يا كيوتل وفودافون , اوقفوا خدمة البلاكبيري الان !! [الأرشيف]

Qtr95

05-07-2011, 02:20 AM

بسم الله الرحمن الرحيم..

والسلام عليكم ورحمة الله وبركاته ,,

اناشد المجلس الأعلى للإتصالات , لإيقاف الخدمة ..
انا كنت امدح البلاكبيري لأنه هاتف ذكي وعملي , ويمكن من خلاله
تصفح المنتدى او احوال الطقس ..

ولكن المشكلة هنا , هي مشكلة البلاكبيري ماسنجر !!

انا ما كتبت هالموضوع , إلا من القهر اللي في قلبي وخوفي على أعيال
ديرتي ,,
وصلني برودكاست عبارة عن روابط لقراءات لأشخاص
وفالبرودكاست مكتوب ..
(رقية إبطال الزواج)
(رقية تسليط الجن على الجسد)
(رقية العين )

وفي اخر البرودكاست مكتوب
(انشر لعل غيرك يستفيد وتحصل أجر)

وطبعا انتوا يالعالم , تطرشون وماتجيكون ع المحتوى !!!!!!!!

انا اكتشفت ان هالبرودكاست عبارة عن سحر وشعوذة والعياذ بالله .:(:(. !!!!!!!!!!!!

والمشكلة ان وصلني من صديق مقرب لي , وقلت له , انت فتحت الروابط اللي طرشتها ؟..
قالي بكل برود : لا ..
قلت له تدري ان هذا اللي طرشته سحر !!؟
شلون اتطرش شي بدون ما تقرااااه !!!!!!!!!!!!!!!!!!!!!!!!!!

.....

كل اللي اقوله لكم ..
حاسبوا ولا تفتحون اي رابط , ووصوا اعيالكم , ولا تنشرون اي شي ..

حسبي الله ونعم الوكيل ..
حسبي الله ونعم الوكيل ..

مسك روز

05-07-2011, 02:28 AM

اخوي الحين عشان رابط فيه سحر

تبي توقف الخدمه !!

كان ممكن توجه نصيحه بخصوص هالرابط وخلاص

ع العموم مشكور يعطيك العافيه ..

ديمقراطي

05-07-2011, 02:34 AM

كل خدمه فيها الطيب وفيها الردي .. كل شي تسيء استخدامه بيكون ضار

الانترنت ممكن يحسن استخامه و ممكن يساء .. السياره .. التلفون .. التلفزيون .. لكن الواحد يعرف كيف يستخدم هل اشياء ... الله يجنبنا شر التكنلوجيا و يعطينا منافعها

Qtr95

05-07-2011, 02:37 AM

كلامكم صحيح ,,

لكن في ( جهلة) يطرشون أي شي يوصل لهم , وبهالطريقة تنتشر الفتن والخرافات
والأجيال تضيع !!

كلامي صحيح ولا خاطئ؟ ..

هالمساكين اللي يصدقون اي شيئ ويطرشونه ,, شنو مصيرهم ؟..
وانا مب اول واحد يتكلم عن هالموضوع ع فكرة !!

ديمقراطي

05-07-2011, 02:39 AM

الجاهل تنصحه و تثقفه كيف يتعامل مع هل اشياء .. لكن الي يصدق هذه الاشياء في خلل في ايمانه وعقيدته ولازم يتقوى ايمانه بالله ويبعد عن هل خزعبلات والشياطين .. الله يحفظ الجميع

bu 3li

05-07-2011, 02:45 AM

والله ياخوي لو كل تكنلوجيا ولا اختراع ولا اداه .. تكنسلت بسبب استعمال خاطئ
جان حتى بيوتنا طلعنا منها والسبه الاستخدام الغلط لـ هالاشياء من البعض ,,,

