استفسار عن عملية توسيع الحالب

[almaf1a]

السلام عليكم

اخواني واخواتي هل في احد فيكم مر بتجربه او يعرف اي احد عمل عملية توسيع حالب الكلى للاطفال
للعلم الولد عمره 5 شهور

الدكتور يقول يحتاج لعمليه لتجمع البول (اعزكم الله) في الكلى من ما تسبب بتضخم الكلى اليسرا

هل تنصحوني ان اعمل العملية في مستشفى حمد
وهل توافق اللجنة الطبيه على الابتعاث للعلاج في الخارج لمثل هذي الحالات

يقول الدكتور ان ماينفع نعمل له منظار لصغر سنه ويحتاج لجراحه مفتوحه لصغر سنه
هل في الخارج ممكن يعملون له منظار



الف شكر

[R 7 A L]

لا اله الا الله
الله يشافية ويعافية



والله أشوف ان اي شي متعلق بالكلى ودك انة يكون في اماكن لها سمعتها وخبرتها


وان شاء الله راح يفيدونك اصحاب الخبرة ومن لديهم معرفه



الله يشافي ولدك ويعافيـــة

[المزن الرياني]

الله يشافي الولد ويعافيه من كل شر
ماعندي فكره بس حبيت أدعي له بالشفااء

[almaf1a]

الله يجزاكم الف خير على الدعوه

[االشامخ]

ماله شر ان شاء الله لاحد يستعجل عليه شوفي اذا تقدرين اطرشين تقاريره براء وبعدين شوفي الرد وقرري يمكن تلقين علاج ايفيده ان شاء الله بدون جراحه ترى مستشفى حمد اي كلام لاحد ياخذ كلامهم ان شاء الله الولد مايحتاج عمليه

[chloe]

هلا اختي اذا تبين نصيحتي روحي عند الدكتورة مريم سلمان استشارية موجات صوتية وسوي تلفزيون للكلى وخليها اتقيس لكم التوسع كم مللي لان ممكن ايكون 9 ويصغر لين 7 و5 ةمع الايام يختفي لان توسع الحالب ايكون في الذكور بنسبة كبيرة ويبتدي يصغر مع الايام لين يختفي في ناس يختفي عندهم التوسع على سبع وثمان شهور من عمرهم بس اهم شي اتسوون موعد عندها وتشوفون رايها واذا قالت جراحة لاقدر الله اسالو عن الدكتور بيتر كوكاو في بريطانيا اكبر جراح مسالك بولية اطفال واي شي حاضرين والله يشفي لكم الولد ويجعله قرة عين
اسال الله العظيم شفاء عاجلا غير اجل لولدكمولجميع المرضى

[Miss]

هلا اختي اذا تبين نصيحتي روحي عند الدكتورة مريم سلمان استشارية موجات صوتية وسوي تلفزيون للكلى وخليها اتقيس لكم التوسع كم مللي لان ممكن ايكون 9 ويصغر لين 7 و5 ةمع الايام يختفي لان توسع الحالب ايكون في الذكور بنسبة كبيرة ويبتدي يصغر مع الايام لين يختفي في ناس يختفي عندهم التوسع على سبع وثمان شهور من عمرهم بس اهم شي اتسوون موعد عندها وتشوفون رايها واذا قالت جراحة لاقدر الله اسالو عن الدكتور بيتر كوكاو في بريطانيا اكبر جراح مسالك بولية اطفال واي شي حاضرين والله يشفي لكم الولد ويجعله قرة عين
اسال الله العظيم شفاء عاجلا غير اجل لولدكمولجميع المرضى

انا معاها .. اتصلي لمريم سلمان وقولي لها حاله طارئه وبدخلج على طول ..
لا تستعجلين عليه .. واذا ما فيه غير العمليه لا تسوينها في الدووحه نصيحه .. واذا ما تقدرين على التكاليف ووديه الرياض ابرك بمليون مره من المذبحه اللي عندنا
الله لا يحدنا عليهم :(
الله يشفيه لج يا رب

[حقيقه]

ياحياتي صغير
لإتاخرون بعلاجه الله يشفيه

[ابوجاسم2008]

الله يشافي الولد ويعافيه من كل شر

[almaf1a]

اشكر كل من دعى ورد على الموضوع
بالنسبه للتصوير واضح التضخم في حوض الكليه
وان شاء الله راح نعمل العمليه في مستشفى حمد

الف شكر

[naif3]

الله يشفيه ياربي انشالله

[هجمة مرتدة]

عسى ربي يبرد قلبكم عليه، ويشفيه ويقر عينكم بشوفته سالم غانم من غير شر إن شاء الله . .

تحمل أخوي تعرضه على أي طبيب في مستشفى حمد !

خاصة قسم المسالك البولية والأقسام الباطنية . .

واحد أعرفه بغى يروح من كيس أهله بسببهم، لدرجة أنهم شخصوا الكلى السليمة وتجاهلوا المريضة . . !

إذا تبي رقم أحسن طبيب للكلى والمسالك البولية -قد يكون الأفضل في العالم- راسلني على الخاص . .

هو إنجليزي مسلم من أصل باكستاني، ومقرّه في لندن . .



.

[بولينجر]

الله يشافي ولدك..... ماعندي فكرة بس يمكن لو توديه بره عند دكتور خبير احسن....

[هجمة مرتدة]

اشكر كل من دعى ورد على الموضوع
بالنسبه للتصوير واضح التضخم في حوض الكليه
وان شاء الله راح نعمل العمليه في مستشفى حمد

الف شكر

أخوي مابي أخوفك، لكن والله ثم والله أنا قمت أحاتي الولد . .

استخير عسى ربي يشرح صدرك . .

وللعلم الطبيب اللي قلت لك عنه في مشاركتي السابقة يزور قطر من فترة لأخرى، ويجري عمليات في مستشفى حمد . .

وهو -بإذن الله- خير من يشخّص حالات الكلى والمسالك البولية ويجري عملياتها . .



.

[almaf1a]

الف شكر للجميع على الدعوه والمشاركه

هجمه مرتده تم ارسال رساله خاصه لك

:)

[قلم صادق]

عسى ربي يبرد قلبكم عليه، ويشفيه ويقر عينكم بشوفته سالم غانم من غير شر إن شاء الله . .

تحمل أخوي تعرضه على أي طبيب في مستشفى حمد !

خاصة قسم المسالك البولية والأقسام الباطنية . .

واحد أعرفه بغى يروح من كيس أهله بسببهم، لدرجة أنهم شخصوا الكلى السليمة وتجاهلوا المريضة . . !

إذا تبي رقم أحسن طبيب للكلى والمسالك البولية -قد يكون الأفضل في العالم- راسلني على الخاص . .

هو إنجليزي مسلم من أصل باكستاني، ومقرّه في لندن . .



.


اخوي لو سمحت ممكن تعطيني اسمه وعنوانه ضروري ..وهو طبيب كلى اطفال ...وشكرا

[00soma00]

الله يشافي الولد ويعافيه من كل شر

[almaf1a]

الف شكر لكل من دعى للولد بالشفاء