استشارة عن بلاط البيت وارجوا الرد ب أمانه

[عابرة سبيل]

السلام عليكم ورحمة الله وبركاته

اليوم اخواني رحت ل الغانم للسيراميك بشارع سلوى وحصلت عندهم بورسلان صيني درجة اولى aaa حلو الصراحة وحجمه 60×60 ولون لمعه حتى انه مركبة على ارضيات محله وشفت بورسلان اسباني مش حلو بعد المقارنة بهالنوع
المهم عطاني نهاية المتر 42 ريال وقال هذا سعرة حتى بالسعوديه ارجوا الافاده عن السعر نفس السعودية او لا وهل حد جرب الصيني لان بيتي كبير حسب لي تقريبا 420 متر حوالي 37 الف وقال بيسوي لي خصم اذا جبت له القياسات الصحيحه لان هالامتار تقريبية من غير الملاحق
ارجوا الافاده والله المستعان
وجزاكم الله خير الجزاء
اخوكم بو محمد

[عابرة سبيل]

بكره باروح المهيب مدحوة قالوا ارخص وبعد بيت الاحساء
وربنا يوفقنا

[بن رومي]

اذا السيراميك جودته ممتازه

ويضمن انه زواياه 90 درجه ومستواه واحد

فيكون سعرة جيد

(( ولا تنسى اي وقت احتجت لمتر او اكثر دق سلف وروح له .... افضل من انك تروح السعوديه الا اذا عندك مشاريع بتوفر صح ))

والله يوفقك

بن رومي

[aljaber1]

لو تروح السعوديه اكيد بتوفر وبتلقى انواع والالوان اكثر
الله يوفقك ويسعدك

[عابرة سبيل]

شلون 90 مافهمت اخوي بورسلان هو مش سيراميك لانه قال اذا سيراميك وصيني فهو مش جودة بعدين هو قال الضمان على اللمعه لكن التركيب على الشخص لي بيركبه والكسر يقول كل الانواع تتكسر
وماعرف ايش اسوي
ومشكور يابن رومي على ردك لا خلا ولا عدم

[بن رومي]

شلون 90 مافهمت اخوي بورسلان هو مش سيراميك لانه قال اذا سيراميك وصيني فهو مش جودة بعدين هو قال الضمان على اللمعه لكن التركيب على الشخص لي بيركبه والكسر يقول كل الانواع تتكسر
وماعرف ايش اسوي
ومشكور يابن رومي على ردك لا خلا ولا عدم

اخوي عابر سبيل

بعض الانواع مثلاً يجيك 60 في 60

لو اتقايسه يطلع 60 في 60 و 2 ملم
او 59 و 8 في 60 و 1 ملم

هذا يؤثر في التركيل وعلاجه اتكبر الفراغ اللي بين البلاطتين

اما الطامة الاكبر يكون غير متساوي افقي وهذا ماله علاج الا انك اتخللي المرتفع على مستوى العام ويكون في موضع ذاري واغلب الاحيان تكون اطبل بعد التركيب
او تستعمل البلاطة الغير مستوية في النعلات

ارجو ان تكون وصلت المعلومه

[بن غيث]

الله يوفقك يا عابر سبيل
كلام بن رومي صحيح
بس نصيحة كل ما اخذت المقاسات الاقل كان افضل
صج انه بيطلع اغلى في التركيب لكن احتمال تكسيره اقل

[بن رومي]

الله يوفقك يا عابر سبيل
كلام بن رومي صحيح
بس نصيحة كل ما اخذت المقاسات الاقل كان افضل
صج انه بيطلع اغلى في التركيب لكن احتمال تكسيره اقل

ما عليك زود يا بن غيث

صحيح البلاطه الكبيره في المساحات الصغيرة تضيق المكان والعكس

كل شي وله شي

[عابرة سبيل]

يعطيكم العافية
بس اللحين السعر شرايكم رخيص ولا لا
اذا لا فيه محل ارخص
وشاكر لكم جميعا

[خبير صيانة]

طبعا السعوديه ارخص وبكثير لاكن انصح خد القياسات مظبوط وذيد 10% علي المقاس علشان اذا احتجت ما تروح السعوديه تجيب كام متر

[عابرة سبيل]

تشكر ويعطيك العافيه

[خالد32]

مر على سيراميك الخليج - شارع سلوى قريب سوق الخميس و الجمعة
عنده شوية اشياء حلوة و اسعاره رخيصه بالنسبه لقطر

اما الرياض ارخص يمكن اقل من النص بس فيه شحن و جمارك ماتعدي 3000

[ورقــة أمــل]

ركبنا سيراميك صيني من سنتين تقريبا

لاحظت كم بلاطة متشلخه

[خبير صيانة]

اخي اهم من اختيار البلاط تاكد من الدفان اللي تحت البلاط معظم المشاكل اللي بتقابلنا في شغلنا عدم الاهتمام بلدفان وبعد الانتهاء من التركيب بس سنه او اقل ويهبط البلاط ويصير مشاكل واجد

[عابرة سبيل]

يعطيكم العافية وما قصرتوا

[بوالبيض]

بلاط الحوش الاحساء انا ماخذ سعودي تبي بعطيك رقمي وتعال البيت شوفه وبيت الاحساء خذت المتر 41 والحين ارخص 40 يجيبه لك لين البيت ومقوي بعد مو العادي واخذ العادي مو الي فيه فتحات لانها تجمع الوصاخه فيها عن نصيحه من المقاول قال لي روحه له قديم وزين

[فويرط]

بلاط الحوش الاحساء انا ماخذ سعودي تبي بعطيك رقمي وتعال البيت شوفه وبيت الاحساء خذت المتر 41 والحين ارخص 40 يجيبه لك لين البيت ومقوي بعد مو العادي واخذ العادي مو الي فيه فتحات لانها تجمع الوصاخه فيها عن نصيحه من المقاول قال لي روحه له قديم وزين



مرحبا
انا باخذ بلاط الحوش من السعودية (الرياض) تجيك البلاطة سمكها كبير ونوعيتها زينه ، حصلت المتر بــ (21) ريال ، لا وبعد تختار لون البلاطة اللي تبيها ، لان عندهم ديزاينات والوان ، والالوان اللي داخل البلاط انت تختاره ، وعندي كتلوج من ورقتين لهذا المصنع .. عندي مجموعة من الكتالوج ماخذه من عنده .. اذا بغيت كلمني
موفق خير

[@north_star@]

البلاط الصينى ما يصلح ويتشلخ بعد فترة ولونه يطفي او يتغير واللي بيحط بورسلان يحط ايطالي او اسبانى والمتر يبدا من 125 ريال وفوق