استفسار : ممكن تعطونا معلومات عن فيينا وافادتنا بالمناطق السياحيه فيها ..

[شموع قطريه]

السلام عليكم ..

اخواني واخواتي قررنا هالسنه نروح فيينا وبما اني اول مره اروح لها فياريت تساعدوني في ترتيب السفره والاماكن السياحيه اللي اقدر اروح لها والاسواق الزينه اللي هناك ..

وايش الافضل نروح زيلامسي بالقطار ولا بالتكسي ..

اتمنى اللي عندهم فكره عن فيينا انهم مايبخلون علينا بمعلوماتهم ويعطيكم الف عافيه

[6611]

عندج حديقة اشتاد بارك
سوق المشاه
سوق الماريا
قصر الشانبرون
مقارة هتلر
حديقة البرج

[tarkan]

بالنسبة لزلامسية يفضل التاكسي لان غالبا انت راح تسافر مع امتعه و القطار ما ينفع تروح فيه بامتعه ثقيلة
و ممكن تنزل سالزبورغ لمدة يومين وانت مسافر من فيينا الى زلامسية
عندك في سالزبورغ قصر ميرابيل و يقولون في فيينا انهم توهم فتحوا متحف مدام توسو مثل لندن وعندك حديقة الزهور و ملاهي البراتر
من زلامسيه ممكن تروح انسبورك تبعد عن زلامسيه بالسياره ساعتين الا ربع فيها شارع ماريا تيريزا للتسوق و مدينة سوارفسكي و ممكن تروح ميونخ الصبح وترجع بالليل لانها تبعد ساعتين او تقيم فيها جم يوم وترجع زلامسيه او ترجع منها لان فيها مطار واقرب لك من مطار فيينا

سفره سعيده ان شاءالله

[غير البشر]

تروحون وترجعون بالسلامه

بغيت بعض المعلومات منج اذا ممكن

وقت السفر
معاكم اطفال او لا
كم شخص
ومده السفر

ووبرتب لكم السفره ان شاء الله

من A to Z :nice:

[شموع قطريه]

ماقصرتوا جميعا يعل ربي يسلمكم ويرحم والدينكم استفدت من ردودكم وبحطها في الجدول عندي ...

اخوي غير البشر-- راجع الخاص ولا تهون

[koketa]

محطه دوناسيل فيها كافيهات على نهر الدانوب عجييييييييييييييييييييييبه

وقصر الشيرنبورن مع حديقه الحيوان يبيله 3 ايام

كل فينا حلوه

[فرحة الكواري]

قمة سانت كورونا
غابات فيينا
رحلة الى جبال كولهنبيرج قلب فيينا
رحلة في نهر الدانوب
شلالات ميرا
قمة سكاي ووك منصة في وسط الهواء فوق الجبل روووعه

[naklan]

سفرة موفقة باذن الله اختي شموع قطريه الاعضاء ما قصرو
عندي اضافة بسيطة اختي انج تحفضين الاسامي بلغتهم اسهل للوصول يعني مثلاً
مغارة هتلراسمها -- سقروتا ومع هالرحلة انصحج بحديقة لكسون بورق لانها قريبة من
مغارة هتلر واوفر للمصاريف انهم يكونون في مشوار واحد :)

وما دمتي في العاصمة فينا روحي منطقة قرينزنق هذي فوق في راس جبل وقريبة
من المدينة فيها بتشوفين مزارع العنب تركبين في قطار صغيروني ويدور فيج كل المنطقة

وفي سالز بورق روحي لمنطقة اسمها هلستات الي فيها مغارة الملح وشلال
نازل من الجبل ويصب في البحيرة مناضر في غاية الروعة :nice:

فية مكاتب سياحية اصحابها عرب فية عندج في فندق راديسون ساس مكتب
اسمة ايهاب تورز ينضم رحلات بسيارة على حسب الطلب ان كنتي تبين فان او على
حسب اختيارج وحسب عدد الاسرة الكريمة هذا ممكن يريحج بالاخص انج اول مرة
وما تدلين عدل في فينا سيارة وسائق عربي ذكرته لج للاحتياط


وهذا رابط فيه معلومات قيمة ان شاء الله تفيدج

http://travel.maktoob.com/vb/travel121015/

[شموع قطريه]

الله يجزاكم الجنه ويرحم والديكم ماقصرتوا جميعا على افاداتكم الرائعه وراح اسجلها عندي ان شاءالله .. يعطيكم العافيه