هل تريد خط قطار الى مدينة الخور

[رجل مثالي]

بعد الحوادث الاخيرة للموظفين على شارع الخور هل تريد

أيها المواطن خط قطار يربط من الدوحة الى مدينة الخور

التي يكمن فيها الموارد البترولية الهامة للدولة لماذا التأخر

في أنشاء خط قطارعلى شارع الخور ينقذ أرواح الموظفين

من الشاحنات ومن السرعة الجنونية لماذا هذا الانتظار

في أنشاء هذا الخط القطاري هل ننتظر لحوادث أخرى وعدد

المواطنين قليل ونحن بحاجة الى المواطن القطري وأيظآ للمقيمين

العاملين في الدولة ونحن والحمدلله دولتنا قادرة على أنشاء المشاريع

فيجب تكليف شركة صينية لانشاء هذا الخط لانهم يتميزون بالخبرة

والسرعة في العمل والمدة البسيطة في بناء هذا الخط الهام

نرجو أبداء الرأي والحوار الجيد في هذا الموضوع الذي

يهم المواطن والمقيم 0:nice:

[المسك1969]

السلام عليكم

أخي الكريم وهل القطار سيمنع الحوادث؟؟؟ وهل لا تحدث حوادث للقطارات

هو الأجل سبحان الله وليس غيره... ولكن فكرة أن يكون هناك قطار فهي فكرة موفقه وتوفر في الجهد(المسافة) والمال

جزاك الله خيرا على الطرح

[عين قطر]

الاولوية لقطار المدينة التعليميه
للاسف
اما هل قطر فلهم الله
واذا صار
لازم كم مليون وكم سنة عشان يتم انجازه

[BoFahed]

لا قطار ولا صاروخ ولا مترو تحت الارض نطالب بتوسعة الشارع الى 10 مسارات 5 لكل جهة وتوفير الخدمات وشوط السلامة وسيارات الاسعاف الطريق يصل الدوحة باكبر مدينة للطاقة في العالم:omg::omg::omg::omg: ويعمل فيها حوالي 200 الف نسمة

ونفس الشي لشوارع الدوحة المباني المختارة و الميزانية المدفوعة للقص ونزع الملكية المفروض لتروح لمشاريع جسور الطرق السريعة مب القص علشان مباني ممكن يبنونها في اي مكان ثاني

الطريق الحالي لا يستوعب التطور وعدد السيارات المستخدمة الطريق

[البدع]

موضوع القطار عرض على العطية عندما كان وزير للطاقة

ورفض المشروع

[الـخـالـدي]

قطار مره وحده .. الله يهديك بس ..

ياخي خل يوسعون الطريق اول شي .. اقل مافيها 4 خطوط .. دول ثانيه وصلت شوارعها الـ 6 خطوط ..

ومب من بعدها ولا من الكثافه ولا من الزحمه عشان يسون قطار ..

اخوي قطر بكبرها مب محتاجه قطارات

مشكلة شوارع قطر البنيه التحتيه ... عيل الزحمه اللي كانت قبل 10 سنين بعد ماسوو مشاريعهم من جسور وانفاق الى الان نشوفها ولا كأن تغير شي ؟ الا بالعكس في مناطق زاد عليها الضغط

غير هذا المشاريع اللي تنبني وتتعدل .. الى الان مايسون فيها توسعه

شارع جديد ولا يتجدد على نفس القديم .. شل الاسفلت القديم حط جديد .. طيب انت معطل العالم ومسوي زحمه وسع الشارع ..

هذي اكبر مشكله تواجهنا

[عين قطر]

موضوع القطار عرض على العطية عندما كان وزير للطاقة

ورفض المشروع


لاحول ولا قوة الا بالله

[MAZEN37]

بالعكس قطار لمدينة الخور نقطه مهمه جدا لربط الدوحه بالشمال
ومدينة الخور مدينه حيويه على كل الاصعده حاليا ومستقبلا
انا مع الطرح للاهميه

[رجل مثالي]

http://www8.0zz0.com/2011/07/04/11/308389415.jpg

ما شاء الله الصين تحب رعاياها وتخاف عليهم من الشاحنات والحوادث

وعملت لهم قطارات يجب ربط قطر والامارات بقطار للتقليل من الحوادث

[المسك1969]

http://www8.0zz0.com/2011/07/04/11/308389415.jpg

يجب ربط قطر والامارات بقطار للتقليل من الحوادث


خلنا في قطر ربي يحفظك وعقب ننتقل للجوار

[حليتان*]

امممممم فكره حلوه !!


لكن اتوقع صعبه :)

انزين خل يسون الخور محمية طبيعية ههههههههههه

[م. عبدالعزيز]

صحيح ،، انا سمعت انه خط الخور بيتوسع ،، ما ادري هالكلام صحيح ولا ؟

[الخفي]

(( المشكله يوم تم عمل المشروع عمل على اساس حارتين فقط رغم ان الارض. فاضيه

وبالامكان من البدايه عمل طريق ذو خمس مسارات على الاقل ياجماعه الارض حولين

الشارع فاضي متى بنخطط للمستقبل في مشاريعنا بس خطط شارع حق. وقت معين ))

[مسك روز]

بااااااااال

قطار مره وحده

نتمنى ذالك ..

[عين قطر]

نعم نتمنى
ولكن اذا وزير الطاقة السابق رفض

وتلومونا لين قلنا

وفق بطانة الامير

[المتحدث الرسمي]

.......



انا اشوف بدال الخساير على القطارات


اتمنى انهم يوسعون الشوارع وكثر الله خيرهم

[المحقق كونان]

(( المشكله يوم تم عمل المشروع عمل على اساس حارتين فقط رغم ان الارض. فاضيه

وبالامكان من البدايه عمل طريق ذو خمس مسارات على الاقل ياجماعه الارض حولين

الشارع فاضي متى بنخطط للمستقبل في مشاريعنا بس خطط شارع حق. وقت معين ))

الارض فاضيه بس المشكله في البلدية و اشغال الي ماعندهم خطه مستقبليه

البلدية و اشغال تخطط للحاضر

[eXpert*]

إنزين وركبت القطار من الدوحة ،، ووصلت المحطة اللي في الخور !! وشو أركب تاكسيّ مثلاً ؟

حدثوا العاقل بما يعقل .

إذا على كل حادثة تصير قلنا نبيّ قطار عزالله دمرت البلد .



يحكي أن ملكاً كان يمشي في بستانه برفقة أحد وزراءة ، وصدف أن دخلت شوكة زهرةٍ في رجل الملك ،، فأمر غاضباً بخلع جميع الازهار من البستان .

فدنى إليه وزيره وقال : سيدي لما لا نصنع لك خفاً من الجلد تقى قدمك وتحفظ جلدك .

أتمنى وصلت الفكرة .

[استغفرالله]

فكرة حلوة

ان شاء الله تجد صدى عند المسؤوولين

[بنت النعيم]

مشروووع فاشل

لان القطريين ما راح يستفيدون منه ....

واذا عن الحوداث اعتقد سببها عدم المبالاه .. والسرعة اللى ما منها فايدة

[مدرسة]

نبي قطار ليش لا ...

الشارع ما يتحمل الضغط نبي خطوط زيادة بعد

هرمناااااا واحنا ننطر شي عدل

[مسك روز]

وياريت بعد يشوفون لنا حل حق العماله الوافده

منثرين بكل مكان

صرت اكره ادش الميره

:(

[بنت النعيم]

وياريت بعد يشوفون لنا حل حق العماله الوافده

منثرين بكل مكان

صرت اكره ادش الميره

:(


هي جات على الميره بس .. في كل مكان وفي كل زمان

صرنا نشوفهم اكثر من اهل الديرة .. حتى الواحد صار يشك ان في الدوحة

[ahsees]

مساء الخير

انا مع وجود القطار لانه نشوف كثير من الحوادث واخرها حادث اليوم على هذا الطريق راحت 3 حالات وفاه كلهم موظفين في مستشفى الخور والله فاجعه .. الله يرحــمهم ..

نبي اهتمام بطرق لمنع مثل هذي الحوادث والله المستعان

[مابدل العادات]

الفكره حلوه

بس ترى في خط فرعي للشاحنات في خط الخور فاهم مايدخلون الخط الرئيسي

وكانك تبغي الصدق الغلط تقدر تقول 50% على الشارع وال 50% على السواقه الي الله بالخير من هاي الأجانب على هاي الخط لو تشوفهم الصبح بال بال الله يستر بس سرعه ويلفون على العالم انا ماقول القطريين مايدعسون ولاكن انا اتكلم عن الصبح وقت الدوامات كله اجانب على الخط

[bohilal191]

والله ياجماعة الخير اللي ناقص هالخط التوسعة بس وتحويله لأربع مسارات لكل اتجاه والله يبعد عنا الحوادث والغباء اللي صاير الحين هو القادم من شارع بو ثلاث مسارات والدوار 3 مسارات وعقب يجيك شارع مسارين .

[بومحمد911]

والله مو غلط فكرة القطار وخاصة مثل ما تفضلت يوكلونه لشركة صينيه معروفة مهب كل من هب ودب

[مساهم فنان]

قطار للشمال

[بنQATARت]

اي والله بعد نبي واحد مناك صوب مسيعيد حج الشباب اللي يشتغلون فيها مب كل يوم مساكين طاقين الدرب
خسارة بترول ووقت
الله يحفظهم

[سهم نيشان]

اذا الموتر يدخل القطار معاي، اوافق
اما ان موتري في الدوحة وانا نازل الخور يا اني اتمشى او اني اخذ تكسي فما اظن ان احد من المواطنين بيعجبه
حق العمال يمكن

[Chambray]

اذا الموتر يدخل القطار معاي، اوافق
اما ان موتري في الدوحة وانا نازل الخور يا اني اتمشى او اني اخذ تكسي فما اظن ان احد من المواطنين بيعجبه
حق العمال يمكن

لو كل الناس نفس تفكيرك كان ماشفت سيارات في اوروبا او قطارات !
القطار متاح للجميع
والشارع متاح للجميع
الي يبي يركب قطار يركب
والي يبي يروح بسيارته يروح

بالعكس

فكرة القطار حلوه
وتنربط مدينة الخور بشبكة ( ترام كهربائي ) ((( هو بين الميترو وبين الباصات )) وكثير من المدن الصغيره في اوروبا تستخدم هذا النظام
بذلك قضينا على مشكلة ( ماذا اعمل عند الوصول بدون سيارة )
اكيد الترام بينزلك في المكان الي تبيه

ولو ستوت هالخطوه بتكون خطوة إيجابيه رائعه لمدينة الخووووووور :)


اخوي سهم نيشان : خلك إيجابي . واحترم وجهة نظرك ، وتأكد ان لكل مشكلة حل

[حليتان*]

لو كل الناس نفس تفكيرك كان ماشفت سيارات في اوروبا او قطارات !
القطار متاح للجميع
والشارع متاح للجميع
الي يبي يركب قطار يركب
والي يبي يروح بسيارته يروح

بالعكس

فكرة القطار حلوه
وتنربط مدينة الخور بشبكة ( ترام كهربائي ) ((( هو بين الميترو وبين الباصات )) وكثير من المدن الصغيره في اوروبا تستخدم هذا النظام
بذلك قضينا على مشكلة ( ماذا اعمل عند الوصول بدون سيارة )
اكيد الترام بينزلك في المكان الي تبيه

ولو ستوت هالخطوه بتكون خطوة إيجابيه رائعه لمدينة الخووووووور :)


اخوي سهم نيشان : خلك إيجابي . واحترم وجهة نظرك ، وتأكد ان لكل مشكلة حل

فديت خشمك
شجاب قطر حق اوربا :weeping:


اول شي في اوربا تنزل من القطار تمشي 100 متر لين موقف الباص
وتنطر لين ايجيك الباص فهالبراد والجو الزين


فقطر بنزل من القطار ...وين بروح !!
اوكي بيسون موقف باصات ... وهالحر شاسوي فيه واذا ركبت الباص ما بيوقف وين انا مابي :weeping:


اعتقد الاصابات وضربات الشمس بتزيد
ولاتنسى وجود قطار يعني زيادة في عدد الباصات !!



وشكراً :nice:

[رجل مثالي]

فديت خشمك
شجاب قطر حق اوربا :weeping:


اول شي في اوربا تنزل من القطار تمشي 100 متر لين موقف الباص
وتنطر لين ايجيك الباص فهالبراد والجو الزين


فقطر بنزل من القطار ...وين بروح !!
اوكي بيسون موقف باصات ... وهالحر شاسوي فيه واذا ركبت الباص ما بيوقف وين انا مابي :weeping:


اعتقد الاصابات وضربات الشمس بتزيد
ولاتنسى وجود قطار يعني زيادة في عدد الباصات !!



وشكراً :nice:


أخي العزيز ممكن يحل موضوع المواقف المكيفة هذا الاشكال

مثل الامارات التي عملت مواقف مكيفة للمواطنين والمقيمين

[طموح معيدة]

صحيح فكرة مشروع القطار ستحل مشاكل الحوادث وتختصر المسافات الطويله لروادين المنطقه وسينعمون بالراحه والأمان

[هجمة مرتدة]

الفكرة مطروحة منذ زمن وتنفيذها يحتاج للقليل من التريث فمشروع المترو خصص له ميزانية مهولة وتم توقيع كافة العقود والآن بصدد الحفر والإنشاء الذي يلزمه سنوات وسنوات . .

أضع لكم صور للمشروع :

http://img532.imageshack.us/img532/5126/412937347478fa6ec9fdb.jpg

http://img690.imageshack.us/img690/7164/4128602981287e316e7bb.jpg

http://img72.imageshack.us/img72/8814/4129371976fdc02362c4b.jpg

http://img72.imageshack.us/img72/354/4128606597c3e450e2a8b.jpg

http://img517.imageshack.us/img517/4974/4129374780e999997959b.jpg

http://img190.imageshack.us/img190/484/41293752421de810b8dcb.jpg

http://img706.imageshack.us/img706/8056/project1n.png

http://www.aawsat.com/2010/02/25/images/economy1.558723.jpg

[بوخالد88]

حتي لو يحطوون تلفريك مووووافق

بس يخفووون الاجانب من الشارع

[بوسلمان 2010]

والله خوش فكره قطار من الخور الى الدوحة زين وصلنا الدوحة عقب انخلص اشغلنا في التكاسي وبعدين



روح سيد الخور الي في سوق واقف انطر تكسي يوديك عند محطة القطار والله اذاربك رايد لك شي بيصير



حتى لو انت وين

[سهم نيشان]

لو كل الناس نفس تفكيرك كان ماشفت سيارات في اوروبا او قطارات !
القطار متاح للجميع
والشارع متاح للجميع
الي يبي يركب قطار يركب
والي يبي يروح بسيارته يروح

بالعكس

فكرة القطار حلوه
وتنربط مدينة الخور بشبكة ( ترام كهربائي ) ((( هو بين الميترو وبين الباصات )) وكثير من المدن الصغيره في اوروبا تستخدم هذا النظام
بذلك قضينا على مشكلة ( ماذا اعمل عند الوصول بدون سيارة )
اكيد الترام بينزلك في المكان الي تبيه

ولو ستوت هالخطوه بتكون خطوة إيجابيه رائعه لمدينة الخووووووور :)


اخوي سهم نيشان : خلك إيجابي . واحترم وجهة نظرك ، وتأكد ان لكل مشكلة حل

اوروبا الكل يمشي فيها والجو زين والباصات متوفرة وفي أماكن تروح لها
اما الخور بتنزل من القطار وين بتروح
حق المستقبل القريب لا ارى فائدة من ذلك
بس حق المستقبل البعيد لما الخور يصير فيها تطور، ليش لا

[آهـل شَـرق]

سمعت انهم بيسوون والدليل النفق اللي يربط خط الشمال بسميسمه مروراً على خط الخور

بس خوووفي نصفى اخرتها على طريج بو ثلاث حارات مثل 22 فبراير !! انا ابي اعرف شلون يفكرون هالاوادم !!

[تاجر]

احاول اقنع الوالده (الله يحفظها) تركب القطار .. !!!