موقف راقي تجاهي في المطار من رجل امريكي

[ra3shat hadab]

-
-
-
--
-
-
--
-
-

السلام عليكم

في طريق العودة للدوحة وبالتحديد في مطار دبي الدولي كانت قاعة الانتظار لصعود الطائرة مليانه ومافيها كراسي ،،
وتعبت وانا الف يمين شمال احاول ادور على كرسي

و في قطريين وعرب وغير عرب قاعدين ولاحد منهم فكر يقوم

لين لمحت شخص امريكي يأشر لي وقام من كرسيه وخلاني اقعد... صدق انه جنتل مان :nice:

والله يشهد دعيت له في ظهر الغيب لاني كنت واايد تعبانه من المشي ويمكن لو ما لقيت كرسي كان قعدت على الارض


الذوق مش في العطر اللي نتعطره ولا في اللبس اللي نلبسه
الذوق قبل كل شي في الطبع ..
فماكان كاشخ مثل الباقيين بالعكس كان لابس سبور وفي يده شنطة وعلى ظهرة شنطة
ولا انا من دينه ولا من بلاده ورغم ذلك كان في قمة الذوق ...

ولا عزاء لابناء وطني اللي حاطين رجل على رجل وما فكروا يقومون


و صدق ان الناس ينعرفون في السفــــــــــــر



وووبس

[M.Alkhater]

كفووو عليه ..

يصيدني هالموقف في الباص واحنا راكبين الطياره ان شفت حريم قمت وخليتهم يقعدون ..

لاكن استغرب من اللي يسوي نفسه مايشوف ويقعد ..

مهما يكون هو رجال ويقدر يوقف اما المره لحول لها ولاقوه مع البريك بتدربح لين قداام ..

[ديمقراطي]

الله يهديه للاسلام ان ماكان مسلم .. :)

استحضرني اني مره سمعت لمفكر عربي يقول سافرت للغرب فوجدت الاسلام ولم اجد المسلمين ثم ذهبت شرقا فوجدت المسلمين ولم ارى الاسلام.

ولا نعمم

[روح الاطلس]

الحمدلله على سلامتج يارعشة هدب

الاخلاق ليست بالديانه فقط

وحسن التعامل والرقة والطيبة قد تصدر من أي شخص بغض النظر عن اصله وجنسه ودينه

[بوخالد88]

اول شي الحمدلله علي السلامة اختي

بس اصابع يدج مهب سوا في الخليجين والامريكان وكل الناس .

بالتووووفيق

[سهم نيشان]

من كل صوب فيه الزين وفيه الشين

[الراقيه سبشل]

انا لما كنت متجهه للطيارة بالباص

ماكان حد يبي يقوم من كرسيه او من عند الحواف عشان اتمسك بشي وما اطيح .. مع انه كان في كل الجنسيات .. لكن ..

لولا الجاذبيه ولا كان رحت فيها :(

[هبوب الكوس]

اي واحد مكانه فعل مافعله ان كان امريكي او غيره

بس شلون الواحد يفرق بين الامريكي وغيره من الاجانب

أنا مره كنت مع هلي ومافي كراسي

هنود قاموا من الكراسي علشان نجلس :)

[المحقق كونان]

يمكن القطريين و العرب كانو مثلج تعبانين من المشي الطويل في مطار دبي

و على العموم .. اصابع اليد مب وحده

[Locale]

يااختي كل اللي فالمطار تعبانين
عني بقوم للعجوز والشيبه واللي متكسرين
ومقاعد الباصات فكل اللي اشوفه ان النسوان قاعدين والرجاجيل وقوف

سؤال لما قعدتي على الكرسي وشفتي حد يدور على كرسي قمتي وخليتيه يقعد ؟؟

[خليفـة]

الذوق يجري في دم الشخص
محد يقدر يتصنعه

بالتالي .. الي ما عنده ذوق
ما يقدر يتصرف برُقي

حمدلله على السلامة

:)

[مستثمر 999]

الاجانب ما طلعون بطولاتهم الا مع الحريم وخاصه الشباب


انا قطري وافتخر والحمد لله ودايما اقوم من كرسي واخلي اي شخص كبير في السن يجلس مكاني حتى اني ساعات اكذب عليه واقول له انا رايح


ولكن مع البنات ما اسويها لاسباب كثيره

اول شي لانها تحقرك ولا تعبرك ولو حتى بدعوه طيبه او شكرا
كلام الناس ونيتهم الشينه وعقليتهم
تصرفاتهم الي تحرج الانسان لما اقوم لهم وهم ولا معبريني ويروحون مكان ثاني ويخلون اي حد ياخذ مكاني

وللعلم هذا الشخص اوروبي مستحيل يكون امريكي لان الامريكان عالمهم غريب

[السامـي]

أهم شيء إنك دعيتي له بظهر الغيب.

[hamoor4ever]

اتفق مع الرأي اللي فوق لو كان شيبه او عجور بقوم لهم غير جذيه انا من حقي ارتاح ، لان مثل ماقال اخوي المستثمر ، الواحد يخاف يقوم من الكرسي البنت تحقره لان البعض على بالهم دوم ان الخليجي نيته شينه ، والشي اللي صار اشوفه عادي مايحتاج ان الواحد يكتب موضوع عنه ٬ في كل بلاد هناك الزينيين وهناك الشينيين والاوروبييين عاده افضل من الجميع بالتعامل

[ra3shat hadab]

ما يستخلص من الموضوع

في الحياة: الذوق صفة مكتسبة واللي قام كان في منتهى الذوق ولا يعني بالضرورة ان اللي قاعدين "كلهم" ماعندهم ذوق " هي ترجع للشخص نفسه وثقافته وتقاليده وعاداته والتصرف اللي قام فيه الامريكي يعتبر من الايثار في الاسلام.

بصراحة من طريقة كلامه وشكله يظهر لي انه امريكي وانا عن نفسي اشوف الامريكان الطف من الاوروبيين في التعامل





لمن لا يعرف الايثار اتمنى يقرى الفقرة المقتبسة




الإيثـــار في الإسلام

إذا كنت ممن يسهل عليهم العطاء ولا يؤلمهم البذل فأنت سَخِي،
..
وإن كنتَ ممن يعطون الأكثر ويُبقون لأنفسهم فأنت جواد.
..
أما إن كنت ممن يعطون الآخرين مع حاجتك إلى ما أعطيت لكنك قدمت غيرك على نفسك
فقد وصلت إلى مرتبة الإيثار..
ومرتبة الإيثار هي من أعلى المراتب.

معنـى الإيثـار:

الإيثار هو أن يقدم الإنسان حاجة غيره من الناس على حاجته،
برغم احتياجه لما يبذله، فقد يجوع ليشبع غيره، ويعطش ليروي سواه.

تقول أمنا عائشة رضي الله عنها: ما شبع رسول الله صلى الله عليه وسلم ثلاثة أيام
متوالية حتى فارق الدنيا، ولو شئنا لشبعنا، ولكننا كنا نؤثر على أنفسنا.




بعض الناس يستنكرون مع انها من اخلاق الاسلام العالية قبل ما تكون من العادات والتقاليد

وو
شكراً لكم كلكم :nice:

[intesar]

وأنا مرة صادني نفس الموقف وبدبي.. بس واحد من أهل البلد من قطر يعني قطري.. يوم شافني أحوس وما فيه مكان قام من مكانه وعطاني المكان..

يعني الذوق هذا مو شرط يطلع من الأجانب كذلك المسلمين فيهم نخوة.. وشجاعة.. وقوة..
ودمتم بود..

[كود نمبر]

زين يمكن مايكون امريكي

يمكن اوربي ولا استرالي ولا لاتيني

الذوق مايختصر على جنسيه معينه الذوق من اخلاق الشخص

[Dawn]

شكثر صارت لي مواقف من هالنوع بس من جنسيات مختلفه ،، مش بالضروره ان الامريكان طيبين علشان شخص قام من كرسيه لمرأة واحدة .. يمكن سواها مره في العمر ،، ويمكن ندم بعد ما قام ... تقبلي النصيحه مني لج كأخت : لا تاخذج العاطفه في الحكم على المواقف ( بالذات مع الجنس الآخر ) ..

[F A W A Z]

الاجانب ما طلعون بطولاتهم الا مع الحريم وخاصه الشباب


انا قطري وافتخر والحمد لله ودايما اقوم من كرسي واخلي اي شخص كبير في السن يجلس مكاني حتى اني ساعات اكذب عليه واقول له انا رايح


ولكن مع البنات ما اسويها لاسباب كثيره

اول شي لانها تحقرك ولا تعبرك ولو حتى بدعوه طيبه او شكرا
كلام الناس ونيتهم الشينه وعقليتهم
تصرفاتهم الي تحرج الانسان لما اقوم لهم وهم ولا معبريني ويروحون مكان ثاني ويخلون اي حد ياخذ مكاني

وللعلم هذا الشخص اوروبي مستحيل يكون امريكي لان الامريكان عالمهم غريب


:victory:

[qtr qtr]

الصراحه لو مره عجوز او شيبه او ام مع عيالها ذيك الحزه بقوم من مكاني اخليهم يقعدون

اما لوا شابه وفيها حيل مافي امل اقوم من مكاني لاني بعد انا تعباان مثلها

وكل واحد حر في حسن تصرفه مع الناس

وانا اتفق مع اخوي المستثمر 999

[إينشتاين]

انا مره سويتها مع وحده قطرية في مطار الدوحة وبصراحة فشلتني :shy:

قمت من مكاني لاني شفتها واقفه ومعاها شنطة تسحبها والمكان كان مليان ومافيه كراسي لكن يوم قمت واشرت لها عشان تقعد صدت وراحت عند البوابة ولاعبرتني ومن يومها حلفت ماقوم إلا لشيبه أو عجوز ....

مشكلة بعض الحريم إن ظنهم في القطري والخليجي بشكل عام سئ وإذا بيقدم خدمة يعني عشان يبي يتعرف :eek5:

[بوحارب]

قولي الحمدلله انه قام وانتي كنتي في حاله متعبه

وهذا تسخير من الله

بس لاتحطين اللوم على اخوانج المسلمين مهما كانت جنسيتهم وتقولين الأمريكي احسن !!

يمكن فيهم المريض والجريح والتعبان ووو ( التمس لأخيك 70 عذرا )

وسلامة الأسفار

[MAZEN37]

يعني مليون واحد عربي سوا هالموقف ويمكن زود والكل يعرف
بس علشان امريكي صار سوبرمان
تحصله من كثر القعده يبي يوقف هههه
سبحان الله

[شبح الصمت]

تصدقين ذكرتيني بموقف ..

واحد من الربـع يقولي كنت في المطار نفس الموقف الي انتي قلتي عنـه بس باشكال اخرى ..

المهم وجات وحده يقولي كاشخه كشخه مهب طبيعية والعيون حواليها ..

المهم الرجال مع زوجته ..

وعاد الموقف البايـخ انه اهم جمب الباب من باب الذوق ..

قام الرجال وقالها اختي تفضلي اجلسي لا شعوريا ...

ههههههههههههههههههههههههاي

اخ بطني اتذكر يوم قالي السالفه

يقولي اول ما ركبنا الطياره وانا احس احد ينغزني في ظهري ينغزني افتر الا المدام ..

وتعطيه بعيونها تبقهها ..

يقولي يوم جلسنا الا تقولي صاير ذوق اشوف قمت وخليتها تجلس جمبنا ..

واشتغل الشريط من الطيارة لين البيت وعصبت ..

في مواقف الواحد صعب انه يوقفها ..

مجبور بينعطى على راسه

[شبح الصمت]

انا مره سويتها مع وحده قطرية في مطار الدوحة وبصراحة فشلتني :shy:

قمت من مكاني لاني شفتها واقفه ومعاها شنطة تسحبها والمكان كان مليان ومافيه كراسي لكن يوم قمت واشرت لها عشان تقعد صدت وراحت عند البوابة ولاعبرتني ومن يومها حلفت ماقوم إلا لشيبه أو عجوز ....

