خدمة في تشطيب الفيلا

[مساهم الشبكه]

السلام عليكم ورحمة الله وبركاته .. بكل امانه توووه مخلص بنيان البيت عظم واول مره ابني بيت ف حياتي ..فـ اتفقت ..مع المقاول ان يسلمني البيت عظم ..وحاليا ودي بخدمه من هل الخبره..مثل سعر المتر مربع تركيب البورسلان والسيراميك ..ووين احسن مكان يبيع مواد البورسلان والسيراميك..تمديد الكهرباء والماء اخلي كل شي علي وهو عليه شغل اليد ولا كل شي عليه وانا احط المواصفات..شبابيك اليوفي بي سي والابواب اليوفي بي سي وين احسن مكان يشتغل فيهم مع اسعارهم..ابواب الخشب وين المناجر اللي شغلها مناسب واسعارهم جيده..مع ابواب وشبابيك الدرابزين..الصخان المركزي..مع المطبخ..لاتبخلون علي ولاني بمستعجل احب الشغل الراكد واللي يجي على هداوه ..ومايمنع اني اجلب الاغراض من دول الخليج مثل السعوديه والامارات عندي القدره على الروحه والرده ..بس ودنا بنصايحكم ..فيه مثل يقول اسمع باذنين افضل من اذن وحده ولا هو بعيب من استشار هل الاختصاص واخذ منهم المفيد ..واسف ع الاطاله

[mohamed.qa]

الارضيات من السعودية وعندك كافود لكن لو الكميات كبيرة من السعودية احسن وعندك انصار حق الابواب لكن انتا شوف وقارن الاسعار اتعب شوي بتحصل خير ان شاء الله

[مساهم الشبكه]

تسلم ياطويل العمر

[maree]

الارضيات والمطابخ واليتات والثريات وسواكت وقفال اليتات واقفال البواب والبواب الحديد المشقول من السعودية وعندك انصار حق الابواب الداخليه اومداخل الفيلا لكن خذ المقسات من الاول وعطها المقاول عشان يعمل حسابه وانت شوف وقارن الاسعار بس بحكم خبرتي وتجربتي لاني جربت تشطيب المفتاح وتشطيب العظم انا اشور عليك اتخلي المقاول يسلك الكهرباء والبيبات والسباكة والمجاري كرمك الله والشبابيك تعرف الكهرباء مب لعبه والسباكه فيها ظغط قوه ومشاكلها وايد وبعدين لين خرخر عليك البيت من رفيجك احسن اتخلي المقاول يكون هو المسوول اي شي اسحبه والباقي تشطيبات عاديه تقدر عليها اتعب شوي بتحصل خير الله ايوفقك ان شاء الله