المساعد الشخصي الرقمي

مشاهدة النسخة كاملة : ▫▪₪▪▫ رمضاان ▫▪ زين الشهور ▫▪₪▪▫


ظبيــღــه
13-07-2011, 06:10 AM
السلام عليكم ورحمة الله وبركاته ..



http://i741.photobucket.com/albums/xx52/N-ALSADA/Ramazan_Mubarak_2010_by_DEA_pride1-600x337.jpg
.................................................. ........................ Download₪▪▫- (http://www.4shared.com/audio/YMYUfag3/___-_.html)




كلهاا اياام ويهل عليناا رمضاان شهر.. |[العتق و الغفران]| ..وما يخفى على حد كيف هي اجوااء رمضاان
نهااره غير ..ليله غير ..النفسيه ..اللمه.. العباده ..كل شي فيه غير عن بااقي الشهوور
وكل الي اقدر اقوله لكم ...استغلوا كل ثاانيه فيه واحتسبوا اجر اعمالكم

ومن الحين لين يهل علينا هلاله ...وعسانا يارب من صيامه

خلونا نسولف :looking:



▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫
▫▪₪▪▫- ايش الجديد عليكم بالهشر عن بااقي شهور الصيام الي راحت ▪؟؟▫
▫▪₪▪▫- وين نااوين تقضوون الشهر ▪؟؟▫
▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫
▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫
▫▪₪▪▫- من وين ناويين تقضوون للبيت ▪؟؟▫
▫▪₪▪▫- نسواان .. متى يبدأ شغل التفريز وايش نفرز :shy:▪؟؟▫
▫▪₪▪▫- اهل الدايت .. شخباركم .. جدولكم الرمضاني ..ولا عليكم امر :shy:▪؟؟▫
▫▪₪▪▫- ذكرياتكم مع هالشهر ▪؟؟▫
▫▪₪▪▫- اداره .. ايش مجهزين لنا برمضاان :nice: ▪؟؟▫
▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا :secret:)▪؟؟▫
▫▪₪▪▫- نصيحه ودك بها لغيرك تعينه بالخير على شهر الصيام ▪▫
وغيرها من الاسئله ..




..الموضوع مفتوح لكم ..كان ودكم..عقبوا على بعض ..ردوا على بعض..مافي مشاكل :nice:
من الحين الين يفتحون الخيمة الرمضانيه لنا ..اقولكم ..حيااكم :shy:
أمير المحبه
13-07-2011, 06:15 AM
عساه شهر مبارك عليج يارب يا ضبيه

ويكون شهر خير وسعاده:)

لاتكثرين من الثريد هههههههههههه

مابكون معاكم فالمنتدى :weeping:
بوخالد88
13-07-2011, 06:17 AM
وعليج السلام ورحمه الله وبركاته

للاسف اختي اول سنه اكووون بعيد عن قطر لاني بامريكا بس العادة اما بالزرع في دبي

او مكة . والسنة مافي شي جديد

وانا متابع لموضوع وردود الاخوان والاخوات

ويعطيج العافية علي الموضوع

بالتووووفيق
بو الجوري
13-07-2011, 08:04 AM
موضوع حلـو :..

و لي عوده إن شاء الله :..

الله يبلغنا رمضااااان :..
كازانوفا
13-07-2011, 08:20 AM
وعليكم السلام ورحمة الله وبركاته

اللهم بلغنااا رمضان ان شالله

انا برائي ان كل يوم بيومه نسرد قصننااا لا اعلم ان ساكون ان شالله معكم فوق الارض او تحتهااا ...


الله المستعان ...
عاشق الشهادة
13-07-2011, 09:20 AM
شكراً ظبيه على هذا الموضوع ,
انتظروا مسابقة ( تعالوا لكي نتعرف على مساجد دولة قطر ) في شهر رمضان المبارك ان شاء الله ,
وتعتبر هذه المسابقة خفيفه مفيده للكل ان شاء الله وسوف اطرح يومياً صورة لمسجد من مساجد دولة قطر وسوف يكون عليها بعض الاسئلة مثال :

في اي منطقة يقع هذا المسجد ؟
وسنه كم تم بنائه ؟
وكم سعه المصلين فيه ؟
واسم خطيب هذا المسجد او الجامع ؟



معلومات خفيفه مفيده واتمنى للكل الاستفادة من هذه المسابقة .
نــويصــر
13-07-2011, 01:10 PM
السلام عليكم...

اول اقول لكم خلو عنكم المسلسلات ترى تنعاد بعد رمضان

وفرمضان تصفط شياطين الجن فشياطين الانس تاخذ دورهم...

واخبر لما كنت صف ثالث بديت اصوم فكنت اتناسى واشرب ماي واني يعني مادري

اروح اسال الوالده واقول شربت ماي بالغلط وتقول عادي اذا نسيت وكل شوي اروح اشرب واقص

على نفسي اقوول اووه شربت بالغلط....

ههههه
غزلان
13-07-2011, 03:14 PM
اهلين ظبايه

ومبروك علينا كلنا الشهر الله يبلغنا الصيام ويتقبل منا الطاعات

000000000000


▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫

اهم شي جهزت الجلابيات :shy:

▫▪₪▪▫- ايش الجديد عليكم بالهشر عن بااقي شهور الصيام الي راحت ▪؟؟▫

ان شاء الله بنضاعف العبادات اكثر

▫▪₪▪▫- وين نااوين تقضوون الشهر ▪؟؟▫
في بيتنا
▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫

يتعودون على لصيام بالتدريج يعني نص يوم لين يكمل اليوم عاد بيكون الشهر قرب يخلص ههه
▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫

الصلاه في المسجد للتراويح وزيارة الأهل هذي نشاطنا

▫▪₪▪▫- من وين ناويين تقضوون للبيت ▪؟؟▫
من الجمعيه
▫▪₪▪▫- نسواان .. متى يبدأ شغل التفريز وايش نفرز ▪؟؟▫

النظام عندنا مايفرزن كل يوم بيومه

▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫

0000
▫▪₪▪▫- ذكرياتكم مع هالشهر ▪؟؟▫

احلى الشهور عندي روحانيه وطمئنينه لا حدود لها
▫▪₪▪▫- اداره .. ايش مجهزين لنا برمضاان ▪؟؟▫

000
▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫

كل شي بوقته

▫▪₪▪▫- نصيحه ودك بها لغيرك تعينه بالخير على شهر الصيام ▪▫

كثروا من العبادات حتى تغفر ذنوبكم



شكرا
sara jsm
14-07-2011, 12:59 AM
هههههههههههه ظبوووووي والله يوم سمعت الانشوده قلبي دق ,,
تذكرت السنة اللي راحت :shy: كان فله

:

ترى توني اشوف الموضوع :rolleyes2:

▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫
- ماعندي الا تجهيزات المطبخ ,, :nop:
▫▪₪▪▫- ايش الجديد عليكم بالهشر عن بااقي شهور الصيام الي راحت ▪؟؟▫
- اممم ان شاءالله راح نكثف العبادة ,,
▫▪₪▪▫- وين نااوين تقضوون الشهر ▪؟؟▫
- في ( البيتنا ) :tease:
▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫
- ماعندي هالمسؤوليه :secret:
▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫
- مافي شي محدد بس يمكن اصلي التراويح بالمسيد ,,
▫▪₪▪▫- من وين ناويين تقضوون للبيت ▪؟؟▫
- من القمعيه بعد من وين :(
▫▪₪▪▫- نسواان .. متى يبدأ شغل التفريز وايش نفرز ▪؟؟▫
- لاتقولين نسوان ,, قولي بنات لو سمحتي :tooth: يعني شنو نفرز ,,
▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫
- الحمدلله مب حارمة روحي من شي ,, :tease: حررره لاهل الدايت
▫▪₪▪▫- ذكرياتكم مع هالشهر ▪؟؟▫
- راح اتذكر ناس غاليين كانوا معاي العام وهالسنة عند ربهم ,, :(
▫▪₪▪▫- اداره .. ايش مجهزين لنا برمضاان ▪؟؟▫
- اسمحيلي مااقدر اقولج :looking:
▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫
- ماادري :no2:
▫▪₪▪▫- نصيحه ودك بها لغيرك تعينه بالخير على شهر الصيام ▪▫
- اقول لج ولكل عضو او زائر يشوف هالموضوع ,,
انهم يستغلون هالشهر بكل ايامه وساعاته ودقايقه ,,
لانهم ممكن مايقدرون يعيشونه في السنوات الجايه ,,
الله يقدرنا على صيامه وعبادته ,,

:
:

مشكورة ظبيانه على هالموضوع الترتوووب :victory:
Miss
15-07-2011, 07:42 PM
▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫
تجهيز روحاني لرمضان عسى الله يتقبله منا ومنكم

▫▪₪▪▫- ايش الجديد عليكم بهالشهر عن بااقي شهور الصيام الي راحت ▪؟؟▫
تكثيف العباده وتجنب الاخطاء الي وقعنا فيها في رمضان السابق

▫▪₪▪▫- وين نااوين تقضوون الشهر ▪؟؟▫
في البيت وان شاء الله تتيسر لنا عمرة رمضان

▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫
ما عنديش مسؤوليه :shy:

▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫
صلاة التراويح والقيام في المسجد ان الله راد وبتكون محاضرات دينيه صغيره بين الاهل

▫▪₪▪▫- من وين ناويين تقضوون للبيت ▪؟؟▫
من الجمعيه

▫▪₪▪▫- متى يبدأ شغل التفريز وايش نفرز :shy:▪؟؟▫
بدينا فيه من فتره .. أهم شي الرقاق وخلصته امي :nice:

▫▪₪▪▫- اهل الدايت .. شخباركم .. جدولكم الرمضاني ..ولا عليكم امر :shy:▪؟؟▫
محد يقدر يسوي دايت في رمضان :(

▫▪₪▪▫- ذكرياتكم مع هالشهر ▪؟؟▫
رمضان هالسنه اختي ما راح تكون معانا :weeping:
الله يرجعها بالسلامه

▫▪₪▪▫- اداره .. ايش مجهزين لنا برمضاان :nice: ▪؟؟▫
:telephone:

▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا :secret:)▪؟؟▫
ما راح أكون معاكم لاني في رمضان ما اشبك على النت أبد


▫▪₪▪▫- نصيحه ودك بها لغيرك تعينه بالخير على شهر الصيام ▪▫
الله الله بتكثيف العباده .. هو 30 يوم وبسررررعه بيرووح .. الله يتقبلها منا ومنكم يا رب

تسلمين ظبيه ..
انزين دوورج ياالله جاوبي:nice:
السلولي
16-07-2011, 12:13 AM
جزاج الله كل خير
meme~qatar
16-07-2011, 03:04 AM
والله ياحبيبتي ياظبايه

افكر انزل موضوع متجدد يومي

وان شاء الله اذا الله سهل بنزله ليلة رمضان

وادعولي
Right
16-07-2011, 04:02 AM
يا مرحبا والله برمضان بشهر الخير
ظبيــღــه
16-07-2011, 11:43 PM
عساه شهر مبارك عليج يارب يا ضبيه

ويكون شهر خير وسعاده:)

لاتكثرين من الثريد هههههههههههه

مابكون معاكم فالمنتدى :weeping:

عساه مبارك علينا وعليك وعلى الكل
وكل عام وانتو بخير .. والله يتقبل منكم صالح الاعمال

ولا توصي .. العاده التف صوب الهريس والكراميل :tease:

وبعدين شله ماراح تكون معانا .. ليكون بتكون مع الي ينربطون :eek5:

ما علينا .. تسلم على مشاركتك .. والله يعينك على الصيام والقيام
حليتان*
16-07-2011, 11:49 PM
شسالفه

هاي 3 مره ادش الموضوع وابي ارد وانسى خخخخخخخ


الله يعطيج العافية ظبيه

وبخصوص التجهيز لرمضان من ناحيتي ستاندر ولا شي :)
ظبيــღــه
17-07-2011, 12:41 AM
وعليج السلام ورحمه الله وبركاته

للاسف اختي اول سنه اكووون بعيد عن قطر لاني بامريكا بس العادة اما بالزرع في دبي

او مكة . والسنة مافي شي جديد

وانا متابع لموضوع وردود الاخوان والاخوات

ويعطيج العافية علي الموضوع

بالتووووفيق

ماشااءالله ..مغترب ومافي شي جديد ..:secret:
الله يعينك .. وعساك مب بروحك بس
ان شااءالله ربعك حوليك تعينهم ويعينونك ..

وعسااه مبارك عليكم
ومانوصيكم ( لأن يهدي الله بك رجلا واحدا خير لك من حمر النعم)
وعساكم بصومكم وصبركم تلفتون الي حوليكم وتكونون سبب في هدايتهم ..

الين اسألوكم ..قولولهم اسلامنا امرنا بالصوم عشان صحتنا ..
ولانهم اجانب فـ بفهمونها من اليسار لليمين ..:p صحه ..صوم .. اسلام
وعساه يكون بداية لهدايتهم على ايدكم ..فعليكم بالصبر
(وصيه لكل مغترب)

والله ييسر عليكم طاعته
والله يعاافيك ..اشكرك على التواجد والمشاركه
ظبيــღــه
17-07-2011, 12:44 AM
موضوع حلـو :..

و لي عوده إن شاء الله :..

الله يبلغنا رمضااااان :..

اللهم امين..

وحياك باي وقت
ظبيــღــه
17-07-2011, 01:06 AM
وعليكم السلام ورحمة الله وبركاته

اللهم بلغنااا رمضان ان شااءلله

انا برائي ان كل يوم بيومه نسرد قصننااا لا اعلم ان ساكون ان شالله معكم فوق الارض او تحتهااا ...


الله المستعان ...

اللهم امين ..
براحتج
والله يعطيج الصحة وطولة العمر ..ويتقبل منج صالح الاعمال
ومبارك عليج الشهر:victory:
منورة بمرورج
ظبيــღــه
17-07-2011, 01:10 AM
شكراً ظبيه على هذا الموضوع ,
انتظروا مسابقة ( تعالوا لكي نتعرف على مساجد دولة قطر ) في شهر رمضان المبارك ان شاء الله ,
وتعتبر هذه المسابقة خفيفه مفيده للكل ان شاء الله وسوف اطرح يومياً صورة لمسجد من مساجد دولة قطر وسوف يكون عليها بعض الاسئلة مثال :

في اي منطقة يقع هذا المسجد ؟
وسنه كم تم بنائه ؟
وكم سعه المصلين فيه ؟
واسم خطيب هذا المسجد او الجامع ؟



معلومات خفيفه مفيده واتمنى للكل الاستفادة من هذه المسابقة .

ماشااءالله .. عسااك عالقوه:victory:
وان الله قدرنا انكون من المشاركين معاكم ..بغش من موضوعك هذااك..وباخذ الجررخياات لي:shy: :secret:

ومبارك عليك الشهر ..والله يقويك على طاعته :victory:
ظبيــღــه
17-07-2011, 01:26 AM
السلام عليكم...

اول اقول لكم خلو عنكم المسلسلات ترى تنعاد بعد رمضان

وفرمضان تصفط شياطين الجن فشياطين الانس تاخذ دورهم...

واخبر لما كنت صف ثالث بديت اصوم فكنت اتناسى واشرب ماي واني يعني مادري

اروح اسال الوالده واقول شربت ماي بالغلط وتقول عادي اذا نسيت وكل شوي اروح اشرب واقص

على نفسي اقوول اووه شربت بالغلط....

ههههه

وعليكم السلام ورحمة الله وبركاته

اشكرك على النصيحه .. وازيد عليها للي مايصبر على المسلسلات ..:secret:
امسكوا نفسكم اول اسبوع ..بحيث ان يطوفكم شوي من الاحداث ..
وقتها تهدى نفوسكم عنها لانكم ماراح تفهمون شسالفه وقت ترجعون لها :tease:

وعن الي تناسى :p
رقم الوالده لو سمحت ..بغيتها بسالفه :p
اذكر كنا نتمضمض بالماي البارد .. بالفيت يبرد علينا :shy:
....
واذكر زماان مرة ابوي دش معانا المطبخ بالفيت يساعد :secret:.. وتم يحوس مع علبة الجبن بالسجين
وكل ماتلعوز يده ..قام ولحس الجبن ..(جفته بس سكت عنه:secret:)
وكل ماتلعوز يده ..قام ولحس الجبن ..(حاليا الوضع ماينسكت عنه :secret: )
قلت له يبا خلصت الجبن عنا:weeping:
قال اووووه نسيت تم يضحك وطلع من المطبخ هههههههههههه

المهم ..اشكر لك مشاركتك
ومبارك عليك الشهر والله يعينك على صيامه وقيامه .
: بوحمود :
17-07-2011, 01:49 AM
الله يبلغنا فيه وفي صيامه وقيامه

ومبروك عليكم جميعاً
ظبيــღــه
17-07-2011, 04:59 PM
اهلين ظبايه

ومبروك علينا كلنا الشهر الله يبلغنا الصيام ويتقبل منا الطاعات

000000000000


▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫

اهم شي جهزت الجلابيات :shy:

▫▪₪▪▫- ايش الجديد عليكم بالهشر عن بااقي شهور الصيام الي راحت ▪؟؟▫

ان شاء الله بنضاعف العبادات اكثر

▫▪₪▪▫- وين نااوين تقضوون الشهر ▪؟؟▫
في بيتنا
▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫

يتعودون على لصيام بالتدريج يعني نص يوم لين يكمل اليوم عاد بيكون الشهر قرب يخلص ههه
▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫

الصلاه في المسجد للتراويح وزيارة الأهل هذي نشاطنا

▫▪₪▪▫- من وين ناويين تقضوون للبيت ▪؟؟▫
من الجمعيه
▫▪₪▪▫- نسواان .. متى يبدأ شغل التفريز وايش نفرز ▪؟؟▫

النظام عندنا مايفرزن كل يوم بيومه

▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫

0000
▫▪₪▪▫- ذكرياتكم مع هالشهر ▪؟؟▫

احلى الشهور عندي روحانيه وطمئنينه لا حدود لها
▫▪₪▪▫- اداره .. ايش مجهزين لنا برمضاان ▪؟؟▫

000
▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫

كل شي بوقته

▫▪₪▪▫- نصيحه ودك بها لغيرك تعينه بالخير على شهر الصيام ▪▫

كثروا من العبادات حتى تغفر ذنوبكم



شكرا

اهلا بغزلان ..:nice:
اشكر لج تواجدج ومشاركتج..ماشااءالله كفيتي ووفيتي
ومبارك عليج الشهر..والله يعينج على صياامه ويتقبل منج صالح الاعمال
ولاهنتي عالنصيحه:victory:

اهم شي الجلابيات ..ملبووس العافيه
وبخصوص الجمعيه .. اكيد من الجمعيه ..بس ايهم وليش..هذا الي قصدته:shy:

واشكرج مرة ثاانيه عالمشااركه ..لاعدمنااج :shy:
ظبيــღــه
17-07-2011, 06:06 PM
هههههههههههه ظبوووووي والله يوم سمعت الانشوده قلبي دق ,,
تذكرت السنة اللي راحت :shy: كان فله

:

ترى توني اشوف الموضوع :rolleyes2:

▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫
- ماعندي الا تجهيزات المطبخ ,, :nop:
▫▪₪▪▫- ايش الجديد عليكم بالهشر عن بااقي شهور الصيام الي راحت ▪؟؟▫
- اممم ان شاءالله راح نكثف العبادة ,,
▫▪₪▪▫- وين نااوين تقضوون الشهر ▪؟؟▫
- في ( البيتنا ) :tease:
▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫
- ماعندي هالمسؤوليه :secret:
▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫
- مافي شي محدد بس يمكن اصلي التراويح بالمسيد ,,
▫▪₪▪▫- من وين ناويين تقضوون للبيت ▪؟؟▫
- من القمعيه بعد من وين :(
▫▪₪▪▫- نسواان .. متى يبدأ شغل التفريز وايش نفرز ▪؟؟▫
- لاتقولين نسوان ,, قولي بنات لو سمحتي :tooth: يعني شنو نفرز ,,
▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫
- الحمدلله مب حارمة روحي من شي ,, :tease: حررره لاهل الدايت
▫▪₪▪▫- ذكرياتكم مع هالشهر ▪؟؟▫
- راح اتذكر ناس غاليين كانوا معاي العام وهالسنة عند ربهم ,, :(
▫▪₪▪▫- اداره .. ايش مجهزين لنا برمضاان ▪؟؟▫
- اسمحيلي مااقدر اقولج :looking:
▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫
- ماادري :no2:
▫▪₪▪▫- نصيحه ودك بها لغيرك تعينه بالخير على شهر الصيام ▪▫
- اقول لج ولكل عضو او زائر يشوف هالموضوع ,,
انهم يستغلون هالشهر بكل ايامه وساعاته ودقايقه ,,
لانهم ممكن مايقدرون يعيشونه في السنوات الجايه ,,
الله يقدرنا على صيامه وعبادته ,,

:
:

مشكورة ظبيانه على هالموضوع الترتوووب :victory:

هلا بسااره .. اي اذكر المسابقاات .. :nice:
الاثار للحين موجوده :unsure::tease:

وعن التجهيزاات .. اي التركيز بكون على المطبخ اكثر شي ..
عشان نقدر نلبي رغبات الصايمين الي لهم حق علينا :rolleyes2:+ نستغل اكبر وقت في العبااده ..


وخاطري اعفس الصاله والمطعم ..واجمع الاثاث بغرفه وحده ..بس ابوي مب مقتنع:(
صبري علي يرووح رويس وببتدي التعفيس :secret::tease::nop:

وبخصوص القمعيه ..اي قمعيه ناوين ..:tease:

وعن التفريز ..يعني يعني ..تجهزين الاكل وتحطينهم بالفريزر لوقت طباخهم..:(
يعني اخذ الـ ( الكزبره والبقدونس والفلفل البارد والزنجبيل )
انظفهم واقطعهم وحطهم باكياس او علب وبالفريزر لوقت استخدامهم ..هاي دوم نسويه

وذيج السنه ..فرزت ورق العنب ..لفيناهم ووزعناهم باكيياس
عجينة لكل الاستعمالات :victory:
واذكر سويت قطايف ..(الي عطتني الطريقه ليمونه الحلوه ..الله يذكرها بالخير :weeping:)حشيتهم بالجبن وعالفريزر على طول
وكل اسبوع اعيد الشغل مرة ثاانيه .. :victory:...فهمتي:telephone:

وجزاج الله كل خير ..عالنصيحه :victory:
وعسى الله يرحم موتاكم وعسى مثواهم الجنة ..
ومبارك عليج الشهر .. والله ييسر عليج طاعته
شكرا:shy:
بو خليفه 123
17-07-2011, 06:22 PM
اول شي ممكن حد يترجم لي معنى "الهشر"


و ان شاء الله لي عوده لان الموضوع شيّق :victory:
غزلان
17-07-2011, 07:01 PM
اول شي ممكن حد يترجم لي معنى "الهشر"


و ان شاء الله لي عوده لان الموضوع شيّق :victory:

:funny:



:secret:
sara jsm
17-07-2011, 09:17 PM
اااااااااي احين فهمت ,, :o
شوفي احنا هالسنة من اول رجب وانا اقول حق امي خلينا نجهز ورانا عرس مابيكون لي خلق شي ,,
بس هي مطنشه :weeping: وكله بيطيح على راسي اخر شي ,,
بس ان شاءلله ,, راح نلف ورق العنب والسمبوسه بانواعها ,,
وبعد عجينه السبرنج رول ,, نحشيهم بالدياي ونجهزهم ,,
واذا تذكرين مسابقة الخفايف ( الفلافل ) اللي سويته ,, قلت راح اجمد كميه منهم كــ تجربه ,,
وبس والله ,, اما الخضره المجمده دااااااايما عندنا على مدار السنة ,, :victory:

:
:




اول شي ممكن حد يترجم لي معنى "الهشر"

و ان شاء الله لي عوده لان الموضوع شيّق :victory:

هذي مصطلحات شبابيه وين بتعرفها احين :tease:
غزلان
17-07-2011, 09:26 PM
اهلا بغزلان ..:nice:
اشكر لج تواجدج ومشاركتج..ماشااءالله كفيتي ووفيتي
ومبارك عليج الشهر..والله يعينج على صياامه ويتقبل منج صالح الاعمال
ولاهنتي عالنصيحه:victory:

اهم شي الجلابيات ..ملبووس العافيه
وبخصوص الجمعيه .. اكيد من الجمعيه ..بس ايهم وليش..هذا الي قصدته:shy:

واشكرج مرة ثاانيه عالمشااركه ..لاعدمنااج :shy:



مافهمت عليج ظبيه تبين اسم الجمعيه ولا مشترياتنا من الجمعيه؟؟:telephone:
ظبيــღــه
17-07-2011, 10:44 PM
▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫
تجهيز روحاني لرمضان عسى الله يتقبله منا ومنكم

▫▪₪▪▫- ايش الجديد عليكم بهالشهر عن بااقي شهور الصيام الي راحت ▪؟؟▫
تكثيف العباده وتجنب الاخطاء الي وقعنا فيها في رمضان السابق

▫▪₪▪▫- وين نااوين تقضوون الشهر ▪؟؟▫
في البيت وان شاء الله تتيسر لنا عمرة رمضان

▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫
ما عنديش مسؤوليه :shy:

▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫
صلاة التراويح والقيام في المسجد ان الله راد وبتكون محاضرات دينيه صغيره بين الاهل

▫▪₪▪▫- من وين ناويين تقضوون للبيت ▪؟؟▫
من الجمعيه

▫▪₪▪▫- متى يبدأ شغل التفريز وايش نفرز :shy:▪؟؟▫
بدينا فيه من فتره .. أهم شي الرقاق وخلصته امي :nice:

▫▪₪▪▫- اهل الدايت .. شخباركم .. جدولكم الرمضاني ..ولا عليكم امر :shy:▪؟؟▫
محد يقدر يسوي دايت في رمضان :(

▫▪₪▪▫- ذكرياتكم مع هالشهر ▪؟؟▫
رمضان هالسنه اختي ما راح تكون معانا :weeping:
الله يرجعها بالسلامه

▫▪₪▪▫- اداره .. ايش مجهزين لنا برمضاان :nice: ▪؟؟▫
:telephone:

▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا :secret:)▪؟؟▫
ما راح أكون معاكم لاني في رمضان ما اشبك على النت أبد


▫▪₪▪▫- نصيحه ودك بها لغيرك تعينه بالخير على شهر الصيام ▪▫
الله الله بتكثيف العباده .. هو 30 يوم وبسررررعه بيرووح .. الله يتقبلها منا ومنكم يا رب

تسلمين ظبيه ..
انزين دوورج ياالله جاوبي:nice:

ياهلا والله بـMiss
مباارك عليج الشهر .. وعسى الله يتقبل منكم صالح الاعمال
ماشااءالله ..مادري اسوي مثلج واقطع النت موليه ..:secret:
مع اني ادري ماراح اقدر ..:shy:
والله يسهل عليكم ويكتب لكم العمرة ..:victory:
ويحفظ اختكم ..ويرجعها سالمه لكم..
وبعدين تعالي مني .. شنو بديتوا بالتجهيز :shy:
ابي التفصيل الممل :secret:

وماقصرتي بمشاركتج مسووو ..:victory:
وعني ..هذاني امشي واجااوب هني وهناك ..
تحصلين ردي منثر بالموضوع :p
ان شااءالله ارد واجمعهم ..ولايهمج
اشكرج ..:shy:
ظبيــღــه
17-07-2011, 10:50 PM
جزاج الله كل خير

وجزااك بمثله ..:nice:
ظبيــღــه
17-07-2011, 10:50 PM
والله ياحبيبتي ياظبايه

افكر انزل موضوع متجدد يومي

وان شاء الله اذا الله سهل بنزله ليلة رمضان

وادعولي

اول شي مبروك عالتمييز :victory:

ثاني شي مبارك عليج الشهر .. والله يعينكم على طاعته :victory:

ثالث شي الله يسهل عليج كل امور حياتج.. ونااطرين الموضووع ..
عسااه بس يختص بالاكل :looking:
ظبيــღــه
17-07-2011, 10:51 PM
يا مرحبا والله برمضان بشهر الخير



يامرحبا به :nice:
وعساه مبارك عليك
ظبيــღــه
17-07-2011, 11:04 PM
شسالفه

هاي 3 مره ادش الموضوع وابي ارد وانسى خخخخخخخ


الله يعطيج العافية ظبيه

وبخصوص التجهيز لرمضان من ناحيتي ستاندر ولا شي :)

اووو عااد انت الحين تخرجت ..مايصير ناديك حااف
اختار لقب بسرعه .. :secret:

المهم مباارك عليك الشهر .. وعلى خالتك :(
والله يسهل عليكم طاعته ويتقبل صالح اعمالكم

الله يعاافيك وتسلم عالمشاركه و حيااك الله :omen2:
وتدري ..حلو لو تدخل البيت بعد هياته وبايدك شي لهم ..
من دون وصاايه
شي جاهز يحنط على طول عالسفره ..بستانسون :nice:
ظبيــღــه
17-07-2011, 11:05 PM
الله يبلغنا فيه وفي صيامه وقيامه

ومبروك عليكم جميعاً

اللهم امين ..
وجزاك الله كل خير :nice:
وتقبل الله منكم صالح اعمالكم ..
ظبيــღــه
17-07-2011, 11:06 PM
اول شي ممكن حد يترجم لي معنى "الهشر"


و ان شاء الله لي عوده لان الموضوع شيّق :victory:

هاا:looking:
لا عاادي..دفعة بلا عن الموضوع :secret:

وحيااك الله باي وقت ..وناطرين مشاركتك :nice:


:funny:



:secret:

:looking:
:shy:
ظبيــღــه
17-07-2011, 11:15 PM
اااااااااي احين فهمت ,, :o
شوفي احنا هالسنة من اول رجب وانا اقول حق امي خلينا نجهز ورانا عرس مابيكون لي خلق شي ,,
بس هي مطنشه :weeping: وكله بيطيح على راسي اخر شي ,,
بس ان شاءلله ,, راح نلف ورق العنب والسمبوسه بانواعها ,,
وبعد عجينه السبرنج رول ,, نحشيهم بالدياي ونجهزهم ,,
واذا تذكرين مسابقة الخفايف ( الفلافل ) اللي سويته ,, قلت راح اجمد كميه منهم كــ تجربه ,,
وبس والله ,, اما الخضره المجمده دااااااايما عندنا على مدار السنة ,, :victory:

:
:





:nice:
اذا امج مب فاضيه ..سوي الي تعرفينه بروحج وحطيهم بالفريزر..
حلاته تعسعسين بالليل وتشتغلين:nop: ..بعيد عن زعاج يهال وحنة اخواان :rolleyes2:

وقتها انتي وامج بترتاحون ..
سلميلي عليها :shy:




هذي مصطلحات شبابيه وين بتعرفها احين :tease:


اقولج ..:secret:
عمي هذي مصطلحات شبابيه مايعرفها الا مواليد الـ90 وفووق :secret:
الاهي وين موقعها ..للحين مادليتها :nop:
ظبيــღــه
17-07-2011, 11:16 PM
مافهمت عليج ظبيه تبين اسم الجمعيه ولا مشترياتنا من الجمعيه؟؟:telephone:

اي اسم الجمعيه ..
الميره ..كارفور..المخازن..اللولو..هايبرماركت..العزيزيه..س لوى ..
بخاطري اروح اللولو ..بس ادري مابودوني ..زحمة وبعيد ..:(
ظبيــღــه
17-07-2011, 11:27 PM
بعد ما سوينا ctrl + f

اكتشفت انها باغلب المشاركاات ..:sorry:

يله مثل ماقلنا ..دفعة بلا :p
غزلان
18-07-2011, 12:05 AM
اي اسم الجمعيه ..
الميره ..كارفور..المخازن..اللولو..هايبرماركت..العزيزيه..س لوى ..
بخاطري اروح اللولو ..بس ادري مابودوني ..زحمة وبعيد ..:(


النظام عندنا قبل رمضان بأيام قليله ياخذون الأشياء الأساسيه والباقي يوم بيومه

مافي مكان معين الغرض وين موجود هو يحدد المكان مرات من الميره واغلب المرات كارفور اللولو مب وايد قريب بس نضطر اذا مافيه نروح له
بو الجوري
18-07-2011, 10:21 AM
رجعت :.. مثل ما وعدتـج :.. :nice:

▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫
الصراحه للحين ماسوينا أي شي :.. كتجهيزات :.. :telephone:

▫▪₪▪▫- ايش الجديد عليكم بهالشهر عن بااقي شهور الصيام الي راحت ▪؟؟▫
مممم :.. لا جديد :.. اليهال نفسهم :.. و أمهم نفسها :.. :tease:
كان المفروض نكون في بيتنا الجديد في رمضان :.. لكن صار تأخير و ماخلصنا :.. :(

▫▪₪▪▫- وين نااوين تقضوون الشهر ▪؟؟▫

في ربوع قطر :.. :nice:

▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫

للحين يهال (ماتجاوزوا الـ5):.. ما يفهمون :.. بس حاليا إذا أصلي فالبيت :.. يصفون جنبي و يقلدوني :..

▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫

إن شاء الله ناوي أكثف روحاتي للمسجد :.. أكثر من العام :..
و أحاول أفطـر الفقاره :.. إن الله راد :.. و نزيد عمل الخير :..

▫▪₪▪▫- من وين ناويين تقضوون للبيت ▪؟؟▫

على قولة سااره :.. من القمعيه :.. و غالبا المخازن :.. لأن عندي كوبونات نجوم :.. :nice:

▫▪₪▪▫- متى يبدأ شغل التفريز وايش نفرز ▪؟؟▫

مممم :.. ما فرزنا و لا بنزفرز :..
بس أعتقد أختي تفرز ليمون نعناع :..:victory:

▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫
رمضان العام :.. كانت بداية المرض :.. و هو إلتهاب القولون :.. و ماكنت أدري وين العله :..:weeping:
فكنت مخفف أكل :.. و نزل وزني شوي :.. وعجبني الوضع :..
فإن شاء الله بحاول أخفف أكل :.. و أخليه آخر همي :.. :secret:

▫▪₪▪▫- ذكرياتكم مع هالشهر ▪؟؟▫

و الله أخوج نساي شوي :.. يعني ماعندي ذكريات على بالي حالياً :.. :(

▫▪₪▪▫- اداره .. ايش مجهزين لنا برمضاان ▪؟؟▫

مب قايلـج :.. سر :.. :tomato:

▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫

و الله أنا ناوي :.. أو بحاول أنزل مواضيع :.. إذا قدرت :.. :omen2:

▫▪₪▪▫- نصيحه ودك بها لغيرك تعينه بالخير على شهر الصيام ▪▫

أنصحـهم بتكثيف العباده :.. و فعل الخير :.. و قراءة القران :..
و يخففون من الأكل وقت الفطور :.. و وقت السحور :..
و حاولو تفطرون الفقاره الصايميين بأي طريقه :..



و الله يبلغنا رمضاااااااان :.. :)
بو خليفه 123
18-07-2011, 12:06 PM
بسم الله و توكلنا على الله
و شكراً لغزلان و بنات اخوي ساره و ظبيه على الترجمه


▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫



بحكم اني مسؤول عن اسره , علي اني ادفع و اجيب المونه و اغراض المنزل الرمضانيه


▫▪₪▪▫- ايش الجديد عليكم بالهشر عن بااقي شهور الصيام الي راحت ▪؟؟▫


الهشر هذا يتميز عن باقي الهشهور ..

الحر والرطوبه ..


▫▪₪▪▫- وين نااوين تقضوون الشهر ▪؟؟▫



المكتب - المنزل - المسجد - المجلس - صلة الرحم و زيارة اصدقاء الوالد الله يرحمه


▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫


نتعامل معهم بدون نفس .. و الي يستخف دمه قبل الفطور بالعقال

حضور الابناء معي بالمسجد واجب علي كـ أب , و تلاوة القرآن , والصيام على حسب العمر الي يصوم نص يوم و الي يصوم اليوم كله ..


▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫


المواضبة على التراويح و قيام الليل ان شاء الله ..


▫▪₪▪▫- من وين ناويين تقضوون للبيت ▪؟؟▫


توني اكتشفت انه عندي 80 ألف نقطة نجوم في كيوتل .. بحولهم الى كوبونات للمخازن الكبرى و بتقضى فيهم اغراض البيت :tease:


▫▪₪▪▫- نسواان .. متى يبدأ شغل التفريز وايش نفرز ▪؟؟▫


اي تفريز ؟ تبون مساعده ؟ :p


▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫



الحمدالله وزني معتدل لكن لا بد من المحافظه على الرياضه لانها جزء لا يجزأ من حياتي لو على الاقل اركض 2 كم ارتاح نفسياً


▫▪₪▪▫- ذكرياتكم مع هالشهر ▪؟؟▫


جمعة الأهل ...


▫▪₪▪▫- اداره .. ايش مجهزين لنا برمضاان ▪؟؟▫


توزيع اسهم صناعات على كل عضو مميز :nice:


▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫



لكل حادث حديث ان شاء الله


▫▪₪▪▫- نصيحه ودك بها لغيرك تعينه بالخير على شهر الصيام ▪▫


انصحكم بصلة الرحم .. والصلاه .. والصلاه .. والصلاه .. لان الصلاه تقودنا الى اعمال كثيره من الخير بالفطره .

وغيرها من الاسئله ..

خلاص نشفتي ريقي
meme~qatar
20-07-2011, 06:36 AM
اول شي مبروك عالتمييز :victory:

ثاني شي مبارك عليج الشهر .. والله يعينكم على طاعته :victory:

ثالث شي الله يسهل عليج كل امور حياتج.. ونااطرين الموضووع ..
عسااه بس يختص بالاكل :looking:

اول شي الله يبارك فيج
ومبروك عليج التميز تستاهلين عن جدارة:nice:

ثاني شي علينا وعليج وكل عام وانتي بخير :)

ثالث شي كان بودي انزل موضوع عن الاكل بس مابي احطم الاعضاء فغيرت الخطة

وبخصوص الخطة .. راجعي الخاص لا هنتي يا ام الخير :telephone:

ظباية اتمنى يصير :shy:
sara jsm
21-07-2011, 07:34 PM
:nice:
اذا امج مب فاضيه ..سوي الي تعرفينه بروحج وحطيهم بالفريزر..
حلاته تعسعسين بالليل وتشتغلين:nop: ..بعيد عن زعاج يهال وحنة اخواان :rolleyes2:


خلصت كل شي ,, :shy: هاي فريزر رمضان :nice:

http://dc14.arabsh.com/i/03191/3w1xkuvpmw30.jpg

انا شاطرة :shy:
ظبيــღــه
22-07-2011, 01:03 AM
النظام عندنا قبل رمضان بأيام قليله ياخذون الأشياء الأساسيه والباقي يوم بيومه

مافي مكان معين الغرض وين موجود هو يحدد المكان مرات من الميره واغلب المرات كارفور اللولو مب وايد قريب بس نضطر اذا مافيه نروح له

اهااا هلوون يعني i see i see
الحلو في هالطريقه ان تظمنين ان مايكون في شي زايد عن الحاجه
او بكميه كبيره ..
ماشااءالله .. شكرا غزلان على مشاركتج .. :nice:
ومبارك عليج الشهر مرة ثاانيه
ظبيــღــه
22-07-2011, 03:59 AM
رجعت :.. مثل ما وعدتـج :.. :nice:

▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫
الصراحه للحين ماسوينا أي شي :.. كتجهيزات :.. :telephone:

▫▪₪▪▫- ايش الجديد عليكم بهالشهر عن بااقي شهور الصيام الي راحت ▪؟؟▫
مممم :.. لا جديد :.. اليهال نفسهم :.. و أمهم نفسها :.. :tease:
كان المفروض نكون في بيتنا الجديد في رمضان :.. لكن صار تأخير و ماخلصنا :.. :(

▫▪₪▪▫- وين نااوين تقضوون الشهر ▪؟؟▫

في ربوع قطر :.. :nice:

▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫

للحين يهال (ماتجاوزوا الـ5):.. ما يفهمون :.. بس حاليا إذا أصلي فالبيت :.. يصفون جنبي و يقلدوني :..

▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫

إن شاء الله ناوي أكثف روحاتي للمسجد :.. أكثر من العام :..
و أحاول أفطـر الفقاره :.. إن الله راد :.. و نزيد عمل الخير :..

▫▪₪▪▫- من وين ناويين تقضوون للبيت ▪؟؟▫

على قولة سااره :.. من القمعيه :.. و غالبا المخازن :.. لأن عندي كوبونات نجوم :.. :nice:

▫▪₪▪▫- متى يبدأ شغل التفريز وايش نفرز ▪؟؟▫

مممم :.. ما فرزنا و لا بنزفرز :..
بس أعتقد أختي تفرز ليمون نعناع :..:victory:

▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫
رمضان العام :.. كانت بداية المرض :.. و هو إلتهاب القولون :.. و ماكنت أدري وين العله :..:weeping:
فكنت مخفف أكل :.. و نزل وزني شوي :.. وعجبني الوضع :..
فإن شاء الله بحاول أخفف أكل :.. و أخليه آخر همي :.. :secret:

▫▪₪▪▫- ذكرياتكم مع هالشهر ▪؟؟▫

و الله أخوج نساي شوي :.. يعني ماعندي ذكريات على بالي حالياً :.. :(

▫▪₪▪▫- اداره .. ايش مجهزين لنا برمضاان ▪؟؟▫

مب قايلـج :.. سر :.. :tomato:

▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫

و الله أنا ناوي :.. أو بحاول أنزل مواضيع :.. إذا قدرت :.. :omen2:

▫▪₪▪▫- نصيحه ودك بها لغيرك تعينه بالخير على شهر الصيام ▪▫

أنصحـهم بتكثيف العباده :.. و فعل الخير :.. و قراءة القران :..
و يخففون من الأكل وقت الفطور :.. و وقت السحور :..
و حاولو تفطرون الفقاره الصايميين بأي طريقه :..



و الله يبلغنا رمضاااااااان :.. :)

ولكم بااك ..
اشكرك عالتواجد والمشاركه ..ماقصرت :nice:
عسى الله يبلغنا رمضاان ..ويتقبل منا ومنكم صالح الاعمال..
ماشااءالله ..الله يحفظ لك اليهال ..انا عندي اختي ام 7 سنين ..
سويت لها جدول للصلاه وبدت فيه من اسبووع من اني مجهزته حق رمضاان ..:p
يالله ..من الحين الين العيد ..تكون تعودت ..وتصليها من دون حنه على الراس :secret:

:(
بخصوص ان ليش الاغلب يشتكي من القالون ..؟؟:weeping:
يالله عساكم ماتشوفون شر ..حاسبوا على روحكم
لا تحرمونها ..بس خففوا :(

وتسلم عالنصيحه ..وجزاك الله كل خير
وان شااءالله تتسهل الامور ويجهز البيت قريب ..وترتاح من هم كبير:rolleyes2:
ظبيــღــه
22-07-2011, 04:02 AM
بسم الله و توكلنا على الله
و شكراً لغزلان و بنات اخوي ساره و ظبيه على الترجمه


▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫



بحكم اني مسؤول عن اسره , علي اني ادفع و اجيب المونه و اغراض المنزل الرمضانيه


▫▪₪▪▫- ايش الجديد عليكم بالهشر عن بااقي شهور الصيام الي راحت ▪؟؟▫


الهشر هذا يتميز عن باقي الهشهور ..( :p)

الحر والرطوبه ..


▫▪₪▪▫- وين نااوين تقضوون الشهر ▪؟؟▫



المكتب - المنزل - المسجد - المجلس - صلة الرحم و زيارة اصدقاء الوالد الله يرحمه


▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫


نتعامل معهم بدون نفس .. و الي يستخف دمه قبل الفطور بالعقال

حضور الابناء معي بالمسجد واجب علي كـ أب , و تلاوة القرآن , والصيام على حسب العمر الي يصوم نص يوم و الي يصوم اليوم كله ..


▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫


المواضبة على التراويح و قيام الليل ان شاء الله ..


▫▪₪▪▫- من وين ناويين تقضوون للبيت ▪؟؟▫


توني اكتشفت انه عندي 80 ألف نقطة نجوم في كيوتل .. بحولهم الى كوبونات للمخازن الكبرى و بتقضى فيهم اغراض البيت :tease:


▫▪₪▪▫- نسواان .. متى يبدأ شغل التفريز وايش نفرز ▪؟؟▫


اي تفريز ؟ تبون مساعده ؟ :p


▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫



الحمدالله وزني معتدل لكن لا بد من المحافظه على الرياضه لانها جزء لا يجزأ من حياتي لو على الاقل اركض 2 كم ارتاح نفسياً


▫▪₪▪▫- ذكرياتكم مع هالشهر ▪؟؟▫


جمعة الأهل ...


▫▪₪▪▫- اداره .. ايش مجهزين لنا برمضاان ▪؟؟▫


توزيع اسهم صناعات على كل عضو مميز :nice:


▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫



لكل حادث حديث ان شاء الله


▫▪₪▪▫- نصيحه ودك بها لغيرك تعينه بالخير على شهر الصيام ▪▫


انصحكم بصلة الرحم .. والصلاه .. والصلاه .. والصلاه .. لان الصلاه تقودنا الى اعمال كثيره من الخير بالفطره .

وغيرها من الاسئله ..

خلاص نشفتي ريقي :tease:

ياهلا بـ بوخليفه ..:pioneer:

ماشااءالله ..الله يعطيك الصحه والعافيه
والله يعينا عالحر والرطووبه ...زياادة اجر :nice:
وعسى الله يتقبل منكم صالح الاعمال ..
ورحمة الله على ابووك ..وعسى مثواه الفردوس الاعلى ..قول امين

تسلم عالنصيحه وجزااك الله كل خير
على فكره الاداره .. صار لها فتره ادور على شخص يمشي و يطلع اشاعاات وصناعاات..حااسب اوكي:looking:
وشكرا لكم ..:shy:
والاهم شكرا على الاستلام ..:p
ظبيــღــه
22-07-2011, 04:03 AM
خلصت كل شي ,, :shy: هاي فريزر رمضان :nice:

http://dc14.arabsh.com/i/03191/3w1xkuvpmw30.jpg

انا شاطرة :shy:

ماشاااءالله ..انتي كدا :nice:
سااره خلصت ..وانا للحين مابديت :secret::shy:

صبري انبش بفريزركم ..
اممممم
ورق عنب ..(الرسمه عجيبه الصراحه ..:shy:)
سبرنغ رول دجاج
سمبوسه خضره
سمبوسه بطاطا
فلافل
والاخيره امممم جبن بالسمبوسه :confused:

لاماشااءالله ..حمستيني الصراحه :nice:
ان شااءالله من باجر ابتدي ..:app2:
تسلم ايدج ..وعليكم بالعاافيه ..
ظبيــღــه
22-07-2011, 04:12 AM
اول شي الله يبارك فيج
ومبروك عليج التميز تستاهلين عن جدارة:nice:

ثاني شي علينا وعليج وكل عام وانتي بخير :)

ثالث شي كان بودي انزل موضوع عن الاكل بس مابي احطم الاعضاء فغيرت الخطة

وبخصوص الخطة .. راجعي الخاص لا هنتي يا ام الخير :telephone:

ظباية اتمنى يصير :shy:

سوري طوفت ردج ..اسفه اخر مره ..:secret:

ويبارك فيج ..شكرا :shy:
وعلينا وعليج يارب ..

لا لا لا تخافين محد بتحطم ..نبي اكل:shy:

وعن الخااص ..قولي ياارب يصير ..
انا وحده وقتها مش بايدها ..مع ذلك بحاول ..وان شااءالله خير:(
رُفق المجنّا
22-07-2011, 05:43 AM
السّلام عليكم وأبارك لـ الجميع بقدوم الشّهر الفضيل الله يعيننا ويعينكم ع صيامه وقيامه

وهذه هي الأجوبة

▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫
التّجهيز قائم ع أساس إني أحاول أستغل هذا الشهر في العبادة وتخسيس الوزن , كما أنّه سيكون أوّل شهر أصومه بالكامل بعد سنتين.


▫▪₪▪▫- ايش الجديد عليكم بالهشر عن بااقي شهور الصيام الي راحت ▪؟؟▫
رمضان 2009 و 2008 صمتها برّا قطر وهذا بحد ذاته شئ جديد ومفرح لي .


▫▪₪▪▫- وين نااوين تقضوون الشهر ▪؟؟▫
في البيت وإن شاء الله تكون لي سفرة لـ العمرة وأمور أخرى .


▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫
التدريب والحث ع العبادات وأخذهم لـ أماكن الفعاليّات الدينيّة حتى نزرع حب هذا الشهر الكريم في قلوبهم.


▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫
كعادتي في كل زيارة لـ الدّوحة ,, سيكون هنالك مسابقات دينية ثقافيّة داخل محيط العائلة فقط :)


▫▪₪▪▫- من وين ناويين تقضوون للبيت ▪؟؟▫
هذه مهمّة الوالدة الله يطوّل في عمرها وعمر من يقرأ.


▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫
والله رمضان فرصة لـ التخسيس وأنا حاليّاً أجهز نفسي بتقليل الأكل والرياضة أحياناً


▫▪₪▪▫- ذكرياتكم مع هالشهر ▪؟؟▫
من أجمل الأيّام وتوديعه حزن عميـــــــــق

▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫
ما فيه شئ بالبال ولكن إن شاء الله نشارككم في كل المواضيع.


▫▪₪▪▫- نصيحه ودك بها لغيرك تعينه بالخير على شهر الصيام ▪▫ ؟
فرصة لا تعوّض ولا ندري متى قضاء الأجل
sara jsm
22-07-2011, 06:33 AM
ماشاااءالله ..انتي كدا :nice:
سااره خلصت ..وانا للحين مابديت :secret::shy:

صبري انبش بفريزركم ..
اممممم
ورق عنب ..(الرسمه عجيبه الصراحه ..:shy:)
سبرنغ رول دجاج
سمبوسه خضره
سمبوسه بطاطا
فلافل
والاخيره امممم جبن بالسمبوسه :confused:

لاماشااءالله ..حمستيني الصراحه :nice:
ان شااءالله من باجر ابتدي ..:app2:
تسلم ايدج ..وعليكم بالعاافيه ..

ههههههههههههههههههههههههه
الاخير ميني سمبوسه :shy:
والرسمه حق الخدامه ,, :secret: توهقت مااعرف ورق عنب بالانجليزي شنو ,,
وهيك كاتبه عليهم نصه عربي ونصه انجليزي عربي :tease:
ظبيــღــه
27-07-2011, 04:20 AM
السّلام عليكم وأبارك لـ الجميع بقدوم الشّهر الفضيل الله يعيننا ويعينكم ع صيامه وقيامه

وهذه هي الأجوبة

▫▪₪▪▫- ايش هي تجهيزاتكم بشكل عام .. شبااب بنااات ▪؟؟▫
التّجهيز قائم ع أساس إني أحاول أستغل هذا الشهر في العبادة وتخسيس الوزن , كما أنّه سيكون أوّل شهر أصومه بالكامل بعد سنتين.


▫▪₪▪▫- ايش الجديد عليكم بالهشر عن بااقي شهور الصيام الي راحت ▪؟؟▫
رمضان 2009 و 2008 صمتها برّا قطر وهذا بحد ذاته شئ جديد ومفرح لي .


▫▪₪▪▫- وين نااوين تقضوون الشهر ▪؟؟▫
في البيت وإن شاء الله تكون لي سفرة لـ العمرة وأمور أخرى .


▫▪₪▪▫- الاطفال ..كيف نتعامل معاهم ..من حيث الصلاة والصيام ▪؟؟▫
التدريب والحث ع العبادات وأخذهم لـ أماكن الفعاليّات الدينيّة حتى نزرع حب هذا الشهر الكريم في قلوبهم.


▫▪₪▪▫- النشاطات الدينيه المقرره للشهر سواء جماعيه او فرديه ▪؟؟▫
كعادتي في كل زيارة لـ الدّوحة ,, سيكون هنالك مسابقات دينية ثقافيّة داخل محيط العائلة فقط :)


▫▪₪▪▫- من وين ناويين تقضوون للبيت ▪؟؟▫
هذه مهمّة الوالدة الله يطوّل في عمرها وعمر من يقرأ.


▫▪₪▪▫- اهل الدايت .. شخباركم .. جدولكم الرمضاني ..ولا عليكم امر ▪؟؟▫
والله رمضان فرصة لـ التخسيس وأنا حاليّاً أجهز نفسي بتقليل الأكل والرياضة أحياناً


▫▪₪▪▫- ذكرياتكم مع هالشهر ▪؟؟▫
من أجمل الأيّام وتوديعه حزن عميـــــــــق

▫▪₪▪▫- اعضااء.. ايش مجهزين لنا من سلسلة مواضيع للشهر (اذا ماكنتوا ..كونوا )▪؟؟▫
ما فيه شئ بالبال ولكن إن شاء الله نشارككم في كل المواضيع.


▫▪₪▪▫- نصيحه ودك بها لغيرك تعينه بالخير على شهر الصيام ▪▫ ؟
فرصة لا تعوّض ولا ندري متى قضاء الأجل


وعليكم السلام ورحمة الله وبركااته

الف شكر لك على مشاركتك ووقتك معانا
وعساه شهر مبارك عليكم .. وتقبل الله منكم صالح الاعمال

ماشااءالله .. الله يوفقك في دراستك ويعينك على الغربه ومرها

ولك الشكر مره ثانيه على مشاركتك .. ماقصرت
وكل عام وانتو بخير
ظبيــღــه
27-07-2011, 04:25 AM
ههههههههههههههههههههههههه
الاخير ميني سمبوسه :shy:
والرسمه حق الخدامه ,, :secret: توهقت مااعرف ورق عنب بالانجليزي شنو ,,
وهيك كاتبه عليهم نصه عربي ونصه انجليزي عربي :tease:

اهاا .. ميني
انا جفت رسمة مثلث قلت يمكن تقصد جبن المثلثات :tease:
احنا الميني نحشيه بسكر ودارسين :victory:

وعلى فكره لحد الحين ماجهزت شي:secret: :weeping:
sara jsm
27-07-2011, 03:17 PM
اهاا .. ميني
انا جفت رسمة مثلث قلت يمكن تقصد جبن المثلثات :tease:
احنا الميني نحشيه بسكر ودارسين :victory:

وعلى فكره لحد الحين ماجهزت شي:secret: :weeping:

اش ناطرة :anger1:
ماتعرفين تحنين :sneaky: