مشاكل في الدوام : مشاحنات..منافسات غير شريفة...تحدي.. والكثير الكثير في الداخل !!!

[ra3shat hadab]

السلام عليكم ورحمة الله وبركاته
-
-
-
-
-
-
-
-
-

http://www.qatarshares.com/vb/attachment.php?attachmentid=74815&stc=1&d=1310402089


من فينا لا يتعرض للمشاكل في العمل
اللي تبدأ باختلاف بسيط وتنتهي بعداوات ونزاعات وشللية واحزاب ومشاكل كبيرة ...

وترجع لاسباب عديدة مثل:
ضعف الإدارة وضعف الاتصالات الادارية
وعدم وضوح انظمة ولوائح العمل والاختلاف في الشخصيات والمعتقدات ووجهات النظر
بالاضافة للمشاكل اللي يتعرض لها الموظف خارج العمل واللي تؤثر على انتاجيته وعلاقاته في العمل سواء مشاكل مالية أو عائلية .. وغيرها
واهم من كل تلك الاسباب هو عدم وجود روح الفريق الواحد والشعور بان العمل هو البيت الثاني اللي يجب ان نحافظ عليه و ان نتأقلم مع من فيه...


والنتيجة شنهي ؟

عدم راحة وتوتر دائم وفقدان الابداع
وهبوط في المعنويات واللي تؤدي في بعض الأحيان للفشل في الحياة المهنية اذا لم يتم انهاء أو حل الخلاف




فيما يلي بعض المشاكل اللي ممكن تواجهنا في الدواام:



1- انا يحطون فلان مسؤول علي وهو اقل مني خبرة ودرجة!! ...... وتبدأ العداوة

2- فلان س وفلان ص في اجتماع وحصل بينهم اختلاف في وجهات النظر انتهى بالخصام...
وبقيت المشاحنات مستمرة في كل اجتماع ..


3- شمعنى فلان عطوه مهمة خارجية وانا لا...
وشمعنى فلان تقييمه امتياز وانا لا... وتشتغل الغيرة


4- شمعنى فلان في مكتب لحاله وانا لا...... !!! لا تستغربون تصير!! ويبدأ النزاع


5- ادارتين يتبعون جهة واحدة يحفرون لبعض وكل يتصيد اخطاء الثاني ويرمي الاخطاء على الثاني ..


6- موظفين اثنين مستحيل يتواجدون في ادارة واحدة او مشروع واحد او فريق عمل واحد او اجتماع واحد والاسباب شخصية!


7- فلان يبغي ينقل لانه ما يبغي فلان يكون مسؤوله...

8- موضة التقرير في الطالعة والنازلة: موظف س يتصادم مع موظف ص وتحدث مشادة كلامية بينهم
ويتم تهدئة الوضع من قبل الموجودين ويفاجأ موظف س ان موظف ص كاتب فيه تقرير ويتحول للتحقيق على موضوع تافه...


9- موظفتين ثنتين في نفس المكتب ما يكلمون بعض ولا يسلمون على بعض
والسبب خلاف بسيط في العمل وصار لهم شهوور على هالحال تتوقعون شلون انتاجيتهم؟؟؟؟


10- الاشاعااااااااااااات وهي الأكثر خطورة من التسعة اللي فوق..
فلان من القسم الفلاني على علاقة بـ فلانة من القسم الفلاني..
فلان قال.... و فلانة قالت...
فلان سوى... وفلانه سوت....
فلان يقولون عنه كذا.... وفلانه يقولون عنها كذا..
وكالة يقولون والزيارات غير المبررة للمكاتب هو سبب العله


هذي عشرة امثلة من مئااات تحكي بعض ما يحدث في محيط العمل ....
واعلم ان هناك الكثيييير من المشاكل التي صادفتنا ..


ما الحل إذاً ؟؟؟ كيف نتعامل معاها؟؟؟

والكل يعلم ان بيئة العمل الخالية من المشاحنات والنزاعات هي من اهم العوامل التي تساعد على الانتاجية في العمل
وهي ما تعادل 7 او 8 ساعات يومياً وهي فترة مش بسيطة من الضروري ان يكون محيط العمل يزينه التعاون وروح الفريق...


هل من اراء وحلول ؟؟



ع السريع قبل ما نودعكم


ووو
انطلقوا...

[Dawn]

انا حاليا حاسه اني مضطهده بسبب اختلاف مذهبي عن مذهب زميلاتي في القسم وحاسه بالوحده لاني مختلفه عن الموجودين ،، مافيه ولا وحده مثلي :( .. مابي ادخل في تفاصيل اكثر ،، لكن ماحب اتعامل مع اي شخص اعرف انه يحقد علي وعلى اهلي .. وللامانه القلوب عند بعضها .. والشعور متبادل بالنسبه لي ...

الحل اني اطلب نقل من القسم اللي انا فيه الى قسم اخر .. والله يسهل ان شا الله ..

[ROSE]

موضوع جميل يارعشه احييج عليه

المنافسة الشريفة موجوده ولكن الغيره ،، والحقد والحسد ايضا موجود

الامر يتلخص في المدير وكيفية تعامله مع موظفينه وشلون يخليهم

يشتغلون في بيئه عمل شريفة ومريحه ،،

اتكلم عن تجربه ،، كنت اشوف ناس يتنافسون ويكرهون بعض

واكتشفت ان مديرهم اللي زرع فيهم هالشي يخلي فلان جاسوس ويعطي فرصه للثاني

انه يتكلم في الاول وهكذا

وشفت بيئة عمل خياليه بالنسبة لي للتنافس الشريف وتوزيع الشغل بالتساوي

واعطاء كل موظف شغول حقه بالمكافآت والحوافز

فالكل قام يتنافس على انجاز عمله بدون ما يتفرغ انه ينتظر اي زله على غيره

[جرح الزمان]

للاسف كثير من الناس يجهل ثقافة التكامل

سواء في العمل او في البيت

ومن هنا تبداء المشكله وتبداء المكائد

انا عانيت من هالموضوع واقترحت

على مديري تفعيل الموظف الشامل

ضمن خطه لتسريع العمل في جميع الاقسام

[المُلهم]

لو ركزنا .. جميعاً .. على .. إنجاز .. أعمالنا ... من الإلتفات .. للنتائج ..!

سنصل ..!

فالمعطي ... هو .. الله ..!

إعمل .. بجد .. ولا .. تنتظر النتائج ..!

لا أدعي المثالية .. ولكنها .. القناعة .. التامة .. بأنني .. لن ..اصل إلى شي .. الا برضاء الله ..ثم إتقان العمل ..!

بالتوفيق

[ra3shat hadab]

انا حاليا حاسه اني مضطهده بسبب اختلاف مذهبي عن مذهب زميلاتي في القسم وحاسه بالوحده لاني مختلفه عن الموجودين ،، مافيه ولا وحده مثلي :( .. مابي ادخل في تفاصيل اكثر ،، لكن ماحب اتعامل مع اي شخص اعرف انه يحقد علي وعلى اهلي .. وللامانه القلوب عند بعضها .. والشعور متبادل بالنسبه لي ...

الحل اني اطلب نقل من القسم اللي انا فيه الى قسم اخر .. والله يسهل ان شا الله ..

مرحبا داون//
وضحي اكثر نوع الاضطهاد اللي تعرضتي له بسبب مذهبج؟
هل في الترقيات مثلاً او في الحوافز والمكافئات؟ او شي ثاني؟

وشلون عرفتي انهم يحقدون عليج وعلى اهلج؟

انشالله ما ازعجتج بأسألتي...
تسلمين

[chillis]

يعطيج العافيه وتسلمين على الموضوع عن نفسي احس مرات اكون مضطهده والواسطة تلعب دور

[eXpert*]

الله يعين خصوصاً الجنس الناعم .

[البدع]

موضوع ممتاز

بقول راي بسيط لاحظته

ألاحظ ان مشاكل الرجال كثيرة مع بعضهم

ومشاكل النساء كثيرة مع بعضهم

اما المشاكل بين الرجل والمرأة فهي قليلة في العمل ولم الاحظها

موضوع أعجبني

متابع ،،،،

[chillis]

الله يعين خصوصاً الجنس الناعم .

شعنده :secret:

[R 7 A L]

مافية احد مرتاح


الا المتوكل على الله

[روح الاطلس]

اعتقد ان كل المشاكل في العمل سببها الرئيسي واحد وهو



الغيـــــــــــــــــرة


واللي ياكل هوا هو المسكين الطيب اللي قلبه نظيف متربي في بيئة نظيفه بعيدة عن الحسد والغيرة ويصطدم بواقع مرير وناس غيورة وحاقدة وحاسدة


في ناس بالعمل تحسد بعضها على قلاص ماي !! صدق او لا تصدق :)

[ريم الشمال]

اعتقد ان كل المشاكل في العمل سببها الرئيسي واحد وهو



الغيـــــــــــــــــرة


واللي ياكل هوا هو المسكين الطيب اللي قلبه نظيف متربي في بيئة نظيفه بعيدة عن الحسد والغيرة ويصطدم بواقع مرير وناس غيورة وحاقدة وحاسدة


في ناس بالعمل تحسد بعضها على قلاص ماي !! صدق او لا تصدق :)


أصدق وهو واقع اعيشه ولكن طبقت قاعدة ليس لها ثاني وهي
الحقران يقطع المصران ... أكبر طاف لهم
روح الاطلس عجبني ردك تقريباً نفس الي في خاطري
ريم الشمال

[Dawn]

مرحبا داون//
وضحي اكثر نوع الاضطهاد اللي تعرضتي له بسبب مذهبج؟
هل في الترقيات مثلاً او في الحوافز والمكافئات؟ او شي ثاني؟

وشلون عرفتي انهم يحقدون عليج وعلى اهلج؟

انشالله ما ازعجتج بأسألتي...
تسلمين


لا عادي حبيبتي

بخصوص السؤال الأول ، يخسون طبعا يأثرون علي بأشيا مثل هذي ،، كل المشكله انهم مسويين علي عصابه .. يعني اقصد انهم مضطهديني بالتعامل .. مثلا يقطون نغزات على اني غير كفؤ وان مكاني غلط لان شهادتي ما تناسب طبيعة الوظيفه ( مع ان الوظيفه اداريه وعاديه جدا ) ومرات يكلموني عن شخص من اهلي وانه متسيب في الشغل تقريبا مليون مره يذكروني انه قريبي وانه سوى كذا وانه عمل كذا وانه مطنش للقوانين وانه كثير الغياب والخ الخ الخ ،،،، وكل ما اجي أسألهم عن اي شيء يتعلق بالشغل يسوون نفسهم ما يعرفون علشان ما اتعلم منهم شي مع اني ما اقصر معاهم ومع غيرهم واخدم اي حد في اي شي سواء بالشغل او غير الشغل ... يعني مشكلتي معاهم باختصار ان مافيه تعاون اضافه الى انهم وايد ماخذين مني موقف وهم حتى ما يعرفوني لمجرد بس اسم العائله متضايقين منه وايد ...

شلون عرفت انهم يحقدون علي وعلى أهلي ؟ ،، :secret: انا فتحت موضوع مره عن الاجانب واغلقوا موضوعي ،، تبيني اكتب لج شلون جماعه عندنا يكرهون جماعه ثانيه والجماعتين عايشين في نفس البلد ... .. كفايه انهم يلعنون ويسبون أمنا كل يوم في صلاتهم ..

انا موظفه جديده وما ابغي اكون وسط هالجو الغير صحي ،،، وجايه من مكان النفوس فيه طيبه والتعامل معاها مريح وكلنا سواسيه مافيه فرق بيننا ،، ما مر علي اي شخص في حياتي من هالفئه سواء في الدراسه او العمل السابق ،،، فأكيد راح اقارن بين وظيفتي السابقه و وظيفتي الحالية ... ولهالسبب قررت اني ابدأ في اجراءات النقل الى قسم ثاني بعد الاستخارة طبعا ومازلت متردده الصراحه ...

[البدع]

في الغالب اهل قطر مايواجهون مشاكل مذهبية في العمل

لم اشعر بها كثيرا

اكثر شيء الغيرة هي الي منتشره

[شبح الصمت]

الله يعطيج العافيه


صراحة رعشتي عيوني من الخط الي حاطته
:shy:

المنافسه الشريفة في الشغل والوصول بمجهودي الشخصي لأعلى درجة


شيء أحبـه واحبـه اجاريه ولكن من دون أن اتسبب بأي ضرر لشخص آخر

[BoFahed]

في الغالب اهل قطر مايواجهون مشاكل مذهبية في العمل

لم اشعر بها كثيرا

اكثر شيء الغيرة هي الي منتشره


صادق اخوي احنا اقل دولة فيها تعصب مذهبي ولله الحمد بس الغيرة والتعصب القبلي

[عذايب قطر]

انا مقهورة وبعد اقول الحمدالله
لانه في ناس زادوا راوتبهم والباقي لا وانا منهم

طبعا هذا بيؤدي إلى اكثر من سبب بين الموظفين

وصارت معاي انه مدير فضل زميلتي وكلن راح في طريقة وانتقلت وارتحت

تحياتي والله يعطي صاحب الموضوع العافية

[القلم الصريح]

اتجربتي في العمل انا اشتغلت في قطاعين مختلفين ، القطاع الخاص وكانت بيئة العمل فيه نظيفه بالنسبه لي نوعا ما من قطاع العام ، انتقلت الى وظيفتي الحاليه في قطاع العام:
1- لم يحسبوا سنوات خدمتي اللي خدمتها في قطاع الخاص 7 سنوات على الرغم ان قطاع الخاص في التطوير والاداء كان افضل واقوى من قطاع العام وتوظفت على اساس متدرب وزملائي فالعمل اخذوا في الاعتبار خدمتهم السابقه في قطاع العام وعطوهم درجات وظيفيه اعلى مني الى اليوم ،
2- اول يوم دوام اطلقوا على اشاعه اني لي علاقة باحد موظفات شؤون الموظفين ، مع اني كنت اتردد عليها لستكمال اوراق والمستندات المطلوبه بس مشكله الغيره والحسد من بعدها ماقمت اطلع من مكتبي من ادخل الدوام الى ماطلع وانا في مكتبي ووفي حالي والى اليوم مهمش وحقك ضايع وماتدري من صديقك ومن عدوك والمشكله الاكبر صديقك يطعنك في ظهرك بغيابك ولما يشوقك كانه مسكين

الله المستعاااااااااااااااان

[بوحارب]

الحمدلله على كل حال

[البدع]

اتجربتي في العمل انا اشتغلت في قطاعين مختلفين ، القطاع الخاص وكانت بيئة العمل فيه نظيفه بالنسبه لي نوعا ما من قطاع العام ، انتقلت الى وظيفتي الحاليه في قطاع العام:
1- لم يحسبوا سنوات خدمتي اللي خدمتها في قطاع الخاص 7 سنوات على الرغم ان قطاع الخاص في التطوير والاداء كان افضل واقوى من قطاع العام وتوظفت على اساس متدرب وزملائي فالعمل اخذوا في الاعتبار خدمتهم السابقه في قطاع العام وعطوهم درجات وظيفيه اعلى مني الى اليوم ،
2- اول يوم دوام اطلقوا على اشاعه اني لي علاقة باحد موظفات شؤون الموظفين ، مع اني كنت اتردد عليها لستكمال اوراق والمستندات المطلوبه بس مشكله الغيره والحسد من بعدها ماقمت اطلع من مكتبي من ادخل الدوام الى ماطلع وانا في مكتبي ووفي حالي والى اليوم مهمش وحقك ضايع وماتدري من صديقك ومن عدوك والمشكله الاكبر صديقك يطعنك في ظهرك بغيابك ولما يشوقك كانه مسكين

الله المستعاااااااااااااااان

مب شرط

انا اشتغلت في قطاع خاص ... واليك امثلة:

- موظف معانا يروح للشباب ويقولهم ان فلان تكلم عليكم كذا وكذا (وهو كذاب ماتكلم عليه)

- موظف يقول في وجهك انك عقرت في فلان بطريقة تحريفية للي قلت له .... وانت منصدم ماتعرف وش تقول

- موظف يحفر لربعه عند المدراء عشان يضمن لنفسه كورسات ودورات (في ناس خبثاء يعرف كيف يقط النقزة)

- موظف عاش طفولة سيئة ويم كبر طلع حرته في الحقد على الناس

- موظف يعزم اجانب في مطعم فرايديز كل عطلة عشان يرتب لنفسه

ومرة من المرات كنت استخدم الاي فون ... فضغطت على زر الاسماء فطلع اسم موظفة يبدا حرف عائلتها ب أ أ ثم عائلة موظف اخر ب أ ب الخ ...... فطلع اسم الموظفة تبعث ايميلات لكل الادارة عندنا ... وبالطبع طلع اسمها في كامل الشاشة ب 20 ايميل مثل ماتعرفون .... فقام اللوح والغبي الي كان جالس جنبي يظن انها باعثة لي انا 20 ايميل

هذا في قطاع خاص

[Dawn]

احنا اقل دولة فيها تعصب مذهبي ولله الحمد بس الغيرة والتعصب القبلي

فعلا هالشي صحيح تدري ليش ؟
الحمدلله لاننا ( اكثريه ) ولنا هيبه اللهم ادمها نعمه يارب ... لكن انا حاليا بديت اتعرف على هالفئه وعددهم كبير بالنسبه لخبرتي السابقه ،، انا يمكن في حياتي كلها ما تعاملت الا مع 3 اشخاص وكانوا قمه في الاحترام ،،،، بعكس الجماعه اللي انا معاهم حاليا ... واظن ان الدافع تعصب مذهبي او يمكن قبلي الله اعلم ... اما عن الغيره فأنا جديده وما اظن انهم لحقوا يعرفون مستواي ويغيرون مني .. المهم انهم كرهوني في عيشتي،، وكرهت الدوام بسبب قلة ذوقهم في التعامل ... وبكرا ان شا الله راح احل الموضوع وافتك ..

[الحال مايساعد]

موضوع جميل وكلٍ يواجهه مثل المشاكل هذي
أوصيكم بـ "الصبر والحلم والحكمة:
والله يبعدكم عن خبث الهنود

[ra3shat hadab]

up

شكرا لكل من شارك :victory:

راجعين للردود.. واعتذر عن التأخير

[استغفرالله]

الله يعين اللي مديره اجنبي

[شبح الصمت]

up

شكرا لكل من شارك :victory:

راجعين للردود.. واعتذر عن التأخير





ردي على راحتـج

بس لو تختارين خط احسن ترى صج يخلي العين تتعب الخط الي حاطته ..

مب آمر أختي طلب الله يجزاج خير غيريه ..

:shy:


وعن هالسوالف احفر لي واحفر لك في الدوام ودهن سيري وعطني من الكـلام الحلو هذولي الناس صدقوني مدري اشلون حياتهم ..!!!

هل اهو يستمتع في أنه يضر أحد ثـاني ..

هل الشخص الي ينقاز بين الادارات ويسمع من ذيه ويوصل لين ذيه شلي يظنه ...


انسان يطلع اشاعات على شباب والا بنات عندهم في القسـم ما يخاف من رب العالمين انه يبتليـه ..


الكلام موجه لنا جميـع دون أستثناء كلنا كلنا فينا أخطاء وإن شاء الله ما توصل اخطئانا لمثل الحالات الي ذكرناها لانه لو وصل فينا الحال لمثل هالناس تذكروا أنه راح نكون منبوذين في المجتمـع ومعرفين عندهم ....


الله يستر علينا من شر كل نفس مريضـه ,,

واسمحوا لي عالاطالـه

[الأصيلة]

اعتقد ان كل المشاكل في العمل سببها الرئيسي واحد وهو



الغيـــــــــــــــــرة


واللي ياكل هوا هو المسكين الطيب اللي قلبه نظيف متربي في بيئة نظيفه بعيدة عن الحسد والغيرة ويصطدم بواقع مرير وناس غيورة وحاقدة وحاسدة


في ناس بالعمل تحسد بعضها على قلاص ماي !! صدق او لا تصدق :)

فعلا الغيرة تدمر كل شي..
عاد المشكلة لاصار اللي يغير منك ومن زملاءه قريب من المدير...

موضوع مهم جدا يارعشة هدب...

[الأصيلة]

عن أم سلمة - رضي الله عنها - قالت :
( ما خرج النبي صلى الله عليه وسلم من بيتي قط إلا رفع طرفه إلى السماء
فقال اللهم أعوذ بك أن أضل أو أضل أو أزل أو أزل أو أظلم
أو أظلم أو أجهل أو يجهل علي )
صححه الألباني / صحيح أبي داود

فحبذا لو كانت أسوتنا في المصطفى..
انا جربتها قبل دخولي موقع العمل
أردد هذا الدعاء وبفضل من الله أسلم من كل شر...

ياليت تطلعون على شرح الحديث..

[ألوان]

ما صدق الله في إيمانه من تلذذ بأذية مسلم أو فرح بنكبته أو ارتاح من مصيبته أو تمني عثرته. ( د. عايض القرني )

[البدع]

ما صدق الله في إيمانه ...... من تلذذ بأذية مسلم أو فرح بنكبته أو ارتاح من مصيبته أو تمني عثرته. ( د. عايض القرني )

عائض مبدع

[التيما]

انا متبعة سياسة التطنيش حرفيا .. لا ارى لا اتكلم فقط اسمع .. من خذ امتياز من راحت من جات !!! انا اكبر من هالتفاهات .. انا انتبه في حاله الابداع فقط والتفوق والتميز هني انا صج انتبه واركز و اشوف .. غير هاي ! ماعندي ماعند يدتي

[La.Queen]

الحسد والاضطهاد والعفيسه هاي كلها موجوده في كل مكان فالشغل فالجامعه فالحياه العامه بين الاخوان والاهل ..

الواحد يحاول يتاقلم او يتناقش بدبلوماسيه واذا الشخص اقدر اتجنبه بتجنبه وخلاص ... ليش عوار الراس

[ra3shat hadab]

موضوع جميل يارعشه احييج عليه

المنافسة الشريفة موجوده ولكن الغيره ،، والحقد والحسد ايضا موجود

الامر يتلخص في المدير وكيفية تعامله مع موظفينه وشلون يخليهم

يشتغلون في بيئه عمل شريفة ومريحه ،،

اتكلم عن تجربه ،، كنت اشوف ناس يتنافسون ويكرهون بعض

واكتشفت ان مديرهم اللي زرع فيهم هالشي يخلي فلان جاسوس ويعطي فرصه للثاني

انه يتكلم في الاول وهكذا

وشفت بيئة عمل خياليه بالنسبة لي للتنافس الشريف وتوزيع الشغل بالتساوي

واعطاء كل موظف شغول حقه بالمكافآت والحوافز

فالكل قام يتنافس على انجاز عمله بدون ما يتفرغ انه ينتظر اي زله على غيره

المدير اذا كان صالح ما عنده استطاعة يغير ناس كبار تعودوا على سلوك معين

لو كنت مديرة وشفت شخص او شخصين فالادارة سيئين ويخربون على الباقي اول شي بسويه اني اطيرهم (انقلهم) باي شكل من الاشكال.. لان .... الكبير ما يتربى

اما سالفة الجواسيس هذي مايسويها الا المدير اللي عارف انه على خطأ وما يثق في موظفينه اعرف ناس عانوا من الموظفين او الفراشين الجواسيس...

شكرا اخت روز

[ra3shat hadab]

للاسف كثير من الناس يجهل ثقافة التكامل

سواء في العمل او في البيت

ومن هنا تبداء المشكله وتبداء المكائد

انا عانيت من هالموضوع واقترحت

على مديري تفعيل الموظف الشامل

ضمن خطه لتسريع العمل في جميع الاقسام


الموظف الشامل لا يصلح في كل وظيفة وفي كل مهنة ....
اعطاء الاهمية للجميع دون تهميش لاحد يعطي دافعية في العمل...
بعض الاقسام فيها فوق العشرين واللي يشتغلون وينجزون 5 .. وين الـ 15 موظف ؟ اذا سالتهم بيقولون مهمشين ماحد علمهم الشغل ..الخ من الاعذار مع ان الموظف اللي عنده دافعية ويبغي يشتغل صدقني محد بيمنعه .. ولكن الامور الشخصية لعبت دور والكسل والربادة ايضاً لعبت دور...

مانبي ثقافة الموظف الشامل نبي ثقافة التكامل والتعاون والولاء المؤسسي ليس إلا

وتسلم

[Right]

الحمدلله على كل حال

عن نفسي لا يوجد شي من ذلك ومرتاح بشغلي