المشاكل والعنصريه في لندن ... واجهتها بنفسي هل سنه

[ديمقراطي]

السلام عليكم ..

اولا ابدا فالمشاكل:

1. غلاء الاسعار السكن جدا مكلف والله شفت شقق ماتسوا ابدا 15 الف ريال فالاسبوع على الاقل. المطاعم غاليه كل شي غالي والله ومافي ي يسوا
2. تعرضت حق حالتين سرقه للتلفون وحده منهم كانت ناجحه والثانيه فشلت
الناجحه كنت فالمطعم داخل مب برا ودخل واحد المطعم وجاني الطاوله وقف عند راسي وحط ورقه فوق تلفوناتي يبي يراويني عرض ويده الثانيه مدها تحت الورقه ومسك التلفونين بدون ماحس عليه بس الي جنبي امريكي مسك يده بعدين ذاك هد الاوراق وركض من المطعم مع العلم انه مطعم راقي ومعروف.

والعنصريه:

ركبت تكسي وبعد دقيقه لاحظ اني مسلم وقف التكسي وقالي انزل ما اركب مسلمين حبيت اني احاسبه كان باقيله 4 باوتد قالي ما اخذ من مسلمين ونزلني في نص الشارع كنت بحاسبه بس عشان اراويه اخلاقنا.

وهم عايشين علينا وشوف شيسون فينا

[المسك1969]

السلام عليكم

الله المستعان... وشحاد المسلمين يروحون لبلاد الكفر هاه؟؟ خلو السياحه في بلاد المسلمين.. وانا استغرب صراحة يعني احنا نعتقد ان هذولا يحبونا كمسلمين .. لا والله بل هم مجبرين على وجودنا وقد يرحب بنا البعض من اجل رفع اقتصادهم الوطني فقط

وأكرم لي أن اظل في بلدي .. وأفضل لي أن اتبرع بالمبلغ اللي بروح فيه برع لمن هو محتاج ويأن ولا أحد له الا الله

عموما حمدلله على سلامتكم والحمدلله أن ربي سلمكم من أمور كبيره... فقد سمعنا عن ناس قتلت مب بس انباقت.. الله المستعان

جزاك الله خيرا على الطرح والتنبيه

[ديمقراطي]

والله يا خوي اقدر لك انك تقول تتبرع بالمبلغ .. لكن اسباب السياحه تغير الجو ياخوك والسياحه الداخليه ماتناسب الكثير.

اذا انفقد الامان ماتنفع السياحه ..

[BoAzozz]

السكن غالي بسبب السياحه والعلاج
وخاصة الخليجيين يدفعون ما عندهم مشاكل


الحمدلله على سلامتك

[المقاول]

ديمقراطي

انشاء الله كل اللي يروحون لبلاد الانجليز يواجهون اللي واجهت واكثر.... عشان يكون هناك مقاطعة من كل العرب والمسلمين من اللي يشوفونة ... لان سفرك انت وغيرك وإقامتك وفلوسك تحرك اقتصادهم ..هم عندهم عنصرية وكره للمسلمين .. والمسلمين يتشرفون بالسفر الى اروبا وخاصتا لندن .. وانشاء الله الكبارية واصحاب رؤوس الاموال يتعرضون للخطف والقتل عشان الكل مايروح .. المقاطعة من العرب والمسلمين تضر حركة السياحة في لندن وهذا اقل شي ممكن نقدمة لهم ....
والحمد لله على السلامة ... واكيد انت ماراح تروح مرة ثانية...

[khaleeji]

,انا عن نفسي ما احب لندن يالربع في مناطق سياحيه حلوه غير المناطق المعروفه

تلقي الشقق على 400 باوند في الاسبوع 2000 ريال يعني كنك ماجر في الخبر

وبالنسبه للي نزلك ودك لو ماخذ رقمه ومشتكي عليه عن طريق السفاره

[المليونير الفقير]

لا والعرب يعمرون لندن يبونها ذخر:rolleyes2:

[قطريه ماركه]

لا حول ولا قوة الا بالله ...

الحمدلله على سلامتك ........

[مضاد]

تسمع بي سياسة القطيع ,؟ هذي بلاد القطيع .... الله يسلمك .


شوفو لكم مكان ثاني أرض الله واسعة .



والله يحفظك من كل شر و الحمدلله على سلامتك .

[العقل الحر]

الانجليز عنصريين ووقحين وكذلك الاوربيين

ولكن المشكلة لا يوجد عندنا ثقافه للعنصرية

واغلب العرب مايعرفون حركات العنصرية و طريقة الأهانه

[المعنى88]

الله يسلم الجميع ويردهم بالسلامة ........... اللي يكره يكره .... واللي يحب يحب
لكن لندن فيها اجانب غير الأنجليز من دول العالم ......... واللي يبغي يروح لندن
يشوف طريق الخير ويبعد عن الشر ....... لاحد يتمنى الموت للعرب في الغربة
قولوا النصيحة والكلام الطيب ......

[محمد الجفيري]

الحمدلله على سلامتك
المهم انك رجعت بصحه و سلامه

[d522]

الحمدلله على سلامتك
المهم انك رجعت بصحه و سلامه

ولا تعودها مره ثانية .... عندك تركيا ماشاءالله .. وماليزيا

[hasss1969]

عندكم دول اسلامية وسياحية من الدرجة الاولى وتحب زيارة العرب لها مثل ماليزيا \تركيا\اندونيسيا\هاذي تستاهل الواحد يروحها ويصرف فلوسه فيها...

[qatar555]

ديمقراطي

انشاء الله كل اللي يروحون لبلاد الانجليز يواجهون اللي واجهت واكثر.... عشان يكون هناك مقاطعة من كل العرب والمسلمين من اللي يشوفونة ... لان سفرك انت وغيرك وإقامتك وفلوسك تحرك اقتصادهم ..هم عندهم عنصرية وكره للمسلمين .. والمسلمين يتشرفون بالسفر الى اروبا وخاصتا لندن .. وانشاء الله الكبارية واصحاب رؤوس الاموال يتعرضون للخطف والقتل عشان الكل مايروح .. المقاطعة من العرب والمسلمين تضر حركة السياحة في لندن وهذا اقل شي ممكن نقدمة لهم ....
والحمد لله على السلامة ... واكيد انت ماراح تروح مرة ثانية...



تخيل دعاويك على المسلمين تشوفها في عيالك ولا اخوانك ؟؟؟؟!!!!


الله يصلحك

[المريش]

الله يعينك، عجل اللي يدرس هناك وش يقول

أنا كنت ادرس وياما شفنا

وعلى العموم البلاد الاسلامية فيها من المناطق السياحية ما يغنينا عن بلاد الكفر

[بوخالد88]

السلام عليكم

الله المستعان... وشحاد المسلمين يروحون لبلاد الكفر هاه؟؟ خلو السياحه في بلاد المسلمين.. وانا استغرب صراحة يعني احنا نعتقد ان هذولا يحبونا كمسلمين .. لا والله بل هم مجبرين على وجودنا وقد يرحب بنا البعض من اجل رفع اقتصادهم الوطني فقط

وأكرم لي أن اظل في بلدي .. وأفضل لي أن اتبرع بالمبلغ اللي بروح فيه برع لمن هو محتاج ويأن ولا أحد له الا الله

عموما حمدلله على سلامتكم والحمدلله أن ربي سلمكم من أمور كبيره... فقد سمعنا عن ناس قتلت مب بس انباقت.. الله المستعان

جزاك الله خيرا على الطرح والتنبيه


كلام سللللليم :nice:

الف الحمدلله علي سلامتك اخوي

[مخطط قطري]

يعني انا شخصيا مارتاح الا في لندن وكل سنه فيها واكلمكم الحين وانا والله في لندن مبسوط ومستانس
اماكن سياحيه وايد ولاتملل وهوا يرد الروح وكل ربعك هنيه ....سيارتك عندك وين ماتبي تروح بتروح وان بقيت المشي مافي احلى من هالجو لتمشي واذا بقيت السهر وطلعات والمطاعم والكوفيس كل شي عندك
بالعكس اخوي ديمقراطي ماجور ويعينك الله وهذي حالت تصير فرديه واستثناءات مايصير نعمم
انا افتر اوربا كلها واجي لندن اكثر شي ....
بنسبه للمساكين الي يقلون اقطعو لندن وخلاص بتنهار ياخي هو مب قوطي بيسي عشان نقاطعه
انت مثلا تصرف هنيه 400 او 500 الف في سنه
ترا هذي ولا شي من 4000 او 5000 مليون تصرفها حكومه قطر هنيه
يعني اذا حكومتنا قاطعت احنا بنقاطع اما احنا اذا وقفنا هالصرف خلاص هم بيترجونا تعالو لندن
انا اقولك الله يعينك وهم صج مستقلين العرب والاسعار طالعه السنه بزود بس انت جاي سياحه
قطها في الشمس وارقد في الظلال:)

[وحيد-الشوق]

لندن ولندن ولندن على كثر ما اسمع عنها بس ما اشوف فيها شيء زود عن اوروبا كلها اسواق ومهياط

بعدين شسالفه العرب مافي مكان غير لندن يعني !!!!!!!!!!!

مسوين زحمه وازعاج وغير هذا كلكم تدرون عن اسعار شقق لندن انها غالية وماتسوى ومع ذلك تروحون !!!!

[ANONYMOUS]

وش فيها ابها

دي حلوه كمان

عمره و سياحه ورضى الرحمن

[q6ri_vip]

وش فيها ابها

دي حلوه كمان

عمره و سياحه ورضى الرحمن

هههههههه اهم شي سيارتك عندك :tease:

[tarkan]

لا حول ولا قوة الا بالله العلي العظيم
الحين العنصرية زااايده بعد ضد القطريين والله المستعان!!

[وردة]

غريبة انا ادرس هناك ومن وصلت ماقد حصل لي موقف مثل هاي المواقف !!

وازيدكم من الشعر بيت الخليجيات بعضهم بعبيهم والله ولا حد قرب لهم !!

[الألماسي]

حسيت من كلامك انك كنت بتل ابيب . .

لندن ما فيها الا كل خير . . جـو حلـو هـ السنه و خطيييييير جداً

مسأله التكاسي و العنصريّه . . شكلك من النوع المتسبب على نفسك . .

الشخص اللي يطلع بـرا قطر بغرض السياحه المفروض يحترم نفسه و يكون خير سفير لبلده سواءاً بلندن و غير لندن . . عنصريّه لغير المسلم ما لا حظتها ابد اخوي و اشوف العائلات الخليجيّه تكاسي رايحين رادين . .

اتوقع اللي حصل لك موقف شخصي و كنت بكل بساطه تشتكي على صاحب التاكسي ان كان فعلاً نزلك لانه يشتغل بشركه و التاكسي ملك للشركه و ليس ملك خاص له . .

[غايه الطواش]

اخوي انا توي يايه من لندن ماتعرضت للي انت تعرضت له
صحيح جوالي انسرق ...بس سرقه الجوال تحصل في كل مكان
واذا على السكن والاكل غالي حتى باريس اكلها وسكنها غالي ولابعد اكلها اغلى من لندن ....وهالفصل يعتبر موسم ولندن من استوت غاليه يعني مهب شي جديد ...

[هارودز]

مهب خسارة ادفع على الجو باااااااارد حياة ثانية

[VIP-QATAR]

سبحان الله البعض يدافع عن لندن كانه صاحب الموضوع غلط على بلاده
معروف الاستغلال والبوق الصاير في لندن وباريس للعرب لكن كل هذا بسبت معظمنا اللي يدرون انهم يبوقونا وساكتين
والعنصريه ضدنا بعد واضحه كع ذلك في ناس ماتستغني عن لندن
بس انكم تقولون ماصار لنا شي معناتها انه مافي شي لا انتو غلطانين اكثر من حاله صارت
انا عن نفسي ماروح لندن في الصيف اروح لها في الربيع تكون ولا احلى
والصيف تقدرون تروحون اماكن احلى من لندن بالف مره مثل سويسرا على سبيل المثال
حلوة وشعبها احسن من الانجليز والفرنسيين بوايد

[لطآم]

انا الحمدلله
رحت ألمانيا ولندن وفيينا وسلفاكيا وايطاليا
بس قسم بالله كلهم مايسون الواحد يروح لها