مشكلة بعض الحريم إن ظنهم في القطري والخليجي بشكل عام سئ وإذا بيقدم خدمة يعني عشان يبي يتعرف :eek5:

:funny:

[eqahtani]

شسالفه كل من كح كتب من المنتدى موضوع انه كح

[الحال مايساعد]

ترى أشوف الموضوع عادي ، نرد ونقول حرية شخصية الرجال تنازل عن كرسية
وإللي ماتنازل ، ألتمس له العذر مع العلم انه مب إجباري!!!

[شيط ويط]

انا مره سويتها مع وحده قطرية في مطار الدوحة وبصراحة فشلتني :shy:

قمت من مكاني لاني شفتها واقفه ومعاها شنطة تسحبها والمكان كان مليان ومافيه كراسي لكن يوم قمت واشرت لها عشان تقعد صدت وراحت عند البوابة ولاعبرتني ومن يومها حلفت ماقوم إلا لشيبه أو عجوز ....

مشكلة بعض الحريم إن ظنهم في القطري والخليجي بشكل عام سئ وإذا بيقدم خدمة يعني عشان يبي يتعرف :eek5:

هههههههههههههههههههههههههههههههههههههههههههههه

[yellow]

كفو هالأمريكي والله انه ذوق

هذا اللي يفهم المعنى الصحيح لكلمة ( جنتل ) :nice:

[abdalla]

كل انسان حسب طبعه طول عمرنا متعوديين نقوم للحريم وكبار السن بس للاسف بعض الاشخاص ما قام يهمه الدين والعادات والتقاليد ويقول حريه شخصيه فالرسول علمنا اداب التعامل مع الجميع فقال نبي الله صلى الله عليه وسلم :"إشرب فإنّ البركة في أكابرنا ، فمن لم يرحم صغيرنا ويجل كبيرنا فليس منّا ". فلا امريكي ولا عربي يفرق الرحمه وضعها الله في قلوب الجميع ومن لا يرحم لا يرحم والنساء لا يقوين على الوقوف لفترات طويله بعكس الرجال

[التيما]

هالمواقف نشوفها كثير والله .. حتى شبابنا والله مايقصرون الله يشهد عليهم

[BIG-VEGA]

انا مره سويتها مع وحده قطرية في مطار الدوحة وبصراحة فشلتني :shy:

قمت من مكاني لاني شفتها واقفه ومعاها شنطة تسحبها والمكان كان مليان ومافيه كراسي لكن يوم قمت واشرت لها عشان تقعد صدت وراحت عند البوابة ولاعبرتني ومن يومها حلفت ماقوم إلا لشيبه أو عجوز ....

مشكلة بعض الحريم إن ظنهم في القطري والخليجي بشكل عام سئ وإذا بيقدم خدمة يعني عشان يبي يتعرف :eek5:


ههههههههههههههههههههههههههههههههههههههههههههههههه

باااااااااااااااااال قمه الاحراج

والمسافرين كلهم شافوك:eek5:

مالومك ياخوي يوم حلفت انك ماتقوم حق حد:(

[BIG-VEGA]

هالمواقف نشوفها كثير والله .. حتى شبابنا والله مايقصرون الله يشهد عليهم

لا طبعا هاي امريكي

الموقف له نكهه ثانيه

[هبوب الكوس]

الامريكي موجود الحين في الدوحه

ولا سافر امريكا

حبيت اعزمه علا تويس

تقدير لبطولته :(

[إينشتاين]

:funny:


هههههههههههههههههههههههههههههههههههههههههههههه


اييييييه ايه اضحكوا وانبسطوا ماتشفلتوا مثلي :shy::weeping::shy:







ههههههههههههههههههههههههههههههههههههههههههههههههه

باااااااااااااااااال قمه الاحراج

والمسافرين كلهم شافوك:eek5:

مالومك ياخوي يوم حلفت انك ماتقوم حق حد:(


شفت شلون ياخوي فيغا الكبير ،، بعض المرات الطيبه وانك تبي تصير جنتل وشهم تنقلب عليك وتطلع اغلى من بيع السوق ،، بس لوكانت عيوني خضر وشعري اشقر كان جاتني وقعدت مكاني وهي شاقه الحلج وبعدها تكتب في المنتديات والله شفت واحد جنتل وشهممممممممم :secret:

[فرحة الكواري]

الله يكثر من امثال هذه الاخلاق

[naklan]

الامريكي شهم وحنا اشهم ياما سويناها للحريم بس ما يبين فيهم المعرووف
تلقاها اول ما تعطيها الكرسي تقول ويه غبرة ما بغا يقوم :(
:nice:

[خالد32]

يمكن القطريين ما قاموا لان المكان من الاصل ما ينفع تقعد فيه مره لان الريايل من يمين و يسار و يمكن عندهم مشكله صحيه او ما انتبهوا لك او مخهم مشغول بالسفر او او و الله اعلم بظروفهم
فلا يجوز ذم الي ما قدم خدمه كمن يمنعها.

و الخير و اهل الخير موجودين و لله الحمد و بكثره

اما مدح امريكي كافر و ذم عربي مسلم عشان كرسي
فهاذا امر غير راقي عكس عنوان الموضوع
وجهة نظر
مع احترامي لشخص صاحبة الموضوع

[Bin Hood]

اختي انا ما اذكر اني سويتها صراحة

بس اذا في وحدة هب محصله كرسي

وقام واحد من الشباب من مكانه

فالمرأة يمكن تستحي او ان تحس فيها نوع من المن او ان بو الشباب يبغي يظبط حاله معاها

[شبح الصمت]

ليست المواقفـوا بذكرها وانما المواقفوا افعالوا ..

انيشتاين

عادي ياخوك تعيش وتأكلها ...

صدقـوني أنا لو اتم واقف شهر محدن يعطيني مكانه

:cry2:

[شميرام]

مره في تركيا في الميترو أنا واختي واقفين كان في صبيان قامو واشرو علي الكرسي عشان نقعد ، موقف ثاني في مطار جده نزلنا طبعا واحد في نفس اعمارهم قطري احتل الكرسي احتلال جنه العبه الكراسي وفي نسوان عيايز واقفين عل ريولهم ،،،أنا فهمه الموضوع هي أكيد تقصد الصغار في سن ٢٥ ونازل
تعليم من صغر

[حنان k]

ههههههههههههه ربي يسعدك
ما صار جنتل إلا لما فز من مكانه ولو ما فز وش بيطلع هههههههه

الحمد الله ع سلامتك .,

[ra3shat hadab]

الذوق في التعامل والايثار يحلي الشخص ... الموقف كان عن كرسي فالمطار يمكن البعض يشوفونه تافه.. وانا بالنسبة لي شي كبير لما تنظر لشخص محتاج قدامك وتتنازل عن شي عشانه..

كم واحد فينا مستعد يتنازل عن حقه لشخص غريب ما يعرفه؟

ليش قلت امريكي؟ لانه احتمال كبير مش مسلم ولا عربي ولا خليجي ولا قطري عشان يتنازل لي عن مكانه ولا توجد اي عوامل مشتركة بيني وبينه الا انه كان لطيف وعنده روح الايثار والخلق العالي .. ولو كان قطري كان ما حسيت بالغرابة فالموضوع بالعكس بقول انها من اخلاق اهل قطر اللي تربينا عليها .. ولا بقول قطيعه ولا ويه غبره ولا بطنش له اذا المكان في زاوية او مافي رجال حذاي..

المرأة في ديننا الاسلامي وفي عاداتنا وتقاليدنا دائماً لها معاملة خاصة واحترام خاص والدليل قول الرسول صلى الله عليه وسلم "رفقاً بالقوارير" وهذا قبل ما يكون عند الغرب المشهورين بعبارة "ليديز فيرست" ..

يعني تخيلوا بنت واقفة بين رجال ونساء وتدور فالقاعة مب لاقية كرسي المنظر مش حلو كلش .... والقاعة ماشالله فيها عدد كبير من العرب والقطريين يعني لو خلينا العادات والتقاليد على جنب ترا الدين الاسلامي جعل للمرأة احترام ومعاملة خاصة ..

يمكن البعض يقولون راح نبدي الشيبان والعجايز على انفسنا اما الحريم لا .. لانهم يحرجونا.. وانا اقول بالعكس مش احراج لك لو قمت وما قعدت بالعكس انت بينت لها لطفك وبيكون عقلها صغير اذا ظنت المساعدة اللي حث عليها الاسلام واحترامك لها وذوقك هو نوع من التضبيط والاعجاب !

على الهامش

المرأة طبعها ما تنسى من يعطيها الاهتمام ويحترمها خصوصاً اذا كان رجل ..
والرجل الشرقي مثل الصحرا طبعه ناشف في تعامله مع المرأة الا من رحم ربي ..


وليش قلت انه راقي و كبر في عيني
لانه واحد من امية "اتوقع" فالقاعة تنازل عن مكانه لانه استحى يكون قاعد وامرأة واقفة !



انشالله الموضوع الجاي "اذا زكمت" بكتب موضوع
على طاري سحلب وكرك وكل من كح كتب.. رضا الناس غاية لا تدرك .. "كلكم ذوق" من جد ! ..
شوية ريسبكت بس شوي :nice:




موقف لتقريب المعنى ليس الا...

لو كنت واقف تنتظر اللفت فالدوام ونفترض ماعندك اي ظرف طارئ يخليك تستعجل على الطلعة وجات وحدة عقبك وفتح باب اللفت ......

1- بتدخل اللفت وتقول لها حياج تفضلي؟
2- او تدخل اللفت وما تقول شي ولا كنها واقفة؟
3- او تمسك لها اللفت من برا وتقول لها تفضلي؟

من رايي الثالث جنتل مان .......والثاني سلفش مان .......والاول فري مان - وجهة نظر !


بالعامية ...

الثالث راقي في التعامل ومن تطلع البنت على مكتبها بتقول لزميلاتها عن موقفها مع الموظف مع انه يعتبر عادي عند البعض،
اما الثاني... ما راح تعلق عليه البنت في حاله وماله خص في حد....
والثالث بتقول عنه ملقوف ومايستحي ...


بعض الرجال يبيلهم كورس مكثف في فن التعامل مع المرأة .. :victory:




شكراً لكم كلكم وبرجع للردود انشالله

[Miss]

جزاه الله خير ..
ما يقصرون ربعنا العرب يا رعشه .. كم مره صادفنا هالموقف ومن يشوفون نسوان مقبلات فزوا من مكانهم ..


انشتااين هههههههههههههههههههههههههه عااادي تصير في أحسن العائلات

[q6ri_vip]

تصدقين ذكرتيني بموقف ..

واحد من الربـع يقولي كنت في المطار نفس الموقف الي انتي قلتي عنـه بس باشكال اخرى ..

المهم وجات وحده يقولي كاشخه كشخه مهب طبيعية والعيون حواليها ..

المهم الرجال مع زوجته ..

وعاد الموقف البايـخ انه اهم جمب الباب من باب الذوق ..

قام الرجال وقالها اختي تفضلي اجلسي لا شعوريا ...

ههههههههههههههههههههههههاي

اخ بطني اتذكر يوم قالي السالفه

يقولي اول ما ركبنا الطياره وانا احس احد ينغزني في ظهري ينغزني افتر الا المدام ..

وتعطيه بعيونها تبقهها ..

يقولي يوم جلسنا الا تقولي صاير ذوق اشوف قمت وخليتها تجلس جمبنا ..

واشتغل الشريط من الطيارة لين البيت وعصبت ..

في مواقف الواحد صعب انه يوقفها ..

مجبور بينعطى على راسه

هههههههههههههههه بلا شعوريا عيل قام :nice: