عجوز ضايعه

[المسك1969]

السلام عليكم

أخواني وأخواتي الكرام ... حدثت لي هذه القصة اليوم ظهرا..

وأنا أبحث عن دواء لابنائي الصغار ولأن لي يومين معهم في المستشفى واليوم أخرجتهم منه ولله الحمد ..

وبما أنني بحثت عنه ولم أجده في الصيدليات الخاصه ولا مستشفى حمد والدواء لا يعطى إلا لمن هم داخل المستشفى وكان خطأ من الطبيب بالوصف..
ليس هذا هو الموضوع

الموضوع

عند عودتي للبيت وتقريبا في الحادية عشر الا ربع .. إلا وامرأة عجوز تمشي وتحمل كيسا ثم أوقفت سيارتي وقلت:"يمه تفضلي اوصلج البيت" :nice:وجاءت لتقبض الباب الخلفي:" فناديتها أن تأتي للباب الامامي فأتت ثم أمسكت بها لتركب فركبت...

فقلت لها:" وين فديتج بيتكم؟" فقالت:" مناك، لفي اشوف" ولفيت ثم قالت:"لا مب منيه.. لفي هناك" ولفيت ثم لفيت ثم لفيت :rolleyes2:

فقلت لها:"يمه تدلين بيتكم وإلا لا" فقالت:"والله انا ترى ضعت من قبل" هنا حقيقة لم أعرف أأبكي أم أضحك:tease:

وانكسر قلبي شفقة عليها ودمعت عيني عندما قالت:"انا قمت ما اعرف المكان ولا اعرف الطريج"
وظللنا على هذا الحال ساعه ونصف وخلال هذا الوقت كنت اتصل :telephone: على كيوتل واعطيها اسماء أبناء المرأة... ولم يفلح معنا أي رقم وكله غلط

ثم قلت لها:" يمه لازم يكون وياج ارقام احد حتى لي ضيعتي حد يتصل فيهم ويوديج" قالت:"عندي بس كله في الشنطه في البيت، وشنطتي مفتوحه وفيها فلوس وداري ما سكرتها"

قلت:" ماعليه يمه أمان لا تحاتين" فقالت:"ايه زين" يعني لم يعجبها كلامي:(

ثم واصلنا البحث عن بيت على وصفها فيه خطوط عنابيه وأمامه نخله ليست بالكبير ولا الصغيره وجنب بيتها جيرانهم لديهم بيت شعر... ثم قالت:"وبنسأل الجيران عن بيتنا" فقلت لها:" يمه لو صلنا للبيت بتعرفينه وملنا حاجة في الجيران"

ثم أخذت أفكر إما أن آخذها معي البيت نصلي ونتغدى وأرتاح ثم يحلها رب العالمين ...فأنا جدا مرهقه ولي يومين مارقدت ولا استطيع حتى أن أفتح عيوني أو آخذها للشرطه... فقلت في نفسي لا والله لن أرضى لها أن تذهب للشرطه فقد تجلس هناك كثيرا وقد يتضايق أبنائها أنها خرجت وضاعت وأوصلتهم للشرطه وأنا لا أعلم نفسياتهم تجاهها... ثم أنني لن أرضاها على نفسي أن كنت مكانها...

وكنت أضحك من قلب لأني أول مره أتعرض لمثل هذا الموقف وفي نفس الوقت أحببت هذه العجوز وأشفقت على حالها وسألت الله ألا أكون هكذا عند الوصول لسنها..

ثم قالت لي:"اتصلي 180" :telephone: ثم أعطتني اسم وطلعت لنا شغاله فأخذت الجوال مني:" من أنتي؟ أنا خدامتي مسافرة .. لا تاخذين شيء من غرفتي" فاخذت الجوال منها لتقول لي بأن الشخص مسافر من عدة ايام ثم اكتشفت أنه ليس الشخص المطلوب فقط تشابه أسماء..

فقلت لها:" يمه الاسماء اللي تعطيني مالها ارقام في كيوتل" فجأة تذكرت أن هناك شخص تتصل عليه وكل مره تأخذ الرقم من كيوتل فقالت لي:"اتصلي 180...:telephone: تعرفين تتصلين والا لا" قلت:"امبلى " واتصلت واعطيتهم الاسم واعطوني الرقم.

وتحدثت مع بنت ثم أعطيتها الجوال.. فقالت:"يمه أنا ضايعه ، أنا ضعت، تعالوا لي" أنا هنا بكيت وبكيت وبكيت :cry2: فعلا خنقتني العبرة..
وسمعت العجوز تقول:"رحت اجيب لي أغراض وضعت" قلت في نفسي:"أي عليج أي أغراض إلا كم من علبه صغيره حليب ولبن وقوطي روب " لا يتعدى المبلغ عشر ريالات لتضيع في الحر ساعات..

ثم أخذت الجوال من العجوز وبعد حوار طويل لأن ماتعرف تدلني بيت العجوز لأنه صعب الوصف فالبيوت التي بجانبه هدمت وبقي بيت العجوز الذي بنته لها الدوله...ربي يعزج بلادي

ثم طلبت من ابنتها إما أن أخذها لهم والا يدلوني بيتها والا أحد يجي يستلمها مني... الحمدلله جاء ابن ابنتها لآخذها ووفقت له امام مطعم:)

ثم حدا بي الفضول أن أعرف أين بيتها؟ وكم مشت هذه العجوز من أجل عشرة ريالات لتضيع في هذا الحر...

فاستأذنت منهم أن أتبعهم وحقيقة فقد شكرتني وباستني بقوة واحتضنتني وانا احببتها والله...:shy:

لحقت وراهم فإذا بيتهم ليس على وصف العجوز..إذ ليس به خطوط عنابيه كما قالت لي وأمامه شجرة كنار صغيره وليس نخله متوسطه وجيرانهم ليس لديهم بيت شعر... فلا أدري هل هو بيتها القديم كان كذلك واختلط عليها الأمر؟؟

وهنا أكتشفت أن البقالة قريبه من بيتها وسهل الوصول إليها ولكنها بعدما خرجت من البقاله قامت بقطع الشارع الفرعي إلى الشارع الرئيسي الى منطقة جديده عليها يعني مشت مايقارب الكيلو والبقاله لا تبعد عنها الا 200 متر... لا وكانت ماضيه في طريقها لولا رحمة الله بها أن سخرني أن أكون هناك في طريقها...

أسأل الله لنا ولكم ولأبائنا وأمهاتنا حسن الخاتمة... اللهم آمين

أحببت فقط أن أشارككم بقصتي هذه

جزاكم الله خيرا ودمتم في حفظ الله ورعايته

[الخزرجي قطر]

جزاج الله خير في ميزان حسناتك ان شاالله

[السنافية]

:weeping:
عورتي قلوبنا يا المسك
الله يجزاج خير
بميزان حسناتج يا رب

[intesar]

جزاج الله خير وكثر من أمثالج.. وربي يشفي لج عيالج

[بوسعود911]

الله يكثر من امثالج

[كاس العالم]

الله يرحم والديج يامسك وبيض الله وجهج

بس عليج انشاء يخربط هههههههههه


الله يجعله في ميزان حسناتج

[فارس الكلمة]

ربما بها شىء من الخرف خصوصاً في مثل هذا السن .

مثل هذه المرأة خطر عليها خروجها من المنزل ..

في أي فريج ..؟

[Right]

" المسك "

أنشهد فعلج طيب ... و إسم على مسمى

بيض الله ويهج وما قصرتي

يزاج الله مليوووووووووون خير

بتلقين الخير دنيا و آخره إن شاء الله

وما يشوفون شر أعيالج ... والله يخليهم لج

[المسك1969]

جزاج الله خير في ميزان حسناتك ان شاالله



وإياكم اسعدني مروركم:nice:

[المسك1969]

:weeping:
عورتي قلوبنا يا المسك
الله يجزاج خير
بميزان حسناتج يا رب

واياكم....وانا بعد والله كسرت خاطري...

اسعدني مروركم حفظكم الله:nice:

[المسك1969]

جزاج الله خير وكثر من أمثالج.. وربي يشفي لج عيالج

اللهم آمين وإياكم غلاي

اسعدني مروركم حفظكم الله:nice:

[المسك1969]

الله يكثر من امثالج

الله يجزاك خير

اسعدني مروركم حفظكم الله :nice:

[الأصيلة]

ماقصرتي يا المسك رايتج بيضا
والله يفرج لج كل هم ...
بعض العجايز فيهم عناد غريب...الله يهديهم...
إلا هم يسوون شغلهم بنفسهم وحتى لو عيالهم يساعدونهم...

ذكرتيني بأخوي الله يرحمه كان كله يوصل عجايز
المنطقة وشيبانهم لـ بيوتهم ليشافهم في الشارع...

[المسك1969]

الله يرحم والديج يامسك وبيض الله وجهج

بس عليج انشاء يخربط هههههههههه


الله يجعله في ميزان حسناتج


أمبيه وأنا عبالي اني مبدعه:cry2:... عيل بعتزل الفن:tease:

حياكم الله أخي الكريم وترى كنت أهاوش عيالي واسمع اللي يشتكي منهم وكتبتها ارتجاليه فخل الامر سر بيني وبينك ايه :secret:

اسعدني مروركم حفظكم الله :nice:

[مساهم فنان]

جزاؤك يا أختي إن شاء الله عظيم جدا ,لأنك متعبة ولديك ومريض ومعى ذلك ساعدت هذه المرأة ، وأي مساعدة ...
لك الأجر .
من يفعل المعروف لا يعدم جوازيه__ لا يذهب العرف بين الله والناس

[المسك1969]

ربما بها شىء من الخرف خصوصاً في مثل هذا السن .

مثل هذه المرأة خطر عليها خروجها من المنزل ..

في أي فريج ..؟


صحيح حفظك الله إنه خطر ويمكن بدايه خرف سبحان الله... بس ترى الانسان يحتاج وأن هو كبير أنه يظل يعتقد أنه يستطيع القيام بنفسه ولا يترك نفسه ينتظر الاخرين

وشيابنا والله فيهم هالطبع مايصبرون.. وأنا ابوي حفظه الله من هذا النوع فمثلا لو عنده موعد في حمد واقول له اني بوديه اتلاقيه طلع على الست وموعده على الثمان وبدون الدريول:taunt: فديتهم والله بس شنقول عاد... اهلنا

اسعدني مروركم حفظكم الله :nice:

[المسك1969]

" المسك "

أنشهد فعلج طيب ... و إسم على مسمى

بيض الله ويهج وما قصرتي

يزاج الله مليوووووووووون خير

بتلقين الخير دنيا و آخره إن شاء الله

وما يشوفون شر أعيالج ... والله يخليهم لج




اللهم آمين ومن قال حفظك الله

اسعدني مروركم حفظكم الله :nice:

[المسك1969]

ماقصرتي يا المسك رايتج بيضا
والله يفرج لج كل هم ...
بعض العجايز فيهم عناد غريب...الله يهديهم...
إلا هم يسوون شغلهم بنفسهم وحتى لو عيالهم يساعدونهم...

ذكرتيني بأخوي الله يرحمه كان كله يوصل عجايز
المنطقة وشيبانهم لـ بيوتهم ليشافهم في الشارع...


اللهم آمين ومن قال يالغلا... وعادي نوصل حريم في طريقنا بس يعرفون بيوتهم.. بس هي فديتها والله مضيعه من قلب وجاءت في وقت انا صج ما اقدر ابطل عيوني وقلت في نفسي سبحان من سخرني لها في هالوقت سبحانه.

اسعدني مروركم حفظكم الله :nice:

[المسك1969]

جزاؤك يا أختي إن شاء الله عظيم جدا ,لأنك متعبة ولديك ومريض ومعى ذلك ساعدت هذه المرأة ، وأي مساعدة ...
لك الأجر .
من يفعل المعروف لا يعدم جوازيه__ لا يذهب العرف بين الله والناس


نعم صدقت حفظك الله وأنا احتسبت الاجر فيها... وربي يأجرني ان شاء الله


اسعدني مروركم حفظكم الله :nice:

[استغفرالله]

جزاج الله خير وان شاء الله يسخر لج عباده ويرزقج بر اولادك

[المسك1969]

جزاج الله خير وان شاء الله يسخر لج عباده ويرزقج بر اولادك


اللهم آمين ومن قال حفظكم الله

اسعدني مروركم حفظكم الله :nice:

[فلور]

\




جزاج الله خير وكثر من أمثالج.. وربي يشفي لج عيالج

[Locale]

يزاج الله خير جعله فحسناتج

سبحان الله الله سخرج لها تساعدينها
والحمدلله الناس الطيبين مثلج وشرواج للحين موجودين

[المسافره]

جزاج الله خير ولكن يااختي مافيه داعي تعليقك على مشترياتها كان من الافضل عدم ذكر ذلك حتى يكتمل لك الاجر وياليت كل من لديه كبير سن ان يضع كرت به العنوان يوضع بدبوس بملابسه او على العبايه للنساء وعلى الجيب للرجال

الله يحفظهم يارب

[المسك1969]

\




جزاج الله خير وكثر من أمثالج.. وربي يشفي لج عيالج


اللهم آمين واياكم
اسعدني مروركم حفظكم الله :nice:

[المسك1969]

جزاج الله خير ولكن يااختي مافيه داعي تعليقك على مشترياتها كان من الافضل عدم ذكر ذلك حتى يكتمل لك الاجر وياليت كل من لديه كبير سن ان يضع كرت به العنوان يوضع بدبوس بملابسه او على العبايه للنساء وعلى الجيب للرجال

الله يحفظهم يارب

أخطأتي حفظكِ الله... والقصد من ذكر ما اشترت ليس التحقير والعياذ بالله... فاحسني الظن أخيه .. وكان القصد أنه من أجل اشياء بسيطه تظل العجوز ضائعه في الحر ... هي فقط أرادت أن تسعد نفسها بمثل هذا الامر يعني تشتري لروحها هذه المشتريات

اسعدني مروركم حفظكم الله :nice:

[المسك1969]

يزاج الله خير جعله فحسناتج

سبحان الله الله سخرج لها تساعدينها
والحمدلله الناس الطيبين مثلج وشرواج للحين موجودين


اللهم آمين وإياكم... شرواج الطيب

اسعدني مروركم حفظكم الله :nice:

[khaldoon]

جزاكي الله خير في ميزان حسناتك ان شاء الله

[بنQATARت]

مسكينة
الله يجزاج خير اختي ويشفي عيالج
هذي ايسمونها ام الديفان لين اضربت الواحد مايعرف اليمين من الشمال

[المسك1969]

السلام عليكم

حقيقة أنا لم أكتب القصة للمفاخرة .. فهي ليست من طبعي... والامر لا يستحق كل ذلك وهناك من يقوم بافضل مما قمت به

ولكن كان القصد أن نعتبر جميعا من امرين:
1) كيف أن الله يسخر ناس لناس في مكان وموقف حاجتهم سبحان الله
2) كيف يزرع الله في قلب هذا الانسان الصبر على التحمل ومساعدة انسان آخر

ثم يأتي أمر آخر وهو:

1) نقوم بآبائنا وأمهاتنا مهما اقتضى الامر منا وأن نعجل في قضاء حاجياتهم حتى لا نتركهم يقوموا به لنفسهم
2) أن نحرص أن كان لنا كبير في البيت وانشغلنا بعمل ما أن يكون معه من يكون في رفقته والجميع ولله الحمد قادر على ذلك ان شاء الله

وأخيرا وأن كنت قد ذكرت القصة فهي كالقصص التي تذكر للعبرة ولا اريدها من ورائها شكرا من أحد والأجر أنما من الله... فهو سبحانه يعلم النيه...حتى لا يعتقد البعض أمر غير ذلك

جزاكم الله خيرا

[Bin.Yousef]

في ميزان حسناتج ان شاء الله ..

[chillis]

الله يجزاج خير. وبميزان حسناتج

[بوخالد88]

الله يجزاج الخير

بالتوووفيق

[alfahad1]

احسن شي في القصه لما قالت بنسأل الجيران عن مكان بيتنا

كااااااااااااك

[مكتوم]

ماشالله عليكم اختي

جزاك الله خيررر ماقصرتوا وربي


تأكدي اختي الكريمة ان الصدفة ذي هي امتحان من رب العالمين
وانت اجتزتية بجدارة

[راقي]

جزاج الله خيرر

والله عورت قلبي بس ضحكت من قلب


لانه القصه هذي تقريبا بالظبط صارت مع اخووي وركب معاهـ شيبه ـ قايم من الصبح يبغي يشتري سااعه على قولته حق شيبه عندهم ذابحهم يبغي ساعه << ماشالله

[الخيالة]

كسرت خاطري والله
جزاج الله خير ماقصرتي
الله يحفظ أمهاتنا

[تاجر كشخة]

الله يجزاج خير اختي مسك ويعطيج العافية

[المسك1969]

جزاكي الله خير في ميزان حسناتك ان شاء الله


ويجزاك بمثله

اسعدني مرورك الكريم:nice:

[المسك1969]

مسكينة
الله يجزاج خير اختي ويشفي عيالج
هذي ايسمونها ام الديفان لين اضربت الواحد مايعرف اليمين من الشمال


الله المستعان

اسعدني مرورك الكريم:nice:

[المسك1969]

في ميزان حسناتج ان شاء الله ..



اسعدني مرورك الكريم:nice:

[المسك1969]

الله يجزاج خير. وبميزان حسناتج



وإياكم

اسعدني مرورك الكريم:nice:

[المسك1969]

الله يجزاج الخير

بالتوووفيق


وإياكم

اسعدني مرورك الكريم:nice:

[المسك1969]

احسن شي في القصه لما قالت بنسأل الجيران عن مكان بيتنا

كااااااااااااك



وأنا تفاجأت بكلمتها والله:eek5:

اسعدني مرورك الكريم:nice:

[المسك1969]

ماشالله عليكم اختي

جزاك الله خيررر ماقصرتوا وربي


تأكدي اختي الكريمة ان الصدفة ذي هي امتحان من رب العالمين
وانت اجتزتية بجدارة

والله ياليت الامتحان يكون كذلك حفظك الله


اسعدني مرورك الكريم:nice:

[المسك1969]

جزاج الله خيرر

والله عورت قلبي بس ضحكت من قلب


لانه القصه هذي تقريبا بالظبط صارت مع اخووي وركب معاهـ شيبه ـ قايم من الصبح يبغي يشتري سااعه على قولته حق شيبه عندهم ذابحهم يبغي ساعه << ماشالله


:funny: سبحان الله شلون يتسخرون لبعض وفي نفس الوقت شلون يفكر بدون مايخبر أحد ويطلع مجازف على أساس إنه يعرف
ربي يحفظ لنا أبهاتنا وأمهاتنا... اللهم آمين

اسعدني مرورك الكريم:nice:

[المسك1969]

كسرت خاطري والله
جزاج الله خير ماقصرتي
الله يحفظ أمهاتنا


اللهم آمين ... وإياكم يالغلا

اسعدني مرورك الكريم:nice:

[المسك1969]

الله يجزاج خير اختي مسك ويعطيج العافية



وإياكم

اسعدني مرورك الكريم:nice:

[المسك1969]

السلام عليكم

حقيقة أنا لم أكتب القصة للمفاخرة .. فهي ليست من طبعي... والامر لا يستحق كل ذلك وهناك من يقوم بأفضل مما قمت به

ولكن كان القصد أن نعتبر جميعا من امرين:
1) كيف أن الله يسخر ناس لناس في مكان وموقف حاجتهم سبحان الله
2) كيف يزرع الله في قلب هذا الانسان الصبر على التحمل ومساعدة انسان آخر

ثم يأتي أمر آخر وهو:

1) أن نقوم بآبائنا وأمهاتنا مهما اقتضى الامر منا وأن نعجل في قضاء حاجياتهم حتى لا نتركهم يقوموا به لنفسهم
2) أن نحرص أن كان لنا كبير في البيت وانشغلنا بعمل ما أن يكون معه من يكون في رفقته والجميع ولله الحمد قادر على ذلك ان شاء الله

وأخيرا وأن كنت قد ذكرت القصة فهي كالقصص التي تذكر للعبرة ولا اريدها من ورائها شكرا من أحد والأجر أنما من الله... فهو سبحانه يعلم النيه...حتى لا يعتقد البعض أمر غير ذلك

جزاكم الله خيرا


حياكم الله وبياكم وجعل الجنة مثوانا ومثواكم:nice:

[R 7 A L]

:(

تحزن السالفة

[المسك1969]

:(

تحزن السالفة


تحزن :weeping: وتضحك :funny:

اسعدني مرورك الكريم:nice:

[شيط ويط]

جزاج الله خير .. احس لحظات ممتعة وانتي تلفين فيها الشوارع بحثا عن بيتها ..

[رُفق المجنّا]

جزاش الله خير

أصيلة وبنت أجواد وهذا العشم في بنات البلاد

:nice:

[نــــظــــره]

ما شاء الله عليج اختي المسك يوم عن يزيد اعجابي فيج
ربي يحفظلج عيالج ويبارك فيهم

تسجيل حضور+ اعجاب :victory:

[ابن مانع]

جعل والدينج الجنه

[المسك1969]

جزاج الله خير .. احس لحظات ممتعة وانتي تلفين فيها الشوارع بحثا عن بيتها ..


:anger1: من صجك؟ لو كنت أتمشى ايه بس أنا كنت ألف ومصدعه من قلب بس والله لعيون هالعيوز الله يحفظها.

ترى كنا ننطرك في موضوع الاسم المستعار تقول لنا معنى اسمك وفي اعضاء خمنوا معناته ...

اسعدني مرورك الكريم حفظك الله:nice:

[المسك1969]

جزاش الله خير

أصيلة وبنت أجواد وهذا العشم في بنات البلاد

:nice:


أصلك الطيب ربي يحفظك

اسعدني مرورك الكريم حفظك الله:nice:

[المسك1969]

ما شاء الله عليج اختي المسك يوم عن يزيد اعجابي فيج
ربي يحفظلج عيالج ويبارك فيهم

تسجيل حضور+ اعجاب :victory:


تسلمين غلاي ربي لا يحرمني من اخلاقج الحلوه

اسعدني مرورك الكريم حفظك الله:nice:

[المسك1969]

جعل والدينج الجنه



آمين ومن قال

اسعدني مرورك حفظك الله:nice:

[alwahesh]

قصه عجيبه غريبه


ليش ما تتواصلين مع وداد الكواري تنفع قصه دراميه لرمضان


يقولون انها ما تقدم شي لهالسنه في رمضان لانها ما لقت سيناريوهات


جزاج الله الف خير وفي ميزان حسناتج ومرددوده ان شاء الله لج من عيالج او احفادج


صج الدنيا بخير دام امثالج فيها

مع العلم ان المسؤليه عليج كبيره وخاصه لو لا سمح الله صارع عليج حادث او ماتت موته طبيعيه في السياره

[nooora]

الله يجزيك خير يالمسك الله يعطيج الصحه والعافيه وفي ميزان حسناتك ويحفظك من كل سوء

[المسك1969]

الله يجزيك خير يالمسك الله يعطيج الصحه والعافيه وفي ميزان حسناتك ويحفظك من كل سوء


اللهم آمين وإياكم يالغلا

اسعدني مرورك الكريم حفظك الله:nice:

[nooora]

اللهم آمين وإياكم يالغلا

اسعدني مرورك الكريم حفظك الله:nice:

فديت اسلوج :) انا كله معصبه لما اكتب شي :shy:

[المسك1969]

قصه عجيبه غريبه


ليش ما تتواصلين مع وداد الكواري تنفع قصه دراميه لرمضان


يقولون انها ما تقدم شي لهالسنه في رمضان لانها ما لقت سيناريوهات


جزاج الله الف خير وفي ميزان حسناتج ومرددوده ان شاء الله لج من عيالج او احفادج


صج الدنيا بخير دام امثالج فيها

مع العلم ان المسؤليه عليج كبيره وخاصه لو لا سمح الله صارع عليج حادث او ماتت موته طبيعيه في السياره


الله يجزاك الجنة... ولكن حفظك الله لو فكرنا أنه ممكن يصير لأي انسان تحاول مساعدته شيء فوقتها ماراح انساعد أحد... والغيب حفظك الله لا يعلمه الا الله والاعمار بيده جل شأنه...

اسعدني مرورك الكريم حفظك الله:nice:

[المسك1969]

فديت اسلوج :) انا كله معصبه لما اكتب شي :shy:



ما أعتقد أنج تتنرفزين بدون سبب وأنا متأكده أن أشياء كبيره هي اللي تخليج تتنرفزين وتدرين غلط نقول عصبيه خلينا نقول نرفزه فديتج...
مثل الانجليز دوم عندهمnerves غير عن anger

تسلمين نوره
تقبلي أختج المسك1969 كأخت كبيره

:nice::nice::nice:

[nooora]

ما أعتقد أنج تتنرفزين بدون سبب وأنا متأكده أن أشياء كبيره هي اللي تخليج تتنرفزين وتدرين غلط نقول عصبيه خلينا نقول نرفزه فديتج...
مثل الانجليز دوم عندهمnerves غير عن anger

تسلمين نوره
تقبلي أختج المسك1969 كأخت كبيره

:nice::nice::nice:

حياج الله المسك :)

[سعود00]

بارك الله فيج وسبحان من سخرج حق هالعيوز المسكينه وكسبتي فيها أجر

أسأل الله العلي القدير أن يرزقك بر أبنائك في الدنيا وأن تعبرين بهذا الفعل الصراط إلى جناته جنات النعيم اللهم آمين

[المسك1969]

بارك الله فيج وسبحان من سخرج حق هالعيوز المسكينه وكسبتي فيها أجر

أسأل الله العلي القدير أن يرزقك بر أبنائك في الدنيا وأن تعبرين بهذا الفعل الصراط إلى جناته جنات النعيم اللهم آمين

اللهم آمين ..:weeping: أبكيتني والله بهذا الدعاء الطيب:weeping: ربي لا يحرمك أجره حفظك الله ورعاك


اسعدني مرورك الكريم حفظك الله:nice:

[بوعلي2]

بارك الله فيج ونفع بج

[المسك1969]

بارك الله فيج ونفع بج



اللهم آمين

اسعدني مرورك الكريم حفظك الله:nice:

[Thamer_Qat]

بارك الله فيج وفي ذريتج

وياريت حد من عيالها قرا سالفتج مع امهم هالعيوز المسكينه اللي هملوها في بيت بروحها واللي مثلها تكون في رعاية عيالها وحولها بدال الخادمة ثنتين وثلاث من اصحاب التخصص في العناية بكبار السن

صدق يوم قالوا

" تستطيع الأم ان تعتني بعشرة ابناء ولكن,,, العشرة ابناء لايستطيعون العناية بأم واحدة"

[Thamer_Qat]

بارك الله فيج وفي ذريتج

وياريت حد من عيالها قرا سالفتج مع امهم هالعيوز المسكينه اللي هملوها في بيت بروحها واللي مثلها تكون في رعاية عيالها وحولها بدال الخادمة ثنتين وثلاث من اصحاب التخصص في العناية بكبار السن

صدق يوم قالوا

" تستطيع الأم ان تعتني بعشرة ابناء ولكن,,, العشرة ابناء لايستطيعون العناية بأم واحدة "

[Miss]

جزااج الله خير المسك ..
والله يفررج كربتج وكربة كل مسلم

[المسك1969]

بارك الله فيج وفي ذريتج

وياريت حد من عيالها قرا سالفتج مع امهم هالعيوز المسكينه اللي هملوها في بيت بروحها واللي مثلها تكون في رعاية عيالها وحولها بدال الخادمة ثنتين وثلاث من اصحاب التخصص في العناية بكبار السن

صدق يوم قالوا

" تستطيع الأم ان تعتني بعشرة ابناء ولكن,,, العشرة ابناء لايستطيعون العناية بأم واحدة "


أخي الكريم عيالها وياها بس واحد مسافر والبنيه مادري وين كانت

اسعدني مرورك الكريم حفظك الله:nice:

[المسك1969]

جزااج الله خير المسك ..
والله يفررج كربتج وكربة كل مسلم


اللهم آمين ومن قال

اسعدني مرورك الكريم حفظك الله:nice:

[صرخة حجر]

أنا بعد صار معي نفس الموقف انت في اي منطقة لاقيتي العجوز انا لاقيتها بالخريطيات بس ما تكون هي بعد

[أسد الجزيرة]

جزاج الله خير

[ذيب ولد ذيب]

صحيح احيانا العجايز يضيعون والا ماتعرف توصف للدريول او الدريول جديد وضيع المكان فتقعد تنتظره فالحر وبعضهم يطلع للشارع عشان اذا شافها الدريول يوقف ,,

مره وانا ادور فالموتر الا عجوز تمشي الساعه 11 الظهر فالصيف والله اني ماقدرت وقفت لها مع اني ما احب اوقف للحريم لان بعضهم يتبلون عالرجل اللي مسوي فيهم خير , لكن يوم شفتها تمشي فذاك الحر وقفت لها وطلعت عجوز مفتحه وتدل البيت صح وقالت ان الدريول ضيع مكان المركز الصحي وهي اطلعت للشارع العام عشان يشوفها والمسافه الي مشتها مش بسيطه في ذاك الحر ,,

الله يستر عليهم ويحفظهم

[بوسلمان 2010]

الله يجزاكي كل خير اختي مسك والله يجعله في ميزان حسناتك وانتي الحين عرفتي بيتها لاتقطعينها ودوم


واصليها الله لايحرمك من اي غالي عندك والله انها اتعور القلب الله يسامح اعيلها لاكن كما تدين تدان ولو



بعد حين

[d522]

المسك

صج أسم على مسمى ... والله يرحم والديج يامسك وبيض الله وجهج

[Abdulraman]

الله يجزيج خير وكثر الله من امثالج

[شبح الصمت]

الله يجزاج الف خير

ارحم الله والديج

ويارب يوم الحساب تكونين تحت ظل شجره على هالفعل الطيب من انسانه طيبه بنت أياويد ..

صراحة قطعتي قلبي ما احب اشوف الشيبان والا العجيز في هالمواقف الي تعور القلب ..

الله يرحمنا برحمته يارب

[الـراسي]

جزاج الله خير في ميزان حسناتك ان شاالله

[شبح الصمت]

سؤال ..

شلي وصل حال هالعجوز انها تطــلع بنفسها ..

صراحة لوم كبير على هالابناء الي هاملين آباهم وآمهاتهم ....

وقسم بالله في ناس ناكره الجميــل ناكره الجميــل

ولاحدن يدافع ويقولي اطلعت من نفسـها وإلا ما يدرون ..

روب وكم قوطي حليب ليش الخدامه ما عطتها ليش يخلونها تطلع وهي بهالحالة ..

اختي المسك تكفين شلي شفتيه من نظـرة الناس الي خذوها نظرة شفـقه وشنو كان ردت فعل الي ردو عليـج ...

حسبي الله ونعم الوكيل في بعض العيال ..

اتقوا الله في اهاليكم ...

احنا مب احسن منكم بس هذولي امانة نفس ما كنا امانة في اعناقهم الحين اهم صاروا امانة في رقابنا ...


:anger1:

:anger1:

:anger1:

[لاجل QT]

جزاج الله خير

مرة صادنى نفس الموقف مع عجوز اللى يطول بعمرها..بس اشوة اطلعت دل البيت..
حصلتها واقفة في الشمس الظهر مووت حر قريبة من شارع بيتى على الشارع الرئيسي عاد انا ماصدقت اوصل البيت ..الا اشوفها..واسئلها قالت مافي تكسي يوقف لها..قلت لها اركبي انا باوصلج ..وصلتها مع ان بيتها بعيد بس ارتحت لما دعتلى دعوة حلوة اشرحت قلبي ونستنى التعب ..وعقب هالموقف انفرجت لى مشكلة ولله الحمد

بس الحين اشوف شياب رجل كبير في السن اقصد.. نفس المعاناة ..يصير اوصلهم لين ابيوتهم ولا مايصير؟؟؟؟؟؟؟؟؟؟؟؟..لانة رجل كبير ويعور القلب..:shy:

[شبح الصمت]

جزاج الله خير

مرة صادنى نفس الموقف مع عجوز اللى يطول بعمرها..بس اشوة اطلعت دل البيت..
حصلتها واقفة في الشمس الظهر مووت حر قريبة من شارع بيتى على الشارع الرئيسي عاد انا ماصدقت اوصل البيت ..الا اشوفها..واسئلها قالت مافي تكسي يوقف لها..قلت لها اركبي انا باوصلج ..وصلتها مع ان بيتها بعيد بس ارتحت لما دعتلى دعوة حلوة اشرحت قلبي ونستنى التعب ..وعقب هالموقف انفرجت لى مشكلة ولله الحمد

بس الحين اشوف شياب رجل كبير في السن اقصد.. نفس المعاناة ..يصير اوصلهم لين ابيوتهم ولا مايصير؟؟؟؟؟؟؟؟؟؟؟؟..لانة رجل كبير ويعور القلب..:shy:



يصير ..

بس على شرط مب نفس الشيبه الي عندج في التوقيع ..


:shy:

[راشد محمد]

عورتي قلوبنا يا المسك
الله يجزاج خير
بميزان حسناتج يا رب

[نــويصــر]

اول شي ما يجوفون شر عيالج...

وفي ميزان حسناتج انشاءالله...

وياخي مفروض عيلها يحطون لها تلفون
حتى لو ما تعرف تستخدمه بيفيدها في هالحالات...

[مضاربه]

عورت قلبي المسكينه على حسب كلامج مب عوده وايد يعني عندها القدره تروح تمشي لين الدكان بس المسكينه ضربتها ام الديفان وضيعت لو لقت المسكينه من يلبي حوايجها ومن يسولف وياها كان ماصادها النسيان المبكر الله يرحمنا برحمته رحم الله والديج اختي

[راسي براسك]

هههههههههه

يالبى قلبج الله يكثر من أمثالج ,,

حبيتج من القصه اللي التعبير فيها فنان

:nice:

[الفرحه]

في ميزان حسناتج ان شاء الله وان شاء مانتعرض حق هالموقف لما نكبر.

[جوهرة قطر]

في ميزان حسناتج ان شاء الله

بس بعد الواحد مايركب اى حد معاه وخصوصا انج بروحج

الدوحه ماعاد فيها امااان :(

[Abdulraman]

في ميزان حسناتج ان شاء الله

بس بعد الواحد مايركب اى حد معاه وخصوصا انج بروحج

الدوحه ماعاد فيها امااان :(

تقولج عجوز ولو كل واحد او وحده فكر مثلج ماقول الا على الدنيا السلام
الله المستعان

[شبح الصمت]

تقولج عجوز ولو كل واحد او وحده فكر مثلج ماقول الا على الدنيا السلام
الله المستعان



اخوي عبد الرحمن انا فهمت قصد اختي جوهره

اختي خانها التعبير ...

يعني اهي يمكن تقول المره تبي تسوي خير وينقلب شر الله لا يقول ...

يعني شفنا حالات ناس مالهم ذنب يجي واحد يوصل واحد وينقلبون والا يصير شر امبادل ما يقولون جزاه الله الف خير سوى خير يطالبونه بالديـه .. :weeping:

او اجي اوصل احد وعيالهم يهاوشوني والا يبتلون علي :(

امور كثيرة بس الانسان في الاول والاخير يحاول انه يسوي الشيء بالخفاء عشان محدن يعرفه وياخذ اجـره عند رب العالمين ودعوة صادقة من انسان محتاج تسوى ملايين هالدنيا ..

الله يجعلنا ممن يحسنون الظن فيهم يارب

[صرخة حجر]

الله يجزيك خير اختي
وانا تقريبا صار معي موقف مشابه لعجوز في الخريطيات بس ما تكون انت بعد في نفس المنطقة ويمكن تكون هي نفسها

[meme~qatar]

جزاج الله خير اختي

والحمدلله على سلامة عيالج

[عاشق الوكرة]

جزاج الله الف خير

وربي يحفظهم كبار السن البركة فيهم