¥¥ موظف جديد شتنصحه ....حياكم يالطيبين ¥¥

[جامعي]

السلام عليكم ورحمة الله

الموضوع يالطيبين اني ولله الحمد بتوظف قريب

اول وظيفة ان شا الله ...


المطلوب بارك الله فيكم... بما اني ماعندي خبرة

وتوني موظف فرش طالع من قراطيسة ومعاه الضمان:nice:


هههههههه لا الصج بغيت نصايحكم القيمة ..بالذات اللي عندهم

خبرة في الحياة والوظيفة...وبخصوص الراتب شلون اقسمه

او شي تعلمته وتمنيت حد قالك عليه من قبل

او شي تحس الموظفين الجدد مايعرفونه وودك تعلمهم وهكذا...

قيل قديما ماخاب من استخار ولا ندم من استشار

فانا ولله الحمد استخرت والدور عليكم بالاستشارة

يعني اعتبروني *من الاهل ولا الاصدقا وادلوا علي بنصايحكم

وكلي اذان صاغية وان شاء الله يكون الموضوع مرجع لكل موظف

جديد ،،،،،،ووجزاكم الله خير

[صعبة وصوفه]

و الله ودي أساعدك بس ماعندي خلفية،،

حبيت أبارك لك بالوظيفة الجديدة، عسى الله يوفقك ويطرح فيها البركة، وان شالله باقي الأعضاء بيفيدونك :nice:

[جامعي]

مشكورة،،، وناطرين الاعضاء

[Dawn]

النصايح تعتمد على المكان اللي بتشتغل فيه

[الخفي]

(( راجع الخاص ))

[جامعي]

المكان في شركة

اخوي الخفي رديت عليك

الله يجزيك الفردوس ...

[الخفي]

السلام عليكم ورحمه الله وبركاته
اول شي مساك الله بالخير
مبروك على الوظيفه مقدما وبالنسبه للراتب انا انصحك عده نصائح بما ان اخووك اللي يكتب لك الان شخص اشتغل براتب 900 ريال اول حياته والحين الحمدلله الراتب لله الحمد
اول شي ياخوي الراتب وتقسيمه يعتمد على اشياء اولا هل انت من الناس اللي اهلك او عايلتك حاجتهم تدعي ان راتبك يخصص جزء منه لهم يعني مثلا هل انت العائل الوحيد للعائله وراتبك سيكون جزء منه لهم لوالديك مثلا ولاخوانك واخواتك او ان حالتكم الماديه جيده والراتب سيكون كله لك عالعموم هناك في الحياه شيئين اساسيات - سياره -تلفون - بترول - ملابس -
وهناك كماليات - سينما - تسوق - سفر - سياره اضافيه
انت كبدايه وحتى تبدأ تأسس حياتك صح وماتدخل في مشاكل في المستقبل ركز على الاساسيات ولا تحرم نفسك من الكماليات عليك
اولا انك تحاول ماتاخذ سلفه من البنك لشي مايستاهل مثل سياره فارهه جدا او غاليه جدا اخذ سياره تناسبك مناسبه او قسطها مايكون غالي جدا يحرمك في المستقبل من امور حياتيه مهمه مثلا ممكن تاخذ بورش وقصدها 5000 ريال وانت راتب 12 الف هل ال 7 الاف المتبغيه ستتناسب مع متطلباتك
اذا كنت من النواع اللي مايصرف واجد مكن تاخذها بس هناك شي لاتهمله افضل انك تاخذ سياره مناسبه مثل تويوتا ولا لكزس وقسطها لا يتعدى ال 3 الاف ريال وبكذا تمشي حالك طوال الشهر على 9 الاف ولو رتبنا الاساسيات خل نقول
الراتب = 12 الف كبدايه ( عازب )
قسط سياره =3 الاف ريال كحد اعلى
جوال = 1000 ريال الى 1500
بترول = 1000 ريال شهريا
تمشيه=سينما - مطاعم -1000 ريال
الباقي = 6 الاف ريال

تقدر تسوي حساب توفير بقيمه
2000 ريال او 3000 ريال في حساب لمده ثلاث سنوات وتنساه بعد 3 سنوات يكون في حسابك 104 الاف ريال هذي تقنيك في المستقبل عن سلفه في حاله الزواج او على الاقل بتضمن انك جهزت 50% من تكاليف الزواج ولو انتضرت لاكثر قد تجمع التكاليف الزواج بهذا الحساب وتبدأ حياتك الزوجيه بدون ديون خاصه ان هناك نقطه لاتهملها لاتنسى انه وراك قسط بنك التنميه بعد ان تتزوج وتبدأ في الحصول على الارض والبدء في اجراءات البناء فالافضل تبدأ حياتك وراتبك بدون قروض وديون كبيره حتى تكون مستعد خبرك القسط سيكون 3300
ريال فانت اذا مشيت على هالنصيحه ستبني وانت مرتاح وستعيش حياتك الزوجيه بأذن الله بدون ديون وتستطيع ان تعيش حياه كريمه ولن تقع في الخطا اللي وقع فيه الكثير من الشباب مما اخذ ديون بدايه حياتك اول ماشتغل وصرفها في سفريات وكماليات وسيارات فارهه وبعد ان كبر ونضج وجاء ليتزوج ويؤسس اسره ويبني بيت وجد ان اكثر من 60% من الراتب يذهب للبنك ولم يتبقى له سوى ما يقتات عليه طوال الشهر وبالكاد يكفي راتبه لاقساط سياره وفاتوره كيوتل فلا تقع في فخ القروض خاصه ( الربويه ) لأن الله يمحق الربى ويربي الصدقات فالدين بنفسه والقرض مهلك فما بالك بقرض ربوي قد قال الله في القران ( يمحق الله الربى ويربي الصدقات ) وانا اعلم انس اخذو قروض ربويه من سنوات طويله ومازالو يدفعون ويقاسطون هذه القروض ومازالت لم تراوح مكانها فاحذر الربى فأنه مهلك وممحق للراتب ويذهب البركه ويكفي ان الله قال من وقع في الربا وتوعده ( بحرب من الله ورسوله )

اخيرا : كل التوفيق لك اخووي اتمنى لك حياه سعيده واتمنى ان تكون هذه النصائح مفيده لك في بدايه حياتك

اخووك ( الخفي )

يقولون : مرأأه العواقب في يد ذي التجارب

[العضو العتيج]

النصيحة الوحيدة الي اقدمها لك...لاتمشي على النظام الموجود خارج القانون
يعني مثلا داومت اول الايام وتعرف ان الدوام ينتهي 2 مثلا...
بس الموظفين يطلعون 1 ويقولون لك عادي ..
انتبه من هذه النقطه وخلك ماشي على النظام في كل شي خصوصا اول الايام..ماقصد الخروج بس.. اقصد بشكل عام الخروج الحضور اجازه بتغيب الخ..خلك ماشي على النظام والقانون خصوصا الفتره الاولى الى ان تتأقلم وتعرف كل شي وتتضح لك الصوره..وبالتوفيق

[تحداني]

الامور الماديه اخونا " الخفي " بدع ما شاء الله

ابتعد عن الامور الشخصيه .. ونادر ما تلقى رفيق شغل .. عامل الناس معاملات سطحيه .. وكون علاقات عمل وانتهي منها بمجرد الانتهاء من العمل

راح تسمع احباطات كثيره وهذا طبع معظم القدامى " ايش جايبك عندنا .. من زين المكان .. ما لقيت احسن من هالمكان .. هالمدير عصبي .. هالمدير كذاب .. هالمدير منافق .. تعلم ان لا تحكم على اي انسان في الحياه الا لما اتعاشره وتاخذ وتعطي معاه .. والوقت هو الشئ الوحيد الي راح يكشف لك امور كثيره


اخلص في عملك .. واعطي العمل كل ما تستطيع " وكل واحد يشتغل الا يبين شغله في يوم من الايام لا اتقول مديري ما راح يعرف او مسئولي ما راح يعرف كل شي يبين وواضح

لا تلتفت للمناصب كثير والسلم نركبه خطوه ابخطوه
لان الي يشوف فوق دائما ما راح يقبل ابوظيفته .. وراح يحس انه مظلوم دائما


الموظف المثالي هو الموظف الي يحترم ساعات العمل
لا اتقول اشحقه اداوم من وقت واطلع مع نهايه الدوام .ز بالعكس قيمه الانسان
في احترامه لساعات العمل


وفر دائما للزمن .. ولا تتهور مثل البعض من يشتغل سلفيات ضرب سلفيات
وهم كاشخين وما عندهم فلس حمر بالعكس شماته الناس راح اتكون فيك اكثر
من سعادتهم عليك ورضاهم منك

اعطي الوالده جزء من المبلغ مهما كان عندها من افلوس
وخليها ضروره من ضروريات حياتك ورب العالمين راح يطرح في مالك البركه


والله ينور طريقك يارب .. ويطرح فيك البركه ان شاء الله ويجملك برضاه

[فيزيائية]

الله يوفقك
هالله هالله بالصدقه الشهرية
وابتعد عن البنوك والتعاملات الربوية والاسراف .

[الخفي]

(( انا يا خووي ركزت على الامور الماديه لتسيير امورك من ناحيه الراتب

واهملت الامور الاخرى نسيانا وعندما اردت التكلم عن الامور اللي تخص

علاقاتك وطريقه شق طريقك للارتقاء في العمل وجدت ان العضو العزيز

( تحداني الزمن ) كفى ووفى الله يوفقك دنيا واخره

[يراعٌ فراتي]

اسال الله ان يوفقك

وعليك بالاخوة القدامى حاول ان تحتك بهم

واعتمد على كتابة كل شي تجده مهما

حبر رديء خير من ألف ذاكرة

والصدقة والدعاء

هذا اختصار لما لدي

[روح الاطلس]

اهم شي اول راتب طلع منه صدقه عشان ربي يطرح البركة في عملك

ثاني شي حسابك افتحه في بنك اسلامي


ثالث نصيحة خلك مرن وسلس مع الكل وسلم على كل من في قسمك ( اكسب ودهم ) لان بالغالب القدامى ينظرون للجدد نظرة سلبية ( خوفا من المنافسة) يعني اكسبهم عشان تعرف كل شي منهم

رابعا اي واحد يدربك على شغلة خذ معاك دايما ورقة وقلم وسجل الملاحظات عشان ماتظهر بصورة سيئة وانك نسيت شغلة وترجع للي يدربك وتطلب منه يعيد يعلمك

خامساا احتسب الاجر في عملك

[جامعي]

النصيحة الوحيدة الي اقدمها لك...لاتمشي على النظام الموجود خارج القانون
يعني مثلا داومت اول الايام وتعرف ان الدوام ينتهي 2 مثلا...
بس الموظفين يطلعون 1 ويقولون لك عادي ..
انتبه من هذه النقطه وخلك ماشي على النظام في كل شي خصوصا اول الايام..ماقصد الخروج بس.. اقصد بشكل عام الخروج الحضور اجازه بتغيب الخ..خلك ماشي على النظام والقانون خصوصا الفتره الاولى الى ان تتأقلم وتعرف كل شي وتتضح لك الصوره..وبالتوفيق

اها ان شاء الله باخذ بنصيحتك

يقول المثل امش سيدة يحتار عدوك فيك

جزاك الله خير

[جامعي]

الامور الماديه اخونا " الخفي " بدع ما شاء الله

ابتعد عن الامور الشخصيه .. ونادر ما تلقى رفيق شغل .. عامل الناس معاملات سطحيه .. وكون علاقات عمل وانتهي منها بمجرد الانتهاء من العمل

راح تسمع احباطات كثيره وهذا طبع معظم القدامى " ايش جايبك عندنا .. من زين المكان .. ما لقيت احسن من هالمكان .. هالمدير عصبي .. هالمدير كذاب .. هالمدير منافق .. تعلم ان لا تحكم على اي انسان في الحياه الا لما اتعاشره وتاخذ وتعطي معاه .. والوقت هو الشئ الوحيد الي راح يكشف لك امور كثيره


اخلص في عملك .. واعطي العمل كل ما تستطيع " وكل واحد يشتغل الا يبين شغله في يوم من الايام لا اتقول مديري ما راح يعرف او مسئولي ما راح يعرف كل شي يبين وواضح

لا تلتفت للمناصب كثير والسلم نركبه خطوه ابخطوه
لان الي يشوف فوق دائما ما راح يقبل ابوظيفته .. وراح يحس انه مظلوم دائما


الموظف المثالي هو الموظف الي يحترم ساعات العمل
لا اتقول اشحقه اداوم من وقت واطلع مع نهايه الدوام .ز بالعكس قيمه الانسان
في احترامه لساعات العمل


وفر دائما للزمن .. ولا تتهور مثل البعض من يشتغل سلفيات ضرب سلفيات
وهم كاشخين وما عندهم فلس حمر بالعكس شماته الناس راح اتكون فيك اكثر
من سعادتهم عليك ورضاهم منك

اعطي الوالده جزء من المبلغ مهما كان عندها من افلوس
وخليها ضروره من ضروريات حياتك ورب العالمين راح يطرح في مالك البركه


والله ينور طريقك يارب .. ويطرح فيك البركه ان شاء الله ويجملك برضاه

ماقصر الطيب الخفي


و صح لسانك والله يرضى عليك

اي والله اهم شي رضى الوالدة وهاي اقل القليل نقدمة لها

جزاك الله خير

[جامعي]

الله يوفقك
هالله هالله بالصدقه الشهرية
وابتعد عن البنوك والتعاملات الربوية والاسراف .

ويوفقج يالطيبة

بخصوص الربوية هو انا قد حرب من الله ورسولة..!!؟؟

اما الصدقات هي الباقية والراتب المتبقي اللي رايح

جزاج الله الف خير

[جامعي]

(( انا يا خووي ركزت على الامور الماديه لتسيير امورك من ناحيه الراتب

واهملت الامور الاخرى نسيانا وعندما اردت التكلم عن الامور اللي تخص

علاقاتك وطريقه شق طريقك للارتقاء في العمل وجدت ان العضو العزيز

( تحداني الزمن ) كفى ووفى الله يوفقك دنيا واخره

جزاكم الله خير ماقصرتوا ورايتكم بيضاء

[جامعي]

اسال الله ان يوفقك

وعليك بالاخوة القدامى حاول ان تحتك بهم

واعتمد على كتابة كل شي تجده مهما

حبر رديء خير من ألف ذاكرة

والصدقة والدعاء

هذا اختصار لما لدي

اي الله يوفقك ويوفقنا ويسهل لنا الامور

مشكور وجزاك الله خير

[جامعي]

اهم شي اول راتب طلع منه صدقه عشان ربي يطرح البركة في عملك

ثاني شي حسابك افتحه في بنك اسلامي


ثالث نصيحة خلك مرن وسلس مع الكل وسلم على كل من في قسمك ( اكسب ودهم ) لان بالغالب القدامى ينظرون للجدد نظرة سلبية ( خوفا من المنافسة) يعني اكسبهم عشان تعرف كل شي منهم

رابعا اي واحد يدربك على شغلة خذ معاك دايما ورقة وقلم وسجل الملاحظات عشان ماتظهر بصورة سيئة وانك نسيت شغلة وترجع للي يدربك وتطلب منه يعيد يعلمك

خامساا احتسب الاجر في عملك

الله يجعل عملنا كله خالصا لوجهه الكريم

مشكور وماقصرت وان شا الله اطبق اللي قلته

جزاك الله خير

[حقيقه]

اهم شيء لاتتكلم عن امورك الشخصيه نهائياً