احلى مكان رحت له وتمنيت اني رحت له من زمان
امريكا والله انها دوله ماعندهم شيء اسمعه عنصريه
قعدت فيها 3 شهور واحلى 3 شهور قعدتها
وان شاءلله ماراح اسافر اي دوله برى الخليج الا لأمريكا بس
حتى الوطن العربي مافي امل أروح لها خل لندن للربع نظام
طالعني واطالعك هههههههههههههههههههههههههههه
وفالأخير يقولون لك رايحين سياحه وهم بس قز في قز
هههههههههههههههههههههههههههههههههه
خساير فلوس على الفاضي
انا قعدت بأمريكا 3 شهور طالع من قطر معاي 6500 دولار بس
رديت قطر معاي 1000 دولار قولوا مشاءلله

السكن متوفر والسياره موجوده بس الدواره والمشتريات
فالشهر ادفع تقريباُ 1000 دولار او 1500 بس والحمدلله


أنصحكم روحوا أمريكا وخلوا لندن لشلة طالعني واطالعك

[قــ502ـطرالعز]

هالموضوع قسم الناس بين لندن لا ولندن اي ... السياحه عموماً في كل مكان لها فوايد وسلبيات واحنا نتعلم اعتقد اخوي الي صارلك شي شخصي وواضح انه شخصي يعني اقل شي لو انك ماخذ اسم الشركه صدقني راح يبهدلونه على هالحركه لان الاجانب هناك مايرضون بالغلط وهم مضمين بشكل موطبيعي ... اخيراً وليس اخراً انا من رواد لندن بس هالسنه زحمه مب طبيعيه .. ولا مره رحت وصادني موقف عنصري لاني بشخصيتك حتى الشخص العنصري تقدر تكسبه ..

[Qatarianes]

من زين لندن؟
من انا ياهل اسمع عنها وحلمت ليل نهار اطبها
صادف رحتها دراسه للجامعه درست في ليفربول اربع سنوات
طبيت لندن العاصمه مرتين ومليت ههههههههه
يازين ماليزيا اسيا الحقيقيه يبيله سمر فيلنج شواطي وسكوترات وجزر لندن هذي حق ناس تتفشخر وماترعف وين تصرف فلوسها

[حمد بن خالد]

هاذي لندن وهاذي عوايدها

انا اوروبا والدول العربية بشكل عام كارهها ومقاطعها من زمان

دول الخليج و شرق آسيا و امريكا فقط

[سهم الخيانة]

باي باي لندن

و

وهلا بانكوك

كل وحده العن من الثانية

[مضاربه]

الي راح لندن ايام الا زمه الاقتصاديه من كم سنه بيستانس من المطار يرحبون بك والتكسي والمطاعم في كل مكان تروح له الكل يبتسم لك وانا اقول سبحان مغير الاحوال قلنا بيتعضون من الي صار لهم لكن تظل العنصريه والكره للعرب في دمهم ارجعوا الحين على ماكانو عليه ان شاءالله تجيهم ازمه ثانيه تعفسهم

[بوحارب]

خلو عنكم الدولة الكافرة وعليكم بالدول اللي فيها اسلام ومسملين وبتحصلون كل خير:)

اخوي راح من يومين لندن وقالي تعال محمول مكفول ورفضت ماحب الدول الأوروبية ابدا !!

[غايه الطواش]

خلو عنكم الدولة الكافرة وعليكم بالدول اللي فيها اسلام ومسملين وبتحصلون كل خير:)اخوي راح من يومين لندن وقالي تعال محمول مكفول ورفضت ماحب الدول الأوروبية ابدا !!

مره رحنا دوله خليجيه مجاوره
شفنا في المركز الي ماشفناه في سفراتنا كلها ..
وهذا هم جيران ومسلمين وعرب :rolleyes2:

[Store]

مره رحنا دوله خليجيه مجاوره
شفنا في المركز الي ماشفناه في سفراتنا كلها ..
وهذا هم جيران ومسلمين وعرب :rolleyes2:

ومين سمعك

[بوحارب]

مره رحنا دوله خليجيه مجاوره
شفنا في المركز الي ماشفناه في سفراتنا كلها ..
وهذا هم جيران ومسلمين وعرب :rolleyes2:

اكيد تقصدين المركز اللي صارلي فيه نفس المشكلة:)

بس مب مشكلة تظل الدول المجاورة ابرك واحلى من اوروبا:victory:

[بـــــــنت النوخـّــــذه]

حسيت من كلامك انك كنت بتل ابيب . .

