سؤال عن تايلاند

[Abu Maher]

السلام عليكم ورحمة الله

أخواني الكرام عندي أستفسار بخصوص السفر إلى تايلاند أنشاء الله أفكر أودي الوالدة وأختي يعني 3 أشخاص من 10 أيام لين 14 يوم تقريبا كم أعمل حسابي ميزانية للسفرة عدا أسعار التكيت يعني فندق و مواصلات وأماكن ترفيه وهل تنصحون فيها للعائلة


وشكرا

[العقل الحر]

على حسب صرفك

واحسبها باليومية تسهل عليك

اذا الصرف باليوم الف ريال او 10 الالاف بات بيكون متوسط الى فوق المتوسط

وتقدر تقلل من ذلك ب 500 ريال بس بتكون ماسك شوي

هذا بدون المشتريات وطبعا انت مودي نسوان والله يعينك على الشريان في المجمعات والاسواق الشعبية من قماش وحرير وغيره

اما الف ريال بتكون شامله الاكل والمواصلات والترفيه فقط غير ذلك اعمل حساب للنسوان :)

انا اروح بروحي او مع شباب يعني مافيه صرف على مجمعات وشريان :nice:

[ماجد البدر]

السلام عليكم ورحمة الله
و عليكم السلام ورحمة الله و بركاته


أخواني الكرام عندي أستفسار بخصوص السفر إلى تايلاند أنشاء الله أفكر أودي الوالدة وأختي يعني 3 أشخاص من 10 أيام لين 14 يوم تقريبا كم أعمل حسابي ميزانية للسفرة عدا أسعار التكيت يعني فندق و مواصلات وأماكن ترفيه وهل تنصحون فيها للعائلة


وشكرا

بانكوك زينه للعوايل بحسب وين توديهم وحط في بالك المشترايات لان بضايعهم حلوة ودوخون عليها الحريم
الاسعار الفنادق 15000 الف بتكفيكم اذا رايحيين فرجه بدون مستشفيات في اعتقادي
وهل تقصد بسكن انك بتدور هناك ولا بتحجز من هنيه
اذا تبي سكن حلو فيه شقق حق المرايوت يمدحونها و اذا تبي متوسطه واستديو في شارع سوكفيت اعتقد شارع رقم 20

الفيزا تسويها و تمليها في المطار وقت ماتوصل

[durra]

أخي الكريم..

قبل ما تنزل وتاخذ الأهل لبانكوك، أنصحك تحجز السكن من موقع booking.com

وطبعا تشوف أسعار التذاكر من القطرية لأنها تتغير بين كل فترة وفترة..
ونصيحة أدخل على موقع زاد المسافر بوابة تايلند.. ورح تلاقي تقارير حلوة وهنا في المنتدى في تقرير الأخت خشوف ممتاز..

وبالنسبة للفلوس حولهم دولارات وحول حوالي 1000 ريال للبات التايلندي بالدوحة لمصاريف التاكسي وبطاقة الموبايل..

وطبعا في المطار رح يصورونكم ويسؤولونكم عن المبلغ الي تحمله.. واذا اكثر من 10000 دولار لازم تبلغهم..
التكاسي استخدم تاكسي ميتر أحسن وأضمن..

المستشفيات طبعا لا تروح الأمريكي وعلى طول روح للمستشفى الملكي " مستشفى بانكوك" والأفضل تدخل موقعهم وتحجز لها موعد، لأنه زحمة واختار الخدمات الطبية للعرب AMS
وطبعا هناك مترجمين بس حاول تنتبه لهم وهم يترجمون لأنهم احيانا يزيدون أمور من عندهم طمعا في المال..
وحاول تسأل الفندق اول في المطار عن خريطة بانكوك والاماكن السياحية..

ونصيحة خذ سكن قريب من المستشفى الملكي عندك A-One وفندق ملينيوم وغيرهم دور في جوجل بس هاي الي جربتهم..

وحاول تستخدم القطار sky line في التنقل فهو أرخص وبعيد عن الزحمة ورائحة الديزل الخانقة..

وحاول دايما تنزل لمنطقة العرب في نانا وتبدل الدولارات واطلب من عندهم بطاقة مرحبا وهم يعبونها لك لأنها أرخص في الاتصالات الدولية..

وطبعا التسوق خلها في الايام الأخيرة بعد الانتهاء من مصاريف المستشفى..

