:::...صـــوتك وصــــــــل...ولا مـــــا وصــــــــل...:::...احم

[The Master]

احم احم...ثم احم...


http://www.simply-speaking.co.uk/images/voice-traning-pic.jpg





في العاده...الكلمه المسموعه دائما...واللي اتردد على مسامعنا...اتكون صوتك وصل...صوتك وصل...


لكن انا اقول لكم يا اهل قطر...صوتكم ما يوصل...


خلنا اندقق على الفكره...اللي هي من تحليلي...


ركزوا معاي...


عندنا عائلة...اتكون من اب...وام...وابناء...
الاب دايما مشغول في الدوام...ولجا البيت يبغي بس يرتاح...
العيال دايما مع الام...ولبغوا اي شي من ابوهم...قال لهم...روحوا لامكم...
فا...اي شي يصير للعيال...الام عندها خبر...وهي اللي اتقول لزوجها الاشيا اللي اتصير لهم...وامور البيت...يعني تقرير...
نفرض ان الزوجه...ماقالت حق ابو العيال "زوجها..." عن طلب ولده لما قال حق امه...برغبته انه ابوه يشتري له سيكل...هل الاب بيشتري حق ولده دام انه مايدري؟؟؟
فا صوته ماوصل...




طيب...انكبر المحيط اشوي...وانقول ان هالعائلة...ساكنين في بيت ابو الزوج...لكن في ملحق...في البيت...يعني بره بيت ابوه...لكن يجمعهم نفس الحوش...
الزوج قليل يروح بيت ابوه...ولراح ما يطول...يعني سلام ويتقهوى ويطلع...
اخت الزوج...ساكنه في نفس البيت...واطلبت من ابوها وامها...يساعدونها في انهم يشترون حق البيت سيارة...عشان دوامها...لكن الاب والام...ماعندهم المبلغ الكافي...فا قالت لهم...يطلبون من اخوها "الزوج"...يساعدهم عشان يكمل المبلغ...ويشترون السياره...

لنفرض ان الام والاب...ماقالوا حق ولدهم...عن هالموضوع... فا هل الاخ "الزوج"...بيساعدهم بالمبلغ المطلوب...او بيكون عنده اي خبر عن الموضوع ؟؟؟
فا نقدر انقول...
ان صوتها ماوصل...


انكبر المحيط اكثر واكثر... هالبيت...في منطقه...وحولهم جيران...على يمين البيت جيران من دولة عربية...وعلى يسار البيت جيران من اهل قطر...
الزوجه...امصادقة اللي من الدولة العربيه...ودايما معاهم...وجيرانها من قطر...علاقتها معاهم عاديه...لكن اعيال الزوجه...علاقتهم مع جيرانهم من اهل قطر طيبه...وقويه...
الجيران...حالتهم الماديه متدهوره...اللي من الدولة العربيه...واللي من قطر...كلن وظروفه...الزوجه عندها خبر...وكذلك العيال...

الزوج...جاته افلوس...ويبغي يتصدق...سأل زوجته واعياله...وقال...ابغي اتصدق...لكن مب عارف اعطي من...ردت الزوجه...وبسرعه...مساكين العائلة العربيه...محتاجين...وحالتهم تعبانه...فا نعطيهم...والعيال...ماجا على بالهم شي...

هل الزوج بيعطي العائلة العربيه...لو زوجته ماقالت له؟؟؟...طبعا ماراح يدري عنهم اصلا...
هل الزوج بيعطي العائلة القطريه...؟؟؟...بعد ماراح يعطيهم...لانه مايدري عنهم اصلا...ومحد جاب طارييهم...من اعياله اللي هم يدرون عن حال جيرانهم من العائلة القطريه...
فا الزوجه شافت ان احتياجات العائلة العربيه اكثر...والعيال...ماشافوا ان العائلة القطريه محتاجه...

فا صوت العائلة العربيه وصل...
لكن صوت العائلة القطريه...محد وصله...


مانبغي انطول...عشان ما اتملون...
لكن هالامثله كان الرابط فيها عائلي...
لكن لو انوسع النطاق اكبر واكبر...راح تكبر عندنا الرؤيه...والمفهوم...والمصالح...والاولويات...ونظرته م للامور...ومقياس الحوائج...

فهل يا اعيال ابلادي...
تضمنون...

ان صوتكم وصل...؟؟؟



اتمنى الفكره اوصلت...
والله يعينكم يارب...ويعين جميع المسلمين...
وعسى صوتكم يوصل...قبل لا يستأصل...



http://2.bp.blogspot.com/-9K44KSYGr7U/Td-6PlFVEGI/AAAAAAAAAFU/mPTe-BkJ0lo/s1600/connecting.jpg

[الخفي]

(( احنا على مستوى المنتدى نلاقي صعوبه في رفع الصوت

صار لنا سنين واحنا نصارخ ونواجه بناس سبحان الله

حتى الصراخ لايريدون سماعه

طيب هاللي يصرخ يمكنه متآلم لايجيك ويقولك هذا عيار

قول الحمدلله شوفو الناس اللي غيركم يروح يختار دول منكوبه وفيها بلاوي

ويريد اسقاط واقعنا عليها. ويخلي هالدول خط رجعه له اذا احد ناقشه قاله

ابوي عنده فلوس واحنا عياله اولى هو الحين وصلت له مشكله الجيران

بس المشكله اللي في بيتك ماتوصل له او توصل بطريقه مغايره

يشرق بك ويغرب بك عشان بس يقتنع انك تصرخ من اللي في داخلك بحق

وهناك تهمه جاهزه في حاله. احتدام الصراخ وهو ان ينزع منك الوطنيه والولاء للاب

تروح يمين يجيك يسار حتى ان البعض منهم. تراويه الجرح يقول هذا مكياج

تراويه الدم يقولك هذا جلي ولا كتشب

جاهم واحد ايده مقطوعه يقولك ياخي كل اهل قطر عندهم ايدين

بس قليل من اللي نشوفهم ايدينهم مقطوعه

طيب خل ابوي يسوي مركز للاطراف الصناعيه مثل ما سوى حق عيال جيرانا

يقولك لو تعيش يوم واحد في بيت جيرانا كنت بتعرف انك احسن من عيال جيرانا

طيب ابوي يوميااشوفه بعيني. يعطي عيال الحاره كلهم فلوس

ويقول حق راعي الدكان اي واحد محتاج فلوس قول له انا حاضر

علمني راعي الدكان جيت كلمت الناس اللي قريب من ابوي

اتضح انا ابوي اصلا معطي كل واحد منهم بيت ومزرعه ويصرف له راتب شهري

قلت لهم كلموه قالو خايفين نكلمه يقطع رواتبنا لان احنا دوم نقوله في جلساتنا معاه

انت رجال طيب وغني مانقدر نقوله عيالك بعد يكتشف ان احنا كنا نجامله

رحت حق ولد جيرانا سب ابوي وقالي انتم ماتستاهلون النعمه اللي انتو فيها

واصلا ابوك عطانا الفلوس لانه عنده فلوس ومايدري وين يوديها

قلت له احنا محتاجين قال علينا انتم اغنى عائله في العالم

ابوك باني بيوت في فرنسا وشاري انديه. ويعطي عيال القريه اللي ورانا

وتقولي محتاج انت عيار

قالي اصلا. ابوك. وربعه يقولون انكم. تعيشون افضل عيشه في العالم

تقولي محتاجين

قلت له تصدق. ان ابوي يعطيني ١٠٠٠ ريال لكني اصرفها اول يومين

لان كل شي غالي

قال لي كلمه هذا امس معطي ولد. البيت اللي ورانا قال لي

اذا اقنعتني ان. ربع ابوك كذابين راح اصدقك وعقب رحت عنه حق امي ابكي بحضنها

وين توصل اصواتنا واحنا لم نغادر حتى ( الحوار العام ) ما اضن صوتنا وصل )) *

[مريومة]

تفاؤلوا خيرا :)

[الخفي]

(( كاني اسمع صدى يقول وش تقول ))

[The Master]

ماشاء الله عليك اخوي الخفي...ردك هذا لحاله موضوع...احييك على الطريقه...اعجبتني...
ولنا عوده للتعليق...

[الخفي]

ماشاء الله عليك اخوي الخفي...ردك هذا لحاله موضوع...احييك على الطريقه...اعجبتني...
ولنا عوده للتعليق...

