بعض الائمه والمصلين وصلاة الجمعه

[بوعلي-Qtr]

بسم الله ارحمن الرحيم
السلام عليكم ورحمة الله وبركاته

وزارة الاوقاف ماقصرت في تحديد زمن الخطبة
ولكن بعض ائمة المساجد لا ياخذون هالقرار بعين الاعتبار
وياخذون فوق النص ساعه والمصلون في الخارج ينتظرون الصلاة
وهم تحت اشعة الشمس الحارة وقد تصل الى درجة 50

فاتمنى من وزارة الاوقاف جعل الائمه يصلون تحت اشعة الشمس لمدة اسبوع ليحسو باحساس المصلين في الخارج
وبنشوف اذا الخطبة والصلاة تاخذ 15 دقيقة


وشكرا

[qatar25]

بسم الله ارحمن الرحيم
السلام عليكم ورحمة الله وبركاته

وزارة الاوقاف ماقصرت في تحديد زمن الخطبة
ولكن بعض ائمة المساجد لا ياخذون هالقرار بعين الاعتبار
وياخذون فوق النص ساعه والمصلون في الخارج ينتظرون الصلاة
وهم تحت اشعة الشمس الحارة وقد تصل الى درجة 50

فاتمنى من وزارة الاوقاف جعل الائمه يصلون تحت اشعة الشمس لمدة اسبوع ليحسو باحساس المصلين في الخارج
وبنشوف اذا الخطبة والصلاة تاخذ 15 دقيقة


وشكرا



صل عند الشيخ الحمادي,
,
الخطبه كااااامله اربع دقائق

مع الصلاه ,, توصل لها يمكن عشر دقايق

الخطبه طول الاذان تقريبا

[عزيزوف]

كلامك صحيح 100%

[ذيب ازغوى]

اخوي عيزان اتم في المسيد نص سااعه

[تاجر كشخة]

طال عمرك الي يجي متأخر فلازم يجلس في الشمس اما الي جاي بدري او مع العالم فيجلس داخل مع البراد
الواحد لازم ما يتاخر عن صلاة الجمعه واذا حصلت المسجد مليان فأكيد في مساجد قريبه ما تكون مليانه لانه اغلب الي يصلي برع في الشمس يكون راحت عليه نومه

[ام ناصر1]

لنفرض انه تأخر ...لاي ظرف ....ليش ما يحاول المسئولين عن المساجد تظليل المساحة
في فترة الصيف ...الحر واوهية الشمس وفترة ذروة الاشعة اكيد بتصلخ وتطبخ روس الي برع
وتخيل لو مودي معاه اليهال مساكين ايردون وويويهم حمرة من القعدة بالشمس ...

[Bin.Yousef]

لنفرض انه تأخر ...لاي ظرف ....ليش ما يحاول المسئولين عن المساجد تظليل المساحة
في فترة الصيف ...الحر واوهية الشمس وفترة ذروة الاشعة اكيد بتصلخ وتطبخ روس الي برع
وتخيل لو مودي معاه اليهال مساكين ايردون وويويهم حمرة من القعدة بالشمس ...


اختي بعض الجوامع الي فيها ساحة خارجيه يوجد فيها تظليل عن الشمس للمصلين الذين لايمكنهم الدخول الى داخل المسجد وتكون مفروشه للمصلين ..

[ديمقراطي]

اعتقد انه الموضوع مب مسألة عجز انه الواحد يقعد فالمسجد مدة طويله .. الموضوع انه قانون و وضع ولازم يتطبق والي حاطين قانون الربع ساعه اكيد انه مشايخ ولهم ثقلهم ..

اما موضوع امتلاء الجوامع في صلاة الجمعه هذا شيء اجابي يدل على حرص الناس لصلاة الجمعه وعدم التفريط فيها

واتمنى من المسؤولين مراعاة المصلين ويفرون لهم جميع وسائل الراحه تبريد وتنظيف وتظليل ..

والناس الي تجلس فالشمس اجرهم ان شاء الله عند الله لين ينحل الموضوع

[CNBC]

خطيبنا الله يجزية خير في الصيف (صلاة الجمعة) درجة الحرارة45 يقراء صورة طويلة وفي الشتا والبرد يقراء صورة قصيره

[na7ees]

خلاص كل واحد اقدم طلب شكثر او شلون او كيف اوا او او تكون الصلاه يوم الجمعه

لحول ولا قوه الا بالله
حتا الصلاه والخطبه مب عاججتكم
خاف الله ترى هاذي من علامات النفاق والعياذ بالله
مادري شورك
الجمعه الناس تنطرها وتقوم لها بدري ودتعدلها وتروح المسجد بدري وبتحصل مكان في المسجد

اما انك بترقد وبتروح قبل قبل لاتقوم الصلاه بعشر دقايق وتقول شمس
الله يخارجنا

[بوخالد88]

لاحول ولاقوة الا بالله

هاي حر الدنيا والله يعنيا علي حر الاخرة

المفروض كل خطيب يراعي المصلين علي حسب مساحة المسجد اذا يدري في ناس واقفة في

الشمس يخفف عليهم الخطبة والصلاة .

بالتووووفيق

[الرويـس]

ما تحسون بنغمة حلوة في (ان المساجد ما تتسع للمصلين) ..

[بوخالد88]

ما تحسون بنغمة حلوة في (ان المساجد ما تتسع للمصلين) ..

اي نعم حلللوة اخوي وعقبال صلاة الفجر يكونون هالشكل بعد

[Abdulraman]

الله يزيد المصلين في المساجد ويهدي المحتجين على اطالة الخطبة والله لو في توزيع فلوس الساعة 12 الظهر محد يقول لي..........
الله المستعان

[الغالي!]

صحيح في مساجد تتاخر ولكن في مساجد ودك انه تتاخر ولكن قله للاسف

[boamir]

والله انا مره تأخرت على خطبة الجمعه رحت مسيدنا حشششره العالم فارشين سجاد بالشارع
ورحت مسيد ثاني ونفس الحاله وكنت ابي اروح مسيد ثالث بس خفت افوت الصلاة بكبرها وانا ادور بين الماسيد
لأنه بعضهم يخلصون بسرعه وبعضهم يطوولون واحيانا تروح مسيد ثاني تحصلهم مخلصين ترد نفس المسيد تحصلهم خلصوا وانت ماصليت للحين

اتمنى إنهم يلتزمون بالوقت شووي لأنه في ناس يجون مشي عمال ومساكين ومايحصلون مكان ولا يحصلون مسيد قريب يروحون له بهالحر ويوقفون وبعضهم يصلي بره وماعنده سجاده كم مره شفت جدام عيني على الشارع مسكين مايقدر يحط إيده ولا يقدر يسجد من الحرااارة بس غصبن عنه يصلي ويتحمل

والله يبعدنا عن نار جهنم

[الـراسي]

الله المستعان الواحد يستغرب من اللي يطالبون بتخفيف الصلاة والخطبة

هذا كله لان ما فية لذه في العبادة

لو انها مباراة كرة قدم لو ينتظر الواحد 4 ساعات ما عنده مانع

واللي في الشمس قاعد تعال للمسجد مقدم مع اول الناس

والحمد لله السيارات متوفرة والمساجد بكل مكان

يالله حسن الخاتمة

[الراجي ربه]

بغض النظر عن كل ما ذكر ، سواءً تأخر الناس والا ما تأخروا،
هذا الخطيب قد يسيء من حيث أراد الإحسان والشرع لم يأمر بهذا ،
بل ورد في الحديث الذي صححه الألباني:
(إن طول صلاة الرجل و قصر خطبته مئنة من فقهه
فأطيلوا الصلاة و أقصروا الخطبة و إن من البيان لسحرا )

والخطيب ما له علاقة بأحوال الناس وتساهلهم، كل اللي عليه:
التبليغ وتوصيل رسالة للناس بعظم الأجر لمن يحرص على التبكير إلى الجمعة .

[بوحارب]

خطيبنا جزاه الله خير الخطبتين مع الصلاة ماتاخذ ربع ساعة وتطلع وانت مستفيد والله :)

والخطيب شاب قطري والنعم فيه

[qatar25]

خطيبنا جزاه الله خير الخطبتين مع الصلاة ماتاخذ ربع ساعة وتطلع وانت مستفيد والله :)

والخطيب شاب قطري والنعم فيه

which Masjid
???

[fhd4]

حياك مسجد فريجنا ... فاضي ...

[ANONYMOUS]

ذكرتني بواحد يجي بدري يحليله بس يتم في السياره وداق المكيف اتش ومايندره وش قاعد يسمع ... الموهيم ع الإقامة ينزل يصلي الله يجزاه خير

الود وده يصلي في الكروزر

[ابن مانع]

ذكرتني بواحد يجي بدري يحليله بس يتم في السياره وداق المكيف اتش ومايندره وش قاعد يسمع ... الموهيم ع الإقامة ينزل يصلي الله يجزاه خير

الود وده يصلي في الكروزر

ياكثرهم عسى ربي يهديهم
بس جد في بعض المشايخ الله يجزاهم خير تمتد الخطبه عندهم الى 50 دقيقه واكثر احيان

ربي يكتب لنا اجر الجمعه

[مهره]

السابقون السابقون أوليك المقربون في جنات النعيم