لاصحاب المعارض فقط ؟؟؟؟؟؟؟؟؟

[jojo]

السلام عليكم


اخواني انا بغيت اخذ فلوس من البنك مبلغ بسيط

لاكن بنكي الدولي الاسلامي لازم اشتري سياره مايعطون كاش

ربعي قالولي روح المعارض واخذ عن طريقهم سياره وهم يبيعونها لك ويقلبون اللاسامي

ويردون الاسامي مره ثانيه وياخذون عموله بسيطه على هالعمليه


المبلغ حوالي 30 او 35 الف

الى اصحاب المعارض اللي يقدر يخدمني جزاكم الله خير


تحياتي لكم

[ن.سهيل]

بالتوفيق

[بوسالم90]

شيك الخاص

[strong pilot]

السلام عليكم
اخوي اتوقع المعارض ياخذن نسبة يمكن 2000-3000

ممكن تاخذ موتر حد من اهلك او واحد من الربع بدال لا تدفع الفايده للمعارض
او ممكن تشتري اسهم عن طريق البنك وتبيعهم على طول
وبالتوفيق اخوي ان شاء الله

[عــيــون قطر]

اخوي اتوقع احسن شئ انك تاخذ موتر واحد من هلك اخوك ولا ولد عمك ولا اي حد من هلك مثل ما قال اخوي سترونج بايلوت

وممكن انك تشتري اسهم عن طريق بنكك والاجراءات تاخذ من يومين لين 4 ايام ويكون الشيك عندك وتقدر تسحبه
بس اهم شي تتاكد ان تكون النسبه في الارباح متساويه او متقاربه
لان المصرف يعطونك سلفه الاسهم حالها من حال السياره ونفس النسبه بدال غرباله المرور ونقل اسامي

وبالتوفيق ان شاء الله

[الصيفي قطر]

اخوي خذلك قرض اسهم وفك عمرك ليش اطول السالفه وهي قصيرة

[jojo]

شلون قرض اسهم ابي افهم

يعني الدولي الاسلامي اقولهم ابي قرض اسهم يعطوني الفلوس ولا يشترون لي اسهم

وانا ابيعها واخذ فلوسها ؟؟

[المحقق كونان]

خذ قرض شخصي و فك عمرك من المعارض

و ينزل المبلغ في حسابك

[فـيـراري قطر]

يالربع ترا قرض الاسهم عادي موضوعه روح على فريج النصر العصر مداومين وقولهم ابي قرض اسهم بس وسلامتك يطلبون منك شهادة راتب وصورة بطاقتك ويشترونلك هم الاسهم وانت عقب اسبوع تروح تبيعها او استفسر من الاخ السوداني الي شغال مناك هو بفيدك اكثر مني وفوايدهم بسييييييطه ماتنذكر والله يوفقك اخوي لاتعور راسك لا مع معارض ولا غيره

[الصيفي قطر]

نفس ماقالك اخونا فراري بس تروح وهم يشترونلك بس لازم تكون شركه اسلاميه ويكون لك حساب فالبورصه ولو ماعندك حساب فالبورصه كلها دقايق روح البورصة يفتحونلك حساب وانت واقف مكانك والعمليه كلها تاخذ مابين 5ايام الى اسبوع وفك عمرك اخوي

[الشقب1]

نصيحه لوجه الله الي من اصحاب المعارض يقول باخذ نسبه 2000 او 3000 اواي سعر تتفق معه عليه في البدايه تكون ضامن الي بياخذه هاذي حرااااام وانا سائل عنها اكثر من شيخ ويسمونها بيع المال بالمال
للتوضيح اكثر طرش لي رقمك واوضح لك واقول لك البديل
والله يوفق الجميع

[الصيفي قطر]

نصيحه لوجه الله الي من اصحاب المعارض يقول باخذ نسبه 2000 او 3000 اواي سعر تتفق معه عليه في البدايه تكون ضامن الي بياخذه هاذي حرااااام وانا سائل عنها اكثر من شيخ ويسمونها بيع المال بالمال
للتوضيح اكثر طرش لي رقمك واوضح لك واقول لك البديل
والله يوفق الجميع

بيض الله وجهك اخوي كلامك 100% صحيح وانا سالت بعد عشان جي حولت على موضوع الاسهم

[قطري10]

نصيحه لوجه الله هذي ألطريقه حرام وانا احب لك الخير لاتسويها الله يجزاك الخير أنا سالت شيوخ وقالوا حرام لازم تبيع السيارة على طرف غير المعرض والله يوفقك

[jojo]

والله حيرتوني

الاسهم تاخذ اكثر من خمس ايام وفتح الحساب وسالفه

هذي اكبر من سالفة المعرض مع انه ذكرلي واحد انه المعرض اصلا بعد مانوقع يعطيك الفلوس اصلا

من جيبه الخاص وبعدين هو يتصرف في الباقي بس اوقع على اوراق المبايعه وخلاص

[عــيــون قطر]

قرض الاسهم
انت تروح تقول للبنك ابي قرض للاسهم وتحدد المبلغ اللي تبيه
ياخذون بياناتك وتجيبلهم شهاده الراتب وصوره من البطاقه الشخصيه وتوقع على الاوراق
وعقبها يفتحونلك حساب في شركه من الشركات الوسيطه
مثل دلاله والمجموعه
وثاني يوم يتصلون فيك الشركه الوسيطه ويقولون لك احنا عندنا طلب شراء اسهم باسمك وتعطيهم الموافقه بالشراء والبيع وبيطرشون اوراقك للبنك مره ثانيه
بعدين ترجع البنك توقع على الشيكات ويعطونك افاده توديها للشركه الوسيطه ويعطونك الشيك
وبيكون في مبلغ بسيط ينقص من السلفه على اساس العموله للشركه الوسيطه
وبعد بتكون اقل من 2000 او 3000 ريال
وكان الله غفوراً رحيما
واذا طولت الامور تاخذ 4 ايام
يعني كلها شغله يومين زيارتين للبنك وزياره وحده للشركه الوسيطه والمبلغ عندك

اتمنى اكون فدتك اخوي

[قطر77]

قرض اسهم الارباح اقل بواجد احسبها بنفسك المعرض بياخذ من ٢٠٠٠ لين ٥٠٠٠ ثاني شي بيحسب لك تسجيل السيارة في المرور مرتين كلها على حسابك حوالي ال ٦٠٠ ريال و المندوب ٢٠٠ وغير ارباح البنك يعني اقل شي تطلع ١٥٠٠٠ فووق المبلغ الي تبيه وهالشكل انت تطلع خسران انتظر كم يوم و وفر فلوسك

[الدستور]

استفسار عن قرض الاسهم :
لازم اكون في نفس البنك الاسلامــــي ،ويصير احتفظ فـي الاسهم
( يعني هم يشترون لي الاسهم وعقب تكون الاسهم بـاسمـي وانا اتحكم فيهـا )

[STAR]

ومنكم نستفيد.. شكرا للكل ولصاحب الموضوع (=