حدث في طوارئ مستشفى النساء

[^NoOOoR^]

يوم الجمعة وبالليل على الساعة تسع راحت المريضة طوارئ النساء وللاسف اطلعت من عندهم وهي تعبانة اكثر.
المرأة في الشهور الاولى من الحمل واتعبت فجأة و راحت للهم وجان زين لو انها ماراحت..الانتظار الممل..
غير هذا تخيلوا الدكتورة اكتبت لها تسوي سونار وراحت المريضة للممرضة ومعها الورقة و تبي تسوي سونار ..
ماذا كان رد الممرضة الساعة عشر و احنا سكرنا خلاص !!!!

والساعة ماكانت عشر بل كانت عشر إلا عشر .. يعني باقي عشر دقايق و الممرضة تبي تسكر قبل الوقت و المريضة واقفة جدامها عند الغرفة ؟؟؟
هل هذا معقول ؟؟؟
اسمه طوارئ يعني 24 ساعة شغل فشلون يسكرون الجهاز و الممرضة تقول لها تعالي بكرة ؟؟؟
بعد شد و جذب بين المريضة و الممرضة اطلعت الدكتورة و اعرفت الموضوع فقالت للممرضة باقي وقت و سوي لها سونار ..وبعد تحلطم و تذمر سوت لها ..
نأتي للعلاج اللي اكتبته الدكتورة للمريضة و أطرح سؤال على اخواتي في المنتدى ..
هل يعقل أن تكتب علاج لحامل في الشهر الثاني وهو عبارة عن حبوب بنادول؟؟؟؟

وين وصل حال الخدمات الصحية عندنا ؟؟؟
ماقول غير حسبي الله ونعم الوكيل ..
ما لنا الا المستشفيات الخاصة اللي اشفطت الأولي و التالي ..

[زورق]

البندول الازرق كل الحوامل تاخذة ما يسبب اي مشكلة للحامل

[MaRuKoO]

مرحباً بكم في طوارئ النساء والولادة

[MaRuKoO]

مرحباً بكم في طوارئ النساء والولادة

حبيبتي هذا ولاشي

امممممم على حد علمي بخصوص البندول ترى عادي

[Qtr95]

للأسف المفروض في جد وعمل ..
في قطر مافي جدية !!
مافي جدية في العمل ..
مافي اخلاص للمهنة !:anger1:
المعلم , والطبيب ..
وجهان لعملة واحدة ..

همهم الراتب اخر الشهر ..
(خاصة الوافدين)
مب الكل لحد يقول اني اعمم لا ..

[miss.qa]

عادي ماشفتو شي اختي كانت تطلق روحها بتطلع قالو لها مافي سرير !!! هههههههههههه لو ما كنا مبخششين الدكتور جان ماتت في الممر !! امحححق اقول

[ذكي جدااا]

حبيت اوضح انه مش دائما المستشفياات الخااصة ممتاازة , حدث معاي موقف بمستشفى خااص يوم وديت زوجتي وكانوا بيسوون لها عملية مش محتاجتها وديتها طوارئ النساء والولادة وقالوا لي ما تحتااج هالعملية والحمدللة الله نجاها من العملية . فدائما نجد الشين والزين بنفس المكان .طبعا المستشفياات الخااصة لما يشووفون عندك تأمين صحي يطلعوون فيك الف علة عشان يشفطون فلوووس ويخلونك اتسوي عملياات يمكن مب محتاجها من الاساس.

[hamoor4ever]

اخواني بصراحه سمعت عن التبغشش للدكاتره وبصراحه بسبب سوء المعامله فكرت مستقبلا استخدم الاسلوب لان بصراحه هاذي فيها ارواح ناس والحمدلله محد مات عندنا، كيف الطريقه وكم المبلغ المطلوب عاده من الدكتور المحترم ورجاء مابغي ردي ينحذف لاني اتكلم جد وموضوع الرشاوي معروف من زمان ولايخفى على المستشفى وهم راضيين وساكتين بس بصراحه مب عارف عاده كم المبلغ المطلوب وشلون طريقه اعطاء الدكتور للمبلغ

[miss.qa]

5000 وتدعسه ف مخباه بطريقه سريعه هاي هديه البيبي

[chillis]

بكل المستشفيات فيها بلاوي الخاصه وغير الخاصه.

[أبو يووسف]

البندول عادي مايضر الحامل

[pink pearl]

العلاج السحري لكل الأمراض البندول
ياهالبندول اللي ذبحنا

[hamoor4ever]

5000 وتدعسه ف مخباه بطريقه سريعه هاي هديه البيبي

سمعت اختي ان الدفع قبل الولاده هل هالكلام صحيح ؟

[بوخالد88]

الم راس بندول الم بطن بندول حرارة بندول حتي الحمل بندووول غريبة

بس الصراحة استهتااااار باقي عشر دقايق وكانت رافضة المفروض ثاني يوم الصبح تروح

تشتكي عند المسؤل عن الممرضة .

[bohilal191]

سمعت اختي ان الدفع قبل الولاده هل هالكلام صحيح ؟


شوف اخوي ياتدفع فلوس او دكتورة تقرب لك تشتغل في مستشفى النساء وامورك تمشي

[ام حمادي]

استغفر الله رشوهـ وشلوون ترضونها لا تقولون ارواح محد مات

[@north_star@]

فعلا قسم الطورئ الله بالخير وينقعون الحريم تنقيع الشر واللي حالتها فعلا مستعجلة وتحاول تشرح لهم وما يقتنعون وينقعونها والمفروض انه طوائ و24 ساعة بجميع اجهزته وأطبائه والله المستعان

[مكتوم]

والله يبغيلهم فالسجن لجل يتأدبووون


امحق ممرضة وامحق دكتوورة

مافيهم انسانية كلش

[طماطه]

البندول مب زين حق اول الشهور .. كل الدكاتره يقولون هالكلام ..

