(التملحس) عند المدراء و(الكبار) ..... هل هو ذكاء ام (مذلة)

[البدع]

أشتغلت في عدة شركات قطرية وعالمية

وشفت ناس (تتملحس) عند المدراء بشكل غير طبيعي

شفت ناس (تحضن) مدراء .. (واحد قدام عيني حضن باكستاني اول ماتم ترقية الباكستاني لمدير .. واتكلم جد ما امزح .. مدير باكستاني)

شفت ناس يجيبون هدايا للمدراء .. وطبعا هذا غير الضحك والتلمق والمدح والنكت

شفت ناس ضاربين صحبة وعزايم مع المدراء (ومع وزراء) ... واول ماشالوا (الوزير) محد قام يعطيه وجه من اغلب ربعه المتملحسين .. اما باقي الصحبة الصالحة فلا يزالون على ود معه)

اذكر قصة اني شفت واحد دخل عرض بين مجموعة من الشاب وجلس يتكلم مع ( وزير ال......) وجلس يضحك مع الوزير ويتملحس ويتملق, ويمدح بنفسه قدام الوزير بضحكات غريبة ... وسط دهشة اصحابه في العمل ... ووسط حنق واحد معروف عنه التملحس عند المدراء ... الصرحة منظر لم ارى اقبح منه في حياتي ... عيني عينك نفاق

سؤال؟

هؤلاء (المتملحسين) .. هل هم ذاكياء ويعرفون من اين تاكل الكنف؟ ام اذلاء ؟

هل بهم صفات مرجلة؟ ام هي سفالة؟

هل هذه هي حقيقة دنيا الوظائف ؟ ام ظاهرة وتزول

[khaleeji]

والله يالبدع ما ادري شاقول لك

نشوف المتملحسين وبكثره والكثير منهم اموره طيبه ,,,,,,,

اعتقد ان الي عايش باللواته ماهو بمرتاح في عيشته

[الأصيلة]

شفتهم في المدارس...
هم أغبى الأغبياء لأنهم مكشوفين ...ويفشلون صراحة...

[صعبة وصوفه]

خلاصة القول...

من حصل على وظيفة أو منصب بدون وجه حق(نتيجة التملحس أو غيره)
فلن يبارك الله له في رزقه، ولن يهنأ في عيشه، ومن لم يتب سيقضي بقية حياته ذليلا، مكسورا، متوترا، لا هيبة و لا محسوبية له في أعين الناس مهما زاد منصبه،،

اللهم إنا نعوذ بك من فتنة المال، ونعوذ بك من النفاق والغش،،

[استغفرالله]

اللي يعيش ياما يشوف شفنا منهم الكثير

[مساهم فنان]

في كل مكان وزمان يوجد هذا النوع.

[المسك1969]

color="purple"]هم أذكياء أذلو أنفسهم حفظك الله

هل بهم صفات مرجلة؟ ام هي سفالة؟

قد تكون ببعضهم مرجله ولكنهم صغروا أنفسهم بفعلهم هذا

هل هذه هي حقيقة دنيا الوظائف ؟ ام ظاهرة وتزول
[/color][/QUOTE]

هي دنيا الحقارة والمصلحه حفظك الله ولن يزول الامر حتى تنتهي الدنيا


ولكن أستغرب على مثل هؤلاء... ألا يعرفون أن من يحدثهم يعرف حركاتهم وطريقة تملحسهم... ألا يعرفون بأنهم لو تملحسوا قد لا يحصلون على مايريدون وان حصلوا عليه فقد لا يدوم لهم ان طار

الا يحسون في انفسهم احتقار لما يفعلونه ... الا يقولون في نفسهم والله مايستاهل اللي اسويه له من تملحس
الا يرون في التملحس عيب وخصوصا أمام الناس:anger1:


نعم أنا لا أحب من يتملحس ولكني اشفق عليه لأنه أهان نفسه واهله وابنائه :weeping:

جزاك الله خيرا على الطرح:nice:[/COLOR]

[ولد البدر]

كان عندنا واحد في المدرسة إذا جاء رئيس التعليم أو مسؤول في الوزارة يحط له العود والبخور ويجيب القهوة والشاي ويقعد حذاهم وضحك وسوالف وحتى المدير يطرش له عشاه لين بيته وماخذ راحته في المدرسة ويفصخ الغترة في الصف ويقعد وتربع على الطاولة ويدرس وهو فوق الطاولة ، وكل سنة كتاب شكر وامتيازات واحنا المكروفين كرف وشغل المدرسة على راسنا كله جيد جدا يعلنا في ذمة المدير

[البدع]

والله يالبدع ما ادري شاقول لك

نشوف المتملحسين وبكثره والكثير منهم اموره طيبه ,,,,,,,

اعتقد ان الي عايش باللواته ماهو بمرتاح في عيشته

اتفق مع كتبته

نعم (المتملحسين) ولو انهم (اذلوا) انفسهم ... الا ان امورهم طيبة

ليس كلهم ... اقدر اقول 80% منهم

وشخصيا استبعد انهم يعيشون في راحة بال ... خاصة اخر الليل لما يروح ينام بفراشه

[البدع]

شفتهم في المدارس...
هم أغبى الأغبياء لأنهم مكشوفين ...ويفشلون صراحة...

ياليت تكتبين قصص او امثلة لهم بالمدارس مثل ولد البدر

[البدع]

خلاصة القول...

من حصل على وظيفة أو منصب بدون وجه حق(نتيجة التملحس أو غيره)
فلن يبارك الله له في رزقه، ولن يهنأ في عيشه، ومن لم يتب سيقضي بقية حياته ذليلا، مكسورا، متوترا، لا هيبة و لا محسوبية له في أعين الناس مهما زاد منصبه،،

اللهم إنا نعوذ بك من فتنة المال، ونعوذ بك من النفاق والغش،،

عشت مع متملحسين

وشفتهم وهو ينافقون المدراء (واحد منهم يضحك مع مدير ويتصل فيه ومضبط معاه ... وقدامي ؤعقر ويغتاب هذا المدير ... بالعربي ينفخ الشباب على المدير عشان لا احد يضبط معاه ... خبيث)

ولكن لا اعرف ماهي نهاية هؤلاء المتملحسين

انتظر التاريخ لارى نهايتهم

وياليت الي عنده خبرة افضل منا يقولنا وش نهاية هذه الفئة

[البدع]

في كل مكان وزمان يوجد هذا النوع.

صحيح

ولكن زادوا في الفترة الاخيرة

هذا الذي اراه

والله اعلم

[البدع]

color="purple"]هم أذكياء أذلو أنفسهم حفظك الله

هل بهم صفات مرجلة؟ ام هي سفالة؟

قد تكون ببعضهم مرجله ولكنهم صغروا أنفسهم بفعلهم هذا

هل هذه هي حقيقة دنيا الوظائف ؟ ام ظاهرة وتزول
[/color]

هي دنيا الحقارة والمصلحه حفظك الله ولن يزول الامر حتى تنتهي الدنيا


ولكن أستغرب على مثل هؤلاء... ألا يعرفون أن من يحدثهم يعرف حركاتهم وطريقة تملحسهم... ألا يعرفون بأنهم لو تملحسوا قد لا يحصلون على مايريدون وان حصلوا عليه فقد لا يدوم لهم ان طار

الا يحسون في انفسهم احتقار لما يفعلونه ... الا يقولون في نفسهم والله مايستاهل اللي اسويه له من تملحس
الا يرون في التملحس عيب وخصوصا أمام الناس:anger1:


نعم أنا لا أحب من يتملحس ولكني اشفق عليه لأنه أهان نفسه واهله وابنائه :weeping:

جزاك الله خيرا على الطرح:nice:[/COLOR][/QUOTE]

يعطيك العافية على الاجابة على الاسئلة

ما اعتقد ان راي الناس يهمهم

[البدع]

كان عندنا واحد في المدرسة إذا جاء رئيس التعليم أو مسؤول في الوزارة يحط له العود والبخور ويجيب القهوة والشاي ويقعد حذاهم وضحك وسوالف وحتى المدير يطرش له عشاه لين بيته وماخذ راحته في المدرسة ويفصخ الغترة في الصف ويقعد وتربع على الطاولة ويدرس وهو فوق الطاولة ، وكل سنة كتاب شكر وامتيازات واحنا المكروفين كرف وشغل المدرسة على راسنا كله جيد جدا يعلنا في ذمة المدير

شكرا على المثال

انا من عشاق الامثلة والقصص

قصة عندي افضل من 1000 شرح

[nooora]

هذه الفئة تخاف على رزقه ومو مالشغل يبي يرضي مديره عشان يوافق له على اجازاته وطلباته، ويااااااااااااا كثرهم

[مها88]

مثل ما قالوا ..

واحد عندنا .. مسوي نفسه سبوس ..

طال عمرك .. وطال عمرج .. ومشتغل لهم أبد تقول .. فرّاش ولوتي ..

وحطوه .. مسؤول .. وتدري ..

وما يقدر يطالعنا .. عين بعين .. /// عااارف إننا كاشفينه ~

وهم مستغلينه آخر استغلال >>>> حسبي الله عليهم ~

[البدع]

مثل ما قالوا ..

واحد عندنا .. مسوي نفسه سبوس ..

طال عمرك .. وطال عمرج .. ومشتغل لهم أبد تقول .. فرّاش ولوتي ..

وحطوه .. مسؤول .. وتدري ..

وما يقدر يطالعنا .. عين بعين .. /// عااارف إننا كاشفينه ~

وهم مستغلينه آخر استغلال >>>> حسبي الله عليهم ~

ممكن توضحين اكثر عن هذا اللوتي

ممكن تفاصيل اكثر عنه

كيف مستغلينه

كيف مرزل في نفسه

كيف يتملحس

كيف ينافق

؟؟

[مها88]

ووحدة بعد .. يدرون بها .. من ذوات التمحلس ..

مخلينها .. مثل المطراش // تتصل بالناس وتهاوشهم وتزفهم ~ عنهم ~

حتى نصاص الليالي يتصلون بها .. هق هالمهام .. اللي ما تنذكر !!!

وطول وقتها وعلى لسانها .. عشان خاطرك ويسلم راسك .. وكله لعيونك ..

وربي يسلم أم فلان وأبو فلان ..

وهي من داخل .. تسب وتلعن ..

عافانا الله من هذه المخلوقات !!

[مها88]

ممكن توضحين اكثر عن هذا اللوتي

ممكن تفاصيل اكثر عنه

كيف مستغلينه

حق المطاريش // إذا يبون يزينهم ويعدلهم قدام فلان وعلان >>>> لأنه عنده موهبة السجع والجناس في الحكي >>> طال عمرك ~

كيف مرزل في نفسه؟

أي حد يجي مهما كانت مهمته أو وظيفته يقوم يخدم عليهم ويجيب لهم القهوة والحلاوة .. ويتخلى عن كرسيه ويقعدهم .. ويتم واقف على ريوله ويحاكيهم وراسه تحت ~

كيف يتملحس ؟؟

هذا لك وعشان خاطرك بس .. وأنا حاضر باللي تبيه .. تبينه ..وكل شوي ناقز .. وموديلهم شغلة .. إنها من تصميمه واختراعه وبنات أفكاره ..
كيف ينافق ؟؟

حتى القرارات والمهام الخاطئة والتي تضر الخلق ...>>> يقف فيها معهم ويزينها لهم وإن ما قاموا به صح ..

ومستعد يوقف معهم على الغلط .. ضد الحق ..
ولديه قدرة فظيعة .. على التأليف والافتراء ..

*****


؟؟

الله يهديه ويصلحه ~

[Bin Hood]

سؤال ؟

تفضل

هؤلاء (المتملحسين) .. هل هم ذاكياء ويعرفون من اين تاكل الكنف؟ ام اذلاء ؟

اذكياء لاء طبعاً او ماله علاقة بالذكاء , نعم يعرفون من اين تأكل الكتف وفي نفس الوقت اذلاء

هل بهم صفات مرجلة؟ ام هي سفالة؟

سفالة طبعاً

هل هذه هي حقيقة دنيا الوظائف ؟ ام ظاهرة وتزول

نعم هذه هي دنيا الوظيفة




احب اضيف مثال بسيط ان عندنا موظفة دوم توصل كلام حق المدراء الي فوق بالاضافة الى تلفيق اتهامات عن الموظفين , خلال 4 سنوات تقريبا سنويا تحصل ترقية مع زيادة محترمة في الراتب خلال هالسنوات راتبه زاد 60% غير البونسات المضمونه . على العموم بعض الي وياها طلعوا من الشغل لان حصلوا وظايف احسن بكثير .

[سهم نيشان]

المشكلة ليست في الشخص المتملحس نفسه
المشكلة في المدير او المسؤوال الذي يُؤثر فيه التملحس

أعرف مدير في كيوبي قطري كانوا يتملحسون عنده يوميا ويجيبونله هدايا وساعات رولكس بس هو ما يهمه ولا كان ياخذ الهدايا

[بوخالد88]

اخوي بالنسبة لي كان هالشي جدام عيني يصير في الشغل من البداية كان موظف عادي

خريج جامعة قطر وكان التملحس لين ابعد درجة مع الرجال الكبيرر حتي لدرجة البريد

مايخلي الفراش يوصله لا هو بروحة ياخذة بيدة ويودية له المشلكة مكتب الرجال مب في

نفس الطابق ، ومشغل نفسه مطراش علشان يوصل له ويضحكة اشوي ، لما وصل وحصل

مدير ادارة وهو مايعرف انجليزي عدل وراح علي حساب الشغل لغة مدة سنة برع قطر

واخترعو له ادارة جديدة لانه الرجال حبه علي انه شغال تبع كلووه يفرش زللل ويبخر

وووو .، والكل يدري عنه وعن اسلوبه والكل مستحقرة الصراحة .


بالتووووفيق*

[intesar]

هؤلاء أذكياء.. فقط عند من شاكلهم
نعم للأسف هي حقيقة من يريد الاعتلاء بسرعة..
اليوم من يعمل ويجتهد ويراعي الله سبحانه وتعالى.. بقي في مكانه.. والعكس صحيح..

أتمنى لتلك الظاهرة السفيهة ومن أصحابها الأغبياء.. أن لا يبقى لهم أثر..

دمتم بود..

[w4rr10r]

هم يطبقون مبدأ الغاية تبرر الوسيلة يعني مآهمه شيء ويحطون في بالهم جمله مفيده :
لايجدي ان يكون المرء شريفاً دائماُ.
وفي الغالب امورهم مآشية وعلى افضل حال .. اما عن النهآية صعب تحطهم كلهم في سله وآحده ..

[هبوب الكوس]

مانشره او نلوم المتملحس

أنلوم اللي رزه ونصبه في مكان

بس علشان قاله طال عمرك وشل البشت وركض وراه

وفتحله باب السيارة

[اسعاف]

المتملقين أذلاء صغار

وإن وصلوا إلى أعلى المراتب

[chillis]

هذولي ناس بالنسبه لي بدون كرامه يحبون يصعدون على اكتاف الغير بالنفاق والكذب

[لطيف الروح]

الطيور على اشكالها تقع. يعني اي مسئول يقرب حوله هالنوع من البشر ( المتملحسين ) تأكد انه هو في الاساس (متملحس) مثلهم. هي سلسلة لا تنتهي

[toomi9]

الي يسوي جيه مب ريال مع احترامي للجميع ولا عنده شخصيه مستقله بنفسه
دام يسوي نفسه ارقوز جدام الي يسوى والـي ما يسوى

[مها88]

الطيور على اشكالها تقع. يعني اي مسئول يقرب حوله هالنوع من البشر ( المتملحسين ) تأكد انه هو في الاساس (متملحس) مثلهم. هي سلسلة لا تنتهي

إي والله صج // صح لسانك ..

:nice:

[khaleeji]

البدع تكلمنا عن المتملحسين

وشتقول عن المسؤولين الي مبسوطين على المتملحسين ومقربينهم,,,,,انا اعتبرهم اغبياء لانه من يطلع من منصبه ماراح يشوف حد منهم

المسؤول المخضرم هو الي يطردهم,,,,,,,شوف عيني مسؤولي في العمل جاب له موظف مقيم هديه لما رجع من بلاده

قال له مشكور ولكن خذ هديتك ما اقدر اقبلها,,,,,,ويوم سالته قال اذا قبلتها بتنحسب علي ولااقدر ارده اذا طلب شي

[ولد البدر]

شكرا على المثال

انا من عشاق الامثلة والقصص

قصة عندي افضل من 1000 شرح
أشكرك أخوي على مرورك وتعليقك ومشاركتك لأن بصراحة شي يقهر أيام الاختبارات اداوم في النهار والعصر والليل إلى الساعة 12 أحيانا والأخ ياكلها بارده مبرده لأنه هو هوايته الطباخ وتارس بطن المدير وضامن كل شي لو بغلط المدير يضحك له

[اللورد]

التملحس درجات ,,,
واحد يتملحس عند رئيس قسم
و واحد يتملحس عند مدير ادارة
و واحد يتملحس عند وكيل وزارة
و واحد يتملحس عند وزير
والتملحس فن ودهاء لايتقنه الكثيرون
والتملحس موشرط ان الانسان يذل نفسه لمسئوله
وانا من كلامي التملحس لا اؤيده على الاطلاق بس هو موجود بكل مكان من حولنا.
وهناك ناس متعلمين عندهم خطة استراتيجية للتملحس بعيده المدى ومتوسطة المدى ولها اهداف وتتكون من مراحل وتتغير على حسب الظروف.
احيانا يكون التملحس زيادة الانتاجيه في العمل بهدف لفت نظر المسؤول ويكون وقتي فقط الى ان يصل المتملحس لأهدافه الشخصيه.

[khaleeji]

^
صح لسانك,,,,, يالعم للحين قاعد!

[البدع]

احب اضيف مثال بسيط ان عندنا موظفة دوم توصل كلام حق المدراء الي فوق بالاضافة الى تلفيق اتهامات عن الموظفين , خلال 4 سنوات تقريبا سنويا تحصل ترقية مع زيادة محترمة في الراتب خلال هالسنوات راتبه زاد 60% غير البونسات المضمونه . على العموم بعض الي وياها طلعوا من الشغل لان حصلوا وظايف احسن بكثير .

نفس الشيء

الي كان معاي بالشركة ويتملحس عند المدراء ينقل كلام

كل ما ضاوفه اتذكر العقرب او الحية الرقطة

[البدع]

المشكلة ليست في الشخص المتملحس نفسه
المشكلة في المدير او المسؤوال الذي يُؤثر فيه التملحس

أعرف مدير في كيوبي قطري كانوا يتملحسون عنده يوميا ويجيبونله هدايا وساعات رولكس بس هو ما يهمه ولا كان ياخذ الهدايا

نفس الشيء

اعرف مدير في شركة غاز يتسخدم نفس الاسلوب

انسان امين

الله يحفظه

[حسن]

البدع هل الاشكال يسمونهم بش مرقه

[البدع]

اخوي بالنسبة لي كان هالشي جدام عيني يصير في الشغل من البداية كان موظف عادي

خريج جامعة قطر وكان التملحس لين ابعد درجة مع الرجال الكبيرر حتي لدرجة البريد

مايخلي الفراش يوصله لا هو بروحة ياخذة بيدة ويودية له المشلكة مكتب الرجال مب في

نفس الطابق ، ومشغل نفسه مطراش علشان يوصل له ويضحكة اشوي ، لما وصل وحصل

مدير ادارة وهو مايعرف انجليزي عدل وراح علي حساب الشغل لغة مدة سنة برع قطر

واخترعو له ادارة جديدة لانه الرجال حبه علي انه شغال تبع كلووه يفرش زللل ويبخر

وووو .، والكل يدري عنه وعن اسلوبه والكل مستحقرة الصراحة .


بالتووووفيق*

اخترعوا له ادارة ؟؟؟

اوه ... هذي ظاهرة منتشرة في قطر ؟؟

شفتها ببعني في شركة ؟؟

اخترعوا لمكوظف ادارة عشان يتراسها

[البدع]

هؤلاء أذكياء.. فقط عند من شاكلهم
نعم للأسف هي حقيقة من يريد الاعتلاء بسرعة..
اليوم من يعمل ويجتهد ويراعي الله سبحانه وتعالى.. بقي في مكانه.. والعكس صحيح..

أتمنى لتلك الظاهرة السفيهة ومن أصحابها الأغبياء.. أن لا يبقى لهم أثر..
دمتم بود..

النظام الوظيفي في قطر تحسن

ولكن مع هذا ... السفهاء زاد حظهم كثيرا وزادت قوتهم

شخصيا مؤمن بقرب زوال عهدهم مع بداية نهضة ثقافية تستحقرهم

[البدع]

مانشره او نلوم المتملحس

أنلوم اللي رزه ونصبه في مكان

بس علشان قاله طال عمرك وشل البشت وركض وراه

وفتحله باب السيارة



كلام جميل
يستحق اللون الاحمر

[البدع]

هذولي ناس بالنسبه لي بدون كرامه يحبون يصعدون على اكتاف الغير بالنفاق والكذب

هو في احد شيع الامة العربية وشعوبها غير هؤلاء الي ماعندهم كرامة

[البدع]

الطيور على اشكالها تقع. يعني اي مسئول يقرب حوله هالنوع من البشر ( المتملحسين ) تأكد انه هو في الاساس (متملحس) مثلهم. هي سلسلة لا تنتهي

من خلال خبرة شخصية مع هذي الاشكال

فلا اتفق معك

[لطيف الروح]

من خلال خبرة شخصية مع هذي الاشكال

فلا اتفق معك

هل كيف اخوي