امعة قطر تلغي نسب القبول !!

[pink pearl]

علمت الرايه أن جامعة قطر بصدد إلغاء نسب القبول المحددة للالتحاق بالكليات شرط اجتياز اختبارات القبول والتوفل.. وتشير المعلومات إلى أن هذه الإجراءات الجديدة تستهدف التيسير على الطلاب ومنحهم فرصًا أفضل في الالتحاق بالجامعة. يأتي ذلك في إطار سعي الجامعة لزيادة فرص التعليم الجامعي للقطريين وإتاحة الفرصة أمام أكبر عدد من الطلاب والطالبات للالتحاق بالجامعة والقضاء على الهواجس التي تؤرق الطلاب وأولياء الأمور من فقدان فرص التعليم الجامعي في رحاب جامعتهم الوطنية.

المصدر:جريدة الراية 23-6-2011

:nice:

[غير البشر]

امعه والا تبيعه ههههههههه اتغشمر

مشكوره اختي على نقل الخبر
الله يوفقج الجميع يارب :nice:

[قطريه ماركه]

العنوان فيه نسيان حرف و الا مقصود !!


الله يكون بعون الطلاب ........

[R 7 A L]

بدري وتو الناس ياشمعة الجلاس

شعقبة عقب ماشتتوا شملنا عن أهلنا

[شاعر المليون]

الخبر غير صحيح

نسب القبول مطلوبة

والتسجيل بالجامعة لفصل الخريف ينتهي 7/7/2011

[إشراقة قلم]

المقصود مهوب أنه مافيه نسب قبول
لكن المقصود نسب التفاضل داخل الكليات
يعني النسبة هي 75 نفسها
لكن كان فيه تخصصات تشترط 85 أو 80 أو 90 الحين ألغوا النسبة هذي
وممكن اللي نسبته 75 يدخل صيدلة لو جاب التوفل واجتاز اختبار القبول

[مريومة]

من زمان هالكلام

بس ماكان بشكل رسمي

اي مجموع يدخل الجامعة بس يكون عنده توفل او ايلز

ويجتاز اختبارات القبول

[bohilal191]

يعني اللي نسبته 60 بيكون شاطر في التوفل؟؟؟؟؟

[مريومة]

يعني اللي نسبته 60 بيكون شاطر في التوفل؟؟؟؟؟

ممكن ليش لا

[روح الاطلس]

خبر غير صحيح

[قلم ساخن]

اعتقد الجماعة يحاولون يرقعون قد مايقدرون حائط الجامعة المتسخ بالقمامة

والفضيحة الجديدة آتية عما قريب وبنشوف كيف الاعتماد الاكاديمي يرى النور وهو ........

[لاجل QT]

حد يعرف وش الاوراق المطلوبة للتسجيل في الجامعة؟؟؟

[الوان]

لما اتصلت القبول و التسجيل .. اسألوني عن النسبة اول شي .... فما اظن انهم الغوها ... بس في موقعهم اذكروا انه بيكون فيه استثناء لبعض الحالات من العميد ..
و اصلا اللي عندي صارفين نظر عن جامعة قطر ...
الله يوفق الجميع ..

[tarkan]

هالخبر غير صحيح عندي صديقات في القبول و التسجيل قالوا جريدةالراية الفت الموضوع

[A.S.A.M]

والله زين من امعه قطر تلغي القبول

[الوان]

حد يعرف وش الاوراق المطلوبة للتسجيل في الجامعة؟؟؟

شهادة المدرسة + شهادة طبية من المركز الصحي
اتروحين القبول و التسجيل و تعبين الطلب عندهم من الموقع
بس قبل 7 من هالشهر

[الســيل]

انا رحت لهم امس ابي اسجل اخوي

طبعا اخوي نسبته 74.8 والمطلوب 75

قالو لازم يجيب الايلز وامتحان الرياضيات عشان نسويله استثناء

الله المستعان


دمتم بود

[لاجل QT]

شهادة المدرسة + شهادة طبية من المركز الصحي
اتروحين القبول و التسجيل و تعبين الطلب عندهم من الموقع
بس قبل 7 من هالشهر

مشكورة اختى الوان ماقصرتى

المشكلة الشهادة لين الحين المدرسة ماسلمتنا يقولون لين الحين...بس وش تقصدين في الموقع ..موقعهم على النت او اروح الجامعة

وتقبلي تحياتى

[الوان]

مشكورة اختى الوان ماقصرتى

المشكلة الشهادة لين الحين المدرسة ماسلمتنا يقولون لين الحين...بس وش تقصدين في الموقع ..موقعهم على النت او اروح الجامعة

وتقبلي تحياتى

الله يسر اموركم
احسن تروحين الجامعة و تعبين الطلب عندهم .. هم قالوا لي ان متوفر عندهم كمبيوترات للتسجيل و فيه مساعدين للطلبة .. اذا تبين حاولي تسجلين من موقعهم عندج من البيت ... بس انا لما حاولت طلع لي ايرور في وحدة من الصفحات .. فأشوف من الأفضل يكون التسجيل عندهم ..