السلام عليكم ياشباب ..... ابي رايكم في ارتفاع اسعار السيارات

[ولد المنصور]

لاحظت من فترة ارتفاع في اسعار السيارات مش طبيعي ....
من اللي رفع الاسعار ؟؟؟؟؟؟ هل هم المعارض او من اللي ساعد في الارتفاعات ؟؟؟؟

[المحقق كونان]

الشريطيه هم الي رافعين الاسعار و خاصه بعد زلزال اليابان خذوها حجه

عيل لاندكروزر فكسار 2011 اصفار في وكالة عبدالغني بـ 259 الف

و في المعرض فكسار 2011 اصفار ينباع بـ 270 الف

[مقطع حق]

هذولا هم هل معارض السيارات، كانك بتشتري منهم يغلون سياراتهم كثيرا عليك وكانك بتبيعهم يرخصون سيارتك علشان يتربحون فيها.....وين حماية المستهلك منهم؟!

والله المستعان

[MR.STOP]

اللي رفع الاسعار

الناس اللي ماطرى عليهم يشترون اللا يوم ارتفعت وفي اقبال ملحوظ عالمعارض مع ارتفاع الاسعر


اللي عنده فورويل يبيعه غالي وياخذ موتر قديم يكون ارخص بس بعد غالي عن سعره الطبيعي لين ماتنزل الدفعات وتنزل الاسعار

ويبيع اللي عنده ناقص 10 والا 15 ويشتري نفس الموديل اللي باعه ارخص ب10 والا 15

خذ من هذا وحط في هذا

يعني مافي فايده بس مضيعة وقت وتجربة حظ

هذا اللي اشوفه

والله اعلم

[falsaadi]

شي طبيعي..وماله اي علاقه لا باليابان ولا ب موريتانيا

اول شي، اكيد اذا الموتر مش متوفر بالوكاله او بالسوق..اللي عنده عيل بينتهز وبيبيعه بسعر اعلى..عيل شتوقع؟
حاله حال اي سلعه...ساعات, عطور..وغيره وغيره...
وثاني شي، هذا يسمونه حمايه طبيعيه ضد "اليهال" اللي ايمعله كم من فليسه ويبي يشتري موتر بالسعر الفلاني لانه نظيف او نادر ويقوم يبيعه بسعر اعلى

ليش المعارض ولشريطيه مب حالهم حال هال يهال ؟؟ ..

ومافي انسان ينجبر على شي ..

والله يحفظكم جميع

[فارس قطر333]

وين حمايه المستهلك منهم

[abu m7md]

يا زين الصبر بذمتي
لو كلنا نصمل مانشتري منهم لمده شهر او اكثر بينزلون السعر غصبن عليهم
لكن فينا حكه لازم نشتري ومانفتكر في غيرنا
تكتفوا لو مره وحده
سلام

[mazag]

كل سنه عبد العني يزيد ب15 الف ريال بالكروزر من 2008 كان 210 الجلد اول مانزل
2010 صار 245 الف ليش شالفرق
الكامري الجي ال 2007 اول مانزلت ب64
موديل 2010 صارت ب73 الف ليش نفس الشكل ونفس المكينه

[بوهلال]

والله حاميها حراميها اذا الوكاله موقادره توفر السلعه ليش مايفتحون حق الناس تورد وانا اخص وكالة التيوتا تجي اقولك والله مافي غير بالحجز (احتكار مدفوع الثمن) وفهم يافهيم

[al-obaidly]

الللي رافعين الاسعار هم حمايه المستهلك لانهم اغلبهم تجار ولاتخافون من كلمه الحق قال حمايه المستهلك

[المبرمج صلاح]

بالتوفيق للجميع ان شاء الله

[المحقق كونان]

الي يقول مافي كروزرات في الوكالة غلطان

يروح الوكالة و يسئل موظف المبيعات

موجود و جاهز للتسليم

و كذلك الحال لشركة الطارق و التضامن

حتى اصفار 2009 متوفر عند عبدالغني

معاكم حق .. اسعاره غاليه لكن ارحم من المعارض

[HADi]

الغريب ان احنا الي المفروض من يتحكم بالاسعار

يعني لو مافيه طلب على هالنوع من السيارات ماعتقد كان بيرتفع سعرها

انا عن نفسي مقاطع التويوتا صار لي كم سنة

ومن كم شهر فكرت اشتري سيارة جديده ورحت المعارض

حصلت الجي اكس العادي 6 سلندر

بــ187 الف

مادري ليش واصل هالسعر او شنهي المواصفات الي فيه مواصفات جداً عاديه وستندر مقارنة بسيارات الثانيه بنفس السعر واقل شريت سيارة فل اوبشن فيها جميع المواصفات الي حتى غير موجوده في vxr

[N203]

هنا الناس ماتفكر بس تشتري.. لو الكل يتحد ويقاطعون والله تنزل الاسعار ..

بس مابي اليد حيله.. مايفكرون الا بس حق الاكل والشرب اما شيء ثاني لا. شوفوا الدول الاوروبية والاجنبية . اذا سلعة زاد سعرها بشكل مب طبيعي قاطعوا وبالتالي يجبرون البايع بتنزيل السعر والا بيخسر..

الي يخلي الشركات ترفع الاسعار هم الناس نفسهم ، اذا رفعوا السعر الناس تدفع ، واذا رفعوا اكثر. بعد تدفع ..


الله المستعان

[فلور]

والله الصراحه إلي رافع السعر هم الاشريطيه
اخذ سباره من الوكاله احسن من اخذ من عتد شريطي
اذا جيت بتبيع سيارتك ضرب فيها الارض 60 عيب بحط فيها
واذا ببيعك سيارته مدح فيها تقول كان مطلعها من الوكاله

[جاسم القطري]

يا زين الصبر بذمتي
لو كلنا نصمل مانشتري منهم لمده شهر او اكثر بينزلون السعر غصبن عليهم
لكن فينا حكه لازم نشتري ومانفتكر في غيرنا
تكتفوا لو مره وحده
سلام

اي والله هذا اللي صاير

[بوحمد111]

صحيح الأسعار صايرة نار وعلى سبيل المثال من اربع شهور عرضت في اكس ار 2007 بـ 120 الف ولا احد اشتراه ومن يومين بعته بـ 134 الف وبعد البيعة ناس قالوا لي ليش سعرك رخيص مع اني لا راعي تجاره ولا راعي معرض سيارات

والله عجب