الى الجهات المختصه فى وزاره الداخليه ولخويا

[السبع]

السلام عليكم ورحمه الله وبركاته

الموضوع ياأخوان هو دخول الشاحنات وسط الاحياء السكنيه ومرورهم فى اماكن غير مصرح لهم باالمرور

ومايسببه السواقين من ازعاج وترويع للمواطنين والمقيمين والزوار واتلاف الممتلكات العامه والخاصه
وهو الامر الذى اصبح بالطبيعى لدى هؤلاء السواقين لعدم وجود من يخالفهم او يردعهم

لذلك اقترح على الجهات المختصه بوزاره الداخليه ممثله فى ( المرور والفزعه والادارات الامنيه الشمال ودخان والريان ومسيعيد وايضا لخويا ) ان تقوم بعمل حملات مستمره لضبطهم ومخالفتهم وتكثيف العقوبه عليهم فى حاله التكرار للقضاء على هذه الافه

[R 7 A L]

على فكرة يدشون مناطق غير مسموح للشاحنات بالدخول فيها والشرطة تشوفهم ولا يسون لهم شي


والى يبي يشوف التجاوزات يروح الظهر للشارع الى يدش معيذر من دوار نادي الشباب وشوفوا العجب

[راعي البيرق]

بل ازيدك من الشعر بيت
فيهم ناس ماعندهم الليسن القطري الثقيل اللي يخولهم قيادة شاحنات ثقيلة ولما تساله يقولك انا عندي
الليسن (( ليسن بلاده )) واللي العالم الله شلون طلعه بالرغم من انه مقيم بالبلد اكثر من سنتين ولا طلع الليسن القطري والقانون بالطبع يمنع هالشي فهو يعطيه فترة 6 شهور فقط لتعديل وضعه .
ولما تجي تكلمه بهالشي يقول لك السيارة لوحاتها مش قطرية خليجية
وقانون المرور القطري ماينطبق عليها !!
تكلمه يمين يجيك شمال
وين المرور عنهم ولا بس شاطرين على اهل البلد في المخفي وحزام الامان والبوالين بس

[الغالي!]

ولا راح يتخلفون والحر بالاشاره يفهم

[بوسلمان 2010]

والله يااخوي السبع موضوك وايد مهم واذكر مره كلمت واحد يشتغل في الخويا كلمته عن الشاحنات وعن تجوزاتهم


الي ضيعت كثير من الارواح وعدم المباله منهم ورده كان ان الشحنات تم التشديد عليهم واعطائهم المخلفات



بدون استثناء ولا في اي تسماح معاهم ولاكن للاسف الكلام الي قاله لي الصراحه مااشوف اي شي يطبق



على الواقع الصبح يقولون من بعد الساعه 9 يدشون الين الساعه 2 الظهر والله اني اشوفهم 24 ساعه في



كل مكان الله المستعان