خلها على ربك بس .. والله يهدي الناس اللي يسوون هالسوالف

Qtr95

05-07-2011, 02:47 AM

الجاهل تنصحه و تثقفه كيف يتعامل مع هل اشياء .. لكن الي يصدق هذه الاشياء في خلل في ايمانه وعقيدته ولازم يتقوى ايمانه بالله ويبعد عن هل خزعبلات والشياطين .. الله يحفظ الجميع

البلاكبيري اصبح اداة لغسيل المخ للأسف ..
الصرراحة الخدمة حلوة حق التواصل , لك للأسف الإستخدام السيئ لدى
العرب , كل ما يوصل شي يصدقون على طول , برودكاست من مصادر مشبوهة , واللي يبي ينشر شي ويسمم عقول الناس يقدر يسوي هالشي بكل سهولة..
:(:(

وانا اتكلم عن نسبة كبيرة , من الصعب تثقيفها بسهولة , وساعات يكونون فاصلين , ومافي امل تنصحهم , ويصدقون اللي يجيهم , ويكذبونك ..

لا , واكره شي لما يعطيك معلومة مغلوطة ويقول من البلاكبيري ...

بومحمد المطاوعه

05-07-2011, 04:31 AM

جزاك الله خير

الصراحه في رابط اول ماتفتحه يتصل على الشرطه

٩٩٩ والله مشكله

يعني وصلت فيهم الناس يستعبطون على الداخليه

البلاك بيري انا مستفيد منه ولله الحمد

فيه خدمات اسلاميه يطرشون برودكاست عن الدين

وعن كلام الله تعالى ورسولنا صلى الله عليه وسلم

البعض يستخدمه فنشر الخير

والبعض يستخدمه في نشر الفواحش والعياذ بالله

اسأل الله ان يستر علينا ويرحمنا

بارك الله فيك

M.Alkhater

05-07-2011, 04:32 AM

مثل آللي يحرق بيته عشآن حشره !!

ماله داعي يوقفون البلاك بيري عشان هالشيء ..

متواصل

05-07-2011, 04:38 AM

وعليكم السلام ورحمة الله وبركاته

اكبر خطأ غير البلاك بيري او اي تقنية أخرى

هو النقل المميت
النقل دون علم
النقل دون ادراك

حتى ان بعض الناس اراد اختبار بعض اعضاء احد المنتديات

ونزل موضوع برنامج خطير وكذا وكذا .... الخ
ثم وضع رابط خيالي مافيه اي برنامج

وكانت الردود قاتله

مشكور على البرنامج الخطير

تسلم ومنتظرين جديدك وهكذا

نادر لما واحد يتفحص ويشوف الرابط شغال ولا لأ
=========

والبارحة كنت في مجمع وجدامي ام مع بناتها جايين مقابليني يمشون
البنات شكلهم ملفت للنظر لان راسهم تحت وهم يمشون مو حيا وخجل
لكنهم مشغولين بالبلاك بيري
اول ماشفتهم
تذكرت المثل القديم
رغم انه ماله علاقة بس تذكرت الروس نامت والعصاعص قامت

جوهرة قطر

05-07-2011, 07:43 AM

هى جات على الرابط فى احاديث وادعيه انزين تجي غلط او مو موجوده فى الاصل

ولا يكتبون تحت فى رقبتك ليوم القايمه

بولينجر

05-07-2011, 08:05 AM

شخصيا ما احب استخدم البلاك بيري واشوفه مضيعة لوقتي..... لكن مب معناته افرض على الاخرين ان ما يستخدمونه لاي سبب من الاسباب.... لان كل شي سلاح ذو حدين ولازم نكون واعيين لاستخدامه..... والصغار لازم نوعيهم..... قياسا على كلامك ترى حتى التلفزيون المفروض يمنعون دخوله من الجمارك...... وكذلك الرسيفر والدشات ونرجع لاوائل التسعينات..... بلاش من الجوال بكبره.... ماتشوف المراهقين شلون يسيؤون استخدامه؟! واكيد الانترنت لازم يمنعونه بدون نقاش..... اخوي اذا في تحذير تقدر تحطه لكن امنعوا خدمة تنفع الكثيرين بس بسبب سوء استخدام! خلاص تجاوزنا هذا النمط من التفكير......

