طلبت من مدير الكوفي اني اقعد في المكان المخصص للنساء ليش يرفض

[غير البشر]

السلام عليكم ورحمه الله وبركاته ,,,,,

صبحكم الله بالخير جميعا ,,,,,

اكيد استغربتو من العنوان
وانا بالفعل طلبت من المدير المسئول اني اقعد في مكان النساء ورفض طبعا

وانا طلبت منه بقصد التنبيه فقط لاغير
لان بصراحه قهر وكذا مره تصادفني نفس السالفه في كذا مطعم او كوفي

رحت المول وحبيت اتعشى في اوبرا كافيه
طبعا رحت المكان المخصص للعائلات
المكان متروس ولاكرسي فاضي

والبعض شابكين طاولتين مع بعض

مش هذا الموضوع

الموضوع الله يسلمكم ان مكان العائلات تقريبا معظم الطاولات عليها نساء فقط

ماعدا طاولتين بها عائلتين

وجهه الرجال معظم الطاولات مشغوله

وتفاجأت ان في القسم النسائي فاضي
ولاطاوله مشغوله هل يعقل ؟؟؟؟؟

وبعد انتظار قليل حصلنا على طاوله ولله الحمد

ولكن في عائلات كثيره راحت وماحصلت على طاولات

وانا جالس اشوف نساء يجون يشوفون قسم العائلات مافي طاولات وبعدها يفقدون الامل ويروحون القسم النسائي


اشرايكم في الموضوع :telephone:

[eXpert*]

يعني تقصد أن المطعم فيه 3 أقسام:
رجال
نساء
عوائل

والنساء قاعدين في قسم العوائل بدل لايقعدون في قسمهم .

[ام السعف]

في هذي معاك حق

دام ان في قسم مخصص للنساء اللي مب معاها رجل تروح قسم النساء
نفسها نفس الرجال اللي مب معاهم حريم ،،

بس هل سياسة المحل توافق على هالشي ؟

[غير البشر]

يعني تقصد أن المطعم فيه 3 أقسام:
رجال
نساء
عوائل

والنساء قاعدين في قسم العوائل بدل لايقعدون في قسمهم .



عليك نور
تقريبا كل الطاولات عليها نساء
يعني لو واحد مع عائلته ماله مكان

ولايقدر يدخل القسم النسائي المهجور

وطبعا مايقدر يروح صوب الرجال شنو الحل

[غير البشر]

في هذي معاك حق

دام ان في قسم مخصص للنساء اللي مب معاها رجل تروح قسم النساء
نفسها نفس الرجال اللي مب معاهم حريم ،،

بس هل سياسة المحل توافق على هالشي ؟


اذا رحتي اوبرا المول بالذات بتتأكدين من كلامي

والمشكله مدير الكوفي يقول بعض البنات اذا ماحصلو مكان في العائلات يروحون قسم الشباب :rolleyes2:

وويقول بعظهم يشتكون على الشباب ان يلعوزونهم ههههههه شر البليه مايضحك

[@north_star@]

بصراحة شي ينرفز يعني مخليين مكانهم فاضي ورازين وجوههم بمكان العائلات ..............المفروض ادراة المطعم او الكوفي شوب تلغي قسم الحريم وتضمه لقسم العائلات

[غير البشر]

بصراحة شي ينرفز يعني مخليين مكانهم فاضي ورازين وجوههم بمكان العائلات ..............المفروض ادراة المطعم او الكوفي شوب تلغي قسم الحريم وتضمه لقسم العائلات


للأسف هذا الي حاصل اخوي نورث
يقول مدير الكوفي نكلمهم ومافي فايده
بعد يدخلون اماكن العائلات


في ناس بيقولون ليش مالهم حق يعني

انا برد عليهم واقول العائلات اولى منهم

[شبح الصمت]

في بعض الحريم الله يستر عليهم البعض يحبون انهم يجلسون عشان يطالعون الرايحه والجايه والرايح والجاي ...

يحسبون انهم بيصيدون احد يعرفونه ..

من وجهة نظري مكان النساء يشلونه ويسوونه مكشوف لانه ما اشوف له لازمه

إلا الي في الاند مارك أما الي في المول ولا له اساس

:secret:

[ام السعف]

عاد بيروحوا صوب الشباب وبيلعوزا هذي سالفة جايدة

بس بعد المفروض تطلب من المدير انه يوفر اماكن للعائلات والحريم يروحون صوب الحريم


بصراحة مب متقبلة مواضيع حريم يجتمعون في الكوفي شوب :(
اشفيها البيوت :(

لو بنقول ضرورة ملحة ايه ،، لكن نطلع من بيوتنا علشان نتلاقى
في الوفي الشوب ..................> مب حلوة كلش :(

ضيقوا على الشباب عيشتهم :(

[غير البشر]

في بعض الحريم الله يستر عليهم البعض يحبون انهم يجلسون عشان يطالعون الرايحه والجايه والرايح والجاي ...

يحسبون انهم بيصيدون احد يعرفونه ..

من وجهة نظري مكان النساء يشلونه ويسوونه مكشوف لانه ما اشوف له لازمه

إلا الي في الاند مارك أما الي في المول ولا له اساس

:secret:



يعني اخوي شبح الصمت رحت هناك وانتبهت على نفس الكلام الي انا اقوله

اتمنى منهم فعلا يلقون مكان النساء ويضمونه لقسم العائلات لانه مامنه فايده للأسف

[غير البشر]

عاد بيروحوا صوب الشباب وبيلعوزا هذي سالفة جايدة

بس بعد المفروض تطلب من المدير انه يوفر اماكن للعائلات والحريم يروحون صوب الحريم


بصراحة مب متقبلة مواضيع حريم يجتمعون في الكوفي شوب :(
اشفيها البيوت :(

لو بنقول ضرورة ملحة ايه ،، لكن نطلع من بيوتنا علشان نتلاقى
في الوفي الشوب ..................> مب حلوة كلش :(

ضيقوا على الشباب عيشتهم :(


انا يوم اني رحت ماشفت بنات صوب الشباب

قبل اي نعم شفت
لكن هذا كلام المدير هو الي قال

اختي ام السعف كلامج صحيح
لكن مابغي افتح موضوع ثاني وعن طلعات الحريم

يروحون براحتهم لكن يفضل في قسم النساء وياخذون راحتهم احسن

حتى الرجال مع زوجته مب عدله يشوفون حوله كله حريم :(

[شبح الصمت]

يعني اخوي شبح الصمت رحت هناك وانتبهت على نفس الكلام الي انا اقوله

اتمنى منهم فعلا يلقون مكان النساء ويضمونه لقسم العائلات لانه مامنه فايده للأسف




الحين بينقزون لك بيقولون احنا حريين كيفنا نجلس المكان الي يعجبنا ...


المفروض ياخوك من المدير نفسه نفس ما يخلون الشباب يجلسون بروحهم مكان لعائلات المفروض انه النساء الي بروحهم يقولوهم خواتي تفضلوا في مكان مخصص للنساء مب عنتر علينا وعبلـه عليهم ..

[فرحة الكواري]

هههههههههه احسن قالولكم ليديز فيرست


روح بوقت خارج الذروه والامور طيبه

بس اللحين صيف اتوقع زحمه بكل مكان

[غير البشر]

الحين بينقزون لك بيقولون احنا حريين كيفنا نجلس المكان الي يعجبنا ...


المفروض ياخوك من المدير نفسه نفس ما يخلون الشباب يجلسون بروحهم مكان لعائلات المفروض انه النساء الي بروحهم يقولوهم خواتي تفضلوا في مكان مخصص للنساء مب عنتر علينا وعبلـه عليهم ..



ينقزون بكيفهم
لكن من حقهم يقعدون في اي مكان لا طبعا

المشكله عندنا المتعارف عليه ان اي شي مخصص للعائلات مسموح للنساء معاهم
في هذي ماعندي مشكله

لكن بعض الحريم الله يستر عليهم مايستغلونه بالشكل الصح ويضيقون على العائلات :rolleyes2:

[غير البشر]

هههههههههه احسن قالولكم ليديز فيرست


روح بوقت خارج الذروه والامور طيبه

بس اللحين صيف اتوقع زحمه بكل مكان


ليدز فيرست بس عاد مش في كل مكان
اذبحونا هاليدز مايسونا علينا هاليدز ادخلت معانا في كل شي هههههههههه

[فرحة الكواري]

ليدز فيرست بس عاد مش في كل مكان
اذبحونا هاليدز مايسونا علينا هاليدز ادخلت معانا في كل شي هههههههههه

:tease:

[شبح الصمت]

تدري لو المكان مال النساء مفتوح يطل على المجمع من صوبين صدقني ليجلسون

وعلى شنبي احكه لك مرتين فوق وتحت اخليه يستوي اخضر لو ما اجلسوا بس لانه محكور

البعض طبعا

وسمعني احلى حطت رجل

escape

[جوهرة قطر]

صادفت مره هالموقف فى ال فرانس اللى فى الستي
على قولتهم ان قسم الحريم خنقه ومايقدرون يتفرجون على الرايح والجاي .... الله يستر علينا وعليهم

[غير البشر]

:tease:


:p ..

[غير البشر]

تدري لو المكان مال النساء مفتوح يطل على المجمع من صوبين صدقني ليجلسون

وعلى شنبي احكه لك مرتين فوق وتحت اخليه يستوي اخضر لو ما اجلسوا بس لانه محكور

البعض طبعا

وسمعني احلى حطت رجل

escape



لا ياخوك لاتحكه ههههههه خليه ينفعك

انا ادري وجات ببالي كلامك صحيح

لكن مش عذر

عيل يقلبون المعادله ويغيرون الاماكن ونلعب لعبه الكراسي والموسيقى :(

[غير البشر]

صادفت مره هالموقف فى ال فرانس اللى فى الستي
على قولتهم ان قسم الحريم خنقه ومايقدرون يتفرجون على الرايح والجاي .... الله يستر علينا وعليهم


اختي جوهره كلامج صحيح لكن مب عذر
وانا ادري ان بعض البنات للأسف قاعدين للعرض :rolleyes2:

لكن وشذنب الباقي

[دااانة قطر]

اختي جوهره كلامج صحيح لكن مب عذر
وانا ادري ان بعض البنات للأسف قاعدين للعرض :rolleyes2:

لكن وشذنب الباقي


للأسف القله تهضم حق الأغلبيه
وتعمم الكلااام اللي مااله دااعي على ناااس مالهم ذنب
الله المستعاان

[غير البشر]

للأسف القله تهضم حق الأغلبيه
وتعمم الكلااام اللي مااله دااعي على ناااس مالهم ذنب
الله المستعاان



اختي دانه معظم البنات الي جالسين ولله الحمد متسرات

انا قصد بالعرض نسبه قليله جدا

[دااانة قطر]

اختي دانه معظم البنات الي جالسين ولله الحمد متسرات

انا قصد بالعرض نسبه قليله جدا


وانا شقلت ؟؟!!
اللي قصدته الي يرضون انهم يجلسون في مكاان عاام ومفتوح يخربون علينا لأن مع زياادة الشكااوي ممكن قسم النسااء ينلغي
ايش ذنبنا اذا غيرنا مايحب الكتمه والمكاان الصااد بيحرمونا حتى من الترفيه والطلعاات لأن ماافي مكاان خاااص للنسااء بيستوي شباااب وعاائلاات بس؟؟!!

[تحداني]

ليدز فيرست بس عاد مش في كل مكان
اذبحونا هاليدز مايسونا علينا هاليدز ادخلت معانا في كل شي هههههههههه





:) الله يسعدك ويرضى عليك
بالفعل صارت كلمه ليدز فيرست مزعجه في مواقف كثيره
ما اعرف شاقول لك .. مثل هالتصرفات تعتبر تصرفات شخصيه نابعه من الذوق العالم
تقيدها امر صعب .. تغيرها أصعب .. وفرضها راح تسوي هوشه
وياحب بعض البنات حق الاهواس السانهم اطول منه مافيه
وتقول في نفسك رحم الله امرئ عرف قدر نفسه


جملك الله برضاه

[غير البشر]

:) الله يسعدك ويرضى عليك
بالفعل صارت كلمه ليدز فيرست مزعجه في مواقف كثيره
ما اعرف شاقول لك .. مثل هالتصرفات تعتبر تصرفات شخصيه نابعه من الذوق العالم
تقيدها امر صعب .. تغيرها أصعب .. وفرضها راح تسوي هوشه
وياحب بعض البنات حق الاهواس السانهم اطول منه مافيه
وتقول في نفسك رحم الله امرئ عرف قدر نفسه


جملك الله برضاه


ويرضى عليج اختي تحداني
فعلا اوقع حتى مدير الكوفي مايقدر عليهم :(

واكيد كلن يمثل نفسه في تصرفاته
لكن ان يحكم ويحد من تصرفات الغير اهني مشكله

[الجني]

بتضحك يا غير البشر

في أحد المرات ذهبت أحد المطاعم مع زوجتي

دخلنا قسم العائلات و إذا بأشكال بنات و نساء غير طبيعي

و النساء دائما فيهم فضول . يعتقدون أن غض النظر للرجال فقط

قلت لزوجتي عندي إحساس أن أحد سينقض علينا بضرب مبرح

ذهبت الى مكان الرجال و إذا بطاولة في الزاوية فاضية .

أتت النادلة و ارادت ان تجلسنا عند العائلات

فقلت لها نحن نريد أن نجلس في مكان محترم

ذهبنا و جلسنا في مكان الرجال و لم يلتفت علينا أحد

[غير البشر]

وانا شقلت ؟؟!!
اللي قصدته الي يرضون انهم يجلسون في مكاان عاام ومفتوح يخربون علينا لأن مع زياادة الشكااوي ممكن قسم النسااء ينلغي
ايش ذنبنا اذا غيرنا مايحب الكتمه والمكاان الصااد بيحرمونا حتى من الترفيه والطلعاات لأن ماافي مكاان خاااص للنسااء بيستوي شباااب وعاائلاات بس؟؟!!


السموحه اختي دانه يمكن مافهمت ردج عدل با الاول

كلامج صح
وانتي لو رحتي الكافيه بالمول اكيد لفت نظرج هالشي وعن مكان النساء الفاضي

يحدون من العائلات وياخذون اماكنهم وبعدها ينتقلون قسم الشباب :eek5:

[غير البشر]

بتضحك يا غير البشر

في أحد المرات ذهبت أحد المطاعم مع زوجتي

دخلنا قسم العائلات و إذا بأشكال بنات و نساء غير طبيعي

و النساء دائما فيهم فضول . يعتقدون أن غض النظر للرجال فقط

قلت لزوجتي عندي إحساس أن أحد سينقض علينا بضرب مبرح

ذهبت الى مكان الرجال و إذا بطاولة في الزاوية فاضية .

أتت النادلة و ارادت ان تجلسنا عند العائلات

فقلت لها نحن نريد أن نجلس في مكان محترم

ذهبنا و جلسنا في مكان الرجال و لم يلتفت علينا أحد



ههههههههههههههههههههههه
والله فكره الصراحه
صح كلامك اخوي الجني
البنات فيهم فضول اكثر
يعني لو واحد مع زوجته ماتنـزل عيونهم البعض طبعا

وقسم الرجال الي يغضون البصر صار العكس :(

الله يعينا انا وانت على رد البنات

الا شخبار اعيال عنابه :omen2:

[دااانة قطر]

السموحه اختي دانه يمكن مافهمت ردج عدل با الاول

كلامج صح
وانتي لو رحتي الكافيه بالمول اكيد لفت نظرج هالشي وعن مكان النساء الفاضي

يحدون من العائلات وياخذون اماكنهم وبعدها ينتقلون قسم الشباب :eek5:


المول لي اكثر من 4 سنين مادخلته
حدي الستي او فيلااجيو ولا اللاند مره في الشهر تغيير يازعم
بس اتمنى ان تتم لنا خصوصيتنا والله يهدي بعض البناات والحريم


ألف شكر لك

[قطر 88]

خلاص اذا صار مثل هالموقف .. على ادارة المطعم انها تفتح اماكن الحريم وتخليها للعائلات ..!

الا اذا المطعم مب مهتم ويبي ينحش زباينه خله يسوي جي .. " بعد مافي مكان وين يروحون " !!

[غير البشر]

المول لي اكثر من 4 سنين مادخلته
حدي الستي او فيلااجيو ولا اللاند مره في الشهر تغيير يازعم
بس اتمنى ان تتم لنا خصوصيتنا والله يهدي بعض البناات والحريم


ألف شكر لك



العفو اختي دانه

وشاكر لج اضافتج ومشاركتج ويعطيج العافيه

[غير البشر]

خلاص اذا صار مثل هالموقف .. على ادارة المطعم انها تفتح اماكن الحريم وتخليها للعائلات ..!

الا اذا المطعم مب مهتم ويبي ينحش زباينه خله يسوي جي .. " بعد مافي مكان وين يروحون " !!



صاحب المطعم الكافيه اعرفه او الي يدير جميع الفروع وهو كويتي

للأسف سألت عنه غير موجود

[دااانة قطر]

خلاص اذا صار مثل هالموقف .. على ادارة المطعم انها تفتح اماكن الحريم وتخليها للعائلات ..!

الا اذا المطعم مب مهتم ويبي ينحش زباينه خله يسوي جي .. " بعد مافي مكان وين يروحون " !!

:rolleyes2::rolleyes2::rolleyes2:

ايش ذنبنا!!:weeping::weeping::weeping:



غير البشر
العفو .. شوف الرد والمطاالبه بايش؟؟

[غير البشر]

:rolleyes2::rolleyes2::rolleyes2:

ايش ذنبنا!!:weeping::weeping::weeping:


الله المستعان شفتي شلون :(

كوفيهات الهند نفس الشي او لا هههههههههه :tease:

[دااانة قطر]

الله المستعان شفتي شلون :(

كوفيهات الهند نفس الشي او لا هههههههههه :tease:


ماجربتهم






واذا عالمطااعم نشوف مكاان صاااد:telephone:

[غير البشر]

ماجربتهم






واذا عالمطااعم نشوف مكاان صاااد:telephone:



كفوووو :nice:

[intesar]

كلامك مو في محله..
أنا يوم ادخل الكوفي شوب أدخل بفلوسي ووين ما أبي أقعد أقعد..
أنا ما أقعد بالقسم المخصص بالنساء أفضل صوب العوايل.. وهذا هم مو عاجبكم..
أنا وحده تحب المزاج بكل شي.. يعني يوم اللي أروح الكوفي شوب أختار المكان اللي أشوفه بيريحني.. يمكن قسم النساء مو عاجبنيزز فيه خصوصية لكنه مكتوم ويضيق الخلق.. اللي باللاند شرح مكانه غير..

يعني اعتراض بغير محله..

[غير البشر]

كلامك مو في محله..
أنا يوم ادخل الكوفي شوب أدخل بفلوسي ووين ما أبي أقعد أقعد..
أنا ما أقعد بالقسم المخصص بالنساء أفضل صوب العوايل.. وهذا هم مو عاجبكم..
أنا وحده تحب المزاج بكل شي.. يعني يوم اللي أروح الكوفي شوب أختار المكان اللي أشوفه بيريحني.. يمكن قسم النساء مو عاجبنيزز فيه خصوصية لكنه مكتوم ويضيق الخلق.. اللي باللاند شرح مكانه غير..

يعني اعتراض بغير محله..



اختي احترم وجهه نظرج لكم الاعتراض في محله بشهاده معظم الاعضاء الي ردو

الاولى للعائلات مو للحريم

وشنو ذنب العائلات الي رجعو
عشان الحريم يقعدون ويستمتعون بالمنظر

حتى العائلات الي راحت بتدفع فلوس

وانا ماتعشيت ببلاش بعد دفعت فلوس

[كازانوفا]

للاسف ادراة الاوبرا عليها شكاوي كثيره وكم مره صارو مغيرين الاداره

بس بالفعل دام في مكان مخصص للنساء ليش قاعدين بقسم العوائل

[intesar]

بتضحك يا غير البشر

في أحد المرات ذهبت أحد المطاعم مع زوجتي

دخلنا قسم العائلات و إذا بأشكال بنات و نساء غير طبيعي

و النساء دائما فيهم فضول . يعتقدون أن غض النظر للرجال فقط

قلت لزوجتي عندي إحساس أن أحد سينقض علينا بضرب مبرح

ذهبت الى مكان الرجال و إذا بطاولة في الزاوية فاضية .

أتت النادلة و ارادت ان تجلسنا عند العائلات

فقلت لها نحن نريد أن نجلس في مكان محترم

ذهبنا و جلسنا في مكان الرجال و لم يلتفت علينا أحد


وانت ايش دراك انهم يشوفونك.. بالأول غض النظر انت..
وبسكم اتهاماتزز واسمعوها مني ولا لا تسمعونها مني..

كلن حر ولا تعيبون تربية الغير.. الله يهديكم انتوا بالأول.. المكان المخصص للنساء مهم للي ما تبي تتكشف على الرجال وبالأخص المتنقبات.. حتى هذا بتصادرونه..

صاحب الموضوع مالك حق بالسؤال.. ما حصلت مكان لا تقعد.. دور لك كوفي شوب غير..
واللي يشوف انه ما يصير ولا ما يجوز وحرام ولا الله يهديهم.. يقعد ببيته ويركب على بابه سلاسل من حديد أبرك للجميع..

يمكن كلامي جاف وقاسي.. بس كلن حر بتصرفاته.. وفيه كلام من أعضاء وعضوات يشيب الراس..
عيب ما أقدر اقول أكثر من هالشي عيب وربي عيب..
دمتم بود..

[غير البشر]

:rolleyes2::rolleyes2::rolleyes2:

ايش ذنبنا!!:weeping::weeping::weeping:



غير البشر
العفو .. شوف الرد والمطاالبه بايش؟؟





اختي دانه وضحي لي الرد ماعليج امر

الي فهمته ان يطلب مكان اضافي للعائلات وان العائلات وين اتروح اذا ماحصلو مكان

ارجو التوضيح

[غير البشر]

للاسف ادراة الاوبرا عليها شكاوي كثيره وكم مره صارو مغيرين الاداره

بس بالفعل دام في مكان مخصص للنساء ليش قاعدين بقسم العوائل

:nice:

[intesar]

اختي احترم وجهه نظرج لكم الاعتراض في محله بشهاده معظم الاعضاء الي ردو

الاولى للعائلات مو للحريم

وشنو ذنب العائلات الي رجعو
عشان الحريم يقعدون ويستمتعون بالمنظر

حتى العائلات الي راحت بتدفع فلوس

وانا ماتعشيت ببلاش بعد دفعت فلوس


يا أخي اذا ما في مكان.. غير المطعم ولا تعشى ببيتكم .. من سبق لبق.. بتصادر حرية الناس عشانك ما حصلت كرسي فاضي..
غريبة برأيي..

[بومحمد المطاوعه]

انا عرفت اي كوفي تقصده

جزاك الله خير على هذا التنبيه

لانه حصل معاي انا وام العيال

مكان العوائل زحمه وكل واحد لاصق في الثاني

ومكان النساء فااااااااضي

انزين حول مكان النساء للعوائل

وكان الله غفور رحيم

جزاك الله خير

[غير البشر]

وانت ايش دراك انهم يشوفونك.. بالأول غض النظر انت..
وبسكم اتهاماتزز واسمعوها مني ولا لا تسمعونها مني..

كلن حر ولا تعيبون تربية الغير.. الله يهديكم انتوا بالأول.. المكان المخصص للنساء مهم للي ما تبي تتكشف على الرجال وبالأخص المتنقبات.. حتى هذا بتصادرونه..

صاحب الموضوع مالك حق بالسؤال.. ما حصلت مكان لا تقعد.. دور لك كوفي شوب غير..
واللي يشوف انه ما يصير ولا ما يجوز وحرام ولا الله يهديهم.. يقعد ببيته ويركب على بابه سلاسل من حديد أبرك للجميع..

يمكن كلامي جاف وقاسي.. بس كلن حر بتصرفاته.. وفيه كلام من أعضاء وعضوات يشيب الراس..
عيب ما أقدر اقول أكثر من هالشي عيب وربي عيب..
دمتم وبد..


وليش اشوف مكان ثاني وكان من المفترض اني احصل مكان للعائلات بسهوله

الاولى تقعدون في مكان النساء

والي ماعجبها المكان وانه مب حلو او شرح يدور على كوفي ثاني

هذا الصح :victory:

[غير البشر]

يا أخي اذا ما في مكان.. غير المطعم ولا تعشى ببيتكم .. من سبق لبق.. بتصادر حرية الناس عشانك ما حصلت كرسي فاضي..
غريبة برأيي..


خلاص بتعشى في بيتنا ولا يهمج
طرشي لنا عشى

اقولج ...... اتقولين احلبه
مكان للعائلات يعني عائلات

عندكم مكان للنساء واذا المكان ماعجبكم
تقدرون تتعشون في مكان ثاني او بالبيت افضل

[intesar]

وليش اشوف مكان ثاني وكان من المفترض اني احصل مكان للعائلات بسهوله

الاولى تقعدون في مكان النساء

والي ماعجبها المكان وانه مب حلو او شرح يدور على كوفي ثاني

هذا الصح :victory:

هذا الغلط بعينه.. المفروض هذا تلاقيه بمنهجك وقانونك الخاص مو بنهج الناس.. انت مو ولي أمر الغير انك تقول لا قعدوا يالحريم صوب الحريم حتى أنا الاقي لي مكان..:victory:

[غير البشر]

انا عرفت اي كوفي تقصده

جزاك الله خير على هذا التنبيه

لانه حصل معاي انا وام العيال

مكان العوائل زحمه وكل واحد لاصق في الثاني

ومكان النساء فااااااااضي

انزين حول مكان النساء للعوائل

وكان الله غفور رحيم

جزاك الله خير



ويجزاك بمثله اخوي ولد المطاوعه
انا ادري وكذا مره يصادفني نفس الموقف
لكن الاخت مب مقتنعه

انا مافتح باب ان الحريم مايروحون الكوفي هذا موضوع ثاني بتطلع اغبره لو ينطرح


اسعدني تعليقك

[غير البشر]

هذا الغلط بعينه.. المفروض هذا تلاقيه بمنهجك وقانونك الخاص مو بنهج الناس.. انت مو ولي أمر الغير انك تقول لا قعدوا يالحريم صوب الحريم حتى أنا الاقي لي مكان..:victory:


اي المفروض الحريم بصوب عشان انا احصل لي مكان

هذا قانون الكافيه عندهم مش من عندي

لكن الي مايتبع قوانين المكان الي قاعد فيه هذي مشكله ثانيه كبيره مابغي اخوض فيها

[intesar]

ويجزاك بمثله اخوي ولد المطاوعه
انا ادري وكذا مره يصادفني نفس الموقف
لكن الاخت مب مقتنعه

انا مافتح باب ان الحريم مايروحون الكوفي هذا موضوع ثاني بتطلع اغبره لو ينطرح


اسعدني تعليقك

لا مو مقتنعه باقتراحك انت وغيرك.. ايش ذنب المنقبة او اللي ما يبون يتعرضون للرجال انهم يشيلون قسم النساء..

[AlWakRa]

ما ادري ليش جذي بس الأولى المرة تدور الستر ومب ضايق صدري ؟؟؟!!!!!!

خلاص أنا ضايق صدري وأبي أقعد عند وحده وإلا بقسم الحريم خخخخخخ << أكيد بتطبون ببطني

[غير البشر]

لا مو مقتنعه باقتراحك انت وغيرك.. ايش ذنب المنقبة او اللي ما يبون يتعرضون للرجال انهم يشيلون قسم النساء..



والله مالها ذنب الله يستر عليها وعليكم ان شاء الله

بس الي يقول نفس كلامج هو الي خرب عليهم

[غير البشر]

ما ادري ليش جذي بس الأولى المرة تدور الستر ومب ضايق صدري ؟؟؟!!!!!!

خلاص أنا ضايق صدري وأبي أقعد عند وحده وإلا بقسم الحريم خخخخخخ << أكيد بتطبون ببطني



:rolleyes2:

[غزلان]

كل شي ساح على بعضه

غير البشر لاتتعجب وانا اختك نحن بزمن الصح غلط والغلط صح:)

[intesar]

اي المفروض الحريم بصوب عشان انا احصل لي مكان

هذا قانون الكافيه عندهم مش من عندي

لكن الي مايتبع قوانين المكان الي قاعد فيه هذي مشكله ثانيه كبيره مابغي اخوض فيها


لا انت ما فهمت القانون.. يوم قالوا عائلات يقصدون العائلات والنساء.. انت عمرك شفت كوفي شوب يمنع الحريم من مكان العائلات.. لكنك بالمقابل شفت الرجال يمنعون اذا كانوا لوحدهم بمكان العائلات.. وهذا مفهوم العائلات يا أخوي.. لا خوض فيها أتحفنا بقوانينك الغريبة.. أنا متظرة منك الجواب..

[غير البشر]

كل شي ساح على بعضه

غير البشر لاتتعجب وانا اختك نحن بزمن الصح غلط والغلط صح:)


هذا الي حاصل اختي غزلان

يعني والله استر للبنت وتاخذ راحتها في الاكل والسوالف وفي نفس الوقت تفتح المجال حق العوايل يحصلون لهم مكان
انا ماتكلم عن نفسي لاني حصلت طاوله بصعوبه

انا اتكلم عن العوائل الي ارجعت :(

اسعدني مرورج

[AlWakRa]

:rolleyes2:


الظاهر فهمتني غلط ، أستنكر الموقف لأن حصل معي أكثر من مرة موقفك ، والواحد يستحي يقعد بين الحريم حتى ولو كان قسم العوائل !!!

[غير البشر]

لا انت ما فهمت القانون.. يوم قالوا عائلات يقصدون العائلات والنساء.. انت عمرك شفت كوفي شوب يمنع الحريم من مكان العائلات.. لكنك بالمقابل شفت الرجال يمنعون اذا كانوا لوحدهم بمكان العائلات.. وهذا مفهوم العائلات يا أخوي.. لا خوض فيها أتحفنا بقوانينك الغريبة.. أنا متظرة منك الجواب..


انا عارف ان النساء يدخلون مع العائلات عادي

لان لو ممنوع مايقدرون يدخلون من الاساس
وهذا للأسف عرف موجود يصلح لبعض الاماكن فقط

بس انا اتكلم من ناحيه الصح صح والغلط غلط

[غير البشر]

الظاهر فهمتني غلط ، أستنكر الموقف لأن حصل معي أكثر من مرة موقفك ، والواحد يستحي يقعد بين الحريم حتى ولو كان قسم العوائل !!!



ناس كثير اخوي صادفها نفس الموقف
حتى النبتا نفسهم يستنكرون هالشي

الا عضوه معانا ماتبغي تقتنع :rolleyes2:

[ورقة غار]

اخوى انا بتكلم عن مطعم اوبرا ومالي خص ف الباقي انا شخصيا في اوبرا مااقعد صوب الحريم اقعد ف العائلات وعندي اسبابي اللي اشوفها مقنعه .........

اولا السيرفز زفت ومااتصور شلون ولحد يقول اني ابالغ 4 مرات قعدت ف قسم الحريم ماجا الطلب الا بعد ساعه ونص وغير ذي نثرت اللي قبلنه اتم على الطاوله لين يجي الطلب يعني بعد ساعه وشئ ولا تقول ابالغ المكان زفت وزحمه وحزات مااتحصل مكان ......

انت تكلمت على اوبرا وهذا ردي ...... ان بعض الظن اثم .........

[intesar]

كل شي ساح على بعضه

غير البشر لاتتعجب وانا اختك نحن بزمن الصح غلط والغلط صح:)

مو مهم يا غزلان.. بس أنا ما أحب النفاق.. برع البلد نقعد الكراسي والطاولات جنب بعض.. الأجانب حلال وأهل البلد حرام..
اذا كنتي تقصديني.. فاقولج ما يهمني كلامج.. لأني واثقة من نفسي ومن تربيتي.. واللي على راسه بطحة يتححسها..

مو مهم انج تقعدين بمكان عام.. المهم شنهو هي اخلاقج وتربيتج.. ولبسج واحترامج لدينج.. ياما ناس يوعظون وهم فاسدين أخلاقيا.. ايش المهم برايج الظاهر ولا الباطن..
البنت اللي تقعد صوب الحريم لان العادات والتقاليد افرضت عليها وهي مو قتنعة وفاسدة.. ولا اللي قاعدة صوب العوايل ومتربية أحسن تربية..

[intesar]

والله مالها ذنب الله يستر عليها وعليكم ان شاء الله

بس الي يقول نفس كلامج هو الي خرب عليهم

:omen2:

[دااانة قطر]

اختي دانه وضحي لي الرد ماعليج امر

الي فهمته ان يطلب مكان اضافي للعائلات وان العائلات وين اتروح اذا ماحصلو مكان

ارجو التوضيح


اقتباس
المشاركة الأصلية كتبت بواسطة قطر 88






خلاص اذا صار مثل هالموقف .. على ادارة المطعم انها تفتح اماكن الحريم وتخليها للعائلات ..!

الا اذا المطعم مب مهتم ويبي ينحش زباينه خله يسوي جي .. " بعد مافي مكان وين يروحون " !!



اللي فهمته دمج قسم النسااء مع العائلااات؟؟!!:rolleyes2:

[المسافره]

سبحان الله

[chillis]

الي محترمه نفسها حره تقعد قسم العوايل والاوبرا بالذات قسم النسلء زفت مسوينه والخدمه سنه وهذا رايي بالاوبرا

[ZURICH]

يعطيك العافيه على الموضوع

والمناظر اللي نشوفها في المجمعات تخليني اعتكف في مكاني

وما اروح لها الا للحاجه القصوى واذا طولت فيها ربع او نص ساعه على ما اخلص شغلي بس

( الا اذا بدش سينما ) لان بصراحه نشوف الشباب من الجنسين مسوين اشياء تخلينا نقول هذولا شباب المستبقل

وهذي هي الآسباب الي تخلق لنا مغازلجية من الطرفين

[ANONYMOUS]

مره من المرارير رحت احد الكوفي شوبس مع الاهل وطبعا كان فاضي

ماتمينا شوي الا والحريم يجون يقعدون في المكان المخصص للعائلات


ومكان النساء الخاص فاضيي


أنا استحيت من قعدتهم حوالينا


وهم ماعندهم مشكله*

[غزلان]

مو مهم يا غزلان.. بس أنا ما أحب النفاق.. برع البلد نقعد الكراسي والطاولات جنب بعض.. الأجانب حلال وأهل البلد حرام..
اذا كنتي تقصديني.. فاقولج ما يهمني كلامج.. لأني واثقة من نفسي ومن تربيتي.. واللي على راسه بطحة يتححسها..

مو مهم انج تقعدين بمكان عام.. المهم شنهو هي اخلاقج وتربيتج.. ولبسج واحترامج لدينج.. ياما ناس يوعظون وهم فاسدين أخلاقيا.. ايش المهم برايج الظاهر ولا الباطن..
البنت اللي تقعد صوب الحريم لان العادات والتقاليد افرضت عليها وهي مو قتنعة وفاسدة.. ولا اللي قاعدة صوب العوايل ومتربية أحسن تربية..


----


http://www.qatarshares.com/vb/images/smilies/biggrin.gif

[المحقق كونان]

ياخوك مثل االلفت

فيه لفت مخصص للنساء

و المشكله ان النساء يستخدمون لفت الرجال

يعني الوزارة مخصصه لكم لفت خاص و رازين وجيهكم في لفت الرجال و لفت النساء اغلب الاوقات فاضي

شي ينرفز

[khaldoon]

للأسف هذا الي حاصل اخوي نورث
يقول مدير الكوفي نكلمهم ومافي فايده
بعد يدخلون اماكن العائلات


في ناس بيقولون ليش مالهم حق يعني

انا برد عليهم واقول العائلات اولى منهم

اتفق معاك,,,مب النساء يطالوب بالتساوي...انا بهذه الحاله احب التساوي

تخيل رجل وعائلته و الطاولات اللي حوليه كلهم بس بنات...بيكون هو الوحيد بينهم

[دااانة قطر]

ياخوك مثل االلفت

فيه لفت مخصص للنساء

و المشكله ان النساء يستخدمون لفت الرجال

يعني الوزارة مخصصه لكم لفت خاص و رازين وجيهكم في لفت الرجال و لفت النساء اغلب الاوقات فاضي

شي ينرفز


قلبه متروسه
ذكرتوني نزلت موضوع اللفت ونسيته
الله المستعاان

[الحال مايساعد]

كلامك صحيح أخوي ومعاك حق لكن أنا لو مكانك ماطب هالمكان ثاني
في اماكن وايد الحين فيها إستقلالية أكثر وبروحك بس!!

[قطريه ماركه]

أمس تعشيت في هالمطعم ع الساعة 9 :victory:

طليت على قسم العائلاتو حصلته فل و رحت قسم النساء:secret:



لا يكون تقصدني :(

[Right]

أصبر على هالمطعم وغيره من المطاعم ... وبيصيرون خلط بلط !!!

[فراشة ناعمة]

تذكرت مرة رحنا ويااخواني مطعم اللي مجابل هومز آر آس اسمه رومانو، قسم العائلات كان مفتوح وايد وصعب علينا نقعد احنا البنات

واحد من اخواني طلب من الجرسون ان نروح قسم النساء مع ان قسم النساء وااايد صغير وقالها بحجزه كله لنا احنا بس..رفضت اي شي حاول معاها رفضت وقالت ممنوع الرياييل يدشون قسم النساء..

انا اتفق معاك فعلا هالشي صاير..بس اتمنى ان قسم النساء يزيد في المطاعم علشان الحريم ياخذون راحتهم..

[night]

حتى فالاند مارك يخلون قسم النساء ويرحون قسم العائلات او العام شي غريب صراحه من بعض البنات شالحكمه يعني !!

هناك اريح لج واستر لج !!

الله يهدي الجميع يارب

[Qatarianes]

المفترض الواحد مايقحم هله في هالاماكن الي تكثر فيها الاشكال الداقه

[لاجل QT]

ويييي غير البشر مصدق ان قسم خاص للنساء مافي الا بارتشن في صوب واحد وباقي الزوايا مكشوفة..كلش الحين مسكر..لا وفي منظرة في قسم العوائل كاشفة الكل اقدر اشوف قسم العوائل والرجال من قسم المخصص للنساء

وبعدين اشوف عادي براحتهم النساء اللى يبون يقعدون في قسم العائلات خلهم يقعدون ...يعنى مش اجباري ان النساء تقعد في قسم خاص لهم دام المكان مفتوح للى يبي يقعد في المكان اللى يريحة

ومش معنى الحريم او البنات اللى يجلسون في قسم العوائل انهم قليلات ادب او قصدهم شي لا اخلاقي اشدخل يعنى..مش مقياس..وبعدين قسم الحريم الخدمة بطيئة..وانا عن نفسي مااقعد كلش في قسم العوائل بس قسم النساء..ومع ذاك مااسي الظن بالحريم اللى اختارو قسم العوائل

غير البشر جرب اللسويت بالتوت فظييع عندهم


وسع الصدر:nice:

[شعنونة قطر]

هههههههههههه شر البلية مايضحك . . . . . . . !

بالفعل انا انصدمت في احدى مطاعم الحي الثقافي كان مصيبه الطاولات متلاصقه وكللله شلل حريم اسود فاسود انقهرت اني ماجبت خواتي خخخخخ

[na7ees]

ياحلو البيت حق الحريم .... بس شتقول

انا اقولك وين بيت القصيد .. الموضوع مب موضوع مكان الحريم كتمه ولا الموضوع السيرفس تعبان
ولا انا ابي اقعد في قسم العائلات واثقه من نفسي واو انا اقعد في قسم الحريم وخلاقي تعبانه

الموضوع بختصار هو قلة حياء في الحريم
الحيا مات وانا خوك ماتفرق معاهم ... اهم شي مزاجهم ...

السوال لو هي مزوجة وراحت اتعشا معا رجلها شبكون رايها .. بتقول بعالى الصوت شيبون هل الحريم مسويلهم قسم خاص والباقي انت تعرفه
تحياتي

[طموح معيدة]

عن نفسي دائماً اقعد في قسم النساء اللي بالأوبرا والي فرانس عشان أخذ راحتي

بس ما اتفق ويا صاحب الموضوع لو هالمطاعم مافيها قسم النساء كان بتحصل الحريم في قسم العوائل اولردي يعني .. وبعدين دامه مش ممنوع كل شخص من حقه يقعد فالمكان اللي يريحه

[miss.qa]

انا اقولك ليش يالطيب !!!!!!!!

انا اسوي هالحركه لان قسم الحريم اهناك ماتشتغل الا جرسونه وحده حق 20 طاوله فنقعد ننطر بس عشان اتجينا 10 دقايق وعشرين دقيقه ف اذا رحنا العايلات تلقى 5 جراسين مادرين جرسونات اللي اهوة هههه

ف لاتظلم البنات وتتبلى عليهم وان يحاشرونكم مادري شنووووو مساكين وعليه البنات كل شي على راسهم

[sara jsm]

لحظة ياجماعه هاي مب حل انه يتسكر القسم ,,
ماصدقنا لقينا مكان نلقى فيه خصوصيتنا بدون لاحد يقز ويطالع ,,
وقسم الحريم اصلا مب مسكر الا من جهه وحدة وين اللي مضيقين عليهم وهالخرابيط !!
مكشوف واش زينه وحتى نقدر نطالع اللي يمشون تحت ,,
:
لازم ادارة المطعم تكلم البنات اذا كانوا لحالهم انهم يجلسون في القسم الخاص فيهم ,, الا اذا معاهم رجال ,,
بس مب ينلغى القسم :anger1: عقب اشلون بنروح ,,
:
:
غيرالبشر جان رحت ماكدونالدز :shy: هناك المكان واسع شوي ,,

[التيما]

انا معاك فعلا عن نفسي ماروح قسم النساء لسبب ان الخدمة زفت هناك وكذا مره ننقع عشان حد يجينا فصرنا مانقعد في هالقسم .. وانا من رايي يشيلون هالقسم ويحطون قسمين عائلات وعام ..

[intesar]

ياحلو البيت حق الحريم .... بس شتقول

انا اقولك وين بيت القصيد .. الموضوع مب موضوع مكان الحريم كتمه ولا الموضوع السيرفس تعبان
ولا انا ابي اقعد في قسم العائلات واثقه من نفسي واو انا اقعد في قسم الحريم وخلاقي تعبانه

الموضوع بختصار هو قلة حياء في الحريم
الحيا مات وانا خوك ماتفرق معاهم ... اهم شي مزاجهم ...

السوال لو هي مزوجة وراحت اتعشا معا رجلها شبكون رايها .. بتقول بعالى الصوت شيبون هل الحريم مسويلهم قسم خاص والباقي انت تعرفه
تحياتي


لا أروح مع أبو العيال وما أقول ليش قاعدين لسه مو مريضة بالشك..
شكلك أخوي الشك قاتلك.. الله يعين أهلك.. وكلامك دليل على قلة وعي .. مجرد عادات وتقاليد ماشي عليها وانت معصوب العينين.. افتح عيونك مو كل وحدة تطلع يعني قليلة حياء..

[موضي قطر]

عاد بيروحوا صوب الشباب وبيلعوزا هذي سالفة جايدة

بس بعد المفروض تطلب من المدير انه يوفر اماكن للعائلات والحريم يروحون صوب الحريم


بصراحة مب متقبلة مواضيع حريم يجتمعون في الكوفي شوب :(
اشفيها البيوت :(

لو بنقول ضرورة ملحة ايه ،، لكن نطلع من بيوتنا علشان نتلاقى
في الوفي الشوب ..................> مب حلوة كلش :(

ضيقوا على الشباب عيشتهم :(


سعوفه انا مستغربه من كلام اخونا غير البشر .. الحين البنات يروحون قسم الشباب لو ماحصلوا طاوله :eek5:

[التيما]

ياحلو البيت حق الحريم .... بس شتقول

انا اقولك وين بيت القصيد .. الموضوع مب موضوع مكان الحريم كتمه ولا الموضوع السيرفس تعبان
ولا انا ابي اقعد في قسم العائلات واثقه من نفسي واو انا اقعد في قسم الحريم وخلاقي تعبانه

الموضوع بختصار هو قلة حياء في الحريم
الحيا مات وانا خوك ماتفرق معاهم ... اهم شي مزاجهم ...

السوال لو هي مزوجة وراحت اتعشا معا رجلها شبكون رايها .. بتقول بعالى الصوت شيبون هل الحريم مسويلهم قسم خاص والباقي انت تعرفه
تحياتي

بااال قلة حيا ههههههه شكرا عالحسنات .. اولا مو حلوة بحقك تقط هالكلمة على شوفات ناس وانت ماتدري بسببهم ! لا وانت تفسر بكيفك السبب !!!

الله يهديك بس

[intesar]

لحظة ياجماعه هاي مب حل انه يتسكر القسم ,,
ماصدقنا لقينا مكان نلقى فيه خصوصيتنا بدون لاحد يقز ويطالع ,,
وقسم الحريم اصلا مب مسكر الا من جهه وحدة وين اللي مضيقين عليهم وهالخرابيط !!
مكشوف واش زينه وحتى نقدر نطالع اللي يمشون تحت ,,
:
لازم ادارة المطعم تكلم البنات اذا كانوا لحالهم انهم يجلسون في القسم الخاص فيهم ,, الا اذا معاهم رجال ,,
بس مب ينلغى القسم :anger1: عقب اشلون بنروح ,,
:
:
غيرالبشر جان رحت ماكدونالدز :shy: هناك المكان واسع شوي ,,


أقول اذا ادارة المطعم بتسمع لكل شاردة وواردة كانت سكرت مطعمها من زمان.. لأن رضا الزباين غاية لا تدرك.. وأهل قطر طلباتهم عجيبة جدا.. أنا من يوم ما فتحوا ومع تغير المدراء ما عمرهم حد قال ليش ما تقعدين قسم الحريم.. لأن لو قالها ماراح أخلي عليه شي.. مو من حقه هو مسوي مكان لراحة الزبون مو يفرض عليه قوانين مالها داعي..

صح اختي مكشوف من جهة ومسدود من الجهات الأخرى.. جنج بصندوق..

للأسف يوم عن يوم أشوف ناس تفكيرها (.................) تصدمني هالأفكار مو لأنها ماتوافق رايي أو اني أبغي أفرض رأيي مثل ما قالتها لي وحدة من العضوات بس تفكير غريب.. يوم تسافرون برع البلد كل ممنوع مرحب به.. وهني صار قلة حياء وعدم تربية..
طيب هالحريم اللي أشوفهم من وين كلهم مقيمات وأجانب.. الواقع شي والخيال شي ثاني..

[التيما]

أقول اذا ادارة المطعم بتسمع لكل شاردة وواردة كانت سكرت مطعمها من زمان.. لأن رضا الزباين غاية لا تدرك.. وأهل قطر طلباتهم عجيبة جدا.. أنا من يوم ما فتحوا ومع تغير المدراء ما عمرهم حد قال ليش ما تقعدين قسم الحريم.. لأن لو قالها ماراح أخلي عليه شي.. مو من حقه هو مسوي مكان لراحة الزبون مو يفرض عليه قوانين مالها داعي..

صح اختي مكشوف من جهة ومسدود من الجهات الأخرى.. جنج بصندوق..

للأسف يوم عن يوم أشوف ناس تفكيرها (.................) تصدمني هالأفكار مو لأنها ماتوافق رايي أو اني أبغي أفرض رأيي مثل ما قالتها لي وحدة من العضوات بس تفكير غريب.. يوم تسافرون برع البلد كل ممنوع مرحب به.. وهني صار قلة حياء وعدم تربية..
طيب هالحريم اللي أشوفهم من وين كلهم مقيمات وأجانب.. الواقع شي والخيال شي ثاني..

:nice: وانا بعد لو يجيني يقولي روحي قسم النساء !!! الله يعينه بس :telephone:

[الجني]

وانت ايش دراك انهم يشوفونك.. بالأول غض النظر انت..
وبسكم اتهاماتزز واسمعوها مني ولا لا تسمعونها مني..

كلن حر ولا تعيبون تربية الغير.. الله يهديكم انتوا بالأول.. المكان المخصص للنساء مهم للي ما تبي تتكشف على الرجال وبالأخص المتنقبات.. حتى هذا بتصادرونه..

صاحب الموضوع مالك حق بالسؤال.. ما حصلت مكان لا تقعد.. دور لك كوفي شوب غير..
واللي يشوف انه ما يصير ولا ما يجوز وحرام ولا الله يهديهم.. يقعد ببيته ويركب على بابه سلاسل من حديد أبرك للجميع..

يمكن كلامي جاف وقاسي.. بس كلن حر بتصرفاته.. وفيه كلام من أعضاء وعضوات يشيب الراس..
عيب ما أقدر اقول أكثر من هالشي عيب وربي عيب..
دمتم بود..

أختي intesar ,

أنا أتحدث عن قسم العائلات و ليس قسم النساء
و قمت بغض البصر و ذهبت الى مكان الرجال و ارتضيت
أن تجلس زوجتي عند الرجال .

هل يوجد اكثر من هذا انفتاح بعد ؟

[الجني]

ههههههههههههههههههههههه
والله فكره الصراحه
صح كلامك اخوي الجني
البنات فيهم فضول اكثر
يعني لو واحد مع زوجته ماتنـزل عيونهم البعض طبعا

وقسم الرجال الي يغضون البصر صار العكس :(

الله يعينا انا وانت على رد البنات

الا شخبار اعيال عنابه :omen2:

عنابة مسكينة عندها عزاء

ولدها سلمان توفى في حادث

اليوم ثاني يوم عزاء

عزاء الرجال في شارع الحوار العام بيت رقم @@@

[Miss]

صبحك الله بالنوور

مممم المفروض فيه سيكيورتي اذا البعض ما ينفذ الاوامر وهو اللي يمنعهم من الدخوول
مره مرتين بيتعلموون
مشكله صرااحه اللي من هالنووعيه
بالعافيه العشا :nice:
انزين شنوو طلبتوا :secret:

[غير البشر]

اخوى انا بتكلم عن مطعم اوبرا ومالي خص ف الباقي انا شخصيا في اوبرا مااقعد صوب الحريم اقعد ف العائلات وعندي اسبابي اللي اشوفها مقنعه .........

اولا السيرفز زفت ومااتصور شلون ولحد يقول اني ابالغ 4 مرات قعدت ف قسم الحريم ماجا الطلب الا بعد ساعه ونص وغير ذي نثرت اللي قبلنه اتم على الطاوله لين يجي الطلب يعني بعد ساعه وشئ ولا تقول ابالغ المكان زفت وزحمه وحزات مااتحصل مكان ......

انت تكلمت على اوبرا وهذا ردي ...... ان بعض الظن اثم .........


اختي معاج حق السيرفس زفت نفس ماتفضلتي
وهذا جزء من السبب لموضوعي
لان بصراحه القسم ميت ومهجور من زمان
والضغط متركز على قسم العائلات والرجال
وطبيعي الكل شغال على هالقسمين

لكن صدقيني لو الحريم خذو مكانهم في قسم النساء
راح يتعدل السيرفس ويكون للأفضل
لان بصراحه احسه تضييق للعوائل مالها مكان

واشوف قسم النساء فاضي

[غير البشر]

مو مهم يا غزلان.. بس أنا ما أحب النفاق.. برع البلد نقعد الكراسي والطاولات جنب بعض.. الأجانب حلال وأهل البلد حرام..
اذا كنتي تقصديني.. فاقولج ما يهمني كلامج.. لأني واثقة من نفسي ومن تربيتي.. واللي على راسه بطحة يتححسها..

مو مهم انج تقعدين بمكان عام.. المهم شنهو هي اخلاقج وتربيتج.. ولبسج واحترامج لدينج.. ياما ناس يوعظون وهم فاسدين أخلاقيا.. ايش المهم برايج الظاهر ولا الباطن..
البنت اللي تقعد صوب الحريم لان العادات والتقاليد افرضت عليها وهي مو قتنعة وفاسدة.. ولا اللي قاعدة صوب العوايل ومتربية أحسن تربية..


اختي انتي تتلكيم عن نفس موضوع البنت في المحل تكشف الغشوه ولما تطلع اتنـزلها
والي يبيع بعد رجال

هذا فقط مثل لردج ومابغي اطبع عن موضوع واطلع له فروع مالها نهايه

واحنا مجبورين لما نروح برع نغير بعض الامور بشرط مايمس اي شي في الدين واللبس المحتشم

يعني تبغين نصير نفسهم مثلا الطاول جنب الطاوله عادي خلط بلط ؟؟

[غير البشر]

اللي فهمته دمج قسم النسااء مع العائلااات؟؟!!:rolleyes2:


يقصد وبا الاصح الغاء قسم النساء
وضمه في قسم العوائل ليكون اكبر

[غير البشر]

الي محترمه نفسها حره تقعد قسم العوايل والاوبرا بالذات قسم النسلء زفت مسوينه والخدمه سنه وهذا رايي بالاوبرا


انا معاج اختي شيليز مكان قسم النساء ممل وامسكر وجهه وحده مفتوحه

بس معقوله قسم العوائل غائله وحده فقط قاعده وجيع الطاولات نساء جالسين عليهم

ويعني لو نسبه بسيطه لواحد ممكن يفوت
لكن جذي صعبه الصراحه

[غير البشر]

يعطيك العافيه على الموضوع

والمناظر اللي نشوفها في المجمعات تخليني اعتكف في مكاني

وما اروح لها الا للحاجه القصوى واذا طولت فيها ربع او نص ساعه على ما اخلص شغلي بس

( الا اذا بدش سينما ) لان بصراحه نشوف الشباب من الجنسين مسوين اشياء تخلينا نقول هذولا شباب المستبقل

وهذي هي الآسباب الي تخلق لنا مغازلجية من الطرفين


الله يعافيك اخوي حوران

الله يهديهم ان شاء الله

[d522]

لا حول ولا قوة إلا بالله

[عضو قديم]

السلام عليكم ورحمه الله وبركاته ,,,,,

صبحكم الله بالخير جميعا ,,,,,

اكيد استغربتو من العنوان
وانا بالفعل طلبت من المدير المسئول اني اقعد في مكان النساء ورفض طبعا

وانا طلبت منه بقصد التنبيه فقط لاغير
لان بصراحه قهر وكذا مره تصادفني نفس السالفه في كذا مطعم او كوفي

رحت المول وحبيت اتعشى في اوبرا كافيه
طبعا رحت المكان المخصص للعائلات
المكان متروس ولاكرسي فاضي

والبعض شابكين طاولتين مع بعض

مش هذا الموضوع

الموضوع الله يسلمكم ان مكان العائلات تقريبا معظم الطاولات عليها نساء فقط

ماعدا طاولتين بها عائلتين

وجهه الرجال معظم الطاولات مشغوله

وتفاجأت ان في القسم النسائي فاضي
ولاطاوله مشغوله هل يعقل ؟؟؟؟؟

وبعد انتظار قليل حصلنا على طاوله ولله الحمد

ولكن في عائلات كثيره راحت وماحصلت على طاولات

وانا جالس اشوف نساء يجون يشوفون قسم العائلات مافي طاولات وبعدها يفقدون الامل ويروحون القسم النسائي


اشرايكم في الموضوع :telephone:

رأيي انا انك تبي تزيد عدد مشاركاته والا بالنسبة للموضوع ماله لزوم كلش
اعذرني على ردي انت اللي طلبت رأينا بموضوعك اللي ماله لزوم كلش

[غير البشر]

رأيي انا انك تبي تزيد عدد مشاركاته والا بالنسبة للموضوع ماله لزوم كلش
اعذرني على ردي انت اللي طلبت رأينا بموضوعك اللي ماله لزوم كلش


بخصوص اني ازيد المشاركات
ههههههههههههه
بصراحه ضحكتني انا عضو من سنه 2005 لو ابي ازيد المشاركات كان وصلت 100.000 مشاركه

طبعا رايك ما اعتبره رأي والرأي يكون مع او ضد مب استخفاف دم :nice:

[غير البشر]

مره من المرارير رحت احد الكوفي شوبس مع الاهل وطبعا كان فاضي

ماتمينا شوي الا والحريم يجون يقعدون في المكان المخصص للعائلات


ومكان النساء الخاص فاضيي


أنا استحيت من قعدتهم حوالينا


وهم ماعندهم مشكله*


اكيد ماعندهم مشكله :nice:

يعني مكان النساء صدقني ياخذون راحتهم اكثر واستر

لكن الله المستعان

[غير البشر]

ياخوك مثل االلفت

فيه لفت مخصص للنساء

و المشكله ان النساء يستخدمون لفت الرجال

يعني الوزارة مخصصه لكم لفت خاص و رازين وجيهكم في لفت الرجال و لفت النساء اغلب الاوقات فاضي

شي ينرفز


اركب معاهم اخوي لاتعطل روحك من حقك

[غير البشر]

اتفق معاك,,,مب النساء يطالوب بالتساوي...انا بهذه الحاله احب التساوي

تخيل رجل وعائلته و الطاولات اللي حوليه كلهم بس بنات...بيكون هو الوحيد بينهم


اخوي خلدون صدقني صادفتني
والله اني ماخذ راحتي كلش

الله المستعان

[مسك روز]

انا احترم رأي خواتي اللي يروحون اماكن العائلات ..

كل وحده حره بالمكان اللي تروح له ..

اما عن نفسي انا ..

مستحيل ادخل اماكن عائلات حتى لو تأخر الطلب ساعتين مب ساعه وحده بس


ادور المكان الصاد والهادي ..

صج ماطلع مطاعم وايد بس على كثر ماروح اوبرا اللي في الاند

احصل خدمه جيده !!

هذه وجهة نظري انا .. مع احترامي للجميع


يعطيك العافيه اخوي غير البشر ..

[sara jsm]

أقول اذا ادارة المطعم بتسمع لكل شاردة وواردة كانت سكرت مطعمها من زمان.. لأن رضا الزباين غاية لا تدرك.. وأهل قطر طلباتهم عجيبة جدا.. أنا من يوم ما فتحوا ومع تغير المدراء ما عمرهم حد قال ليش ما تقعدين قسم الحريم.. لأن لو قالها ماراح أخلي عليه شي.. مو من حقه هو مسوي مكان لراحة الزبون مو يفرض عليه قوانين مالها داعي..

صح اختي مكشوف من جهة ومسدود من الجهات الأخرى.. جنج بصندوق..

للأسف يوم عن يوم أشوف ناس تفكيرها (.................) تصدمني هالأفكار مو لأنها ماتوافق رايي أو اني أبغي أفرض رأيي مثل ما قالتها لي وحدة من العضوات بس تفكير غريب.. يوم تسافرون برع البلد كل ممنوع مرحب به.. وهني صار قلة حياء وعدم تربية..
طيب هالحريم اللي أشوفهم من وين كلهم مقيمات وأجانب.. الواقع شي والخيال شي ثاني..

ان شاءالله كلامج مايكون موجه لي ولــ ردي ,,

كنت حابه احط روحي بنفس الموقف بس مااقدر ,,
لاني من الاساس مااروح الا هالاماكن اللي فيها قسم للسيدات اذا باروح مع ربعي ,,
واذا زحمة ومافي طاولات فاضية ارجع بيتنا ,,
اما خارج الدوحة اكيد ماراح اكون الا مع رجال ,, :) عشان جي ماتفرق عندي ,,

[Locale]

صادق اخوي
خاصه اوبرا المول

مره رحت انا وزوجي نبي نتعشا اشوف العائلات متروس نساء
وهم لهم مكان خاص
راح زوجي كلم المسؤول قاله الحين المكان متروس ماتقدرون تكلمونهم يقعدون فاماكنهم المخصصه لهم
اعتذر المسؤول وقاله مابقدر اقولهم

مو مره ولامرتين يصادفنا كذا مره
يعني ماحلت القعده الا فهالمكان

[na7ees]

لا أروح مع أبو العيال وما أقول ليش قاعدين لسه مو مريضة بالشك..
شكلك أخوي الشك قاتلك.. الله يعين أهلك.. وكلامك دليل على قلة وعي .. مجرد عادات وتقاليد ماشي عليها وانت معصوب العينين.. افتح عيونك مو كل وحدة تطلع يعني قليلة حياء..
الله يهديح من جاب طاري الشك وقاتلني بعد ليكون اتعرفيني وشدخل اهلي بالموضوع ومنقال انج مريضه واذا كلامي مو عاجبك فيعني اني قليل وعي
وبخصوص العادات والتقاليد تاج على راسي
وبعدين انا قلت قلت حيا ماقلت قلت ادب وفي فرق شاسع بينهم
وانا ماقلت كل وحده تطلع قليلة حياء خافي ربح
ولنا اقصد الي تكلم عنهم صاحب الموضوع والي على راسه بطحا اعرف الباقي
الله يهديج

[ورقة غار]

اختي معاج حق السيرفس زفت نفس ماتفضلتي
وهذا جزء من السبب لموضوعي
لان بصراحه القسم ميت ومهجور من زمان
والضغط متركز على قسم العائلات والرجال
وطبيعي الكل شغال على هالقسمين

لكن صدقيني لو الحريم خذو مكانهم في قسم النساء
راح يتعدل السيرفس ويكون للأفضل
لان بصراحه احسه تضييق للعوائل مالها مكان

واشوف قسم النساء فاضي




اخوي ترى السيرفز تعبان صار له 3 سنين وعلى هالحال عباللك ماكلمناهم لكن مافي فايده اتم جرسونه وحده تخدم هالقسم وكلمت المسوؤل وماسوو شئ ولحد يقول اني ابالغ البنات يعرفون قصدي

[intesar]

الله يهديح من جاب طاري الشك وقاتلني بعد ليكون اتعرفيني وشدخل اهلي بالموضوع ومنقال انج مريضه واذا كلامي مو عاجبك فيعني اني قليل وعي
وبخصوص العادات والتقاليد تاج على راسي
وبعدين انا قلت قلت حيا ماقلت قلت ادب وفي فرق شاسع بينهم
وانا ماقلت كل وحده تطلع قليلة حياء خافي ربح
ولنا اقصد الي تكلم عنهم صاحب الموضوع والي على راسه بطحا اعرف الباقي
الله يهديج

قلة الحياء = قلة الأدب

[intesar]

ان شاءالله كلامج مايكون موجه لي ولــ ردي ,,

كنت حابه احط روحي بنفس الموقف بس مااقدر ,,
لاني من الاساس مااروح الا هالاماكن اللي فيها قسم للسيدات اذا باروح مع ربعي ,,
واذا زحمة ومافي طاولات فاضية ارجع بيتنا ,,
اما خارج الدوحة اكيد ماراح اكون الا مع رجال ,, :) عشان جي ماتفرق عندي ,,

خخخخ .. مو شرط.. بس يا أختي سواء كنتي بنفسج ولا مع زوجج زو أخوج.. الاختلاط اختلاط.. يعني لو برع الدوحة وقعدتي جنب واحد عادي لأنه معاج رجال.. وانتي تعرفين مطاعمهم اشلون لازقة ببعض..

[intesar]

أختي intesar ,

أنا أتحدث عن قسم العائلات و ليس قسم النساء
و قمت بغض البصر و ذهبت الى مكان الرجال و ارتضيت
أن تجلس زوجتي عند الرجال .

هل يوجد اكثر من هذا انفتاح بعد ؟

أنا أدري انك تقصد مكان العوايل

[intesar]

اختي انتي تتلكيم عن نفس موضوع البنت في المحل تكشف الغشوه ولما تطلع اتنـزلها
والي يبيع بعد رجال

هذا فقط مثل لردج ومابغي اطبع عن موضوع واطلع له فروع مالها نهايه

واحنا مجبورين لما نروح برع نغير بعض الامور بشرط مايمس اي شي في الدين واللبس المحتشم

يعني تبغين نصير نفسهم مثلا الطاول جنب الطاوله عادي خلط بلط ؟؟


لا ما يرضيني هالشي.. بس ما يصير أفتح كوفي شوب وأفرض على الزبون وين يقعد.. الحرمة تعتبر عايلة والرجل مع أولاده هم يعتبرون عيلة.. هاي اللي حابه أوضحه.. طيب ليش يوم الجني راح وقعد مع حرمته بمكان الرجال وما طردوه .. لأن اسمه مكان عام..
لا تضيقونها وهي وسيعة.. ولا تطولونها وهي قصيرة.. إذا أنا ما حصلت مكان بطلع مو قاعدة .. ليش أتنفرز وأخرب على نفسي طلعتي..

[intesar]

رأيي انا انك تبي تزيد عدد مشاركاته والا بالنسبة للموضوع ماله لزوم كلش
اعذرني على ردي انت اللي طلبت رأينا بموضوعك اللي ماله لزوم كلش

:omg::nice:

[سما الوطن]

ما شاء الله وصل الموضوع لصفحه 12

بالنسبه للأماكن المخصصه للنساء
بعض المطاعم تجد المكان المخصص للنساء طاولتين وجاجز حولهم طوله مترين ...مكان مغلق لا يصلح اصلا ان يكون جلسه بمطعم
بينما مكان العائلات مكان واسع ..مريح


لا اجد مانع ان تجلس النساء في قسم العائلات
قسم العائلات لا يوجد بها الا عائلات بمعنى رجل وعائلته او نساء فقط
يعني لن يحصل لها اي ازعاج او شي ما من الرجل المتواجد مع عائلته هناك

بالنسبه لي اي مكان مزحوم لا ادخل به
اقصد لو كان مخصص بالعائلات

[R 7 A L]

عاد بيروحوا صوب الشباب وبيلعوزا هذي سالفة جايدة

بس بعد المفروض تطلب من المدير انه يوفر اماكن للعائلات والحريم يروحون صوب الحريم


بصراحة مب متقبلة مواضيع حريم يجتمعون في الكوفي شوب :(
اشفيها البيوت :(

لو بنقول ضرورة ملحة ايه ،، لكن نطلع من بيوتنا علشان نتلاقى
في الوفي الشوب ..................> مب حلوة كلش :(

ضيقوا على الشباب عيشتهم :(



اخبر حتى محلات الكرك يزاحمون الشباب فيها بالمواقف :(

[غير البشر]

قلبه متروسه
ذكرتوني نزلت موضوع اللفت ونسيته
الله المستعاان


يفضل اترجعينه للأهميه :nice:

[غير البشر]

كلامك صحيح أخوي ومعاك حق لكن أنا لو مكانك ماطب هالمكان ثاني
في اماكن وايد الحين فيها إستقلالية أكثر وبروحك بس!!


معاك حق بس ماكنت اقدر اروح لمكان ثاني للأسف والوقت غير مناسب اني اطلع

[غير البشر]

أمس تعشيت في هالمطعم ع الساعة 9 :victory:

طليت على قسم العائلاتو حصلته فل و رحت قسم النساء:secret:



لا يكون تقصدني :(


اي اقصدج انتي بالذات :(
ههههههههههههه

اختي انا تقريبا كنت موجود بنفس الوقت
ونفس ماقلتي زحمه وشفتي بنفسج

[غير البشر]

أصبر على هالمطعم وغيره من المطاعم ... وبيصيرون خلط بلط !!!




كل شي جايز اخوي شنايدر

الله المستعان

[غير البشر]

تذكرت مرة رحنا ويااخواني مطعم اللي مجابل هومز آر آس اسمه رومانو، قسم العائلات كان مفتوح وايد وصعب علينا نقعد احنا البنات

واحد من اخواني طلب من الجرسون ان نروح قسم النساء مع ان قسم النساء وااايد صغير وقالها بحجزه كله لنا احنا بس..رفضت اي شي حاول معاها رفضت وقالت ممنوع الرياييل يدشون قسم النساء..

انا اتفق معاك فعلا هالشي صاير..بس اتمنى ان قسم النساء يزيد في المطاعم علشان الحريم ياخذون راحتهم..


اختي في مطاعم وايد بقطر فيها اقسام نساء مهجوره

ذبحتهم يضيقون على الرجال مع زوجته خبرج اللقافه مصيبه :(

[غير البشر]

حتى فالاند مارك يخلون قسم النساء ويرحون قسم العائلات او العام شي غريب صراحه من بعض البنات شالحكمه يعني !!

هناك اريح لج واستر لج !!

الله يهدي الجميع يارب


الله يرحم والديج دنيا واخره يارب
صدقتي اختي اريح واستر
والرجال مع زوجته ياخذ راحته
يلتفت يمين بنات
يلتفت يسار بنات
بنات قدامه

الواحد يتقيد يحط عينه على طاولته بس

[غير البشر]

المفترض الواحد مايقحم هله في هالاماكن الي تكثر فيها الاشكال الداقه


اختي الواحد محتاج تغييير
والاكل في المطاعم في بعض الاحيان

اذا على الاشكال الداقه في كل مكان
لكن انا ماتكلم عن حركاتهم
لان معظم البنات الموجودين في حالهم ومحتشمات الحمدلله

انا اتكلم عن كل الطاولات محجوزه لهم وقسمهم فاضي
ولا نقدر طبعا نروح مكانهم :(

[التيما]

حسستوني صراحه ان الازواج كلشششش مب عاجبهم الوضع وان الحريم في قسم العائلات بياكلونهم اكل بعيونهم !! ورا براد بيت ولا كولوني !!! عسى ماشر !! والله لو مالزوجه ويا ريلها ماعصب الريال ..

انا كبنت اقعد مكان ما ابي ولا حد يقدر يكلمني حتى لو اقعد مكان العام لان مافي مكان للشباب طبعا .. سويتوها سالفه !! ريال قعد مع مرته فقسم كله حريم !!! من اللي زعلان الحين الزوج ولا الزوجه ؟ انا لو مع ريلي وحوالينا الف وحده ماهزوني ولا حتى ريلي شدخلني اتلفت حولي واعد كم وحده قاعده !

قال ايش !!!!! هههههههه

[السامـي]

اشرايكم في الموضوع :telephone:

الصراحة القصور من راعي المكان،يفترض ما دام أنوجدت هالاقسام إنه يكون التنظيم
عليه.ولو أنا مكانك المكان هذا ما أروح له مرة ثانية وأنا معاي عايلة.

يعطيك العافية...،

[غير البشر]

حسستوني صراحه ان الازواج كلشششش مب عاجبهم الوضع وان الحريم في قسم العائلات بياكلونهم اكل بعيونهم !! ورا براد بيت ولا كولوني !!! عسى ماشر !! والله لو مالزوجه ويا ريلها ماعصب الريال ..

انا كبنت اقعد مكان ما ابي ولا حد يقدر يكلمني حتى لو اقعد مكان العام لان مافي مكان للشباب طبعا .. سويتوها سالفه !! ريال قعد مع مرته فقسم كله حريم !!! من اللي زعلان الحين الزوج ولا الزوجه ؟ انا لو مع ريلي وحوالينا الف وحده ماهزوني ولا حتى ريلي شدخلني اتلفت حولي واعد كم وحده قاعده !

قال ايش !!!!! هههههههه


اختي التيما مش هذي الموضوع الاساسي

انا اقصد ان مكان العائلات 95% من الطاولات كلها مجوزه حق بنات

والعوايل يجيون يبغون يتعشون ويروحون شنو ذنبهم

لا يقدرون يقعدون في القسم النسائي الفاضي
ولا قسم الرجال

[غير البشر]

الصراحة القصور من راعي المكان،يفترض ما دام أنوجدت هالاقسام إنه يكون التنظيم
عليه.ولو أنا مكانك المكان هذا ما أروح له مرة ثانية وأنا معاي عايلة.

يعطيك العافية...،



الله يعافيك اخوي السامي
انا عندي اماكن اروح لها وارتاح غير المكان هذا

بس المشكله اني كنت موجوده هناك وماقدر اغير المكان مجبور اقعد عندي كم شغله لازم اخلصها

وبعد ماتكلم عن نفسي بس
انا حصلت طاول طبعا مش بالسهوله

اتكلم عن الناس الي رجعت على الفاضي

[غير البشر]

انا احترم رأي خواتي اللي يروحون اماكن العائلات ..

كل وحده حره بالمكان اللي تروح له ..

اما عن نفسي انا ..

مستحيل ادخل اماكن عائلات حتى لو تأخر الطلب ساعتين مب ساعه وحده بس


ادور المكان الصاد والهادي ..

صج ماطلع مطاعم وايد بس على كثر ماروح اوبرا اللي في الاند

احصل خدمه جيده !!

هذه وجهة نظري انا .. مع احترامي للجميع


يعطيك العافيه اخوي غير البشر ..


الله يعافيج اختي مسك روز

ماشاء الله عليج شغل عدل والله
هذا الرد المظبوط:victory:

احسن واستر للبنت تاخذ راحتها
بس عشان المكان امسكر من جهه وحده حطوه سبب

الله المستعان

[غير البشر]

ويييي غير البشر مصدق ان قسم خاص للنساء مافي الا بارتشن في صوب واحد وباقي الزوايا مكشوفة..كلش الحين مسكر..لا وفي منظرة في قسم العوائل كاشفة الكل اقدر اشوف قسم العوائل والرجال من قسم المخصص للنساء

وبعدين اشوف عادي براحتهم النساء اللى يبون يقعدون في قسم العائلات خلهم يقعدون ...يعنى مش اجباري ان النساء تقعد في قسم خاص لهم دام المكان مفتوح للى يبي يقعد في المكان اللى يريحة

ومش معنى الحريم او البنات اللى يجلسون في قسم العوائل انهم قليلات ادب او قصدهم شي لا اخلاقي اشدخل يعنى..مش مقياس..وبعدين قسم الحريم الخدمة بطيئة..وانا عن نفسي مااقعد كلش في قسم العوائل بس قسم النساء..ومع ذاك مااسي الظن بالحريم اللى اختارو قسم العوائل

غير البشر جرب اللسويت بالتوت فظييع عندهم


وسع الصدر:nice:


اختي لأجل مكان اي تقدرين اتشوفين العوايل من قسم النساء

لكن ماتقدرون اتشوفون الرجال

ثاني شي انا ماقلت البنات الي يقعدون في قسم العوايل قليلات ادب :(

بالعكس راجعي على مشاركاتي قلت الي شفتهم للأمانه كلهم محترمات والله يستر عليهم ومش هذا موضوعي

موضوعي انا صدفه حصلت مكان
وعوايل كثيره كانت تبغي تتعشى ورجعت والسبب مافي اماكن شنو ذنبهم
المكان مخصص لهم كفايه لقافه :rolleyes2:

ومكان النساء فاااااااااااااااااضي العوايل مايقدرون يدخلون هناك

[غير البشر]

هههههههههههه شر البلية مايضحك . . . . . . . !

بالفعل انا انصدمت في احدى مطاعم الحي الثقافي كان مصيبه الطاولات متلاصقه وكللله شلل حريم اسود فاسود انقهرت اني ماجبت خواتي خخخخخ


الحمدلله على السلامه اختي شعنونه :nice:

يعني تقصدين ان قسم العوايل كلهم حريم
وتاركين قسم النساء :rolleyes2:

[missperfect]

عااااادي يعني ما فيها شي لو البنات في حالهم يمكن ما يحبون الحكرة والقفص :omg:ومن زينه مكان الحريم الي في الاوبرا قولهم خل يكبرونه ويعدلوونه كلللش مو شي:telephone:

ولا تحرق بدمك يمه ماكو شي يسوى :discuss:

[بو الجوري]

حيالله غير البشر :.. شخبارك حبي :.. وحشتني ياخي :..:telephone:


المهم :.. صادق و الله بالذات أوبرا المول :.. دايماً صوب العائلات زحمه :..:anger1:

ومثل ماقلت تلاقي بنات هادين قسم النساء و قاعدين صوب العائلات :..

وترى بعض اللي مايروحون قسم النساء :.. عشان كتمه و مايقدرون يشوفون يمين و يسار :.. و خبرك صوب العائلات مكشوف على الرجال :..

وهم يحبون الشوو:.. الله يشويهـم :..:anger1:



الله يهديهم :.. :)

[غير البشر]

عااااادي يعني ما فيها شي لو البنات في حالهم يمكن ما يحبون الحكرة والقفص :omg:ومن زينه مكان الحريم الي في الاوبرا قولهم خل يكبرونه ويعدلوونه كلللش مو شي:telephone:

ولا تحرق بدمك يمه ماكو شي يسوى :discuss:




مايحبون الحكره هذي مشكلتهم مع اوبرا حاطينهم في قفص :rolleyes2:

بس مش معناته يضيقون الرجال مع زوجته او اهله وياخذون كل الطاولات ماعدا طاولتين
يعني لو نانس جايين من برع قطر على بالهم قسم نساء ههههههههههههههه مايدرون انه عوايل

اعترفو ان غلط :telephone:

[missperfect]

حيالله غير البشر :.. شخبارك حبي :.. وحشتني ياخي :..:telephone:


المهم :.. صادق و الله بالذات أوبرا المول :.. دايماً صوب العائلات زحمه :..:anger1:

ومثل ماقلت تلاقي بنات هادين قسم النساء و قاعدين صوب العائلات :..

وترى بعض اللي مايروحون قسم النساء :.. عشان كتمه و مايقدرون يشوفون يمين و يسار :.. و خبرك صوب العائلات مكشوف على الرجال :..

وهم يحبون الشوو:.. الله يشويهـم :..:anger1:



الله يهديهم :.. :)

:anger1:شنو الله يشويهم :anger1:

[غير البشر]

حيالله غير البشر :.. شخبارك حبي :.. وحشتني ياخي :..:telephone:


المهم :.. صادق و الله بالذات أوبرا المول :.. دايماً صوب العائلات زحمه :..:anger1:

ومثل ماقلت تلاقي بنات هادين قسم النساء و قاعدين صوب العائلات :..

وترى بعض اللي مايروحون قسم النساء :.. عشان كتمه و مايقدرون يشوفون يمين و يسار :.. و خبرك صوب العائلات مكشوف على الرجال :..

وهم يحبون الشوو:.. الله يشويهـم :..:anger1:



الله يهديهم :.. :)


هلااااااااااااا بالذيب والله
مايوحشج غالي يا الغالي :shy:
بخير وانت اشحالك عساك طيب
شخبار البنيان شكلي بفتر عليك خاص هههه :victory:


ياخي كتمه والمكان مب حلو هذي مشكلتهم مع اوبرا مالهم حق يضايقون العائلات وياخذون كل الطاولات هذي حاله يعني :anger3:


يعني اتهقى بعظهم شوووووو :telephone:

[غير البشر]

:anger1:شنو الله يشويهم :anger1:


يقصد فيليه دجاج اوبرا ويل دن يعني مشوي زين :rolleyes2:

[غير البشر]

ياحلو البيت حق الحريم .... بس شتقول

انا اقولك وين بيت القصيد .. الموضوع مب موضوع مكان الحريم كتمه ولا الموضوع السيرفس تعبان
ولا انا ابي اقعد في قسم العائلات واثقه من نفسي واو انا اقعد في قسم الحريم وخلاقي تعبانه

الموضوع بختصار هو قلة حياء في الحريم
الحيا مات وانا خوك ماتفرق معاهم ... اهم شي مزاجهم ...

السوال لو هي مزوجة وراحت اتعشا معا رجلها شبكون رايها .. بتقول بعالى الصوت شيبون هل الحريم مسويلهم قسم خاص والباقي انت تعرفه
تحياتي


صح كلامك اخوي
لو نفسها راحت مع زوجها وشافت حد مني مناك يناظرهم او شي بتعصب وحالتها حاله

لكن حق نفسها عادي تقعد ماعندها مشكله

[بو الجوري]

:anger1:شنو الله يشويهم :anger1:

اللي يسوون شوو :.. و أنا قلت البعض :..
و يامكثرهـم اللي يحبوون الشوو :.. هالأيام :.. :)






هلااااااااااااا بالذيب والله
مايوحشج غالي يا الغالي :shy:
بخير وانت اشحالك عساك طيب
شخبار البنيان شكلي بفتر عليك خاص هههه :victory:


ياخي كتمه والمكان مب حلو هذي مشكلتهم مع اوبرا مالهم حق يضايقون العائلات وياخذون كل الطاولات هذي حاله يعني :anger3:


يعني اتهقى بعظهم شوووووو :telephone:

حياك الله عالخاص :.. بتنور :.. :)

و الله البعض ياحبهم حق الشوووو :..
و شكثرهم فاللاند و غيره :.. الله يهديهم بس :..

[missperfect]

مايحبون الحكره هذي مشكلتهم مع اوبرا حاطينهم في قفص :rolleyes2:

بس مش معناته يضيقون الرجال مع زوجته او اهله وياخذون كل الطاولات ماعدا طاولتين
يعني لو نانس جايين من برع قطر على بالهم قسم نساء ههههههههههههههه مايدرون انه عوايل

اعترفو ان غلط :telephone:

مب غلط لان هالمكان بالذات حق النساء والعائلات اهمه قايلين لي قبل :)

:tease::tease::tease:

اذا شفت زحمة حريم مره ثانيه غير المطعم روح عاليشان والا رويال تندور في ستاير مسكره حق العوايل على كيفك

[غير البشر]

مب غلط لان هالمكان بالذات حق النساء والعائلات اهمه قايلين لي قبل :)

:tease::tease::tease:

اذا شفت زحمة حريم مره ثانيه غير المطعم روح عاليشان والا رويال تندور في ستاير مسكره حق العوايل على كيفك




هم قايلين المكان حق النساء والعوايل
لا ماقالو انا كلمت المدير قال تعبنا معاهم واحنا نقول لهم مافي فايده

يعني عادي اذا انا مع عايله اروح اقعد قسم النساء :telephone:

[غير البشر]

اللي يسوون شوو :.. و أنا قلت البعض :..
و يامكثرهـم اللي يحبوون الشوو :.. هالأيام :.. :)




حياك الله عالخاص :.. بتنور :.. :)

و الله البعض ياحبهم حق الشوووو :..
و شكثرهم فاللاند و غيره :.. الله يهديهم بس :..


الله يحييك يا الذيب ياولد الذيب

اي انا ادري ان في بعظهم شو وعرض
بس انا مابغيت اتكلم عنهم على اساس ابغي اركز على موضوعي

يبغيلنا مستقبلا نلقي الضوء :telephone:

[missperfect]

هم قايلين المكان حق النساء والعوايل
لا ماقالو انا كلمت المدير قال تعبنا معاهم واحنا نقول لهم مافي فايده

يعني عادي اذا انا مع عايله اروح اقعد قسم النساء :telephone:

لا بس قسم العوايل يصير الحريم يقعدون فيه عادي:tease:

الحمدلله مااروح واااايد مجمعات عشااان ما انشوي ،، روح المطاعم الي بره المجمعات احسن لك يمه :)
بس على فكرة كتابة(( بعضهم )) بهالطريقه مب بعظهم .. لي متى ما بتعرف تكتب عربي فشلتنا :shy:

[غير البشر]

لا بس قسم العوايل يصير الحريم يقعدون فيه عادي:tease:

الحمدلله مااروح واااايد مجمعات عشااان ما انشوي ،، روح المطاعم الي بره المجمعات احسن لك يمه :)
بس على فكرة كتابة(( بعضهم )) بهالطريقه مب بعظهم .. لي متى ما بتعرف تكتب عربي فشلتنا :shy:


ليش اروح مطعم برع وفي مكان حق العوايل والمفروض ان بالراحه احصل طاوله لكن اللقافه وماتسوي في البنات

ثاني شي عندي شغل هناك ليش اتعشى برع واغير المطعم

ثالث شي بخصوص بعظهم ههههههههه اذا عرفتو اتفرقون بين قسم النساء وقسم العائلات انا بعرف افرق بين بعظهم وبعضهم :rolleyes2:

[بو الجوري]

الحمدلله مااروح واااايد مجمعات عشااان ما انشوي ،، فشلتنا :shy:

حلوه منـج :.. :nice:

بس ماعتقد إنج من اللي يروحون يسوون شوو :..

و أنا ماعممت :.. :)

[بوسلمان 2010]

والله بلشه الحريم حلال ايون صوبنا واحنا حرام انطل عليهم يعني مافي مكان شنسوي انطالع القاعدين وهم


يكلون علشان يخلصون اكلهم واحنا نقعد مكانهم دوم تحصل هذي المواقف في اوبرا الاند مارك

[فيزيائية]

للأسف (بعض) نسااااااء هاليومين عندهم (شنبات) ماتقدر تكلمهم حتى الا ياكلونك بثيابك .....

[meme~qatar]

من الاخر

المكان الوحيد اللي ما بيخاشرونكم في البنات

هو



























كرك النعيمي
خذ قلاص الكرك واقعد في سيارتك بلا بنات بلا وجع قلب

[intesar]

حيالله غير البشر :.. شخبارك حبي :.. وحشتني ياخي :..:telephone:


المهم :.. صادق و الله بالذات أوبرا المول :.. دايماً صوب العائلات زحمه :..:anger1:

ومثل ماقلت تلاقي بنات هادين قسم النساء و قاعدين صوب العائلات :..

وترى بعض اللي مايروحون قسم النساء :.. عشان كتمه و مايقدرون يشوفون يمين و يسار :.. و خبرك صوب العائلات مكشوف على الرجال :..

وهم يحبون الشوو:.. الله يشويهـم :..:anger1:



الله يهديهم :.. :)


بو الجوري
اللي بيته من زجاج لا يرمي الناس من طوب..
الله يهدي مخك المـر.......

[intesar]

مايحبون الحكره هذي مشكلتهم مع اوبرا حاطينهم في قفص :rolleyes2:

بس مش معناته يضيقون الرجال مع زوجته او اهله وياخذون كل الطاولات ماعدا طاولتين
يعني لو نانس جايين من برع قطر على بالهم قسم نساء ههههههههههههههه مايدرون انه عوايل

اعترفو ان غلط :telephone:

لا ما نعترف انه غلط.. صح وصح وصح.. والأماكن موحكر .. عندي لك اقتراح.. افتح لك كوفي شوب لك وأهلك وبس لا تخلي حد يزوره..

[أبو يووسف]

أصلاً دخول الحريم إلى محلات الكوفي هذا كله من الأساس مايجوز
المفروض يمنعون من الدخول بتا تاً
هذا الي باقي حريم يروحون محلات كوفي شوب الله لا يبلانا

[intesar]

صح كلامك اخوي
لو نفسها راحت مع زوجها وشافت حد مني مناك يناظرهم او شي بتعصب وحالتها حاله

لكن حق نفسها عادي تقعد ماعندها مشكله

لا انت غلطان لأنا حنا ناس راقيين اللي نسوي شو واللي الله يشوينا.. ما نحط بذمتنا ولا نعصب اذا الحريم ناظرونا مع رجاجيلنا.. لأن الثقة بالنفس تسوي الهوايل..
والموضوع خذ أكثر من حجمه .. بتقول لي ليش تردين.. أقول مضطرة أرد.. لأن فيه ناس فاكرة نفسها عايشة بروحها بالبلد.. وانه المطاعم ملك وحكر لهم ولعوايلهم..

[chillis]

لا انت غلطان لأنا حنا ناس راقيين اللي نسوي شو واللي الله يشوينا.. ما نحط بذمتنا ولا نعصب اذا الحريم ناظرونا مع رجاجيلنا.. لأن الثقة بالنفس تسوي الهوايل..
والموضوع خذ أكثر من حجمه .. بتقول لي ليش تردين.. أقول مضطرة أرد.. لأن فيه ناس فاكرة نفسها عايشة بروحها بالبلد.. وانه المطاعم ملك وحكر لهم ولعوايلهم..

:victory::victory: عازمتج باجر هناك نتقهوه من زمان ما طلعنا :shy:

[intesar]

هم قايلين المكان حق النساء والعوايل
لا ماقالو انا كلمت المدير قال تعبنا معاهم واحنا نقول لهم مافي فايده

يعني عادي اذا انا مع عايله اروح اقعد قسم النساء :telephone:

قول لي اسم المدير.. مستحيل انه المدير يخسر زباين ويقول للحريم قعدوا صوب النساء وما يسير تقعدون صوب العوايل.. هو يبي يسكتك وبس.. يعني يراضيك كزبون.. وانت يا مسيجين مصدق.. كسرت خاطري..

[intesar]

أصلاً دخول الحريم إلى محلات الكوفي هذا كله من الأساس مايجوز
المفروض يمنعون من الدخول بتا تاً
هذا الي باقي حريم يروحون محلات كوفي شوب الله لا يبلانا

على فكرة مع احترامي لك.. كلمة حرام كلمة كبيرة.. مو إنت الشخص اللي يفتي.. مو أي شخص يفتي..
على فكرة كلمة ما يجوز يعني حرام..
هذه المشكلة.. أخوي اذا أهلك ما تحبهم يروحون لا تحرمه على غيرك لأن لسه ما طلعت الفتوى اللي تحرم المقاهي على الحريم..
صج صرنا باخر الزمان..

[intesar]

:victory::victory: عازمتج باجر هناك نتقهوه من زمان ما طلعنا :shy:

أهم شي الشو.. أجيب طقمي معاي عشان الشو يكمل

[chillis]

أهم شي الشو.. أجيب طقمي معاي عشان الشو يكمل

اي هذاك بوريش :tease:

[intesar]

اي هذاك بوريش :tease:

الدب ولا بوحنج ولا الفلافل:discuss:

[chillis]

[QUOTE=intesar;7427581]الدب ولا بوحنج ولا الفلافل:discuss:[/QUO

تكفين الدب ههههههههههه احلى شي

[intesar]

[QUOTE=intesar;7427581]الدب ولا بوحنج ولا الفلافل:discuss:[/QUO

تكفين الدب ههههههههههه احلى شي

حرام عليج كله ولا الدب ..:weeping:

[هبوب الكوس]

[QUOTE=intesar;7427581]الدب ولا بوحنج ولا الفلافل:discuss:[/QUO

تكفين الدب ههههههههههه احلى شي

وين الكرك بسرعه :waiting:

[intesar]

الكرك عند تشيليز

[R 7 A L]

للأسف (بعض) نسااااااء هاليومين عندهم (شنبات) ماتقدر تكلمهم حتى الا ياكلونك بثيابك .....


:omg:

شنبات

[chillis]

الكرك عند تشيليز

شغلة بو حارب العين ما تعلا على الحاجب

[غير البشر]

عن نفسي دائماً اقعد في قسم النساء اللي بالأوبرا والي فرانس عشان أخذ راحتي

بس ما اتفق ويا صاحب الموضوع لو هالمطاعم مافيها قسم النساء كان بتحصل الحريم في قسم العوائل اولردي يعني .. وبعدين دامه مش ممنوع كل شخص من حقه يقعد فالمكان اللي يريحه


اختي قسم النساء موجوده وفاضي
شلمعنى يعني قسم العائلات والعائلات الي يبغون يتعشون ويرجعون بسبب انهم ماحصلو مكان شنو ذنبهم
مش هم احق منهم في المكان
عيل احسن حل يفتحون قسم النساء وينظم للعوائل

[غير البشر]

لحظة ياجماعه هاي مب حل انه يتسكر القسم ,,
ماصدقنا لقينا مكان نلقى فيه خصوصيتنا بدون لاحد يقز ويطالع ,,
وقسم الحريم اصلا مب مسكر الا من جهه وحدة وين اللي مضيقين عليهم وهالخرابيط !!
مكشوف واش زينه وحتى نقدر نطالع اللي يمشون تحت ,,
:
لازم ادارة المطعم تكلم البنات اذا كانوا لحالهم انهم يجلسون في القسم الخاص فيهم ,, الا اذا معاهم رجال ,,
بس مب ينلغى القسم :anger1: عقب اشلون بنروح ,,
:
:
غيرالبشر جان رحت ماكدونالدز :shy: هناك المكان واسع شوي ,,


انا ادري انه مش حل
لكن قسم كبير اشوفه دووم فاضي
الجماعه ماخذين العذر ان كئيب ونفس ماقلتي في جهه وحده مفتوحه
بس ماخذينها عذر ويكابرون ويقولون صح
تتوقعين اداره المطعم تقدر اتكلمهم ههههههههههههههه

الحين كل وحده اللسانها نص متر صعبه يقنعونهم :rolleyes2:

[غير البشر]

انا معاك فعلا عن نفسي ماروح قسم النساء لسبب ان الخدمة زفت هناك وكذا مره ننقع عشان حد يجينا فصرنا مانقعد في هالقسم .. وانا من رايي يشيلون هالقسم ويحطون قسمين عائلات وعام ..


اختي شي طبيعي الخدمه زفت
وانا مالومهم ان الخدمه زفت
وانا معاج ان الخدمه في قسمهم زفت

طبعا اتعرفين السبب اختي التيما
الضغط كله على قسم العائلات والعام فقط
يعمي طبيعي بتحصلين كل السيرفس موجود في مكان الزحمه

صعبه يحطون سيرفس قوي على قسم كل يوم تنشغل طاوله وحده بس

[غير البشر]

سعوفه انا مستغربه من كلام اخونا غير البشر .. الحين البنات يروحون قسم الشباب لو ماحصلوا طاوله :eek5:


اختي موضي مش كلامي
والله العظيم المدير قالي بالحرف

اذا ماحصلو طاول في قسم العائلات
يروحون الطاولات الي برع صوب قسم الرجال
ويجون يشتكون من الشباب انهم يزعجونهم :rolleyes2:

[غير البشر]

أقول اذا ادارة المطعم بتسمع لكل شاردة وواردة كانت سكرت مطعمها من زمان.. لأن رضا الزباين غاية لا تدرك.. وأهل قطر طلباتهم عجيبة جدا.. أنا من يوم ما فتحوا ومع تغير المدراء ما عمرهم حد قال ليش ما تقعدين قسم الحريم.. لأن لو قالها ماراح أخلي عليه شي.. مو من حقه هو مسوي مكان لراحة الزبون مو يفرض عليه قوانين مالها داعي..

صح اختي مكشوف من جهة ومسدود من الجهات الأخرى.. جنج بصندوق..

للأسف يوم عن يوم أشوف ناس تفكيرها (.................) تصدمني هالأفكار مو لأنها ماتوافق رايي أو اني أبغي أفرض رأيي مثل ما قالتها لي وحدة من العضوات بس تفكير غريب.. يوم تسافرون برع البلد كل ممنوع مرحب به.. وهني صار قلة حياء وعدم تربية..
طيب هالحريم اللي أشوفهم من وين كلهم مقيمات وأجانب.. الواقع شي والخيال شي ثاني..



ناس تفكيرها شنو كملي الي بين القوسين عشان اعرف ارد عليج :nice:

[غير البشر]

صبحك الله بالنوور

مممم المفروض فيه سيكيورتي اذا البعض ما ينفذ الاوامر وهو اللي يمنعهم من الدخوول
مره مرتين بيتعلموون
مشكله صرااحه اللي من هالنووعيه
بالعافيه العشا :nice:
انزين شنوو طلبتوا :secret:


هلا اختي ميسس

اي والله هالنوعيه مشكله صعبه دايما على فاكرين انهم الصح والباقي غلط

طلبنا عشى هههههه

[بنت البدر 77]

وانا شقلت ؟؟!!
اللي قصدته الي يرضون انهم يجلسون في مكاان عاام ومفتوح يخربون علينا لأن مع زياادة الشكااوي ممكن قسم النسااء ينلغي
ايش ذنبنا اذا غيرنا مايحب الكتمه والمكاان الصااد بيحرمونا حتى من الترفيه والطلعاات لأن ماافي مكاان خاااص للنسااء بيستوي شباااب وعاائلاات بس؟؟!!

نفس اللي دار في بالي
اقول الحين من زود الشكاوي ينلغي قسم السيدات .. ومحد يتأذى الا فئة اللي يرغبون
بالذهاب الى المطاعم هاذي ..

الاوبرا - الي فرانس - هيديارد - وغيرها
في خصوصية للسيدات ممكن الواحد يقعد براحته ..
ولكن ممكن مع الشكاوي ينلغي ..

وهذا مالا نتمناه

:rolleyes2:

[missperfect]

حلوه منـج :.. :nice:

بس ماعتقد إنج من اللي يروحون يسوون شوو :..

و أنا ماعممت :.. :)

:weeping:

خلاص أنا زعلت:weeping:
























:tomato:

[غير البشر]

نفس اللي دار في بالي
اقول الحين من زود الشكاوي ينلغي قسم السيدات .. ومحد يتأذى الا فئة اللي يرغبون
بالذهاب الى المطاعم هاذي ..

الاوبرا - الي فرانس - هيديارد - وغيرها
في خصوصية للسيدات ممكن الواحد يقعد براحته ..
ولكن ممكن مع الشكاوي ينلغي ..

وهذا مالا نتمناه

:rolleyes2:


اختي بنت البدر والله حتى انا ما اتمنى ان ينلقي قسم النساء وبالعكس اتمنى اشوف كل المطاعم فيها قسم نساء والله العظيم افرح

لكن في ناس عادي عندها تقعد تاكل مع عائلات وخلط وحاله ماعندها مشاكل

ويخربون على الناس الي تبغي تاخذ راحتها في قسم الحريم

شي طبيعي الناس بتشتكي
عشر طاولات في قسم النساء كلها فاضيه
معقووله بصراحه
وكل طاولات العوايل ماخذينها بنات

ومب عاجبهم كلامي

[شبح الصمت]

اخوي غيـرو ...


ياخي من وجـه نظري يسوون صج كوفي خاص بالنساء فقط


ما يدخلونه غير النساء


ياخي ويفكونا من تغلغصـهم بينا ...


بس يا هل ترى لو سوووو كوفي لهم خاص هل ما راح يجون صوب كوفيات العائلات والشباب ..


روح شوف الكوفي الجديد الفاتح في السد اسمه كوكو كافيه ...


لا يفوتـك يا غيروووووووووووووووو

لعبتك لعيبة برشلونه

[intesar]

ناس تفكيرها شنو كملي الي بين القوسين عشان اعرف ارد عليج :nice:


تقدر ترد.. لا رد..

[شبح الصمت]

تقدر ترد.. لا رد..

escape

[intesar]

خلاص أنا زعلت بشرد من الموضوع لان خذ اكبر من حجمه.. لا انا بقتنع ولا صاحبه بيقتنع..
مع السلامة.. ما بي أسوي كرك.. وما أحب ناس تطلع لي وتقول انتي ليش تفرضين رايج..
ومازلت أستخدم قسم العوايل.. العوايل وبس..

ودمتم بود..

[شبح الصمت]

خلاص أنا زعلت بشرد من الموضوع لان خذ اكبر من حجمه.. لا انا بقتنع ولا صاحبه بيقتنع..
مع السلامة.. ما بي أسوي كرك.. وما أحب ناس تطلع لي وتقول انتي ليش تفرضين رايج..
ومازلت أستخدم قسم العوايل.. العوايل وبس..

ودمتم بود..



انزين ليش ما تجلسون في قسم النساء ..!!


شلي يفرق اهنيه وهنــاك

:omen2:

[أبو يووسف]

على فكرة مع احترامي لك.. كلمة حرام كلمة كبيرة.. مو إنت الشخص اللي يفتي.. مو أي شخص يفتي..
على فكرة كلمة ما يجوز يعني حرام..
هذه المشكلة.. أخوي اذا أهلك ما تحبهم يروحون لا تحرمه على غيرك لأن لسه ما طلعت الفتوى اللي تحرم المقاهي على الحريم..
صج صرنا باخر الزمان..

لا والله يا أختي ذهاب الحريم إلى محلات الكوفي حرااااااااااااااام لما يترتب عليه من مفاسد كبيرة وأهمها أنها تسبب فتنة للرجل وغالب من يذهبون يكونونون متبرجات
وبعدين هذا الكلام مهب من عندي هذا كلام مشايخ وعلماء دين
صدقت أصبحنا في أخر الزمان والقاتبض على دينه كالقابض على الجمر

[غير البشر]

اخوي غيـرو ...


ياخي من وجـه نظري يسوون صج كوفي خاص بالنساء فقط


ما يدخلونه غير النساء


ياخي ويفكونا من تغلغصـهم بينا ...


بس يا هل ترى لو سوووو كوفي لهم خاص هل ما راح يجون صوب كوفيات العائلات والشباب ..


روح شوف الكوفي الجديد الفاتح في السد اسمه كوكو كافيه ...


لا يفوتـك يا غيروووووووووووووووو

لعبتك لعيبة برشلونه


هلااا باالغالي شبووح

صدقني لو يفتحون كوفي نساء مصيره الفشل وانت عارف قصدي :secret::secret:

وايضا سينما اسباير للنساء مصيرها الفشل وراح اكد لك كلامي

ربعنا يحبون الخلط الا ماندر :(

كووفي كوكو ان شاء الله لي روحه هناك

ذكرتني بغنيه كوكو واوا :shy:

[غير البشر]

تقدر ترد.. لا رد..


ارد على شنو فراغ :omen2:
لو كنتي تبغين ارد كان كتبتي شي :omen2:

[intesar]

انزين ليش ما تجلسون في قسم النساء ..!!


شلي يفرق اهنيه وهنــاك

:omen2:

وايش اللي يفرق اهنيه ولا هناك.. فعلا هذا السؤال وجهه لصاحب الموضوع..
يعني وين المشكلة لو قعدت صوب العوايل..
بما اني أقع تحت مسمى العائلة ايش رايك نجيب قاموس الصحاح ونشوف ايش تعريف عائلة..
وربي موضوع ماله قيمة نهائيا.. وماله معنى..

[intesar]

لا والله يا أختي ذهاب الحريم إلى محلات الكوفي حرااااااااااااااام لما يترتب عليه من مفاسد كبيرة وأهمها أنها تسبب فتنة للرجل وغالب من يذهبون يكونونون متبرجات
وبعدين هذا الكلام مهب من عندي هذا كلام مشايخ وعلماء دين
صدقت أصبحنا في أخر الزمان والقاتبض على دينه كالقابض على الجمر

صح المتبرجة حتى لو في بيتها وقابلت مو محرم يكون بوضعها حرام.. لكن اللي محترمة نفسها ومحتشمة أعتقد الوضع يختلف.. لا تفهمون الفتاوي على هواكم..
جزاك الله خير..

[أبو يووسف]

صح المتبرجة حتى لو في بيتها وقابلت مو محرم يكون بوضعها حرام.. لكن اللي محترمة نفسها ومحتشمة أعتقد الوضع يختلف.. لا تفهمون الفتاوي على هواكم..
جزاك الله خير..

أجل أنتي الي فاهمة الحين ، بس الشيء إذا وافق هواكي قلتي جائز وما فيه شيء
بالأمس سألت أحد لاالمشايخ الفضلاء فقال لي يحرم على المرأة الذهاب لمحل الكوفي شوب ومن يذهب بأهله لهناك فهو ديوث وهذا لايفعله إلا من قل حياؤه والحياء شعبة من الأيمان
وهدي الإسلام في النساء هو الإحتشام وترك مخالطة الرجال
قال تعالى (( وقن في بيوتكن ولا تبرجن تبرج الجاهلية الأولى ))

[ام السعف]

الى صاحب الموضوع اشرايك نسوي حملة الحريم في قسم الحريم والرجال في قسم الرجال
والعوائل في قسم العوائل وتعدي الحدود ممنوع ؟

[qatara]

مساكين يمكن عشان ما معاهم محرم وخايفيين
مثل ما يحصل بالدول الغربيه

الولد ولا البنت ما يشوفون والدينهم بس يدزون لهم كروت تهاني

الله يعينهم

[intesar]

أجل أنتي الي فاهمة الحين ، بس الشيء إذا وافق هواكي قلتي جائز وما فيه شيء
بالأمس سألت أحد لاالمشايخ الفضلاء فقال لي يحرم على المرأة الذهاب لمحل الكوفي شوب ومن يذهب بأهله لهناك فهو ديوث وهذا لايفعله إلا من قل حياؤه والحياء شعبة من الأيمان
وهدي الإسلام في النساء هو الإحتشام وترك مخالطة الرجال
قال تعالى (( وقن في بيوتكن ولا تبرجن تبرج الجاهلية الأولى ))

معليه ممكن اسم الشيخ.. أخوي..
على فكرة أنا يوم أحب أسأل .. آخذ السؤال من مشايخ.. مو كل واحد حط له لحية أسأله..
طيب اذا الكوفي شوب حرام.. المستشفى حرام.. الجامعة لأن دكاترة رجاجيل هم حرام.. السوق أهم شي حرام.. وعيب كلمة ديوث التأدب طيب بالدين وهذي ماتنقال الا على الرجل الذي يعلم بالمنكر الذي تقوم به زوجته ويسكت وهو راضي..
حط الحرمة بقفص وسكر عليها الباب واقعد.. صج عندكم الدين الاسلامي على هواكم.. صج شي يقهر.. عندكم المرأة أثاث مع العلم أن الاسلام كرمها وعزها..
:anger1:
ما قلت لي منهو هو السيخ اللي ماخذ منه..؟

[بوعلي2]

الله يكون بعونك

[خالد32]

خلاص مالقيت مكان روح مطعم ثاني ولا تعور راسك
ترى السالفه ماتستاهل ولا المكان اصلاً يستاهل

[بوخالد88]

بسم الله الرحمن الرحيم


لقد اهتم الإسلام بالبيت المسلم واصلاحه اهتماما بالغا فأمر المرأة أولا بالقرار فيه
فقال : {وقرن في بيوتكن ولا تبرجن تبرج الجاهلية الأولي }.أي اقررن واسكن فيها لانه أسلم لكن واحفظ . (ولا تبرجن ...) أي لا تكثرن الخروج متجملات متطيبات كعادة أهل الجاهلية الأولى الذين لا علم عندهم ولا دين فكل هذا دفع للشر واسبابه .

وأمرها وأمر زوجها بعدم خروجها من بيتها حتي ولو طلقت فقال : ( لا تخرجوهن من بيوتهن ولا يخرجن ).ويشاركها الرسول – صلي الله عليه وسلم – في المسؤولية مع الرجل فيقول : " والمرأة راعية في بيت زوجها ومسؤولة عن رعيتها " *إذ " لا يصلح أخر هذه الأمه إلا بما صلح به أولها " كما قال الإمام مالك رحمه الله

قال تعالى:{وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا}.

هذه آداب أمر الله تعالى بها نساء النبي صلى الله عليه وسلم ونساء الأمة تبع لهن في ذلك, فقال تعالى مخاطباً لنساء النبي صلى الله عليه وسلم بأنهن إذا اتقين الله عز وجل كما أمرهن, فإنه لا يشبههن أحد من النساء ولا يلحقهن في الفضيلة والمنزلة, ثم قال تعالى: "فلا تخضعن بالقول" قال السدي وغيره: يعني بذلك ترقيق الكلام إذا خاطبن الرجال, ولهذا قال تعالى: "فيطمع الذي في قلبه مرض" أي دغل "وقلن قولاً معروفاً"

قال ابن زيد : قولاً حسناً جميلاً معروفاً في الخير, ومعنى هذا أنها تخاطب الأجانب بكلام ليس فيه ترخيم, أي لاتخاطب المرأة الأجانب كما تخاطب زوجها.

وقوله تعالى: "وقرن في بيوتكن" أي الزمن فلا تخرجن لغير حاجة, ومن الحوائج الشرعية الصلاة في المسجد بشرطه كما قال رسول الله صلى الله عليه وسلم: "لا تمنعوا إماء الله مساجد الله وليخرجن وهن تفلات" وفي رواية "وبيوتهن خير لهن".

وقال الحافظ أبو بكر البزار : عن أنس رضي الله عنه قال: " جئن النساء إلى رسول الله فقلن: يارسول الله ذهب الرجال بالفضل والجهاد في سبيل الله تعالى, فما لنا عمل ندرك به عمل المجاهدين في سبيل الله تعالى, فقال رسول الله صلى الله عليه وسلم: من قعدت ـ أو كلمة نحوها ـ منكن في بيتها, فإنها تدرك عمل المجاهدين في سبيل الله تعالى" ثم قال: لا نعلم رواه عن ثابت إلا روح بن المسيب , وهو رجل من أهل البصرة مشهور.

عن عبد الله رضي الله عنه, عن النبي صلى الله عليه وسلم قال: "إن المرأة عورة, فإذا خرجت استشرفها الشيطان وأقرب ما تكون بروحة ربها وهي في قعر بيتها" رواه الترمذي عن بندار عن عمرو بن عاصم به نحوه. وروى البزار بإسناده المتقدم و أبو داوود أيضاً عن النبي صلى الله عليه وسلم قال "صلاة المرأة في مخدعها أفضل من صلاتها في بيتها, وصلاتها في بيتها أفضل من صلاتها في حجرتها" وهذا إسناد جيد.

وقوله تعالى: "ولا تبرجن تبرج الجاهلية الأولى" قال مجاهد : كانت المرأة تخرج تمشي بين يدي الرجال, فذلك تبرج الجاهلية.
وقال قتادة "ولا تبرجن تبرج الجاهلية الأولى" يقول: إذا خرجتن من بيوتكن وكانت لهن مشية وتكسر وتغنج, فنهى الله تعالى عن ذلك

وقال مقاتل بن حيان "ولا تبرجن تبرج الجاهلية الأولى" والتبرج أنها تلقي الخمار على رأسها ولا تشده, فيواري قلائدها وقرطها وعنقها, ويبدو ذلك كله منها, وذلك التبرج, ثم عمت نساء المؤمنين في التبرج.

بالتوووووفيق

[chillis]

خلاص مالقيت مكان روح مطعم ثاني ولا تعور راسك
ترى السالفه ماتستاهل ولا المكان اصلاً يستاهل

هههههه :nice::nice: من قلب :secret:

[intesar]

أما خروج المرأة متبرجة فهو حرام بكل حال، وأما خروجها ساترة بدنها غير متبرجة فهو جائز، لكن الأولى ألا تكثر الخروج لغير حاجة كما سبق في الفتوى رقم: 138193.

وقوله تعالى مخاطبا أمهات المؤمنين زوجات النبي صلى الله عليه وسلم: وَقَرْنَ فِي بُيُوتِكُنَّ { الأحزاب:33}
ذهب بعض العلماء إلى وجوبه في حق أمهات المؤمنين، وبعضهم يرى أنه أمر إرشاد لا وجوب ، قال ابن بطال: وقال المهلب: وقوله: لكن أفضل الجهاد حج مبرور، يفسر قوله تعالى: وَقَرْنَ فِى بُيُوتِكُنَّ وَلاَ تَبَرَّجْنَ تَبَرُّجَ الْجَاهِلِيَّةِ الأُولَى { الأحزاب: 33 } أنه ليس على الفرض لملازمة البيوت. شرح صحيح البخارى ـ لابن بطال.

وقال ابن حجر: " وفيه دليل على أن الأمر بالقرار في البيوت ليس على سبيل الوجوب. اهـ

وعلى القول بأن هذا الأمر على الوجوب في حق أمهات المؤمنين ، فليس واجبا في حق غيرهن. قال الطاهر بن عاشور: وهذا الحكم وجوب على أمهات المؤمنين وهو كمال لسائر النساء. اهـ
والذي يدل على عدم الوجوب ما ورد في الشرع من أدلة ظاهرة على جواز خروج المرأة لغير ضرورة ، بل ورد ما يدل على جواز خروجها للصلاة في المسجد مع أن صلاتها في البيت أفضل ،
قال الشيخ ابن عثيمين (رحمه الله) : ..... وأما استدلاله بقوله تعالى (وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى) فالآية لا شك أنها صحيحة ثابتة، ولكن المراد بذلك أن لا تكثر المرأة الخروج والبروز وإلا فقد ثبت عن النبي عليه الصلاة والسلام أنه قال (لا تمنعوا إماء الله مساجد الله وبيوتهن خيرٌ لهن) فنهى أن نمنع النساء من الذهاب إلى المساجد، وما زالت النساء في عهد النبي عليه الصلاة والسلام يخرجن إلى الأسواق، ولكنهن يخرجن على وجهٍ ليس فيه تبرج و لا فتنة، فلا تخرج المرأة متطيبة ولا متبرجةً بزينة. اهـ
فالخلاصة أن خروج المرأة للترفيه المباح أو التنزه أو لأي غرض غير مذموم وإعانتها على ذلك جائز، ولكن لا ينبغي الإكثار من الخروج، وتراجع الفتوى رقم: 123872
والله أعلم.

[بنت شيوخ]

بصراحه

الاوبراااا عااادي قسم الحريم مع اني نادر اروح اجتمع مع بنات الدراسه واكلهم مايعجبني وايد

بس المكان حلو مو لذيك الدرجه اللي يتكلمون عنهااا

اما المول اضم صوتي واقول كتمه لو يكنسلونه افضل

واذا على الاختلاط وقرب الطاولات اعتبر انا في اي مطعم شوف بنفسك صار عادي

ومطاعم فيلاجوو اكبر دليل

اما اللي تدور الستر بتشوف مكان الحريم

في بعض المطاعم مافي اماكن حريم غصب يجلسون بالعائلات

تسلم اخوي وكلامك صح وانا اضم صوتي لك


وكل كلامي عن الاوبررا

[أبو يووسف]

معليه ممكن اسم الشيخ.. أخوي..
على فكرة أنا يوم أحب أسأل .. آخذ السؤال من مشايخ.. مو كل واحد حط له لحية أسأله..
طيب اذا الكوفي شوب حرام.. المستشفى حرام.. الجامعة لأن دكاترة رجاجيل هم حرام.. السوق أهم شي حرام.. وعيب كلمة ديوث التأدب طيب بالدين وهذي ماتنقال الا على الرجل الذي يعلم بالمنكر الذي تقوم به زوجته ويسكت وهو راضي..
حط الحرمة بقفص وسكر عليها الباب واقعد.. صج عندكم الدين الاسلامي على هواكم.. صج شي يقهر.. عندكم المرأة أثاث مع العلم أن الاسلام كرمها وعزها..
:anger1:
ما قلت لي منهو هو السيخ اللي ماخذ منه..؟

الشيخ هو : الدكتور عبدالرحيم الطحان وما يحتاج أذكر من هو الشيخ عبد الرحيم
بعدين أنا سألته عن موضوع الدياثة فقالي هي على مراتب يعني درجات
بعدين أنا ماقلت إنه السوق حرام لا مهب حرام
والدين مهب على هوانا إلا أنتم تبون تدورون على الرخص وتشوفون الفتاوى الي تناسبكم
والقاعدة الشرعية تقول (( من تتبع الرخص تزندق ))
وبعين كرامة المرأة هو جلوسها في بيتها واهتمامها بزوجها وأولادها

[أبو يووسف]

قال الشيخ ابن عثيمين (رحمه الله) : ..... وأما استدلاله بقوله تعالى (وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى) فالآية لا شك أنها صحيحة ثابتة، ولكن المراد بذلك أن لا تكثر المرأة الخروج والبروز وإلا فقد ثبت عن النبي عليه الصلاة والسلام أنه قال (لا تمنعوا إماء الله مساجد الله وبيوتهن خيرٌ لهن) فنهى أن نمنع النساء من الذهاب إلى المساجد، وما زالت النساء في عهد النبي عليه الصلاة والسلام يخرجن إلى الأسواق، ولكنهن يخرجن على وجهٍ ليس فيه تبرج و لا فتنة، فلا تخرج المرأة متطيبة ولا متبرجةً بزينة. اهـ[/b][/b][/b][/[/b][/b][/b][/b][/b][/b][/b][/b]b][/b][/b][/b][/b][/b]

ذكر رحمه الله هذا الضابط المهم وهذا لايكون في محلات الكوفي شوب
مستحيل تحصلين حريم في الكوفي إلا وهم إما متبرجات أو متعطرات أو يسولفون ويضحكون وصوتهم واصل للرجال ، فلش المرأة تحط نفسها في مكان فتنة
وأي رجل يفتتن فيها فهي أثمة وعاصية
بعدين أصلاً مجرد جلوسهم في هذا المكان فيه فتنة للرجال سيما وأن المكان مهب مسكر

[intesar]

قال الشيخ ابن عثيمين (رحمه الله) : ..... وأما استدلاله بقوله تعالى (وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى) فالآية لا شك أنها صحيحة ثابتة، ولكن المراد بذلك أن لا تكثر المرأة الخروج والبروز وإلا فقد ثبت عن النبي عليه الصلاة والسلام أنه قال (لا تمنعوا إماء الله مساجد الله وبيوتهن خيرٌ لهن) فنهى أن نمنع النساء من الذهاب إلى المساجد، وما زالت النساء في عهد النبي عليه الصلاة والسلام يخرجن إلى الأسواق، ولكنهن يخرجن على وجهٍ ليس فيه تبرج و لا فتنة، فلا تخرج المرأة متطيبة ولا متبرجةً بزينة. اهـ[/b][/b][/b][/[/b][/b][/b][/b][/b][/b][/b][/b]b][/b][/b][/b][/b][/b]

ذكر رحمه الله هذا الضابط المهم وهذا لايكون في محلات الكوفي شوب
مستحيل تحصلين حريم في الكوفي إلا وهم إما متبرجات أو متعطرات أو يسولفون ويضحكون وصوتهم واصل للرجال ، فلش المرأة تحط نفسها في مكان فتنة
وأي رجل يفتتن فيها فهي أثمة وعاصية
بعدين أصلاً مجرد جلوسهم في هذا المكان فيه فتنة للرجال سيما وأن المكان مهب مسكر


نعم شفت .. شكلك حاط عينك عليهم.. غض البصر يا شيخ ترى ما يجوز والشيخ اللي ذكرته مع احترامي الشديد للطحان ما آخذ من فتاويه وما أعتد عليه.. اللي يقول انه الرجل ديوث بمجرود خروج زهله للكوفي شوب.. أنا أشوف انه الفتوى مالته غير صحيحة وما أقدر أقول أكثر من جذيه لزنه شيخ.. ولا تقلب مجرى الفتوى على هواك الكلام واضح وحنا هني مو نقاشنا اذا كانت متبرجة ولا لا ما أعتقد هذي عليها خلاف فأكيد هي مذنبة..
وأعتقد الشيخ بن عثيمين كفى ووفى..
ودمت بخير..

[أبو يووسف]

أختي الفاضله لايحق لك القول بأن فتوى الشيخ غير صحيحة بس لمجرد أنها لم تعجبكي
لاييقول هذا الكلام بان فتواه غير صحيحة إلا عالم مثله
بالنسبة لي الحمدلله قل ما أذهب إلى المجمعات بالكثير في الشهر مرة او مرتين أروح المجمع ولا قد دخلت الكوفي
الحين أنتي قلتي ما أخذ من الشيخ ولا أعتد فيه الشيخ بس لأنه ماوافق هواكي
والشيخ بن عثيمين لم يقل أبداً بأن المرأة تذهب لمحل الكوفي وإنما قصد الشيخ أن تذهب لأماكن النزهة والتي تكون مباحة وليس كما تذهبين لأماكن الكوفي والتي لاتخلوا من المحرمات
معنى قول الشيخ ابن عثيمين ( أي تكون طريقة خروجهن إلى السوق ليس فيها فتنة ولا تبرج وتكون هيئة المرأة كذلك ليس فيها فتنة )
والخروج إلى محلات تتنافى مع الضوابط التي ذكرها الشيخ[/b][/b][/b][/b]

[qatara]

كل يقول انا محترم نفسي
وكل يقول انا محتشم
وكل يقول احنا احسن ناس
وكل يقول نحن خايفيين الله
وكل يقول نحن استر خلق الله


طيب يوم كل هذا صحيح
ليش نحط انفسنا مكان شبهه
من الاساس

ملينا من المثل المكذوب الي يقول

الشريفه شريفه لو جلست وسط سبعين رجال

هذا ذر للرماد في العيون

فا الصحيح هناك قاعده شرعيه تقول

دع ما يريبك الي ملا يريبك

بمعنا لا تجيب لنفسك الشك والشبهات اذا كنت حقيقة بري من الشبهات

[أبو يووسف]

كل يقول انا محترم نفسي
وكل يقول انا محتشم
وكل يقول احنا احسن ناس
وكل يقول نحن خايفيين الله
وكل يقول نحن استر خلق الله


طيب يوم كل هذا صحيح
ليش نحط انفسنا مكان شبهه
من الاساس

ملينا من المثل المكذوب الي يقول

الشريفه شريفه لو جلست وسط سبعين رجال

هذا ذر للرماد في العيون

فا الصحيح هناك قاعده شرعيه تقول

دع ما يريبك الي ملا يريبك

بمعنا لا تجيب لنفسك الشك والشبهات اذا كنت حقيقة بري من الشبهات

بيض الله وجهك أخوي عى هذا الكلام الطيب

[intesar]

أختي الفاضله لايحق لك القول بأن فتوى الشيخ غير صحيحة بس لمجرد أنها لم تعجبكي
لاييقول هذا الكلام بان فتواه غير صحيحة إلا عالم مثله
بالنسبة لي الحمدلله قل ما أذهب إلى المجمعات بالكثير في الشهر مرة او مرتين أروح المجمع ولا قد دخلت الكوفي
الحين أنتي قلتي ما أخذ من الشيخ ولا أعتد فيه الشيخ بس لأنه ماوافق هواكي
والشيخ بن عثيمين لم يقل أبداً بأن المرأة تذهب لمحل الكوفي وإنما قصد الشيخ أن تذهب لأماكن النزهة والتي تكون مباحة وليس كما تذهبين لأماكن الكوفي والتي لاتخلوا من المحرمات
معنى قول الشيخ ابن عثيمين ( أي تكون طريقة خروجهن إلى السوق ليس فيها فتنة ولا تبرج وتكون هيئة المرأة كذلك ليس فيها فتنة )
والخروج إلى محلات تتنافى مع الضوابط التي ذكرها الشيخ[/b][/b][/b][/b]


لا تقول الشيخ لأن الشيخ ما حدد المكان.. هذا هو بتاخذ الفتوى على هواك يا أخوي.. نعم ما آخذ أي فتوى تطلع وبالأخص اذا كانت اجتهاد.. طيب ما نروح بعيد قول لي أو عطني حديث أو آية تبين اللي يروح الكوفي شوب يكون الزوج فيها ديوث.. وأنا قلت ما أعتد بفتواه وما سبيته لأني أعرف حدودي مع شيوخ الدين.. ومو أنا اللي أسب شيوخ الدين لأنهم يخالفون رأيي.. هذي انتوا اللي ما يعجبكم كلامه .. تحطون عليه بهارات من عندهم.. الضمير وينه .. ضايع..

[intesar]

كل يقول انا محترم نفسي
وكل يقول انا محتشم
وكل يقول احنا احسن ناس
وكل يقول نحن خايفيين الله
وكل يقول نحن استر خلق الله


طيب يوم كل هذا صحيح
ليش نحط انفسنا مكان شبهه
من الاساس

ملينا من المثل المكذوب الي يقول

الشريفه شريفه لو جلست وسط سبعين رجال

هذا ذر للرماد في العيون

فا الصحيح هناك قاعده شرعيه تقول

دع ما يريبك الي ملا يريبك

بمعنا لا تجيب لنفسك الشك والشبهات اذا كنت حقيقة بري من الشبهات


صح كلامك طيب امنع نفسك أول شي من ارتياد هالأماكن وبما فيها شبهة فخلها لنا حنا أصحاب الشبهات اذا كانت هذي وجهة نظرك.. أنا يوم جبت دليل جبته من السعودية من شيخ سلفي مثل الطحان حتى أبين لك الفرق بين شخصين من السلف وكيف انه الأحكام اختلفت بين الاثنين.. لو كنت جبته من القرضاوي.. كنت رفضت صح كلامي ولا لا..

الدين مو لعبة لا أنا أفتي ولا إنت.. انت عندك شيخك وأنا عندي الشيخ اللي أقتنع بكلامه وبجواره عندي عقل أعرف أفرق بين الحق والباطل وما أتهم الناس جزافا ولا لأنهم خالفوا رأيي..

[قــ502ـطرالعز]

عشان هالسبب انا صار اوبرا مايعجبني كلش الصراحه ماتقدر تقعد حتى مع عايلتك عدل

[qatara]

صح كلامك طيب امنع نفسك أول شي من ارتياد هالأماكن وبما فيها شبهة فخلها لنا حنا أصحاب الشبهات اذا كانت هذي وجهة نظرك.. أنا يوم جبت دليل جبته من السعودية من شيخ سلفي مثل الطحان حتى أبين لك الفرق بين شخصين من السلف وكيف انه الأحكام اختلفت بين الاثنين.. لو كنت جبته من القرضاوي.. كنت رفضت صح كلامي ولا لا..

الدين مو لعبة لا أنا أفتي ولا إنت.. انت عندك شيخك وأنا عندي الشيخ اللي أقتنع بكلامه وبجواره عندي عقل أعرف أفرق بين الحق والباطل وما أتهم الناس جزافا ولا لأنهم خالفوا رأيي..

اي دليل واي طحان واي قرضاوي

الله يهديج شكلج تخبصين وتحذفين علينا

تعليقي لافيه طحان ولا قرضاوي

وبكل حياديه وبكل صدق والله العظيم لا يشرفني مثل هل الاماكن ولا يشرفني اشوف احد من اهلي بيوم فيها

وان حصل وغصب عني فلحول ولا قوة الا بالله

[أبو يووسف]

السلام عليكم ورحمة الله
لقد قمت اليوم بالإتصال بعدد من المشايج الأجلاء من السعودية وقطر وتعددت أرائهم
أولا : بالنسبة للأماكن المغلقة تماماً ذهب الأكثرون إلى الجواز
وذهب البعض إلى أنه ليس من الأدب الذهاب لمثل هذه المجمعات وأن ذلك من خوارم المروءة
ثانياً : أما إن كانت الأماكن مفتوحة وليس هناك حواجز كما هو الكثير في المجمعات في قسم العوائل فذهب بعضهم إلى أن أصل المسألة جائز ولكن بضوابط وأهمها أن تكون المرأة محتشمة وتأمن على نفسها من الفتنة ولكن ذلك من خوارم المروءة وليس من كمال الأدب والأفضل تجنب مثل هذه الأماكن لأنه غالباً يكثر فيها الفتنة وأغلب من يرتاد هذه الأماكن هم ناس صايعين ليسوا بملتزمين لاهم لهم إلا مغازلة النساء والنظر إلى المحرمات
وذهب بعضهم إلى تحريم ذلك مطلقاً دام أن الأماكن مفتوحة وليس هناك حواجز لأن هذه الأماكن لاتخلوا من الفتن
وأنا من وجهة نظري أرى أنه ليس من المرؤة وليس من كمال الأدب الذهاب لمثل هذه الأماكن بل الأفضل عدم الذهاب لمثل هذه الأماكن لأنه أكثر من يرتادها هم أناس صيع اقتداء بقول النبي صلى الله عليه وسلم (( فمن اتقى الشبهات فقد استبرأ لدينه وعرضه ومن وقع في الشبهات وقع في الحرام كالراعي يرعى حول الحمى يوشك أن يقع فيه))
فلماذا يضع الإنسان نفسه في محل شبهة وريبة
أنا والله العظيم إني يوم أمشي في المجمعا ت أستحي ، أكون بالغت لوقلت في السنة أروح عشر مرات ، أما محلات الكوفي ولا مره جيتها
والله تعالى أعلم وصلى الله وسلم على نبينا محمد وعلى آله وصحبه وسلم

[بلوتنيوم]

المرؤة صارت مشخال ياجماعة :rolleyes2:

[هبوب الكوس]

المرؤة صارت مشخال ياجماعة :rolleyes2:

هذا زمن الكوفي وانا اخوك

[شبح الصمت]

وايش اللي يفرق اهنيه ولا هناك.. فعلا هذا السؤال وجهه لصاحب الموضوع..
يعني وين المشكلة لو قعدت صوب العوايل..
بما اني أقع تحت مسمى العائلة ايش رايك نجيب قاموس الصحاح ونشوف ايش تعريف عائلة..
وربي موضوع ماله قيمة نهائيا.. وماله معنى..



احلى شيء انه موضوع ماله قيمـه وانتي حارقه اعصابج

:funny:
:funny:

[بوحارب]

قليلات أدب حاشرين نفسهم بين الرجال وش تتوقع منهم غير سواد الوجه !!!!

لو انا مكانك كان رحت قسم الحريم هع

[ام السعف]

قليلات أدب حاشرين نفسهم بين الرجال وش تتوقع منهم غير سواد الوجه !!!!

لو انا مكانك كان رحت قسم الحريم هع

:eek5:

[Miss]

لين الحين الموضوع :eek5:

[ام السعف]

لين الحين الموضوع :eek5:

اييه للحين ،، لين انشوف لنا حل ،،

بصراحة المفروض الكوفي يراعي حاجة العائلات لأماكن خاصة،،

ففي حال وجود اماكن مخصصة للنساء ،، الحريم اللي من غير رجال يروحون
ويقعدون فيه ، ويفسح المجال للعائلات ،

الصح صح والغلط غلط واللي يخالف لازم يتعاقب :shy:

[ضوى]

الصراحة وايد يعجبني قسم النساء في اوبرا مريح جدا ، وبالنسبة للجلوس في اماكن العايلات مب عارفة شنهو السر الصراحة

[Miss]

اييه للحين ،، لين انشوف لنا حل ،،

بصراحة المفروض الكوفي يراعي حاجة العائلات لأماكن خاصة،،

ففي حال وجود اماكن مخصصة للنساء ،، الحريم اللي من غير رجال يروحون
ويقعدون فيه ، ويفسح المجال للعائلات ،

الصح صح والغلط غلط واللي يخالف لازم يتعاقب :shy:

صح كلاامج بس عاد تفهمين من !!
الكوفيهات ما همها الا مصلحتها ،، ان شاء الله يتقهوى فيها مجرم،، اهم شي انه يدفع عندهم

[ام السعف]

صح كلاامج بس عاد تفهمين من !!
الكوفيهات ما همها الا مصلحتها ،، ان شاء الله يتقهوى فيها مجرم،، اهم شي انه يدفع عندهم

امشوا انسوي حملة

مكانك مكانك ومكان غيرك ليس مكانك :shy:

[Miss]

امشوا انسوي حملة

مكانك مكانك ومكان غيرك ليس مكانك :shy:

واذا جاتج وحده السانها يلوط اذانها على قولتهم :shy: شلون بتصرفين معاها!!
على قولة ابوي بصرهم :secret:*

[ام السعف]

واذا جاتج وحده السانها يلوط اذانها على قولتهم :shy: شلون بتصرفين معاها!!
على قولة ابوي بصرهم :secret:*

مافي شي لسانها يلوط اذانها ،، لوحات تتعلق ممنوع جلوس النساء
في قاعات العائلات ،، الا لو القاعة فاضية ،،فهذا امر ثاني
خلينا نقول ايام الخميس والجمعة والسبت ،،

فاللي لسانها يلوط اذانها ينطبق عليها ما ينطبق على اللي تشتري وما تبي
تدفع ثمن مشترياتها ينشكى عليها انها تخالف القوانين في المحل
والقوانين هذي المفروض تصدر من جهات رسمية ،،

[Miss]

مافي شي لسانها يلوط اذانها ،، لوحات تتعلق ممنوع جلوس النساء
في قاعات العائلات ،، الا لو القاعة فاضية ،،فهذا امر ثاني
خلينا نقول ايام الخميس والجمعة والسبت ،،

فاللي لسانها يلوط اذانها ينطبق عليها ما ينطبق على اللي تشتري وما تبي
تدفع ثمن مشترياتها ينشكى عليها انها تخالف القوانين في المحل
والقوانين هذي المفروض تصدر من جهات رسمية ،،

هذا اذا فيه لوحاات معلقه عشان نستند عليهاا اذا صار شي ،، لكن منيه والدرب لا تقعدين وما فيه شي قانوني يمنعها بتقعد وجنه العيد بعد

[ام السعف]

هذا اذا فيه لوحاات معلقه عشان نستند عليهاا اذا صار شي ،، لكن منيه والدرب لا تقعدين وما فيه شي قانوني يمنعها بتقعد وجنه العيد بعد

من جذيه نقول خلوها حملة ،، توجه لاصحاب المحلات نفسهم
نطالب فيها باحترام التقسيم اللي حاطه في محله ،، ويطالب كل زبون
يدخل القسم الخاص فيه :shy:

[بوحارب]

:eek5:

لاتبققين عيونج عشان ماطيح من مكانها

انا اقصد البنات اللي يجون بروحهم ويتزون مكان العائلات وفيه مكان مخصص للحريم فاضي :omen2:

تبا لهم سحالي شريرات :tease:

[هبوب الكوس]

لاتبققين عيونج عشان ماطيح من مكانها

انا اقصد البنات اللي يجون بروحهم ويتزون مكان العائلات وفيه مكان مخصص للحريم فاضي :omen2:

تبا لهم سحالي شريرات :tease:

يمكن البنات يخافون من الوحده وهم في المكان المخصص لهم

ف تشوفهم جالسين عند العوائل :(

اعتقد هذا تفسيري

وشكررررررراً

[بوحارب]

يمكن البنات يخافون من الوحده وهم في المكان المخصص لهم

ف تشوفهم جالسين عند العوائل :(

اعتقد هذا تفسيري

وشكررررررراً

اهااا وفي طريقها من البيت لين السوق ما خافت من الوحده :omg:

تبا لسحالي يتسكعون في الشوارع :omen2:

[دااانة قطر]

اما تعليقاات بو حاارب عجيبه
بس اخوي مايجوز تناادي البناات بالسحاالي
يعني ترضى بلقب تمسااح وربي خلقك آدمي

[بوحارب]

عادي اختي مجرد مزح :)

[دااانة قطر]

ما حُـكم إطلاق لقب التماسيح والسحالي في المنتديات ؟
السلام عليكم ورحمة الله وبركاته
أردت من فضيلتكم بارك الله فيكم ونفع بعلمكم كلمة توجيهيه أضعها بمنتدانا
الأعضاء يكثرون من مواضيع التماسيح والسحالي والسب والشتم فيما بينهم ع سبيل المزاح
فالشباب يطلقون ع الفتيات سحالي والفتيات يطلقون ع الشباب تماسيح
فما توجيهكم لهم نفع الله بكم وجُزيتم خيرا ً


الجواب :

وعليكم السلام ورحمة الله وبركاته
وجزاك الله خيرا
وبارك الله فيك .

أولاً : هذا خلاف التأدّب مع الله تبارك وتعالى ، فإن الله تعالى كَرَّم الإنسان ، فقال تعالى : (وَلَقَدْ كَرَّمْنَا بَنِي آَدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَى كَثِيرٍ مِمَّنْ خَلَقْنَا تَفْضِيلاً) ، وقال عزّ وَجَلّ : (لَقَدْ خَلَقْنَا الإِنْسَانَ فِي أَحْسَنِ تَقْوِيمٍ) .
وقد روى ابن أبي شيبة من طريق الأعمش عن إبراهيم قال : كانوا يقولون : إذا قال الرجل للرجل : (يا حمار .. يا كلب .. يا خِنْزِير) قال الله له يوم القيامة : أتراني خلقتُ كلبا ، أو حمارا ، أو خنزيرا ؟
وروى أيضا من طريق العلاء بن المسيب عن أبيه قال : لا تَقُل لصاحبك يا حمار ، يا كلب ، يا خنزير ، فيقول لك يوم القيامة : أتراني خلقت كلبا ، أو حمارا ، أو خنزيرا ؟

وهذه مثلها ..
فهل خَلَق الله الشاب تِمساحا ؟!
وهل خَلَق الفتاة سِحليَّة ؟!

حتى وإن كان على سبيل المزاح ..

كما أن مثل هذه الألفاظ يعتبرها العلماء من الجِنايات التي لو قيلت لشخص وَجب تعزير القائل !
وقد سُئل الإمام مالك : أَرَأَيْتَ إنْ قَالَ : يَا حِمَارُ أَوْ يَا ثَوْرُ أَوْ يَا خِنْزِيرُ ؟ قَالَ : يُنَكِّلُهُ عَلَى قَدْرِ مَا يَرَى الإِمَامُ فِي رَأْيِي .
وقال ابن مُفلح في " الفروع " : وَيُعَزَّرُ فِي : يَا كَافِرُ ، يَا فَاجِرُ ، يَا حِمَارُ ، يَا تَيْسُ ، يَا ثَوْرُ ، يَا رَافِضِيُّ !

وفي " تكلمة المجموع " : ومن الألفاظ الموجبة للتعزير قوله لغيره : يا فاسق ، يا كافر ، يا فاجر ، يا شقي ، يا كلب ، يا حمار ، يا تيس ، يا رافضي ! يا خبيث ، يا كذاب .

قال الإمام النووي في " الأذكار " : ومن الألفاظ المذمومة المستعملة في العادة قوله لمن يخاصمه : يا حمار ، يا تيس ، يا كلب ، ونحو ذلك ، فهذا قبيح لوجهين :
أحدهما : أنه كذب .
والآخر : أنه إيذاء .
وهذا بخلاف قوله : يا ظالم ، ونحوه ، فإن ذلك يُسَامَح به لضرورة المخاصَمَة ، مع أنه يَصْدُق غالبا ، فقلَّ إنسان إلاَّ وهو ظالم لنفسه ولغيرها . اهـ .

ثانيا : أنّ هذا أيضا خلاف الأدب في التعامل بين الرجل والمرأة إذا كانا أجنبيين عن بعضهما .
فماذا لو كان رجلا أجنبيا يُخاطِب أختك بمثل هذا .. أترضاه لأختك ؟!
وما لا ترضاه لأختك فلا تتعامل به مع بنات الآخَرِين ، وعامِل الناس كما تُحِبّ أن يُعامِلوك ، لقوله عليه الصلاة والسلام : مَنْ أَحَبَّ أَنْ يُزَحْزَحَ عَنْ النَّارِ وَيُدْخَلَ الْجَنَّةَ فَلْتَأْتِهِ مَنِيَّتُهُ وَهُوَ يُؤْمِنُ بِاللَّهِ وَالْيَوْمِ الآخِرِ ، وَلْيَأْتِ إِلَى النَّاسِ الَّذِي يُحِبُّ أَنْ يُؤْتَى إِلَيْهِ . رواه مسلم .

والله تعالى أعلم .

[دااانة قطر]

عادي اختي مجرد مزح :)

كلمة عاادي هي اللي موديتنا في دااهيه
وهي السبب في كل شي صاار في نظر النااس عاادي:)



المهم نرجع للموضوع اللي صاار عاادي عند بعض أخوااتي الله يهديهم
ولا يكونون السبب في التسبب بعدم خروجنا من البيت واحنا مانشوف في بدااايل سنعه في الديره:rolleyes2:

[بوحارب]

يزاج الله خير عالنصيحة

والله يهدي الجميع

[ام السعف]

يزاج الله خير عالنصيحة

والله يهدي الجميع

مب اتعيدها :court:....................> أحذرك :shy:

[ام السعف]

لاتبققين عيونج عشان ماطيح من مكانها

انا اقصد البنات اللي يجون بروحهم ويتزون مكان العائلات وفيه مكان مخصص للحريم فاضي :omen2:

تبا لهم سحالي شريرات :tease:

بس مب شرط اييون لسواد الويه،، البعض منهن عندهن عادي
وتلقاهن اشرف من اللواتي يقعدن في قسم الحريم ،،

الأصل في التبقق لا توسع في الذمة يا بو حارب :(

[بوحارب]

مب اتعيدها :court:....................> أحذرك :shy:

اوكي يالسعــفة:secret:<<< ككككك قلت ماعيدها خلاص :tease:

بس مب شرط اييون لسواد الويه،، البعض منهن عندهن عادي
وتلقاهن اشرف من اللواتي يقعدن في قسم الحريم ،،

الأصل في التبقق لا توسع في الذمة يا بو حارب :(

المفروض يقعدون في مكان الحريم اذا مايبون الكلام يجيهم

صح ولا لا ؟؟

حريم ناقصات عقل:tease:

[ام السعف]

اوكي يالسعــفة:secret:<<< ككككك قلت ماعيدها خلاص :tease:


المفروض يقعدون في مكان الحريم اذا مايبون الكلام يجيهم

صح ولا لا ؟؟

حريم ناقصات عقل:tease:

تدري يا حفيدي الصغير بوحارب شنهي مشكلتنا ؟

نعطي نفوسنا الحق في اتهام الناس لمجرد تواجدهم في اماكن
المفروض ما يكونون موجودين فيه ،،

طبعا بالنسبة لي ما اقدر افرض عليك رايي ،،

لكن بشكل عام غلط نتهم الناس في امور لمجرد ان احنا نعطي
نفوسنا الحق في الحكم عليهم ،، لأن احنا رافضين هالمكان ،،

صحيح تواجدهم بروحهم في مكان الرجال او العائلات
مع وجود اماكن خاصة للحريم فيه تعدي على حقوق الآخرين
بس هذا ما يعطينا الحق في ان احنا نتهمهم ،،

كانت هذه كلمتي المسجلة قبل البيان الرسمي الأخير :shy:

اعجبتني يالسعفة :shy:

[غير البشر]

وايش اللي يفرق اهنيه ولا هناك.. فعلا هذا السؤال وجهه لصاحب الموضوع..
يعني وين المشكلة لو قعدت صوب العوايل..
بما اني أقع تحت مسمى العائلة ايش رايك نجيب قاموس الصحاح ونشوف ايش تعريف عائلة..
وربي موضوع ماله قيمة نهائيا.. وماله معنى..


بدون قاموس ولاشي
اعرف واردي ان المعروف لو مكان دخول العائلات مسموحه يدخلون النساء معاهم

هذا انا اعرفه والكل يعرفه
وهذا طبعا متعارف عندنا ولكن مانقدر نقول انه صح

النقطه الثانيه حتى لو مسموح وموجود في القاموس على قولتج اختي

ليش ماتفتحون المجال للعوائل انها اتحصل مكان بدل مايرجعون هم واعيالهم وقسمكم فاضي

يعني ناخذها من باب اعطي كل ذي حق حقا

[غير البشر]

الى صاحب الموضوع اشرايك نسوي حملة الحريم في قسم الحريم والرجال في قسم الرجال
والعوائل في قسم العوائل وتعدي الحدود ممنوع ؟


ياريت :(
انتي تتوقعين نقدر على اللسانهم :secret:

[غير البشر]

بصراحه

الاوبراااا عااادي قسم الحريم مع اني نادر اروح اجتمع مع بنات الدراسه واكلهم مايعجبني وايد

بس المكان حلو مو لذيك الدرجه اللي يتكلمون عنهااا

اما المول اضم صوتي واقول كتمه لو يكنسلونه افضل

واذا على الاختلاط وقرب الطاولات اعتبر انا في اي مطعم شوف بنفسك صار عادي

ومطاعم فيلاجوو اكبر دليل

اما اللي تدور الستر بتشوف مكان الحريم

في بعض المطاعم مافي اماكن حريم غصب يجلسون بالعائلات

تسلم اخوي وكلامك صح وانا اضم صوتي لك


وكل كلامي عن الاوبررا

شاكر لج مرورج اختي
لو بعض الاماكن مافي نساء مافي مشكله يقعدون مكان العائلات افضل من الجلوس في المكان العام

لكن اذا موجود قسم الحريم يقعدون فيه ابرك واستر لهم
ولكن حجه الضعيف ان مكان النساء ممل :rolleyes2:

[ام السعف]

ياريت :(
انتي تتوقعين نقدر على اللسانهم :secret:

شوف من خلال موضوعك هذا خلنا انخصص يوم
نتصل فيه من الصبح لين المسا
ونقدم شكوى جماعية على اللي حاصل في المحل
ونطالب المحل انه يلتزم بالمكتوب والا ......................> مب رايحين له مرة
ثانية :(