هيئة التقييم وطلبات التوظيف !!!

[التيما]

السلام عليكم ورحمة الله وبركاته


طبعا الأغلبية قرأو من كم يوم وحتى جريدة اليوم عن طلب مقييمين مدارس لهيئة التقييم .. وأنا كنت مقدمة ودقوا علي وكان موعدي في بداية الاسبوع الماضي .. وأنا في الممر أدور مكان المقابلة في هيئة التقييم في الدور الثاني .. أسمع نقاش غريب صراحة وصدمني ..

يتناقشون في التوظيف .. ليش نوظف قطريات ( اللي متقدمين ) ؟؟ عندهم شغل !!:eek5: بينما المقيمات ماعندهم ؟؟؟؟ شدخل هالموضوع أصلا ؟؟ المفروض الأفضلية للأفضل ! ولا هاي منطق ؟ لا والله !! عسى ماشر ؟ جنكم كاتبين انكم تبون قطريات ؟؟


ثاني شي الأخت في المقابلة تقولي طالبين خبرة أكثر من 10 سنوات :omg: طيب في الإعلان حاطين أكثر من خمس سنوات ؟؟؟ :anger1: استهبال هو ولا وشو ؟؟

وثالث شي .. تقولي لازم لج 3 سنوات خبرة في المستقلة :anger1: طيب انتوا هالشروط ليش ما حطيتوها في الإعلان ؟؟ بدال الشحططة :anger1:

لا والا الاسئلة !! اسئلة من سنة الطبعة ولا لها داعي وكلها يبيلها بس تقولهم اللي يبون يسمعونه وانك طيب وحليو وهادي ؟ وهم ماشاء الله عليهم جنهم إهرامات مصر كبار في السن شيقنعهم هاذولا برأيي لو عندي رايي ؟؟ اذا وانا في المقابلة بغيت اتهاوش وياهم :( مافي حتى كلام طيب جني داشة عزا مب مقابلة .. عيل لو داشة على حرب شبيسون ؟

في الأخير اقتنعت انهم اصلا حاطيين العين على المقيمات عليهم بالعافية .. مساكين ماعندهم شغل صاجين ..

بس ياريت تغيرون الشروط يا هيئة التقييم .. وتكونون واضحين بدل ما تلعبون هاللعبة .. ومرة ثانية سكروا بيبانكم لحد يسمعكم ترى الحيطان لها وذان على قولة المصريين .. ولا تتناقشون بصوت عالي فشلتونا جنكم في مجلس البيت .. ودخيل الله جددوا في الجو شوية حسيت اني داشة قسم كبار السن مع احترامي لكبار السن .. كلهم من فوق الخمس وأربعين وطالع :telephone: يعني هم الخبراء !! حسستوني:anger1:

[قطريه ماركه]

خخخخخخخخخخخخخخخ الله يعينج اختي ...

لو كانوا واضحين من البداية في الاعلان ما صارت هالشحططه كلها ...

[الخفي]

(( كل شي عندهم قائم على الكذب واللف والدوران حتى في الاعلان ناس يتعاملون بوجه

وبوجه اخر تحسهم غير واضحين سلوبهم في المقابله بوليسي ))

[mrs.spoon]

حبيبتي لانه اللي يشتغلون هناك كلهم او معظمهم من المقيمين، واذا تبين واسطة اطلبي من المقيمين مب من المواطنين ،السوق قايم عليهم لا ويتحلطمون علينا ليش كله لكم يا القطريين .

[مشتاقة لقطر]

اسكتي بس قهرررررررررررررر

والله العظيم قهرررررررررر

[محمد الجفيري]

كلامكِ صحيح من المفروض ان يكتب على الاعلان
الله يهديهم بس

[miss.qa]

انا رحت لهم وافقو علي بس شكلي بطنش لهم بيحطوني ف ممر مفتوح على 4 ابواب وكل باب داخله غرفتين هههههه يالهوي

[غير البشر]

اختي التيما الله يكون بعونج
ترا سالفه التقطير مفهومه خلااااص :victory:

يقولون في الاعلان الاولويه للقطريين والقطريات

ولما اتروحين المقابله يعطونج شروط تعجيزيه
عشان ترفضين وماتوافقين

وبعدها يقولون القطريين دلوعين :tease:
مايبغون يشتغلون
واحنا نبغي تقطير والدليل شوفو الاعلان

جمبااااازيه درجه اولى :nice:

[التيما]

خخخخخخخخخخخخخخخ الله يعينج اختي ...

