فتح الباب للشباب القطري للتقدم لبرنامج (مركز قطر للقياداتqlc) التابع لسمو ولي العهد

[عابر سبيل]

لمن كان خريج جامعي
و للفئة العمرية من 25-35...

اعلن برنامج قطر للقيادة
في وسائل الاعلام
عن فتح موقعه
www.qlc.org.qa

لاستقبال طلبات الشباب الطموح لتبوؤ
مراكز قيادية مستقبلا..في الدولة..

و المركز بحسب ما ورد في بعض صفحاته

"
ويستلهم "مركز قطر للقيادات" الذي تأسس برئاسة سمو الشيخ تميم بن حمد بن خليفة آل ثاني ولي عهد دولة قطر حفظه الله رؤية قطر المستقبلية الطموحة.
*
*
،،

لمن يتاح التقدم بطلب الالتحاق بالبرنامج؟
يدعو "مركز قطر للقيادات" القطريات والقطريين ممن لديهم المؤهلات المطلوبة والذين يطمحون لأن يكونوا قادة في محيطهم ومجتمعهم أن يتقدموا للالتحاق بهذا البرنامج. ستكون هناك معايير محددة لاختيار35 مرشحاً فقط -أنظر قسم معايير القبول. ستكون المنافسة قوية، وستشكل عناصر الثقة ووضوح الرؤية المستقبلية للمتقدمين، والطموح، والإصرار مقومات أساسية لاختيار المرشحين المقبولين في برنامج "مركز قطر للقيادات" لتطوير القيادات الحالية والمستقبلية.

"
*
*
،،
معايير القبول
يجب أن تكون أعمار المتقدمين للالتحاق ببرنامج القيادات الحالية والمستقبلية بين 25 و35 سنة، وأن يكونوا حاصلين على درجة البكالوريوس كحد أدنى. كما يتوجب عليهم إتقان اللغتين العربية والإنجليزية، مع خبرة لا تقل عن ثلاث سنوات في مجال عملهم. والمجال مفتوح لقبول طلبات المتقدمين والمتقدمات من القطاعين العام والخاص.

*
*
،،

آخر موعد لتقديم طلب الالتحاق
30 يوليو2011

*
*
،،
فبادر لمثل هذه الفرصة المتاحة لعدد 35 شابا..
ان كنت ترى نفسك مؤهلا لهذا البرنامج الوطني..

و ان اردت كل التفاصيل فما عليك إلا
زيارة الموقع الالكتروني للمركز على العنوان

www.qlc.org.qa

[R 7 A L]

الله يبشرك بالخير


وينكم ياللى ماتعديتوا 35 الحقوا قبل تروح عليكم مثلنـــا



جزاك الله خير اخوي عابر

[تغلبية]

واللي اعمارهم فوق 32 سنة .. وين يروحون .....................؟

الحين صايرة موضه في قطر .. يبون الـــ young بس ... والــكفاءات من الفئات الثانية ينركنون مثلا ؟!؟

وين مانروح قالوا نبي دون الثلاثين !!

مع احترامي لتوجه الدوله باحتضان الكفاءات الشابة ..

ولك الشكر عابر وصباحك خير ،،

[المليونير الفقير]

واللي اعمارهم فوق 32 سنة .. وين يروحون .....................؟

الحين صايرة موضه في قطر .. يبون الـــ young بس ... والــكفاءات من الفئات الثانية ينركنون مثلا ؟!؟

وين مانروح قالوا نبي دون الثلاثين !!

مع احترامي لتوجه الدوله باحتضان الكفاءات الشابة ..

ولك الشكر عابر وصباحك خير ،،

:cry2:

[alfahad1]

اختي تغلبيه المطلوب بين 25 و35 سنة واعتقد لو اكبر شوي مافي مشكله الواحد يجرب

[عابر سبيل]

الله يبشرك بالخير


وينكم ياللى ماتعديتوا 35 الحقوا قبل تروح عليكم مثلنـــا



جزاك الله خير اخوي عابر

واياك..
بس راحت علينا..
هرمنا..هرمنا و افرص الذهبية..
كانها راااحت علينا
:weeping::weeping:
*
*
،،
بس لا تحاتين با اختي التغلبية و البقية..

اقروا الموقع عدل..
فيه برامج مستقبلية..على قولتهم
لغير هالفئة العمرية..

بس هذي..يقولون..البداية..

و الشياب وراكم وراكم..و الشابات..
لا تاكلون كل الفرص الذهبية..

في الثانوية و الجامعة و ماكلين الجو علينا..
مجاميع فووووق و احنا ع الحفة..

بعد في القيادة و الفرص المستقبيلة..
بتلاحقونا..
حرام..
لا يكون هذا زمن "النسواااان":secret:

[محمد]

اتمنى ان يكون المركز اسم على مسمى ويكون موجه فعلا لتاهيل كوادر لمناصب قيادية ..
وما يكونون الـ 35 اصلا حاليا في مناصب قيادية :secret:

[الوان]

ما شاءالله ... خبر يفرح من الصبح .... عسى الله ينفع بهم هالبلد و الناس اللي فيها

[naif3]

بالتوفيق ياشباب

[تغلبية]

اختي تغلبيه المطلوب بين 25 و35 سنة واعتقد لو اكبر شوي مافي مشكله الواحد يجرب



المركز راح يطرح باب القبول للفئات العمرية الأكبر بعد فترة ..

لكن بالنظر لمعظم الفرص الوظيفية المطروحة في سوق العمل يطلبون مدير يكون اقل من 35 ..

طيب وعامل الخبرة وينه ؟!؟ راعي الــ 35 ينوخذ والــ 45 .. اللي عنده خبرة تراكمية أكثر

بحكم فارق العمر .. وين يروح .. يقعد في البيت ؟!

شوف الدول المتقدمة .. بريطانيا وامريكا .. المدراء الكبار العمالقة شياب ..

والمتقدم في العمر بعد الــ 45 ..لين 55 عندنا ماله قيمه كلش ..

يركنونه قبل أوانه في حين انه خبرته العملية التراكمية هذي في حد ذاتها قيمة ماتنوجد عند الشباب ..

[الوان]

المركز راح يطرح باب القبول للفئات العمرية الأكبر بعد فترة ..

لكن بالنظر لمعظم الفرص الوظيفية المطروحة في سوق العمل يطلبون مدير يكون اقل من 35 ..

طيب وعامل الخبرة وينه ؟!؟ راعي الــ 35 ينوخذ والــ 45 .. اللي عنده خبرة تراكمية أكثر

بحكم فارق العمر .. وين يروح .. يقعد في البيت ؟!

شوف الدول المتقدمة .. بريطانيا وامريكا .. المدراء الكبار العمالقة شياب ..

والمتقدم في العمر بعد الــ 45 ..لين 55 عندنا ماله قيمه كلش ..

يركنونه قبل أوانه في حين انه خبرته العملية التراكمية هذي في حد ذاتها قيمة ماتنوجد عند الشباب ..

يمكن علشان مهارات الكمبيوتر و الأنجليش تكون اقوى عند الشباب ....

[eXpert*]

الله يوفق

[عابر سبيل]

اتمنى ان يكون المركز اسم على مسمى ويكون موجه فعلا لتاهيل كوادر لمناصب قيادية ..
وما يكونون الـ 35 اصلا حاليا في مناصب قيادية :secret:

يا بو جاسم...
تفاءلوا بالخير...

و انا مصدقك..
بس بعد ودي اني هالمرة...
بعد اصدقهم!..

خلنا نمشي معاهم..
لحد باب بيتهم:secret:

[المحقق كونان]

شروط صعبه

[عابر سبيل]

شروط صعبه

وين الصعوبة..
خريج...
و عنده لغة انجليزية..مع العربية..
و مدة 3 سنوات في عمله..

هل في شي اخر اخوي؟

[بو خليفه 123]

يقولون الي عمره 35 يكون في قمة العطاء :shy:


نشكر الدوله على اهتمامها في الكوادر الشابه في الدوله خطوه ممتازه و نتمنى ان تكون ردود الافعال للموسم القادم للمسابقه اكبر بكثير بسبب نجاح الأول ..


و الي طافه القطار انصحه يشارك في مسابقة التحليلات في قسم الحوار العام هناك الخبرات اكثر والشروط اسهل و الي يسلم الجائزه هو مشرف القسم شخصياً :shy:

[عابر سبيل]

يقولون الي عمره 35 يكون في قمة العطاء :shy:


نشكر الدوله على اهتمامها في الكوادر الشابه في الدوله خطوه ممتازه و نتمنى ان تكون ردود الافعال للموسم القادم للمسابقه اكبر بكثير بسبب نجاح الأول ..


و الي طافه القطار انصحه يشارك في مسابقة التحليلات في قسم الحوار العام هناك الخبرات اكثر والشروط اسهل و الي يسلم الجائزه هو مشرف القسم شخصياً :shy:

ي قطر ما حد طافه هالقطار..
لان ما عندنا اصلا قطار..
و حتى لو..فرضا طافة قطار الاحلام..
اللي قادر يدفع حق كيوتل كل شهر 2000 ريال
بس لمكالمات الجوال..
يقدر يروح يأجر طيارة من اقرب مطار..

و خل عنك التحليلات
و نادهم حق "الجلسة" يوم انك
صرت من فريق الهدقة..و ملاحق (البيزات)!

مبروك..وين العزيمة..
لا تقول في البرندة على غرشة مرنده..
نبي (هبرة)
او واسطة لعضوية
في نادي القيادة!

[بو خليفه 123]

السيوله اليوم شحيحه و لم تقترب حتى من الـ 100 مليون لذلك اجزموا المحللين ان خبر تعييني في الفريق سبب نكسه مؤقته للسوق :(



نرجع لمحور الحديث ..


اتوقع جيل الـ 45-55 هو جيل الاستشاره والمعونه .. و الافضل انهم يتركون الساحه والميدان لـ الـ25-35 و يستريحون في البلكونه ..


الحين بعض العرب بيقومون علي escape

[مريومة]

زين :rolleyes2: ؟

واللي بين 35 - 45

شيسمونهم .. جيل شنو:weeping:

[w4rr10r]

مآشآء الله مشروع طيب ..

[أين الحل ؟]

ليش ما في أجانب ؟ خلصو

ما تعودنا نسمع هذه الأخبار تعودنا أن الأجنبي يجي ويطور ويلهف الملايين ويتوكل على ابلاده بعد ما يرشح صديقه لتكملة اللهف والرواتب العالية .

يا الله أحسن من ماميش العوض ولا الحريمه وحظ موفق للمتقدمين

[روح الاطلس]

كنت بسجل بس لقيت الاسئلة صعبه :(

[ع.م]

في يوم ما كنت أمتلك ((الحماس)) ..ولم تكن تنطبق علي هذه ((الشروط))..

واليوم تنطبق علي ((الشروط)).. ولاأثر لل ((حماس)) الذي كان..

باختصار.. أريد أن أريد..

و الله يرفع قدرج يابلادي.. ويوفق الشباب اللي بيشتركون..

[المُلهم]

عابر ..!!

الشوف عندي " مضبب" ..!!

السن 35 أو 53 ؟
تراي أخلط ...!!

ومتحمس بقوة ..!

[عابر سبيل]

عابر ..!!

الشوف عندي " مضبب" ..!!

السن 35 أو 53 ؟
تراي أخلط ...!!

ومتحمس بقوة ..!

بسك "حماس"
و خل شوي من
"إلهامك"
يمكن "يفتح" الله به
على ورثتك..او احفادك..
او احفاد احفاد احفادك..
*
*
،،
الله يطول بعمرك

[N7eEeS]

عندنا postal code في قطر!في الطلب محطوط !
برأيي القيادة لاتدرس القياده تأتي بالفطره!
ولا كان العالم كلهم دخلوا عيالهم مدارس للقادة واصبحوا قادة المستقبل!!
الا اخبار اكاديمية القادة ؟

[شيط ويط]

اتفق مع اخوي نحيس .. القيادة بالفطرة .. ولا تدرس .. ولكنها ممكن أن ( تُكتسب )

[شيط ويط]

نسيت اشكرك اخوي عابر سبيل على التنويه .. وبالتوفيق للجميع

[البدع]

سجلنا فيه

تسلم ياعابر سبيل

الصراحة طلبات كثيرة

واستغرب انها بالانجليزي

[عابر سبيل]

الا اخبار اكاديمية القادة ؟

Something else
على ما يبدو
يا خوي نحيس..

*
*
،،
و صحيح كلامك عن الفطرة..
بس هالمبادرة..انا اشوفها جيدة
اذا كانت بتعطي الفرصة لمن عندهم هالفطرة
لكنها لاسباااااب يطول شرحها..

"مغمورة" او مغلقة الابواب في وجوهها
لكي لا تستفيد منها الدولة..
فتخسر (النوعيات)
اللي ماخذة القيادة..بالوراثة..
لا بفطرة..و لا حتى "بمهره"!

[Qtr95]

Something else
!

So cute :discuss:

[saood]

واخيرا حصلنا وظيقه للقطريين

الجيش تروح له وانت قطري يقول لك لا والله طالبين اجانب

طيب وانا يالقطري وين اروح ازرع بصل يعني ؟

طيب الحين بعد طالبين خبره اذا انا ما عندي خبره وش اسوي ؟

الله يعينا ويعينكم جميعا

وبالتوفيق لنا ولكم

[جمال اليافعي]

قدمت مع ان شرط الشهادة ما ينطبق علي ههههه نشوف وش يصير :)

[بنQATARت]

الله يبشرك بالخير


وينكم ياللى ماتعديتوا 35 الحقوا قبل تروح عليكم مثلنـــا



جزاك الله خير اخوي عابر


ان شاء الله ماراحت علينا العوض في عيالنا
وكل شي حج قطر بيكون خير لنا
خبر يثلج القلب ..... بس ياريت ماتدخل الووووووووواو

[البدع]

في احد واجه مشكلة بتحميل السيرة الذاتية ؟؟

[بازار]

بالتوفيق للجميع

[ملك المشاعر]

يعني اللي يتم اختيارهم بيتم اعطاءهم كوورسات في القياده

[الخط الساخن]

أنا سجلت رحت بنفسي للمدينة التعليمية قبل أسبوعين وعبيت الفورمة عندهم
الدورة باللغة الانجليزية ٣ ايام بالشهر من ٨ ص حتى ٤ عصرا
في اختبار تحريري ومقابلة شخصية

[بو خليفه 123]

8 صباحاً ؟؟ !!

و اللي عندهم دوامات مثلنا ؟

[محمد]

8 صباحاً ؟؟ !!

و اللي عندهم دوامات مثلنا ؟

كل من داوم بصم ولا طق الكرت ؟! :nice:

عادي يابوخليفه من بيقولك بم :secret:

وبعدين ياخي برنامج لتاهيل القادة .. شفت يا عابر هذا الي خايف منه ان القادة تبي تصير قادة :(

[MR.STOP]

خبر طيب .. تسلم

[MR.STOP]

تهقون لازم واسطه ؟؟؟؟؟؟؟؟ :secret:

[بو منيرة]

الشباب الي قدمو ياليت يعطونا update

[البدع]

انا قدمت بالموقع

ولكن فشلت

فاتصلت فيهم

وكانوا متجاوبين بشكل طيب

ولم اتلقى اي رد من ذلك اليوم

[بو منيرة]

والله يا اخوك انا قدمت بالموقع ... ومشت الامور ... في نهاية التقديم كان مكتوب ان لو تم ترشيحك بنتصلك شهر 9 تقريبا وبيكون في مرحلة ثانية (اختبار ومقابلة) عشان يختارون ال 35 شخص

[البدع]

نفس الكلام قالولي

أنا بعثت الاوراق بالايميل لهم لان الموقع علق يومها

شخصيا استبعد الواسطة

وهم بالمناسبة حطوا إعلانات قوية بالجرائد

وأظن في اقبال طيب *

[مخطط قطري]

انا بنسبه لي قدمت لهم وكان تجاوب ايجابي والتوفيق اولاَ من الله ومن ثم cv الي عندي قوي وواثق انه يبيض الويهه ويشرف
واتصلو فيني وكانت بعض الاستفسارت من صوبهم وجاوبتهم وقالو بنرجع نتصل فيك بس خلك مستعد
وقالولي انه فيه دورات بتكون برا لنا في شرق اسيا ومادري بعد وين نسيت
وانا عندي واسطه قويه هناك بس مابي اتكلم ولا اتوسط هاالمرة بخليها على قولتهم باليمين وربكم يوفقنا ويسهلها لنا اذا هي فيها خير لنا....
بس الصراحه على كثر الدعايات والحمله الاعلانيه لها حسيت انه هالشي مهم
واحنا كشباب قطري واعي ومثقف ومتعلم لازم تكون لنا بصمه في بناء قطر الحديثه الي تعتمد على الشباب
وبيض الله وجيهه شيبانا كفو ووفو والحين دورنا
وانا من صوبي اي شي يديد بعطيكم خبر عليه ومدى الاستفاده والمهارات الي بنكتسبها من هالبرنامج اول باول
اذا كنت 1 من ال 35 المطلوبين لهالبرنامج

[بو منيرة]

