عندي ارض عليها دفان الاراضي !!!

[Chambray]

السلام عليكم
عندي مشكلة مادري اروح حق من اشتكي حق من
عندي ارض في ام سنيم
غفلت عنها 6 شهور احين اشوف جبال فوق ارضي !!
البوكلينات تحفر الاراضي المجاوره وترمي الدفان فوق ارضي

الحل ياشباب شسالفه ؟ هل يصير اكلم حد ياخذ الدفان ببلاش ويفكني من هالدفان الي ماله لزمه والي رموه عندي المقاولين الي مايخافون الله

ولا اشتكي عند البلديه ولا اروح عند من؟؟

[PLATINUM]

اشغال صارلها فتره شغاله على ام سنيم

اشوفهم يومياا شغالين على تسوية الارض في المنطقه كلها

انت الدفان اللي حاطينه لك من بوكلينات اشغال ولا من الجيران

اذا من اشغال اتوقع كم يوم ويطيروون الدفان كله

اذا من الجيران تقدر تروح تكلم المقاول اللي يبني بيت جارك وتقوله شيل الدفان وتقدر تروح بلديه الريان تشتكي

[Chambray]

اشغال صارلها فتره شغاله على ام سنيم

اشوفهم يومياا شغالين على تسوية الارض في المنطقه كلها

انت الدفان اللي حاطينه لك من بوكلينات اشغال ولا من الجيران

اذا من اشغال اتوقع كم يوم ويطيروون الدفان كله

اذا من الجيران تقدر تروح تكلم المقاول اللي يبني بيت جارك وتقوله شيل الدفان وتقدر تروح بلديه الريان تشتكي

والله ياخوي مادري دفان من بالضبط
ما ابي اظلم حد :(

[بودحوم]

وعليكم السلام ورحمة الله وبركاتة

عليك طال عمرك بالبلدية التابعة للمنطقة . وتعلمهم بالموضوع
هم المسؤولين عن هالامور .

انا قبل فترة لقيت أرضي مليانة تريبات بسبب حفريات في المنطقة
وحاولت القى المقاول المسؤول عن الحفريات بدون فايدة .
كلمت بلدية الريان قالوا بيشلها غصب ولا المخالفات تنطره .
وفعلاً نظف الأرض في اقل من اسبوع من بلاغي لبلدية الريان ..

[بايع بايع]

الله المستعان
الواحد يحاتي ولا يتابع ولا يحاسب ولا يشتكي ولا ايش ولا ايش

الله يسهلك امورك

[khaldoon]

حاول تكلم المقاولين واصحاب البيوت بالحسنى ولو ما نفع روح البلديه

[المالكي1982]

مرحبا اخوي
تقدر تروح و تكلم اللي ماسك المشروع في هالمنطقة, بتلاقي مكاتبهم ورا مشروع بروة عند دوار كروة, انا كانت عندي مشكلة معاهم و كانو متعاونين معاي.

اللي ماسك المشروع واحد باكستاني و متفهم لكل المشاكل اللي في المنطقة, واذا كان الدفان لهم اكيد بيشلونة واذا ماكان لهم يقدر يشوف لك حل.

[طموحة]

تشتكي عليهم بالبلدية واذا هي جهة حكومية تطالب

بتعويض بعد لانهم يستغلون ارضك من دون علمك

[مواقف النجادة]

الموضوع بسيط طال عمرك .. لان اللي حافر ملزوم يشيل الدفان او اي مخلفات ناتجة عن البنيان قبل لا يعطونه شهادة اتمام بناء ..و المقاول اكيد عارف هالشيء و مسوي حسابة .. ولكن اذا حصل و ما شال الدفان .. او انك تبي تبني و مستعجل .. كلم بلدية منطقتك و هم راح يخلونه يشيل.