انا كنسلت المستشفيات الحكوميه لانها بدون كفاءه وبدون ذمه الصراااحه

[نورالهدى]

(مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)

[R 7 A L]

ينصحون بمستشفى الخور

[خشوف]

مافي اهتمام كلش في مستشفى حمد ياكثر الحريم الي يربون عند الباب وهم يقولون مافي ولاده او انتظري الدور

[المسك1969]

السلام عليكم

أختي الكريمه حفظكم الله... الباراسيتمول أو البندول لا يضر الحامل في الشهور الاولى..

كذلك أن احتاجت الحامل الى مضاد حيوي فيكتب لها أخفهم وهو اموكسسيلين

أما بالنسبة للسونار فهم يغلقون في الحاديه عشر ليلا وهذا صحيح بس الظاهر وياكم سكروا قبل... يمكن قالوا محد بيينا وهم طوارئ ... الله المستعان

وحقيقة أمر السونار (التليفزون-ultrasound) جدا مهم وجوده ويجب أن يكون مفتوح 24 ساعة ... ولكن لو لاحظتي أن من يعمل في هذه الفترة هم الفلبينات يعني القطريات فقط يعملن الصبح ولا يأخذن شفت مسائي... وبالتالي يبقى الحمل على الفلبينات واللاتي يعملن بعد الدوام الرسمي وحتى الحاديه عشر

وأتمنى فعلا أن يكون قسم السونار مفتوح 24 ساعة مثل مؤسسة حمد.. فقد تكون المرأة تنزف أو جنينها ميت ويحتاج لانزال فتدخل الحامل المستشفى في وقته...

أما الأدويه حفظكم الله فتأكدي أنها لن تصف أمرا يضر بالحامل لأن عندهم تعليمات بالشي الضار والنافع... انا طبعا اتكلم عن النساء والولادة وليس عن العيادات الخاصة

جزاكم الله خير وسهل على كل حامل حملها... اللهم آمين

[المسك1969]

عادي ماشفتو شي اختي كانت تطلق روحها بتطلع قالو لها مافي سرير !!! هههههههههههه لو ما كنا مبخششين الدكتور جان ماتت في الممر !! امحححق اقول



شنو مبخششين الدكتور؟:anger1: أولا مايجوز وثانيا ليش نسمح بمثل هالممارسات في بلادنا.. ونبدأ نخلي الكل ما يعالجنا ألا بفلوس وبدفع
واللي ماعنده واللي مايقدر واللي مايعرف ان الناس تبخشش هالدكتور

اي دكتور تبخششونه ويرضى لازم يشتكى عليه ... انتهى:nice:

[المسك1969]

ينصحون بمستشفى الخور


أخي الكريم حفظك الله... مستشفى الخور هو مستشفى حمد بس فرع له واللي فيه مستورد من مؤسسة حمد

لا والدكاتره اللي كانوا في حمد اختصاصيين راحوا الخور وصاروا استشاريين... طبعا المؤسسة سوتهم جذيه

بس عندهم دكاترة تخدير يداد خصوصا من كوبا وأنا اخاف منهم صراحة... وذلك لأننا لآنعرف مدى مهارة مثل هؤلاء الاطباء

عموما نسأل الله لنا ولكم ولجميع المسلمين السلامة والعافية وربي لا يحوجنا لهم... اللهم آمين

[hamoor4ever]

استغفر الله رشوهـ وشلوون ترضونها لا تقولون ارواح محد مات

جربي وعقب احكمي محد مات بس ممكن شاف الموت او عاهه او موت الطفل ومن قال لج الاخبار هاذي بتسمعينها بالجرايد

[hamoor4ever]

شنو مبخششين الدكتور؟:anger1: أولا مايجوز وثانيا ليش نسمح بمثل هالممارسات في بلادنا.. ونبدأ نخلي الكل ما يعالجنا ألا بفلوس وبدفع
واللي ماعنده واللي مايقدر واللي مايعرف ان الناس تبخشش هالدكتور

اي دكتور تبخششونه ويرضى لازم يشتكى عليه ... انتهى:nice:

لاتشتكين لانهم يدرون اصلا

[لاجل QT]

اللى ابي اعرفة ليش الممرضات في الطوارئ وجهوهم شينة مال هواش بالذات العربيات وجوهم ياكافي الشر..لا اسلوب ولاتعامل

مافي احسن من الفلبينات حق التمريض روحهم حلوة مع الناس

[شميرام]

عادي عادي حتي لو كانت الحامل توها طالعه من حادث ينطرونهم مع الباقي
مب المفروض يكون جاهز سونار في كل غرفه كشف مب المفروض يكون جاهز سونار واحد في الطوارء العاديه بدال البهدله من طوارء العاديه لين الطوارء الولاده مب المفروض في كونكشن سريع بين الطوارء العاديه و طوارء الولاده

مب المفروض يقسمون الأنظار في الطوارء قسم انتظار المصخنين واللي فيهم امراض معديه من صخونه او ترجيع وقسم اخر للحوادث

[مشتاقة لقطر]

صح المفرووووض يرصدون ميزانيات للسونار وموظفي السونار