لو كانوا واضحين من البداية في الاعلان ما صارت هالشحططه كلها ...

اي والله شحططه حسبي الله عليهم

[التيما]

(( كل شي عندهم قائم على الكذب واللف والدوران حتى في الاعلان ناس يتعاملون بوجه

وبوجه اخر تحسهم غير واضحين سلوبهم في المقابله بوليسي ))

:weeping: صج كذب والله عيب عليهم ناس عيايز وجذي

[التيما]

حبيبتي لانه اللي يشتغلون هناك كلهم او معظمهم من المقيمين، واذا تبين واسطة اطلبي من المقيمين مب من المواطنين ،السوق قايم عليهم لا ويتحلطمون علينا ليش كله لكم يا القطريين .

اذا عالواسطة موجودة ولو دخلتها هزيت التقييم بكبرة لكن انا بانتظر شوف ردهم علي وعلى اساسه بدخل واسطتي بالكلام اللي سمعته خلهم يرقعون اشوف

[التيما]

كلامكِ صحيح من المفروض ان يكتب على الاعلان
الله يهديهم بس

ماتبون قطريات قولوا ! ماتبون ناس تشتغل قولوا .. والله حركة غير حضارية ابدا منهم وعيب


اسكتي بس قهرررررررررررررر

والله العظيم قهرررررررررر

:weeping: :weeping:

[التيما]

انا رحت لهم وافقو علي بس شكلي بطنش لهم بيحطوني ف ممر مفتوح على 4 ابواب وكل باب داخله غرفتين هههههه يالهوي

الممر صغير ويتكلمون والصوت ينسمع زين دامكم تخططون سكروا بيبانكم :anger1:

[التيما]

اختي التيما الله يكون بعونج
ترا سالفه التقطير مفهومه خلااااص :victory:

يقولون في الاعلان الاولويه للقطريين والقطريات

ولما اتروحين المقابله يعطونج شروط تعجيزيه
عشان ترفضين وماتوافقين

وبعدها يقولون القطريين دلوعين :tease:
مايبغون يشتغلون
واحنا نبغي تقطير والدليل شوفو الاعلان

جمبااااازيه درجه اولى :nice:

من كثرنا !!!! استغرب والله هالسياسة ! مادري شسالفة حكومتنا مغمضة عيونها ولا ماتدري من كبر البرج اللي هم فيه مايدرون شيصير تحت ؟

[al3grab]

عزيزي المجلس الاعلى انت كذاب

[لمعة الالماس]

في ذمتهم

[مدرسة]

وليش ما يبون قطريات ان شاء الله :anger1::anger1:

و ليش ما دخلتي عليهم و قلتيلهم

( القطريات ملحكم اذا خستوووووووواااااا )

يا بنت الحلال ،، محد مودينا في داهية الا هالأشكال !! عسى ربج يفرجها و يسخر للتعليم ناس قادرين على القيام بالمهمة على افضل و جه و يسخر لهم بطانة صالحة تدلهم على الخير و تنبههم عند الخطأ ولا تخشى في الله لومة لائم

[الوان]

بل ... عاد اكثر هيئة فيها تخبط ... و سوء ادارة ... و اذا حبتك عيني ....

و تدرين ليش يبون مقيمين و مقيمات .... يبون ناس يكرفونهم كراف و يمنون عليهم بعد بالوظيفة ...
و اهم يتمون مرتاحين في مكاتبهم ...
دوام و اجازات و سفرات للمدرا و المسئولين .. بدون حسيب و لا رقيب

[التيما]

عزيزي المجلس الاعلى انت كذاب

اي والله كذاب

[التيما]

في ذمتهم

عاد هم ذمتهم وسيعة :anger1:

[التيما]

وليش ما يبون قطريات ان شاء الله :anger1::anger1:

و ليش ما دخلتي عليهم و قلتيلهم

( القطريات ملحكم اذا خستوووووووواااااا )

يا بنت الحلال ،، محد مودينا في داهية الا هالأشكال !! عسى ربج يفرجها و يسخر للتعليم ناس قادرين على القيام بالمهمة على افضل و جه و يسخر لهم بطانة صالحة تدلهم على الخير و تنبههم عند الخطأ ولا تخشى في الله لومة لائم



اي والله محد يكرف ولا يشتغل بذمة الا احنا يالقطريين واخرتها يقولون مانشتغل !!

