خبراء paypal ، استفسار ماعليكم امر

[م. عبدالعزيز]

السلام عليكم ورحمه الله وبركاته

تاريخ 27-6-2011 شريت جهاز ايباد من الانترنت عن طريق ebay ،، واليوم 2-7-2011 جاني ايميل الصبح انه البائع مايقدر يرسل لي الايباد لانه طلع انه ماعنده والمبلغ رجعه لي وسوا refund ،،

الحين شسالفه هل المبلغ بيرجع لحسابي في الفيزا ولا بيتم في ال paypal ؟؟ ولا لازم اسوي خطوات علشان استرد المبلغ الى حسابي في البنك هني بالدوحه ؟

وشكرا لكم

[@north_star@]

المفروض لما يسوي ريفند يرجع المبلغ بحساب الفيزا عن طريق pay pal بس العميله تاخذلها كم يوم ويفضل انك تراسل البي بال وتبلغهم انك تبغي المبلغ يرجع لحساب الفيزا

[م. عبدالعزيز]

لاهنت الشيخ ،،، راح اراسل البي بال ان شاء الله وابلغهم للتاكيد ،،، بس اللي خلاني اشك طال عمرك هو انه بالعاده لما اشتري بالفيزا، اول شي يتم حجز المبلغ عقبها بكم يوم يتم الخصم وينزل بالفاتوره القادمه ،،، والحين قيمه المبلغ كانت محجوزه من الفيزا واول امس انخصمت من حساب الفيزا ،، فما ادري بهالحاله هل ممكن يرجعون المبلغ ،،

ان شاء الله استفساري واضح للجميع :)

[Dawn]

مرحبا ،،،
راح يرجع خلال 9 ايام بالكثير .. وراجع البنك اللي مطلع منه الفيزا ..

ولاحظ لو كان الريفند عن طريق بائع في الايباي وانحط لك انه pending معنى هالشي انه لحد الان التاجر ما حول المبلغ على حسابك الباي بال لازم تنتبه على هالنقطه . في هالحاله لازم تطلب تحقيق مع التاجر في باي بال . عن طريق الرسليوشن سنتر .. اذا مر 35 يوم على هالموضوع ما انحل خلاص ماراح تقدر تقدم شكوى على التاجر فانتبه على الموضوع .. وبالتوفيق ان شا الله

[م. عبدالعزيز]

هلا ومرحبا اخوي Dawn شاكر لك على تعليقك

بالنسبه للstatus يظهر لي Credit to Credit Card Completed
وفوق مكتوب الstatus كلمه Refunded
هذي آخر حاله ظهرت ،، ما ادري اذا هذي تقصد انه المبلغ رجع ولا pending :)

يعطيك العافيه

[Dawn]

هلا ومرحبا اخوي Dawn شاكر لك على تعليقك

بالنسبه للstatus يظهر لي Credit to Credit Card Completed
وفوق مكتوب الstatus كلمه Refunded
هذي آخر حاله ظهرت ،، ما ادري اذا هذي تقصد انه المبلغ رجع ولا pending :)

يعطيك العافيه

نعم اخوي المبلغ رجع خلاص دام ال status اطلعت عندك completed
اصبر عليه اسبوع او 9 ايام بالكثير .. وان ما لقيته موجود في البطاقه راجع البنك ،،، انا مره صارت معاي وتأخر المبلغ بعد 10 ايام فكلمت البنك والبنك كلموا باي بال .. بس كان المبلغ كبير حوالي 76 ألف ريال تقريبا .. بس الحمدلله رجع .. انت خلك متابع الموضوع لا تنسى ..

بالتوفيق ان شا الله

[م. عبدالعزيز]

يعطيك العافيه اخوي Dawn وماقصرت ،، بنتظر لين تاريخ 10 بهالشهر وبنشوف ان شاء الله خير

[م. عبدالعزيز]

شباب يعطيكم العافيه ،، اليوم دخلت على Easy Internet ولقيت المبلغ رجع اليوم

الف شكرعلى مساعدتكم وخدمتكم وان شاء الله اخدمكم :)

[المحقق كونان]

الحمدلله ان المبلغ رجع

و الشباب ماقصروو

[@north_star@]

الحمد لله انه رجع وبالتوفيق ان شاء الله

[airbus]

ربي يكون في عونك اكيد نقص المبلغ الي دفعته

تبي نصيحتي روح الولو عندهم ارخص من الebay