هل باب التقديم للجواز القطري تم فتحه ؟ ممكن تفيدوني يا أحبتي

[يا الله]

بسم الله الرحمن الرحيم
السلام عليكم ورحمة الله

قبل أسبوع تقريبا سمعت من أحد ربعي انه التقديم للحواز القطري مفتوح لمدة مؤقتة

حد عنده علم بهالشيء ؟؟
واذا مفتوح شينو المتطلبات ووين التقديم واذا نبغي نستفسر أكثر وين نروح ؟؟؟

مشكورين مقدماً :)

[almaf1a]

سمعت طراطيش كلام عن الموضوع وما ادري عن صحته

[كازانوفا]

وانا كذلك سمعت
بس هي ارزاق باخر حلقه ...

موفق ان شالله :)

[لاجئ عاطفي]

مفتتوح للي امهاتهم قطريات والتقديم في مبنى الجوازات الدور الاول من الخلف البوابه رقم 3 اعتقد

[qatarya-vip]

الله لايقولة
الا اذا كان مشروط مثل ماقالوا فوق لأبناء القطريات وبعد مو اي ابناء لازم تكون اعمارهم فوق الـ 20 سنة وحياتهم كلها في قطر

[يا الله]

مفتتوح للي امهاتهم قطريات والتقديم في مبنى الجوازات الدور الاول من الخلف البوابه رقم 3 اعتقد

يعني غير عن كذا ما يقبلون ؟

أقصد اذا كان الأب والأم غير قطريين ؟؟

[حسن]

مفتتوح للي امهاتهم قطريات والتقديم في مبنى الجوازات الدور الاول من الخلف البوابه رقم 3 اعتقد

ومتى بيستلمون البازابورت اي قرن

[يا الله]

الله لايقولة
الا اذا كان مشروط مثل ماقالوا فوق لأبناء القطريات وبعد مو اي ابناء لازم تكون اعمارهم فوق الـ 20 سنة وحياتهم كلها في قطر

والله يا اخيتي حياتنا كلها في قطر ولله الحمد

بس شرط ... ان تكون الوالدة قطرية لا ينطبق علينا ...

الله ييسر

[لاجئ عاطفي]

لابناء القطريات فقط ووفقا لشروط قانون الجنسية بس الباب الحين مفتوح لهم فقط

[Mr. H]

الى متى و حنا شعبنا 250 الف بس ؟؟ لازم العدد يرتفع الصراحة

[hussein66]

وباسم من يقدم الكتاب هل باسم مدير الجوازات؟

[عربسات]

انا امي قطريه وعايش معاها وصار لنا قرن مقدمين على الجنسيه ما اقول غير الحمدلله على كل شي وراضين بالي الله مقدره لنا

[hussein66]

انا امي قطريه وعايش معاها وصار لنا قرن مقدمين على الجنسيه ما اقول غير الحمدلله على كل شي وراضين بالي الله مقدره لنا

قدم يااخوي ولا انت بخسران شي والله هو اللي بيده كل شي ورزقك على رب العالمين

[STAR]

الله يوفقكم ... اخوي ممكن نعرف شنهي جنسيتك؟؟((فضول لا اكثر))..

بس اذا من ايران احسها صعبة خاصة بسبب الاحداث اللي صايرة اللحين..

مع اني مع اعطاء الجواز لعرب فارس ودول الخليج واليمن اكثر من ابناء بلاد الشام..

بصراحة واااايد يشوفون نفسهم علينا ...

[qatara]

الى متى و حنا شعبنا 250 الف بس ؟؟ لازم العدد يرتفع الصراحة

مصيبتنا ليست في الكم \ ياكثرهم الي بيون والي خذو

المصيبه هي في الكيف \ لاكن من هم بمستوا هذه الثقه كما ببعض الدول يالملياردير او عالم في تخصصه ويعطي هذه البلد بدل الاخذ فقط الخ

[روح الاطلس]

اممممم بصراحة الجواز القطري صار غير مرغوب فيه مقارنة بالاوروبي والامريكي وحتى اللبناني :) بما اننا في بلد تقدس الجنسيات الاجنبية بغض النظر عن حاملها حتى لو كان عربي بن عربي بس دامه يحمل جواز اجنبي ينشال فوق الراس :)

[يا الله]

الله يوفقكم ... اخوي ممكن نعرف شنهي جنسيتك؟؟((فضول لا اكثر))..

بس اذا من ايران احسها صعبة خاصة بسبب الاحداث اللي صايرة اللحين..

مع اني مع اعطاء الجواز لعرب فارس ودول الخليج واليمن اكثر من ابناء بلاد الشام..

بصراحة واااايد يشوفون نفسهم علينا ...



أنا باكستاني الجنسية ، حياتي وعيشتي وصغري وكبري ودراستي وصداقتي وأكلي وشربي ورزقي ووووووالخ كله من قطر ومن أهل قطر الله يحفظها ويحفظهم

ما اعرف شيء عن دولتي وعن لغتي كثر ما اعرف عن ديرة قطر وهلها :shy:

صار لي تقريباً 25 سنة في قطر ، والوالد صار له 40 سنة أو فوق في قطر

الله ييســـــــر

وأشكركم على المرور :)

[يا الله]

انا امي قطريه وعايش معاها وصار لنا قرن مقدمين على الجنسيه ما اقول غير الحمدلله على كل شي وراضين بالي الله مقدره لنا

الله يعينك يا غالي

[بوعلي 8]

الى متى و حنا شعبنا 250 الف بس ؟؟ لازم العدد يرتفع الصراحة

فيهم الخير والبركه الحمد لله

مو ناقصين بلاوي جديده على قلوبنا يكفي الي قطوهم في جبودنا من ورى التجنيس

[المسك1969]

السلام عليكم

أعتقد اللي سمعته هو مجرد إشاعه وإن كانت في تجنيس أيا نوعه فلازم يكون في اعلان... ليش بيكون في الخش مثلا؟

نسأل الله التوفيق لمن يستحق

[المسك1969]

فيهم الخير والبركه الحمد لله

مو ناقصين بلاوي جديده على قلوبنا يكفي الي قطوهم في جبودنا من ورى التجنيس


قال تعالى:"وفي السماء رزقكم وماتوعدون"(22) الذاريات... ولو كان الرزق في يد البشر لما لقى أحد شيء

فلنتق الله حفظكم الله ولنحمد الله على مانحن عليه

وربي يوفق من يستحق

[MAZEN37]

في ناس حتى لو ما عنده جواز
فهو قطري القلب

[بوحسن 779]

لا يختار الانسان

* لونه
*ولا اصلة
*ولاجنسة
*ولا مكان ولاته

*# ومع ذلك يصر البعض على معاملته وفقاً لهذه الاشياء !؟

فلنرتقي في تفكيرنا ومعاملتنا ____ فكلنا من ادم وادم من تراب

[وحيد-الشوق]

أنا باكستاني الجنسية ، حياتي وعيشتي وصغري وكبري ودراستي وصداقتي وأكلي وشربي ورزقي ووووووالخ كله من قطر ومن أهل قطر الله يحفظها ويحفظهم

ما اعرف شيء عن دولتي وعن لغتي كثر ما اعرف عن ديرة قطر وهلها :shy:

صار لي تقريباً 25 سنة في قطر ، والوالد صار له 40 سنة أو فوق في قطر

الله ييســـــــر

وأشكركم على المرور :)

الله ييسر امركم

والله في ناس يستحقون الجنسية مثل الاخ كفاية ابوه من 40 سنة اشمعنى كاظم الساهر عنده جنسية كندية وعراقية وعطوه جنسية قطرية وايش استفدنا منه ؟؟؟:rolleyes2:

الحين امريكا واوروبا يجنسون الالاف !!!


لا يختار الانسان

* لونه
*ولا اصلة
*ولاجنسة
*ولا مكان ولاته

*# ومع ذلك يصر البعض على معاملته وفقاً لهذه الاشياء !؟

فلنرتقي في تفكيرنا ومعاملتنا ____ فكلنا من ادم وادم من تراب

صدقت ياخوي :( لكن شتسوي في بعض الناس

[عيون الدوحة]

باكستاني توكل على الله وخذ الجنسية الكندية وتعال قطر
بيعزونك ويرزونك وخصوصاَ اذا عندك شهادة

[لاجئ عاطفي]

هذي مهب اشاعه قانون اكتساب الجنسيه صدر في 2005 وتم تشكيل لجنه للنظر في طلبات اكتساب الجنسية وتم انشاء مكتب لتلقي الطلبات واللجنه تعقد كل اثنين وهناك في فورمه يعبيها المتقدم للحصول عالجنسيه ورسوم معاملة قيمتها 3000 ريال لا تسترجع سواء في موافقة ام لا وعقب يتم ارسال صاحب الطلب لعمل الفحص الطبي والجنائي واذا تمت هالامور ترجع المعامله للجنه ويعتمدها الوزير ومن ثم تحول للديوان الاميري هالكلام صحيح واللي يبي يتاكد يروح الجوازات ويتاكد بنفسه

[Qtr95]

الى متى و حنا شعبنا 250 الف بس ؟؟ لازم العدد يرتفع الصراحة

لا تخليني اغلط عليك -_-

[هبة ريح]

الله لايقولة
الا اذا كان مشروط مثل ماقالوا فوق لأبناء القطريات وبعد مو اي ابناء لازم تكون اعمارهم فوق الـ 20 سنة وحياتهم كلها في قطر

اذا كان صحيح الله يرزقهم ان شاءالله يستاهلون ابناء القطريات

[ذيب ازغوى]

لا تخليني اغلط عليك -_-

كفو تعجبني حميتك يالذيييب

الاد مشرف سم العدوو كفو يابن عمي

[لاجئ عاطفي]

يعني الحين ماعرفت ولد عمك الا في الغلط؟؟ هذا اللي فالحين فيه بس المهايط والكلام الفاضي مادري وين عايش الاخ ذيب وذيابه في الربع الخالي الاخو ولا وين؟

[الـقـاسـي]

يمكن بيجمعون الطلبات وبيسوون قرعه ..

خل يسنعون بالاول القطريين وعقب يفتحون باب التجنيس

[اصفر]

اهاااااااااااا يالجواز خاطري احصل عليه بس الحمد على كل حال انا من مواليد قطر ابوي صارله اكثرمن 35سنة عايش في قطر و25 سنه عسكري وامي خليجيه الله يغربل الجواز الايراني حتى العمره مب قادرين انروح (ش) يسون مشاكل (س) يتلعوزوون .

[تحداني]

في ناس تستحق الجواز .. والله انعرف ناس عايشين في قطر من 80 سنه
كانوا في الخور وبعدها انتقلوا الدوحه .. كل مشكلتهم تكمن ان ما عندهم وثائق تثبت ولادتهم
لافي بلدهم ولا حتى في الدوحه .. ايضا هذا مو عذر... يكفي تواجدهم في الدوحه كل هالسنوات
يقولون لهم ردوا ابلادكم .. طيب اعيالهم ما اعرفوا ابلاد غير قطر
ولا شافوا ارض غير قطر
ولا سمع عن جار ولا عاشر ناس الا في قطر

هذيلن وين يروحون ؟؟

معقوله ما يستحقون
اذا ما كان عند ابهاتهم ما يثبت تواجدهم .. معقوله ما عندهم سجلات واوراق عمل
ما عندهم سند بيت
ما عندهم ملكيه
ما عندهم معاملات

للاسف ان الجواز القطري صار ما اعرف اشلون يأما يعطون ناس حتى السنه القانونيه ما قضوها .. يا يسحبونه من ناس كان عندهم لأعذار بايخه وسخيفه

والله عقدوا الشباب قولوا الابهات قضوا سنوات عمرهم وخلصوا الله يعطيهم طوله العمر
لكن الشباب وراهم زواج وراهم وظايف
وراهم دراسه
وراهم مستقبل طويل عريض


لا حول ولا قوه الا بالله العلي العظيم


جملكم الله برضاه

[اصفر]

في ناس تستحق الجواز .. والله انعرف ناس عايشين في قطر من 80 سنه
كانوا في الخور وبعدها انتقلوا الدوحه .. كل مشكلتهم تكمن ان ما عندهم وثائق تثبت ولادتهم
لافي بلدهم ولا حتى في الدوحه .. ايضا هذا مو عذر... يكفي تواجدهم في الدوحه كل هالسنوات
يقولون لهم ردوا ابلادكم .. طيب اعيالهم ما اعرفوا ابلاد غير قطر
ولا شافوا ارض غير قطر
ولا سمع عن جار ولا عاشر ناس الا في قطر

هذيلن وين يروحون ؟؟

معقوله ما يستحقون
اذا ما كان عند ابهاتهم ما يثبت تواجدهم .. معقوله ما عندهم سجلات واوراق عمل
ما عندهم سند بيت
ما عندهم ملكيه
ما عندهم معاملات

للاسف ان الجواز القطري صار ما اعرف اشلون يأما يعطون ناس حتى السنه القانونيه ما قضوها .. يا يسحبونه من ناس كان عندهم لأعذار بايخه وسخيفه

والله عقدوا الشباب قولوا الابهات قضوا سنوات عمرهم وخلصوا الله يعطيهم طوله العمر
لكن الشباب وراهم زواج وراهم وظايف
وراهم دراسه
وراهم مستقبل طويل عريض


لا حول ولا قوه الا بالله العلي العظيم


جملكم الله برضاه

كفيت ووفيت يالغالي وازيدك من الشعر بيت
انروح السفاره لتجديد الجواز يقولون لي ليش ماتتكلم ايراني والله 70% من مواليد قطر الي دارسين في مدارس عربيه مايعرفون فارسي

[تحداني]

المشكله الي انلاحظها بعد وايد ان في عائله واحده وصله رحم واحده
نلقى نصهم عندهم جوازات والنص الثاني ما عنده لا هم ابقادرين يقولون هذيلن اهلنا
ولا هم ابقادرين يعترفون اشلون صار عندهم جواز والعمليه كانت في تلك الفتره اي قبل
30 سنه عشوائيه وايد


وانا اتناقش في هالموضوع مع واحد من اخواني
يقول لي المشكله الاكبيره ان في قبائل في الدوحه ما عندهم " شيخ قبيله "
او ديوانيه خاصه فيهم بمعنى ان شيخ القبيله ان اقر ان هذا من ضمن العائله فهو يستحق
او من ضمن الاطار العائلي من قريب ومن بعيد فهو يستحق ويعتمدون على كلامه .. مثله مثل عمان والامارات هم يتبعون هالنظام


الله اكبر .. اذان العشاء

جملكم الله برضاه

[تحداني]

كفيت ووفيت يالغالي وازيدك من الشعر بيت
انروح السفاره لتجديد الجواز يقولون لي ليش ماتتكلم ايراني والله 70% من مواليد قطر الي دارسين في مدارس عربيه مايعرفون فارسي



وهذا الي يعور القلب .. انا نفسي اسأل هالسؤال ليش استسلموا وخذوا جواز ماهو ابجوازهم الحقيقي ولا يمثل وطنيتهم وابلادهم .. يكون الرد نبي نرتاح يا " تحداني الزمن "
كل مكان انطبه ابفيزا .. العمره انروحها ابفيز .. الكويت ابتأشيره الامارات ابتأشيره
معقوله نتمرمط في هالدنيا

ان جينا نبي نتزوج ما يقبلون فينا لانه بدون
وان خذنا من دول ثانيه راح تختلط الانساب ويصير خالي الاعيال من دول ما اعرف اشلون
وان جينا بناخذ بنات العم والخال بنكرر نفس الألم والوجع .. شنسوي


اشلون يعرفون كلامهم .. وهم عمرهم ما تكلموا هاللغه
الله يكون في عونكم يارب .. ولو بنفكر بالعقل .. في اشياء كثيره
اتعور القلب ويصيب الانسان بالدهشه والاستغراب


جملك الله برضاه

[البوررصة]

بعض الأعضاء فيهم حمييية على البلاد ومالومهم انا
250 الف ومب مترقعين ..

[المحقق كونان]

يستاهلون الجنسية الي عايشين في قطر اكثر من 50 او 40 سنة

حالهم حال البدو الخليجيين الي جنسوهم في الستينات و السبعينات

[chillis]

يستاهلون الجنسية الي عايشين في قطر اكثر من 50 او 40 سنة

حالهم حال البدو الخليجيين الي جنسوهم في الستينات و السبعينات

ردك حلو :nice::victory:

[eXpert*]

احنا جذي وكل يحسد الثاني
بكرة اذا كثر عددنا شبنسوي
الا حق المعاير و الطنازة لا اكثر

[مكتوم]

الله يرزق كل شخص بحسب نيته
يـارب الامور ماشية مع المستحقين

اخوي لاجئ عاطفي ماقصررت

[R 7 A L]

يستاهلون الجنسية الي عايشين في قطر اكثر من 50 او 40 سنة

حالهم حال البدو الخليجيين الي جنسوهم في الستينات و السبعينات

فعلاً يستاهلون الجنسية الى مضوا 50 او 40 سنة
ولائهم وحياتهم كلها لقطـــر


بس لاتشبههم بالبدو

البدو لهم أراضي متعارف عليها قبل اكثر من 200 سنة ولهم أبار معروفه ، يشدون منها أوقات الربيع ويرجعون لها بقية العام .

[بوحسن 779]

انا ابوي له فوق 60 سنه كان يشتغل عند الشيخ علي بن عبدالله رحمة الله عليه حاكم قطر السابق وكان يمر على مجلس الشيخ كل يوم علي الانصاري مدير الجوازات وياخذ صور من الناس اللي عند الشيخ ويوم الثاني كان يجيب الجواز بس الوالد الله يطول في عمره ما سعه ياخذ الجنسية لا في عهد الشيخ علي بن عبدالله ولا بعده والحين عيال عيالنا من مواليد قطر ولحد الحين نتظر حد يتكلم عنا ويوصل صوتنا حق اصحاب القرار ويبلغهم عنا اننا ما عرفنا بلاد غير قطر وما عرفنا عادات ولا تقاليد غير تقاليد اهل قطر وعيالنا ما عندهم ربع غير شباب قطر وفي النهاية ما نقول الا انت تريد وانا اريد والله يفعل ما يريد

[Roo7MooT]

انا مقيم جيت الدوحة وعمري اشهر معدودة والحين عمري 24 سنة درست الثانوية هني وخلصتها

الوالد يشتغل في القوات المسلحة من 35 سنة اعرف عن قطر كل صغيرة وكبيرة وافتخر اني من هالارض

الطيبة اقدر اسمي نفسي قطري من دون جنسية ويشهد الله اني ما اسعى لها وان جات كثر الله خيرهم

وكلي منى ان الله يتوفاني واندفن في ترابج يا قطر ويخليج ذخر لنا