استفسار : تغبيرة السيارة لطريق البر، ما فائدتها ؟ وأين أجدها ؟ ((ضروري وعاجل))

[هجمة مرتدة]

السلام عليكم ورحمة الله وبركاته

بإذن الله رايحين لدبي بكره الصبح، وحاب أني أستفسر عن تغبيرة السيارة . .

سمعت أن هناك تغبيرة شفافة، من غير ألوان، وين أحصلها ؟

وشلون أحطها على السيارة ؟ وشنو فائدتها ؟

[هجمة مرتدة]

لا اله إلا الله محمداً رسول الله . .

فلاني أجد كلمة أفضل منها لرفع الطرح . . :-)

[شموع قطريه]

اخوي فيه تغبيرات يبيعونها على شكل اسبراي وانت بنفسك ترشها على سيارتك .. شوف عند محل زينة السيارات اللي في محطة الوعب عنده جميع الالوان ..
واذا ماتبي تسويها بنفسك عندك محطة التيسير يسوونها لك وانت واقف ..

[بوخالد88]

الله يحفظكم تروحون وترجعون بالسلامة

بالتوووووفيق

[شمعة الدوحه]

فائدتها انها تحمي سيارتك من نحت حبيبات الغبار لصبغة السياره

وسفره سعيده وبحفظ الله

[@north_star@]

صدقوني يالربع وعن تجربة انه التغبيرة اذا كان العج والهوى شديد ما تصلح وبتطير والافضل تحط جريس (شحمة) او صابون سائل مال غسيل الصحون لانه حبيبات الرمل بتمسك فيه وان شاء الله درب السلامة

[الملكي]

أخي العزيز

في زيبارت طريق سلوى ، كلير كوت ، مادة شفافة و ممتازه عن تجربة
التكلفة 200 ريال

لا تنسانا من دعائك

[.Qa6ar]

والله اضحك على اللي يحطووون تغبيره على مواترهم والسبب التغبيره فيها اصلا حبيبات من الرمل وتخيل معي حاطه على وجهية السياره وفي هوا قوي وعج تخيل رمل مع رمل = احتكاك في البدي

نصيحتي

المتواضعه

اشتر فيري سائل وحطه كله وماتخلي شي في الواجه الا تحطه ومن مجرب بعد

رحله موفقه