[Abu Maher]

على حسب صرفك

واحسبها باليومية تسهل عليك

اذا الصرف باليوم الف ريال او 10 الالاف بات بيكون متوسط الى فوق المتوسط

وتقدر تقلل من ذلك ب 500 ريال بس بتكون ماسك شوي

هذا بدون المشتريات وطبعا انت مودي نسوان والله يعينك على الشريان في المجمعات والاسواق الشعبية من قماش وحرير وغيره

اما الف ريال بتكون شامله الاكل والمواصلات والترفيه فقط غير ذلك اعمل حساب للنسوان :)

انا اروح بروحي او مع شباب يعني مافيه صرف على مجمعات وشريان :nice:

أخي الكريم جزاك الله كل خير على الأفادة :victory: ومعاك حق لأن شكلهم من الحين ناويين على التبضع والله يعين ان شاء الله مشكور

[Abu Maher]

و عليكم السلام ورحمة الله و بركاته



بانكوك زينه للعوايل بحسب وين توديهم وحط في بالك المشترايات لان بضايعهم حلوة ودوخون عليها الحريم
الاسعار الفنادق 15000 الف بتكفيكم اذا رايحيين فرجه بدون مستشفيات في اعتقادي
وهل تقصد بسكن انك بتدور هناك ولا بتحجز من هنيه
اذا تبي سكن حلو فيه شقق حق المرايوت يمدحونها و اذا تبي متوسطه واستديو في شارع سوكفيت اعتقد شارع رقم 20

الفيزا تسويها و تمليها في المطار وقت ماتوصل

أخي ماجد جزاك الله ألف خير على المعلومات الطيبة هذي وانشاء الله بحاول نبتعد عن المولات شوي عشان الأغراءات وبأذن الله السفرة بقصد الترفيه فقط بدون مستشفيات وعلاج ولله الحمد بالنسبة لل15000 ألف فنادق تقصد ريال :omg: ولا عملتهم بس بأذن الله معلومات طيبة وشكرا لك

[Abu Maher]

أخي الكريم..

قبل ما تنزل وتاخذ الأهل لبانكوك، أنصحك تحجز السكن من موقع booking.com

وطبعا تشوف أسعار التذاكر من القطرية لأنها تتغير بين كل فترة وفترة..
ونصيحة أدخل على موقع زاد المسافر بوابة تايلند.. ورح تلاقي تقارير حلوة وهنا في المنتدى في تقرير الأخت خشوف ممتاز..

وبالنسبة للفلوس حولهم دولارات وحول حوالي 1000 ريال للبات التايلندي بالدوحة لمصاريف التاكسي وبطاقة الموبايل..

وطبعا في المطار رح يصورونكم ويسؤولونكم عن المبلغ الي تحمله.. واذا اكثر من 10000 دولار لازم تبلغهم..
التكاسي استخدم تاكسي ميتر أحسن وأضمن..

المستشفيات طبعا لا تروح الأمريكي وعلى طول روح للمستشفى الملكي " مستشفى بانكوك" والأفضل تدخل موقعهم وتحجز لها موعد، لأنه زحمة واختار الخدمات الطبية للعرب AMS
وطبعا هناك مترجمين بس حاول تنتبه لهم وهم يترجمون لأنهم احيانا يزيدون أمور من عندهم طمعا في المال..
وحاول تسأل الفندق اول في المطار عن خريطة بانكوك والاماكن السياحية..

ونصيحة خذ سكن قريب من المستشفى الملكي عندك A-One وفندق ملينيوم وغيرهم دور في جوجل بس هاي الي جربتهم..

وحاول تستخدم القطار sky line في التنقل فهو أرخص وبعيد عن الزحمة ورائحة الديزل الخانقة..

وحاول دايما تنزل لمنطقة العرب في نانا وتبدل الدولارات واطلب من عندهم بطاقة مرحبا وهم يعبونها لك لأنها أرخص في الاتصالات الدولية..

وطبعا التسوق خلها في الايام الأخيرة بعد الانتهاء من مصاريف المستشفى..

أخي الكريم أو اختي الكريمة درة جزاك الله كل خير وفي ميزان حسناتك ان شاء الله على هذه المعلومات الطيبة وان شاء الله ما بيكون في حاجة للمستشفيات لأن السفرة بقصد الترفيه وبنستخدم القطار أن شاء الله sky line وبالنسبة للفلوس بوزعهم شوي مع الوالدة ومع أختي ومعاي بس ما بيتجاوز المبلغ 8000 دولار :) وبشوف الموقع يلي نذكر فوق

مرة ثانية ألف شكر لك

[سهم طايح]

٢٠٠٠ يوميا شامله المشتريات والمواصلات والاكل

وبترجع معاك مبلغ منهم

[ذيب ولد ذيب]

بدون السكن والتذاكر 10000 كافيه الا اذا انت من النوع اللي يحذف الفلوس ولايكاسر