لندن ما فيها الا كل خير . . جـو حلـو هـ السنه و خطيييييير جداً

مسأله التكاسي و العنصريّه . . شكلك من النوع المتسبب على نفسك . .

الشخص اللي يطلع بـرا قطر بغرض السياحه المفروض يحترم نفسه و يكون خير سفير لبلده سواءاً بلندن و غير لندن . . عنصريّه لغير المسلم ما لا حظتها ابد اخوي و اشوف العائلات الخليجيّه تكاسي رايحين رادين . .

اتوقع اللي حصل لك موقف شخصي و كنت بكل بساطه تشتكي على صاحب التاكسي ان كان فعلاً نزلك لانه يشتغل بشركه و التاكسي ملك للشركه و ليس ملك خاص له . .

اتفق مع هذا الرأي بالعكس لندن آمنه من جميع الجوانب ومكان عائلي مناسب لجميع الطبقات والاجناس 000 وبالنسبه للمواصلات التكاسي محترمين جدا وسفاره قطر الله يبيض وجهم مايقصرون بالسيايير الخاصه لأي مواطن قطري يطلب من عندهم وبسعر معقول وبسواق خاص بعد وخدمات لين المطار يخلصون امورك 00

اذا بتسئل عن العنصريه وخياسه النفس مابتحصلها الا ببعض الخليجيين الي دامرين لندن بتصرفاتهم الغير سويه احم :shy: اما الشعب اللتدني << حلوه لندي ^_^ فهو شعب مسالم ومحترم وفي حاله ومايتحرش بالسياح نفس حبايبنا الي رايحين لشسمه

وسلام (ن) عليكم

[مضاربه]

اتفق مع هذا الرأي بالعكس لندن آمنه من جميع الجوانب ومكان عائلي مناسب لجميع الطبقات والاجناس 000 وبالنسبه للمواصلات التكاسي محترمين جدا وسفاره قطر الله يبيض وجهم مايقصرون بالسيايير الخاصه لأي مواطن قطري يطلب من عندهم وبسعر معقول وبسواق خاص بعد وخدمات لين المطار يخلصون امورك 00

اذا بتسئل عن العنصريه وخياسه النفس مابتحصلها الا ببعض الخليجيين الي دامرين لندن بتصرفاتهم الغير سويه احم :shy: اما الشعب اللتدني << حلوه لندي ^_^ فهو شعب مسالم ومحترم وفي حاله ومايتحرش بالسياح نفس حبايبنا الي رايحين لشسمه

وسلام (ن) عليكم


اختي لندن حلوه وماتحسين فيها بالملل شرحه مثل ماتفضلتي بس هذا مايمنع ان الانجليز عنصريين وفيهم كره للعرب حتى لو مايظهرون هذا الشي طبعا السرقات والمشاكل تجي من العرب المقيمين من يشوفون خليجي يحاولون يستغلونه هذا عن تجربه فالانسان المفروض لم يسافر يعتمد على نفسه مشكله الخليجين لم يسافرون يبون من يوديهم المطار ويبون من يدليهم ويبون من يحجز لهم اصلا متعه السفر ان الواحد يعتمد على نفسه

[Rosy]

انا رفيجتي بريطانيه مسلمه, تقوولي أن الخيلج اللي يجون لندن واايد (( بمسطلحنا)) شايفين نفسهم ومايحترمون قوانينا!!

وفعلا لسفراتي للخارج لاحظت بعض العوايل \ الافراد الله يهديهم لما يتكلم مع الاشخاص يكلمه بخياس نفس او كانه يشتغل عندهم والفندق لهم..

انا شخصيا صار موقف بمطار هيثرو مع موظفات الاستقبال وكنت تستهزء فينا كخليجين ولا شاف جوازي قطري قالت أكيد جايه عشان هاروديز تتسوقين او تجليسن بالكوفيز قباله!! انتو العرب ماتعرفون قيمه الفلوس

بصراحه ماحبيت ادخل معاها باي نقاش تجنب لاي مشاكل بالمطار وماقدر الومها لان فعلا مانعرف قيمه الفلوس واذا جينا جلسنا بالكوفيهات ولا تسوقنا كأن قطر مافيها كوفي شوبز ولا مجمعات!