السنافية

05-07-2011, 08:14 AM

اخوي الكريم ،،،
مش من المنطق ولا العقل عشان مسج تافه من شخص تافة ..
يوقفون خدمة كاملة وفيه اعداد كبيرة من المشتركين مستفيدين منها
في طريقة ثانية ممكن تكون بالنصح التوجيه والارشاد
اما انك تطلب بتوقيف الخدمة اقول (( ترى العقل نعمة ))

الأصيلة

05-07-2011, 08:26 AM

هي جات على السحر...
إلا الأولاد والبنات تحت الـ 15 يجيهم برودكاست أشكال وألوان لـ ممارسات جنسية
بكل الأنواع ( سحاق وشذوذ وغيره مما يشيب له الأبدان )
إحدى الأخوات اكتشفت هذا في جهاز ولدها بـو 11 سنة للأسف..
وماعندنا مجال غير تنبيه العيال وتعويدهم على الرقابة الذاتية ...
الجهاز موجود ...موجود...
والعيال مانقدر نحبسهم في البيت ...لو ماكان عنده يشوف عند رفيقه...

مساهمة بسFresh

05-07-2011, 08:35 AM

وبالمرة خلهم يوقفون النت بعد لان في سحر وشعوذة :shy:
ويوقفون خدمة الاس ام اس لان ساعات يطرشون عليها بعد نفس الشي :shy:

eXpert*

05-07-2011, 08:37 AM

أنا أشوف يا يكون في طريقة (بروكسيّ) للبلاك بيريّ ،، أو يتم منع تداول روابط المواقع .

على حسب ما فهمت البلاك بيري كل المواقع فيه مفتوحة فهذا مصيبة !!

محمد

05-07-2011, 08:44 AM

لو سكروا خدمة البلاك بيري هل راح تضمن عدم انتشار مثل هالامور في الايميلات او مسنجر الهوتميل او الياهو او السكايب او او او او .. الخ :)

السليطي86

05-07-2011, 08:44 AM

الله يهديك يا الكواري والله ضحكتني , أخطاء الناس وأخطاء البشر وطريقة أستخدامهم هي الي لازم يتم إقافها ولا الخدمة ليش يتم ايقافها بسبب سوء استخدام من قبل الناس , مع اني ما استخدم البلاك بيري لكن في رأيي أنها خدمة في فكرتها زينه و ممتازة واحنا الي خربنا طريقة استخدامها وطريقة التواصل الي فيها...

وصارت بسبب البشر خدمة تكشف المستور وتنشر الفحش والرذيلة والسحر والأفكار المهلكة والمعتقدات الخاطئة وغيرها من الأمور التي يرفضها المجتمع القطري...

والعقل نعمه من الله في الي يعرف يستخدمه وفي الي ما يعرف يستخدمه...

بو الجوري

05-07-2011, 08:47 AM

أعيد و أقول :..

المشكلـه مب في البلاك بيري :..

المشكلـه في المستخدم نفسـه :..

قــ502ـطرالعز

05-07-2011, 09:12 AM

انا 100% مع كلام اخوي السليطي يعطيك العافيه على هالرد الراقي الصراحه وكلامك صحيح احنا الي خربنا هالشي

التيما

05-07-2011, 09:23 AM

اخوي اللي مب عاجبته خدمة معينة مو من حقة يطلب إيقافها .. بكل بساطة لا تخلي عيالك يفتحون الخدمة ولا تشتري لهم بلاك بيري ..

البلاك بيري له ثقافة .. والناس يتعلمونها مع الوقت .. لكن اوقف خدمة عشان برود كاست ؟؟ عيل بالمره خلهم يوقفون الانترنت بكبرة لأنهم ممكن يلاقون الأكبر من هاللي ذكرته والأدهى في النت ..

المتحدث الرسمي

05-07-2011, 09:53 AM

......

حدث العاقل بما يعقل

مب عشان رابط بتلغي خدمه ناس وايد مستفيده منها

كل تكنولوجيا ولها مساوئها و لها حسناتها

وهني يجي دورك و شلون تتعامل معاها

مريومة

05-07-2011, 10:09 AM

بدل ما نوقف خدمة مستفيدين منها

ليش ما انتعب نفسنا شوي وننصح

او حتى ما نعيد بعث البرودكاست .. ونطرش له توضيح

وبما ان التكرار يعلم الشطار .. مافيها شي لما نثقف الشخص اللي يطرش شي بدون ما يقراه

ومرة بعد مرة رايح ينتبه ويقرأ ويوعي الشي اللي يطرشه

اذا انا ثقفت اخواني وخواتي وصديقاتي .. هم بالتالي بيثقفون اللي يقربون لهم

وهكذا .. اما ان احنا نطالب بالغاء الخدمة .. صراحة ذي حيلة الضعيف

qatarya-vip

05-07-2011, 10:50 AM

الغلط مو بالبلاك بيري او الاجهزة الغلط فينا احنا والا حركة الـ 999 هذه جد سخيفة ومالها داعي

لكن فعلا وجب علينا توجيه المراهقين يعني انا يوم جاتني حركة الـ 999 ارسلت برودكاست للستة ونبهتهم انهم مايطرشون مثل هاالروابط ولو كل واحد فينا استعدل بأستخدامة للأجهزة والله راح نرتقي

Anas_G

05-07-2011, 11:08 AM

اخوي عندك مشكلة مع البلاك بيري الغي الخدمة وبيع تليفونك بس لاتفرض رايك على الجميع

v_h3

05-07-2011, 11:27 AM

اخوي عندك مشكلة مع البلاك بيري الغي الخدمة وبيع تليفونك بس لاتفرض رايك على الجميع

وانا اويد رايك

راسي براسك

05-07-2011, 01:42 PM

اخوي الحين عشان رابط فيه سحر

تبي توقف الخدمه !!

كان ممكن توجه نصيحه بخصوص هالرابط وخلاص

ع العموم مشكور يعطيك العافيه ..

هههههههههههههههههههههههههههه

انا معاج ولاتعليق

:nice:

المتحدث الرسمي

05-07-2011, 01:51 PM

....

اتمنى من كيوتل و فودافون يلغون التلفونات الارضيه و الجواويل لانهم بعد مصدر حق المغازل

و اتمنى بعد يلغون الانترنت لانه في مواقع اباحيه

و اتمنى يلغون كيوتل و فودافون والمجلس الاعلى للاتصالات لانه مالهم لزمه

و نعيش على الحمام الزاجل ابرك لنا :secret:

شبح الصمت

05-07-2011, 01:56 PM

البلى كله من المستـخدم نفســه وطريقة تعاملـه مع الشيء الي يوصـله

مب كل شيء يجيـك ترسله

لازم تتحرى صحة الخبر ومصداقيتـه ان هو صحـيح والا فيـه نقطة حمـره ..

أتمنى أتمنى أنه الواحد لا يرسل أي شيء قبل التأكد منـه

شبح الصمت

05-07-2011, 01:58 PM

والحركة البايـخه الي الحين هابين فيـها هبــة

ناس يجيها رابط وعليه رقم 999 وينشرون

ويوم تفتحـه يتصل على خدمة 999

أتمنى أنه هالناس الي قاعده تسوي هالحركات الصبيانيه أنها تخاف الله في نفسها ومن هالامور الي راح تجرها للتهـلكه ...

قبل لا تنشــر تأكد وشوف الخبر أيش

وفي امور الدين لا ترسل شيء إلا لين تأكد منه عن طريق شخص عارف بأمور الدين والفتاوي وغيرها ..

وتقبلوا تحياتي

bohilal191

05-07-2011, 02:01 PM

أعيد و أقول :..

المشكلـه مب في البلاك بيري :..

المشكلـه في المستخدم نفسـه :..

وانا معاك

آهـل شَـرق

05-07-2011, 02:18 PM

بالعكس ياخي خدمة البلاكبيري اثرت على العالم كله ايجابياً (مب بس العرب) وقربت المسافات

هل كنت تظن قبل 10 سنين انك بتقدر تتواصل مع ناس من جميع اقطار العالم وين ما كانوا

في كل لحظه وكل ثانيه بدون لا تعب ولا تكاليف !

هالخدمه صرعة جديدة في عالم التكنلوجيا ولازم نقدرها ونقدر سهولة التواصل من خلالها

بس تعرف الغلط وين ! الغلط مب في الجاهل لا مسك الجوال .. الغلط من الاباء والامهات اللي ما يحرصون ولا يراقبون اطفالهم ولا يعلمونهم او حتى ينصحونهم بالطريقة الصحيحه لاستخدام هالجهاز !

واقرب مثال الغرب .. يحرصون على حماية اطفالهم من هالاستخدامات الخاطئه للتكنلوجيا اكانت من الكمبيوتر او البلاكبيري او الماكنتوش بانواعه .. يراقبونهم ويتابعون محادثات اولادهم في البي بي ام والتويتر والفيس بوك .. وهذا كله لحمايتهم من الجرائم الالكترونيه والاستخدامات الخاطئه لهالاجهزه والمواقع!! هذا وهم من غير ملتنا ولاهم من دينا ولا عاداتنا ولاهم متحفظين مثلنا !!

من هنا يورد الخطأ !!

وشي ثاني .. سوو مثلي واحذف اي إمعه ما يدري وين الله قاطه (كل دقيقه برودكاست) حتى لو كان خويك .. قطها كاش في وجهه :)

toomi9

06-07-2011, 02:59 AM

نمسح الواتز اب ..؟ لان ممكن يوصل لنا بعد

toomi9

06-07-2011, 03:02 AM

أعيد و أقول :..

المشكلـه مب في البلاك بيري :..

المشكلـه في المستخدم نفسـه :..

:nice::nice::nice:

الـراسي

06-07-2011, 06:47 AM

المشكلة ان البلاك بيري الاستخدام الخاطئ له تقريبا 90%

من الشعب في كل الدول العربية

البلاك بيري لم يخترع للترفية والتسلية كما نستخدمة

ما صنع الا للمسؤولين والمدراء وؤساء الاقسام

لمتابعة الاجتماعات

لكن ربعنا ما يعرفون غير ماسنجر وفيديو

nooora

07-07-2011, 09:01 AM

في جنة وفي نار
وما على الرسول الا البلاغ المبين
واحد ياهل ليش يستعمل بلاك بيري؟ الله يهديهم جميعا
العالم تستعمله للبزنس وحنا للشات وكلام فاضي
دائما العرب يستعملون التكنلوجيا في شي غلط وهالشي صعب تغيرها
وما على الرسول الا البلاغ المبين
في جنة وفي نار
الله يهدينا جميعا

الحال مايساعد

07-07-2011, 09:18 AM

المفروض الحملات التوعوية تنتشر أكثر عن الخدمة هذي لكن مب سبب هذا لإيقاف الخدمة
مع إني أشوف قيمة الإشتراك تعادل قيمة إرسالك للمسجات خلال الشهر يعني هيا هيا اللهم انك بتقتصد شوي
واعوذ بالله من التقليد الأعمى

cl63

07-07-2011, 10:56 AM

كل شخص حسب استخدامه

حسن

07-07-2011, 11:35 AM

احمدالله ان ماعندي بلاك زفت اللي يسمونه انه اشوف اضراره اكثر من فوايده خله الناس كانه سكارى في الشارع والمجمعات الله لايبلانه

قلبي الطيب

07-07-2011, 01:47 PM