المساعد الشخصي الرقمي

مشاهدة النسخة كاملة : مكتب الخدم معيي يرجع لي فلوسي .. وين اشتكي؟


مواقف النجادة
08-07-2011, 10:15 PM
السلام عليكم ..

الله يسلمكم جبنا خدامة من مكتب الخدم .. طلعت فيها عيوب مافي مجال لذكرها .. فرجعناها الى المكتب على اساس انه يجيب لنا وحدة ثانية .. والمكتب يماطل اسبوع ورا اسبوع وكل اسبوع يقول: الحين مافي طلبات تعال الاسبوع الجاي.. لين ما شفت ان رمضان قرب .. والاهل شيكو مع المكاتب الثانية ..و اتفقنا مع مكتب ثاني و الخدامة انشاء الله راح توصل قبل رمضان..

رجعت المكتب الاولي وقلت خلاص ما بي منك شي رد لي فلوسي .. وبدا الحبيب يماطل وكل يوم يقولي: بكرة مر علي .. وا حنا ثلاث اسابيع على هالحال.. لين ما زهقت وفكرت اودي الفواتير واشتكي عليه...

سؤالي للي مر بمثل هالموقف .. وين اشتكي.. الشرطة والا وزارة العمل؟ .. وشلون اجرءاتهم .. تطول؟
بودحوم
08-07-2011, 10:21 PM
والله اعلم حماية المستهلك هم المسؤولين ولازم تشتكي عندهم
بوخالد88
08-07-2011, 10:25 PM
اتوقع حماية المستهلك بس مب متاكد

ياريت لو احد من الاخوان ياكد لنا

بالتووووووفيق
STAR
08-07-2011, 10:43 PM
الله يعينك اخوي......
وحيد-الشوق
08-07-2011, 10:44 PM
اداراة العمل قسم تفتيش العمال << اذا ماخاب ظني هاي اسمه مكتبهم

المهم عنوانة بعد برج التويوتا في المطار بيكون البرج على يمينك اطلع سيدة ثاني او اي دخله بالضبط مب متأكد قبل هيئة التقاعد والمعاشات سابقا

روح لهم وقم شكوى وان شاء الله بيرجع لك حقك طبعا قبل انتهاء فتره الضمان وعن تجربه انا رحت لهم ورجعولي فلوسي
hamoor4ever
08-07-2011, 11:06 PM
خذ العلم مني تروح المكتب ٬ تقول له ابي فلوسي بيقول لك باجر قول له لا الحين وانك مش طالع من المحل الا بفلوسك بيحاول معاك ارفض ٫ ،اذا صمم قول له زين اكتب لي ورقه ان بعد اسبوع يرجع لك المبلغ اذا رفض قول له زين الحين اتصل في الشرطه بيقول لك روح اشتك قول له سلامتك انا اهنيه ومهب طالع ،واتصل بالشرطه وقول لهم انك داخل المحل وفيه مشكله وابي تطرشون لي الدوريه ٬ بيجونك الفزعه وهم بيتكفلون بالباقي بس مثل ماقلت لاتطلع من المحل الا وانت ماخذ حقك .
مواقف النجادة
09-07-2011, 07:36 PM
والله اعلم حماية المستهلك هم المسؤولين ولازم تشتكي عندهم


اتوقع حماية المستهلك بس مب متاكد

ياريت لو احد من الاخوان ياكد لنا

بالتووووووفيق


الله يعينك اخوي......


اداراة العمل قسم تفتيش العمال << اذا ماخاب ظني هاي اسمه مكتبهم

المهم عنوانة بعد برج التويوتا في المطار بيكون البرج على يمينك اطلع سيدة ثاني او اي دخله بالضبط مب متأكد قبل هيئة التقاعد والمعاشات سابقا

روح لهم وقم شكوى وان شاء الله بيرجع لك حقك طبعا قبل انتهاء فتره الضمان وعن تجربه انا رحت لهم ورجعولي فلوسي


خذ العلم مني تروح المكتب ٬ تقول له ابي فلوسي بيقول لك باجر قول له لا الحين وانك مش طالع من المحل الا بفلوسك بيحاول معاك ارفض ٫ ،اذا صمم قول له زين اكتب لي ورقه ان بعد اسبوع يرجع لك المبلغ اذا رفض قول له زين الحين اتصل في الشرطه بيقول لك روح اشتك قول له سلامتك انا اهنيه ومهب طالع ،واتصل بالشرطه وقول لهم انك داخل المحل وفيه مشكله وابي تطرشون لي الدوريه ٬ بيجونك الفزعه وهم بيتكفلون بالباقي بس مثل ماقلت لاتطلع من المحل الا وانت ماخذ حقك .


مشكورين يالربع على الردود كل بأسمه .. ما قصرتوا وبيض الله وجهكم

اخوي وحيد الشوق .. حبيت اعرف ..الفلوس استلمتها من ادارة العمل و الا رحت مكتب الخدم مرة ثانية و خذتها من اصحاب المكتب؟.. وكم وقت خذ الموضوع معاك من اشتكيت لين ما ردوا لك فلوسك ؟
بن غيث
09-07-2011, 08:12 PM
يا شيخ ادارة العمل الي بالمنتزه ( قسم مكاتب الاستخدام ) افتح شكوى وطلب استدعاء
وخلال اسبوع تنحل الشكوى
عيون الدوحة
09-07-2011, 08:19 PM
عسكر بالمكتب ولا تطلع لين يعطيك المبلغ كامل
وشوف من صاحب المحل وكلمة
Bin.Yousef
09-07-2011, 08:59 PM
عسكر بالمكتب ولا تطلع لين يعطيك المبلغ كامل
وشوف من صاحب المحل وكلمة


:nice: