سامسونج تصبح أسرع شركه في بيع الهواتف الذكية:باعت 3 مليون جالكسي أس 2 في 55 يوم

[shadad]

3 يوليو, 2011


http://www.ce4arab.com/vb7/images/imgc/07_2011/408600.jpg

في 85 يوم باعت الشركه الكوريه سامسونج 3 مليون هاتف من النسخه الأوليه للهاتف المحمول Galaxy S وبعد مضي عدة أشهر قليله تمكنت الشركه من بيع 10 مليون هاتف محمول والآن يبدو أن الهاتف المحمول الخارق Galaxy S II حقق رقم قياسي حيث تم بيع 3 مليون هاتف في 55 يوم ممايعني كل ثانيه ونصف يتم بيع هاتف محمول ليكون أسرع هاتف قد باعته الشركه الكوريه في تاريخها لعالم الهاتف النقال .
وحسب الاحصائيه قاعدة تبيع 50000 خمسين الف تلفون من جلاكسي اس 2 يوميا ! وهاي كله والطرح ما حسب اللي بينباع في امريكا ...يعني بالراحه بتكسر رقمها الاولاني حق الجلاكسي اس اللي كان 10 مليون وحده في شهور قليله :nice:

المصدر GSM arena الموقع التقني المشهور:
http://www.gsmarena.com/galaxy_s_ii_breaks_samsungs_records_sells_3_millio n_in_55_days-news-2846.php

والموضوع نقلته وعدلت فيه بعض الاشياء :) ..

[airbus]

في اول يوم باعت شركة ابل ايفون 4 مليون ونصف وطبعا كان اول يوم في اربع دول او خمسة تقريبا

[AlWakRa]

عليكم بالعافية يا أصحاب الآيفون على بيع مليون ونص بأول يوم ، ما أدري اشدخله بالموضوع وأنا ما أشوف أي أثر لذكره بنص الموضوع ؟؟!!


والجالاكسي جهاز قوي وجميل وللحين متعب الأجهزة الثانية ، ناطرين جهاز يقدم نفس أداءه

[airbus]

السبب حتى ماحد يصدق كلام الجرايد في عنوان الموضوع !!

[المنسى]

بصراحه الجلكسى ماعليه كلام جهاز روعه

[00soma00]

الجالكسى افضل من الايفون مليون مرة

[shadad]

السبب حتى ماحد يصدق كلام الجرايد في عنوان الموضوع !!

حبيبي الموضوع ما جبنا فيه سيرة الايفون . اذا انت تاجر وخايف على بضاعتك انت كيفك وانا ذكرتك هاي الشي العام يوم تميت تهرب بردودك قدامي في موضوع الجلاكسي اس 1 . ولا رد تجيبه لي بمصدر ! اذا انت مالك بالتقنيه وبياع هاي مشكلتك لكن لا تفرض علينا معلومات خاطئه. ردودي بمواقع تقنيه لا منتديات ولا مواقع متعصبه لمنتج ما.

الموضوع انا كتبته وعدلت فيه عندك ملاحظه فيه بقولك مرحبا. تقعد تسوي لنا مشاكل واستفزاز على طول ابلغ بمشاركتك . اتمنى ان الرساله وصلتك .

[airbus]

ايه خايف على الحاويات الي في الميناء !!!!!!

وتاني شي العنوان في غلط شلون أسرع شركه في بيع الهواتف الذكية !! وشركة ابل باعت 1.5 مليون جهاز في يوم واحد

وانت للحين انت الي تتهرب قتلي وين المصدر عطيتك المصدر ! تبي مصدر تاني اصبر لما ينزل الايفون الجديد وشوف كم يبناع في اول يوم !



افتح كتاب غينيس للارقام القياسية وشوف الرقم الفياسي للايفون 4 وعقبال الجهاز الجديد


!!!! ياراعي التقنية !!!!

[shadad]

ايه خايف على الحاويات الي في الميناء !!!!!!

وتاني شي العنوان في غلط شلون أسرع شركه في بيع الهواتف الذكية !! وشركة ابل باعت 1.5 مليون جهاز في يوم واحد

وانت للحين انت الي تتهرب قتلي وين المصدر عطيتك المصدر ! تبي مصدر تاني اصبر لما ينزل الايفون الجديد وشوف كم يبناع في اول يوم !



افتح كتاب غينيس للارقام القياسية وشوف الرقم الفياسي للايفون 4 وعقبال الجهاز الجديد


!!!! ياراعي التقنية !!!!

لا تخلط المواضيع مع بعض يا تاجر ! الموضوع اللي فيه المصدر راجع لك فيه ياللي ينقل كوبي وبيست بدون ما يعرف . فقط تعصب لانه بايع.
هذا اول شي . ثاني شي انت قريت محتوى الموضوع قبل ما تتفلسف ؟ اقراه عدل وبعدين تكلم .
وبعدين ولله الحمد افخر اني IT وفوق كذا يوم افكر ..افكر ابيع ابيع بامانه وذمه مو نفس العام ابيع تلفون فيه مشكله مصنعيه على انه سليم ويجي ويكذب المواضيع . واتفلسف تبي تبيع بيع بس تناقشني بقول الحق عشان عندي ذمه.. الموضوع موجود واقدر ارفعه لو ما كان مغلق خلي بالك ترا ردودك فيه موجوده :nice:...
لا تدخل الايفون اللي تبيعه بالموضوع . عندك مداخله حطها باحترام . وتم التبليغ بمشاركة الناس اللي تبيع وما تخاف ربها.

[كرستال]

السلام عليكم ورحمة الله
الاخوه الافاضل

نرجو الالتزام بآداب الحوار والنقاش

الموضوع ليس شخصيا .. ولا عن سلعة امتلكها واروج لها

كلن له وجهة نظر وعلى الاخرين احترامها على الاقل مثل ما يحترمون رايك

جلكسي .. ايفون .. نوكيا .. كلها في خدمة المستهلكين

فليش نتعصب لواحد منهم .. الاجدر هو الي بيثبت نفسه بالسوق .. وعلى حسب رؤية المستهلك

مع التحية

[شبيــه الريح]

السامسونج افضل مع احترامي للايفون احس الاندرويد بيكون افضل جهازه وخصوصا انه يدعم الفلاش مب نفس الايفون مافيه فلاش ولا فيه جافا

[anas.7779]

والله بالنسبه لي فأنا افضل السامسوج فهاذاي الأجهزه اثبتت جدارتها
وانا متفق معاك اخوي (شبيــه الريح) بان الأندرويد افضل من نظام الأيفون

[Taiki]

تسلم صاحب الموضوع

[Max Speed]

اتفق مع اخواني اللي قالو الجالاكسي افضل بكتيير من الايفون
بصراحة جالاكسي اس 2 حطم المقاييس كلها جهاز في قمة الروعة
الحمد لله كنت محتار بينه وبين الايفون ولمن اخدته واستخدمته حمد لله اني ما اشتريت الايفون
يكفي ان نظامه الاندرويد وتصفح صاروخ للانترنت

[ALKUWARI101]

الصرااحه عن تجربة

الايفووون وبسسسس

السامسونج جهاااز معقققد وبااايخ

[TEAMspirit]

لاتسائل شخص ما جرب الايفون وعنده جلكسي عن كفاءه الجهاز اكيد بيقول ممتاز ، بس جرب واسأل شخص كان عنده ايفون وصار عنده جلكسي هنيه اسأله عن الجلكسي . وشوف الرد .

[نيساني]

انا عندي اي فون وخاطري في الجلكسي عجبني فيه وزنه الخفيف وكيمرته الواضحه مع الزوم بس ما اعرف عن عيوبه الصراحه

وشكراً

[بوعلي2]

انا جربت الايفون ثريً جي اس والايفون فور وجربت الجالكسي اس 2

كلهم تمام وماعليهم كلام ولكن الايفون تنقصه شغلات مثل الفلاش والجافا وامور اخرى يعني تقدر تقول فيه شوية احتكار او لازم تنزل برامج تشغل هالسوالف وبتصير السالفه طويله ومن هالامور لكن كاستعمال ثنينهم طيبين وماعليهم كلام

اما من ناحية المتجر فأفضل ابل ستور
وان شاء الله ينزل نظام ios5 رسمي وينزل الايفون الجديد خلال هالايام ونحكم ونشوف هل مازال الابل تنقصه اشياء او تم التعديل عليها

وشكرا

[STAR]

هل هالجهاز غير عن جهاز قوقل؟‏!‏

[ام السعف]

لاتسائل شخص ما جرب الايفون وعنده جلكسي عن كفاءه الجهاز اكيد بيقول ممتاز ، بس جرب واسأل شخص كان عنده ايفون وصار عنده جلكسي هنيه اسأله عن الجلكسي . وشوف الرد .

هل جربت انت ؟

وهل ممكن تقول لنا شنهو الفرق ؟

[qatar.up]

سامسونج شركة مقلدة وتمشي ورى الايفون حتى لو دخل الآيفون جحر ضب لدخلوه .

[ام السعف]

سامسونج شركة مقلدة وتمشي ورى الايفون حتى لو دخل الآيفون جحر ضب لدخلوه .

يعني ابل كافرة وسامسونج مسلمة :shy:

[ام السعف]

هل هالجهاز غير عن جهاز قوقل؟‏!‏

الجهاز كجهاز غير ،، جالكسي انتاج سامسونج اما جوال جوجل يخصشركة جوجل
بس ما ادري انتاج اي شركة بالضبط ،،

لكن اللي اعرفه ان الجهازين يشتغلون على نظام اندرويد الحبيب :shy:

[فلوس]

اجهزة جوجل كلها من صناعه سامسونج

وبالنسبه للايفون البروسيسر حقه صناعه سامسونج

واخر الاخبار تقول انه كل ثانيه ونصف سامسونج تبيع جهاز جلاكسي اس 2

وشركه ابل خافت من سامسونج تكتسح السوق فرفعت عليها عده قضايا بحجه التقليد وتم ايقاف بيع جلاكسي تاب 10 في اوروبا ماعدا هولندا

[مثير للجدل]

سامسونج شركة مقلدة وتمشي ورى الايفون حتى لو دخل الآيفون جحر ضب لدخلوه .

صحيح

ماراح يقدرون على ابل خصوصا بالتصاميم والدقه والمتجر والخ

سامسونج بدت تحتذي بشركات اخرى فكل شوي بتنزل لك نوع بتصير مثل نوكيا وهالشي بيفقدها رونقها :)

وترجع لاصلها مكيفات وغسالات :rolleyes2:


اعتقد شركة جنرال راح تنزل جنرال تاب او lg بتقلدهم ايضا لان الكل هب ودب بصناعة الاجهزه اللوحيه او الاتصالات

المثل يقول عط الخباز خبزه

والاندرويد موجوده باجهزه اخرى مب شرط سامسونج

تحيه

[ام السعف]

صحيح

ماراح يقدرون على ابل خصوصا بالتصاميم والدقه والمتجر والخ

سامسونج بدت تحتذي بشركات اخرى فكل شوي بتنزل لك نوع بتصير مثل نوكيا وهالشي بيفقدها رونقها :)

وترجع لاصلها مكيفات وغسالات :rolleyes2:


اعتقد شركة جنرال راح تنزل جنرال تاب او lg بتقلدهم ايضا لان الكل هب ودب بصناعة الاجهزه اللوحيه او الاتصالات

المثل يقول عط الخباز خبزه

والاندرويد موجوده باجهزه اخرى مب شرط سامسونج

تحيه

:):):)