صحيفة "صن" البريطانية: المستهترين الخليجيين في شوارع لندن - مقاطع فيديو

[قوي العزايم]

ذكرت صحيفة "صن" البريطانية ان كثير من السكان ينقل وجهات النظر لبعض المقيمين الأثرياء في العاصمة البريطانية لندن الذين يتذمرون من ضجيج هذه السيارات الفارهة والذي يستمر حتى الرابعة صباحا!! وتقول الصحيفة ان قائدي السيارات الرياضية جعلوا من شوارع لندن حلبات سباق..

والسيارات الفاخرة تحمل لوحات سعودية و اماراتية وكويتية و قطرية تعكس حجم الثراء الكبير لهذه الفئة من الخليجيين .

وتزداد حالات الاستعراض بالسيارات في فصل الصيف حيث يتنقل الخليجيين بين المدن الاوروبية .. وقد تم ضبط عدة مخالفات مرورية على السيارات تصل الغرامة الى 1000 جنية استرليني ولكن هذا لم يكن رادع لهم..


http://www3.0zz0.com/2011/07/10/22/660287612.jpg (http://www.0zz0.com)

http://www3.0zz0.com/2011/07/10/22/723461795.jpg (http://www.0zz0.com)


مقطع رقم 1 (http://ysv.me/30238)


مقطع رقم 2 (http://ysv.me/33719)


مقطع رقم 3 (http://ysv.me/68576)


مقطع رقم 4 (http://ysv.me/46925)



يبدو أن هناك اجراءات مرورية مكثفة في العاصمة لندن بسبب ما أسموه
بـ «موسم الغزو الخليجي»

مقطع رقم 5 (http://ysv.me/68619)

[البدع]

أنا مرة انزعجت منهم

صحيت ٣ الفجر من قوة صوت محرك السيارة

دعيت عليه

ازعاج غير طبيعي بلندن منهم

[مايبخ]

شكاوي البريطانيين من اثرياء الخليج من زمان
والعام بعد انشروا عن هالسيارات المزعجة اللي ماتتقيد بقوانيين المرور عندهم
بس يوم شفت المقاطع اللي منزلهم تأكد ان الموضوع جديد

[رُفق المجنّا]

إن شاء الله نشوف مضايقات أكثر لـ أثرياء الخليج واللي ما شفنا منهم إلا الفشل

[D0ha]

اللي عنده مال ومحيره .....يصيف في لندن ويشتري حمام ويطيره
لندن ديره مفضوحه ومجلس النواب البريطاني تعب من الجرايد البريطانية......وقفت على ناس تخالف في الشوارع؟ يكتبون اللي يبونه

[hamoor4ever]

خل يضيقون عليهم مثل ماهم مضيقين على خلق الله بأزعاج سياراتهم وغيره

[Rashid554]

يا غريب كن اديب معظم هالشباب يتم توقيفهم من قبل الشرطة بمخالفتهم قوانين بريطانيا
مثل لوحه قطر شلون تمشي بالشارع وهي لوحتها عربيه بالارقام واسم الدول
اضافة الى ذلك معظمهم لا يملك تأمين سياره والمصيبه الاعظم بعضهم تحت 18 سنه مما يعد مخالفه صريحه للقانون البريطاني
والاكبر من هذا كله يوقفون غلط مايلتزمون بالمواقف او الدفع عن طريق الاجهزة ويحطون الورقة على الدرايش عشان لما يجون الشرطة يشوفون انه ماخذ تكت
والاعظم من هذا كله الدواره بالشوارع وخصوصا باوقات النوم بعد الـ 10 مساءً
اذا انت اجازه رايح لندن ترى غيرك ناس وراهم دوامات ونايمين
شلون تبي العالم تحترمك وانت هذي تصرفاتك تدل على الهمجيه وعدم المبالاه
ربي رزقك بفلوس احمد ربك ولاتقعد تتباهى فيها
ناس اعرفهم الحمدالله الخير مغطيهم من راسهم لساسهم ومع ذلك مايحب التباهي ويشحن سيارته للندن ومع ذلك يستخدم سيارات اللومزين او التكسي والاندرقراوند ..
ولا ليش اخذ سيارتي واقعد ادور بالشوارع هذي سفره ، روح شارع النصر واقعد دور

[naklan]

يشحن السيارة وازعاج واخرتها يلف على الهايد بارك :(
وفي منطقة النايس برج وعند هرولدز ويصف السيارة ويقعد ناطور عندها
علشان لي مر حد يقول فلان ودا السيارة الفلانية للندن عقدة نقص
الله يكافينا الشر ولي جا الفندق نثر التلفونات الفيرتو علشان
يشوفونه وهو ما يسوى جلد الخروف الي هو لابسة
لندن عفناها من هالاشكال الناقصة :(

[بوخالد88]

ههههه اخوي هاي المساكين صدقني لانه ماتم شي ماسوه بس علشان يحسون بالوناسة

عندهم ملاييين بس مب مستانسين

الحمدلله علي النعمة اللي احنا فيها

بالتووووووفيق*

[The_Be$t]

الله يهديهم

فعلا شي مؤسف

[ذياب]

قال تعالى

(ثم لتسألن يومئذ عن النعيم )

كذلك حذرالنبي صلى الله عليه وسلم وقال [ لا تزول قدما ابن آدم يوم القيامة من عند ربه حتى يسأل عن خمس : عن عمره فيما أفناه ؟ وعن شبابه فيما أبلاه ؟ وماله من أين اكتسبه ؟ وفيما أنفقه ؟ وماذا عمل فيما علم]

[رجل مثالي]

أحترام القوانين لا بد منه في أي بلد يكون فيه الخليجي لانه

يعتبر المثل لبلده خلال سفره لهذه الدول الاوروبية التي تحترم

القوانين والمال مب كل شىء أولا الدين والاخلاق والتواضع

صفة المؤمن والتكبر والتعالي على الناس بماله وقوته

فهو لا يدري بان الله قادر على زوال نعمته التي أعطاها

له الله تعالى وذلك حتى يختبر عبده المؤمن أذا كان يستخدم

هذه النعمة في أعمال الخير أو لا والتكبر من صفات الشيطان

أعوذ بالله من الشيطان الرجيم والله يهدينا جميعآ

[بنQATARت]

يشحن السيارة وازعاج واخرتها يلف على الهايد بارك :(
وفي منطقة النايس برج وعند هرولدز ويصف السيارة ويقعد ناطور عندها
علشان لي مر حد يقول فلان ودا السيارة الفلانية للندن عقدة نقص
الله يكافينا الشر ولي جا الفندق نثر التلفونات الفيرتو علشان
يشوفونه وهو ما يسوى جلد الخروف الي هو لابسةلندن عفناها من هالاشكال الناقصة :(

هههههههههههههههههههههه
اعجبتني
:nice:

[R 7 A L]

الحمدلله والشكر


ماحد شوه سمعه الخليجيين الا هذولا

[العقل الحر]

المقطع الخامس

مايوقفون الى العرب

قمة العنصرية من قبل الانجليز

وردودهم على المقطع تدل على ذلك

ومازال ربعنا يروحون ويذلون اعمارهم !

[الموضوعي]

الموضوع يرجع للتربية هذولا محد رباهم وعلمهم السنع واكثرهم حديثين نعمة او عيال بطره تربية خدم او نسوان

[رجل الجزيرة]

المقطع الخامس

مايوقفون الى العرب

قمة العنصرية من قبل الانجليز

وردودهم على المقطع تدل على ذلك

ومازال ربعنا يروحون ويذلون اعمارهم !

سؤال بارك الله فيك
كم مرة خالفوهم؟ لذا أنا ما ألوم الشرطة البريطانية وإلا المفروض أن يسجنوهم.

[bentalgala]

الحمد لله رب العالمين

ويا لندن خلاص عافك الخاطر

فعلا مثل هالاشكال كل سنه شوهت صوره الخليج

ونقول ليش الأجانب يعتقدون كل خليجي عنده بير بترول في بيته

[العقل الحر]

سؤال بارك الله فيك
كم مرة خالفوهم؟ لذا أنا ما ألوم الشرطة البريطانية وإلا المفروض أن يسجنوهم.

اخي الكريم

يوجد فرق بين ان توقف اشخاص بسبب ملامحهم او عرقهم او شكلهم او دينهم وبين توقيف الجميع لسبب ما ... توقيف عشوائي بسبب انه لوحته اجنبية

والبعض مار مرور الكرام وتم توقيفه ! لماذا ؟

اليست هذي عنصرية

[jwar7]

الحمد لله على نعمه العقل

[QtrAlshmaaL]

المقطع الخامس

مايوقفون الى العرب

قمة العنصرية من قبل الانجليز

وردودهم على المقطع تدل على ذلك

ومازال ربعنا يروحون ويذلون اعمارهم !

سؤال بريء :discuss:

انت واقف مع الشرطي الانجليزي يوم يحرر المخالفة!!

ولا بس تطلق احكام على الناس من دون ما تعرف وين الخلل

ألحين انتوا تشتكون من الاجانب اذا هم بس اركبوا سيارات غالية في بلادنا وهم ملتزمين بالقوانين

فما بالك بأجنبي يركب سيارة قيمتها فوق المليون ريال .. لا .. ويخالف بعد ..

رأيْتُ المُلُوكَ، وإنّ عَظُمَتْ، = فإنَّ المُلُوكَ لرَبِّي عَبيدُ

تُنَافِسُ فِي جَمْعِ مَالٍ حُطَامٍ = وكلٌّ يَزُولُ، وكلٌّ يَبِيدُ

نسأل الله العفو والعافية من الغرور والكبر ونقص الذات

[حسن]

من زود البطره اللي هم فيها ولا بعد يخالفون ويشوهون سمعت بلدانهم زين سو فيهم يوم حجزو سياراتهم

[almaf1a]

دام انهم يتخالفون ويتم معاقبتهم ايش المطلوب اكثر؟
يعدمونهم او يمنعونهم دخول لندن

[ضليع التبريد]

خليجيين خليجيين خليجيين خليجيين

ياجماعه سندرتونا

هل الخليجيون كلهم الي في لندن ماخذيين معاهم سيارات؟؟!!

هم قله قليله جدا من الشباب الصغار الأثرياء

ولا تتجاوز نسبتهم 005.%

فرجاءا لا تعممووووووون وتفتحون باب للحاقدين والحاسدين علينا

الله يهديهم ويصلحهم

وعيال الإنجليز إلي مسندرينا في أوطاننا ومسندرين العالم من يوقفهم عند حدهم؟؟!!

[Doha Land]

يشحن السيارة وازعاج واخرتها يلف على الهايد بارك :(
وفي منطقة النايس برج وعند هرولدز ويصف السيارة ويقعد ناطور عندها
علشان لي مر حد يقول فلان ودا السيارة الفلانية للندن عقدة نقص
الله يكافينا الشر ولي جا الفندق نثر التلفونات الفيرتو علشان
يشوفونه وهو ما يسوى جلد الخروف الي هو لابسة
لندن عفناها من هالاشكال الناقصة :(

:nice:تعجبني:oops:

[الـراسي]

كلن على همه سرى وانا على همي سريت

الناس عقليات

[الرمز]

عقده النقص
+
حثالة المجتمع
+
جيب مليان وعقل فاضي
+
تربيه خدم
+
مخرجات القساد والاختلاسات في الخليج
=
كل واحد تنطبق عليه جمله

[fahadq]

والله الانجليز ناس معقدين حتى بينهم وبين بعضهم , فى بعض المخالفات من بعض الخليجين فى لندن اثناء فترة الصيف وليس كلهم , والانجليز طبيعتهم انهم عنصرين وينتقدون اى شخص وشافوا قلة قليلة من الخليجين بسياراتهم واستغلوها فرصة , غير ان حقدهم على العرب المستمر سواء بوجود سيارات فارهه او لا , وهاذا الشى من زمان حتى من ايام الثمانينات و التسعينيات وخاصة ان اكثر الانجليز يعيشون فى وضع اقتصادى صعب ويتثاقل ما بين فترة واخرى ,ولو كان عند الانجليز المادة كان سوو مثل الخليجين واكثر , بطبيعة الشعب الانجليزى انة دائما لا يعجبة العجب ,على فكرة انا مع القانون فى كل مكان . ودمتم بود

[سداوي&مدريدي]

كلن على همه سرى وانا على همي سريت

الناس عقليات

الله الله :nice:

[محمد]

اتعب ع البنتلي الـ بنكي :shy:

[صمتي حزن]

والله انا كل سنه اروح في صيف لكن العام والسنه اروح قبل شوي يعني ماجي حزت وصول اليهالوووو وال انا طاير منها ديره ثانيه لان العقل الناقص مشكله واليهال مشكله شوف عزيزي والله نقدر انسوي الي هم مايقدرون يسونه ونقدر ناخذ 3 و4 سيارات لكن الغنى غنى النفس واهم شي جيبك متروس لي رحت قهوه او مطعم تقدر تاكل وتشرب ولي شفتلك حد تقدر تدفع عنه بمقصد التقدير وانك عازمه مب تقعد تعد افلوسك او اجي حق ناس وهم قاعدين وانت وياك 2 او 3 اشخاص وتقعد معاهم وتاكل وتشرب ولي جات حزت الفاتوره هرب هذا العيب اما زبووووو ومفوشر على خلي بلاش ماتمشي واقسم بالله في ناس اشوفهم في لندن وغير لندن يملكون المليارات ويقدر يمشي معاه موكب اذا اراد بس بالعكس يحس بالفرحه انا يروح ويجي وياكل ويشرب ويوقف في الطابور على انه انسان بسيط هذي احلى شي في الحياه اما اليهالوووو الي صاروووو يروحون لندن والي ياخذ موتر رفيجه شيخ افلان وافلان على انها سيارته معروفين ومهما سوى او حط فيرتو او غيره بيبقى هو كذا بن كذا والي غيره مهما كان بسيط بيبقى هو افلان بن فلان غصب عن الي يرضى والي مايرضى
واسمحولي صرااااحه انا شفت شباب بس مثل بعض لشباب غريبين مايشوفون حرمه حتى ولو مع عيالها لاحقوها قمت المصرخه وقمت المبزررررره على قوله غلام
هههههههههههههههههه

[همسه]

نعم انا ضد هذي الفئه و الواحد يحمد الله سبحانه و تعالى على النعمه

ولا يقعد يتفاخر كأنه حديث نعمه

الأنسان اذا سافر بلد المفروض يعكس صوره مشرفه عن دينه و بلده

لكن هذول فئه قليله و ندعي لهم بالهدايه ما ينوصفون كل الخليجين بأنهم مستهتريين

التعميم في هذا الموضوع ظلم

وفعلا لا تفتحون باب للحاقدين علينا

الله يهدينا الجميع

آمين يارب

[Hamad-7]

محد قال لهم يخترعون سيارات سبوورت

عيل من راح يسوق سياييرهم ههههه

خل احسن يستاهلون وانشالله يزعجونهم اكثر

[آهـل شَـرق]

وان كنت في نعمةٍ فـ إرعها فـ إن المعاصي تُزيل النعم

اللهم إغننا بحلالك عن حرامك وبفضللك عمن سواك

[الغالي!]

اللهم لا حسد ناس مش عارفه وين تودي الافلوس وناس ودها بقيمة التذكره الحمدلله الذي انعم علينا

[التيما]

هههههههههه والله ما سوو هالضجة الاعلانية عليهم الا عشان يزيدون السياحة أكثر .. زين يسوون الخليجين فيهم .. عشان البريطانيين يعرفون انهم ما يمشون الا بالفلوس ..

[مساهمة بسFresh]

ههههه اخوي هاي المساكين صدقني لانه ماتم شي ماسوه بس علشان يحسون بالوناسة

عندهم ملاييين بس مب مستانسين

الحمدلله علي النعمة اللي احنا فيها

بالتووووووفيق*

اخوي شدراك انهم مب مستانسين؟:rolleyes2:

مثل مافي فقارة مرتاحين في اغنياء مرتاحين
ومثل مافي فقارة تعبانين في اغنياء تعبانين
:victory:

[بوخليفة83]

حتى الانجليز ماسلمو منهم
ناس فاضية وعندهم نقص في الشخصية تلقاهم يدورن في مكان واحد وكلن يطالع الثاني لاصلاة ولادين
وهاي كله عشان ؟؟؟؟؟؟

[بوسلمان 2010]

الله يصلحهم والله انهم فاضين وماتبون الاجانب يطمعون في بلادنا ويسلبون خيارات الخليج واخرتها ينتقدون


الاجانب ويقولون عنهم انهم اسلبونا وخذو خيارات بلادنا مايدرون انهم هم السبب في هذا الشي

[ورقة غار]

الحمدالله والشكر .............دنيا ناس ماتدري وين تودي فلوسها وناس ماتحصل تاكل

[محمد]

اخوي شدراك انهم مب مستانسين؟:rolleyes2:

مثل مافي فقارة مرتاحين في اغنياء مرتاحين
ومثل مافي فقارة تعبانين في اغنياء تعبانين
:victory:

يا غنية انتي يا الراااااهية :nice:

[Kuwaiti88]

لا يمكن وصفهم الا بحديثي النعمه مع احترامي الشديد لهم ...

الواحد يبي يسافر يستانس ويفتك من السواقه ويدلع نفسه ...

أتوقع أهل الخليج ما عليهم قصور بس اللي شايف خير ما يسوي جذي ...

غير جذي منو له خلق يأمن عالسياره من الخدوش والتلف وباجي الخرابيط ...

طبعا الهدف الأول والأخير هو التباهي بالسياره فقط لا غير والشعور بالفخر والعزه

في ركن السياره أمام متاجر هارودز ...

طبعا لا أنكر بان الغرب عندهم هالشخصيات التي تتسم بالغباء مثل باريس هيلتون ...

[chillis]

وبعدين يزعلون ليش الاجانب ياخذون فكره سيئه عنا الحين لو الاجانب هم الي مزعجينا هني كان قلنا ليش وليش هداهم الله

[chillis]

يا غنية انتي يا الراااااهية :nice:

:omg::victory:

[الهلي]

المواطن الخليجي يسمونه في اورباء ابار النفط المتحركه

[ثابت]

المواطن الخليجي يسمونه في اورباء ابار النفط المتحركه


حاسب لا انكت عليك :)

الله يعين والله هولاء هم حديثي النعمة مثل ما قال اخوي كويتي

[Faisal75]

الحين جالسين تحاتون شعور هالإنجليز وهم اكثر ناس مجننينا في بلادنا ماخلو بحر ولا مجمع تجاري لنا الا تجمعوا عليه والله يعلم باللبس اللي لابسينه دون مراعاه لدين وعادات أهل البلاد ياريتهم يجون بحترامهم ..
وترى ماعليكم من هالانجليز مستانسين على هالفئة من الخليجيين خبركم المخالفات دخل عليهم الآلآف الجنيهات غير سكن وصرف الخليجيين دون مبالاه .. لو الإنجليز صاجين جان أجبروا صاحب أي سياره تخالف من بقاء سيارته داخل بريطانيا .

[ام السعف]

الحمدلله حدي في الصيف حدود فريجنا

زين ما رحت لندن كان بفتشل منهم :(

[بوحارب]

يالربع حلالهم وبكيفهم يعني واحد سيارته صوتها عالي من الشركة وش تبونه يسوي لكم يبدل الدبات عشان خاطرهم !!!

الله يهنيهم ويسعدهم ومالهم حل شباب الدوحة ههههههههههههه

[القيادة]

الحمد لله علي نعمه العقل

[تاجر]

الحين جالسين تحاتون شعور هالإنجليز وهم اكثر ناس مجننينا في بلادنا ماخلو بحر ولا مجمع تجاري لنا الا تجمعوا عليه والله يعلم باللبس اللي لابسينه دون مراعاه لدين وعادات أهل البلاد ياريتهم يجون بحترامهم ..
وترى ماعليكم من هالانجليز مستانسين على هالفئة من الخليجيين خبركم المخالفات دخل عليهم الآلآف الجنيهات غير سكن وصرف الخليجيين دون مبالاه .. لو الإنجليز صاجين جان أجبروا صاحب أي سياره تخالف من بقاء سيارته داخل بريطانيا .

:ok:
انا اتفق معاك والله ..

صحيح ان اللي يسوونه شباب الخليج غلط .. ولكن لم ارى ان بعض الانجليز كذلك يراعون عاداتنا وتقاليدنا سواء في اللباس (المجمعات اكبر دليل) او التصرفات (كشرب الخمر) وما يسببونه من حوادث ولكن لا يتم ذكرها في الجرائد او الاخبار والتستر عليهم ..

[فارس قطر333]

الحمد لله والشكر هذا مرض والله

[intesar]

يا غريب كن أديب.. وين ما حلوا الخليجيين حلت معاهم الفضايح.. أموووت وأعرف هالفشخرة ليش.. وبعدين سقت هالسيارات السبورت.. ايش بتحصل.. غير الشتايم والدعاوي.. فرحانين على الهبل اللي يسوونه .. وهم ما يدرون انهم يشوهون سمعة بلادهم واهل بلادهم..

دمتم بود..

[intesar]

:ok:
انا اتفق معاك والله ..

صحيح ان اللي يسوونه شباب الخليج غلط .. ولكن لم ارى ان بعض الانجليز كذلك يراعون عاداتنا وتقاليدنا سواء في اللباس (المجمعات اكبر دليل) او التصرفات (كشرب الخمر) وما يسببونه من حوادث ولكن لا يتم ذكرها في الجرائد او الاخبار والتستر عليهم ..

تعرف ليش لأن مسلمي العرب ذليلين.. واذا هم أزعجونا ببلادنا.. ما يعطينا العذر انه نسوي مثلهم.. لازم نلتزم بديننا الحنيف ونكون قدوة.. لعلها تكون دعوة إلى الدين الاسلامي من حيث لا نقصد او نعلم..

[Abdulla86]

شوفوا هالفيديو ^ـ^

الموتر قطري

http://www. xxx .com/user/dimi164#p/u/1/Jx7fGv_tGRk

[العقل الحر]

الحين جالسين تحاتون شعور هالإنجليز وهم اكثر ناس مجننينا في بلادنا ماخلو بحر ولا مجمع تجاري لنا الا تجمعوا عليه والله يعلم باللبس اللي لابسينه دون مراعاه لدين وعادات أهل البلاد ياريتهم يجون بحترامهم ..
وترى ماعليكم من هالانجليز مستانسين على هالفئة من الخليجيين خبركم المخالفات دخل عليهم الآلآف الجنيهات غير سكن وصرف الخليجيين دون مبالاه .. لو الإنجليز صاجين جان أجبروا صاحب أي سياره تخالف من بقاء سيارته داخل بريطانيا .

احسنت وبيض الله وجهك

ربعنا محاتين الذوق العام قصدي محاتين اسيادهم لا يزعلون عليهم

قلعه تقلع الانجليز ومن والاهم .. لو فيهم خير ماشروهم اصحاب السيارات ومسخرين في بلادهم

ولكن بعد رده فعل الانجليز عنصرية ويعرفون وين يطلعون الفلوس

[cavok]

اخواني --- الحمد لله على نعمة الاسلام ----
show FOR NOTHING

[غير البشر]

محد قال لهم يخترعون سيارات سبوورت

عيل من راح يسوق سياييرهم ههههه

خل احسن يستاهلون وانشالله يزعجونهم اكثر



وبعد صنعو قنابل يعني نروح نفجرهم :rolleyes2:

[قوي العزايم]

الحل الوحيد هو منع تصدير السيارات لخارج دول الخليج لأوروبا

وخاصةً في فترة الصيف

[night]

شفيها يعني !!

سيارتهم وكيفهم !! خليتوهم معقدين ومساااكين @@

بس المفروض يحترمون المواقف والقوانين ... ولا مافيها شي السالفه سياره ويروح ويجي فيها

الحين الاجنبي اذا جى هني ماقلنا لهم شي وهم يشربون وحفلات ولا يحترمون عادات وتقاليد المجتمع ولا دينه

وهم عشان سيارات فاااااخره وكم شخص من كم دوله كل صيف مسوين قضيه واعلانات وتشوويه خلاص خالف القانون طبق عليه قانونكم ..

لكن الي هني وياخذون من خيرينا وفي بلادهم مايحصلون هالشي ماقلنا لهم شي سمحتوا لهم بكل شي شرب وحفلات واماكن هابطه وكنائس واجازات رسميه لاعيادهم وغيره وغيره ..



نفاق وتناااقض ..

[meme~qatar]

من باب

وأما بنعمة ربك فحدث

حسن النيه بارك الله فيكم

[d522]

الله يحفظ عيال المسلمين في كل مكان ويهديهم رب العالمين

[طموح معيدة]

مشاءالله هالسنــه السيارات الخليجيه محتله لنــدن

حسب اللي عرفـته ان مخالفينهم لان مامركبيــن " ارقام سيارات بريطانيـة " لان الشرطه والمرور مايعرفون يقرون الارقام العربية او الكلام العربي .. اضن يعطونهم اسبـوع مهلـه لتبديل الارقام ..

اما اذا كان السبب ان أي سيارة خليجيه يوقفونها ويخالفونها هاذي عنصرية واضحـه وحتى يستفيدون من مبالغ المخالفات

[وطن]

الحمدلله والشكر على نعمة العقل

الله يهديهم ويصلح حالهم

[TRY]

شباب الدول المتقدمة يتفاخرون بالإبداع والإبتكار في جميع العلوم

للأسف

و هؤولاء يتفاخرون بسياراتهم والبذخ ولا يعلمون أن الناس يراهم بالأغبياء

ويوصفونهم بالحمقى الذين لديهم مال لكن ليس لديهم عقول !!

[مخطط قطري]

زين وانتو شمزعلكم حد منكم دافع قيمه شحن السياره مثلا

[ابو علاوي]

يشحن السيارة وازعاج واخرتها يلف على الهايد بارك :(
وفي منطقة النايس برج وعند هرولدز ويصف السيارة ويقعد ناطور عندها
علشان لي مر حد يقول فلان ودا السيارة الفلانية للندن عقدة نقص
الله يكافينا الشر ولي جا الفندق نثر التلفونات الفيرتو علشان
يشوفونه وهو ما يسوى جلد الخروف الي هو لابسة
لندن عفناها من هالاشكال الناقصة :(

صح لسانك :nice:

[ANONYMOUS]

عادي

غيرهم يروح ويتشعبط ع الترام :p .. ويرد الدوحه ورجيله متنفخه من المشي وينفخ راسنا معاه

لزوم نشحن الكرسيدا الصيف القادم

[موضي قطر]

للفت الانتباه لا اكثر على الرغم من ثرائهم الا انهم يتصرفون تصرفات سلبية تعكس صورة غير صحيحة

لبقة المصطافين الخليجين

[عيون الدوحة]

ماعندهم سالفة
لندن جوها غير بالسياكل

[هاب الريح]

يبدو أن هناك اجراءات مرورية مكثفة في العاصمة لندن بسبب ما أسموه
بـ «موسم الغزو الخليجي»

مقطع رقم 5 (http://ysv.me/68619)



يبدو ما يبدو هذي فلوس بترولنا وغازنا يفوشرون فيها الحبربش
ولا عيال اثرياء الخليج العصاميين ( من كد ابوهم ) واللي فلوسهم مهب من موازنة الشعب وقوتة يحمدون النعمة والمثل يقول شيء بلاش ربحة بين .... هزلت والله .

[لطآم]

سؤال يسدح نفسه
شنو اللي أستفادوه من الدواره مثل السرابيت ؟

[Class]

سؤال يسدح نفسه
شنو اللي أستفادوه من الدواره مثل السرابيت ؟



هياااااط وخرطي على الفاضي - وشوفوني شراكب

يا بلفيت أنه ما فوقه فوووق - وهو ما يسوى التالية من الغنم

[BoFahed]

ماعندهم سالفة
لندن جوها غير بالسياكل

هههههههههه ايه والله انك صاج توني انا وواحد من الربع درنا دوارة بالسيكل امس في الهايد بارك وحواليها الصراحة وناسة بس رحنا النايتس بريدج صوب الهارودز واغتثينا من المهايط وازعاج العالم من هالمواتر والواحد صار يتفشل انه خليجي لانه اخوانا الباكستانين والهنود وصلوا لاعلى المناصب في بريطانيا بعلمهم وتعبهم وتجارتهم بعضهم عند مئات الملايين وتلقاه متواضع وخلوق ومتمسك بتعاليم الاسلام ويفتخر فيه ويدعو الاجانب له واحنا ربعنا مهايط بالنعمة لانه قيمة سيارة من الموجودين في الفيديومثل zonda اوKoenigsegg CCXR تكفي بناء مركز اسلامي متكامل في لندن

[Right]

الحمدلله على نعمة العقل ... فيهم عقد نفسية


شفت هالأشكال في لندن سنة 2006 ... ومن يومها عفت لندن


فشلونا الله يفشلهم

[بدور]

اتعب ع البنتلي الـ بنكي :shy:




اما هالبنتلي صاحبة غريب المفروض تركبه بنت مش هو ومستانس يتمشى فيه صوب الريشو في المايفير والا تلاقيه موقفه عند فندق جميره او يستعرض عند الكافيه الفرنسي جنب هارودز

مشكلة حديثي النعمه فشلونا في لندن وعددهم ما يعدي اصابع اليد الوحده

[moonبنتnight]

يمنعون دخولها ويفكون عمرهم 00

[الجوكر90]

السلام عليكم
الي يقول ان الانجليز يسوون الي يبون فبلادنا احنا لازم نسوي نفسهم
بس احا مسلمين وهم كفار
احنا لازم نرد ع السيئه بحسنه مب بسيئه نفسها

وبخصوص رايي مب عيب الواحد يروح فسيارته اذا كان مقتدر
بس العيب الي يسونه انهم يخالفون القوانين
وهذيل عيال شيوخ وكباريه يعني ماتعبوا واشتغلوا وطلعوا الفلوس
الفلوس تجيهم من الدوله
يعني الي يبي يحاسب احد يروح يحاسب الدوله الي معطتهم من خيرنا احنا الشعب

والي يقول انهم يمنعون من دخول السيارات فالصيف
جي بيخسرون لان في جمارك وتامين ومخالفات
يعني هاي راي الجريده مب راي الحكومه

وبعدين مايصير حتى دولتنا تمنع هالشي لان في ناس تودي سياراتهم لانهم طلاب هناك ويبون يدرسون ومحتاجين السياره


وبالتوفيق ان شاء الله

[كازانوفا]

دع الخلق للخاااااااااااااااااااالق:anger1:

ليش زعلانين خلهم يستانسو :nice:
شوفو البريطانيين كيف عاملين هناااااا:anger1:

[Abdulraman]

دع الخلق للخاااااااااااااااااااالق:anger1:

ليش زعلانين خلهم يستانسو :nice:
شوفو البريطانيين كيف عاملين هناااااا:anger1:

هل البريطانيين يسوون مثل ربعنا هناك لا والله انا ماشوف البريطانيين امسوين ازعاج عندنا بالعكس هم مؤدبين
وبعدين ربعنا هناك يعتبرون سفراء لبلادهم والمفروض الدوله بعد عندنا تعاقبهم لانهم فشلونه
صراحه امرك عجيب انت يعني مايستانسون الا بالازعاج والمصخره
ياغريب كن اديب

[المتألق]

يبدو ما يبدو هذي فلوس بترولنا وغازنا يفوشرون فيها الحبربش
ولا عيال اثرياء الخليج العصاميين ( من كد ابوهم ) واللي فلوسهم مهب من موازنة الشعب وقوتة يحمدون النعمة والمثل يقول شيء بلاش ربحة بين .... هزلت والله .

صــدقـــت

[Right]

هل البريطانيين يسوون مثل ربعنا هناك لا والله انا ماشوف البريطانيين امسوين ازعاج عندنا بالعكس هم مؤدبين
وبعدين ربعنا هناك يعتبرون سفراء لبلادهم والمفروض الدوله بعد عندنا تعاقبهم لانهم فشلونه
صراحه امرك عجيب انت يعني مايستانسون الا بالازعاج والمصخره
ياغريب كن اديب




صدقت يا أخوي " Abdulraman " بكل كلمة قلتها

[المخباط]

عادي

غيرهم يروح ويتشعبط ع الترام :p .. ويرد الدوحه ورجيله متنفخه من المشي وينفخ راسنا معاه

لزوم نشحن الكرسيدا الصيف القادم
وليش المهايط الباصات حلوة:thumbup:

[مهره]

شو الهدف من هالمفوشر والله مالة معني اصلا لندن شفيها عن غيرها الا الخفة وقلة الادب

[بوالبيض]

خلهم يفتلون ما في شغل واجازه :) انا ابي السياره في مقطع 4 لو يياجرها 1000 ريال زين الله يحفظهم المشكله لندن ما لها امان

[قوي العزايم]

الصراحة هم مثال واضح لعدم الاهتمام وعدم المبالاة

مما عكس ذلك لدى الأجانب أن هذه هي شعوب الخليج

أنها مستهترة وغير مبالية

الله يهديهم

[Qatarianes]

انا شخصيا مبسوط على الي يسوونه فيهم
درست فلندن وماشفت منها الا العنصريه
محسسينك ملائكه
وعقب سالفة المرحوم ولد الماجد مالهم احترام هالاجانب

[عكاس]

الابن: يماااااا ابغي سيارة مثل ولد فلانة
الام : ان شاء الله يايمة بكلم ابوك يأخذها لك.
ويشترون للشاب السيارة
الابن: يماااااا ابغي اشحن سيارتي لندن مثل ولد فلانه وعلانه
الام : ان شاء الله يمك بكلم ابوك
ويشحنون السيارة والنتيجة الأفلام اللي تشوفونها
على فكرة السيناريو اللي فوق شبه واقعي وحصل مع جماعه اعرفهم

[مكتوم]

مشكلة شوفة النفس


احسن شي في وينزر لا ازعاج وجووهم مسكت

[المسك1969]

السلام عليكم

أنتو مفتشلين ليش ابي أعرف؟ كل انسان يمثل نفسه أولا ثم بلده ثانيا...الامر الآخر أن الانجليز لاتهمهم من وين هم بقدر مايهمهم أنهم عرب فقط... وسمعت العرب اصلا زفت والحمدلله

اللي المفروض يفتشل هي الدولة اللي هم منها الشباب (أي دوله خليجيه كانت)... ورضاهم معناته عدم مبالاتهم بالموضوع فلا تفتشلون وتحرقون دمكم لأنه مايمس الدوله بالدرجه الاولى فلن يمس أحد فيكم... انتهى

جزاكم الله خيرا :nice: