذ الاساسيات على الاقل

وممكن السنة الجاية تشوفين له معهد في الخارج يكون عنده على الاقل تاسيس

وبالتوفيق ان شاء الله

[tareq_qa]

اهلاً اخوي حبين اشارك لأني جربت الدراسة في مانشستر والعرب فيه شوية وآمان .... والدراسه في معهد اسمه ncm new college manchester والسكن عن طريقهم حبيت عائلة ولا فندق ولا سكن طلاب ... المهم حاول تشوف موقع المعهد وموفق انشالله

[تحداني]

المهم لقيت عرض من جامعة كابلان بيدخلونه اسبوعين مدرسة لندن بوشي( لندن )وبعدها اسبوعين سالزبري واذا بغينا نمدد فيه مجال امدد له طبعا مع العوائل
وعندهم انشطه وفعاليات
شرايكم هل عندكم فكره عن هالمدرسه ومنطقة سالزبري



ممكن تعطيني الروابط .. عشان ندخل عليها ونقول لج راينا فيها
لاني حقيقه اول مره اسمع عنها

جملك الله برضاه