ادارة تلفزيون قطر مساكم الله بالخير

[مخفي]

السلام عليكم ورحمة الله وبركاتة

انا بدخل في الموضوع من دون مقدمات

احزني بصفتي مواطن وانتمي لهاذي الارض الطيبة

مانشوفة في تلفزيون قطر من فقدان للهوية الوطنية

وين الاغاني الوطنية وينها ليش مانشوفها ليش

لو تلاحظون قنوات الخليج الرسمية

مخصصين فترة كل يوم لاغاني وطنية

ليش تلفزيون قطر مايحط الاغاني الوطنية

ليه حصرن بس في اليوم الوطني

يمكن البعض يقول موضوعي تافه

لكن ابي كل واحد منكم يفكر في الموضوع قبل يرد ويشارك

فعلن احنا فقدنا اشياء كثيرة ياتلفزيون قطر

ليه المسلسلات كلها شامية
ليه مايحطون المسلسلات القطرية
والا الخليجية

اذكر احد الاخوان من دول الخليج يسئلني يقول تصدق ماقد سمعت اغنية وطنية قطرية

قلت بلا كثير الاغاني القطرية

قال طيب مانشوفها على قانتكم

سكت وقلت له ان شاء الله بتسمعها

فعلن ياخوان احس فيه تقصير كبير من تلفزيون قطر والاذاعة حتى

مع العلم ان الادارة فيها كوكبة من ابناء الوطن
الي نكن لهم كل تقدير واحترام
وينهم من ه الموضوع

رسالة اتمنى انها توصل
مع كل الشكر والتقدير لهم

واسمحولي على الاطالة

[دولة قطر.]

الحين الاغاني الوطنية صارت بس بالمناسبات
من فتره حضرت حفلة تخرج وحطو النشيد الوطني اشوف اليهال حلوجهم اكثرهم مسكرة او يسوي نفسة ينشد بالفيت انه حافظ النشيد الوطني
لو تقول له ابي أغنية أي فنان بدون ذكر فنان بعدين تصير له دعاية بيغنيها لك كاملة مع الموسيقى
الله المستعان

[Dawn]

لا ليش تقول تافه ؟ بالعكس ..

شوف موضوعك مهم بخصوص الهويه القطريه في كل مكان مب بس في التلفزيون ،،

لكن صراحه وبدون زعل احنا ماعندنا اغاني وطنيه ،،، اغلب الاغاني اللي اعرفها اغاني قديمه جدا جدا هي نفسها من سنيييين ولا تغيرت ومعدوده عالاصابع
لو بيعيدون ويزيدون فيها ،، وفي اليوم الوطني بيعيدون ويزيدون فيها الناس اللي تشوف التلفزيون بتزهق .. يمكن لهالسبب التلفزيون خاشهم للمناسبات الوطنيه ..

بس المفروض ان يتم استقطاب الشعراء والفنانين ويطلب منهم عمل اناشيد او اغاني وطنيه جديده تعبر عن هذي المرحله في تاريخ قطر .. بطريقه غير مكرره وفيها ابداع ..

يعطيك العافيه عالموضوع وان شا الله رسالتك توصلهم

[موووج قطر]

رسالة اتمنى انها توصل

:

كلامك كله صح ..
و مثل ماقلت نتمنى أنها توصل :(

:

تحياتي و تقديري لك

[R 7 A L]

اي والله افتقدناها

من اول دايم يبثون ( عانقي هام السحايب والرعود ) ونشعر بالفخر والانتماء والمعزة واحنا نشوف اللقطات العسكرية .


للعلم صوت الريان لديه مجموعه كبيرة كبيرة كبيرة من شباب الوطن اصحاب الحناجر الذهبية الله يعطيهم العافية ولهم اغاني وطنية ممتازة ياليت نشوفهم في تلفزيون قطر

[ALRAYYAN]

ياشين الاغنيه الوطنين لاسمعتها بصوت فنان مب قطري
شوف الجسمي في الامارات كل سنة يتحفنا باغنيه او اغنيتين جدد
او بو نوره لين غنى عن المملكه

لكن ربعنا هني قواهم الله حق سوق واقف والمسخره اللي تصير فيه
ماعندهم وقت طال عمرك

[بوخالد88]

اؤيدك اخوووي وبشدة

بس للاسف تلفزون قطر توجهة غيررر، اجنبيات وتعري وووو...


الله يحفظنا بس

[عين قطر]

تلفزيون قطر الغير قطري
لا هوية وطنيه
لا هوية للبلد المسلم
لا هوية للتراث
تلفزيوننا هابط ومستوى متدني على الاخر
لا مذيعين قطرين الا ما ندر

لا برامج مقبوله وليست جيده
لا مسلسلات جيده
تلفزيون وجوده وعدمه واحد
----------
وشوفو كل دول الخليج تقريبا وين كانو وين وصلو
وشوف بعدها تلفزيوننا الهابط
شاطرين بس في نقل حفلات سوق واقف والرقص والبلاوي (فضحونا )

[مريومة]

ياشين الاغنيه الوطنين لاسمعتها بصوت فنان مب قطري
شوف الجسمي في الامارات كل سنة يتحفنا باغنيه او اغنيتين جدد
او بو نوره لين غنى عن المملكه

لكن ربعنا هني قواهم الله حق سوق واقف والمسخره اللي تصير فيه
ماعندهم وقت طال عمرك

100% معاك

من قال نحس بالملل من الاغاني الوطنية .. بالعكس انحس بالفخر

:victory: :victory: :victory:

[فريج النجادة]

بصراحة الادارة الحالية تحتاج الى دماء جديدة

[ra3shat hadab]

امس في الفقرة الدينية قبل اذان العصر حاطين ابتهالات (موسيقية) مالت المصريين !!
مادري اشلون اشرحها.. اللي فيها الات موسيقية مصرية وناس يغنون ...

استغربت والله ،، حتى الفقرات الدينية (مغلوطة) ومالها ارتباط (بمذهب) اهل قطر و (قيمهم الدينية)... !!

فأرجوو منهم الانتباه وعدم عرضه مرة ثانية

[مكتوم]

إيه والله صادق


وأضيف على كلامك يالمخفي وين المذيعين القطريين ؟
مانشوف الا خليفة الرميحي ماشالله عليه منّور الشاشة

*

[aldotshy]

قناة قطر ... !!

كلها مسلسلات مصرية والله احس اني حاط قناة مصرية او اجنبية


احس مديرها مصري ؟

[بوحارب]

يالربع هذي القناة اللي ماشوفها كلش احس ما منها فايده ابدا

[مساهم فنان]

هذا التلفزيون صار تلفزيون محمد عبده ... إذبحونا مع أغانيه الدينية المقررة يوميا تذاع أكثر من مرة ... بالإضافة إلى أغانيه العاطفية .

[علاء الدين 1]

27899810_0ddec08e98.jpg (46.2 كيلوبايت)
لا تعليق

[رجل مثالي]

المفروض ان يتم استقطاب الشعراء والفنانين ويطلب منهم عمل اناشيد او اغاني وطنيه جديده تعبر عن هذي المرحله في تاريخ قطر .. بطريقه غير مكرره وفيها ابداع ..

[مخفي]

المشكلة كثير من الشعراء انا تكلمت معهم

وسئلت ياجماعه وينكم من القصايد الوطنية

والله ان اكثر من واحد رد على وقال ان تلفزيون قطر مايبينا

ولاا يبي قصايدنا الوطنية وغيرها

واحد من الشعراء يقولي شخصيا
والله اني ارسلت قصيدة وطنية لاحد الفنانين القطريين
وانه انبهر من قوة الكلمات ولحنها
واخر شي عرضو على تلفزيون قطر عشان يخرجونه

وانه 4 اسنين ماردو عليهم

واخر شي جاء الرد بالرفض

هذا موقهر

الشي الادها وش عذر تلفزيون قطر

من انهم يستقطبون الشعراء القطريين ليش هذا النفور

ليش كل الشعراء القطريين نعرفهم من قنوات اخرى

مع ذالك كل واغلب الشعراء يقولون نبيهم بس يفتحون لنا المجال
حنا الي بنجيهم


ليش كل هذا ياتلفزيون قطر ليش

نتمنى حد يجاوبنا ياتلفزيون قطر

والظاهر بنبطي محد رد علينا

[bohilal191]

لا حياة لمن تنادي

[المتحدث الرسمي]

....



والله يحز في الخاطر اذا تشوف قنوات الخليج و هم يبثون الاغاني الوطنيه


ولما تحط قناة قطر تشوف اللي ما يسرك


والله انه الواحد يتشفق يسمع الاغاني الوطنيه لكن محد درى عنكم ياهل قطر

[عين قطر]

شوفو الان تلفزيونات الخليج وبالاخص الامارات
شوفو برامجهم الصباحيه وين
واحنا
وين
الله المستعان

[كازانوفا]

يا زين تلفزيون دبي وسما دبي وغيرها من المحطات الاماراتيه تقريبا يوميا كنت اسمعلهم افكر في مناسبه
اتضح بدون مناسبه متعودين على الاناشيد الوطنيه

[saryalia4u]

تلفزيون قطر فقط اسم

ان قطر عندها قناة فضائيه:omen2:

بصراحه مساوئها كثيره
واحنا هل قطر مانحس بالقناة الا في رمضان بس وفي بعض البرامج

كل افكارهم قديمه وجلحه:rolleyes2:

والمذيعات يفشلون حلو ان نكون ملتزمات بس بطريقتهم مانقدر نسميهم ملتزمات
الديكور تعبان اي شي يحطونه المهم يكملون الديكور :secret:
وعندنا محلات ومصممين ديكور ولا اروع ليش مايستعينون في مصمم ينشر
تصاميمه مقابل اعلاني وساعتها بيكون في تنافس بين الشركات ؟؟؟؟

البرامج الي تشد المشاهد غير موجوده فقط عندنا القرار والدار:nice:

اي برنامج ينصرف عليه
يكون تصويره خارج قطر ووبمذيعه غير معروفه ولا حتى تقدمه بالشكل اللي يمسنا:weeping:

بصراحه تلفزيون قطر يفشششل:anger1:

المفروض يكون فيه اهتمام اكثر واكبر لانه يدش كل بيت في العالم
لازم نعكس هويتنا وعاداتنا وتقاليدنا.. مب مجرد حشو للبرامج :secret:

بالنسبه لي اعتبر اسوء قناة في الخليج
هي قناة قطر ..:shy:
وينهم ووين قناة بوظبي والكويت وسمادبي ونور دبي وغيرهم:omen2:


وابي اقول لمدير القناه:)

ترى هل قطر مايعرفون ولا يشوفون قناة قطر
وفي ناس كثار يقولون بوووووووو مال اول قناة قطر
عفى عليها الزمن محد يشوفها:omen2:

[عين قطر]

لا حول ولا قوة الا بالله

[عين قطر]

اعلامنا هابط في كل شي
بالله عليكم
حتى مجلة ما عندنا
مثل الامارات
والسعودية
والكويت

[مخفي]

المشكلة الكبيرة

انهم يتابعون الشكاوي المسموعه والمرئية
ولكن دون جدوي

مدير التلفزيون
محمد بن عبدالرحمن الكواري
شخصية نكن لها كل احترام

وينه من الي يصير وين المتابعه حق هالمشاكل

في برنامج وطني الحبيب اشتكى احد المواطنين

وتكلم عن الفقرات الدينية
وتكلم عن البرامج الي تخص المواطن

وتكلم عن كذا نقطة مهمة جدن وتصب في مصلحة المشاهدين

وقال المذيع ان شاء الله يجينا الرد ياتلفزيون قطر

وقعد لي نهاية البرنامج اخر اتصال

شخص اتصل قال انا مستغرب ليش الجماعه في تلفزيون قطر لامبالة عندهم

ولهدرجة متهاونين في تعاملهم

ولا يمشون على منضومة معينة وانتهي مايهمهم راي حد

الامر الغريب لية هذا النفور الغريب
لشارع القطري

ليه مافيه برامج خاصة لاهل قطر

ليه مايقابلون كل اسبوع مدير ادارة ويتناقشون مع المواطنين في المشاكل الي عندهم
في الادارة الي تحت مسؤليتة
مع المسؤل مباشر وش المشكلة

ليه مايستقطبون الشباب القطري في الاذاعة

ليه مافيه مذيع قطري ليه
الا واحد والا اثنين

شكثرهم شبابنا الي يبون يتوظفون
ليه يروحون الجزيرة ويخلون قناة قطر

اتمنى من الادارة تراجع حساباتها

وين الانجازت ياتلفزيون قطر الي سويتوها

عطوني برنامج ناجح يخدم المواطنين

حتى البلد ماعاد تكلمتو عنها
الي انتو تحت اسمها

ليش مايكون فيه فقرة تخص تاريخ قطر

ليش تحاولون تلغون الهوية القطرية ليش

الجهال الي من 7 ايلا 15 سنة مايعرفون شي

بعضهم حتى النشيد الوطني مايعرفة

من يتحمل المسئولية من

تبون تحفظونا الثقافة الشامية حفظناها وغيرها

شنو بعد

ياجماعه تلاحقو فئة المراهقيين
حسسوهم بالوطنية والانتماء للوطن

كل البرامج مع احترامي الشد\يد للقائمين عليها

غير هادفة

ولا نستفيد منها شي



الكلام كثير ولكن يعلم الله انه مايخلي الواحد يتكلم

الا الشي الي يحسة بخاطرة

بس ياتلفزيون قطر من هذا الانحدار والتجاهل للوطن
بس ياتلفزيون قطر من هذا النفور لشعراء القطريين
بس ياتلفزيون قطر من النكران للهوية القطرية


الي مايقدر ينجز يرووح ويخلي غيرة ينجز وينفذ الي ماقدر علية

[ديمقراطي]

الله يسلمك موضوعك جدا جميل .. بخبركم انا في غربه وكثير ما اشتاق اشوف قنوات عربيه لكن للاسف ما اطيق اشوف تلفزيون قطر ابدا ابدا واكثر شي حاط على قناة ابو ظبي لانها افضل قناة خليجيه.

برامج دينيه ومنوعه ومسابقات واغاني تراثيه ومسلسلات وافلام كل شي منقينه على احسن شي.

اما تلفزيون قطر اذا حطيت عليه فليل فلم قديم ابيض واسود او شي قديم بايخ واذا حطيت برنامج الدار للاسف تقديمه من غير قطري ويفتقد للاخبار المميزه كانهم يقرون الجريده ..

انا ودي اعرف متى بيتغير شكل الشاشه وتصير قناة منافسه ،، !!

[هجمة مرتدة]

في النهار مسلسلات وفي الليل أفلام مصرية

أتمنى أن يكون للقناة من أسمها نصيب !

[ديمقراطي]

اعتقد انه الفقرات الوطنيه جزء بسيط من مشاكل صورة الشاشه ..
نبي فريق اعداد مذيعين .. هوية خاصه بالقناة
في مذيع والكل يعرفه مره مذيع مسابقات ومره يسال الناس فالمجمعات ومره يتناول قضايا المواطن ومره مقدم برنامج ديني ومره نشوفه فالاذاعه .. ما اتكلم عن المذيع بل اتكلم عن الهويه والتخصصيه وين راحت ؟

بس القناة حلوه فرمضان لقله الدعايات بين المسلسلات :)

[عين قطر]

الاخ الكواري مدير التلفزيون
اذا لم تجد من يحاسبك في الدنيا فان الله عادل يحاسب الجميع كل حسب عمله

[مخفي]

الله يزينها ان شاء الله

الوضع مايطمن وكل يوم في انحدار

ولاحياة لمن تنادي

صدقني اخوي عين قطر

دوام الحال من المحال
ولانقول الا الله يهدي المسؤلين لطريق الصواب

[روح الاطلس]

اغاني؟؟ ا عوذ بالله من غضب الله

[مخفي]

اغاني؟؟ ا عوذ بالله من غضب الله

كنت اتمنى منك انك قريت الموضوع عدل قبل ترد

شاكرلك مرورك