-------------------------------------------


صدقني اخوي ماستر

انا لم اتعود على هالطريقه من الردود

ولكن محاكاه لطريقتك لطرح الفكره

اللي بصراحهاعجبتني ومغزاها واضع للاذكيا

ولا اضن يصعب على احد

بس بالنسبه لي صوتك انت وصل

بس السؤال صوتنا وصل ولا لا

بعد المعارك اللي صارت هاليومين

ماني متفائل بصراحه. حرب على كلمه الحق لنخرجها من افواهنا

اعوذ بالله يبونا نغص حتى بالكلام لو. الماي بيديهم مايخلونا نشربه

[بودحوم]

الله يرزق أميرنا البطانة الصالحة . الصادقة أمام الله قبل أن تصدق امام الأمير
وان يراعوا الله في كل مايقولونه في تقاريرهم للأمير حفظه الله ورعاة .

[The Master]

تفاؤلوا خيرا :)

تجدوووووه...

لكن ياترى...كم سنه...والصوت مايوصل...؟؟؟ :con2:

[The Master]

-------------------------------------------


صدقني اخوي ماستر

انا لم اتعود على هالطريقه من الردود

ولكن محاكاه لطريقتك لطرح الفكره

اللي بصراحهاعجبتني ومغزاها واضع للاذكيا

ولا اضن يصعب على احد

بس بالنسبه لي صوتك انت وصل

بس السؤال صوتنا وصل ولا لا

بعد المعارك اللي صارت هاليومين

ماني متفائل بصراحه. حرب على كلمه الحق لنخرجها من افواهنا

اعوذ بالله يبونا نغص حتى بالكلام لو. الماي بيديهم مايخلونا نشربه

ابصراحه كان كلامك جميل...والاسلوب ماعليه كلام...
واهم شي ان المحاكاه كانت افضل من الاساس...:nice:

والحمدلله دام انت وجهة نظري اوصلت لك...هذا شي يسعدني...
لان مب اي واحد بيفهم هالطرح وهالاسلوب...الا الناس اللي فاهمه...:nice:

اما الباقي...تلقاهم يا في سوالف نسوان...او اشيا ثانيه...كا التفاحه والكافي...:rolleyes2:

وكلن على نظرته للامور...

تشكر على التواجد الجميل اخوي...

والله مايندرى اذا الصوت وصل ولا لا...لكن انا من صوبي...حاولت بشتى الطرق اوصله...
كان في مدونتي...او الواتس اب...او البلاك بيري...او التويتر...

فا الباقي عليكم انتوا...:nice:

ويامرحبا بك...
اسعدني تواجدك اخوي...

[R 7 A L]

لا ما وصل لا ماوصل
ولا راح يوصل دام المسافة بعيدة

[الخفي]

لا ما وصل لا ماوصل
ولا راح يوصل دام المسافة بعيدة


---------------------------------------------------

صدقني المسافه قريبه جدا تكاد لا تكثر

ولكن هناك من يريد ان تبعد المسافه

ولا يصل حتى الهمس يصم اذنيه عنه

ولا يرى الا بعين من يمسك المنضار بالمقلوب

[The Master]

الله يرزق أميرنا البطانة الصالحة . الصادقة أمام الله قبل أن تصدق امام الأمير
وان يراعوا الله في كل مايقولونه في تقاريرهم للأمير حفظه الله ورعاة .

امين يارب...

ولاهنت عالمرور اخوي...

[The Master]

لا ما وصل لا ماوصل
ولا راح يوصل دام المسافة بعيدة

امممم...يمكن ويمكن...

بس السؤال...

هو ليش تبغيه يوصل؟؟؟
وهل اذا وصل...بيكون وصل؟؟؟ :secret:

[مرشد الاخوان]

السؤال مب وصل او ما وصل الاكيد إنه وصل لكن قوووووووول لي

ما مدى تأثيرك وقوتك عندهم لكي يعملوا لك الف حساب

أعتقد والله أعلم نسبتك >>>> أقوووووول حطها أنت

[BIG-VEGA]

احم احم

كح

كحححححححححححححححححح


ايش كححححححح

ايش دراك كحححححححححححححححححححح

ايش دراك انه ماوصل ؟؟؟ :secret:

كحححححححححححححححححح

اه اه اه اه :rolleyes2:

ابتلينا بالشيشه :shy: