خليفه الرميحي نبي مثلك من عيال البلد وقواك الله

[Thamer_Qat]

والله ماتربطني معاه علاقه بس افتقدنه قطريين اصليين يتكلم من قلبه وبعفويه وجريب من قلوب اهل قطر وخاصه العيياز والشيبان وحتى باقي فئات المجتمع والأجانب
وبصراحه له حضور جيد و واجب نشجعه
و على قولته قواك الله
وانقول له قواااااك الله يالرميحي:nice:

[Dawn]

من هو خليفه الرميحي ؟

[Thamer_Qat]

اعلامي ومذيع بدا يطلع مع حسن المهندي في كشات والحين يطلع في برامج على الهوا وخاصه اسواق الخضره والسمك
وانا اقول والنعم فيه وفي اللي مثله

[الأصيلة]

من هو خليفه الرميحي ؟

http://www.gifs-paradise.com/animated_gifs/question-marks/animated-gifs-question-marks-07.gif

[£عبدالعزيز£]

اول برنامج تابعته له ما عجبني ابدا لانه كان مختص بمهرجان الاغنية

وكان يسوي لقاءات مع الجمهور من الجنسين

لكن عقب تغيرت نظرتي له لما شفته يسوي تقارير عن المطاعم في قطر

ويدخل ويسال عن كل صغيرة وكبيرة ويسوي لقاءات مع اللي يشتغلون فالمطعم

ومع اللي جايين ياكلون ويقارن بين اسعار المطعم السابقة والحالية

فالافضل انه يستمر في هالمجال احسن له من المصخرة اللي في مهرجان الاغنية

خصوصا انه ما شاء الله عليه مبدع في تقاريره

..

والله يوفقه

[Thamer_Qat]

اول برنامج تابعته له ما عجبني ابدا لانه كان مختص بمهرجان الاغنية

وكان يسوي لقاءات مع الجمهور من الجنسين

لكن عقب تغيرت نظرتي له لما شفته يسوي تقارير عن المطاعم في قطر

ويدخل ويسال عن كل صغيرة وكبيرة ويسوي لقاءات مع اللي يشتغلون فالمطعم

ومع اللي جايين ياكلون ويقارن بين اسعار المطعم السابقة والحالية

فالافضل انه يستمر في هالمجال احسن له من المصخرة اللي في مهرجان الاغنية

خصوصا انه ما شاء الله عليه مبدع في تقاريره

..

والله يوفقه



ياريته معانا ويشوف النقد والمديح

واشكرك على المداخله

[R 7 A L]

للأمانه لا أعرفه


ولكن وبما انه في بداية الطريق ويخدم بعمله أبناء الوطن فيستاهل المدح والثناء



قواه اللـٌـًـٌـًهِ

[sara jsm]

انسان عفوي واسلوبه جميل ,,
ان شاءالله يستمر ومانفقده مثل مافقدنا بوعلي ,, :)

الله يوفقه يارب ,,

[بوخالد88]

اي الله يوفقه ان شاء الله

بالتووووفيق

[موووج قطر]

الاختلاف في الراي لا يفسد من الود قضيه ..
:
الله يعطيه العافيه ..
بس مايعجبني اسلووبه ..
احس انه محتاج اكثر تمارين على مثل هذي البرامج اللي تعبر عن الوطن و المواطن

[Rashid554]

تعجبني عفويته بالتقديم

http://www.raya.com/arts/radiotv/PublishingImages/%D8%AD%D9%82%D9%82%D8%AA-%D8%A8%D8%B9%D8%B6%2002-07-2011.jpg

[.. الكاش ..]

انا احب اداءة واسلوبه حلو واستانس على مقابلته

[مكتوم]

يعجبني خليفه

مثال للشباب القطري المحتررم

ورووووووح يا بودعيج درربك خضرر

[بوعلي2]

يعجبني الرميحي

عفوي جدا

اتمنى له التوفيق

[الأصيلة]

أهاا الحين تذكرته..أول مرة أدري إن اسمه خليفة...
مرت شفت بالصدفة برنامج في التيلفزيون العصر
مسابقات في اللاند مارك..ياليته بس مايقدمه
برنامج هابط بمعنى الكلمة وتقليدي وماله أي معنى
وخاصة اشتراك ها الحريم اللي واقفين حوله كأنهم ماشافوا خير
وايد عليه الشباب والأولاد الصغار..وإلا الهنود والبنغال اللي واقفين يتفرجون..
وإلا الأسئله سين جيم...
صراحة الفكرة مغبرة كلش وقديمة وتفشل...
الله يوفقه في برنامج ثاني أفضل...أعتقد هذي أفكار تيلفزيون قطر البالية...

[almaf1a]

راحت هيبته وذبل بريقه من يوم ما قام يسوي مقابلات ويراكض ورى الشقر في مهرجان الاغنية
شحلاته وسط الجدور والمواعين في سوق واقف

[المسك1969]

السلام عليكم

نعم ذكرته بعدما وضع أحد الاعضاء الصورة... فانا رأيته وهو في سوق السمك يعمل لقاء وأعجبني انه عفوي ومتواضع في التعامل مع القطري أو الاجانب .. لكن الملاحق اللي قال عنها بعض الاعضاء ما شفتها الحمدلله

ولكن على المذيع (اتكلم بشكل عام) إن أراد أن يكسب حب الناس بعد حب الله :

1) أن يحافظ على سمعته ويجعلها مثل الذهب
2) أن يقرأ كثيرا
3) أن يجيد التعامل مع الفئات المختلفه
4) أن يكون رزينا في سلوكه وعاقلا وفاهما عند كلامه.
5) أن يزن الكلمة التي تخرج منه فهو محاسب عليها أمام الجمهور بعد الله ثم ينتبه لكل كلمة تقال له وأن كانت تعليق فهي تكون دليل على مدى نباهته وفطنته وقدرته على الرد عليها
6) أن يكون لبق في كلامه لا تخرج منه الا الكلمه الطيبه حتى في وقت غضبه حيث أن مهنة المذيع تستدعي الصبر كما هي مهنة الطبيب والمعلم وإن كان الوصف بعيدا بعض الشيء...
7) أن يعي المذيع أن حب الناس غاية لا تدرك وأن هناك من سيكون ضده أما لنزاهته في العمل أو لفساده وسمعته السيئه فليختر أيا منها وليمض على أساسها ولكن أن يتخذ النزاهة طريقة فمحبيه من البشر سيكون أكثر ورب البشر هو الاعظم الذي عليه ان يتبع حبه
8) أن يتقي الله في دينه وفي نفسه وفي المجتمع الذي هو منه... لأنه اعلامي فقد يزيد في فجور المجتمع وفساده وقد يصلح منه ويزيد الخير فيه.. ولنا مذيعين في هذا المجال كُثر وخصوصا في إذاعة القران الكريم

جزاكم الله خيرا وأتمنى أن يصله ما كتبت

[tarkan]

الله يعطيه العافيه إحنا نشجعه ولدنا يستاهل

[مضاد]

خليفة الرميحي .


قطري اصيل طبيعي في التعامل من غير تصنع وتكلف وتمثيل , غير هذا صاحب برنامج هادف

يلامس واقعنا ونقل معاناة اهل قطر ومشاكلهم اليوميه .



يعجبني ... الرميحــــــــــــــــي .

:nice:

[(بوطلال)]

لك عليه خصوصا انه مايقول لا لأي برنامج سواء اغاني او غيره .لكن في الاخير نقول الله يهدينا ويهديه

[رجل الجزيرة]

هو إنسان عفوي وعلى فطرته الطيبة وجزاه الله خير بس مثل ما قالوا الأعضاء - بارك الله فيهم - الأفضل له إنه ما يقدم مسابقات في الأماكن المكشوفه والتجمعات بس هو له برنامج عن الكشتات وسوالف البحر والبر، يدخل على الناس إلى في البر ويحط لقاء معهم.

[المحقق كونان]

انسان محترم و طيب و عفوي في اسلوبه

يقدم لقائات في سوق الخضرة و السمك و يسئل البايعيين و المشترين عن الاسعار

و بعد له برنامج في رمضان يروح المطاعم و المحلات و الاسواق

و له برنامج كشات للبر و البحر و يزور الناس و يتحاور معاهم

اتمنى له التوفيق و ان شاء الله نشوفه في رمضان الجاي :)

[البوررصة]

انا لما اسمعة احسة يعكينا اللكنة الاصلية لهل قطر ..

[qatarya-vip]

انسان محترم وعفوي
ويمكن لأنه ببداياته مايرفض اي برنامج لكني اتوقع له مستقبل قوي وخاصه البرامج القطرية البحتة يعني مثل تقاريرة عن سوق واقف والخضرة وسيلين وغيره من هاالبرامج الحلوة

[روح الاطلس]

انا حسبته مذيع قديم

صراحة ماعرفته الا من برنامج نسايم صيف في اللاند مارك

البرنامج حلو

بس مدري ليه يعطي كل متسابق ثلاث اسئلة وبالاخير كلهم فايزين :) خلاص سؤال واحد ويكفي

ولو سووا البرنامج في الستي او فيلاجيو كان احسن من اللاند لان احس هالمول صار مهجور

بس المذيع محترم وطيوب وله مستقبل اذاعي وغير مرتبك او مختبص بالعكس ممتاز والبرنامج حلو وخفيف

واستغربت ان المخرج حسن الساعي :) << صار مخرج ياحليله

[almaf1a]

واستغربت ان المخرج حسن الساعي :) << صار مخرج ياحليله

هناك شخصين باسم حسن الساعي
حسن الساعي المقدم وحسن الساعي المخرج
من زمان وهو مخرج

[التيما]

ممتازززز ومن قلب .. وخساره في التلفزيون .. انسان عنده سرعه بديهة وتصرف ماشاء الله عليه .. اذكر في مهرجان الاغنية كان يسوي لقاء مع ناس قدامي وانا صادة عن فلاش الكاميرا وماشاء الله عليه انتبه ووجه الكميرا مان يغير مكانه وبنفس اللحظه يكلم الضيوف مب متدوده ويتلعثم ..

صراحة من اكفأ المذيعين اللي شفتهم

[محمد]

ماشفت له شي غير في جبرت السمج

[مخطط قطري]

عجبني مره كان يتكلم من قلبه عن غلا الاسعار وكان يناشد المسؤلين الكبار يتدخلون نبي مثل هالمذييعن وانا عندي ثقه انه يقرا ويشوف الي ينكتب في المنتديات ونعم فيه ومذيع ممتاز وقواه الله وهو مشروع مذيع كبير
وبصراحه هو عندي احسن من حسن الساعي بوايد شجاب لين جاب الله يهداكم بس

[مساهم فنان]

قطري أصيل ... كلامه أصيل قطري بدون دخول الكلمات الدخيلة .... يعجبني ... وهو يصلح للبرامج التراثية والبرامج الخاصة بالقطريين .
ياه يرد الواحد إلى السبعينات والثمانينات.
الله يوفقه .

[Thamer_Qat]

عجبني مره كان يتكلم من قلبه عن غلا الاسعار وكان يناشد المسؤلين الكبار يتدخلون نبي مثل هالمذييعن وانا عندي ثقه انه يقرا ويشوف الي ينكتب في المنتديات ونعم فيه ومذيع ممتاز وقواه الله وهو مشروع مذيع كبير
وبصراحه هو عندي احسن من حسن الساعي بوايد شجاب لين جاب الله يهداكم بس


مرحبا اخوي مخطط قطري ومشكور على المداخله الطيبه
وياخوي سواء حسن الساعي ولا الرميحي ولا الكواري ولا الهاجري وخالد جاسم وباقي المذيعين والنعم فيهم كلهم وترى كلهم عيال ديرتنا واخوانا وشباب فيهم خير لبلدهم و واجب علينا نشجعهم وننبهم لأخطائهم وترى مب من كثرهم وانا اخوك وتراهم مب ناقصين تحطيم

ويامرحبا:nice:

[بوغانم995]

الصراحة ....راحه .....هو انسان لا يعرف اليأس له طريق .....عمل في التلفزيون من بدايته وصبر وطور نفسة بمحض إرادته ......وصبر على ظيم والغبن بين الموظفين .......حتى حضى بفرصه مع المهندي ....ومن ثم تسند له دور فبرع قيه .......هو انسان عفوي وحبوب وصاحب فزعه ....يخدم الغريب والبعيد بدون مقابل .... ...حقظه الله من كل مكروه ..........و يستاهل الناموس .....وبسسسسسس

[عسل الدوحة]

الله يعطيك العافيه يا اخ خليفه الرميحي

بس لو في تشجيع من الاذاعه والتلفزيون للشباب القطري جان شفنا اكثر المذيعين من عيالنا

المشكله يقعدون لهم ع الوحده .......يعني حسن الساعي الصراحه ممتاز ومن يوم هو صغير وهو ف

هالمجال ....بس شوفوا ايش صار فيه


ع العموم الله يوفق شبابنا

وعطوهم فرصه يثبتون نفسهم ف كل المجالات .... مب حلال للاجانب وحرام ع عيال البلد

[جلمود]

أهاا الحين تذكرته..أول مرة أدري إن اسمه خليفة...
مرت شفت بالصدفة برنامج في التيلفزيون العصر
مسابقات في اللاند مارك..ياليته بس مايقدمه
برنامج هابط بمعنى الكلمة وتقليدي وماله أي معنى
وخاصة اشتراك ها الحريم اللي واقفين حوله كأنهم ماشافوا خير
وايد عليه الشباب والأولاد الصغار..وإلا الهنود والبنغال اللي واقفين يتفرجون..
وإلا الأسئله سين جيم...
صراحة الفكرة مغبرة كلش وقديمة وتفشل...
الله يوفقه في برنامج ثاني أفضل...أعتقد هذي أفكار تيلفزيون قطر البالية...

اجل وش ودك يقدم , أي نوع من أنواع البرامج !!

وله برنامج يتكلم عن غلاء الاسعار , ويحن على أهل قطر

شكلك ودك بمذيع مثل جورج قرداحي

أتحفينا برايك!

[fra]

قواه اللـٌـًـٌـًهِ

[المتألق]

اجل وش ودك يقدم , أي نوع من أنواع البرامج !!

وله برنامج يتكلم عن غلاء الاسعار , ويحن على أهل قطر

شكلك ودك بمذيع مثل جورج قرداحي

أتحفينا برايك!

اعتقد قالت رايها بصراحه والمفروض بما انك مراقب الحوار العام تتقبل الراي والراي الاخر

وجوج قرداحي من افضل المذيعين في الوطن العربي شأت ام ابيت

وهي تقول ياليت يكون هناك برامج غير مستهلكه تكون بفكره جديده فقط

[الأصيلة]

اجل وش ودك يقدم , أي نوع من أنواع البرامج !!

وله برنامج يتكلم عن غلاء الاسعار , ويحن على أهل قطر

شكلك ودك بمذيع مثل جورج قرداحي

أتحفينا برايك!

والله لايعجبني جورج قرداحي ولاغيره...
بس البرنامج تقليدي ومكرر...
ومنظر الحريم وهم يجاوبون الأسئلة واقفين جنب السور..صراحة مب حلو..
المفروض يكون ابتكار وإبداع في الإخراج وتغيير الأفكار..
وهو ماعليه لوم...اللوم على تلفزيون قطر..

[جلمود]

والله لايعجبني جورج قرداحي ولاغيره...
بس البرنامج تقليدي ومكرر...
ومنظر الحريم وهم يجاوبون الأسئلة واقفين جنب السور..صراحة مب حلو..
المفروض يكون ابتكار وإبداع في الإخراج وتغيير الأفكار..
وهو ماعليه لوم...اللوم على تلفزيون قطر..

يجوز أنه مايعجبك !

[الأصيلة]

يجوز أنه مايعجبك !

البرنامج هو اللي مايعجبني ..
مش المذيع...وقلت بالأول ياليت مايقدمه...
لأن فكرة البرنامج قديمة ومنتهي تاريخ صلاحيتها...
وياكثر ماتتكرر في تيلفزيون دبي...

[الأصيلة]

اعتقد قالت رايها بصراحه والمفروض بما انك مراقب الحوار العام تتقبل الراي والراي الاخر

وجوج قرداحي من افضل المذيعين في الوطن العربي شأت ام ابيت

وهي تقول ياليت يكون هناك برامج غير مستهلكه تكون بفكره جديده فقط

http://platform.ak.fbcdn.net/www/app_full_proxy.php?app=6009294086&v=1&size=o&cksum=d4b2cf2ba79f70d71c1940e8116a22e4&src=http%3A%2F%2Fwww10.0zz0.com%2F2011%2F05%2F31%2 F04%2F218377866.jpg

[حسن]

الصراحه خليفه والنعم فيه بس المشكله اللي صايره عندنا اي واحد يجي التلفزيون ويسويله رنامج انه اعرف بعض المذيعين مش موظفين :omg:اجتهاد شخصي للاسف هذا اللي حاصل وفي هناك بعض الحلقات مثل كشات وغيره يعيدونه بالهبل كانه صاير فرض علينا

[Class]

تلفزيون وإذاعة قطر يبيلهم نفض من قلب وتجديد كل شي من الألف للياء

ما عندهم إلا هالبرنامج إلي كل رمضان يطلع لنا - لا و ممل بعد لدرجة يبط الجبد

ما يشوفون القنوات الكويتية والإماراتية ؟؟!!

[جلمود]

اعتقد قالت رايها بصراحه والمفروض بما انك مراقب الحوار العام تتقبل الراي والراي الاخر

وجوج قرداحي من افضل المذيعين في الوطن العربي شأت ام ابيت

وهي تقول ياليت يكون هناك برامج غير مستهلكه تكون بفكره جديده فقط

يعني اذا انا مراقب مايصير اخالف راي أي عضو !!

يعني أكلي ولا العصي !!

واذا انت والاخت الاصيله قيمتوا جورج قرداحي من افضل المذيعين هذا رايكم, اما انا مايعنيلي شي

عندي المذيع المبتدئ القطري افضل من جورج وغيره

[بوخليفة83]

عظم الله اجركم ياهل قطر في تلفزيون قطر

[ابو دانة-مكة]

يعطيك العافية

بالتووووفيق

[الباحثة]

يعطيك العافية

[اشراقة الشمس]

تقريره في صباح الدوحة حلو وايد الله يوفقه