لا حبتك عيني ماظامك الدهر

[درع الوطن]

http://im5.gulfup.com/2011-07-10/1310285357741.jpg

السلام عليكم ورحمة الله وبركاته




سبحان الله .. بالأمس كان مجرد مندوب .. يقوم بتخليص معاملات الشركة أو الوزارة في الدوائر الأخرى ....



وفجأه أصبح يتسلق سلم الترقيات بصورة خيالية ... مع أنه لايحمل شهادات علمية تؤهلة إلى هذه النوعية من الترقيات
وبعد فترة بسيطة .. أصبح مسؤول في الإدارة .. يأمر وينهي .. ويأخذ النصائح من الموظفين اللي تحته وهم أقدم منه وأعلم منه .. وأكفأ منه ...


غريب هالمنطق ... واللي يختلف عن منطق الواسطة .. أو فيتامين (و) ...
لأنه في هالحالة .. المحبة مستمرة مادام صاحب المنطق على الكرسي ..
أما بالنسبة للواسطة فهي حالة تختلف بإختلاف الحاجة .. وهي على العموم حالة خدماتيه بالمقام الأول ..

أنت موظف .. تكد وتتعب وتجتهد منذ سنوات طويلة وتتأمل خير في ترقية أو دورة خارجية تساعدك في تطوير نفسك وتدفعك للأمام إلى سلم الموظفين المميزين .. وتقربك أكثر من الحصول على مبتغاك .. وفجأه !!!!
يأتي من يقطف هذه الأحلام بجرة قلم .... كيف ؟ ولماذا ؟

منطق عجيب وغريب ....

[R 7 A L]

صار البحث عن الواسطة ( طويلة الأمد ) أفضل وأحسن من التعب والمثابرة والدراسة

[abn qatar]

هذا الواقع للاسف في كل مكان المثل يقول شيلني واشيلك

القوانين ترمى عرض الحائط او تطبق وقت مايبغون يرفضون ترفيع شخص يستحق الترفيع

[لاجئ عاطفي]

فعلا هذا النظام تجده مطبق في اغلب الادارات والوزارات الحكومية لان في القطاع الخاص هذا الكلام مايمشي هناك في محاسبه ورقيب اما في القطاع الحكومي فالمسؤول هو الرقيب وهو الامر وهو الناهي وهو من يعيين وهو من يرقي وهو من يعاقب وهو من يحاسب وبنظرة سريعه لكل من حول هذا المدير تجدهم من لا يضيمهم الدهر بكل العلاوات تصرف لهم وكل الامتيازات تصرف لهم وكل الدورات تخصص لهم اما البقيه ( قلعه تقلعهم ) مثل مايقول طويل العمر !!!

[عابر سبيل]

الفقع يا خوي درع الوطن..
ما يطلع الا في الوسمي..
و لما تتهيأ في الجو و على الارض
الظروف المناسبة لنموّه ..

فلكل ظاهرة (وسميها)..
و لكل نفسية من النفسيات ايضا (وسميها)
و الظروف التي لا بد من توافرها لكي
تنبت و تطلع للواقع..

الظاهرة التي تتكلم عنها..جد خطيرة..
لكن..ربما هي ليست بالانتشار و العموم
بشكل طاغي..و الحمد لله..

و العيب ليس فقط في "المتسلقين"
بل المتنفذين المنتفعين الذين يكسبون
من بروز مثل هالنوعية من البشر.

شاكر لك على هالطرح و التذكير
بظاهر غريبة..
لكني اقول.انها ليست فقط محصورة
في مجتمعنا..
و اتمنى ان لا يفسد الخلاف "الجزئي"
في وجهة النظر..للود قضية!

[بوحمد111]

هذا الشي قديم ومتعارف عليه وهناك امثله لا تعد ولا تحصى وما نبي ندخل في التفاصيل حتى لا نحرج اصحاب المناصب والملايين

الله المستعان

[درع الوطن]

صار البحث عن الواسطة ( طويلة الأمد ) أفضل وأحسن من التعب والمثابرة والدراسة

لو حصل هالشي .. تعتقد راح نقدر نكون كفو لأي مسؤولية في المستقبل ؟؟

أصبحت مقولة .. الرجل الصحيح في المكان الصحيح مهزوزة بعض الشئ ..

يسعدني مرورك أخوي رحال

[درع الوطن]

هذا الواقع للاسف في كل مكان المثل يقول شيلني واشيلك

القوانين ترمى عرض الحائط او تطبق وقت مايبغون يرفضون ترفيع شخص يستحق الترفيع

طيب ... والحل ؟؟

يعني الواحد خلاص .. يرضى بالظلم ويسكت ؟؟

شاكر لك مرورك أخوي ابن قطر

[درع الوطن]

فعلا هذا النظام تجده مطبق في اغلب الادارات والوزارات الحكومية لان في القطاع الخاص هذا الكلام مايمشي هناك في محاسبه ورقيب اما في القطاع الحكومي فالمسؤول هو الرقيب وهو الامر وهو الناهي وهو من يعيين وهو من يرقي وهو من يعاقب وهو من يحاسب وبنظرة سريعه لكل من حول هذا المدير تجدهم من لا يضيمهم الدهر بكل العلاوات تصرف لهم وكل الامتيازات تصرف لهم وكل الدورات تخصص لهم اما البقيه ( قلعه تقلعهم ) مثل مايقول طويل العمر !!!


النظام هذا موجود في كل دائرة ووزارة وقطاع حكومي وقطاع خاص وفي كل مكان أخوي

والمشكلة مش موجودة في الوظيفة بس .. المشكلة موجودة في كل مايدور في فلك هذه الحياة
هناك ناس لهم إمتيازات عن الغير .. هناك ناس تعطى بغير وجه حق .. هناك ناس تاخذ اللي لها واللي لغيرها ... هذي هي المشكلة ...

أسعدني مرورك أخوي لاجئ عاطفي

[درع الوطن]

الفقع يا خوي درع الوطن..
ما يطلع الا في الوسمي..
و لما تتهيأ في الجو و على الارض
الظروف المناسبة لنموّه ..

فلكل ظاهرة (وسميها)..
و لكل نفسية من النفسيات ايضا (وسميها)
و الظروف التي لا بد من توافرها لكي
تنبت و تطلع للواقع..

الظاهرة التي تتكلم عنها..جد خطيرة..
لكن..ربما هي ليست بالانتشار و العموم
بشكل طاغي..و الحمد لله..

و العيب ليس فقط في "المتسلقين"
بل المتنفذين المنتفعين الذين يكسبون
من بروز مثل هالنوعية من البشر.

شاكر لك على هالطرح و التذكير
بظاهر غريبة..
لكني اقول.انها ليست فقط محصورة
في مجتمعنا..
و اتمنى ان لا يفسد الخلاف "الجزئي"
في وجهة النظر..للود قضية!


للأسف أخوي عابر .. هذه الظاهره ليست موسمية .. بل هي واقع يعيش في ( الفصول الأربعه )
وليست هذه الظاهرة أو الحالة مقصورة في مكان أو زمان معينين .. ولكنها داء ينخر في جسد المجتمعات حتى يسقطها في وحل البغضاء والحسد والنفاق بين الناس مما يضعضع أساسات هذه المجتمعات ..

أسعدني مرورك أخوي عابر سبيل ....

[R 7 A L]

لو حصل هالشي .. تعتقد راح نقدر نكون كفو لأي مسؤولية في المستقبل ؟؟

أصبحت مقولة .. الرجل الصحيح في المكان الصحيح مهزوزة بعض الشئ ..

يسعدني مرورك أخوي رحال





هي أسمها ( واسطة )
بس بيننا واكثريتنا يشوف انها ( نخوه ) انه يساعد الى يعرفه حتى لو مو كفو .

[درع الوطن]

هذا الشي قديم ومتعارف عليه وهناك امثله لا تعد ولا تحصى وما نبي ندخل في التفاصيل حتى لا نحرج اصحاب المناصب والملايين

الله المستعان


صحيح بأن هذا الشي قديم .. بس السكوت عنه مثل وضع الرأس في التراب ...

أسعدني مرورك أخوي بوحمد111

[درع الوطن]

هي أسمها ( واسطة )
بس بيننا واكثريتنا يشوف انها ( نخوه ) انه يساعد الى يعرفه حتى لو مو كفو .


مو مشكلة أنه يساعده في تخليص معاملة .. أو خلافه .. لكن ماتعتبر نخوه إنه يعطيه منصب
أو يميزه عن غيره بدون وجه حق ... أمحق نخوه ... :anger1:

[تحداني]

شخصيه من الشخصيات الي لها منصب عالي جدا في البلد
يعمل في قطاع حكومي .. سألته مره من المرات .. عن سر " ترقيه الموظفين لديه "
والترقيه تحصل عليها تحداني أسرع بسنه عن فرضا " س " من الناس

اسمعوا الرد
قال بنتي " تحداني " في عوايدنا القطريه او الخليجيه .. شي يسمونه " الشيمه .. وما اتردين أحد .. وان عرف الموظف ان مسؤوله يقرب له .. او يمت لجماعته ابصله " ما يفج ..
كل اشوي يجيني .. الله يطول ابعمرك يا بوفلان .. الله يطرح فيك البركه يا بوفلان
الا درجه تعطيني ايها فمو من عادتك انك اتقصر .. وانت ابد مو راعي اقصور
انت الكرم كله .. انت عارف الدنيا اشلون ماشيه مصالح .. وانت من هلي وجماعتي واعتقد مو حلوه اتردني
انت
وانت

يقول يا يبه " تحداني " من كثر حنته وزنته انا انحرج منه واقول شاسوي فيه
ان هو ما استحى على وجهه وكل دقيقه جاني .. انا اشلون ارد رجال طول وعرض
وساعات يمكن يكون اكبر مني

في ناس يا تحداني الزمن " هي اتحط نفسها ابمواقف "
انا كمسؤول ان رديته يقولون هذا ما يسوي لأهله ويطلعون علي الف حجي وحجي انا في غنى عنه .. ويمكن اشوي بهارات

وان سويت له احس نفسي مو راضي عن نفسي

" بالفعل عن نفسي بالرغم من متعه المناصب الا انها تضيف عبئ ازياده وينحط الواحد في مواقف محرجه .. وهو ماله ذنب فيه.. وفي وظيفتي الحاليه بالرغم ما احمل لا رئاسه ولا وزاره ولست سوى مسئوله في مجال معين واجد بعض المعاملات الي تخص حد من هلي تصلني للبيت واتضايق منها وايد "


جملكم الله برضاه

[..الاميرة..]

شئ طبيعي بيرفع وبيرقي إلي ما عنده شهادات وخبرات طويله تدري ليش !!

لانه خايف على منصبه .. ترى هذي أغلب سياسه إلي عندهم مناصب وكراسي ..

مجنون هو يجيب صاحب خبرة وشهادة بكره يحطونه بداله !!

لا يبه هذا خططهم إلي يتبعونها في إداراتهم ..

[درع الوطن]

شخصيه من الشخصيات الي لها منصب عالي جدا في البلد
يعمل في قطاع حكومي .. سألته مره من المرات .. عن سر " ترقيه الموظفين لديه "
والترقيه تحصل عليها تحداني أسرع بسنه عن فرضا " س " من الناس

اسمعوا الرد
قال بنتي " تحداني " في عوايدنا القطريه او الخليجيه .. شي يسمونه " الشيمه .. وما اتردين أحد .. وان عرف الموظف ان مسؤوله يقرب له .. او يمت لجماعته ابصله " ما يفج ..
كل اشوي يجيني .. الله يطول ابعمرك يا بوفلان .. الله يطرح فيك البركه يا بوفلان
الا درجه تعطيني ايها فمو من عادتك انك اتقصر .. وانت ابد مو راعي اقصور
انت الكرم كله .. انت عارف الدنيا اشلون ماشيه مصالح .. وانت من هلي وجماعتي واعتقد مو حلوه اتردني
انت
وانت

يقول يا يبه " تحداني " من كثر حنته وزنته انا انحرج منه واقول شاسوي فيه
ان هو ما استحى على وجهه وكل دقيقه جاني .. انا اشلون ارد رجال طول وعرض
وساعات يمكن يكون اكبر مني
في ناس يا تحداني الزمن " هي اتحط نفسها ابمواقف "
انا كمسؤول ان رديته يقولون هذا ما يسوي لأهله ويطلعون علي الف حجي وحجي انا في غنى عنه .. ويمكن اشوي بهارات

وان سويت له احس نفسي مو راضي عن نفسي

" بالفعل عن نفسي بالرغم من متعه المناصب الا انها تضيف عبئ ازياده وينحط الواحد في مواقف محرجه .. وهو ماله ذنب فيه.. وفي وظيفتي الحاليه بالرغم ما احمل لا رئاسه ولا وزاره ولست سوى مسئوله في مجال معين واجد بعض المعاملات الي تخص حد من هلي تصلني للبيت واتضايق منها وايد "


جملكم الله برضاه


طيب .. إذا هو أنحرج من المخلوق ... وشلون بيكون حاله أمام الخالق .. لأن الله راح يحاسبة على تفريطة في مسؤولياتة ... وبخصوص الشيمة .. فالشيمة انك تعطي كل ذو حق حقه ولا تظلمه شيئا ......

أسعدني مرورك أختي تحداني ..........

[Locale]

الارزاق موزعه في 7 ايام
كلنا انكتب لنا شلون بنعيش
رفعة الاقلام وجفت الصحف
وخلاص بسنا حسد انشوف غيرنا هذا الله كاتبله ويختبره
قليلا ماتشكرون
الواحد يجتهد ويثابر واذا ماصار نصيب لعله خيرا
وعسى ان تكرهوا شيئا وهو خير لكم
*

[درع الوطن]

شئ طبيعي بيرفع وبيرقي إلي ما عنده شهادات وخبرات طويله تدري ليش !!

لانه خايف على منصبه .. ترى هذي أغلب سياسه إلي عندهم مناصب وكراسي ..

مجنون هو يجيب صاحب خبرة وشهادة بكره يحطونه بداله !!

لا يبه هذا خططهم إلي يتبعونها في إداراتهم ..

وهالمسؤول .. مافيه مسؤول عليه ؟؟

يعني الدعوة فوضى .. ومزاجيه .. وعلى كيفه .. ومافيه أحد يحاسبة على تدمير آمال وطموحات الشباب اللي يتمنون يخدمون بلدهم واللي تعبوا وأجتهدوا وعلقوا آمالهم على كف الثريا ...

إذا أستمر الحال على هالوضع .. عمرنا ماراح نتقدم .. ودائماً راح يكون فيه من يسرق اللقمه من فم الفقير .........!!!!!

[درع الوطن]

الارزاق موزعه في 7 ايام
كلنا انكتب لنا شلون بنعيش
رفعة الاقلام وجفت الصحف
وخلاص بسنا حسد انشوف غيرنا هذا الله كاتبله ويختبره
قليلا ماتشكرون
الواحد يجتهد ويثابر واذا ماصار نصيب لعله خيرا
وعسى ان تكرهوا شيئا وهو خير لكم
*

الله يبعد الحسد عن قلوبنا وقلوب المسلمين ...

فيه مقولة تقول .. لكل مجتهد نصيب ...

وأيضاً في مقولة تقول .. خذوا بالأسباب ...

والرزق على الله .. ومافيه إعتراض ... لكن الكلام عن حقوق الناس .. والمظلوم لابد يطالب بحقوقة ... وإذا كل واحد طالب بحقة قالوا عنه حسود .. يعني ماراح يكون فيه حقوق

أسعدني مرورك

[شيط ويط]

فعلا منطق عجيب وغريب

[..الاميرة..]

وهالمسؤول .. مافيه مسؤول عليه ؟؟

يعني الدعوة فوضى .. ومزاجيه .. وعلى كيفه .. ومافيه أحد يحاسبة على تدمير آمال وطموحات الشباب اللي يتمنون يخدمون بلدهم واللي تعبوا وأجتهدوا وعلقوا آمالهم على كف الثريا ...

إذا أستمر الحال على هالوضع .. عمرنا ماراح نتقدم .. ودائماً راح يكون فيه من يسرق اللقمه من فم الفقير .........!!!!!



هذا انت قلتها مسؤول أعلى منه ..

يعني ما فيه غير تقابل المسؤول عنه او الاعلى منه أو المجموعه المتظلمه تكتبون كتاب وترفعونه عندك الف طريقه ..

وبما أن فيه سلم وظيفي يتدرج فيه الموظف وهيكل تنظيمي لكل إدارة او مؤسسة لها شروطها ..

طالبوا بمحاسبه هالمسؤول على تعيين شخص لا ينطبق عليه الشروط وإعطائه درجه ما يستحقها بالرغم من توفر الأجدر منه لهذا الوظيفه إذا كان فعلاً غير مؤهل ..

وعل وعسى بس تلقون حد يرد عليكم ..

[تحداني]

طيب .. إذا هو أنحرج من المخلوق ... وشلون بيكون حاله أمام الخالق .. لأن الله راح يحاسبة على تفريطة في مسؤولياتة ... وبخصوص الشيمة .. فالشيمة انك تعطي كل ذو حق حقه ولا تظلمه شيئا ......

أسعدني مرورك أختي تحداني ..........




عاد يا اخوي لما يجيك ريال طول وعرض وفاهم الشيمه بالمقلوب
هذا اشلون تتعامل معاه .. هل " بالخلق او الخالق " او بالعقل او بالضمير
ما احب النوعيه الي تستعطف عشان تتمكن احسه انسان خالي من القيم والمبادئ
ويفقد احترامه كثير


الله يبعدنا عنهم وجملك الله برضاه

[درع الوطن]

فعلا منطق عجيب وغريب

للأسف منطق مخالف لمفهوم العدل .. فرض نفسة على أرض الواقع بدون وجه حق ..


أسعدني مرورك أخوي شيط ويط ...

[درع الوطن]

هذا انت قلتها مسؤول أعلى منه ..

يعني ما فيه غير تقابل المسؤول عنه او الاعلى منه أو المجموعه المتظلمه تكتبون كتاب وترفعونه عندك الف طريقه ..

وبما أن فيه سلم وظيفي يتدرج فيه الموظف وهيكل تنظيمي لكل إدارة او مؤسسة لها شروطها ..

طالبوا بمحاسبه هالمسؤول على تعيين شخص لا ينطبق عليه الشروط وإعطائه درجه ما يستحقها بالرغم من توفر الأجدر منه لهذا الوظيفه إذا كان فعلاً غير مؤهل ..

وعل وعسى بس تلقون حد يرد عليكم ..


انا ماتكلم عن حالة معينة ... أنا أتكلم عن ظاهرة بدأت بصورة عشوائية ثم أستمرت بصورة منظمة ومنتظمة ...
مرت علي حالات أصحابها شباب كانوا في قمة عطائهم ... وللأسف صادهم إحباط بسبب هالظاهرة
وسلبت حقوقهم مع انهم أشتكوا وتكلموا .. وماحصلوا إلا وعود كاذبة بتحسين أوضاعهم .. ومازال الحال كما هو ... مكانك سر .. والحين بدوا يطفشون من وظايفهم بسبب (لاحبتك عيني ماظامك الدهر) ...

[درع الوطن]

عاد يا اخوي لما يجيك ريال طول وعرض وفاهم الشيمه بالمقلوب
هذا اشلون تتعامل معاه .. هل " بالخلق او الخالق " او بالعقل او بالضمير
ما احب النوعيه الي تستعطف عشان تتمكن احسه انسان خالي من القيم والمبادئ
ويفقد احترامه كثير


الله يبعدنا عنهم وجملك الله برضاه

هذا يبيلة .. تصبين عليه ماي بااااااااااااااارد .. وتقولين له .. ياوجه أستح ..
مايمشي مع هالنوعية إلا هالشكل ... علشان يحرم يطلب شي مهوب له ...

[بوسعد الكعبي]

الفقع يا خوي درع الوطن..
ما يطلع الا في الوسمي..
و لما تتهيأ في الجو و على الارض
الظروف المناسبة لنموّه ..








السلام عليكم ورحمه الله وبركاتة

قطعت خشمي يا أخوي عابر سبيل ....


هل تعتقد بيظهر الفقع السنه عندنا ....

الله كريم





ماعلينا ماعلينا نرجع لصاحب الموضوع


أخوي درع الوطن


هذا شي موجود ولن يتغير أبدااااا وعلى خدمتي 24 سنه واللي شفته ما أعتقد يتغير وبيتم كم هو .

وعنوان موضوعك هو السبب .

لا ينظر المسؤل الى الموظف الممتاز الذي يعمل بكل أمانه وأخلاص , وأنما يريد الموضوع بالعاميه ( اللي يتملسح عنده ) ويشتغل مندوب 24 ساعة . والبقيه أتعرفونه ما يحتاج أقوله لكم .








وأشكرك على طرحك لهذا الموضوع عسى تكون هناك أذان صاغيه وعين ترى بالمنتدى .

[درع الوطن]

السلام عليكم ورحمه الله وبركاتة

[أخوي درع الوطن


هذا شي موجود ولن يتغير أبدااااا وعلى خدمتي 24 سنه واللي شفته ما أعتقد يتغير وبيتم كم هو .

وعنوان موضوعك هو السبب .

لا ينظر المسؤل الى الموظف الممتاز الذي يعمل بكل أمانه وأخلاص , وأنما يريد الموضوع بالعاميه ( اللي يتملسح عنده ) ويشتغل مندوب 24 ساعة . والبقيه أتعرفونه ما يحتاج أقوله لكم .

وأشكرك على طرحك لهذا الموضوع عسى تكون هناك أذان صاغيه وعين ترى بالمنتدى


كلامك صحيح أخوي بوسعد

وهذا للأسف أصبح من المسلمات عندنا ...

بس اللي قاهرني .. هي الهجرة الجماعية لشبابنا من الوظائف بسبب هالظاهرة السلبية
وفي الأخير يقولون بأن الشباب القطري غير قادر على تحمل المسؤولية !!!!!!

أسعدني مرورك أخوي بوسعد

[بوسعد الكعبي]

كلامك صحيح أخوي بوسعد

وهذا للأسف أصبح من المسلمات عندنا ...

بس اللي قاهرني .. هي الهجرة الجماعية لشبابنا من الوظائف بسبب هالظاهرة السلبية
وفي الأخير يقولون بأن الشباب القطري غير قادر على تحمل المسؤولية !!!!!!

أسعدني مرورك أخوي بوسعد

السلام عليكم ورحمه الله وبركاتة

وصبحك الله بالخير


أخوي العزيز درع

توجد كوادر قطرية ممتازة ولديهم خبره في جميع المجالات .

حسب خبرتي بالعمل في وزارة حكومية كما قلت لك ربع قرن تقريبا رأيت عجب العجاب بهذه الدولة .

ورأيت قطريين من خيرة الشباب بذلوا جهدهم في خدمة هذا الوطن وبذلوا كل ما لديهم من خبرات وتم تطوير العمل وتسهيله للمواطنين , ولكنا للأسف ضاع حقهم في الاخير وأصابهم ألاحباط وعدم الرغبة في العمل لسؤ المعاملة من قبل المسؤلين وجهلهم بالادارة وخوفهم على المنصب . والجيل الجديد لم شاهد الموظف القديم أصابه أحباط وعرف القصه أخذها من الاخير وقال أقصرها من الاخر ليش أشتغل وتعب روحي .


الحديث يطول والقصص كثيرة ولكنا كما قلت لك مادام الاغبياء والجبناء والجهلاء هم من يتولون المناصب لن تتغير هذه الظاهرة .


هذا اللي حصل لي أنا شخصيا أحباط وعدم القدرة على التطوير والانتاج بسبب هؤلاء فقلت لهم ودايعه ويا قلب لا تحزن . ومافيه أحلى من البحر والعزبة .


وعلى قولتهم الراحه أحد الربحين .

وخلهم هم يشتغلون .



