مؤسسة راف !!! علامة تعجب كبيرة ..!!!!

[لاجئ عاطفي]

تتبناها "ء" بالتعاون مع "راف"..
سهيلا تحتاج ٢٠٠ ألف ريال لزراعة الكبد

توجه سمى آيات شكرها لأهل الخير ممن تجاوب مع الحالات الإنسانية التي تبنتها بالتعاون مع الجمعيات الخيرية في الدولة، خاصة مؤسسة "راف" التي احتلت الصدارة في المتابعة والاهتمام بالحالات في الآونة الاخيرة وتعلن "الشرق" عن حالة جديدة وهي ل (سهيلا م.ن)، كما جاء في كتاب "راف" الموجه الى الزميل رئيس التحرير وهي بحاجة الى زراعة الكبد في الهند وتبلغ تكلفة العملية حوالي مائتي الف ريال. أما رقم الترخيص الصادر للحالة من
(2011/ إدارة الشؤون الاجتماعية فهو ( 34 وجهة استقبال التبرعات: مؤسسة الشيخ
ثاني بن عبدالله للخدمات الانسانية "راف" الخط الساخن: 55341818 هاتف: 44622121
فاكس: 45622952 الموقع: دوار التشريفات مقابل مطار الدوحة. ذكر انه طبقا الشروط الموضوعة من قبل ادارة الجمعيات والمؤسسات الخاصة بوزارة الشؤون الاجتماعية يجب على اية مؤسسة خيرية تعلن عن تبنيها لحالة انسانية القيام بالآتي:
اخطار ادارة الجمعيات والمؤسسات
الخاصة بحصيلة جمع التبرعات.
تخصيص المبلغ للحالة المعلنة.
ألا يتم تسليم المبلغ للمريض او الى اي من
ذويه.
ان يتم سداد تكلفة العلاج بناء على فواتير
من المستشفى المعالج وبناء على ترخيص
من ادارة الجمعيات والمؤسسات الخاصة.
اعداد تقرير بشأن الحالة وما تم بشأنها
مرفقا بالمستندات المؤيدة. (وكان الله في
عون العبد مادام العبد في عون أخيه) .
تتبناها "ء" بالتعاون مع "راف"..
================================================


هذا الخبر نشر اليوم في جريدة الشرق وما استوقفني واستغربني ان توجه مؤسسة خيرية القراء للمساهمه في التبرع فهل باب النجار مخلوعا ؟ فعلا شيء غريب ان تطلب جمعية خيرية من الناس مساعدة حالة لديها والاسغتراب هنا اين الملايين التي بحوزة تلك الجمعيه الخيرية التي بستطاعتها ان تتكفل جميع مصاريف تلك الحاله وكافة الحالات؟؟ اين الملايين التي نتبرع بها لتك الجمعيه والجمعيات الخيرية ؟؟ هل مؤسسة راف لا تملك 200 الف حتى تعالج سهيله؟؟
ايضا وليس بعيدا عن راف منذ اسابيع نشر خبر عن حالة تحتاج لـ 50 ألف ريال للعلاج في الخارج تبرعت راف بـ 5000 ريال فقط لتلك الحاله مناشدة اهل الخير بالتبرع لها من خلال الصحف فهل يعقل ان مؤسسة خيرية لاتملك 50 الف ريال وتطالب القراء بالمساهمه في علاج تلك الحاله؟؟ السؤال الاخير ان تذهب الملايين من تبرعات الناس لمثل هذه الحالات؟؟

[بوخالد88]

اي والله اين تذهب !!!!

ناطرين الرد

بالتووووفيق

[cl63]

الله المستعان

[بوخليفة83]

عقب ماسمعت سوالف الجمعيات الخيرية عندنا والحالات اللي تشتكي منهم وعقب ماسمعت مسؤول عن جمعيات خيرية اللي استضافوه وطني الحبيب صباح الخير وردوده اللي ماطمنتني قررت من اليوم ورايح ماتعامل معاهم

[شبح الصمت]

شلي وقفـك اخوي أنهم عارضين حالة مساعدة لوحده محتاجه زراعة ...

اخوي بوضح لك صورة يمكن انت تجهلها ..

اتوقع الاخت سهيله ( الله يشفيها وعافيه ) اخت مقيـمه وتحتاج للمساعدة ..

ومن قرارات الجمعيات الخيرية ما تقدر تساعد بهالمبالغ الكبيرة ...

فعلى ضوء المساعدة تقوم مؤسسة راف بمخاطبة الشؤون الاجتماعية لاخذ الموافقة على نشر هذا الاعلان في الجرائد الرسمية ..


لعمل حملة تبرعات لصالح المريضة ..

ومن ثم يتم جمع المبلغ على ضوء الاوراق والمستندات ورأي اللجنة في قطر انه العلاج ليس متوفر داخل نطقها وتقديم اوراق من المستشفيات وقيمة العـلاج ..

يعني هذا الموضوع عادي ..

وما فيه اي نقطة تعجــب ..

وتقبل مروري

[BIG-VEGA]

اولا نشكر المؤوسسه على تبنيها هذه الحاله
ونتمني ان تتبنى حالات اكثر للمواطنين والمقيمين المدنين والغارمين والمرضى والعاطلين وغيرهم في قطر وفتح صندوق خاص لهم

ثانيا ... وين الملايين؟؟!!!

الملايين موجوده ... انصرفت في فعل الخير طبعا ... بس اغلبها برع

السوال ليش برع ....

راف قد تكون اقلهم جمعا للتبرعات ... بس مش ممكن انها تاخذ من كنوز الجمعيات الاخرى؟

الله اعلم

[لاجئ عاطفي]

شلي وقفـك اخوي أنهم عارضين حالة مساعدة لوحده محتاجه زراعة ...

اخوي بوضح لك صورة يمكن انت تجهلها ..

اتوقع الاخت سهيله ( الله يشفيها وعافيه ) اخت مقيـمه وتحتاج للمساعدة ..

ومن قرارات الجمعيات الخيرية ما تقدر تساعد بهالمبالغ الكبيرة ...

فعلى ضوء المساعدة تقوم مؤسسة راف بمخاطبة الشؤون الاجتماعية لاخذ الموافقة على نشر هذا الاعلان في الجرائد الرسمية ..


لعمل حملة تبرعات لصالح المريضة ..

ومن ثم يتم جمع المبلغ على ضوء الاوراق والمستندات ورأي اللجنة في قطر انه العلاج ليس متوفر داخل نطقها وتقديم اوراق من المستشفيات وقيمة العـلاج ..

يعني هذا الموضوع عادي ..

