استفسار : ساعدوني باروح ان شاءالله العمره

[ليــــــان]

الله يخليكم بغيت اسال من منكم راح العمره شهر 7
شلون تكون مكه في هالشهر زحمه ولا خفيف ولا شنو ل
لني ان شاء الله اذا الله كتب لنا باروح ومعاي اطفال
وخوفوني من الزحمه وانه معاي يهال فحابه اعرف شاسوي
شنو الاشياء او الملاحظات الي حابين تقولونها لي
وهل فعلا انه يكون فيه خوف على اليهال من الزحمه هناك
ووين تنصحوني اروح بعد مااخلص عمرتي ان شاءالله
مثل غار حراء وبعد شنو اماكن ممكن اروح لها
بس ان كل خوفي انه في الزحمه مع اليهال
من منكم جرب يروح شهر 7 ياريت يقولي
ومن الي ودا عياله معاه يعطيني نصايح
ولكم جزيل الشكر
ودمتم

[مالك أمل]

الأهل هناك يقولون هالويكند زحمة مو طبيعية

و ربما تخُف نتيجة رجوع أهالي المدن المجاورة

لمكة لديارهم بعد الويكند ، ورُبما تخُف أيام الأسبوع

وللتأكد تابعي قناة القرآن الكريم الفضائية السعودية فهي

تنقل بث مباشر 24 ساعة .

أما موضوع الأطفال فأنصحك لله بأن يكون معكم مرافق

كخادمة أو قريبة وكما أنصحك بكتابة رقم الجوال على

أيديهم بقلم أسود المُستخدم في الوسائل التعليمية إحتياطاً

لو فُقدوا لا قدر الله ، فسوف يتصل بكم من يجدهم .

[البدع]

الجمعة كنت في مكة

فترة العصر زحمة بسيطة

وصليت خلف مقام ابراهيم بسهولة

والصفا والمروة فاضي

والحرارة اقل من قطر

الوضع كان سهالات

[أم حمد]

كل الشيعه هالشهر في مكه

!!!

[قطريه ماركه]

قناة مكة المكرمة يبثون نقل مباشر من الحرم ... حطي ع القناة و شوفي ما شاء الله عاااااالم ...


الله يوفقج ... و اييسر دربج ...

[ليــــــان]

الف شكر لكم ماقصرتوا
مالك امل
البدع
قطريه ماركه
الله لايهينكم ماقصرتوا والف شكر
ام حمد ليش تخوفينا بروحنا خايفين منهم مشكوره حبيبتي ماقصرتي

[البدع]

اغلبية الي شفتهم في مكة

اتراك

مصريين

اندونيسيين

إيرانيين

( السعوديين أقلية في مكة )

[بولينجر]

في الويكند (الخميس والجمعة) زحمة بشكل عام.... لكن الحين لان قرب رمضان بتكون في زحمة..... الزحام يعتمد على التاريخ الهجري مب الميلادي.... يعني من كم سنة شهر 7 مافيه زحمة وتعتمر بكل سهولة..... وتقبل الله طاعاتكم......

[ليــــــان]

بولينجر مشكور اخوي ماقصرت
الله يعطيك العافيه

[راعي البيرق]

شهر 7 يصادف شهر شعبان وشهر شعبان معروف عنه الزحام خصوصا في ليلة النصف من شعبان
(( الشعبانية ))
وعموما ان كان فيج حيل وشدة وتستحملين الشمس انصحج بالعمرة بين صلاتي الظهر والعصر
فالزحمة خفيفة لدرجة اني سلمت عالحجر الاسود اللي لي اكثر من 20 عمرة وحجتين وماقدرت اسلم عليه

[ليــــــان]

تسلم اخوي راعي البيرق
الله يسر ان شاءالله وماتكون زحمه

[كازانوفا]

ربي ييسرلكم امركم وعمره مقبوله ان شالله
وادعيلي ربي يرزقني بالوظيفه اللى قدمت عليهااا
ارجوكي لا تنسي من الدعاااء

[d522]

الله يوفق كل من راح مكة

[ليــــــان]

كازانوفا ان شاء الله بدعي لك
وبدعي لاعضاء الاسهم القطريه
وبدعي لك بالاسم ان شاءالله

[ضوى]

الله يرزقج اياها يارب ويرزقنا معاج زيارة بيته العتيق

بس نصيحة من ام مجربة ، العيال متعبين بالعمرة وايد متعبين ماشاء الله عليهم الا حمام الا جوع الا الا ،هذا وكانوا كبار عيالي قريب 8 و9 سنوات بس تعبت وياهم وكان بشهر سبعة ، بس فعلا مثل ماقال اخوي بولينجر الزحمة تعتمد عالاشهر الهجرية وليس الميلادية

[طماطه]

ما انصحج تودين اليهال كللللش ..

زحمه شهر سبعه .. انا العام رايحه .. وشكثر يهال ضايعين نلقاهم ( الا اذا بتخلينهم فالفندق مع خدامه او حد ) ..

[غير البشر]

اختي الحين اجازات وناس كثيره رايحه العمره

وشهر شعبان الناس تزيد في هالفتره
انا انصحج وانتي معاي اطفال

بعطيج وقت وانوي من الحين وخلي النيه موجوده

روحي بعد عيد الاضحى بشهر
يعني انا انصحج حاليا في شهر 12

والله يوفقج ان شاء الله :victory:

[كازانوفا]

شكرا يا لياااااااان ربي ييسرلك امرك وطريقك ان شالله ويتقبلها منكم

[ماجد البدر]

اذا عندكم يهال اعتمروا بعد المغرب حتى لو زحمة مسكو العيال عدل وماعليكم شرولا تعتمرون في الشمس وان كان الزحام اقل الشمس حارة وايد على الصغار ولايستحملونها

[ضليع التبريد]

كازانوفا ان شاء الله بدعي لك
وبدعي لاعضاء الاسهم القطريه
وبدعي لك بالاسم ان شاءالله


ألله يوفقك ويسهل دربك ويجزاك خير على دعائك لنا إنشاءالله بالحرم

تروحون وترجعون إنشاءالله بالسلامه

[Abdulraman]

انا كل سنه اروح شهر 7 تبي الصج زحمه وحر بس سهالات اهم شي تحجز في الفنادق القريبه من الحرم عندك دار التوحيد او هلتون مكه او زمزم او الابراج
وبالتوفيق

[ام حبيبتي]

الله يحفظهم يارب ويرجعهم بالسلامه :)

[@ دانتيل قطر @]

نصيحة
روحي نص الاسبوع
لاتروحين ويككند
واليهال معاج ان شالله سهالة
ماعليهم شر

الله يحفظكم

[لولو ومرجان]

اكيد بتكون زحمه ومانصحك تودين معاج اطفال الا اذا بيكونون في الفندق خصوصا ان الجو حار
والله يتقبل طاعتكم وعمرة مقبولة .... مقدما
لاتنسونا من الدعاء

[بنوته]

السلام عليكم ورحمة الله وبركاته

اختي مكه زحمة والشيعه عندهم اتوقع عمرة مخصوصه في هالشهر والله اعلم ...رفيجتي بتروح نهاية الشهر ونصحتها تروح في نص الاسبوع ...اما ناحية اليهال لاتخلينهم مع الخدامه ابد ..اخاف تشرد مع اليهال وطر فيهم ...الله يحفظهم لج ...عمره مقبوله مقدماً

[dream~qa]

اذا بغيتو تسوون عمرة اقسموا نفسكم قسمين قسم يؤدي مناسك العمرة وقسم يقعد مع اليهال في الفندق

أما وقت الصلوات فالله يعينكم .. أهم شي اكتبوا عنوانكم وارقام تلفوناتكم على يد اليهال ووصوهم لو ضاعوا يراوون اللي يلقاهم ارقامهم وإن شاء الله ما عليهم شر لو عدد الكبار كبير كل واحد يمسك له ياهل من يده ولا يهده لين يوصل الفندق .