والسلام عليكم ورحمه الله وبركاتة

[captin]

الإدارة العامة أو الإدارة الحكومية
عندنا حاليا في أسوء مراحلها

لو تلاحظون الناس اللي متعلمين ومثقفين وفيهم خير
مركونين واللي يترأس الوظائف الإشرافية معظمهم
من الجهلة المتخلفين اللي من يصبح لين يمسي وهو يلهط
يدور مصالحه الخاصة والشخصية ومب هامه الأمانة والوظيفة
كل اللي يهمه يستفيد قد ما يقدر ويقول في قرارة نفسه غيري مب أحسن
مني كون نفسه بسرعة ووصل فوق.
إذا هاذي النوعية من الناس تتبوأ الوظائف الإشرافية فعلى الدنيا السلام.

[FCB 123]

الله يعينا على هاي الفئة من البشر

[درع الوطن]

السلام عليكم ورحمه الله وبركاتة

وصبحك الله بالخير


أخوي العزيز درع

توجد كوادر قطرية ممتازة ولديهم خبره في جميع المجالات .

حسب خبرتي بالعمل في وزارة حكومية كما قلت لك ربع قرن تقريبا رأيت عجب العجاب بهذه الدولة .

ورأيت قطريين من خيرة الشباب بذلوا جهدهم في خدمة هذا الوطن وبذلوا كل ما لديهم من خبرات وتم تطوير العمل وتسهيله للمواطنين , ولكنا للأسف ضاع حقهم في الاخير وأصابهم ألاحباط وعدم الرغبة في العمل لسؤ المعاملة من قبل المسؤلين وجهلهم بالادارة وخوفهم على المنصب . والجيل الجديد لم شاهد الموظف القديم أصابه أحباط وعرف القصه أخذها من الاخير وقال أقصرها من الاخر ليش أشتغل وتعب روحي .


الحديث يطول والقصص كثيرة ولكنا كما قلت لك مادام الاغبياء والجبناء والجهلاء هم من يتولون المناصب لن تتغير هذه الظاهرة .


هذا اللي حصل لي أنا شخصيا أحباط وعدم القدرة على التطوير والانتاج بسبب هؤلاء فقلت لهم ودايعه ويا قلب لا تحزن . ومافيه أحلى من البحر والعزبة .


وعلى قولتهم الراحه أحد الربحين .

وخلهم هم يشتغلون .


والسلام عليكم ورحمه الله وبركاتة




الله المستعان أخوي بو سعد ...
والحمد لله على كل حال ...

والله يعينك ويعين كل إنسان مظلوم ....

[درع الوطن]

الإدارة العامة أو الإدارة الحكومية
عندنا حاليا في أسوء مراحلها

لو تلاحظون الناس اللي متعلمين ومثقفين وفيهم خير
مركونين واللي يترأس الوظائف الإشرافية معظمهم
من الجهلة المتخلفين اللي من يصبح لين يمسي وهو يلهط
يدور مصالحه الخاصة والشخصية ومب هامه الأمانة والوظيفة
كل اللي يهمه يستفيد قد ما يقدر ويقول في قرارة نفسه غيري مب أحسن
مني كون نفسه بسرعة ووصل فوق.
إذا هاذي النوعية من الناس تتبوأ الوظائف الإشرافية فعلى الدنيا السلام.

هذي تعتبر قمة التخلف .. عندما يتسلم المسؤولية من هو غير أهل لها ..
وبهالطريقة ماراح نطور من أنفسنا .. وماراح يكون فيه رغبة للعمل بجد وإجتهاد ...

أسعدني مرورك ياكابتن

[درع الوطن]

الله يعينا على هاي الفئة من البشر

الله المستعان ...

أسعدني مرورك أخوي fcb 123

[La.Queen]

عشان جذيه الاجانب احسن من القطريين فالشغل ..

الاجنبي اول ما يشتغل هدفه-- الانتاجيه -- تحقيق اهداف -- يجمع فلوس

القطري اول ما يشتغل هدفه -- يدور واسطه --

اذا كل واحد بيدور له واسطه ترفعه عيل ليش يفكر يطور عمره ويجتهد