استقبل استفسارتكم عن لندن ..

[ديمقراطي]

السلام عليكم

واجد منكم عنده خبره في لندن وبعضكم لا .. اي واحد عنده استفسار عن لندن يسال وان شاء الله راح اقدم الفائده .

تحياتي،،،

[مــــلاك]

سؤالي مب عن لندن ..بس عن الاتصالات والكروت
ابي اخذ للايفون شنو افضل شركه؟؟

[بدور]

ما يمديك تنسى موضوعك وتحذيرك من لندن والعنصريه والحين منزل موضوع تستقبل الاستفسارات عن لندن

http://www.qatarshares.com/vb/showthread.php?t=462877

لندن ما يغترها احد ومرتاديها يعرفونها شبر شبر وزنقه زنقه ما يحتاجون مساعده والسنه القطريين

تفوق عددهم 50000 قطري

وربي على كثر ما أجي لندن واغلب شهور السنه ومن سنين ما قد شفنا عنصريه ومستحيل

التاكسي يرفض يركبك لانها شركه واي شكوى عليه يروح ورا الشمس

تحياتي لك اخوي وربي يوفقك وسامحني على ردي للموضوعين

[الكنترول]

موضوع متناقض أخوي ... ديمقراطي

[ديمقراطي]

اختي بدور واخوي الكنترول ..

اولا اختي بدور انا مانسيت موضوعي القديم لعلمك انا من عام ١٩٨٦ تقريبا كل سنه في لندن وقبلها درست فيها مرحله من دراستي المدرسيه وخلصت منها دراستي الجامعيه ودراستي العليا وداخل لندن مب في منطقه بعيده عن لندن وتعرضت لحالات سرقه وضرب وعنصريه وكل ماتتوقعينه من المشاكل مب راعي مشاكل لكن الي يتم فتره طويله يشوف كثير وفي غيري ماشافوا شي بس هذا مب دليل على غياب المشاكل في دوله المخمور فيها يطلع ويسوي الي يبيه.

وبعدين لما احط موضوع ارغب فيه المساعده للناس الي يبون يسافرون لندن ويحبون يستفسرون عن اماكن يجوز انتي تجهلينها مايعرض موضوعي للنقصان. انا طرحت قبل موضوع عرضت فيه شقه للاجار ماتقدرين تقولين لي القطرين يعرفون الشقق في لندن ومايحتاجون تدلهم على سكن لان احد الاعضاء استفاد من الشقه الي عرضتها واجرها وصندوق الرسائل ممتلئ من هل موضوع لين اليوم.

بعدين اخوي الكنترول الموضوع مب متناقض انا قدمت نصيحه للمسافرين الى لندن لكن الي عنده خبره في بلاد ليش مايطرح مساعدته للناس المسافرين

انا قدمت يد العون ونردت يدي.

الله يجزاكم الخير واتمنى لكم صيف ممتع

[naklan]

سؤالي مب عن لندن ..بس عن الاتصالات والكروت
ابي اخذ للايفون شنو افضل شركه؟؟

اختي ملاك وبعد اذن صاحب الموضوع
افضل وارخص شركتين من تجربتي الخاصة هي الاولى اسمها ليبارا
والثانية اسمها نومي وميزة هالشركتين الاتصال المباشر للخليج
وممكن حد من الاخوان يقدر يفيدج اكثر :)

[ام خويلد]

مرحبا اخوي ديموقراطي
الله لايهينك ممكن تنصحيني وش المناطق اللي خارج لندن تستحق الزيارة،مع شرح كل منطقه شنهو يوجد فيها.
واكون شاكرة لك

[راسي براسك]

بغيت أستفسر عن متوسط سعر رحلة لـ 4 أشخاص بالنسبة لـ ( الفندق وياليت يكون قريب من هارودز وهايد بارك والأماكن الحلوه ) + التذاكر + الأكل + التسوق + الترفيه .

[راسي براسك]

المده أسبوع

[السيف5]

الاخ ديمقراطي

الله يجزيك خير لتقديمك المساعدة

وشكرا

[الباحثة]

الاخ ديمقراطي

الله يجزيك خير لتقديمك المساعدة

[miss.qa]

بغيت شقتين خلال هالاسبوع تعبت وانا ادور .. يا ف اكسفورد ستريت يا ف مايفير ..

وبغيت رقم واحد عنده سيارة كبيره تودينا مناطق برع لندن حق 5 اشخاص و3 يهال .... واحد ثقه ...

وش احلى سوق ف مانشستر ؟؟؟؟ وشنو احلى شي يميزها ؟؟؟

انا رحت من قبل لندن لكن هالمرة مع بزارين اهيء اهيء ... شنهي الاماكن الحلوة لهم ؟؟؟

[الألماسي]

بغيت شقتين خلال هالاسبوع تعبت وانا ادور .. يا ف اكسفورد ستريت يا ف مايفير ..

وبغيت رقم واحد عنده سيارة كبيره تودينا مناطق برع لندن حق 5 اشخاص و3 يهال .... واحد ثقه ...

وش احلى سوق ف مانشستر ؟؟؟؟ وشنو احلى شي يميزها ؟؟؟

انا رحت من قبل لندن لكن هالمرة مع بزارين اهيء اهيء ... شنهي الاماكن الحلوة لهم ؟؟؟

جـو لنـدن خطيـر هـ الأيام قبل امس و اللي قبله الجـو بالليل بارد . . الشقق و الفنادق فل هـ الايام و غير السعـر الـدبل لبعض الشـقق . . راح تكون محظوظ لـو لقيت شقه . .

مع الـصغار البرامج كثيره . . الهـايد بارك المتاحف و الحديقه المفتوحه و منطقه لنـدن اي فيها كذا فيستيفال هناك و التسوق طبعا اكسفورد ستريت . . النايتس بردج . . و فيه مجمع اسمه الويست فيلد و عندكم البستر فيلج (( الأوت لت )) هذا تاخذونه بالقطار احلى من محطه مارليبورن كل شخص 30 باوند مع الشتل باص اللي من محطه بستر نورث كل عشر دقايق

سفره موفقه

[الخـود]

والله الموضوع كنا بنستفيد منه
وين راح العضو
!! بس الظاهر ان خربوا عليه

ننتظر رجوعك عشان نستفسر ونبيك تفيدنا
وسو الخير وما عليك من الناس ياخوي ....

[وردة]

ما يمديك تنسى موضوعك وتحذيرك من لندن والعنصريه والحين منزل موضوع تستقبل الاستفسارات عن لندن

http://www.qatarshares.com/vb/showthread.php?t=462877

لندن ما يغترها احد ومرتاديها يعرفونها شبر شبر وزنقه زنقه ما يحتاجون مساعده والسنه القطريين

تفوق عددهم 50000 قطري

وربي على كثر ما أجي لندن واغلب شهور السنه ومن سنين ما قد شفنا عنصريه ومستحيل

التاكسي يرفض يركبك لانها شركه واي شكوى عليه يروح ورا الشمس

تحياتي لك اخوي وربي يوفقك وسامحني على ردي للموضوعين

صحيح كلامج اخت بدور وانا بعد ادرس بلندن ماقد مره صادتني مشكلة ومثل ماقلتي التكاسي مستحيل يسون هاي الشي ..

وبالعكس والله ماعندهم مشاكل مع العرب نهائيا ..

[وردة]

مرحبا اخوي ديموقراطي
الله لايهينك ممكن تنصحيني وش المناطق اللي خارج لندن تستحق الزيارة،مع شرح كل منطقه شنهو يوجد فيها.
واكون شاكرة لك


بعد اذن صاحب الموضوع ..

اختي عندج منطقة مانشستر حق الشوبنق حلوه وليدز كذالك

عندج منطقة ستوك ان ترينت فيها ملاهي وااايد حلو اسمه التن تور فله حق اليهال وبعد في العاب مائية والتلفريك عشان تروحين من لعبه لين لعبة صج صج فله

:omen2: