سوال عن موقع booking

[مهنـي]

/مرحبا

في حد منكم جرب يستخدم مووقع BOOKING

وشلون الطريقه الحجز لازم بطاقه فيزا وفيها مبلغ ولا عادي احط الرقم من دون مايكون في خصم

؟؟ لاتبخلووون علي بالاجاااابه :shy::shy::shy:

[التيما]

انا جربته ولا زلت احجز عن طريقه .. واخوي لازم فيزا او ماستر .. والحجز فيه انواع فيه فنادق فيها امكانية الغاء الحجز وهاي افضل شي لو تبي تحجز منه لانك ماتعرف ظروفك وغير كذا ما يسحبون من الفيزا بس لازم يكون فيها مبلغ يساوي ربع الحجز فقط للتاكيد يعني ما يسحبونه بس للضمان .. انا جربته ووايد ممتاز كموقع .. واذكر مرة رحت سفريات ريجنسي وقالي الموظف تبين فنادق قلت له عطني الاسعار وكانت وايد مرتفعه وفرق واايد و انا اصلا حاجزة في بوكينج وربي فرق في السعر وقلت له انا حاجزة في بوكينج .. جان يقولي موقع بوكينج بيخسرنا كثير صاروا الناس بيحجزو عن طريقه وانتي مو اول وحده تقولنا هالكلام ..
توكل على الله بس لا تنسى
١- فيزا و فيها مبلغ ..
٢- فندق يقبل الغاء الحجز ..

[محمد]

لازم فيزا فيها رصيد لان المبلغ راح يصير له هولد لين توصل عندهم و اخر مره اسحبوا مني قبل ما اوصل الفندق بعد بالتالي لازم يكون فيها رصيد

[غير البشر]

ياهلا ومرحبا بك اخوي

هذا الرابط لموضوعي اتمنى انه يفيدك :nice:

http://www.qatarshares.com/vb/showthread.php?t=336766

[السهم الملتهب]

/مرحبا

في حد منكم جرب يستخدم مووقع BOOKING

وشلون الطريقه الحجز لازم بطاقه فيزا وفيها مبلغ ولا عادي احط الرقم من دون مايكون في خصم

؟؟ لاتبخلووون علي بالاجاااابه :shy::shy::shy:



مرحبا أخوي مهني

أخوي أنا لي أكثر من 5 سنوات في خلال هالمدة حجزي للفنادق أن كانت لبريطانيا أو دبي أو

القاهرة عن طريق موقع www. booking.com ولا مرة صارت معي أي مشكلة

وهو أفضل وارخص واسهل من الحجز عن طريق مكاتب السفريات بكثيير الموقع عالمي ومعروف

لكن لابد من الفيزا أو الماستر كارد للدفع وسيتم خصم المبلغ منك مباشرة وسيتم أرسال الحجز

وتأكيد الحجز على بريدك الكتروني في أقل من دقيقة عند فتحك لأميلك ومن ثما تقوم بطباعته

مباشرة ليكون معك الحجز وبأقل واسهل عناء وانت في بيتك والله يوفقك :nice:.

[R 7 A L]

ياهلا ومرحبا بك اخوي

هذا الرابط لموضوعي اتمنى انه يفيدك :nice:

http://www.qatarshares.com/vb/showthread.php?t=336766




الله يجزاك خير اخوي غير البشر

استفدت انا كثير من موضوعك وحجزت عن طريقه

الله يبارك فيك ويكتب اجرك

[Chambray]

انا عميل قديم معاهم يمكن من 2003

[d522]

الله يزيك خير (غير البشر)

أستفدت الكثير جعله في ميزان حسناتك

[غير البشر]

الله يجزاك خير اخوي غير البشر

استفدت انا كثير من موضوعك وحجزت عن طريقه

الله يبارك فيك ويكتب اجرك


الله يزيك خير (غير البشر)

أستفدت الكثير جعله في ميزان حسناتك


ويجزاكم بمثله ان شاء الله
ومشكورين على الكلام الطيب
والحمدلله انه افادكم بشي

واي استفسار انا حاضر سواء با العام او الخاص :nice:

[جـاد]

بالنسبة للمبلغ هناك بعض العروض الخاصة الغير قابلة للالغاء هذه تسحب مباشرة من البطاقة والفندق يرسل لك ايميل يفيد تحصيل المبلغ . بالنسبة للعروض العادية تستعمل البطاقة للتامين وتدفع في الفندق بالبطاقة نفسها او نقد او باي طريقة تناسبك . في بعض الاحيان هناك فنادق ما تعرض كل نواع الغرف المتوفرة عندها. حجزهم يتاكد مع الفندق بشكل سريع ويرسلون لك ايميل مباشرة بعد الحجز. في بعض الاوقات يكون الفندق عنده اماكن ولكن في الموقع يبين انه ما في اماكن.لابد من قراءة النشرة الخاصة بالعرض .مثلا فنادق دبي تزيد على السعر 20% ضرائب. بعض الاوقات في عروض في اوروبا مثل مشاهدة افلام في الغرفة مجانا . اسرة الاطفال. المواصلات من والى المطار.

[VIP-QATAR]

الصراحة الموقع ممتاز
انا كل مره احجز عن طريقة وارخص من السفريات بكثير

[naif3]

حبيبي الفيزه مو لازم فيها رصيد
والموقع حلو وانا دايم احجز عن طريقه
والدفع فى الفندق مو عن طريق الفيزه

[مشتاقة لقطر]

انا جربت ببطاقة ماستر بدون رصيد ولما وصلنا دفعنا كاش وطبعا كان فرق بالسعر لو حجزنا من عندهم مباشرة الحمدلله كان بوكينج ارخص


والمرة الثانية حجزنا بنفس الطريقة ولكن للاسف وصلنا وقالت الموظفة مالكم حجز لان ما فيه فلوس بالبطاقة ودفعنا كاش وضبطت لنا حجز جديد


يعني هيك وهيك مرات تضبط ومرات لا على حسب الفندق

[راشد محمد]

للرفع