ارتفاع اسعار الادويه

[إينشتاين]

دواء صار لي خمس سنين اشتريه بمعدل ٣ أو ٤ مرات في الشهر وسعره طول هالسنين ٢٢٠ ريال وهالشهر بقدرة قادر صار بــ ٣١٠ غير الأدوية الثانية الي اشتريها على فترات متقطعة وكلها ارتفعت بشكل جنوني !!!

كلمت حماية المستهلك قالوا الموضوع موب عندنا كلم وزارة الصحة ،، كلمت وزارة الصحة قالوا الموضوع جاينا من فوق ومالنا شغل القرار من مجلس الوزراء هم الي حرروا سوق الدواء يعني هم الي اطلقوا العنان لجشع التجار الي تقول كنهم ذيابة طابين على غنم ينهشونهم نهش ...

[khalid Qtr]

الادوية في الدول المجاورة ارخص من قطر بكثيير

[La Bella]

الله المستعان

[إينشتاين]

الادوية في الدول المجاورة ارخص من قطر بكثيير



في السابق كان فيه ،،

رحلة سياحة ،،
رحلة علاج ،،
رحلة عمل ،،

الآن راح تشوف ،،

رحلة جلب علاج !!

يعني كل كم اسبوع الواحد يشل شلايله ويسافر عشان يجيب كل الأدوية الي يحتاجها !!!

[BIG-VEGA]

للاسف التعليق صعب

بس صح ... هل هو عناد ...ولا جشع ...ولا اهميه المواطن العادي معدومه ....

الله المستعان

[ام حبيبتي]

لاتعليق ,,, عشان مايخلوون المشاركاات بفلووووس !!!!!!!!!!!!!!!

[بو الجوري]

الله المستعاااااان :.. :(

و الله يشافي والدتك :..

[eXpert*]

الله المستعان ،، ترى أكثر من شخص قال لي من أعلنوا قانون كسر الإحتكار وفتح الوكالات أسعار الدواء بالذات طارت في السماء .

جرب تطلب الدواء من بلد المنشأ نفسه ،، إذا كان السعر فيه فرق كبير ،، بس راح تحتاج تأخذ موافقة من هيئة الصحة كل مرة .

أعرف شخص يطلب دواء لضغط الدم من بريطانيا لأن أسعار اللي عندنا غالية مقارنة بالجودة . فيتعامل مع صيدلية في لندن يراسلها بالفاكس .

[خليفـة]

الله يشافي والدك اخوي وماعليه شر ان شاء الله

[SAP]

لا نملك الا الدعاء لوالدتك

الله يشفيها ان شاء الله من كل مرض ويبعد عنها كل مكروه

[هبوب الكوس]

والله وش أقولك ياخوي

اول شي الله يشفي الوالده

و المشكله الربع معطنا الأذن الصمخه

طرشان

[OTBD]

مب بس بالادوية الصراحة في كل شي انا مرة رحت معصرة في الدفنة في محطة بترول الخليج

الغربي طلبت سندويتش جبن سلايس مع طماط طلع حسابي 4 ريالات انا ابي اعرف وين ومتى

السندويش جبن ب 4 ريالات انا خوفي باجر بندفع كهرباء وماي ورواتبنا مازالت على حالها

ومابي اخوف الناس ويكون هاي الشي بذمتي انا عضو منتدب لدى اللجنة الدائمة للسكان ومعانا

ناس من كل جهة وهيئة حكومية وفي خطط مستقبلية موجودة حق الكهرباء والماء وخطط اخرى

، ورايح تحصل نااس مؤيدين ونااس معارضين نفس سالفة المواقف في نااس مؤيدين وفي

نااس معارضين وبالنسبة لرسوم المواقف عندك مطار الدوحة وسوق واقف والستي

ولاتخاف اللاند مارك وفيلاجيو وراهم انا ماستبعد هاي الشي بس إلى ابي اقوله ان الواحد

لازم يضبط نفسه ويرتب حاله والمثل يقول مد ريولك على قد لحافك والحكومة قبل كانت تودي

الناس علاج بالخارج بدون واسطة الحين تعال شوف اذاعندك واسطة تدخل واذا ماعندك الله يحفظك

وفي امور ثانية لو الواحد بتكلم ويتناقش فيها مارايح يخلص من المشاكل . والله المستعان

[Abdulraman]

سياسة الدوله عندنا
دعهم يقولون مايقولون ونفعل نحن مانريد
احنا اغنى دوله ومازادونه شي وجميع الدول المجاوره جاتهم زياده واحنا جاتنا رفسه سواءا من التجار او من ؟؟؟؟؟؟؟
الله المستعان

[هارودز]

الله المستعان

[chillis]

الله يشافي الوالده

[البدع]

السموحة ياشباب

بس والله ثم والله ثم والله

لو تتبرعون كل يوم او كل يومين ..... بريال او رياليين

لتحسون ببركة الفلوس في يدكم

وتحسون ان الفلوس ماتخلص منكم

وكل ما انسد باب رزق في وجهكم ... فتح رب العالمين ابواب ثانية في وجهكم من كل صوب

[همسه]

الله اكبر على الجميع

حسبنا الله و نعم الوكيل

[Abdulraman]

السموحة ياشباب

بس والله ثم والله ثم والله

لو تتبرعون كل يوم او كل يومين ..... بريال او رياليين

لتحسون ببركة الفلوس في يدكم

وتحسون ان الفلوس ماتخلص منكم

وكل ما انسد باب رزق في وجهكم ... فتح رب العالمين ابواب ثانية في وجهكم من كل صوب

والله انك صادق

[بنت النعيم]

الله يشفي لك الوالده .. ويطول بعمرها ...

وكلام اخوي البدع صحيح .. ما لنا غير كثرة الاستغفار .. والتبرعات حتى لو بريال ...

[BIG-VEGA]

السموحة ياشباب

بس والله ثم والله ثم والله

لو تتبرعون كل يوم او كل يومين ..... بريال او رياليين

لتحسون ببركة الفلوس في يدكم

وتحسون ان الفلوس ماتخلص منكم

وكل ما انسد باب رزق في وجهكم ... فتح رب العالمين ابواب ثانية في وجهكم من كل صوب

انت صادق

بس الرجل في الموضوع ماطلب فلوس ولا قال انه مايتبرع ولا قال ان فلوسه مافيها بركه

بعدين ليش الخطاء والتقصير من الناس بس؟؟!!

لو ماكان فيه ظلم من المسؤولين كان الناس ماشتكو

في زمن عمر بن الخطاب .. فيه صحابه وتابعين وكانو يحسون بالظلم من التجار ويشتكون لعمر ... ماقالهم تبرعو وسكت

[الشقب1]

الله يشافي والدتك
انا فيه احبوب اشتريهاة من الصيدليه كل شهر ب240 ريال سافرت الحساء واحتجت اني اشتريها هناك
ولقيتها 120 ريال فرق شاسع
الله المستعان

[بوحارب]

الله المستعان

[صمت 1]

الظاهر لم يتم تفعيل القرار ؟؟؟؟؟؟

يمكن السنه الجايه لين يخلصون التجار من بضائعهم

في المخازن

[مخاوي الشيبة]

واذا اصابتهم مصيبه


قالو لاحول ولا قوة الا بالله انا لله وانا اليه راجعون


مابليد حيله

[حسن]

ولاتزعل ولا تكدر خاطرك يانشتاين دق سلف كلها 200 كيلو وانت في الحسا والصيدليات عندهم كانها مجمع تجاري والدواء رخيص عندهم ومنها تتقضى لزوم البيت ولاتنسى يقولك عند بنده دجاج امبهر وجاهز لايفوتك ومنها توسع خاطرك

[مضاربه]

انا في رايي تسكرون فيها كل موضوع يخص مطالب المواطن من الحكومه او اي جهه حكوميه كل مافتحتوا موضوع زاد سعره موضوع الخدم كانو 8000 الحين صاروا 9800
موضوع العلاج موضوع الادويه كل شي ارتفع سعره ماعدا الاسهم والرواتب محلك سر الاسهم من يعوض خسارتنا فيها يوم اشترينا الدولي 300 شوفوه الحين كم وغيره وغيره

[بولينجر]

صحيح ارفعوا اسعار الادوية فوووووق.... والله انها مبالغ فيها.... حتى لو كانت الدولة كفلت العلاج للمواطنين بالمجان لكن لازالت بعض الادوية غير متوفرة فيضطر ان يشتريها بمبالغ كبيرة ترهق ميزانيته.....
مثل ما قلت يا اينشتاين... خلاص مانبي شي... كل ما تكلمنا زادوا الاسعار :(

[عنيــــد]

رحت للصيدلية ابي دواء لقيت الزيادة 40٪

سالته قال الموزع شركة الباكر زادوا الاسعار 40٪

حسبنا الله ونعم و الوكيل

[aljaber1]

الله المستعان
وعسى الله يخفف على والدتك
ويمتعها بصحة والعافية
ومايحرمها منك

[STAR]

سياسة الدوله عندنا
دعهم يقولون مايقولون ونفعل نحن مانريد
احنا اغنى دوله ومازادونه شي وجميع الدول المجاوره جاتهم زياده واحنا جاتنا رفسه سواءا من التجار او من ؟؟؟؟؟؟؟
الله المستعان

لا اخوي لا تحط بذمتك... احنا جاتنا زيادة

بس زيادة من نوع ثاني....:tease:


زيادة في الاسعار والغلاء وزيادة في الجشع..!!

http://www.qatarshares.com/vb/showthread.php?t=450081&highlight=STAR

[STAR]

وماتشوف شر اخوي...

[Dawn]

الله يكون بعونك

والله بديت اشك بمجانية العلاج عندنا

[khaldoon]

الله المستعان
وعسى الله يخفف على والدتك
ويمتعها بصحة والعافية
ومايحرمها منك

[إينشتاين]

شكراً لإدارة المنتدى لمراعاتهم مشاعر الحكومة المرهفة بتغيير العنوان وحذف نصف الموضوع ،،،

وأتوقع هالرد بيلحقهم إلى سلة المهملات :secret:

[ام ناصر1]

الله يعينكم ويشفي مريضكم

[BIG-VEGA]

شكراً لإدارة المنتدى لمراعاتهم مشاعر الحكومة المرهفة بتغيير العنوان وحذف نصف الموضوع ،،،

وأتوقع هالرد بيلحقهم إلى سلة المهملات :secret:


افااااا انت لبيب :discuss:
مايخفى عليك ان هذا المنتدى وغيره (كلهم في الهوا سوا)

[khalid Qtr]

اخوي انا بضيف مشكلة اخرى بعد ، علاوة على ارتفاع اسعار الادوية كثيرا ما تجد ادوية مقطوعة عن السوق ولا تجدها الا في فترات محدودة ..

[غير البشر]

الله يشفيه الوالد ان شاء الله
ويلبسها ثوب الصحه

الله يعينك اخوي

[بوعلي2]

لاحول ولاقوة الا بالله

الله يشفي الجميع ولايحوجكم حق دواء اللهم امين

[بوسلمان 2010]

ياسلام سلم كله في صالح المواطن مشاء الله بعد فتره بيصير الدواء بالاقساط الله المستعان

[الرويـس]

شافاك الله وعافاك
والله يبعد عنك المرض وما تحتاج للصيدلية مرة ثانية
وبكذا تكون وفرت ال220 وال100 حتى ..

قول آمين

[أم شيوخ]

نفس المشكككككككككله...
كنت اخذ حبوب ب 180 مارجعت بعد شهر يوم خلص الا انصدم 240 شالسالفه يالحبيب 60 ريال على شنو واهو اصلن نفس الكميه وكميه قليله جدا....

حرام والله والي ماعنده شيسوي هاي الحين المفروض نحط ميزانيه بس عشان ادويه