[التيما]

بل ... عاد اكثر هيئة فيها تخبط ... و سوء ادارة ... و اذا حبتك عيني ....

و تدرين ليش يبون مقيمين و مقيمات .... يبون ناس يكرفونهم كراف و يمنون عليهم بعد بالوظيفة ...
و اهم يتمون مرتاحين في مكاتبهم ...
دوام و اجازات و سفرات للمدرا و المسئولين .. بدون حسيب و لا رقيب

عليهم بالعافية ما اختلفنا مب هاي موضوعنا ولا اعتراضنا .. انا اعتراضي ليش تحطون اعلان وتطبخون شي ثاني !!

موافقين على مقيمات والقطريات رافضينهم شولا !!!

وواحد في هيئة التقييم قالي انهم كانوا يبون عشر بنات وعشر شباب لكنهم غلصوهم لين عشر بس اربع بنات وست شباب !!!!

[الوان]

عليهم بالعافية ما اختلفنا مب هاي موضوعنا ولا اعتراضنا .. انا اعتراضي ليش تحطون اعلان وتطبخون شي ثاني !!

موافقين على مقيمات والقطريات رافضينهم شولا !!!

وواحد في هيئة التقييم قالي انهم كانوا يبون عشر بنات وعشر شباب لكنهم غلصوهم لين عشر بس اربع بنات وست شباب !!!!

ثرى وضعهم مو بعيد عن وضع مديرات المدارس ... ما صدقت لقت لها كمن وحدة تراكض لها و تراشيها ... خلاص شاخت

[qatar143]

مساء الخير جميعا

أتمنى من الأخوة والأخوات نقل وجهات نظرهم دون تجريح ...فليس لي هدف من كتابة ماتقرأون سوى الارتقاء بمستوى المناقشة وايصال الفكر بطريقة لبقة ..

وفقكم الله جميعا ولكن أذكر بالآية الكريمة :

يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين

والأخوة والأخوات الذين كانت لهم ردود في نفس مستوى كتابة كاتب الموضوع أتمنى منهم التيقن والتأكد قبل الحكم والرد .

وشكرا للجميع

[المحقق كونان]

قطر توفر وظايف للمقيمين و الاجانب

لكن ماتوفر وظايف للمواطنين

المواطن صفر على الشمال

عيل انا من سنه متخرج ولين الحين بطالي

و للاسف الي يسوي مقابله معاي(بوجهين) يمدح و يوعد انه بيوظف و عقب لو تتصل له مايرد خير شر

[الوان]

مساء الخير جميعا

أتمنى من الأخوة والأخوات نقل وجهات نظرهم دون تجريح ...فليس لي هدف من كتابة ماتقرأون سوى الارتقاء بمستوى المناقشة وايصال الفكر بطريقة لبقة ..

وفقكم الله جميعا ولكن أذكر بالآية الكريمة :

يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين

والأخوة والأخوات الذين كانت لهم ردود في نفس مستوى كتابة كاتب الموضوع أتمنى منهم التيقن والتأكد قبل الحكم والرد .

وشكرا للجميع

مشكور اخوي / اختي على التذكير ... اكيد ما في حد يكتب رد الا متاكد منه و يعبر عن مواقفه ... يمكن الجهة اللي تقرا الرد تراجع نفسها و تحس ان في بشر غيرهم على الكوكب ..

اما عن هيئة التقييم بالذات .. انا اللي اعرفه ان كانت عليهم قضايا في المحكمة .. لا و خسروا فيها بعد ,, و صراحة الأتهامات تفشل .. مب مستوى هيئة وطنية لها دورها في تطوير التعليم