انا بنسبه لي قدمت لهم وكان تجاوب ايجابي والتوفيق اولاَ من الله ومن ثم cv الي عندي قوي وواثق انه يبيض الويهه ويشرف
واتصلو فيني وكانت بعض الاستفسارت من صوبهم وجاوبتهم وقالو بنرجع نتصل فيك بس خلك مستعد
وقالولي انه فيه دورات بتكون برا لنا في شرق اسيا ومادري بعد وين نسيت
وانا عندي واسطه قويه هناك بس مابي اتكلم ولا اتوسط هاالمرة بخليها على قولتهم باليمين وربكم يوفقنا ويسهلها لنا اذا هي فيها خير لنا....
بس الصراحه على كثر الدعايات والحمله الاعلانيه لها حسيت انه هالشي مهم
واحنا كشباب قطري واعي ومثقف ومتعلم لازم تكون لنا بصمه في بناء قطر الحديثه الي تعتمد على الشباب
وبيض الله وجيهه شيبانا كفو ووفو والحين دورنا
وانا من صوبي اي شي يديد بعطيكم خبر عليه ومدى الاستفاده والمهارات الي بنكتسبها من هالبرنامج اول باول
اذا كنت 1 من ال 35 المطلوبين لهالبرنامج

الله يكتبها لنا اذا فيها خيرة ... بس غريبة اخوي اتصلو فيك خلال فترة التقديم هالشكلل تخلينا نفقد الامل :(

[MoneyMaker]

انا من الناس اللي تم ترشيحي من قبل جهة عملي,بس اكملت اجراءات التقديم عن طريق الموقع.

بعد اختيار ال 35 شخص. راح يبداء البرنامج بالتعاون مع كلية هارفرد للاعمال بالحضور 3-4 ايام كل شهرين في قطر فاونديشن لمدة سنتين.
ومن ضمن البرنامج زياره لامريكا ولليابان وسنغافوره.

طبعا شرط ال 35 شخص غير الكفاءه والانجازات والطموح .راح يكون فيه مزج بين الخلفيات العلميه والمجالات المختلفه. مثلا راح يكون فيه مهندسين,اداريين واكاديمين.

اللي عرفته بعد ان الناس اللي قدمت ولم يحالفها الحظ ممكن تتم دعوتهم لبرامج اخرى بداية من عام 2012

نتمنى التوفيق لكل المتقدمين.

[البدع]

Money maker

افهم من كلامك ان السالفة فيها واسطة ؟

وشكرا على التفاصيل الجديدة

[ابوسعود]

بالتوفيق للجميع

احنا خذنا دوراااات في القياده

بسنا ياحسين قيادات

وشكرااااا اخوي عابر سبيل على الموضوع

[MoneyMaker]

money maker

افهم من كلامك ان السالفة فيها واسطة ؟

وشكرا على التفاصيل الجديدة

بالعكس اخوي البدع انا ماقصدت ان السالفه فيها واسطه.لكن القائمين على البرنامج طلبوا من الهيئات والشركات ترشيح خمس موظفين من كل جهه ليتم مقابلتهم واختباراتهم مثلهم مثل المتقدمين بطريقه شخصيه.

هالخيار اصلا موجود ايضا على موقعهم تختار(هل انت متقدم بترشيح من جهة عملك ام لا)

اي تفاصيل جديده ان شاء الله في هالموضوع بخبركم فيها.

بالنسبه للواسطه..صدقني مافيه امل..عشان بتكون فيه معايير اولا كتابيه بدرجات وتقييم.وبعدها امتحان قدرات ذهنيه وعقليه.عاد هالاختبار شي جديد التقييم يكون الكتروني.\

[مخطط قطري]

الله يكتبها لنا اذا فيها خيرة ... بس غريبة اخوي اتصلو فيك خلال فترة التقديم هالشكلل تخلينا نفقد الامل :(

موفق خير يالغالي وان شاءالله نكون انا وانت من 35

[بو منيرة]

موفق خير يالغالي وان شاءالله نكون انا وانت من 35

امين ... وإن شاءالله اخوانا البدع و MoneyMaker كذلك :)

[بو منيرة]

ها يالربع في updates

اليوم وصلني ايميل منهم على اساس في امتحان شهر 9

[MoneyMaker]

ها يالربع في updates

اليوم وصلني ايميل منهم على اساس في امتحان شهر 9

Yes i had the same, this is the second stage on the selection proces
its psychometric assessment

they will run it for 4 group starting from 19-Sep till 22-Sep.

Good luck

[بو منيرة]

yes i had the same, this is the second stage on the selection proces
its psychometric assessment

they will run it for 4 group starting from 19-sep till 22-sep.

Good luck

مشكور ... واتمنالك كل التوفيق