وما فيه اي نقطة تعجــب ..

وتقبل مروري


والحاله الثانيه اللي قامت راف بدفع مبلغ فقط 5000 ريال من اصل 50 الف ريال؟؟ هذا بعد مايدعو للتعجب؟؟ اخي العزيز حدث العاقل بما يعقل ..
اما بخصوص اللي تسائلون اين تذهب ملايين الجمعيات الخيريه انا بقولكم وين اتروح ..!!
في الاسبوع الماضي تصفحوا الصحف القطرية راح تلقون خبر عن تكفل جمعيه خيريه يزراعة مليون شجرة زيتون في غزه !!!
وملاييين لمعسكر ايواء في ليبيا
وملايين في احد دول البلقان
طيب لا نختلف ان هؤلاء محتاجون ولكن هل يعقل ان تدفع الجمعيات الخيريه الملايين في الخارج وتكتفي بالفتات فالداخل؟؟؟ ياجماعة الخير الرسول اوصى بالاقربون فوينكم ووصية الرسول الكريم ؟؟!!! ومازالت علامات التعجب مستمره حول جمعياتنا الخيريه

[شبح الصمت]

اولا نشكر المؤوسسه على تبنيها هذه الحاله
ونتمني ان تتبنى حالات اكثر للمواطنين والمقيمين المدنين والغارمين والمرضى والعاطلين وغيرهم في قطر وفتح صندوق خاص لهم

ثانيا ... وين الملايين؟؟!!!

الملايين موجوده ... انصرفت في فعل الخير طبعا ... بس اغلبها برع

السوال ليش برع ....

الله اعلم



تدري ليش ..

لانه النظرة دوم بعيـده ...


تساعد لك 1000 شخص وتسد حاجتهم والا تساعد 10 اشخاص بمبلغ يساعد الـ 1000 شخص .. !!!

سؤال اطرحه على نفسـك وبتحصل له اجابة إن شاء الله ..

وانا مش ضد المساعدات الداخلية لا والله وقسم بالله اني اتمنى ما اشوف والا مديون ولا شخص محتاج .. !!

بس في فلوس انا ادفعها واشترط على الجمعيــة وين توديها ..

يعني ( أنا ) واعوذ بالله من كلمة انا المتبرع الي احدد مجرى فلوسي وين .. !!

تقبل مروري

[شبح الصمت]

والحاله الثانيه اللي قامت راف بدفع مبلغ فقط 5000 ريال من اصل 50 الف ريال؟؟ هذا بعد مايدعو للتعجب؟؟ اخي العزيز حدث العاقل بما يعقل ..
اما بخصوص اللي تسائلون اين تذهب ملايين الجمعيات الخيريه انا بقولكم وين اتروح ..!!
في الاسبوع الماضي تصفحوا الصحف القطرية راح تلقون خبر عن تكفل جمعيه خيريه يزراعة مليون شجرة زيتون في غزه !!!
وملاييين لمعسكر ايواء في ليبيا
وملايين في احد دول البلقان
طيب لا نختلف ان هؤلاء محتاجون ولكن هل يعقل ان تدفع الجمعيات الخيريه الملايين في الخارج وتكتفي بالفتات فالداخل؟؟؟ ياجماعة الخير الرسول اوصى بالاقربون فوينكم ووصية الرسول الكريم ؟؟!!! ومازالت علامات التعجب مستمره حول جمعياتنا الخيريه



عليـه افضل الصلاة والسلام

اخوي اكتبوا انهم عطوه 5 آلاف ريال بس ...

والا هذه دعم منها وينتظرون الدعم من المتبرعين !!!

وعلى فكره انا بجيك وبعطيك مبلغ وبقولك مابي اسمي ينذكر في التبرع

فاعل خير وسوى هالشيء عشاني وانتو طلعوا في الواجه ..

:victory:

[لاجئ عاطفي]

عليـه افضل الصلاة والسلام

اخوي اكتبوا انهم عطوه 5 آلاف ريال بس ...

والا هذه دعم منها وينتظرون الدعم من المتبرعين !!!

وعلى فكره انا بجيك وبعطيك مبلغ وبقولك مابي اسمي ينذكر في التبرع

فاعل خير وسوى هالشيء عشاني وانتو طلعوا في الواجه ..

:victory:


انا استغرب مقارنتك للمحتاجين في الخارج بالداخل فاللي باللخارج تجيهم المساعدات فقط من قطر ؟؟ الجهات الخارجية تجيها المساعدات من كافة الجميعات الخيريه في الخليج وحتى من اوروبا يعني هم مهب عايشين على مساعداتك انت فقط واذا كان في مريض بين الحياة والموت في قطر ويحتاج لزراعة كلى انخليه يموت وانروح انساعد الـ 100 اللي بالخارج ؟؟ مادري شلون توزن الامور انت وبعدين كلنا نتبرع وانا عمري ماحددت الجهة اللي بتروح لها تبرعاتي واكيد مثلي وايد فرجاءا لادافع عنهم بدون اقناع لان الكلام اللي تقوله انت مع احترامي لك مهب مقنع

[BIG-VEGA]

تدري ليش ..

لانه النظرة دوم بعيـده ...


تساعد لك 1000 شخص وتسد حاجتهم والا تساعد 10 اشخاص بمبلغ يساعد الـ 1000 شخص .. !!!

سؤال اطرحه على نفسـك وبتحصل له اجابة إن شاء الله ..

وانا مش ضد المساعدات الداخلية لا والله وقسم بالله اني اتمنى ما اشوف والا مديون ولا شخص محتاج .. !!

بس في فلوس انا ادفعها واشترط على الجمعيــة وين توديها ..

يعني ( أنا ) واعوذ بالله من كلمة انا المتبرع الي احدد مجرى فلوسي وين .. !!

تقبل مروري


كلامك 100% منطقي

بس (الاقربون اولى بالمعروف) فيها حكمه صعب تفسيرها ... فالاولى اتباعها

باعطيك مثال صغير
من فتره قطر الخيريه مشكوره تبرعت بـ 45 مليون حق مشروع مليون شجره مثمره في فلسطين
الي راح ينتفعون منها 10000 شخص ( المصدر موقعهم)

اذا نفس المبلغ لنفس المشروع عملوه في قطر ... ايش تتوقع الفايده؟؟
صحيح ان المبلغ يمكن مايكفي انك تعمل مليون شجره في قطر ... نحط احتمال ونقول 100 الف

تخيل معاي اخوي ايش ممكن تعمل 100 الف شجره مثمره في قطر
الاقتصاد الزراعي راح يزدهر ... الثمر راح يرخص ... ممكن يكون فيه اكتفاء ذاتي ... ممكن نبدا انصدر .... راح تفيد البيئه
الايجابيات ما تنحصر

اما في فلسطين ... اول سلبيه ... اكيد اليهود راح يستفيدون منها بطريقه او اخرى
فلسطين ماعندهم مشاكل في الثروه الزراعيه اصلا ... مشكلتهم في الاحتلال

محد يقدر يمنع التبرعات للخارج ... هذا واجب ..مافيه شك ولا نقاش
بس انت عندك كفتين ... داخل وخارج
لازم يكون فيه عدل ومنطق وحكمه اكبر في التوزيع من الموجوده حاليا

[شبح الصمت]

انا استغرب مقارنتك للمحتاجين في الخارج بالداخل فاللي باللخارج تجيهم المساعدات فقط من قطر ؟؟ الجهات الخارجية تجيها المساعدات من كافة الجميعات الخيريه في الخليج وحتى من اوروبا يعني هم مهب عايشين على مساعداتك انت فقط واذا كان في مريض بين الحياة والموت في قطر ويحتاج لزراعة كلى انخليه يموت وانروح انساعد الـ 100 اللي بالخارج ؟؟ مادري شلون توزن الامور انت وبعدين كلنا نتبرع وانا عمري ماحددت الجهة اللي بتروح لها تبرعاتي واكيد مثلي وايد فرجاءا لادافع عنهم بدون اقناع لان الكلام اللي تقوله انت مع احترامي لك مهب مقنع



انزين اخوي واحترامي لك ..

يوم انك تتبرع وما تحدد شيء راجع لك وكم المبلغ الي متبرع فيه أيا كان هل تتوقع انه راح يفك كربة محتاج ...

وعلى فكره انت ما تحدد لانه المبلغ قليل

بس الي بيدفع مبالغ كبيرة يحدد المساعدة وين

مشكلتكم تكلمون وانتوا ما تعرفون شيء تحسبون الجمعيات قاعده تحط داخل جيوبها ..

الجمعيات عبارة عن ..

خط السير الله يسلمك

متبرع ـــــــ > الجمعية ( وسيط ) ـــــــ > مساعدة داخلية او خارجية ..

[اليافعي 1]

أخي الكريم : أوضح لك الصورة

الأموال التي يتبرع بها الناس أمانة عند الجمعيات فلا يحق للجمعيات التصرف بها كيف تشاء ,,, يعني المتبرع يتبرع في ماله لمشروع معين ,
أضرب لك مثل : شخص تبرع لـبناء مسجد 100,000 ريال , فالجمعية تقوم ببناء المسجد وتوقيع عقود مع المتبرع يتبين فيه مدة البناء والمكان و تزويد المتبرع بالصور وضرورة وضع إسم للمسجد بإختيار المتبرع وغيرها من الشروط , ,, ولا يحق للجمعية تحويل المبلغ لصالح حالة مرضية مثل سهيلة أو غيرها , أي إن إختيار المتبرع لمشروع معين حال دون وصول المبلغ للمريضة , أو مشروع آخر , هذا بختصار .

وللأمانة فقد إطلعت على أعمال الجمعيات , فلا يستهين أحد بعملهم , بل نشد على أيديهم , وأبوابهم مفتوحة , لأي مقترحات , وفقك الله وسدد خطاك على طريق الخير

[ورقة غار]

انا من زمان قاطعت الجمعيات الخيريه ....تسقي البعيد وتخلي القريب انا شبستفيد لى ازرعوا شجر زيتون في غزه !!!!!!! ولا يزوجون اليمنين بدال مايزوجون القطرين !!!!!!!

[لاجئ عاطفي]

انزين اخوي واحترامي لك ..

يوم انك تتبرع وما تحدد شيء راجع لك وكم المبلغ الي متبرع فيه أيا كان هل تتوقع انه راح يفك كربة محتاج ...

وعلى فكره انت ما تحدد لانه المبلغ قليل

بس الي بيدفع مبالغ كبيرة يحدد المساعدة وين

مشكلتكم تكلمون وانتوا ما تعرفون شيء تحسبون الجمعيات قاعده تحط داخل جيوبها ..

الجمعيات عبارة عن ..

خط السير الله يسلمك

متبرع ـــــــ > الجمعية ( وسيط ) ـــــــ > مساعدة داخلية او خارجية ..


احنا ماقلنا ان الجمعيات اتحط التبرعات في جيوبها هذا كلام من عندك كلامنا واضح وراجع الردود قلنا ان التبرعات اتكون بالملايين في الخارج وبالفتات للداخل محد ذكر انها اتروح جيوبهم وياريت تسحب هالجمله ولاتقولنا شي ماقلناه ..
انا بينت لك نقطه انا ومعاي اكيد الالاف ماحددنا وجهة التبرع وهالتبرعات على مدار السنه يعني شوف في الاخير كم يكون المبلغ .. النقطه الثانيه يوم را ادفعت 5000 ريال لمريض يحتاج ل 50 الف هل ال 5000 ريال اللي دفعتها راف مشروطه من صاحبها؟؟؟ واذا كانت مشروطه هل راف ماتتملك اصول او بند للمساعدات الداخليه اللي يتم تجميعها من اناس ماشترطوا وين اتروح تبرعاتهم؟؟

[اليافعي 1]

انا من زمان قاطعت الجمعيات الخيريه ....تسقي البعيد وتخلي القريب انا شبستفيد لى ازرعوا شجر زيتون في غزه !!!!!!! ولا يزوجون اليمنين بدال مايزوجون القطرين !!!!!!!


أختي الفاضلة :
إنتي إلي تحددين المبلغ وين يروح ,,,
وفقكِ الله

[شبح الصمت]

احنا ماقلنا ان الجمعيات اتحط التبرعات في جيوبها هذا كلام من عندك كلامنا واضح وراجع الردود قلنا ان التبرعات اتكون بالملايين في الخارج وبالفتات للداخل محد ذكر انها اتروح جيوبهم وياريت تسحب هالجمله ولاتقولنا شي ماقلناه ..
انا بينت لك نقطه انا ومعاي اكيد الالاف ماحددنا وجهة التبرع وهالتبرعات على مدار السنه يعني شوف في الاخير كم يكون المبلغ .. النقطه الثانيه يوم را ادفعت 5000 ريال لمريض يحتاج ل 50 الف هل ال 5000 ريال اللي دفعتها راف مشروطه من صاحبها؟؟؟ واذا كانت مشروطه هل راف ماتتملك اصول او بند للمساعدات الداخليه اللي يتم تجميعها من اناس ماشترطوا وين اتروح تبرعاتهم؟؟



بسالك هل انت اطلعت على المساعدات الي تقدم داخل قطر ...

ممكن توافينا بتقرير عن هالمساعدات !!!


لانه ماشاء الله عليك شكلك مطلع على امورهم وعارف الفلوس وين تروح وين تجي ..

وخلاص لا تزعل بنسحب كلمة في جيوبهم ..

سحبتها ..

[لاجئ عاطفي]

بسالك هل انت اطلعت على المساعدات الي تقدم داخل قطر ...

ممكن توافينا بتقرير عن هالمساعدات !!!


لانه ماشاء الله عليك شكلك مطلع على امورهم وعارف الفلوس وين تروح وين تجي ..

وخلاص لا تزعل بنسحب كلمة في جيوبهم ..

سحبتها ..


لا فديت خشمك اان مهب مطلع ولا غيره انا اشوف المكتوب في الجرايد واستنتج اللي اشوفه في الجرايد ان هناك حالات في قطر تحتاج للمساعده وهالمساعده اتكون عاجله لان اغلبها عن اجراء عمليات بالخارج وتحتاج لمساعدات مالية كبيره وفي المقابل اشوف ان الجمعيات الخيريه تبادر بالمساهمه بمبالغ ضئيلة جدا لاتغني ولا تسمن من جوع وهنا كان التسائل لماذا لاتدفع تلك الجمعيات جميع مصاريف تلك الحالات مع العلم ان هالجمعيات جميعها لديها ميزانيه ضخمه لمثل هذه الحالات وغيرها الكثير ..

طيب فهمنا من كلامك ان هناك توجيهات من اصحاب التبرعات يحددون وجهة تبرعاتهم على حسب البنود الموجوده في في الجمعيات الخيريه طيب ليش ماتفتح هالجمعيات الخيريه بنود لاستقبال التبرعات لمن هم في الداخل فهل لو تم ذلك راح يمتنع المتبرع عن الدفع لمحتاجين الداخل؟؟ ماعتقد في احد راح يمنع وصدقني لو في بند مخصص للمساعدات الداخليه ماظن حد فينا بيتاخر والدليل ادارة الوقف اللي تستقبل اسبوعيا وقف من اهل الخير في قطر

[اليافعي 1]

طيب فهمنا من كلامك ان هناك توجيهات من اصحاب التبرعات يحددون وجهة تبرعاتهم على حسب البنود الموجوده في في الجمعيات الخيريه طيب ليش ماتفتح هالجمعيات الخيريه بنود لاستقبال التبرعات لمن هم في الداخل فهل لو تم ذلك راح يمتنع المتبرع عن الدفع لمحتاجين الداخل؟؟ ماعتقد في احد راح يمنع وصدقني لو في بند مخصص للمساعدات الداخليه ماظن حد فينا بيتاخر والدليل ادارة الوقف اللي تستقبل اسبوعيا وقف من اهل الخير في قطر


أخي الكريم بارك الله فيك

صدقني ترى البنود موجودة ,,, بس الناس تحب تتكلم , والشخص إلي يدفع ساكت لانه يشوف التقارير والصور إلي توصل إليه , ولا يحب يًراءي بعمله ,

ملاحظة إذا تعرف حد يبي يتبرع لحالات مرضية داخل قطر أو عوائل فقيرة أو غارمين ,, راسلني على الخاص ,,,,

وفقك الله

[لاجئ عاطفي]

أخي الكريم بارك الله فيك

صدقني ترى البنود موجودة ,,, بس الناس تحب تتكلم , والشخص إلي يدفع ساكت لانه يشوف التقارير والصور إلي توصل إليه , ولا يحب يًراءي بعمله ,

ملاحظة إذا تعرف حد يبي يتبرع لحالات مرضية داخل قطر أو عوائل فقيرة أو غارمين ,, راسلني على الخاص ,,,,

وفقك الله


اخوي العزيز انا رحت جمعيات خيريه ماشفت اي بند من هالبنود اللي اتكلم عنها اتخص الداخل كل التبرعات للخارج وبعطيك مثال بسيط وحي على كلامي .. نشاهد في صلاة كل جمعة صناديق التبرعات وقبل نهاية الخطبه يحث الخطيب المصلين بالتبرع لجهة معينه بتعلميات من الجمعيات صاحبة الصناديق ولا مره شفت صناديق في صلاة الجمعة للمتضررين في الداخل فوين هذهي البنود اللي تخص الداخل؟؟ لو كانت موجوده كان شفناها عقب كل صلاة جمعة على الاقل

[بوسلمان 2010]

اي والله وين التبرعات الي جايتهم من قبل اكيد بيقلون انهم تبرعو فيها لصالح خارج البلاد هذا الي متعارف عليه


الحين عند اخونا في الجمعيات الخيره الله يجزاهم خير يااخونا في الجمعيات الخيره تبرعوا الي اخوانكم الي



داخل الدولة لانهم والله انهم في امس الحاجه والفايض تبرعوا فيه خارج الدولة يعني الحين مافي ناس عندنا


مديونين ويمكن الحين هم في السجن بسبب الديون فرحوهم وادفعو عنهم الدين على الاقل ارمضان وبركاته



ولا بس التبرعات حق برى وعلشان الاعلام انه المؤسسة الفلانيه بنت وسوت وتبنت الله المستعان

[ورقة غار]

أختي الفاضلة :
إنتي إلي تحددين المبلغ وين يروح ,,,
وفقكِ الله





كلامك صحيح انا اللي احدد فلوسي وين تروح لكن يوم اجوف انها رايحه للخارج على اشياء سخيفه ... انا مب ضد مساعدة الدول المحتاجه لكن الاقربون اولى بالمعروف ....

[لاجئ عاطفي]

اي والله وين التبرعات الي جايتهم من قبل اكيد بيقلون انهم تبرعو فيها لصالح خارج البلاد هذا الي متعارف عليه


الحين عند اخونا في الجمعيات الخيره الله يجزاهم خير يااخونا في الجمعيات الخيره تبرعوا الي اخوانكم الي



داخل الدولة لانهم والله انهم في امس الحاجه والفايض تبرعوا فيه خارج الدولة يعني الحين مافي ناس عندنا


مديونين ويمكن الحين هم في السجن بسبب الديون فرحوهم وادفعو عنهم الدين على الاقل ارمضان وبركاته



ولا بس التبرعات حق برى وعلشان الاعلام انه المؤسسة الفلانيه بنت وسوت وتبنت الله المستعان


معاك حق اخوي العزيز ليش هالجمعيات ماتسوي حملة تبرعات للداخل سواء الغارمين او المعسرين واحقاقا للحق احد الجمعيات منذ سنوات سوت حملة للغارمين وكانت نتائجها ممتازه ولكن لو قسنا الحملات للداخل بمقابل الحملات اللي للخارج بتكون الكفه لصالح الخارج فلو اتلاحظون اي دولة بالخارج يصير فيها اي شي على طول تباددر كل الجمعيات على تنظيم حملة تبرعات وفي كافة الاماكن مجمعات او في وسائل الاعلان ولكن حملات لتبرعات في الداخل اتصير مره كل عشر سنوات يعني بالعربي الفصيح ( فالسنه حسنه ) !!!!
على فكره ترى الدول المتضررة ماتعيش فقط على تبرعات جمعيات قطر لان تجيها التبرعات على مستوى دول مهب بس جمعيات خيريه يعني اللي تجمعة جمعيتنا الخيريه ولا شي بالمقارنه مع تبرعات الدول المانحه واللي توصل للمليارات

[اليافعي 1]

اخوي العزيز انا رحت جمعيات خيريه ماشفت اي بند من هالبنود اللي اتكلم عنها اتخص الداخل كل التبرعات للخارج وبعطيك مثال بسيط وحي على كلامي .. نشاهد في صلاة كل جمعة صناديق التبرعات وقبل نهاية الخطبه يحث الخطيب المصلين بالتبرع لجهة معينه بتعلميات من الجمعيات صاحبة الصناديق ولا مره شفت صناديق في صلاة الجمعة للمتضررين في الداخل فوين هذهي البنود اللي تخص الداخل؟؟ لو كانت موجوده كان شفناها عقب كل صلاة جمعة على الاقل


أخي الكريم : ترى البنود موجودة في برنامج وليس على طاولة , بس إذا أنت رحت هناك أطلب منهم كُتيب المشاريع داخل قطر , وراح تشوف المشاريع شكثر ,
أما بخصوص التبرعات بعد صلاة الجمعة , فهي مخصصة للإغاثات , مثل زلزال او فيضانات مثل إلي صارت في باكستان أو إغاثة ليبيا او سوريا ,
أما إذا تقصد الديون على المواطنين داخل البلد , فانت تعرف كم عدد المديونيين حتى الدولة لا تستطيع حل قضايا الديون , ولو حلتها يمكن خلال شهر يرد نفس المبلغ ,,, الله يوفقك لكل خير

[لاجئ عاطفي]

أخي الكريم : ترى البنود موجودة في برنامج وليس على طاولة , بس إذا أنت رحت هناك أطلب منهم كُتيب المشاريع داخل قطر , وراح تشوف المشاريع شكثر ,
أما بخصوص التبرعات بعد صلاة الجمعة , فهي مخصصة للإغاثات , مثل زلزال او فيضانات مثل إلي صارت في باكستان أو إغاثة ليبيا او سوريا ,
أما إذا تقصد الديون على المواطنين داخل البلد , فانت تعرف كم عدد المديونيين حتى الدولة لا تستطيع حل قضايا الديون , ولو حلتها يمكن خلال شهر يرد نفس المبلغ ,,, الله يوفقك لكل خير


اعيد واكرر اخوي العزيز والغالي ان هالدول تجيها مساعدات بالمليارات من الدول المانحه وياكثرها ومنها قطر ماتتنظر تبرعات الجمعيات الخيريه لان مافي وجهه مقارنه بما تدفعه الدول المانحه مع ( قروش ) الجمعيات الخيريه بمن باب اولى لما اتشوف الجمعيات ان دولة متضررة واتشوف ان هناك دول وفرت لها كافة التبرعات تتوقف عن ارسال مساعداتها وتسخرها للداخل وانا ماذكرت ديون المواطنين لان في مواطنين عندهم ديون وهم في بيوتهم انا اتكلم عن الغارمين اللي في السجون هذول لو سوت كل جمعياتنا الخيريه حملة تبرعات لهم راح تحل ازمتهم ولكن جمعيتنا مبرمجه على رتم معين منذ سنوات ولا راح يتغيير

[اليافعي 1]

كلامك صحيح انا اللي احدد فلوسي وين تروح لكن يوم اجوف انها رايحه للخارج على اشياء سخيفه ... انا مب ضد مساعدة الدول المحتاجه لكن الاقربون اولى بالمعروف ....


والله أختي الكريمة مو أشياء سخيفة فلو إفترضنا مشروع أشجار الزيتون فهي دخل دائم لعائلة فلسطينية فتعتبر المصدر الوحيد لرزقهم وأنتي تعرفين ضروفهم , وكذلك الزواج في اليمن فتكلفة العرس 5000 ريال فقط , وأنتي بعد تعرفين تكلفة الزواج في البلد ومع ذلك يوجد مشروع لدى رأف إسمه إعفاف لمساعدة المقبلين على الزواج وإلى الآن مفتوح التبرع فيه وبعد أنصحكِ حاولي تطلعين على مشاريع الجمعيات بنفسكِ ولا تلتفتين لكلام الناس تبرئة لله وعدم ظلم الآخرين ,,, وفيكِ الله

[لاجئ عاطفي]

والله أختي الكريمة مو أشياء سخيفة فلو إفترضنا مشروع أشجار الزيتون فهي دخل دائم لعائلة فلسطينية فتعتبر المصدر الوحيد لرزقهم وأنتي تعرفين ضروفهم , وكذلك الزواج في اليمن فتكلفة العرس 5000 ريال فقط , وأنتي بعد تعرفين تكلفة الزواج في البلد ومع ذلك يوجد مشروع لدى رأف إسمه إعفاف لمساعدة المقبلين على الزواج وإلى الآن مفتوح التبرع فيه وبعد أنصحكِ حاولي تطلعين على مشاريع الجمعيات بنفسكِ ولا تلتفتين لكلام الناس تبرئة لله وعدم ظلم الآخرين ,,, وفيكِ الله


السؤال هنا هل فلسطين او اليمن لاتاتيها تبرعات الا من جمعيات خيريه قطريه؟؟؟ فلسطين من ماوعينا على هالدنيا واحنا انشوف التبرعات لها والى الان اهلها في فقر وبؤس والسبب المسؤولين هناك فلو التبرعات ذي توصل لاصحابها كان الحين اهل فلسطين من اغنى اغنياء العالم ولكن جميع هالتبرعات توصل او ربما في الاخير يتم تحويل مسارها وتوصل لجهات مالها علاقه بالمحتاجين فمن باب اولى اوزع هالتبرعات للداخل والخارج يكفي عليهم الدول المانحه

[اليافعي 1]

اعيد واكرر اخوي العزيز والغالي ان هالدول تجيها مساعدات بالمليارات من الدول المانحه وياكثرها ومنها قطر ماتتنظر تبرعات الجمعيات الخيريه لان مافي وجهه مقارنه بما تدفعه الدول المانحه مع ( قروش ) الجمعيات الخيريه بمن باب اولى لما اتشوف الجمعيات ان دولة متضررة واتشوف ان هناك دول وفرت لها كافة التبرعات تتوقف عن ارسال مساعداتها وتسخرها للداخل وانا ماذكرت ديون المواطنين لان في مواطنين عندهم ديون وهم في بيوتهم انا اتكلم عن الغارمين اللي في السجون هذول لو سوت كل جمعياتنا الخيريه حملة تبرعات لهم راح تحل ازمتهم ولكن جمعيتنا مبرمجه على رتم معين منذ سنوات ولا راح يتغيير

أخي الفاضل :
يوجد مشروع مساعدة غارم عن طريق عيد الخيرية وبالتعاون مع وزارة الداخلية وجريدة الشرق وصار له أكثر من سنتين , المشكله أين المتبرعين ؟؟؟
وترى كلامي ليس دفاع عن الجمعيات ,, ولكن من باب لا نظلم احد ,,, حفظك الله

[BIG-VEGA]

أخي الكريم : ترى البنود موجودة في برنامج وليس على طاولة , بس إذا أنت رحت هناك أطلب منهم كُتيب المشاريع داخل قطر , وراح تشوف المشاريع شكثر ,
أما بخصوص التبرعات بعد صلاة الجمعة , فهي مخصصة للإغاثات , مثل زلزال او فيضانات مثل إلي صارت في باكستان أو إغاثة ليبيا او سوريا ,
أما إذا تقصد الديون على المواطنين داخل البلد , فانت تعرف كم عدد المديونيين حتى الدولة لا تستطيع حل قضايا الديون , ولو حلتها يمكن خلال شهر يرد نفس المبلغ ,,, الله يوفقك لكل خير

شنو بيخسرون لو رد نفس المبلغ ... الناس الي تدفع
بعدين مش مطلوب منهم سداد كل ديون اهل قطر ... المعروف ان منهم ديون كماليات ومنهم ديون حاجه
والاجر موجود ان شاء الله

ولا الجمعيات الخيريه مايحبون يفتحون على نفسهم باب

[لاجئ عاطفي]

أخي الفاضل :
يوجد مشروع مساعدة غارم عن طريق عيد الخيرية وبالتعاون مع وزارة الداخلية وجريدة الشرق وصار له أكثر من سنتين , المشكله أين المتبرعين ؟؟؟
وترى كلامي ليس دفاع عن الجمعيات ,, ولكن من باب لا نظلم احد ,,, حفظك الله


اين المتبرعين؟؟ خصص صناديق في كل صلاة جمعة وشوف المتبرعين واذكر للناس ان هالصناديق لاخواننا القطريين اللي خلف القضبان شوف عقب المتبرعين اما ااتقولي عن حملة سوتها جمعيه خيريه مع الشرق لمدة معينه فقط وتوقفت هذي مالنا ذنب فيها لانها ابعدت عن الاعلام وغابت والناس ماعادت تدري بها ولكن كل جمعة خصص صندوق تبرعات للداخل واطلب من الخطيب يوجهه المصلين ان هناكح صناديق للتبرعات الداخليه وعلى مدار السنه شوف النتائج مثل مايسون لتبرعات الخارج

[الهاجس2009]

يااجماعه نسيتوا الشخص اللي اتصل في برنامج وطني الحبيب وقال انه يوم جاء يبي يتبرع واشترط انه تبرعاته تكون داخل قطر وردوا عليه ان التبرعات اللي تجيهم لازم يرسلونها في امكاان خارج قطر ونسيتوا الشخص اللي اتصلو ابكى المذيعه ونسيتوا النااس اللي من اهل قطر يبيعوون الكراتين عشات يلاقون قوة يومهم او الاخر اللي مايدرس عياله عشان المصرووف مب لاقييه وغيره وغيره....

وارجو منكم اذا مب قادرين تسمعون برنامج وطني الحبيب ادخلو على الموقع واسمعوا الحلقاات كلهاا موجوده هناك وهذا الرابط للي يبيه
http://www.qatarradio.net/body.html

فييه مشاكل مب مشكله ولا احنا قادريين نعرف حلولها واكبر مثال صندوق الغارمين اللي بجمعية عيد ولانفعنا بأي شي وبس هذا هو رأيي الشخصي والله اعلم

[لاجئ عاطفي]

يااجماعه نسيتوا الشخص اللي اتصل في برنامج وطني الحبيب وقال انه يوم جاء يبي يتبرع واشترط انه تبرعاته تكون داخل قطر وردوا عليه ان التبرعات اللي تجيهم لازم يرسلونها في امكاان خارج قطر ونسيتوا الشخص اللي اتصلو ابكى المذيعه ونسيتوا النااس اللي من اهل قطر يبيعوون الكراتين عشات يلاقون قوة يومهم او الاخر اللي مايدرس عياله عشان المصرووف مب لاقييه وغيره وغيره....

وارجو منكم اذا مب قادرين تسمعون برنامج وطني الحبيب ادخلو على الموقع واسمعوا الحلقاات كلهاا موجوده هناك وهذا الرابط للي يبيه
http://www.qatarradio.net/body.html

فييه مشاكل مب مشكله ولا احنا قادريين نعرف حلولها واكبر مثال صندوق الغارمين اللي بجمعية عيد ولانفعنا بأي شي وبس هذا هو رأيي الشخصي والله اعلم


صدفت اخوي العزيز هم امركزين على المساعدات الخارجيه فقط وانت شوف الحملات الاعلانيه اللي يسونها لو في بلد خارج قطر صارت فيه مشكله او كارثه وكان هم الوحيدين اللي بيساعدون هالبلد ويقولون لك ان المتبرع مشترط يعني بالعقل المتبرع اللي جا ععندهم وخصص لهم مبلغ يدري ان بتصير كارثه في البلد الفلاني؟؟ وبعدين هم يقدرون يقولون للمتبرع ان هم راح يتصرفون بالمبلغ سواء للخارج او الداخل على حسب الحالات الموجوده ولكن هذي شماعة يعلقون فيها تخطيطهم العشوائي واكبر دليل ان اغلب حملاتهم للخارج ونادر يسون حملات للداخل .. ماقول الا الله يكون في العون بس

[ورقة غار]

والله أختي الكريمة مو أشياء سخيفة فلو إفترضنا مشروع أشجار الزيتون فهي دخل دائم لعائلة فلسطينية فتعتبر المصدر الوحيد لرزقهم وأنتي تعرفين ضروفهم , وكذلك الزواج في اليمن فتكلفة العرس 5000 ريال فقط , وأنتي بعد تعرفين تكلفة الزواج في البلد ومع ذلك يوجد مشروع لدى رأف إسمه إعفاف لمساعدة المقبلين على الزواج وإلى الآن مفتوح التبرع فيه وبعد أنصحكِ حاولي تطلعين على مشاريع الجمعيات بنفسكِ ولا تلتفتين لكلام الناس تبرئة لله وعدم ظلم الآخرين ,,, وفيكِ الله



اخوى الاقربون اولى بالمعروف وبعدين ليش مااجوف الفلسطنين نفسهم يتبرعون حق اهاليهم ولا بس شاطرين حق ستار بوكس ...انا قطرية اجوف اهلي القطرين هم اولى الناس بعدين تجي الفئات الثانيه ... وترى كلام الناس ماطلع من فرااغ الا جايفين وعارفين

[لاجئ عاطفي]

اخوى الاقربون اولى بالمعروف وبعدين ليش مااجوف الفلسطنين نفسهم يتبرعون حق اهاليهم ولا بس شاطرين حق ستار بوكس ...انا قطرية اجوف اهلي القطرين هم اولى الناس بعدين تجي الفئات الثانيه ... وترى كلام الناس ماطلع من فرااغ الا جايفين وعارفين


وياريتها توصل صار لنا سنين واحنا انتبرع لفلسطين وهم مثل ماهم واللي يغتنون فقط الساسه عندهم بيوت وفلل وقصور حتى في اوروبا من الاولى؟؟ الجمعيات الخيريه لازم اتغير سياستها واتركز عالداخل لان هم الاولى واهم الاهم ولحد يقول ان المتبرعيين يشترطون لان انتوا للي اتحددون البنود وماعتقد اي قطري او قطرية راح يرفضون التبرع للداخل ولاهلهم في قطر من الاسر المحتاجه والمعسره

[اليافعي 1]

اخوى الاقربون اولى بالمعروف وبعدين ليش مااجوف الفلسطنين نفسهم يتبرعون حق اهاليهم ولا بس شاطرين حق ستار بوكس ...انا قطرية اجوف اهلي القطرين هم اولى الناس بعدين تجي الفئات الثانيه ... وترى كلام الناس ماطلع من فرااغ الا جايفين وعارفين


أختي الكريمة :
كلامكِ عين العقل والصواب الأقربون أولى بالمعروف , ولا أحد يخلتف معاكِ بهذا الخصوص , ولكن لا نربط أنفسنا بألآخرين ليش وما ليش ,,, كل واحد إلي يتصدق فيه يكون خالص لوجه الله ويبغى من الله الآجر , ولي يدفع لستاربكس فهي عليه وزر يوم القايمة يوم يسأله الله عن أربع ومنها وعن ماله من أين اكتسبه وفيما انفقه ,, فحسابهم على الله وليس علينا ,
وإلي أبي أوصل إليه : إن الجمعيات الخيرية لها مشاريع في الداخل والخارج والمتبرع هو من يحدد أين يروح ماله ,,, ولا أحد يلزمه ,,, والله يحفظنا وإياكم لكل خير

[لاجئ عاطفي]

ياجماعة الخير حد يعطينا نبذة عن مشاريع الداخل طوال السنه يعني مهب بس في رمضان لان مشاريع الداخل في رمضان انعرفها خيام افطار الصائم ولكن ابي مشاريع مثل المشاريع اللي بالخارج ياريت واحد يكون مطلع وقريب من الجمعيات الخيريه ويعرض لنا هالمشاريع ان وجدت .!!!

[طبعي غير]

لن تحل هذه المشكلة مهما تكلمتم إلا حين يتم تقطير هذه الجمعيات ويأخذ القطريين مكان الفلسطنيين والمصريين في هذه الجمعيات. ولست أبني كلامي على أساس الجنسية بعينها ولكن على أساس المذهب الفكري المسيطر على العاملين في الجمعيات الخيرية في قطر

[سهام]

عن نفسي مستحيل أعطي زكاة أموالي أو أتبرع لأي جمعيه خيريه بعد ما سمعت وشفت
وكنت أتبرع لصندوق الزكاة وبعد الحالات القطرية إلي تحتاج وما حصلت مساعده منهم بحجة أنهم ما وفروا الأوراق المطلوبة بينما حصلوا الأجانب المساعدة لأنهم وفروا الأوراق المطلوبة ، لذلك النصيب الأكبر للمساعدة كان للأجانب ، ما فكروا ليش هالقطري إلي على قد حاله ومتعفف ليش ما وفر الأوراق؟!! ابسط جواب لأم سألتها ليش ما وفرتي الأوراق لان سبب رفض طلبك مجرد توفير الأوراق الثبوتيه؟ قالت : وبكل بساطه ((يا بنتي يطلبون أوراق من جهات حكوميه وبنوك وهاالاوراق تبي لها أولا: مبلغ رمزي على قولتهم عشان احصل عليها وثانيا : تبي سيارة توصلني وأنا ما عندي إلا سيارة الاجره إلي تأخذ مبلغ لو انه عندي كان حطيت شيء بثلاجتنا الفاضيه ))..ومن يومها سويت بيني وبين زميلاتي صندوق للمساعدات القطرية فقط ومع انه ممنوع بالدوام بس توكلت على الله وسويته والله يستر، ووصلتني حالات اسر وربي يرثى لحالها ويقلون ما فيه قطريين محتاجين والله ثم والله فيه وبساعدهم على قد ما قدر صحيح المبالغ إلي اجمعها ما وصلت إلي نبيه بس على الأقل سد حاجه ولله الحمد .. وبالتوفيق للجميع.

كلمه لصندوق الزكاة:
ألا تعلمون أننا في عصر الاتصالات؟!! والتواصل مع الجهات الحكومية سهلا جدا في هذا الزمن ، فارجوا أن توفروا بأنفسكم الأوراق المطلوبة وتتحققون عن طريقكم عن الحالة وليس هناك داعي_ روح وتعال _ ارتقوا لرقية بلدكم ووفروا هالخدمة للأسر القطرية على الأقل ، لا تنسون أن أكثر هذي الأسر متعففة والخجل ما يخليهم يطلبون بإلحاح كغيرهم .

[دولة قطر.]

ههههههههههههههههههههه
راف وما ادرك ما راف
لاتعليق
No comment

[دولة قطر.]

أختي الكريمة :
كلامكِ عين العقل والصواب الأقربون أولى بالمعروف , ولا أحد يخلتف معاكِ بهذا الخصوص , ولكن لا نربط أنفسنا بألآخرين ليش وما ليش ,,, كل واحد إلي يتصدق فيه يكون خالص لوجه الله ويبغى من الله الآجر , ولي يدفع لستاربكس فهي عليه وزر يوم القايمة يوم يسأله الله عن أربع ومنها وعن ماله من أين اكتسبه وفيما انفقه ,, فحسابهم على الله وليس علينا ,
وإلي أبي أوصل إليه : إن الجمعيات الخيرية لها مشاريع في الداخل والخارج والمتبرع هو من يحدد أين يروح ماله ,,, ولا أحد يلزمه ,,, والله يحفظنا وإياكم لكل خير


جزاك الله الف خير عن التوضيح
الاخ موظف في راف او احدى الجمعيات الخيرية

[طبعي غير]

عن نفسي مستحيل أعطي زكاة أموالي أو أتبرع لأي جمعيه خيريه بعد ما سمعت وشفت
وكنت أتبرع لصندوق الزكاة وبعد الحالات القطرية إلي تحتاج وما حصلت مساعده منهم بحجة أنهم ما وفروا الأوراق المطلوبة بينما حصلوا الأجانب المساعدة لأنهم وفروا الأوراق المطلوبة ، لذلك النصيب الأكبر للمساعدة كان للأجانب ، ما فكروا ليش هالقطري إلي على قد حاله ومتعفف ليش ما وفر الأوراق؟!! ابسط جواب لأم سألتها ليش ما وفرتي الأوراق لان سبب رفض طلبك مجرد توفير الأوراق الثبوتيه؟ قالت : وبكل بساطه ((يا بنتي يطلبون أوراق من جهات حكوميه وبنوك وهاالاوراق تبي لها أولا: مبلغ رمزي على قولتهم عشان احصل عليها وثانيا : تبي سيارة توصلني وأنا ما عندي إلا سيارة الاجره إلي تأخذ مبلغ لو انه عندي كان حطيت شيء بثلاجتنا الفاضيه ))..ومن يومها سويت بيني وبين زميلاتي صندوق للمساعدات القطرية فقط ومع انه ممنوع بالدوام بس توكلت على الله وسويته والله يستر، ووصلتني حالات اسر وربي يرثى لحالها ويقلون ما فيه قطريين محتاجين والله ثم والله فيه وبساعدهم على قد ما قدر صحيح المبالغ إلي اجمعها ما وصلت إلي نبيه بس على الأقل سد حاجه ولله الحمد .. وبالتوفيق للجميع.

كلمه لصندوق الزكاة:
ألا تعلمون أننا في عصر الاتصالات؟!! والتواصل مع الجهات الحكومية سهلا جدا في هذا الزمن ، فارجوا أن توفروا بأنفسكم الأوراق المطلوبة وتتحققون عن طريقكم عن الحالة وليس هناك داعي_ روح وتعال _ ارتقوا لرقية بلدكم ووفروا هالخدمة للأسر القطرية على الأقل ، لا تنسون أن أكثر هذي الأسر متعففة والخجل ما يخليهم يطلبون بإلحاح كغيرهم .

:nice:

[لاجئ عاطفي]

عن نفسي مستحيل أعطي زكاة أموالي أو أتبرع لأي جمعيه خيريه بعد ما سمعت وشفت
وكنت أتبرع لصندوق الزكاة وبعد الحالات القطرية إلي تحتاج وما حصلت مساعده منهم بحجة أنهم ما وفروا الأوراق المطلوبة بينما حصلوا الأجانب المساعدة لأنهم وفروا الأوراق المطلوبة ، لذلك النصيب الأكبر للمساعدة كان للأجانب ، ما فكروا ليش هالقطري إلي على قد حاله ومتعفف ليش ما وفر الأوراق؟!! ابسط جواب لأم سألتها ليش ما وفرتي الأوراق لان سبب رفض طلبك مجرد توفير الأوراق الثبوتيه؟ قالت : وبكل بساطه ((يا بنتي يطلبون أوراق من جهات حكوميه وبنوك وهاالاوراق تبي لها أولا: مبلغ رمزي على قولتهم عشان احصل عليها وثانيا : تبي سيارة توصلني وأنا ما عندي إلا سيارة الاجره إلي تأخذ مبلغ لو انه عندي كان حطيت شيء بثلاجتنا الفاضيه ))..ومن يومها سويت بيني وبين زميلاتي صندوق للمساعدات القطرية فقط ومع انه ممنوع بالدوام بس توكلت على الله وسويته والله يستر، ووصلتني حالات اسر وربي يرثى لحالها ويقلون ما فيه قطريين محتاجين والله ثم والله فيه وبساعدهم على قد ما قدر صحيح المبالغ إلي اجمعها ما وصلت إلي نبيه بس على الأقل سد حاجه ولله الحمد .. وبالتوفيق للجميع.

كلمه لصندوق الزكاة:
ألا تعلمون أننا في عصر الاتصالات؟!! والتواصل مع الجهات الحكومية سهلا جدا في هذا الزمن ، فارجوا أن توفروا بأنفسكم الأوراق المطلوبة وتتحققون عن طريقكم عن الحالة وليس هناك داعي_ روح وتعال _ ارتقوا لرقية بلدكم ووفروا هالخدمة للأسر القطرية على الأقل ، لا تنسون أن أكثر هذي الأسر متعففة والخجل ما يخليهم يطلبون بإلحاح كغيرهم .


الله يجزاج خير انتي وكل اللي يسعى لفعل الخير لاهل ديرته لان هم الاولى وانتي ذكرتي نقطه فعلا مهمه ليش ماهم يستعلمون بنفسهم ليش مايطورون من شبكة الاتصالات عندهم ولا بس فالحين يحطون هالصناديق وحملات ودعايات للخارج بينما اللي في الداخل مالهم الا الله ..
انا مثلج ماعدت ادفع للجمعيات الخيريه وكل اللي علي دفعه بس زكاة الفطر وكفالة اليتيم اما الباقي لا وماراح نسكت لين يخصصون بند ومشاريع للداخل حزتها كلنا بنساهم فيه ولو برياااااااال