هل يعقل هذا ؟؟؟؟

[همس الورد]

السلام عليكم ورحمة الله وبركاته..
أحببت أن أخبركم عن موقف صادفني صباح اليوم في المركز الصحي التابع لمنطقتنا ،وكنت قد أخذت ابني الصغير المريض إلى ذلك المركز ،وعندما ذهبت للاستقبال طلبت طبيب أطفال وكانت أمامي سيدة تنتظر مع أطفالها حتى يحين دورها وما أن جاء دورها حتى دخلت ولم يستغرق دخولها سوى ثوان معدودة :eek5: فرأيتها تخرج وبيدها وصفة الدواء،استغربت لسرعة ذلك الطبيب في العلاج، ثم حان الوقت ليأتي دوري وابني للدخول ،وماأن دخلت فإذا بي أصدم بموقف الطبيب السيء عندما رأيته منزعج من دخولي وقد فقد أعصابه قائلا: لماذالايذهب المرضى عند طبيبة أطفال في قسم النساء ؟؟ وكان مظهره مثيرللرعب من شدة عصبيته حتى إنني خشيت على ابني من الضرر،وكان يتكلم بعصبيه ويفحص بعصبية حتى أن ابني المسكين قد أخبرني بأن الطبيب كاد يدخل أداة الفحص داخل حنجرته..ألايعقل تصرف ذلك الطبيب.؟ ثم عاد إلى مكانه و(تجشأ بصوت مسموع فاتحا فمه ) بطريقة تثير الاشمئزاز وبلامبالاة لمن هم في الغرفة ،وبعد الفحص أخبرني بأن ابني سليم ليس به أي مرض..قلت له:والمغص يادكتورو..و..،قال مغص؟؟طلب من ابني أن يزن نفسه ثم قال له :كم وزنك؟ثم أخذيفكرماذايكتب له من أدوية.خرجنا من غرفته ..توجهت إلى الصيدلية لأخذ الأدوية اللازمة وإذا بالصيدلي يخبرنا بأنه قد كتب له أقراصا وإنه صغير لايستطيع أخذهذه الكمية منها واستغرب كيف كتب له هذاالطبيب تلك الأقراص فاستبدله الصيدلي بشراب مشابه للأقراص يناسب سنه،وأناأيضاأستغرب بأنه كيف كتب له تلك الأقراص وهي خاصة بمرض هوأصلا لايعاني منه.....عجبا لمثل هؤلاء الأطباء.!! :anger1: وأترك لكم التعليق.

[شويهينــه]

كل هالشي صار معاج وانتي ساكته؟؟

[Dawn]

انا لو مكانج اشتكي عليه عند مدير المركز ،، مافيها شي هذا حقج ،، ولج الاجر لأنج بتنبهين الاداره قبل لا يصير شي خطر في المراجعين لهالدكتور ،، بالذات انج قلتي ان الدواء اللي صرفه ما يناسب طفل وغيره لج الصيدلي ...
انا صار معاي موقف في مكان ثاني واشتكيت لان حطيت في نيتي ان هالشكوى راح تنفع اي حد يجي بعدي علشان ما يتعرض للموقف اللي تعرضت له .. وسبحان الله استجابت الجهة اللي اشتكيت لها مع الشكوى بطريقه تدل على اهتمامهم بالمواطن ...

فانا انصحج تتصلين بالمركز الصحي وتطلبين المدير وتقولين كل اللي صار معاج وياريت لو تحتفظين بالوصفه الطبيه وترسلينها له وصدقيني هالدكتور راح يتعاقب على اللي سواه ..

وما يشوف شر ولدج .. بالتوفيق ان شا الله

[intesar]

روحي المدير ولا تخلين عليهم شي.. لا تكونين سلبية بحقج وخذيه منه غصب عن عينه..

[المزن الرياني]

وليش جايه تشتكين هني ؟!

في جهات رسميه بالدوله ممكن يلجأ لها اي حد تضرر
ولو وصل الامر للشرطه تحت حجه الاهمال

طول ما احنا نسكت عن الغلط وننطر لين نرد البيت عشان نطلع حرتنا بالمنتدى
ستظل الامور تتطور من سيىء لأسوء

[همس الورد]

مشكورين خواتي صج اناانقهرت بس مافكرت إني أكلم المدير.....جزاكم الله خير.

[الخزرجي قطر]

بدون تعليق على الخدمات الطبيه
مايشوف شر ولدك ان شاالله

[الوان]

لا يكون الدكتور التونسي في مركز العسيري ... بقى يشق حلج بنتي و هو يفحصها .. و اسمع زوجي يقوله شوي شوي ,, بس ما توقعت ان حد يكون بهالخشونه مع طفله عمرها سنه...الظاهر متضايق لأن المستشفى ما عندهم دكتور اطفال .. و يحولون الحالات عليه .

[المسك1969]

السلام عليكم

أختي الكريمه والله لو شنو كانت حالة الطبيب فعليه عدم التأفف وعليه تأدية عمله بأمانه... ومب من الذوق أن يتكلم بعصبيه ويفحص بعصبيه المريض... ولو كنت مكانك وعند اكتشاف الوصفة لكنت صورتها ثم رجعت للطبيب لتغيرها ..ثم اشتكي عليه

أنت طبيب وعليك ان تكون واسع الصدر في عملك ثم التوجه ان احسست بعد الانصاف لمسئولك وليس لي أنا المريضه او ابني ذنب فيما أنت عليه

بس روحي اشتكي غلاي على طريقة تعامله حفظكِ الله

[بوخليفة83]

لاتسكتين عن حقج وحق اولدج
اتصلي المركز الصحي وطلبي مقابلة مدير المركز او رقم تليفونه اشرحي اللي صارلج بالضبط هالاشكال ماتنفع معاهم الطيبه ولاتقولين بينج وبين نفسج اخاف اقطع رزقه هو اللي قطع رزقه بنفسه
في بلادهم مايسوون بيزه ويجوون عندنا يتحلطمون ويبون يضرونا بعد

[khaldoon]

يا جماعه انا مره شكيت على طبيب كان قليل ادب و هددني لو اني بشتكي عليه راح يتصل على شغلي و يشتكي علي و يقول عني متمارض .....يومين استفراغ و ثقل في راسي و انفلونزا و ثقل براسي ما تحركت من السرير الا على الدكتور مع ارتفاع في درجة الحرارة و يقول عني متمارض

شكيت عليه في المركز بس للاسف رئيس الاطباء من نفس جنسيته وما سوى شي و ؤحت قسم الصحه الاوليه على ما اذكر اسمها اللي هي مقابل سفريات ريجنسي عند فريج بن محمود وهذا اهم واخطر مكان للشكاوي

ولا صااااااااااااااااار شي ولا احد كلمني

[ام حمادي]

والله لو حد له الحق يشتكي كان اشتكت امي قبل كم سنه جاتها الزايدهـ ووديناها مستشفى حمد ورقدوها وماعرفوا الزايد تخيلوا عاد

قالوا بنسوي لج عمليه استكشافيه وبنشوف وشو المرض ؟ ماشاء الله خبرهـ زايده تسوي عمليه استكشافيه

الموهيم وبعدين قالوا بنصورج ولاسباب ما قالوا معاج نزيف فالرحم أصلا امي ماكانت تصلي حزتها فشافوا فالتلفزيون وقالوا نزيف فالرحم بنحولج على مستشفى النساء والولاده اعذروني اقولكم بكل صرـاحه بس هذا الواقع

تخيـــــــــــــــلوا زايدهـ مستشفى النساء والولادهـ بغت تروح امي فيها حسبي الله ونعم الوكيل

بعدين طلعها ابوي في نفس اليوم ووديناها العمادي اول ماوصلنا كانت حالة امي سيئه ع كرسي متحرك وما تقدر تتحرك كلش ولما شافها الدكتور ع طول دخلها للعمليات قال انفجرت معها الزايده وزين لحقتوا عليها قبل مايصير لها شي لا سمح الله

بالله وين الصحه في قطر

اخت زوجي من النوع اللي ياخذ اجازات مرضيه لعياله اذا غابوا وهم مافيهم شي والله الدكاتره يصرفون لهم ادويه وهم اصلا مافيهم شي

[همس الورد]

هذي المشكلة انخاف نتكلم ومحد يبرد قلبنا ويزيد القهر

[ANONYMOUS]

تبا له

[ولد البدر]

لو منبطة لهاته من المسؤول ؟

[الوان]

لو منبطة لهاته من المسؤول ؟

:telephone:

[شيط ويط]

تبا له

سحقا له

[بوخالد88]

الصرااااحة لا تعليق اختي

المركز الصحي غلطان ، الدكتور ، انتي !!!

[CH Engineer]

عسى ماشر داشه بيته ولامستشفى حكومي؟؟
الي مايحترمج لاتحترمينه ولاتعطينه اي اهميه وحاولي تشتكين عليه فكل مكان يتقبل الشكوى

[STAR]

سحقا له

ويحك يا دكتور....