ابي اشتري سياره ومحتاره بين ( لكزس - بورش كيان - مرسيدس ) فورويل ..شتنصحوني ؟؟

[شموخ-qtr]

السلام عليكم

شتنصحوني اشتري :

1- مرسيدس ml 350 فورويل موديل 2006 ب 77 الف ريال

2- لكزس rx 350 فورويل موديل 2007 ب 88 الف ريال

3- بورش كيان s فورويل موديل 2005 ب56 الف ريال

شتنصحوني اشتري اي سياره ؟

واي سياره فيهم عمليه اكثر ؟

وقطع الغيار غاليه بكل سياره ؟؟

وكل كم شهر اقدر اغير السفايف وغيرها ؟؟

محتاجه سياره ضروري الحين

وارجو الرد بسرعه

لاهنتوا

[سبع الظلما]

اللكزس بدووووووووووووووووووووووووووووووووووون مقااااااااارنة

[البارع]

خذي المرسيدس عملي وقطع غياره متوفر ورخيص
والله اعلم بالصواب.بس اشوفه غالي ب 77 اعتقد 60الى65اوك

[المحقق كونان]

اللكزس افضل

[khalid 88]

اول شي يعتمد

السياره الاولى والاخير

تصلح للشباب والبنات

اما rx فهي نسائيه

وعمليه جدا وممتازه ومن قال ان قطع غيارها غاليه

مقارنة بالبورش والمرسيدس


فاذا كان لواحد انصحك بالبورش من بينهم , واذا لوحده rx وانت مغمض

وترا في خيارات احسن بالميزانيه مالتك

[شموخ-qtr]

ابيها لي انا :)

فكرت بالكزس بس قالوا لي قطع غيارها غالي وهونت وبعدين البورش وهونت :(

بس قلت لازم اسالكم بالاول واخذ رايكم

[شموخ-qtr]

اليوم انشالله بروح اشوف الكزس والبورش

بس ابي نصايحكم بليز لاتبخلون علي

خصوصأً انا ماعرف للسيايير وايد

واهم شي بالسياره ابيها عمليه لان مشاويري وايده

[الرمـــاح]

طبعا اللكزس نسائيه وعمليه

[جاسم القطري]

دام السيارات كلها بدون ضمان فانا اشوف اللكزس ارحم صج مالج الا الوكاله بس ياباني

ما ادري عن الاسعار لكن افحصي السياره عدل واهم شي ما تكون مدعومه

[بن جعران]

انسى موضوع البورررش شيليه عن بالج!!
هالموديلات خراباتها وايد وقطع الغيار غاليه

بس اذا بتاخذي يديد وبضمان خذي

اللكزس عملي وخراباته نادره سعر القطع مقبول

والمرسيدس نفس الحاله بس الml 2006 ارخص من السعر اللي وصلك

والله يوفقك وتلاقي السياره اللي بخاطرك (( الاستخاره قبل كل شي ))

[khalid 88]

اول شي غلطان اللي يقول قطع غيار اللكزس غاليه

هذا اكيد شخص ما استخدم اللكزس ويتفلسف

(( اقصد الاستهلاكي ))

ثانيا كونها عمليه ومشاوير

مالج الا اللكزس

يعني لاتعبين عمرج في البورش ولا المرسيدس

[بويعقوب]

اللكزس الخيار الافضل بينهم

ضروري تفحصين السياره قبل الشراء

والله يعطيج خيرها ويكفيج شرها

[بولينجر]

لكزس عملية وقطع غيارها معقولة في السعر.... ابتعدي عن مرسيدس وبورش.... توكلي على الله والله يعطيج خيرها وخير مافيها ويكفيج شرها وشر مافيها......

[motor]

البورش اذا كان 2005 مهب عملي الا اذا كان شركة حتى المرسيدس لان هالسيارات الالمانية قطع غيارها غاليه واللكزس ياباني و يعمر معاج
نصيحتي اللكزس افضل

[شموخ-qtr]

خلاص هونت عن البورش مافكر فيها كلش

اما اللكزس يوم رحت المعرض شفتها جديده حدها بس اليوم انباعت

[Ali Q]

انصحج لا تاخذين ولا سياره من الي قلتيهم

دوري جي اكس ار من 2000 الى 2007

وان شاء الله راح تلقين نظيف وريحي نفسج

[شموخ-qtr]

اخوي علي

انا كنت ابي في اكس ار وكانت عندي 2007 وبعتها وتحسفت

الحين اشوف اسعار اللاندكروزر ناااااااااار وميزانيتي محدوده

[جاسم القطري]

الله يعينج .... المستعمل لا تستعجلين فيه دوري عدل

واذا في شي زين توكلي على الله بعد الفحص

[MANSOOR75]

اول شي نصيحه لاتاخذين سياره مستعمله
واذا انتي مضطره تاخذين مستعمل لاتاخذين المرسيدس ولا البورش اخذي اللكزس
لان المرسيدس والبورش اذا صار قديم تكثر مشاكله اما اللكزس ماعليه خوف بس تاكدي ان مب مدعوم ومافيه حوادث

[khalid 88]

أختي في حدود ميزانيتج

خذيلج اكاديا 2009

[MANSOOR75]

اي والله الاكاديا حلوه وعمليه انا استعملتها فتره . بس الاخت حددت 3 سيارات

[بنـت الغالـي]

بالتوووفيق ان شاء الله

=)

[الغالي!]

كل السيارات هذي تعتمد على ماشيه كم اولآ
المرسيدس لازال نظرته فيه بنسبه لشكل
الكزس لا
البورش لا
وام عن الاستخدام المرسيدس وبعده الكزس

[شموخ-qtr]

اخوي منصور

ممكن تحط صورة السياره اللي ذكرتها

اذا زينه وحلوه وعملية باخذها ليش لا

[المحقق كونان]

http://images.myride.com/images/vehicle/2007/GMC/Acadia/oem/07.acadia.10_(544x408).jpg

GMC Acadia