الموافقة بالسماح بتحويل سيارة المواطن لتاكسي

[رجل مثالي]

هل أنت موافق على تحويل سيارة المواطن الى تاكسي لزيادة

دخل المواطن بسبب الغلاء والحاجة الى زيادة الدخل بسبب

الغلاء الفاحش في كل شىء ومثل الدول المجاورة لماذا الاحتكار

فقط للمؤسسات دون المواطن الذي يحتاج الى زيادة دخله

ولكن بأن تكون جهة تنظم هذا الشىء أرجو الرد الموضوعي

المفيد للجميع وشكرآ

[Rashid554]

يعني مثلاً وانت رايح دوامك بمنطقة الابراج تلقى 3 بالشارع تاخذهم معاك كل واحد 50 ريال بحكم السياره موديل جديد + دي في دي + مكيف خلفي يعني 150 وانت راد من الدوام تاخذ 3 معاك بعد 150 يعني 300 باليوم تداوم 21 يوم تطلع معاك 6300 ريال كل شهر غير راتبك
هذا غير الي بيستانس وخلال رحلاته اليومية الى الكورنيش والصناعيه وبعض المناطق السياحيه وياخذ معاه ناس

يطلع مدخول حلو
فكره جميله

[nadeemy]

الحقيقه فكره جيده ومفيده للمواطن وللدوله
يعطيك العافيه

[هبوب الكوس]

عاد أنا عداد سيارتي يفتح الا 100 ريال

لان فورويل

لكن اذا ركب قطري بسويله خصم

[qtr qtr]

الله لا يحوجنا... مافي امل بخييسوون المووتر

[الفهد1]

شلون جاتك الفكرة انك تكس

[رجل مثالي]

شلون جاتك الفكرة انك تكس

أخوي المواطن يستفيد أفضل من الغير

[الموضوعي]

اذكر صديقي كويتي يقول انه ايام المراهقة ما كان ياخذ فلوس من ابوه كان ياخذ العراوي حقت بيتهم ويوصل ناس عليه ويدخل في اليوم 10 دنانير في ساعتين بس ، سألته كيف يسمحون لكم قال اصلاً اللي عنده بيك اب في الكويت الناس تأشر له لانه يعتبر تاكسي عندهم خاصة العمالة

[بوحسن 779]

جزاك الله خير يعني الحين نعاني من عدم تواجد الاب مع افراد الاسرة بسبب الدوام الطويل وانت الله يهديك تبي تسوي شغله جديدة وبفكرة غير مدروسه يعني الحين الكل له الحق يتكس من غير تنظيم يعني ممكن نشوف نشوف واحد من شباب واقف عند سيتي سنتر وينتظر هل اجنبيات وويوصلهم ؟ مدام الشغله غير منتظمه

[بوحسن 779]

اذكر صديقي كويتي يقول انه ايام المراهقة ما كان ياخذ فلوس من ابوه كان ياخذ العراوي حقت بيتهم ويوصل ناس عليه ويدخل في اليوم 10 دنانير في ساعتين بس ، سألته كيف يسمحون لكم قال اصلاً اللي عنده بيك اب في الكويت الناس تأشر له لانه يعتبر تاكسي عندهم خاصة العمالة

صحيح ايام السبعينات نفس قطر وباقي الدول لما كانت الامور غير منتظمة والعملية سايبه

[intesar]

فكرة مصيرها الفشل المحتوم.. وفكرة التاكسي غير راقية بالمرة.. وراح تكثر المشاكل وحنا في غنى عنها..

[عذاري قطر 2011]

`

افاااااااااااااا :omg:

هاذي اخرتها يا ولد بلادي :weeping:

[المسك1969]

السلام عليكم

صراحة الافكار الجديده لا تعاب ولكنها أضحكتني حفظك الله وذلك هل يقبلها الرجل القطري بأن يكون دريول؟ الحين الكل يطالب بزيادات وبرفع الديون والموظف يريد مكتب وأن حطوه مدير ياليت فكيف يقبل أن يصبح دريول؟ تاكسي

الأمر الآخر ماعلق عليه بعض الاخوه من الاسعار وطبعا ما ذكرووه مستحيل ... من سيركب معك من الناس؟ حدد أولا... العماله والاجانب والعرب الوافدين أم القطريين

إن كان الوافدين فالمبلغ كبير عليهم والمشي أفضل... وأن كان من القطريين فالرجل لن يركب إلا ان احتاج لذلك وسيكون نادر والقطريات ما أعتقد بتركب سيارة قطري ولو آخر موديل لا وتاكسي بعد

العمل ليس عيبا ولا حرام ... وزيادة الدخل قد يرغب بها الكثيرون ولكن كيف ستكون سمعة هذا الانسان أمام أهله والناس؟ كيف له أن ذهب يخطب؟ فيقول لهم:" أنا عندي راتبي وسواق تاكسي الحمدلله دخلي زين" شنو تتوقعون الرد... X بدون تردد

نحن لازلنا نعيش في مجتمع العيب حفظكم الله... وأنا فعلا سأشكر أول من يتجرأ على هذا الأمر لأنه سيكون قد كسر في القطريين أمر وهو التعالي على الامور مثل أنواع العمل المختلفه البسيطه لأنه عاش ويعيش ولله الحمد في نعمة وخير

وعن رأيي الشخصي أنا أرفض الفكرة فراتب أصغر موظف قطري يصل لخمسة عشر الف ولكنكم شباب اليوم لا تحسنون التصرف في أموالكم كله سفر وكشخه بالماركات وسلفيات على سيارات

لا حد يزعل وأنا احب الخير للجميع وأن شفتوا أنها تناسبكم سووها اشعلي انا ما بكون راعيه تاكسي

أما اشتغل سواقه....

جزاكم الله خيرا على الطرح

[رجل مثالي]

صحيح ايام السبعينات نفس قطر وباقي الدول لما كانت الامور غير منتظمة والعملية سايبه

أخوي أنا ذكرت في الموضوع بالتنظيم

[الدمعه]

مافيها شي ..ومب عيب ولاغلط ..

محد يدري وين رزقه ..

الله يفتح لهم ابواب الرزق ..

[بوحسن 779]

الله يهديك يا اخوي اشلون العملية منظمة وانت تقول وهو طالع من شغله يوصل اللي يلقي يعني اشلون تعرف السيارة تاكسي من غيره ؟ يعني نشوف المواطن يصبغ سيارته ولا يحط لوحه علي سيارته و ينكتب تاكسي عليها وعادي يروح فيها الدوام ويمشي عياله. ؟ صعبه شوي اخوي

[بوحسن 779]

مافيها شي ..ومب عيب ولاغلط ..

محد يدري وين رزقه ..

الله يفتح لهم ابواب الرزق ..

اختي مب عيب ولا شي بالعكس انا افضل اركب مع مواطن افضل من غير والعربي افضل من الاسيوي بس المشكلة الفكرة مطروحه اني اتكس بسيارتي الخاصة وقت ما ابي وفي مكان اللي ابي ؟ ولا الشغل مهب عيب ولا جريمه ويا بخت الرجال اللي يكافح لحياة كريمه

[ابن الجزيرة]

هل أنت موافق على تحويل سيارة المواطن الى تاكسي لزيادة

دخل المواطن بسبب الغلاء والحاجة الى زيادة الدخل بسبب

الغلاء الفاحش في كل شىء ومثل الدول المجاورة لماذا الاحتكار

فقط للمؤسسات دون المواطن الذي يحتاج الى زيادة دخله

ولكن بأن تكون جهة تنظم هذا الشىء أرجو الرد الموضوعي

المفيد للجميع وشكرآ


الفكرة غير قابلة للتنفيذ لاسباب كثيرة ولكني ارى انه من السهل تنفيذها بشكل اخر

مثلا ان يقوم مجموعة من القطريين بتاسيس شركة مساهمة قطرية براسمال معروف

الى جانب شركة كروة الموجودة حاليا وهي لم تعد كافية لخدمة الناس حاليا للزيادة المتعاظمة للسكان

هناك تجربة رائدة وقديمة في البحرين بهذا الشكل منذ الستينات للقرن الماضي

وانشاء ملاك التاكسي شركة تاميم موازية اسموها صندوق التعويضات التعاوني


الافكار جيدة ..بس محتاج من يلتقطها وينفذها


اذا كانت فكرتي صائبة ..فلماذا لا تبداوا التنسيق من هنا..من المنتدى وتتدارسوا الموضوع

وما اعتقد ان هناك من سيرفض الفكرة او تاسيس الشركة

[اسعاف]

هل أنت موافق على تحويل سيارة المواطن الى تاكسي لزيادة

دخل المواطن بسبب الغلاء والحاجة الى زيادة الدخل بسبب

الغلاء الفاحش في كل شىء ومثل الدول المجاورة لماذا الاحتكار

فقط للمؤسسات دون المواطن الذي يحتاج الى زيادة دخله

ولكن بأن تكون جهة تنظم هذا الشىء أرجو الرد الموضوعي

المفيد للجميع وشكرآ

في السعودية اي سعودي يبغي يحول سيارته الجديدة الى تاكسي

يدفع اظن 200 ريال رسوم ويعلق لوحة التاكسي فوق سيارته

ويترزق


اما هنا فإذا سألتهم ذلك بيقولوا لك على قولة صاحب قناة المجتمع

جب :anger1: روح افتح مغسلة او معصرة


كثيرا ما ارى الأجانب يعملون سائقي اجرة وهم في سيارة كفلائهم او سيارتهم الخاصة نظرا

لقلة سيارات كروة في الطريق خاصة مع هذا الجو الملتهب



:weeping:

[اسعاف]

مب شرط القطري يسوق

ممكن يسوق ادريول خاص له يكد على الأسرة من دخل التاكسي كما كان سابقا ايام البرتقالي

[بوخالد88]

السلام عليكم

صراحة الافكار الجديده لا تعاب ولكنها أضحكتني حفظك الله وذلك هل يقبلها الرجل القطري بأن يكون دريول؟ الحين الكل يطالب بزيادات وبرفع الديون والموظف يريد مكتب وأن حطوه مدير ياليت فكيف يقبل أن يصبح دريول؟ تاكسي

الأمر الآخر ماعلق عليه بعض الاخوه من الاسعار وطبعا ما ذكرووه مستحيل ... من سيركب معك من الناس؟ حدد أولا... العماله والاجانب والعرب الوافدين أم القطريين

إن كان الوافدين فالمبلغ كبير عليهم والمشي أفضل... وأن كان من القطريين فالرجل لن يركب إلا ان احتاج لذلك وسيكون نادر والقطريات ما أعتقد بتركب سيارة قطري ولو آخر موديل لا وتاكسي بعد

العمل ليس عيبا ولا حرام ... وزيادة الدخل قد يرغب بها الكثيرون ولكن كيف ستكون سمعة هذا الانسان أمام أهله والناس؟ كيف له أن ذهب يخطب؟ فيقول لهم:" أنا عندي راتبي وسواق تاكسي الحمدلله دخلي زين" شنو تتوقعون الرد... X بدون تردد

نحن لازلنا نعيش في مجتمع العيب حفظكم الله... وأنا فعلا سأشكر أول من يتجرأ على هذا الأمر لأنه سيكون قد كسر في القطريين أمر وهو التعالي على الامور مثل أنواع العمل المختلفه البسيطه لأنه عاش ويعيش ولله الحمد في نعمة وخير

وعن رأيي الشخصي أنا أرفض الفكرة فراتب أصغر موظف قطري يصل لخمسة عشر الف ولكنكم شباب اليوم لا تحسنون التصرف في أموالكم كله سفر وكشخه بالماركات وسلفيات على سيارات

لا حد يزعل وأنا احب الخير للجميع وأن شفتوا أنها تناسبكم سووها اشعلي انا ما بكون راعيه تاكسي

أما اشتغل سواقه....

جزاكم الله خيرا على الطرح

اللي تحتة خط :nice:

ويعطيك العافية علي الطرح اخوي .

بالتوووووفيق

[khaldoon]

اخوي ما انصح بهالشي لسبب بسيط جدا وهو من ناحية امنيه و لسلامة المواطن فهو ما يعرف مين مركب بسيارته و لا مين ساعد في هذه الحاله ويمكن يسبب لنفسه مشكله لا قدر الله لو انه ساعد واحد من الخارجين عن القانون

خاصة لو صار حادث لا قدر الله...اول شي اللي معاك لو ما صار فيه حادث راح يقولك سلام عليكم و لو تركك

والشرطه عرفت من الطرف الاخر من الحادث اللي ما اعتتقد انه ما راح يكون يحب لك الخير راح تقولك مين كان معاك و يمكن لو راح البيت يصيبه نزيف داخلي و يموت ...يالله جيبه يا بطل نبي نشوفه ونعرف ليش هدك و راح...لا يكون مسوي شي؟!

[رجل مثالي]

اخوي ما انصح بهالشي لسبب بسيط جدا وهو من ناحية امنيه و لسلامة المواطن فهو ما يعرف مين مركب بسيارته و لا مين ساعد في هذه الحاله ويمكن يسبب لنفسه مشكله لا قدر الله لو انه ساعد واحد من الخارجين عن القانون

خاصة لو صار حادث لا قدر الله...اول شي اللي معاك لو ما صار فيه حادث راح يقولك سلام عليكم و لو تركك

والشرطه عرفت من الطرف الاخر من الحادث اللي ما اعتتقد انه ما راح يكون يحب لك الخير راح تقولك مين كان معاك و يمكن لو راح البيت يصيبه نزيف داخلي و يموت ...يالله جيبه يا بطل نبي نشوفه ونعرف ليش هدك و راح...لا يكون مسوي شي؟!

أخوي أنا ذكرت في الموضوع بالتنظيم من الجهات المختصة

وبوجود لاسلكي لكل سيارة حتى العملية تكون منظمة ومفيدة

[khaldoon]

أخوي أنا ذكرت في الموضوع بالتنظيم من الجهات المختصة

وبوجود لاسلكي لكل سيارة حتى العملية تكون منظمة ومفيدة

مثل ما تحب يا اخوي

انا اقلك هالشي بخصوص الحادث و اتمنى انك تحط كلامي بعين الاعتبار في حالة الحادث و تعرف ايش رأي الشرطه ...ما اعتقد انه مخالف للكلام اللي ذكرته لك لانها صارت معاي سابقا .... كنت مركب واحد ببلاش عطفا عليه و توهقت ومة يومها الناس تأشر لي و انا ما اركب احد..انا ما ادعو لوقف الخير بس اللي ينلسع من الشوربه ينفخ على الزبادي

اللي يركب معاك تقدر تجبره انه ينتظر معاك لو صار حادث؟

[jajassim]

مثل ما تحب يا اخوي

انا اقلك هالشي بخصوص الحادث و اتمنى انك تحط كلامي بعين الاعتبار في حالة الحادث و تعرف ايش رأي الشرطه ...ما اعتقد انه مخالف للكلام اللي ذكرته لك لانها صارت معاي سابقا .... كنت مركب واحد ببلاش عطفا عليه و توهقت ومة يومها الناس تأشر لي و انا ما اركب احد..انا ما ادعو لوقف الخير بس اللي ينلسع من الشوربه ينفخ على الزبادي

اللي يركب معاك تقدر تجبره انه ينتظر معاك لو صار حادث؟

:taunt::taunt:

[khaldoon]

:taunt::taunt:

اضحك اضحك....بسيطه

والله يا اخوي على طول يأشرون لي بس انا ولا معي خبر

بس متسغرب ما عمري شفت وحده تأشر لي ...ما اعرف ساعتها برخص و بغير مبادئي والا لا:omen2:

[المسك1969]

مب شرط القطري يسوق

ممكن يسوق ادريول خاص له يكد على الأسرة من دخل التاكسي كما كان سابقا ايام البرتقالي


أخونا اللي طرح الموضوع يقول القطري يسوق وبعدين يا اسعاف حفظك الله لو حط دريول مب لازم راتب وسكن واكل وشرب... يعني اللي بيدخله بيصرفه على الدريول ... خووووش والله يمع فلوس

:nice: تقبل احترامي لشخصك الكريم :nice:

[المسك1969]

اضحك اضحك....بسيطه

والله يا اخوي على طول يأشرون لي بس انا ولا معي خبر

بس متسغرب ما عمري شفت وحده تأشر لي ...ما اعرف ساعتها برخص و بغير مبادئي والا لا:omen2:


ليش يأشرون لك الشيخ؟ أنت راعي تاكسي والا قصدك اللي يكونون في الطريق واقفين يبون حد يوصلهم... ان هذولا فهم مساكين يأشرون لأي أحد لو مره تسوق همهم يركبون واحد يوصلهم

[المسك1969]

أخوي أنا ذكرت في الموضوع بالتنظيم من الجهات المختصة

وبوجود لاسلكي لكل سيارة حتى العملية تكون منظمة ومفيدة



وحتى عن الحوادث أو أن ركب وياك من الخارجين عن القانون مثل ماقال اخونا خلدون يجب من وجود دفتر وتسجل فيه اسماء الداخلين وارقام بطاقتهم ويسجل المكان اللي خذته منه والمكان اللي وصلته له مع الوقت

باااال بيتم السواق يكتب مابيسوق:funny: وان اعترض احد لا تركبه التاكسي

بس ما تحس أخونا صاحب الموضوع أن مهنة تاكسي مب سهلة... بمعنى أنت الصبح رايح الدوام ويمكن توصل وياك 2 او 3 اشخاص (وعادي القطري كله يتأخر عن الدوام) وعقب الدوام نفس الشيء وتم تشتغل على التاكسي لين متى؟

لين الساعه 11 او 12 في الليل يوميا... يعني بتفقد حياتك الاسرية والاجتماعيه عشان كم من الف وأنت تقدر توفرهم من راتبك وأنت مرتاح :)

[رجل مثالي]

وحتى عن الحوادث أو أن ركب وياك من الخارجين عن القانون مثل ماقال اخونا خلدون يجب من وجود دفتر وتسجل فيه اسماء الداخلين وارقام بطاقتهم ويسجل المكان اللي خذته منه والمكان اللي وصلته له مع الوقت

باااال بيتم السواق يكتب مابيسوق:funny: وان اعترض احد لا تركبه التاكسي

بس ما تحس أخونا صاحب الموضوع أن مهنة تاكسي مب سهلة... بمعنى أنت الصبح رايح الدوام ويمكن توصل وياك 2 او 3 اشخاص (وعادي القطري كله يتأخر عن الدوام) وعقب الدوام نفس الشيء وتم تشتغل على التاكسي لين متى؟

لين الساعه 11 او 12 في الليل يوميا... يعني بتفقد حياتك الاسرية والاجتماعيه عشان كم من الف وأنت تقدر توفرهم من راتبك وأنت مرتاح :)

هناك بعض الاسر تحتاج الى زيادة الدخل والعمل في حد ذاته

مش عيب في المهم يكون عملا لا يعتبر خارج عن القانون

وممكن الاسرة تضع سائق تعطيه راتب شهري لهذا العمل

وبذلك يدخل الفائدة على الاسر التي تريد زيادة الدخل

[R 7 A L]

يعطيك العافية اخوي رجل مثالي على الاقتراح

بس تضن ( كروه ) بتوافق
؟
!!!


انا أستحيل ان هذا المقترح يوافق عليك


ولكن في المقابل نشوف بعيونا الى يتكسون في المنطقة الصناعية



تحياتي

[aljaber1]

هههههه شكلكم صابكم احباط
ان شاء الله بلادنا مو مقصره مع مواطنينها
وتفائلوا بلخير

[طموح2020]

انا اايد بقوة على الاقل رزق حلال

[ام السعف]

من غير ترخيص لا ،، اما لو كان بترخيص ورقم ليش لاااء ..

في سوق الخميس والجمعة ، بعض المقيمين يمارسون المهنة هذي من غير ترخيص
ولما انطرح الموضوع ،، البعض ابدى موافقته من باب انهم يترزقون بالنسبة لي ابديت
كامل اعتراضي على النقطة هذي،، بسبب ما يصير الوحدة او المراهقين يركبون مع اي
شخص يقول لهم تبون توصيلة ،،

[أم حمد]

ههههههههههههههههههههه

بعض الردود مضحكه صراحه

لا انااااا ضد

ومع فتح المجال لشركات اخرى تنافس كروة

اسوه بدبي مستحيل تتعطل من كثر التكاسي فيها !!

[أم حمد]

يعطيك العافية اخوي رجل مثالي على الاقتراح

بس تضن ( كروه ) بتوافق
؟
!!!


انا أستحيل ان هذا المقترح يوافق عليك


ولكن في المقابل نشوف بعيونا الى يتكسون في المنطقة الصناعية



تحياتي


اللي خلى كيوتل توافق

بيخلي كروه توافق ثق تماما !

:nice:

[خــالــد]

الله لا يحدنا نوصل لهذا الشي الحمدلله انا والله مرات اذا رايح وحصلت حد اوصلة وبعضهم يطلع فلوس يبي يعطيني اقولة NO keep it your money with you, I am a Muslim and my religion taught me to help others :nice:

[R 7 A L]

اللي خلى كيوتل توافق

بيخلي كروه توافق ثق تماما !

:nice:




كيوتل وافقت على وجود شركة ضخمة للتنافس
وليس للافراد

[eXpert*]

في الجريدة من كم يوم دراسة لفتح شركة ثانية للمواصلات !!

معقولة محد قرأ الخبر ؟

[R 7 A L]

في الجريدة من كم يوم دراسة لفتح شركة ثانية للمواصلات !!

معقولة محد قرأ الخبر ؟





نتمنى نتمنى وجود شركة منافسة لكروه

وقد كتبت موضوع عن كروه قبل 7 أشهر

http://www.qatarshares.com/vb/showthread.php?t=417424

[chillis]

شي حلو مافيها شي ولا غلط

[المعضادي]

بصراحه موضوع عيب ينطرح هالنوع من المواضيع انا خوفي بعد كم شهر المنتدى

يحول المواطن الى شحات !!!!!!! وين المشرفين عن هالخرابيط ..

الاتجاه العام في المنتدي بدأ يتدرج من زيادة الرواتب الى سواقين التكاسي

والله عيب تنطرح مثل هذي المواضيع اقول : ياليت بس كل من يفكر بطرح هالمواضيع

يحترم اهل قطر ويعز قدرهم شوي . علشان الاجانب تحترمهم شوي .

بس فالحين تطرحون مواضيع شحاته ......؟

ترى الشغل مب عيب حتى لو الواحد يشتغل سايق للعلم فقط

لكن الاسلوب اللي قاعدين يطرحونه بعض الاخوان ويناقشه البعض فيه اساءة حق اهل قطر

والسلام عليكم

[انتر ميلان]

بصراحه موضوع عيب ينطرح هالنوع من المواضيع انا خوفي بعد كم شهر المنتدى

يحول المواطن الى شحات !!!!!!! وين المشرفين عن هالخرابيط ..

الاتجاه العام في المنتدي بدأ يتدرج من زيادة الرواتب الى سواقين التكاسي

والله عيب تنطرح مثل هذي المواضيع اقول : ياليت بس كل من يفكر بطرح هالمواضيع

يحترم اهل قطر ويعز قدرهم شوي . علشان الاجانب تحترمهم شوي .

بس فالحين تطرحون مواضيع شحاته ......؟

ترى الشغل مب عيب حتى لو الواحد يشتغل سايق للعلم فقط

لكن الاسلوب اللي قاعدين يطرحونه بعض الاخوان ويناقشه البعض فيه اساءة حق اهل قطر

والسلام عليكم

كفيت ووفيت يالمعضادي

الشغل مب عيب ،، بس ياليت نحترم أهل قطر ،، واذا تبي تشتغل راعي تاكسي محد ماسكك ..

الكل يدخل المنتدى خليجيين وأجانب ،، والله عيب يشوفون أساليب طرح المواضيع الهابطة واللي تنزل من قدرنا كـ قطريين

[لاجل QT]

يعني مثلاً وانت رايح دوامك بمنطقة الابراج تلقى 3 بالشارع تاخذهم معاك كل واحد 50 ريال بحكم السياره موديل جديد + دي في دي + مكيف خلفي يعني 150 وانت راد من الدوام تاخذ 3 معاك بعد 150 يعني 300 باليوم تداوم 21 يوم تطلع معاك 6300 ريال كل شهر غير راتبك
هذا غير الي بيستانس وخلال رحلاته اليومية الى الكورنيش والصناعيه وبعض المناطق السياحيه وياخذ معاه ناس

يطلع مدخول حلو
فكره جميله

ههههههههههههههههه

اضحك الله سنك:nice:

انزين احنا الحريم بعد نبي نتكس..:)

بس المشكلة دوامنا في مدارس مافي صحة حق شغل اضافي..احرقو صحتنا حراق:(

بس في الويك اند يصير..وبتكون منطقتى مطار الدوحة الدولي:eek2:

بس تخصص اجانب غربيين:)

[همسه]

الشغل مب عيب ولا حرام على الاقل هذا رزق حلال مب سواد وجه

بس يكون بترخيص اهم شي

و يقدر الواحد يحط دريول هو اللي يسوق التكسي وراتب السايق بيكون مثلا 1000 او 1500 او حتى 2000 و باقي الربح بيكون لصاحب السياره و ثنينهم مستفيدين

وطبعا احترم وجهة نظر المعارضين

اختي المسك فديتج سؤال واتمنى تجاوبيني عليه

من قال ان راتب اصغر موظف قطري لا يقل عن 15000 ريال

هالكلام مب صحيح

الموظفين بشهادة الثانويه في بداية وظيفته يسلتم 8600

فكري معاي بحال هذا الشخص خصوصاً اذا كان هذا الانسان يعيل اسهر وعليه ديون

لك الحمد و الشكر يارب على كل حال

[لاجل QT]

الشغل مب عيب ولا حرام على الاقل هذا رزق حلال مب سواد وجه

بس يكون بترخيص اهم شي

و يقدر الواحد يحط دريول هو اللي يسوق التكسي وراتب السايق بيكون مثلا 1000 او 1500 او حتى 2000 و باقي الربح بيكون لصاحب السياره و ثنينهم مستفيدين

وطبعا احترم وجهة نظر المعارضين

اختي المسك فديتج سؤال واتمنى تجاوبيني عليه

من قال ان راتب اصغر موظف قطري لا يقل عن 15000 ريال

هالكلام مب صحيح

الموظفين بشهادة الثانويه في بداية وظيفته يسلتم 8600

فكري معاي بحال هذا الشخص خصوصاً اذا كان هذا الانسان يعيل اسهر وعليه ديون

لك الحمد و الشكر يارب على كل حال

من قال في بداية وظيفتة راتبة 8600...في ناس صار لهم 7 سنوات يشتغلون وهذا راتبهم..ثانوية قطرين..لايزيد ولايصعد محلك سر هالراتب:(


مهب اقل من 15 الف راتب الثانوي؟؟ ..وين هالمكان.؟؟؟

[انتر ميلان]

وعن رأيي الشخصي أنا أرفض الفكرة فراتب أصغر موظف قطري يصل لخمسة عشر الف ولكنكم شباب اليوم لا تحسنون التصرف في أموالكم كله سفر وكشخه بالماركات وسلفيات على سيارات



وين الجهة اللي توظف بـ 15 ألف ؟

[همسه]

وهذي اخت لاجل qt اتفقت معاي نفس الكلام

وهذا الواقع ليش ننكر

انا بعد ابي اعرف وين هالمكان اللي خريج الثانويه يستلم فيه مالا يقل عن 15.000 ريال شهرياً

:)

[R 7 A L]

وهذي اخت لاجل qt اتفقت معاي نفس الكلام

وهذا الواقع ليش ننكر

انا بعد ابي اعرف وين هالمكان اللي خريج الثانويه يستلم فيه مالا يقل عن 15.000 ريال شهرياً

:)




يمكن الجيش و الشرطة بعد الانتهاء من الدورة التدريبة
او قطر للبترول بعد الانتهاء من الدورة التدريبة يعني بعد أكثر من سنه .

[الدمعه]

اختي مسك شخبارج ..

من وين جبتي ان القطري راتبه 15 الف ..

ترا معاشهم 8 الاف ريال وصار لهم شغالين فوق 12 سنه في حمد .. ويكرفونهم كرف

وبدون علاولات .. الاجانب راتبهم اعلى ..

وشوفي مساعدات المدرسات كم رواتبهم .. وغيرهم وايد انتي بس تلفتي حولج واسئلي ..

.................................................. ...

واللي معترضين عالطرح ويقولون شحاتين .. وين الشحاته في هالموضوع ..

عادي جدا اللي انطرح ...وصاحب الموضوع ذكر ان يكون بشكل منظم وبتراخيص ..

مب كل من هب ودب..

واغلب اهل قطر قبل كانو سواقين فوين الغلط في الموضوع .. وليش تحسون ان

يمس كرامتكم ..

بالعكس .. عيل لو قال ليش القطري مايصير راعي غنم او غيره شبتسوون ..

شكللكم بتسوون مظاهرات ..

على قولة الشيبان .. جيلكم خربان ..:nice:

[أم حمد]

كيوتل وافقت على وجود شركة ضخمة للتنافس
وليس للافراد


وانا كنت اقصد وجود شركة منافسه لكروة !

[أم حمد]

بصراحه موضوع عيب ينطرح هالنوع من المواضيع انا خوفي بعد كم شهر المنتدى

يحول المواطن الى شحات !!!!!!! وين المشرفين عن هالخرابيط ..

الاتجاه العام في المنتدي بدأ يتدرج من زيادة الرواتب الى سواقين التكاسي

والله عيب تنطرح مثل هذي المواضيع اقول : ياليت بس كل من يفكر بطرح هالمواضيع

يحترم اهل قطر ويعز قدرهم شوي . علشان الاجانب تحترمهم شوي .

بس فالحين تطرحون مواضيع شحاته ......؟

ترى الشغل مب عيب حتى لو الواحد يشتغل سايق للعلم فقط

لكن الاسلوب اللي قاعدين يطرحونه بعض الاخوان ويناقشه البعض فيه اساءة حق اهل قطر

والسلام عليكم

:nice:

[حسن]

الصراحه انا اؤيد الفكره على الاقل تشكل في الركوب مره بورش مره لكزس مره بي ام ها شرايكم مهب احسن من كروه

[ام السعف]

بصراحه موضوع عيب ينطرح هالنوع من المواضيع انا خوفي بعد كم شهر المنتدى

يحول المواطن الى شحات !!!!!!! وين المشرفين عن هالخرابيط ..

الاتجاه العام في المنتدي بدأ يتدرج من زيادة الرواتب الى سواقين التكاسي

والله عيب تنطرح مثل هذي المواضيع اقول : ياليت بس كل من يفكر بطرح هالمواضيع

يحترم اهل قطر ويعز قدرهم شوي . علشان الاجانب تحترمهم شوي .

بس فالحين تطرحون مواضيع شحاته ......؟

ترى الشغل مب عيب حتى لو الواحد يشتغل سايق للعلم فقط

لكن الاسلوب اللي قاعدين يطرحونه بعض الاخوان ويناقشه البعض فيه اساءة حق اهل قطر

والسلام عليكم


كفيت ووفيت يالمعضادي

الشغل مب عيب ،، بس ياليت نحترم أهل قطر ،، واذا تبي تشتغل راعي تاكسي محد ماسكك ..

الكل يدخل المنتدى خليجيين وأجانب ،، والله عيب يشوفون أساليب طرح المواضيع الهابطة واللي تنزل من قدرنا كـ قطريين

:secret::secret::secret:

[بو خليفه 123]

اسبقوكم الدريوليه و يشغلون مواتر معازيبهم على مشاوير ربعهم (المشوار بـ 50 ريال)


على طاري واحد من الربع مره شايف عراوي بيتهم محمل مكيفات و رايح صوب الصناعيه ..

طلع الأخ السواق يتكس على موتر البيت و ينقل اغراض ..

[بوحارب]

من غير ترخيص لا ،، اما لو كان بترخيص ورقم ليش لاااء ..

في سوق الخميس والجمعة ، بعض المقيمين يمارسون المهنة هذي من غير ترخيص
ولما انطرح الموضوع ،، البعض ابدى موافقته من باب انهم يترزقون بالنسبة لي ابديت
كامل اعتراضي على النقطة هذي،، بسبب ما يصير الوحدة او المراهقين يركبون مع اي
شخص يقول لهم تبون توصيلة ،،

ام السعف اذا تبيني اوصلج العيال للمدرسة كل يوم موافق بس مقابل 2000 فالشهر:(:telephone:

وريوقهم على حسابي قلاص كرك من النعيمي او وقت الشاي اللي ودهم :tease:

[ام السعف]

ام السعف اذا تبيني اوصلج العيال للمدرسة كل يوم موافق بس مقابل 2000 فالشهر:(:telephone:

وريوقهم على حسابي قلاص كرك من النعيمي او وقت الشاي اللي ودهم :tease:

العيال يا بو حارب،، لسافر الدريول القديم حطينا لهم الدريول الفرش
اوبس اقصد اليديد ،، وان مالقيت دريول اتصلت في التأجير
أأجر لهم توصيل روحة وردة على 1200 في الشهر ..........> واسطة :(

بس اوعدك لك مني دلة كرك وسندويشات فرش شغل يدي بيض وجبن
ان حدتني الظروف واطلب توصيل ،، بس شنهي سيارتك ؟ :(

[بوحارب]

العيال يا بو حارب،، لسافر الدريول القديم حطينا لهم الدريول الفرشاوبس اقصد اليديد ،، وان مالقيت دريول اتصلت في التأجير
أأجر لهم توصيل روحة وردة على 1200 في الشهر ..........> واسطة :(

بس اوعدك لك مني دلة كرك وسندويشات فرش شغل يدي بيض وجبن
ان حدتني الظروف واطلب توصيل ،، بس شنهي سيارتك ؟ :(

وش تقصدين بفرش ككككككككككككك بسوي مشكلة :secret:.

عندي هدد 96 منزل وعليه هدرز وصيخ صدقيني بيستانسون العيال عليه ههههههههههههه

[ام السعف]

وش تقصدين بفرش ككككككككككككك بسوي مشكلة :secret:.

عندي هدد 96 منزل وعليه هدرز وصيخ صدقيني بيستانسون العيال عليه ههههههههههههه

فرش في فهم عاداتنا وتقاليدنا وفهم البيوت او المحلات اللي نبيها من غير ما نركب وياه
ففرش في فهم عاداتنا وتقاليدنا .....> كل ما ركبت وياه في بالبداية
كل اشوي التفت ورا اذا كلمته او يبي يكلمني
سكت اول مرة ،، ثاني مرة ،، ثالث مرة ،، الرابعة عصبت عليه وقلت له
لكلمتك او بتكلمني لا لتلتفت ورى وشوف جدامك وان كانت السيارة واقفة

بصراحة مع انه ما يعرف عربي ولا انجليزي ،، اشوفه حرم من يومها
لأن لو عادها مرة خامسة كنت بتصل في خاله في بنجلادش يسنعه لنا :(

هدد....................> المصطلح هذا بحد ذاته بيربش الصغير :rolleyes2:
خلاص بو حارب انت على قائمة الانتظار :telephone:

[المحقق كونان]

التوصيله بـ 100 ريال للنفر

و نقدم مشروبات باردة في المشوار

:)

[فتى الجود]

السلام عليكم


أولاً :

مافيها شي ومب عيب والرجال اللى فيه خير يعتمد على يمينه وعلى مكدتها
معا انا في مجتمعنا هالشي مرفوض .


ثانياً :

واللى كلكم تسولفون عنه
باى دوله بالعالم عادى لول الواحد حصل تقاعد يقدر يصرح سيارته كاتاكسي ويشتغل عليها والقانون يسمح له بذلك


أمــــــــــــــــا


عندنا فــ التاكاسي تم تخصيصها لشركة " كروه " وعمل اى اواحد بالدولة كسائق أجره يخالف عليه القانون

يعنى لو فعلاً أقتنعنا بالفكره

الدوله ماتسمح لك كشخص بالعمل كــ سائق سيارة أجــره .

[شيط ويط]

هل أنت موافق على تحويل سيارة المواطن الى تاكسي لزيادة

دخل المواطن بسبب الغلاء والحاجة الى زيادة الدخل بسبب

الغلاء الفاحش في كل شىء ومثل الدول المجاورة لماذا الاحتكار

فقط للمؤسسات دون المواطن الذي يحتاج الى زيادة دخله

ولكن بأن تكون جهة تنظم هذا الشىء أرجو الرد الموضوعي

المفيد للجميع وشكرآ


اعتقد نظام الوره الحالي اعتبره حل بديل لكلامك والا اشرايك ؟؟؟؟

[بو خليفه 123]

أم السعف ناويه على عيالك تخلين بو حارب يوصلهم بالهدد حقه :tease:

[تحداني]

لاحد يقلل من قيمه التاكسي وسيارات الاجره والمهنه
تراها تجاره مربحه جدا جدا واتكسب ضعف الراتب
في البحرين ولد خاله الوالده عنده سياره تاكسي
يدخل في الشهر مبلغ وقدره

حلوين

راتب شهري
وراتب سياره اجره
وعايش في فيلا
وعنده خدامتين
وين المشكله ؟؟

عندهم في البحرين ثقافه المهن الصغيره والمتواضعه
وانفوسهم غنيه ما شاء الله عليهم

مو اهني البعض يستحي يقول اشتغل سكرتير ولا مندوب ولا مراسل
وما اعرف وين العيب والي يضحك في الموضوع


جاري البحث عن سائق
والسياره جاهزه


جملكم الله برضاه

[كازانوفا]

متابعه للاراااء

الله المستعان

تاكسى عاد ...

[بوحارب]

أم السعف ناويه على عيالك تخلين بو حارب يوصلهم بالهدد حقه :tease:

هههههههههههههههههههههههههه

شكلك بتخرب علي صفقه ال 2000 ريال :(:anger1:

[ام السعف]

أم السعف ناويه على عيالك تخلين بو حارب يوصلهم بالهدد حقه :tease:

:anger1: اشفيه بوحارب ولدنا و اولى من الغريب ،،


هههههههههههههههههههههههههه

شكلك بتخرب علي صفقه ال 2000 ريال :(:anger1:

تطمن ثقتي بك كبيرة :eek5:

[بنت البدر 77]

السلام عليكم


وعن رأيي الشخصي أنا أرفض الفكرة فراتب أصغر موظف قطري يصل لخمسة عشر الف ولكنكم شباب اليوم لا تحسنون التصرف في أموالكم كله سفر وكشخه بالماركات وسلفيات على سيارات

لا حد يزعل وأنا احب الخير للجميع وأن شفتوا أنها تناسبكم سووها اشعلي انا ما بكون راعيه تاكسي

أما اشتغل سواقه....

جزاكم الله خيرا على الطرح


سالفة ان راتب اصغر موظف يصل لخمسة عشر الف ريال هذا غلط !!

في ناس قطريين و رواتبها اقل بكثير

لاحول ولا قوة إلا بالله .. مانبي نجي بيوم مانحس ببعض !!

مجرد التفكير في موضوع مثل الموضوع المطروح هو بنفسه يعد مؤشر ان هناك

محتاج متعفف يفكر في تحسين وضعه المادي !!

انني لا اوافق على تحويل السيارات الشخصية الى تاكسي لاسباب عديدة منها :

1 . ندرة من القطريين من سيوافق على ان يكون سائق تاكسي .. ولكن ان حدث هو افضل من ان يجلس في منزله بلا عمل او راتب .. وقد تفاجأت بعمل الكثير من الشباب في سيارات النقل في شركة ( وقود ) .. تفاجأت ولكني افتخر بهم .. لانهم فضلوا العمل وخاصة اصحاب الشهادات الاعدادية والتي لم تتيح ظروفهم اكمال دراستهم .. وذلك افضل من الانحراف والاتجاه الى المخدرات وغيرها من الملهيات عافنا الله واياكم .

قواكم الله ونفتخر فيكم اينما كنتم .

2. ان وجود سيارات شخصية وسيارات كروة بنفس الوقت واجهة غير حضارية لقطر وهي تتصارع لتصل الى مستوى الازدهار والرقي .

3. انه ليس من المعقول ان يرضى القطري باخذ تسعيرة مثل سيارات التاكسي .. وهذا مالا يحقق الربح لان المقيمين سوف يفضلون الأقل سعراً ..

مع العلم بمعرفتي بأسر متعففة تقوم السيدات القطريات بتوصيل النساء الى اماكن اعمالهن وكذلك النساء .. فما العيب في ذلك .. هن بذلك يوفرن قوت يومهن وعائلاتهن .. رزق الله الجميع الرزق الحلال .. ورقق قلوبنا على اهلنا واخواننا في الله .

الله المستعان

ولا حول ولا قوة إلا بالله .

[هبوب الكوس]

أم السعف ناويه على عيالك تخلين بو حارب يوصلهم بالهدد حقه :tease:

هههههه

سلال القلبه

[هبوب الكوس]

متابعه للاراااء

الله المستعان

تاكسى عاد ...

لا تخافين الحريم لهم نصيب في التكاسي

اقلبوا سياراتكم تكسي

[رجل مثالي]

اعتقد نظام الوره الحالي اعتبره حل بديل لكلامك والا اشرايك ؟؟؟؟


أخوي أشرحلي عن نظام الورة

[رجل مثالي]

حاليآ أنا متواجد في لندن وسيارات الاجرة شغالة 100% والمواطن البريطاني

مستفيد 100%

[طموح معيدة]

في ظل ظروف المعيشه الصعبة والغلاء الفاحش على المواطن ان يبحث عن مجالات وفرص عمل جديدة، ما المانـع في شغـل هذي الوظيــفه على الاقل شغله شريفه ورزقها حلال وطيب

المشكلـه في عقلياتنا .. عندما يتم طرح فكره جديده ولم نعتادها .. نقوم بمعارضتها وتحريمها ولكن مع الوقت تصبح شغلـه عاديه

[بودحوم]

الله يرحم أيام النمرة الصفراء

اؤيد الفكرة وبشدة .
يستفيد منها المواطن بدل ماتحده ضروفة وتخلية يجمع كراتين ويبيعهم

ويقدر يوفر مصروف لعيالة لمواصلة تعليمهم ..

[بو خليفه 123]

أخوي أشرحلي عن نظام الورة

نظام الورّه هو تابع لشركة قطر الاجارة الوطنيه (شيء من هذا القبيل)

يستقبلون 4 انواع سيارات

كروزر

عراوي

كورولا

كامري

شروط ادخال السياره ان لا تقل عن 2009 .. تستلم شيكات شهرياً او نصف سنوياً او سنوياً على حسب اتفاقك معهم , و كل سياره يختلف ايجارها ..


تستخدم هذه السيارات للوزارات والهيئات الحكوميه بغرض تزويدهم بالنقل و لمنفعة اهل قطر بنفس الوقت ..


تبدأ اسعار الايجار من 2800 الى 6000 ريال للكروزر .. شرط ان يتحمل المالك تكاليف تشييك السياره او اية حادث لا سمح الله ..

[بوسلمان 2010]

افى عليكم المواطن يحول سيارته الى تاكسي واحنا في ظل ابو مشعل الله يطول بعمر وولي العهد الله يطول


باعمارهم ان شاء الله ان القطري مايوصل وابشرو با الخير ان شاء الله في ظل حكومتنا الرشيده

[رجل مثالي]

افى عليكم المواطن يحول سيارته الى تاكسي واحنا في ظل ابو مشعل الله يطول بعمر وولي العهد الله يطول


باعمارهم ان شاء الله ان القطري مايوصل وابشرو با الخير ان شاء الله في ظل حكومتنا الرشيده


أنشاءالله نتمنى ذلك أخوي في ظل أبو مشعل الله يطول في عمره

وعمر ولي عهده الامين ونتمنى الرقي وزيادة الرواتب لجميع فئات

المواطنين القطريين ومن ظمنهم المتقاعدين وجميع الفئات الاخرى