أستفسار عن الرنج سبورت 2011

[S350]

لو سمحتو حابب اخذ رايكم في الرنج لسبورت بدون سوبر ناوي اخذ واحد بس متردد لاني ماشريت ذي السيارة من قبل

سعرة بالوكالة 314 الف

والنسافات والدواسات 7500 ريال
وقال لي دبات الهارتج سعرهم 19 الف بس ماراح احطهم لاني ماشوفهم يسون
يعني السعر الاجمالي 321500 الف

هل يسوى السعر هاذا او لا

وقت البيع سمعت كلام كثير عنة انة ينزل سعرة بس مش ذيك النزلة القوية لانة مرغوب بسوق هل هاذا الكلام صحيح

المتوفر حاليا للون الكحلي وهو لون جديد بس حلو

نبي نشوف ارائكم

[حمد911]

نصيحة ابتعد عن الرنج ماوراة غير المشاكل وعوار الراس وحرام تقط لك 321 الف علية

وقت البيع الله يعنيك يطيح سعرة وايد من واقع تجربة يعني 70 الف ذي بتروح عليك خلال سنة ويمكن خلال شهور

اذا تبي نصيحتي وشوري

خذ لك نيسان باترول الجديد الفل ابشن سعرة 255 الف تقريبا ووفر 66 الف ريال

او عندك في اكس ار تقريبا سعرة 265 الف

كلهم 2011

وهاذا رئيي الشخصي

واستخير افضل بعد

[V.I.P_QATAR]

اخوي انا اعرف شخص شراه بـ 325 الف وبعد اقل من سنه باعه بـ240 الف شوف الفرق اذا اتشوفه شيء عادي اشتره بس انا اقولك بيتغير شكله واذا اعرفو الناس متى بيتغير شكله ماعاد احد بيشتريه منك الا انك تخسر فوق الميه اخذ لك لكزس شيك في مخباك احسن لك

[ممنوع اللمس]

والله اخوي نصيحه ابعد عن التويوتا اللي يقول لك ما تحط عليه الا بتروله والله ان كله خرابات من يوم يومه
دامك هاوي السياره خذها وتوكل على الله يسمون الرنج فالكويت(نـاكب خـويه)
اهم شي خله على رجل وحده مو كل دقيقه يسوقه واحد
والاحسن خذ الاج اس تي الزوائد احلى وطبعا ابعد عن اللون الكحلي نصيحه خذ اللون الابيض ثلجي
والله يوفقك

[بوسيف الهاجري]

موتر حلو وماعليه كلام وسيرفسهم ممتاز
بس اذا نواي ومعزم عليه لا تاخذ غير اللون الابيض ولا الاسو د
ونصيحه انطر شوي واخذ مو2012 كلها شهر وينزل عندهم

[قــ502ـطرالعز]

بخصوص الي قال التيوتا كلها خرابات ههههههههههههه يعني صدقني والا شسالفه على العموم ماعلينا كل شخص ورايه

بس تبي راي الشخصي موووتر ماعليه كلام الرنج رزه وكشخه بس للاسف انا لو عندي هالمبلغ الي قلته مستحيل احطه في رنج سبوورت اما الاشخاص الي قالو وقت البيع ينزل سعره هذا فقط للناس الي تبيع وتشتري ( شريطيه ) اما اذا انت واحد تبي استعمال وماتفكر والله متى ببيعه طبعا شي ثاني ... استخير احسلك ترى السعر الي بتحطه في هالموتر يجيب لك احسن منه بوااايد الصراحه ...

تقبل مروري ولاتنسى نبي لفه في الموتر الجديد انشالله تاخذ كامري كيفك بعد نبي لفه ههههههههههههه

[سعود qtr]

موتر حلو واستخدامه احلى بس المشكله شكله صار قديم واذا هذا سعره انصحك بالكيان اس ٢٠١١ اول شي شكله جديد و ثاني شي بهالسعر تقدر تطلبه بمواصفات زياده لان سعره يبتدي من ٢٩٠

[mazag]

ياتاخذ النيسان الجديد او الكزس الجديد
اما الرنج كل من هب ودب عنده صار عنده رنج وصار له 6 سنوات نازل

[Khaled Qatar]

اذا انت تحب التميز فاللون الكحلي جدا حلو ، وبعد الكحلي مالك الا الابيض او الاسود

استخدامه حلو وراقي جدا وأهم شي السيرفس والوكاله تعاملهم جدا روعه

ولو بتحط عليه كت hst بيطلع روعه بس اظن سعره 30 ألف

وبالتوفيق

[*¤ بن قطر¤*]

لاحظت في الردود مابين مؤيد و معارض

و انا أقولك " اذا السياره عاجبتك وخاطرك فيها توكل على الله "

واذا كنت متردد ,,, صل الاستخاره و الله ييسر لك الامور

بالتوفيق ان شاء الله :)

[شعشوع]

موتر حلو وماعليه كلام وسيرفسهم ممتاز
بس اذا نواي ومعزم عليه لا تاخذ غير اللون الابيض ولا الاسو د
ونصيحه انطر شوي واخذ مو2012 كلها شهر وينزل عندهم

بوسيف على كلام الوكاله الرنج الفوج الي بيتغير مب السبورت .. السبورت على كلامهم نهايه 2014 !!

[Xx QATARI xX]

فورويل لكزس ،، وريح بالك

ولا جرب الموترين
عشان اتعرف الفرق

[S350]

جزاكم الله خير ياشباب عزالله انكم ماقصرتو

[911Turbo]

بوسيف على كلام الوكاله الرنج الفوج الي بيتغير مب السبورت .. السبورت على كلامهم نهايه 2014 !!

كلامك في محلة يا الذيب

ام بالنسبة حق ااموضوع يا اخوي انا خذت رنج سبورت 2010 (اسود من داخل اسود
) استعمال خمس شهور و ماشي 5000كم و خذته ب 270 الف يعني وفرت 72 الف و كان سعره في الوكالة 335 الف بالاضافة ان راعية السابق مركب دواسات الي 7500 ريال و مركب رنجات السوبر ... بصراحة الموتر ماعليه اي كلام و ما واجهت معاه اي مشكلة ولله الحمد بس تبي نصيحتي فكر في الموضوع و استخير و كخيار ثاني فكر في البورش كيان 2011 مثل ما ذكر احد الاخوان لان البورش كيان توه متغير شكله ...
ربي يوفقك

[شعشوع]

كلامك في محلة يا الذيب

ام بالنسبة حق ااموضوع يا اخوي انا خذت رنج سبورت 2010 (اسود من داخل اسود
) استعمال خمس شهور و ماشي 5000كم و خذته ب 270 الف يعني وفرت 72 الف و كان سعره في الوكالة 335 الف بالاضافة ان راعية السابق مركب دواسات الي 7500 ريال و مركب رنجات السوبر ... بصراحة الموتر ماعليه اي كلام و ما واجهت معاه اي مشكلة ولله الحمد بس تبي نصيحتي فكر في الموضوع و استخير و كخيار ثاني فكر في البورش كيان 2011 مثل ما ذكر احد الاخوان لان البورش كيان توه متغير شكله ...
ربي يوفقك

صح عن الموتر انا ماشفت احلى منه بغض النظر عن كلام بعض الناس واختلاف الاذواق .. الرنج السبورت من احلى المواتر الي جربتها .. لكن كلام الوكاله يخوف .. ماتاخذ منهم لاحق ولاباطل ..
واسعارهم في المواتر المستعمله غاليه صراحه .. معنه لاجيت تبيعه عادي ينزلون فيه 30 الف زياده !!

[911Turbo]

صح عن الموتر انا ماشفت احلى منه بغض النظر عن كلام بعض الناس واختلاف الاذواق .. الرنج السبورت من احلى المواتر الي جربتها .. لكن كلام الوكاله يخوف .. ماتاخذ منهم لاحق ولاباطل ..
واسعارهم في المواتر المستعمله غاليه صراحه .. معنه لاجيت تبيعه عادي ينزلون فيه 30 الف زياده !!

انا معاك يا اخوي بس انا ما اجيب المعلومات من الوكالة الي عندنا ... انا جبتها من رفيجي من ايام الدراسة (انجليزي) وهو حاليا يشتغل مصمم سيارات في لاند روفر في بريطانيا و خذ الكلام مني الفوج بيتغير اخر سنة 2012 يعني موديل 2013 و السبورت بعده بسنة يعني بيكون موديل 2014 والي بينزل اخر سنة 2013 ... يعني كلامك صحيح 100%

[911Turbo]

وبعد نسيت اذكر اني ما خذت الموتر من الوكالة :) انا خذته من واحد و بصراحة كان صيده لان الفرق كبير في السعر بينه و بين الجديد و ماشي 5000كم ولا شي :) و في النهاية كله توفيق من الله

[محمد الجفيري]

ان شاءالله الاعضاء يفيدونك
بالتوفيق

[الغالي!]

اولآ اتكلم عن الوكيل الفردان اسال مجرب ولا تسال طبيب .الوكاله اتحدى اي وكاله من مواظفين وخدمه وسيرفس احد ينافسها واذا صارت لك اي مشكله تقدر توصل حق المدير العام في يوم بس الوكلات الثانيه انتظر سنه لين تبيع الموترومش اكيد احد يرد عليك.
ثانيا الضمان كم يعطيك الفرادن 5 سنوات عليك بترول وتواير. وتقدر تجدد
ثالثآ الرنج مركب ماعليه كلام اركب واكشخ بس .
رابعآ اقدر اجيب لك خصم انشاء الله اذا تبي
العيوب انسى طالعة رصيف انسى سالين لان صار محميه ههههههه
وكل هذا الكلام اذا حق استخدم يعني مش حق بيع بعد 6شهور واذا حق 6 شهور الله يعينك تأخذ مستعمل
والقرار لك في النهايه والله يوفقك ولاتخلي شي في خاطرك كم مره بتعيش وبالتووووووووووفيق